Moti, bllokimi i rrugëve - Njoftime

11.11.2007, 11:48

Citim:

11/11/2007 - 09:43 / Gsh

KORÇË - Në orët e para të mëngjesit të djeshëm ka filluar dëbora e parë në qytetin e Korçës. Temperaturat e ulëta dhe reshjet e dëborës kanë shoqëruar përgjatë ditës të gjithë qarkun. Më problematike për sa i përket qarkullimit rrugor kanë qenë Qafa e Qarrit; Qafa e Plloçës; Grabovica; Qafë-Thana, si dhe aksi rrugor që lidh qytetin e Korçës me fshatin turistik, Dardhë. Në pikat e sipërpërmendura, tradicionalisht problematike, që në orët e para të mëngjesit kanë qenë në gatishmëri të plotë 6 borëpastruese. Krerë të Drejtorisë Rajonale të Rrugëve në Korçë, dje kanë pohuar se më problematike ka qenë lëvizja e mjeteve në Qafën e Qarrit, që e lidh qytetin Korçës me rrethin e Kolonjës.

Nga të dhënat e Inspektoratit të Qarkullimit Rrugor, mësohet se lëvizja e mjeteve nuk është pezulluar në asnjë nga rrugët nacionale, të cilat kanë qenë plotësisht të kalueshme. I vetmi problem që akoma nuk ka gjetur zgjidhje është kalimi në fshatin malor turistik, Dardhë. Kjo për shkak të terrenit shumë të thyer malor. Gatishmëria e mjeteve për të parandaluar bllokimin e rrugëve dhe për të eliminuar shkarjen në to, ka vazhduar përgjatë gjithë natës së të shtunës, ndërkohë që në shumë pika të rrezikshme për sa i përket rrëshqitjes nga akulli, është hedhur kripë. al.ça.

http://balkanweb.com/gazetav4/index.php?id=24616

11.11.2007, 12:43

Citim:

11/11/2007 - 09:45 / Arbër Zapodi / Gsh

Përkeqësohet moti. Ulja e përnjëhershme e temperaturave ka bërë që reshjet e shiut të shënuara gjatë këtyre ditëve të fundit t’ia lënë vendin dëborës. Gjatë orëve të natës të së premtes dhe ditën e djeshme, në gjithë rajonin verilindor të vendit tonë ka pasur reshje dëbore, ndërsa temperaturat kanë shënuar deri në minus 4 gradë celsius. Në majat e vargmaleve të Kukësit, Tropojës, Hasit, Pukës, Dibrës dhe të Mirditës, trashësia e dëborës ka arritur deri në 1 metër. Ndërsa janë zbardhur nga flokët e borës dhe rrugët e këtyre qyteteve. Reshjet e saponisura kanë pasuar me krijimin e problemeve të shumta në rrugët nacionale dhe ato rurale.

Ndonëse lartësia e dëborës në fshatra është ende e papërfillshme, reshjet janë shoqëruar me shembje të skarpateve të segmenteve të ndryshme. Burime zyrtare nga Prefektura e Kukësit bëjnë me dije, se menjëherë pas fillimit të reshjeve të dëborës janë marrë masa për të mbajtur nën kontroll situatën; për të siguruar lëvizjen e automjeteve nëpër akse të ndryshme si dhe për shmangien e aksidenteve të ndryshme. Sipas krerëve lokalë, aktualisht të gjitha rrugët nacionale janë të kalueshme, ndërsa gjendja mbetet problematike në aksin që lidh Fushë-Arrëzin me qytetin e Bajram Currit si dhe disa segmente në zonat e thella të Tropojës dhe të Kukësit.

RRUGËT

I ftohti ka “bllokuar” nëpër shtëpitë e tyre mijëra banorë të Qarkut të Kukësit dhe të Dibrës. Krahas problemit të qarkullimit të mjeteve të ndryshme nëpër rrugë, banorët e këtyre zonave janë turrur të marrin masa për sigurimin e druve të dimrit për ngrohje. Dita e djeshme ka shënuar dhe problemet e para në akset kombëtare dhe ato rurale, dhe në veçanti në segmentin Kukës-Tiranë dhe Kukës-Shishtavec. Në Qafë-Shllak të Komunës së Shëmrisë në Kukës, trashësia e dëborës arrin në 20 cm, ndërsa në Qafë të Malit rreth 40 cm. Policia e Qarkullimit Rrugor dhe ajo e Rendit kanë udhëtuar në këto segmente për të disiplinuar lëvizjen e mjeteve, për të shmangur bllokimin dhe aksidentet e mundshme.

Sipas burimeve policore, rruga që lidh Kukësin me Tiranën në asnjë moment nuk ka qenë e bllokuar, por në mëngjesin e djeshëm ka pasur vështirësi serioze gjatë lëvizjes së mjeteve. Drejtoria Rajonale e Rrugëve ka dërguar atje dy borëpastruese për të zhbllokuar rrugën nga dëbora apo shembjet e skarpateve. Problem mbeten edhe akset Fushë- Arrës - Bajram Curri si dhe disa prej akseve të Tropojës si: Lekbibaj, Valbonë etj. Ndërkaq, specialistë të Sektorit të Qarkullimit Rrugor u kanë bërë apel drejtuesve të mjeteve që të pajisen me zinxhirë gjatë lëvizjes mbi dëborë, në rast të kundërt ndaj tyre do të ketë masa ndëshkuese.

BLLOKIMI

Drejtoria e Rajonale e Rrugëve në Kukës po bën përpjekje për normalizimin e lëvizjeve të mjeteve në aksin Kukës-Shishtavec, ku vështirësitë janë shumë më të mëdha dhe ku aktualisht në segmente të veçanta kjo rrugë është ende e pakalueshme. Në këtë aks punon një mjet i mekanizuar, i cili ka mundur të hapë rrugën deri në fshatin Novosej (vetëm 5 km para se të mbërrijë në Shishtavec). Ndërsa disa nga komunat e thella të Kukësit si: Arrni apo Gryka e Çajës janë prej disa ditësh të bllokuara për shkak të terrenit të rrëshqitshëm dhe shembjeve të skarpateve.

http://balkanweb.com/gazetav4/index.php?id=24617

11.11.2007, 19:29

Citim:

A.D / 11-11-2007 / Shekulli

Shkodër-Ulja e temperaturave është shoqëruar me reshje dëbore dhe në zonat malore të Shkodrës. Reshjet e dëborës janë të pranishme në të gjithë rrethin e Pukës, si dhe në Vermosh e disa fshatra të Dukagjinit. Në Qafë Mali trashësia e saj ka shkuar në 30 cm, duke shkaktuar probleme në qarkullim. Mësohet se disa segmente rrugore në Qaf Mali janë të bllokuara dhe po punohet për hapjen e tyre. Probleme ka dhe në disa rrugë rurale në komunat e Iballës, Fierzës, Qaf Malit etj. Po kështu dëborë ka rënë dhe në Vermoshdhe Dukgjin por nuk ka bllokime rrugësh.

http://shekulli.com.al/news/45/ARTIC...007-11-11.html

11.11.2007, 19:33

Citim:

Xh. Baka / 11-11-2007 / Shekulli

Emri: korce-dardhe.jpg
Shikimet: 110
Madhësia: 14,1 KB

Korçë-Korça, Kolonja dhe Devolli u përfshinë dje nga reshjet e para të borës. Ndonëse jo me intensitet të lartë, bora u pasua me probleme në segmente të tilla si Qafa e Qarrit, Qafa e Plloçës, Grabovica, Qafë-Thana, si dhe aksirrugor që lidh qytetin e Korçës me fshatin turistik Dardhë. Në gatishmëri të plotë ishin që në orët e para 6 borëpastruese.

Nga Drejtoria e Rrugëve mësohet se më e vështirë ka qenë lëvizja e mjeteve në Qafën e Qarrit, ku trashësia e dëborës ishte jo më shumë se 3 cm. Në këtë aks përveç borëpastrueseve që kanë punuar pa pushim është hedhur dhe një sasi e konsiderueshme kripe. Duke iu hreferuar të dhënave të Inspektoratit të Qarkullimit Rrugor, mësohet se lëvizja e mjeteve nuk është pezulluar në asnjë nga rrugët nacionale, të cilat kanë qenë plotësisht të kalueshme. Thuajse i pakalueshëm ishte aksi Korçë-Dardhë, ku trashësia e borës ka kaluar 25 cm. Sipas drejtorit të Drejtorisë së Rrugëve Nacionale të Qarkut, Kreshnik Zgjani, në këtë aks punojnë dy traktorë, ndërkohë që ka vazhduar pa ndërprerje hedhja e kripës.

http://shekulli.com.al/news/45/ARTIC...007-11-11.html

11.11.2007, 19:47

Citim:

Bashkim Shala / 11-11-2007 / Shekulli

Borëpastrueset në dispozicion për rrugët, të pamjaftueshme. Vendorët:Nuk ka fonde

Bllokohet qarkullimi në akset Bajram Curri-Lekbibaj, Kukës-Shishtavec e Kukës-Arrën

Emri: veri-kukes.jpg
Shikimet: 112
Madhësia: 14,8 KB

Kukës- Krijohen vështirësitë e para dhe bllokimet e rrugëve nga reshjet e borës. Probleme në segmente rrugore ditën e djeshme ka pasur në rajonet e Kukësit, Pukës e Tropojës, ku bora ka bllokuar disa rrugë rurale, si dhe ka krijuar mjaft vështirësi në qarkullimin rrugor në akset nacionale Morin-Kukës-Fushë-Arrës dhe Qafë-Mali-Fierzë. Madje, në këtë aks rrugor është shënuar edhe një aksident automobilistik ku është dëmtuar rëndë një 22-vjeçare nga Tropoja, e cila është nisur me helikopter për në Tiranë.

Segmentet e bllokuar

Sipas kreut të komisariatit të policisë së Pukës, bora që ka arritur trashësinë deri në 30 centimetër në Qafë-Mali ka vështirësuar qarkullimin rrugor në akset Kukës-Fushë-Arrës dhe Qafë-Mali-Arst –Miliska-Fierzë. Deri mbrëmjen e djeshme, sipas të dhënave zyrtare, qarkullimi i automjeteve ende përbënte rrezik. Në aksin rrugor Fushë-Arrës-Kukës qarkullohet pa ndonjë problem, por drejtuesit e automjeteve këshillohen që të jenë të pajisur me zinxhirë. « Mjetet borëpastruese kanë filluar nga puna që në orën 04.00 të mëngjesit të ditës së shtunë duke bërë të mundur hapjen e rrugës në dy kalime»,- thanë burimet zyrtare. Qarkullim i vështirë paraqitet edhe në aksin rrugor që lidh qytetin e Bajram Currit me rrethin e Krumës. "Situata paraqitet problematike në zonën e Qafë Luzës, ku veç trashësisë së dëborës, erërat e fuqishme kanë krijuar dhe grumbuj të mëdha bore",- thonë burimet.

Shishtaveci, më problem

Trashësia më e madhe e borës është shënuar në komunën e Shishtavecit, 1000-1200 metër mbi nivelin e detit. Kryetari i komunës së Shishtavecit, Dilejman Nela ka bërë të ditur se trashësia e borës në territorin e komunës së Shishtavecit ka arritur nga 40-50 centimetër. Për pasojë, është bllokuar gjatë gjithë ditës së shtunë aksi rrugor nacional Kukës-Shishtavec, për t'u hapur në orët e para të mbrëmjes nga mjetet borëpastruese.

Sipas drejtorit të Ndërmarrjes së Rrugëve, të Kukësit, Rushit Gashi në dispozicion të pastrimit të rrugëve nga bora në segmentin Kukës-Fushë-Arrës janë tre mjete borëpastruese si dhe rreth 130 ton kripë. Por mjetet të ashtuquajtura borëpastruese nuk janë të specializuara për pastrimin e borës, me përjashtim të një mjeti që e ka në dispozicion Ndërmarrja e Rrugëve. Ndërkohë që të tretët që janë të kontraktuar për mirëmbajtjen dimërore nuk kanë mjete të specializuara për pastrimin e borës.

S'ka fonde për borëpastruese

Drejtuesit e Ndërmarrjes së Rrugëve e kanë quajtur të pamundur lidhjen e kontratave me firmat e specializuara për pastrimin e borës, për mungesë fondesh. Sipas këtyre drejtuesve fondi prej 6.3 milionë lekësh (të reja), që ka në dispozicion Ndërmarrja e Rrugëve të Kukësit për të gjitha rrugët nacionale janë të pamjaftueshme dhe asnjë firmë e specializuar nuk paraqitet në tender me këto vlera. Në dimrin e vitit 2005 për pastrimin e aksit rrugor Kukës-Fushë-Arrës nga dëbora, u shpenzuan rreth 400 mijë dollarë, pasi dimri ishte i zgjatur në periudhë 45 ditore dhe temperatura shënoi deri në 25 gradë nën zero. Situata emergjente e krijuar në dimrin e vitit 2005la shteg për abuzime të mëdha me fondet e akorduara, ndaj kërkohet më shumë vëmendje për mekanizimin e mirëmbajtjes së rrugëve.

http://shekulli.com.al/news/45/ARTIC...007-11-11.html

13.11.2007, 19:27

Citim:

Anila Dushi / 13-11-2007 / Shekulli

Reshjet e borës bllokojnë akset në Malësinë e Shkodrës. Vendorët: Nuk e përballojmë

Gjovalin Kodra: 4 mjetet në dispozicion, që nga koha e Kinës, prodhim i viteve '70.

