Çdo shqiptar një pemë

49572 · 17.6.2007, 16:33

Citim:

Çdo shqiptar të mbjellë një pemë
Ekolëvizja / 5 shkurt 2005

”Çdo shqiptar një pemë”, kjo është motoja e fushtës së iniciuar nga Ministria e Mjedisit, Pyjeve dhe Administrimit të Ujrave (MMPAU) në 84 vjetorin e shërbimit Pyjor Shqiptar.

Kjo mendohet të jetë një nismë që do të thellohet në përmasa mbarëkombëtare gjatë viti 2007, me synim sensibilizimin e shoqërisë shqiptare për mbjelljen e sa më shumë pemëve. Dëmtimi i pyjeve, prerja dhe transporti kondrabandë i lëndës drusore, sipas Ministrisë së Mjedisit, Pyjeve dhe Administrimit të Ujrave, janë ulur në mënyrë të konsiderueshme, si rezultat i bashkëpunimit me prokuroritë në rrethe, më ndihmën e të cilave janë vënë para përgjegjësisë ligjore deri dhe me heqje lirie, rreth 90 persona në të gjithë vendin. Në vitin 2006 janë mbajtur 3155 procesverbale për dëme në pyje ose sa 95 përqind e proçes- verbaleve të mbajtur një vit më parë, gjë që shpjegohet me uljen e dëmeve në krahasim me vitin 2005.

Të dhënat e kësaj ministrie tregojnë se numri i drurëve të prerë gjatë vitit 2006 u ul me 28 përqind krahasuar me vitin 2005, kurse vëllimi i tyre ka qenë rreth 30 përqind më i vogël se sa një vit më parë. Gjatë vitit të kaluar janë sekuestruar mbi 8000 m3 material drusor i prerë në mënyrë të paligjshme ose 32 përqind me shumë se sa një vit më parë. Specialistët e Ministrisë së Mjedisit, Pyjeve dhe Administrimit të Ujërave konstatojnë se angazhimi dhe mbështetja më e mirë e pushtetit në nivel komune për rritjen e vjeljeve të gjobave, do të ndikonte ndjeshëm në uljen e mëtejshme të dëmeve në pyje.

Sipas tyre, zjarret në vitin 2006 ishin pothuaj po aq sa në vitin 2005, 176 raste, por ajo që ka më shumë rëndësi është fakti se sipërfaqet e djegura kanë qënë shumë më të vogla: gjatë vitit 2006 sipërfaqja e djegur në pyje është sa 34 përqind e sipërfaqes së djegur një vit më parë, kurse në kullota ajo është sa 17.4 përqind e djegieve të vitit 2005.

Synimi i Ministrisë së Mjedisit, Pyjeve dhe Administrimit të Ujërave për vitin 2007 do të fokusohet në organizimin e sistemit të vrojtim sinjalizimit, lëvizjen më të shpejtë dhe kualifikimin më të mirë të personelit pyjor, si dhe me ndërgjegjësimin në rritje të komuniteteve lokale, dëmet nga zjarret në pyje dhe kullota të vijnë drejt uljes së mëtejshme. Nëntë vjet më pare, akademikë, specialistë e figura të njohura të fushës së pyjeve vendosën 27 Janarin, si ditën e shërbimit pyjor shqiptar. Kjo datë u caktua në kujtim të Ligjit të parë shqiptar të pyjeve dhe kullotave më 27 Janar të vitit 1923.

Historiku i pyjeve njeh organizime nga më të ndryshmet deri në vitin 2006, por nga ky vit e deri sot pyjet kanë marrë një rëndësi mjaft të madhe, jo vetëm si strukturë, por dhe si dimension në menaxhimin e tyre.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar