Një sasi e konsiderueshme solari është derdhur mbrëmjen e djeshme në detin ndanë Pyllit të Sodës, duke ndotur në një pjesë të madhe bregdetin e Vlorës. Policia ka identifikuar si autorë të kësaj ndotje mjedisore firmën “Arkand Xhunior SHPK” me administrator shtetasin Genis Mëhilli, 39 vjeç banues në Vlorë. Ai është ndaluar së bashku me dy shoferë të firmës, shtetasin Florian Meçi dhe Mikel Gjini, në ambjentet e policisë.

Nga hetimet paraprake dyshohet se këta shtetas kanë derdhur në mënyrë të qëllimshme sasinë e solarit. Sipas policisë mbetjet e naftës u shkarkuan fillimisht në vendin e quajtur “Kanali i Motorrit” për t’u përhapur më pas në det.

Uniformat blu kanë bllokuar 4 autobote, me të cilët një natë më parë u krye derdhja e hidrokarbureve në këtë zonë.

http://www.tvklan.tv/lajmi.php?id=5329