Shkodër-Reshjet e borës, ndonëse jo intensive, kanë filluar megjithatë të sjellin probleme në zonat malore të qarkut të Shkodrës. Por si të mos mjaftonte kjo, reshjet shoqërohen dhe me pamundësinë e përballimit teknikisht të punës për zhbllokimin e rrugëve nga ndërmarrja e rrugëve rurale. Dëbora e rënë ka sjellë probleme në akse si Tamarë-Vermosh, Prekal-Kir, Mali i Shoshit-Breg Lumi, Qaf Mali-Fierzë etj. Me gjithë përpjekjet e punonjësve të ndërmarrjes përkatëse për të bërë zhbllokimin e këtyre akseve rrugore dhe mbajtjen të lirë të tyre për kalim, ka probleme me mjetet teknike që janë në dispozicion.

Mjete që në kohën e Kinës

Sipas drejtorit të ndërmarrjes së rrugëve rurale në Shkodër, Gjovalin Kodra, në dispozicion janë një fadromë, prodhim i viteve '70, një kamion po aq i vjetër, një mjet bjellorus për pastrimin e bores, prodhim i vitit 1970 dhe një traktor prodhim kinez i vitit 1960. Këto mjete, ndonëse janë akoma në punë janë të amortizuara dhe pësojnë defekte të ndryshme. Ndërkaq në sektorin e Fushë-Arrësit, i cili është kthyer nga ndërmarrje në sektor, në qershor të këtij viti, problemet janë dhe më të mëdha. Rrjeti rrugor i rrethit të Pukës është mjaft i rëndësishëm pasi shërben si nyje lidhëse për 5 rrethe të veriut si Shkodra, Puka, Tropoja, Kukësi e Hasi si dhe për lidhjen me Kosovën. Që nga 1 qershori i këtij viti, drejtoria e mirëmbajtjes së rrugëve në Fushë-Arrës është shkrirë duke u kthyer në sektor me vetëm 20 punonjës, ndërsa varet nga drejtoria rajonale Shkodër. Sipas punonjësve të kësaj ndërmarrjeje, por dhe drejtuesve të pushtetit vendor në Pukë, kjo ka dëmtuar gatishmërinë e mirëmbajtjes së 224 km akse rrugore nacionale të kësaj zone. Nënprefekti i Pukës, Dedë Përshpali, prej kohësh e ka ngritur këtë shqetësim pranë prefekturës Shkodër, pasi 224 km rrugë malore, që në dimër bllokohen vazhdimisht është e vështirë të mirëmbahen me 20 punonjës dhe pa mjete lëvizëse.Sipas punonjësve të këtij sektori, nuk mund të barazohen rrugët e kësaj zone me ato të zonës fushore dhe të përcaktohet numër i njëjtë punëtorësh për kilometër. Akset rrugore të kësaj zone përballen çdo vit dhe me rrëshqitje dheu e gurësh në rrugë, pasi erozioni bën që nga skarpatet e zhveshura nga bimësia të shkaktojnë rënien e gurëve. Në stinën e dimrit, trashësia e borës këtu shkon deri 1.5 metër dhe për së paku 5 muaj rrugët duhet të trajtohen me kriposje e inerte. "Kjo kërkon fuqi punëtore , por tashmë ajo ndodhet e përgjysmuar, pasi nga 41 të tillë, shndërrimi në sektor ka bërë që të mbeten në punë vetëm 20"- thonë burimet. Ulja e numrit të punëtorëve, dhe mungesa e mjeteve teknike bën që këtë dimërmundësitë e mirëmbajtjes së këtyre akseve rrugore të jenë më të paktadhe vështirësitë e kalimit në to të jenë më të mëdha.

http://shekulli.com.al/news/45/ARTIC...007-11-13.html

18.11.2007, 06:59

Citim:

Edhe Qafë Thana , një prej akseve më të vështira rrugore, është përballur dje me dëborën e parë. Rreshjet që arritën brenda pak orësh një trashësi deri në 15 centimetra, shkaktuan probleme në qarkullimin e automjeteve.
Ato u shoqëruan me temperatura të ulëta që krijuan edhe ngrica në pjesë të ndryshme të rrugës. Patrullat e policisë rrugore kanë inspektuar përgjatë gjithë kohës këtë aks, duke u dhënë informacionet e nevojshme drejtuesve të automjeteve, për të shmangur aksidentet.

Drejtoria e rrugëve në Librazhd nisi gjithashtu edhe hedhjen e skorjes. Rreshjet e dendura të shiut që kanë nisur në orët e para të ditës, e kanë shkrirë dëborën e rënë një ditë më parë.

http://www.tvklan.tv/lajme_info.php?id=4990

16.12.2007, 03:10

Citim:

Rreshjet e bores mbulojne vendin. Shume akse behen te pakalueshme
15/12/2007 - 20:21

Gjithë vendi eshte perfshire nga mot i ftohtë, shoqëruar me reshje bore dhe ngrica nderkohe pas disa vitesh sapo ka nisur edhe ne Tirane bora e pare. Por nga ana tjeter rreshjet e bores kane shkaktuar edhe bllokimin e shume akseve kombetare.

Bora ka zbardhur qytetin e Vlores ku për 15 minuta në qytet ka rënë borë e shkrirë, ndërsa në zonën e Nartës, në kodrat e Shashicës dhe në Kaninë reshjet kanë qenë të dendura.

Reshje te bores ka patur sot edhe ne Fier dhe Berat.

Nderkaq Qarku i Kukësit është përfshirë qe dje nga temperatura mjaft të ulta që arrijnë -4 gradë të shoqëruara me reshje bore, duke krijur vështirësi të ndjeshme në lëvizjen e mjeteve në akset kryesore rrugore. Aksi rrugor Morine- Kukës -Qafë Mali, është i kalueshëm, por qarkullimi i mjeteve vështirësohet nga shtresat e akullit. Pothuajse e njëjta situatë paraqitet dhe në akset rrugore Kukës- Krumë,Kukës-Shistavec dhe Kukës-Peshkopi, ku për shkak të erërave, në segmente të veçanta, evidentohen grumbullime të borës ndërsa 4 borëpastruese janë përqendruar në segmentet më problematike.

Në Tropojë vështirësi ka në rrugën Krumë-Bajram Curri, qafë mali-fierzë,. Vështirësi në rrugë për shkak të ngricave ka në rrethin e pukës ne segmentet Qafë Qelë-Pukë, Pukë- Fushë Arrëz, Fushë Arrëz -Qafë Mali- Kukës, qafë Benë-Fushë Arrëz.

Ngricat paraqesin vështirësi dhe në rrethin e korcës vecanërisht në akset Kolonjë-Leskovik, Korce-Vithkuq, dhe Korce –Dardhe.

Reshjet e borës kane krijuar probleme dhe ne qarkun e Gjirokastres ku eshte bllokuar Qafë Muzina. Policia ka bllokuar qarkullimin në Muzinë.

Nderkaq metereloget parashikojne ulje te metejshme te temperaturave qe do te arrijne ne shifrat minimale minus 9 grade celsius

http://balkanweb.com/sitev4/index.php?id=13181

16.12.2007, 12:22

Citim:

16/12/2007 - 07:59

I ftohti i madh dhe ngricat që kanë përfshirë që prej më shumë se 48 orësh rajone të tëra në vendin tonë, kanë pasuar me probleme të shumta në qarkullimin rrugor. E ndërsa temperaturat kanë shënuar nga minus 7 deri në minus 12 gradë celsius në Kukës, shumë akse të këtij qarku janë mbuluar nga akulli. Menjëherë, Drejtoria Rajonale e Rrugëve ka marrë masa për mundësimin e lëvizjeve të automjeteve në rrugën nacionale Kukës-Tiranë si dhe Kukës-Morinë, ndërsa janë hedhur kripë në disa akse shumë problematike.

I ftohti i acartë ka pasuar me probleme dhe në shumë segmente rrugore të Korçës, ku më problematik mbeten akset Ersekë-Leskovik dhe Korçë-Dardhë. Më shumë rëndësi i është kushtuar qarkullimit në rrugën nacionale, Korçë-Kapshticë dhe Korçë-Pogradec. Kjo për shkak të ardhjes së emigrantëve për festat e fundvitit.

Ndërkohë, prania e akullit në rrugë ka pasuar me një aksident me vdekje në Fier. Ndërsa mbrëmë është bllokuar rruga në Llogara dhe dy mjete pas përplasjes kanë dalë nga rruga.

http://www.balkanweb.com/sitev4/index.php?id=13193

27.12.2007, 08:40

Citim:

Reshje të mëdha dëbore kanë përfshirë që nga mesnata gjithë rrethin e Kukësit, duke shkaktuar brenda pak orëve bllokimin e zonave rurale të rrethit. Aktualisht trashësia e dëborës në qytetin e Kukësit ka arritur në rreth 20 centimetra, ndërsa në zonat rurale trashësia e dëborës arrin në mbi 40 centimetra.Drejtori rajonal i mirëmbajtjes së rrugëve në rrethin e Kukësit, tha sot se reshjet e dëborës që vazhdojnë me intensitet na kanë detyruar që vëmendjen ta përqendrojmë në mbajtjen hapur të aksit rrugor Morin - Kukës - Qafë Mali, që lidh Shqipërinë me Kosovën.Reshjet e dëborës janë aq të dendura, sa kanë detyruar punonjësit e ndërmarrjes së pastrimit të bashkisë, të heqin dëborën nga pemët për të mos u thyer nga pesha.

