Emri "Aleksandër"

Shqipe

Emri i Aleksandrit të Madh ka padyshim disa veçori që duhen vu re. Ky emër nuk është përdorë nga helenët para kohës së Aleksandrit që do të thotë se ata e morën këtë emër nga ilirët. Tre personat e parë që kanë përdorë këtë emër janë, Paridi princ i Trojës, Aleksandri i Epirit, dhe i treti Aleksandri i madh, asnjëri nga këta nuk ishte helen, kështuqë së paku emri e ka zanafillën tek dardanët. Dhe së treti, Paridi dhe Aleksandri i Madh, sipas të dhënave para se të lindnin, nënat e tyre kishin parë ëndërra që profetizonin ardhmërinë e këtyre dy heronjve, dhe pjesa e dytë e emrit ngjan më së shumti me "ándërr".
Ky është një emër që ia "dhuruam" gjithë botës, se edhe sot përdoret si nga bota e krishtene edhe ajo islame me modifikime të ndryshme.

Earth

A LE SI ANDERR pra ka lindur si ëndërr,ALEKSANDER

49572

"A le si andërr" nuk njihet në fjalëformim shqip, sepse nuk njeh shqipja emra njerëzish me fjali të tërë brenda. Nuk ka kuptim t'i mëshohet më kësaj teze. "Andr/os" (në Aleks-andr/os) në greqishten e lashtë është gjinorja e "anir" dhe "anir" dmth. në shqip, "nir, nier, njeri", kaq. (Madje dhe Agjinori, i ati i Kadmit, dmth në shqip thjesht Gjinori e në fund thjesht njeri. Këto janë forma që i ka pas dhe greqishtja e lashtë dhe mund të verifikohen dhe janë këto që i japin përparësi të fortë tezës shqiptare, sepse vijnë nga fjala gji, gjini, gjiri.)

Pjesët e para Aleks- Kass-, Ters-, etj janë për t'u analizu sepse dhe këto (në ligjëratë) janë emra, dhe duhet kuptu nëse Aleks-andr/os është përkthim i një emri shqip në greqisht, apo transkriptim i një emri shqip në greqisht.

Drejtimi tjetër është se pjesa andr- nuk ka lidhje me njeriun, por me ëndrrën. Në këtë rast gjithashtu pjesa e parë është sërish emër, e jo folje e as lidhëz e as ndajfolje. Siç kemi në shqip fjalën Er-mal, psh.

Vetë jam i mendimit që në këtë rast nuk kemi të bëjmë me fjalën ëndërr. Me të kemi të bëjmë në raste si të Andro/medës (Andërr/madhes - dhe të tjera syresh, me "të madhen" psh. Arki/med - Krye/madh), etj. Por siç shihet dhe në këto shembuj, emri herë krijohet i tëri nga burimi shqip, herë me pjesë të greqishtes, etj. në vartësi të përkthimit dhe përshtatjes së pedantit të radhës. Rregulli i pedantëve grekë, kryesisht i aleksandrinëve (këtyre vemjeve të pedantizmit), ka qenë që emrat e huaj duheshin përkthy, dhe nëse nuk gjendej dot përkthimi, duheshin transkriptu, përshtat pjesërisht a reduktu sipas greqishtes. Ndërsa latinët me të vetën rëndom i transkriptonin në latinisht për lehtësi shqiptimi, pa i hy përkthimit, psh. Shkëmb, Skampa; Ballsh, Bylis, etj.

Duke ditur këto procese të të dy gjuhëve të vdekura duhet pa nëse në emrat parakë mund të ketë pas përkthim a jo, por përkundrazi në ato të mëvonshmet si Andromak/i,os, Andronik/i,os, etj. kemi tashmë katërcipërisht fjalëformim të plotë greqisht me kuptim krejt pa lidhje nga Andromeda, etj. Pra ka disa stade të cilave i është nështru zhvillimi i emrave në greqisht dhe kjo gjo i përket i studimi të plotë gjuhësor, gjo që nuk mund të bohet dot ktu. Menoj se kaq sa u tha i sqaroi gjithsesi nja dy gjona.

Për ktu na mjafto se teza "A le si andërr" nuk ka asnjë bazë gjuhësore, veç dëshirës së mirë të robve.

Bohemund

aleks-o në greqisht është folje që do të thotë mbroj

- Aleksandros (mbrojtës burrash, emër luftarak)

shih fjalët aleksikeravno (rrufe-mbrojtës ~ rrufepritës), aleksisfero (plumb-mbrojtës ~ antiplumb), aleksivrohio (shi-mbrojtës) etj.

