Bregdet: Deti “sulmon” tokën, ikin 200 metra

49572 · 17.6.2007, 08:04

Citim:

Deti “sulmon” tokën, ikin 200 metra

Relievi i bregdetit në Durrës, 20 vitet e fundit ka bërë ndryshime drastike. Ky fakt vihet re fare mirë, po të kihet parasysh se bunkerët kanë qenë të vendosur më shumë se 10 metra larg, në breg. Ndërsa sot, shumë prej tyre janë futur në ujë përreth 150-200 metra.

Ky fenomen ka ardhur duke u bërë evident vitet e fundit, ku uji i detit po gllabëron gjithnjë e më shumë sipërfaqe, të cilat më parë kanë shërbyer për plazhe. Vënia dorë në bregdet ka shkaktuar fenomenin e përmbytjes së një pjese të madhe të vijës bregdetare. Relievi bregdetar ka pësuar ndryshime të ndjeshme pas viteve ‘90. Disa qindra metra plazh tashmë nuk ekzistojnë më, pasi deti i ka përmbytur ato. Tregues i pushtimit të vijës bregdetare nga ana e ujit janë qendrat e zjarrit (bunkerët), të cilët dikur ndodheshin pranë vijës së ujit, ndërsa sot janë 150 deri 200m brenda në det.

Ky fenomen ka ndodhur në Porto-Romano, në Kepin e Palit, në Rrushkull, Sektorin Rinia si dhe në të dyja anët e grykëderdhjeve të lumenjve Ishëm dhe Erzen.

Sipas ambientalistit Vlash Grami, “kjo që ka ndodhur në vijën bregdetare të Durrësit është vepër e mirëfilltë e aktivitetit njerëzor. Depozitimi i mbeturinave inerte në det dhe pushtimi i sipërfaqeve detare, shfrytëzimi pa kriter i shtretërve të lumenjve, shpyllëzimi i bimësisë bregdetare, janë disa nga shkaqet të cilat kanë çuar në këtë fenomen”, - tha ai.

Deti në një farë mase ka kompensuar atë që i është marrë në tjetër vend. Ky fenomen po ndodh edhe pranë plazhit të Currilave te zona e Bërrylit. Deti është afruar mbi 10 metra, duke marrë një sipërfaqe të mirë të bregut dhe kjo në kompensim të pushtimit të tij më tej ku janë depozituar mbeturinat inerte.

Sipas ambientalistëve, ky fenomen do të vazhdojë me të njëjtin ritëm, derisa të vendoset paqja mes dorës së njeriut dhe detit. Fenomeni i ndryshimit të relievit të detit ka ndodhur në harkun kohor të 20 vjetëve të fundit. Qendrat e zjarrit apo bunkerët siç quhen ndryshe në zhargon, u ndërtuan në fillim të viteve ‘80 dhe që nga ajo kohë deti vetëm se ka gërryer tokën, duke marrë sipërfaqe rëre që dikur ishin plazhe të frekuentueshme nga ana e banorëve të këtyre zonave.

“Ndërkohë, vegjetacioni pas prerjeve të pyjeve në bregdet ka nisur ta marrë veten, por ai duhet të ruhet nga ana e organeve kompetente, si dhe nga vetë komunitetet”, - thotë Grami në vijimësi të shqetësimit të tij për këtë fenomen.

Mjedisi SOT 117 | Pranverë 2007 | 4

vacuum · 22.7.2007, 14:32

Po kjo gjë është shumë e vërtet, por duhet theksuar se nuk është vetëm dora e njeriut shkaktare e kësaj grryerje, vet zona e bregdetit të Durrësit është në një ulje të vazhdueshme tektonike. Që më par diheshe për avancimin e detit drejt tokës prandaj nuk bëheshin ndertime ne bregdet. Një te tillë e shohim dhe ne Velipoj ku deti ka gërryer kto 5 vitet e fundit një mas të madhe toke.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

22.7.2007, 14:32	#2
vacuum Pshycho Anëtarësuar: 3.2007 Vendndodhja: Atje	Po kjo gjë është shumë e vërtet, por duhet theksuar se nuk është vetëm dora e njeriut shkaktare e kësaj grryerje, vet zona e bregdetit të Durrësit është në një ulje të vazhdueshme tektonike. Që më par diheshe për avancimin e detit drejt tokës prandaj nuk bëheshin ndertime ne bregdet. Një te tillë e shohim dhe ne Velipoj ku deti ka gërryer kto 5 vitet e fundit një mas të madhe toke.