Shtatgjatësia e Kastriotit

vlug · 15.6.2007, 23:21

Duke qenë se gjatësia e Heroit shqiptar është diskutuar shumë, këtu po mjaftohemi të sjellim dokumenta të kohës që përbëhen nga korespondenca e Kastriotit me Republikën e Venedikut, për të treguar gjatësinë e vërtetë të Kastriotit.

Citim:

Sipas marrëveshjes shqiptaro-venedikase që u lidh më 4 tetor 1448, senati mori përsipër t’i dërgonte Skënderbeut sfofë skarlate të mjaftueshme për dy palë petka në vit. Duket se Venediku nuk e kishte plotësuar këtë kusht të marrëveshjes. Skënderbeu ua kishte kujtuar disa kohë më parë dhe “zotërinjtë” e republikës kishin pranuar t’i dërgonin atij 16 kut cohë të kuqe për dy palë petka, aq sa nevojiteshin për një burrë me shtat të zakonshëm.

Por Skënderbeu e porositi protonotarin që të fliste me zotërinjtë e Venedikut edhe për çështjen e cohës që nevojitej për të duke pasur parasysh trupin e tij. “Le ta shqyrtojmë atë vetë – shkruan në letrën e tij vetë Skëndebeu – sa cohë më duhet për ato dy palë rroba dhe të më japin aq sa të shohin të arsyeshme se unë mund të kem nevojë”. Në bazë të informatave të venedikasve, të cilat ndoshta ua dha vetë Gjergj Pelini (protonotari i Kastriotit. Vlug), senati vendosi t’i dërgonte Skënderbeut, në përshtatje me trupin e tij, jo 16 kut sa ju dërgonte të tjerëve, por 18 kut cohë të kuqe.

Ç’del nga kjo? Po të marrim parasysh se në Venedik kuti (brachia, K.F) ishte 58 centimetra dhe gjerësia e cohës ishte afërsisht sa gjysma e stofit të sotëm, del se për veshjen mesjetare të një njeriu të zakonshëm (dolloma, K.F) duheshin 8 kut, pra 4,64 metra (afërsisht 2,3 metra të stofit të sotëm, K.F), kurse për veshjen e Skënderbeut nevojiteshin 9 kut, pra 5,22 metra (afërsisht 2,60 metra të stofit të sotëm, K.F).

Kjo do të thotë se për Heroin tonë duheshin 30 centimetra më tepër se për njeriun e zakonshëm. Nëse për burrë të zakonshëm konsiderojmë një njeri të lartë 1.70 deri 1.75 metra del se Skënderbeu duhet të ketë qenë rreth 2 metra i lartë.

^{Burimi. Kristo Frashëri. Letrat e Skënderbeut. Studime për epokën e Skënderbeut, f. 199-200. Tiranë 1989.}

49572 · 16.6.2007, 04:40

Gjithashtu vlen të thuhet dhe pesha e shpatës që përdorte, siç përmendet tek çështja e armëve:

Citim:

Për veç ktyne në sallën e armëve historike të museumit të Vienës gjindet dhe nji tjetër e cila quhet si nji nga shpatat e Gjergj Kastriotit dhe asht shënue n'inventarin mbajtun në vitin 1593. Kjo shpat të jep të besosh nga pesha e randë dhe nga gjatësija se Kastrioti në nji të sjellme i ndante në dy pjesë trupat e armiqvet ma të mdhej të tij, tyrqve. Kjo shpatë qi gjendet në sallonin XXV, rafti II Nr.92(143), gjatsija e ksaj vegle ushtarake asht 121 cm dhe doreza asht e zbukurue me ar dhe me lëkurë. Pesha e gjith asht 3.2kg.

Shpatat mesjetare kanë qenë të peshave 600-800 gr, ndërsa këtu bëhet fjalë për 3.2kg! Argumenti ngrihet tek fuqia e krahut gjë që në lidhje dhe me peshën 3kg të përkrenares dhe analizën e veshjeve lart, jep idenë e një burri të gjatë e të bëshëm. Këto janë dhe fjalët e gazetarit austriak kur sheh shpatën:

Citim:

Dhe kjo shpatë! Kush mundet me e mbajtë kët shpatë?! Kush asht i zoti dhe i fuqishëm me e rrotullue këtë armë kundër anmikut të tij? Vetëm nji hero pajosun me fuqi të nji gjiganti e me nji krahë e cila të jetë prej çeliku.

Veç propagandës dumbabiste, gabimi vulgar është fakti se disa persona që "kanë parë shpatën", kanë parë kopjen e modelit 600 gr ndaj dhe flasin kodra pas bregu me një kompetencë që s'iu përket. Dy të tjerat nxirren më rrallë.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Tituj të ngjashëm
Çështja
Bashkëpunimi i Kastriotit me Vlad Tepeshin nga sub028937 në danën "Arbëri"