Për herë të parë përdorimi i emrit del në tabelat e mikenishtes në formën femërore Aleksandra (a-re-ka-sa-da-ra).

Shqipe

Mos duhet t'a lidhim me fjalën iliro-latine LEGIS-LEX, që do të thotë LIGJ ?

Një studim më i thellë i latinishtes dhe greqishtes do të zbulonte shumëçka, se këto ishin thjesht dialekte ilire.

kodmors

Ai varianti mikenishtes është hashash fare. Çdo person tjetër po të çosh do ta interpretojë çdo herë ndryshe, kështu që s'mund të thirret si argument, sepse është fund e krye interpretim.

Po këto aleksisfero etj. kur janë krijuar? Sepse nqs nuk janë të lashta, as këto nuk mund të thirren si argument, apo jo? Përndryshe po marrin si premisë atë që duhet të provojnë.

Bohemund

Ka disa gjëra që na pengojnë. 1. Shpjegimi i kënaqshëm i greqishtes, 2. vjetërsia e përmendjes së parë (dmth, emri është më i hershëm se vet dokumentimi i latinishtes), 3. Nga sa di unë në latinishte emri lex nuk formon emra të përvçëm, 4. Pamundësia e emërformimit nga dy gjuhë të ndryshme.

Mikenishtja nuk lë shumë vend për interpretim, pasi deshifrimi i saj është bërë me anë të matematikës (statistikë). Kështu që duhet parë më shumë si shifër (kriptogram). Nqs di se 4=p, 7=a, 1=t, 3=j, 9=s atëhere numri 479173 ka vetëm një interpretim.

Nuk ka kurrfare rëndësie. Fjalën ''rrjetmbajtës'' e krijova unë tani, por kjo nuk do të thotë se pjesët ''rrjet'' dhe ''mbaj'' nuk janë të lashta apo janë të paafta për fjalëformim. Sidomos foljet teorikisht mund të formojnë fjalë me çdo emër. A përdorej folja alekso në lashtësi? Po.

kodmors

Mikenishtja është interpretim safi, sepse deshifrimi nuk është aspak bindës, por shkul e tërhiq. Tjetri mund të jetë lodhur tërë jetën vërtet, po një vërrë në ujë ka bërë, pavarësisht se sa i pëlqen grekut apo anglezit të mendojë se ka deshifruar gjë.

Këtu më lejo të mbaj qëndrimin që kisha, se zbërthimi është interpretim. Pra Aleksandri është rasti i vetëm i atij fjalëformimi dhe nuk mund të shërbejë si sqarim për vetveten, sepse më duket se folja në fjalë sikur nuk qe dhe aq prodhimtare në atë stil fjalëformimi, apo jo?

Pozicioni grek është i dobët, por disi merret parasysh, sepse deri më sot mbetet i vetmi shpjegim i dhënë. Por kjo nuk e bën as të bindshëm e as të saktë në vetvete.

Bohemund

Imagjino nji numër me 3 shifra. E kupton fare mirë se të ta gjej me të parën numrin gjasat janë 1/1000. Tani imagjino rreth 6.000 tabela, të gjetura në një hapësirë të madhe gjeografike, me rreth 200 shënja. Cilat janë gjasat që këto shënja të renditen në mënyrë të tillë që të formojnë fjalë e fjali dhe të nxjerrin një kuptim në të gjitha tabelat?

Jo. Pa hyrë në referenca, mund të të përmend disa nga emrat e formuara nga folja alekso. Kemi Aleksanor (i biri Makaonit), Aleksarhos (një gjeneral nga Korinti), Aleksiaris (i biri Herkulit), Aleksikakos (epitet i Apolonit), Aleksias (m), Aleksias (f), Aleksios, Aleksivios, Aleksidimos, Aleksiklis, Aleksion, Alekson, Aleksimenis etj. Mjaftojnë besoj.

Pastaj kemi dëshminë nga Apolodori (tek Biblioteka) që përshkruan sesi Paridi u quajt Aleksandros kur doli në mbrojtje (= aleksamenos) të disa barinjvet që u sulmuan nga disa vjedhës.