Nga mëngjesi i ditës së sotme, janë të bllokuara akset rrugore Kukës - Shishtavec, Kukës - Peshkopi, si dhe të gjitha akset rrugore rurale të rrethit, gjë që ka sjellë izolimin e 8 komunave nga 14 komuna që ka rrethi. Nga ana e forcave të policisë së qarkullimit rrugor, për të përballuar situatën e krijuar, janë shtuar postblloqet që kontrollojnë lëvizjen e mjeteve në drejtim të Kosovës, ndërsa nuk lejojnë lëvizjen e mjeteve pa zinxhirë edhe në rrugët e qytetit.

http://www.a1tv.al/index2.php?faqe=lajmi&lajmID=15665

5.1.2008, 12:16

Citim:

12:09 05/01/08

Lëvizja e automjeteve në rrugën kombëtare Morinë - Kukës - Qafë Shllak, paraqitet mjaft e rrezikshme, pas reshjeve të dobëta të dëborës dhe të shiut që përfshinë të shtunën në mëngjes Kukësin, ndërkohë që disa segmente të tjera rrugore në këtë rreth janë të pakalueshme. Drejtori rajonal i ndërmarrjes së mirëmbajtjes së rrugëve Rushit Gashi tha se si pasojë e reshjeve të sotme është krijuar një shtresë akulli, duke vështirësuar mjaft qarkullimin e mjeteve sidomos në aksin kryesor që lidh Shqipërinë me Kosovën". Sipas tij në këtë aks, ku lëvizja e mjeteve është mjaft e rrezikshme, janë dërguar menjëherë tre mjete me kripë. Qarkullimi vështirësohet edhe nga mjegulla që ka përfshirë mëngjesin e sotëm rajonin e Kukësit. Ndërkaq dëbora e rënë sot krijoi një shtresë të re prej 10 cm në komunat e bllokuara të Arrnit, Grykë Cajës, Zapodit e Kalisit, duke e vështirësuar edhe më tej situatën.

http://www.a1tv.al/index2.php?faqe=lajmi&lajmID=15780

6.10.2008, 22:03

Bie bora e parë në majat e Gjalicës e Korintikut në Kukës. Në lartësinë mbi 2500 metra mbi nivelin e detit, dje moti ishte i ftohtë dhe me borë. Meteorologët parashikojnë një dimër të ashpër këtë vit në veri. Reshjet e dëborës që zbardhën dje malet rreth Kukësit kujtuan banorët e këtij qarku të marrin masa, për të siguruar ushqime të bollshme për dimrin. Kjo nisur edhe nga praktika e viteve të mëparshme, ku mijëra banorë të komunave të thella izolohen pa patur asnjë mundësi komunikimi me qytetin.

http://www.panorama.com.al/index.php?id=19863

6.10.2008, 22:18

Rënie e ndjeshme e temperaturave dhe zbehje e reshjeve të shiut. Duke filluar nga dita e sotme, shqiptarët do të ndiejnë praninë e dimrit për shkak të uljes së temperaturave. Sipas Shërbimit Metereologjik Ushtarak, dita e hënë do të shënojë rënien e temperaturave minimale dhe atyre maksimale, ku të fundit nuk do të kalojnë 17 gradëshin.

http://www.kohajone.com/html/artikull_31527.html

20.11.2008, 00:37

Dimër në Korçë. Dje, për herë të parë për këtë sezon, temperatura shënoi nën zero. Ndonëse me reshje të dobëta dëbore, që nuk shkuan më tepër se 5 centimetra në zonat me lartësi mbi 1300 metra, sipas sinoptikanëve të forcave ajrore, temperaturat ranë në mënyrë të ndjeshme.

Shtresa më e madhe e dëborës ra në zonat e Dardhës, Voskopojës, në Bigëll të zonës së Prespës dhe rreth pesë centimetra në Qafën e Qarrit, në Vithkuq etj. Temperatura minimale u shënua minus 1 gradë dhe maksimalja plus 5 gradë.

Sipas sinoptikanëve, në ditët në vazhdim parashikohet se do të ketë reshje shiu me flokë të lagësht dëbore dhe ulje të temperaturave. Deri tani nga zyra e emergjencave civile në Prefekturë informojnë se moti nuk ka shkaktuar probleme. Drejtoria rajonale e mirëmbajtjes së rrugëve nacionale ka krijuar shtabin e përballimit të emergjencave që mund të diktojë ashpërsimi i motit.

