Vargmal - Shkrim i veçuar - Virusi arabo-islamik në Shqipëri

17.3.2009, 22:51

Myslimanët ndahen në arabë dhe arnautë:

Citim:

Myslimanët, në gjyq për zgjedhjet

Përplasja për zgjedhjen e kreut të ri të Komunitetit Mysliman përfundon në gjykatë. Lajmin e dërgimit të çështjes në gjykatë e ka bërë të ditur dje për mediat avokati i kësaj çështjeje, Isuf Shehu. Përfaqësuesi ligjor ka publikuar edhe disa nga pikat ku edhe kundërshtohet mbledhja e lajmëruar nga kryetari i komunitetit, Selim Muça.

"Në vija të përgjithshme mund të them se kam konstatuar shkelje të rënda dhe foshnjore nga ana e kryetarit të Komunitetit Mysliman Shqiptar, të cilat lidhen ngushtësisht me ushtrimin e kompetencave nga ana e tij", tha avokati Shehu, që konfirmoi dërgimin në gjykatë të kundërshtimit të mbledhjes së 21 marsit, e programuar për t‘u zhvilluar larg kryeqytetit në Medresenë e Kavajës.

Sipas Shehut, nga ana e kryetarit ka shkelje procedurale dhe materiale të cilat mbrohen si në ligj, ashtu dhe në statutin e KMSH-së.

"Sa për dijeninë tuaj, mbi mbledhjen e radhës asnjërit prej anëtarëve nuk i është bërë i ditur rendi i ditës, qëllimi i kësaj mbledhjeje dhe në anën tjetër një pjesë e anëtarëve të Këshillit të Përgjithshëm nuk janë thirrur në këtë mbledhje. Kjo është një shkelje e neneve të Statutit të KMSH, si dhe të ligjit nr. 8788, datë 07/05/2001 "Për organizatat jofitimprurëse". Për mos të folur që vetë anëtarët e këshillit që prej kohësh nuk janë njohur me financat dhe aktivitetin fiskal dhe ekonomik të vetë KMSH, por ky është një problem tjetër", tha avokati Shehu, duke paralajmëruar se edhe në rast se kjo mbledhje do të zhvillohet, vendimet e saj do të mbeten pa hyrë në fuqi, për shkak të shkeljeve në statut.

Çështja ka përfunduar në gjykatë dy ditë pasi disa prej anëtarëve të Këshillit të Përgjithshëm të Komunitetit Mysliman, si dhe të këshillave të xhamive të kryeqytetit kanë kundërshtuar publikisht mënyrën dhe kohën se si është lajmëruar mbledhja e 21 marsit.

"Dhe nëse mbledhja do të zhvillohet ditën e shtunë, për pasojat që të vijnë më vonë ndaj personave të tretë dhe vetë anëtarëve të komunitetit, kryetari do të mbajë përgjegjësi individualisht. Nuk ka asnjë dyshim që çdo bashkëpunëtor i mëvonshëm, dhe për këtë të jeni plotësisht i bindur, mund të përballet gjyqësish", tha avokati.

Ndërkaq, kreu i këtij komuniteti ka deklaruar dy ditë më parë se e kishte konstatuar vetëm ditët e fundit faktin se po i mbaronte mandati, ndaj dhe e kishte vendosur këtë lajmërim në mbledhje. Por argumenti është konsideruar i pamatur nga kundërshtarët e mbledhjes, të cilët i kanë bërë edhe një herë thirrje Muçës të ndalë mbledhjet ilegale, dhe t‘u hapë rrugë zgjedhjeve demokratike në këtë institucion, me përgjegjësi të mëdha shpirtërore jo vetëm për besimtarët, por edhe për mbarë shoqërinë shqiptare.

http://www.gazeta-shqip.com/artikull.php?id=60814

Citim:

Përcahen myslimanët:Paditet kryetari. Komuniteti hedh poshtë pretendimet

TIRANE- Komuniteti mysliman ka reaguar sot pas padisë që një grup imamesh ka bërë ndaj kreut të këtij komuniteti, Selim Muces dhe pretendimeve për manipulim të zgjedhjeve për postin e kryetarit.

Në një deklaratë zyrtare të komunitetit mysliam hidhen poshtë pretendimet se procesi po manipulohet.

“Procedurat për propozimin e kreut të komunitetit mysliman shqiptar janë kryer në bazë të rregullave dhe statutit” theksohet në njoftimin e Komunitetit mysliman.

Deri ditën e zgjedhjeve, që është 21 marsi nga kryesia do të paraqiten jo më pak se dy kandidatura për kryetar. Lidhur me pretendimet e ngritura në media për shkeljen e afateve për njoftim dhe paraqitjen e materialeve 15 ditë para mbledhjes së Këshillit të Përgjithshëm, komuniteti mysliman sqaron se ky afat është përcaktuar me qëllim që anëtarët e Këshillit të përgjithshëm të njihen më parë me materialet.

Disa anëtarë të Këshillit të Përgjithshëm të Komunitetit Mysliman dorëzuan në Gjykatë padinë civile kundër Komunitetit, duke kërkuar shpalljen e mbledhjes së myftinjve në Kavajë, si të pavlefshme.

Myslimanët konsiderojnë edhe shkelje të tjera, sic është mungesa e kandidatëve, përvec kryetarit aktual Selim Muca.

http://www.balkanweb.com/sitev4/lajme.php?id=35122