Pozicioni grek është i vetmi i saktë. Është edhe logjike që të kërkosh në gjuhën e tekstit fillimish shpjegimin e nqs nuk ke zgjidhje të provosh me gjuhë të tjera.

kodmors

Për mikenishten kam rezerva që me përdorimin e zanoreve dhe rrokjeve dhe jam i mendimit se është interpretim safi sepse robi funksionon me induksion. Ai e ka vendos që përpara se gjuha aty është 'greqisht' dhe kështu e dikton vetë rezultatin e rrokjeve që nxjerr. Pastaj kush tha që leximi bëhet në rrokje, etj. Unë e kuptoj fare mirë çfarë janë përpjek të bëjnë me atë shkrim, por nqs nuk është marrë fare parasysh shqipja më duket mangësi. Pikërisht sepse nuk është ezauru fondi gjuhësor, po është paramendu se kemi të bëjmë me greqisht dhe tërë mënyra e leximit është kushtëzu nga kjo.

Kjo e Aleksandrit do më bindte nëse bëhej një qasje me data e përdorimit të këtyre emrave, sepse më duket se Aleksandër është precedent pra nuk provohet dot me të mëvonshmet. Nuk e di a ke nge, por nqs nuk e ke shumë bezdi, menoj se do vlente dhe të paktën të sqarohet një herë e mirë për ne nëse emri në formën siç e njohim nga shkrimet greke është i krijuar në greqisht, apo është ndonjë transkriptim i një varianti në shqip. Nqs. ndodh e para të paktën e dimë se nëse është marrë nga shqipja (psh. Yll - Tile/fos ; konstatim i mesdimrit) atëherë kemi të bëjmë me përkthim shqip-greqisht, por dhe përshtatje të diqyshtë kuptimore.

49572

Interesant diskutimi. Personalisht jam i predispozum të mendoj që dhe Fil/ip dhe Aleks/andër kanë kuptim të mirëfilltë në greqisht, por me radhën e vet janë emra të përkthyera nga origjinale shqipe. Psh. si rasti lart në kllapa nuk më duket fare e çuditshme që Mundi të dilte në greqisht Nika/nor dhe variacione, Bato - Aleksa/nor e variacione (megjithëse Bato ka më tepër kuptimin Goditës), And - Pleurat e variacione, Arian - Agron (ky konkretisht mund të jetë sinonim) e variacione, Artan - Ksant/, etj. sepse ka pas proces për atë punë. Ndërsa ka dhe emra të llojit një-dyrrokësh që janë transkriptime ose riprodhime, fv: Pyrro, Glauk/, Genth/, etj.

Shqipe

Po e jap edhe njëherë shpjegimin për fjalën ALEKS.

Ky term ka të bëjë me një koncept abstrakt, që përfshin brenda vetes, kategori që janë të ngjashme me njëra tjetrën.

Më lart emri aleks u interpretua si mbrojtës, dhe nuk është larg mendsh, që në të dy fjalët alek-s dhe mbrojt-s, shkronja s të ketë shëndrruar foljen në emër.

Tash sa i përket këtij koncepti abstrakt siç thashë, ky përfshin brenda vetes së pari konceptin e mbrojtjes, ndores. Veprimi që bënte Paridi nuk ishte thjesht mbrojtje por edhe ndore. Sepse i merrte barinjtë në ndore të veten.

Në anën tjetër, të mbrosh një njeri, nënkupton që t'a lejosh që të bëjë diçka, ose të paktën t'a lejosh që jetojë, a të gjallojë.

Leja thënë ndryshe autorizimi, është edhe ligj (legis).

Ligji përveç që lejon, ai edhe urdhëron, e që e kemi të ruajtur në fjalorin korçar lepe-peçe.

Pra kemi një sërë emrash latinë-helenë-ilirë-shqip, me rrënjë të përbashkët, që konkretisht ndryshojnë nga njëri tjetri, por si koncept abstrakt janë shumë të afërt.

T'i radhis dhe njëherë: Aleks, Legis, Lex, Ligj, Lejoj, Leje, Lepe. Tek kjo e fundit kemi një kalim K => P, mjaft i zakonshëm sikurse kemi shembullin ku nga Katër e shqipes bëhet Patru në rumunishte. Ky kalim s'ka të bëjë me etnicitetin se ka ndodh në shumë gjuhë të ndryshme europiane.

Sa i përket problemeve që parashtrojë Bohemund:

Për greqishte nuk kemi ç'të bëjmë, aq sa kemi njohuri për këtë kohë, aq mund të bëjmë. Latinishtja si dialekt apo si gjuhë, nuk mund të ketë dalë nga tjetër gjuhë përveç se nga pellazgishtja, kështuqë rrënjët i ka në lashtësi. Për çështjen e tretë, nuk shoh ndonjë problem, sepse latinishtja me kohë është ndarë si gjuhë më vete, dhe nuk është e thënë që latinishtja të krijojë emra të përveçëm, nga e njëjta fjalë me ë cilën krijon emra pellazgishtja e lashtë, megjithëse fjala Legion, më shtyn të mendoj pak rreth kësaj pune.