Sipas drejtorit të saj Kreshnik Zjani, nga 12 akse të rrugëve nacionale që ka rajoni i Korçës 9 prej tyre mirëmbahen nga firma private të kontraktuara dhe 3 të tjera nga vetë drejtoria. Kështu akset Pogradec - Qafë Thanë, Korçë - Dogana e Goricës, Korçë - Qafa e Qarrit - Ersekë - Leskovik, Korçë - Dardhë dhe Korçë - Voskopojë mirëmbahen nga firma private dhe në çdo aks qëndrojnë në gatishmëri 1 - 2 borëpastruese dhe një traktor i rëndë.

Nga kontrollet e ushtruara rezulton se janë marrë masa për depozitimin e kripës dhe të skorjeve të nevojshme për dimrin që erdhi.

http://www.panorama.com.al/index.php?id=21600

20.11.2008, 18:01

Flokët e para të borës, të cilat priten të bien të shtunën mbi shtetin e Veriut, do të shënojnë edhe fillimin jozyrtar të stinës së dimrit. Bora, që do të fillojë të shtunën nuk do të ndalet deri në fillim të javës së ardhshme.

Këto janë parashikimet sinoptike për këtë javë. Me borën do të bien edhe temperaturat. Sylë Tahrisyla, drejtor i Institutit Hidrometeorologjik të Shqipërisë së Veriut, pohon se temperaturat në fundjavë do të zbresin deri në minus gjashtë gradë celsius (- 6 Cº).

http://gazetaexpress.com/online/home...gory=53&id=658

21.11.2008, 00:03

Në Gostivar dhe rrethinë janë regjistruar të reshurat e para të borës, kurse në Mavrovë dhe rrethinë, gjatë ditës së martë shtresa e borës ka arritur madje deri në katër centimetra. Edhe për skaj të reshurave të borës, nuk janë vërejtur vështirësi në komunikacion.

Sipas informatave në rrugët rajonale dhe vendore qarkullimi vijon pa pengesa, ndërkohë që Rajoni Policor në Gostivar, rikujton vozitësit se tanimë është fuqizuar ligji për përgatitjet dimërore. Vozitësit e automjeteve janë të detyruar që të kenë me vete të gjitha pajisjet e nevojshme dimërore, si zinxhirë etj.

http://www.koha.com.mk/a11.html

22.11.2008, 18:37

Citim:

ShV: Vendkalimi kufitar me Malin e Zi është mbyllur për kamionët

Policia shqiptaroveriore ka bërë të ditur se për shkak të borës, vendkalimi kufitar ShV-Mali i Zi është ndaluar për kamionët nga ora 04:00 e mëngjesit të sotëm, ndërsa autobusët dhe veturat mund të kalojnë me pajisje dimërore, ndërsa rrugët tjera në shtetin e Veriut janë të kalueshme.

Policia porosit ngasësit e veturave se duhet të mbajnë pajisjet dimërore në automjetet e tyre gjatë gjithë kohës.

http://www.botasot.info/?gjuha=0&category=3&id=1463

22.11.2008, 20:04

Era dhe të reshurat e borës kanë shkaktuar një mori prishjesh në largpërçuesit 10 kilovatësh dhe 35 kilovatësh të KEK-ut. Sipas pasojë e reshjeve intensive të borës, KEK-u ka identifikuar mbi 100 dëmtime në rrjetin elektrik.

"Moti i keq ka shkaktuar dëme edhe në rrjetin e transmisionit të menaxhuar nga KOSTT. Tre largpërçues me 110 kilovatë janë jashtë funksionit”, thuhet në komunikatën e KEK-ut. Sipas kësaj komunikate, ekipet e mirëmbajtjes janë mobilizuar dhe ndodhen në terren.

http://gazetaexpress.com/online/home...gory=52&id=825

22.11.2008, 20:04

Sot që në orët e para të ditës reshjet dëborës, reshjet e shiut si dhe era e fortë kanë shkaktuar probleme në disa qytete të vendit. Problem mbetet rrethi i Kukësit, ku që me borën e parë, janë bllokuar rrugët. Aktualisht është e bllokuar rruga nacionale për në Kukës, që është edhe pika lidhëse me shtetin shqiptar të Veriut. Po kështu 9 komuna të rrethit janë izoluar për shkak të bllokimit të rrugëve nga bora.

http://www.shekulli.com.al/news/101/...008-11-22.html

22.11.2008, 20:04

Reshjet e borës, të cilat kanë filluar të bien në mbrëmjen e së premtes dhe po vazhdojnë edhe të shtunën, kanë shënuar fillimin jozyrtar të stinës së dimrit. Bora nuk do të ndalet deri në fillim të javës së ardhshme, sipas parashikimeve sinoptike. Me borën do të bien edhe temperaturat.

