Pukë: Sërish grindje mes myslimanëve

18.4.2009, 11:46

Myftiu i Pukës, Gëzim Kopani, është dhunuar të enjten në mbrëmje nga dy persona, pak pasi ka dalë nga xhamia ku kishte kryer faljen e pasdites. Policia e Pukës njoftoi se ngjarja ka ndodhur rreth orës 18:30, në afërsi të tregut të qytetit, kur Gëzim Kopani, myftiu i Pukës, sapo kishte përfunduar faljen e pasdites në xhaminë e qytetit.

Në këtë kohë, mes myftiut dhe dy të rinjve ka nisur një debat me fjalë dhe më pas Kopani është goditur me grushte, duke iu shkaktuar plagë në fytyrë dhe trup. Goditjet janë shoqëruar me fyerje dhe kërcënime nga agresorët, të cilët janë larguar nga vendi i ngjarjes.

Në denoncimin në polici, mësohet se myftiu Kopani ka treguar se nuk kishte konflikte të mëparshme me dy personat që e qëlluan, por sherri kishte qenë i çastit, për motive krejt personale.

Por në të vërtetë, kohët e fundit, në qytetin e Pukës janë dëgjuar zëra për përplasje mes rrymave brenda komunitetit mysliman. Madje dy javë më parë, mes drejtuesve të Myftinisë së Pukës dhe përkrahësve të rrymave të ashtuquajtura "radikale" brenda myslimanëve, ka pasur përplasje në formë debatesh të ashpra.

Ky nuk është rasti i parë në Qarkun e Shkodrës, kur shënohen incidente mes njerëzve të fesë. Një vit më parë, imami i xhamisë në Kiras u godit me grushte nga tre persona, të cilët përkrahnin një tjetër rrymë fetare brenda myslimanëve. Rasti u mbyll duke u klasifikuar si një debat personal, por që nga pas kishte përplasje të forta principesh dhe pikëpamjesh. Këto përplasje u ekspozuan me zgjedhjen e kryetarit të Komunitetit Mysliman Shqiptar.

Myftiu i Pukës, Gëzim Kopani, ishte i vetmi ndër myftinjtë e Shqipërisë, që doli hapur në mbështetje të kreut aktual të Komunitetit Mysliman Shqiptar, Selim Muça. Në mes të muajit mars, kur zgjedhjet për krerët e rinj të komunitetit futën në konflikt "tradicionalët" me "radikalët", myftiu i Pukës doli me një deklaratë publike, në mbështetje të Selim Muçës.

Marrëdhëniet mes grupimeve të ndryshme të myslimanëve shqiptarë u acaruan aq shumë sa në një deklaratë publike, kreu i Komunitetit Mysliman Shqiptar tha për grupin kundërshtar se "ata të fusin shpatën". Incidenti i djeshëm është i pari akt dhune që pas zgjedhjeve të kontestuara nga një pjesë e komunitetit.

http://www.gazeta-shqip.com/artikull.php?id=62631

18.4.2009, 11:46	#23
Anëtarësuar: 5.2008	Pukë: Sërish grindje mes myslimanëve Myftiu i Pukës, Gëzim Kopani, është dhunuar të enjten në mbrëmje nga dy persona, pak pasi ka dalë nga xhamia ku kishte kryer faljen e pasdites. Policia e Pukës njoftoi se ngjarja ka ndodhur rreth orës 18:30, në afërsi të tregut të qytetit, kur Gëzim Kopani, myftiu i Pukës, sapo kishte përfunduar faljen e pasdites në xhaminë e qytetit. Në këtë kohë, mes myftiut dhe dy të rinjve ka nisur një debat me fjalë dhe më pas Kopani është goditur me grushte, duke iu shkaktuar plagë në fytyrë dhe trup. Goditjet janë shoqëruar me fyerje dhe kërcënime nga agresorët, të cilët janë larguar nga vendi i ngjarjes. Në denoncimin në polici, mësohet se myftiu Kopani ka treguar se nuk kishte konflikte të mëparshme me dy personat që e qëlluan, por sherri kishte qenë i çastit, për motive krejt personale. Por në të vërtetë, kohët e fundit, në qytetin e Pukës janë dëgjuar zëra për përplasje mes rrymave brenda komunitetit mysliman. Madje dy javë më parë, mes drejtuesve të Myftinisë së Pukës dhe përkrahësve të rrymave të ashtuquajtura "radikale" brenda myslimanëve, ka pasur përplasje në formë debatesh të ashpra. Ky nuk është rasti i parë në Qarkun e Shkodrës, kur shënohen incidente mes njerëzve të fesë. Një vit më parë, imami i xhamisë në Kiras u godit me grushte nga tre persona, të cilët përkrahnin një tjetër rrymë fetare brenda myslimanëve. Rasti u mbyll duke u klasifikuar si një debat personal, por që nga pas kishte përplasje të forta principesh dhe pikëpamjesh. Këto përplasje u ekspozuan me zgjedhjen e kryetarit të Komunitetit Mysliman Shqiptar. Myftiu i Pukës, Gëzim Kopani, ishte i vetmi ndër myftinjtë e Shqipërisë, që doli hapur në mbështetje të kreut aktual të Komunitetit Mysliman Shqiptar, Selim Muça. Në mes të muajit mars, kur zgjedhjet për krerët e rinj të komunitetit futën në konflikt "tradicionalët" me "radikalët", myftiu i Pukës doli me një deklaratë publike, në mbështetje të Selim Muçës. Marrëdhëniet mes grupimeve të ndryshme të myslimanëve shqiptarë u acaruan aq shumë sa në një deklaratë publike, kreu i Komunitetit Mysliman Shqiptar tha për grupin kundërshtar se "ata të fusin shpatën". Incidenti i djeshëm është i pari akt dhune që pas zgjedhjeve të kontestuara nga një pjesë e komunitetit. http://www.gazeta-shqip.com/artikull.php?id=62631