Emri nuk është formuar nga dy gjuhë të ndryshme. Aleks nuk është latinisht, por thjesht e ka rrënjën e përbashkët me latinishte.

GERMA

Juve pershendetje , per postimet qe mi kishit fshi se besoj se keni bere mire
po nejse ,qdo kush mundohet ne ate menyren e vet po shkruaj edhe nje her dy tre rreshta po mundohem te jap mendimin tim per kuptimin e emrit ;
A LEK SANDER
Gjdo njeni prej nesh mundohet s'paku ne baze te gjuhes tone ti jap kuptimin ketij emri une po bazohem ne te dhenat ekzistuese qe kemi per kete emer ky emer ne fillim ishte emer-pseudonim te cilin e hasim te Homeri dhe bazohem ne gjuhen e sotme qe e flasim .
Te iliada dy persona emertohen me kete emer ndoshta jo komplet te njejt por patjeter duhet cekur te perafert bile i bejn identik keta emra qka nuk qendron .
Per here te pare me emrin ALEK SANDER emertohet Parisi-Paridi .
Por ky Parisi kishte dhe nje moter qe kishte emrin e verrtet me te perafert me kete pseudonimin ishte KASANDRA .
Ketu s'pari duhet te ndalemi dhe te shiqojm rrolin e germes A.
Emri ALEKS ka bazen te emri APOLO icili eshte dielli .
TROJANET -DARDANET ishin Aphollonet-phellasget pra pikerisht ketu qendron edhe ngatrrimi i gjerave gjate tere kohes dekades se zgjatjes se luftes ky diell ishte ne anen e trojanve nese ky emer do ti jipej si epitet agamemnonit apo ndonje luftetari tjetr akej-danaj ather do te ishte emer me origjine diskutabile .
Te gjermanet ende perdoret emri Aleksander por edhe ndryshe e ky ndryshim eshte mjaft domethenes ALEPHSANDER te gjermanet ka shume emra qe kane kuptimin ne gjuhen shqipe psh, emri ulli si dhe perandori romak jul qe perkthehen ne shqip me emrin YLLI.
Mos te largohem nga tema ato hieroglifet kan qen me vleft ato shpjegojn kete emer ne menyre figurative ska rendesi se kush i shkruan une greqishten nuk e di ndoshta kjo greqishtja eshte me e pasur me foljet te huazuara dhe ka mundesi te kete ne arsenalin e vet edhe komplet kete emer si folje .
Por te emri A lek sander duhet thjesht te analizohet gjdo kuptim veq e veq perndryshe gjdo analize eshte gjysmake.
Emri KAS-ANDRA ketu me shpjegoni ju te nderuar pse ky emer nuk ka
germen A - lek perpara .
Sepse germa A ndryshon formen dhe kuptimin e foljes kas-kasavet - keq
gjithahtu emri andra pa germen a si prapashtes do te ket tjeter kuptim e ky do te ishte mbaj; han ne duar gjithahtu nese i shtojm ketij emri emrin alek at'her komplet po ndyshon kuptimi sepse po del se ka pa andrra per drite te diellit kjo kasandra te ne thon jerm.
ANDRA ESHTE ANDER KASANDRA
Kemi emrin Ksandri pasardhes i lekes se madh ky emer nuk mund te zberthehet me emrin kasandra eshte komplet tjeter emer. Ketu duhet analizuar ju te nderuar forumist e mos i shlyeni mendimet e tjetrit qe s'pelqen me nje mendim te njenit prej jush sdo kerset kiameti eshte tema per te dhene mendimet gjdo njeni .
Bohemud nuk te kam thene per te keq por jam kunder mendimit tuaj nese me shpjegon pse 30.000 grek ishin kunder lekes madh ishin ne anen e persianve si lufton e tere ajo ushtri kunder mbretit te vet .Apo pse likuidoj Leka i madh nipin e Aristotelit ?

PRAP EDHE PSE E QERUAR DARDHA KA BISHT ....

MbV

Germa shkrimet nuk të janë fshirë, të janë dërguar në Karantinë në çështjen Prejardhja aziato-afrikane e emrit Aleksandër. Është vendim i brendshëm që një tezë e atillë e formuluar në mënyrë të atillë dhe e argumentuar në mënyrë të atillë e ka vendin në Karantinë.