http://gazetaexpress.com/online/home...gory=53&id=792

6.10.2008, 22:03	#12
Anëtarësuar: 5.2008	Bie bora e parë në Kukës Bie bora e parë në majat e Gjalicës e Korintikut në Kukës. Në lartësinë mbi 2500 metra mbi nivelin e detit, dje moti ishte i ftohtë dhe me borë. Meteorologët parashikojnë një dimër të ashpër këtë vit në veri. Reshjet e dëborës që zbardhën dje malet rreth Kukësit kujtuan banorët e këtij qarku të marrin masa, për të siguruar ushqime të bollshme për dimrin. Kjo nisur edhe nga praktika e viteve të mëparshme, ku mijëra banorë të komunave të thella izolohen pa patur asnjë mundësi komunikimi me qytetin. http://www.panorama.com.al/index.php?id=19863

6.10.2008, 22:18	#13
Anëtarësuar: 5.2008	Troket dimri, ulen temperaturat Rënie e ndjeshme e temperaturave dhe zbehje e reshjeve të shiut. Duke filluar nga dita e sotme, shqiptarët do të ndiejnë praninë e dimrit për shkak të uljes së temperaturave. Sipas Shërbimit Metereologjik Ushtarak, dita e hënë do të shënojë rënien e temperaturave minimale dhe atyre maksimale, ku të fundit nuk do të kalojnë 17 gradëshin. http://www.kohajone.com/html/artikull_31527.html

20.11.2008, 00:37	#14
Anëtarësuar: 5.2008	Korçë: Bie bora e parë Dimër në Korçë. Dje, për herë të parë për këtë sezon, temperatura shënoi nën zero. Ndonëse me reshje të dobëta dëbore, që nuk shkuan më tepër se 5 centimetra në zonat me lartësi mbi 1300 metra, sipas sinoptikanëve të forcave ajrore, temperaturat ranë në mënyrë të ndjeshme. Shtresa më e madhe e dëborës ra në zonat e Dardhës, Voskopojës, në Bigëll të zonës së Prespës dhe rreth pesë centimetra në Qafën e Qarrit, në Vithkuq etj. Temperatura minimale u shënua minus 1 gradë dhe maksimalja plus 5 gradë. Sipas sinoptikanëve, në ditët në vazhdim parashikohet se do të ketë reshje shiu me flokë të lagësht dëbore dhe ulje të temperaturave. Deri tani nga zyra e emergjencave civile në Prefekturë informojnë se moti nuk ka shkaktuar probleme. Drejtoria rajonale e mirëmbajtjes së rrugëve nacionale ka krijuar shtabin e përballimit të emergjencave që mund të diktojë ashpërsimi i motit. Sipas drejtorit të saj Kreshnik Zjani, nga 12 akse të rrugëve nacionale që ka rajoni i Korçës 9 prej tyre mirëmbahen nga firma private të kontraktuara dhe 3 të tjera nga vetë drejtoria. Kështu akset Pogradec - Qafë Thanë, Korçë - Dogana e Goricës, Korçë - Qafa e Qarrit - Ersekë - Leskovik, Korçë - Dardhë dhe Korçë - Voskopojë mirëmbahen nga firma private dhe në çdo aks qëndrojnë në gatishmëri 1 - 2 borëpastruese dhe një traktor i rëndë. Nga kontrollet e ushtruara rezulton se janë marrë masa për depozitimin e kripës dhe të skorjeve të nevojshme për dimrin që erdhi. http://www.panorama.com.al/index.php?id=21600

20.11.2008, 18:01	#15
Anëtarësuar: 5.2008	ShV: Bora e parë pritet të shtunën Flokët e para të borës, të cilat priten të bien të shtunën mbi shtetin e Veriut, do të shënojnë edhe fillimin jozyrtar të stinës së dimrit. Bora, që do të fillojë të shtunën nuk do të ndalet deri në fillim të javës së ardhshme. Këto janë parashikimet sinoptike për këtë javë. Me borën do të bien edhe temperaturat. Sylë Tahrisyla, drejtor i Institutit Hidrometeorologjik të Shqipërisë së Veriut, pohon se temperaturat në fundjavë do të zbresin deri në minus gjashtë gradë celsius (- 6 Cº). http://gazetaexpress.com/online/home...gory=53&id=658

21.11.2008, 00:03	#16
Anëtarësuar: 5.2008	Gostivar: Bie bora e parë Në Gostivar dhe rrethinë janë regjistruar të reshurat e para të borës, kurse në Mavrovë dhe rrethinë, gjatë ditës së martë shtresa e borës ka arritur madje deri në katër centimetra. Edhe për skaj të reshurave të borës, nuk janë vërejtur vështirësi në komunikacion. Sipas informatave në rrugët rajonale dhe vendore qarkullimi vijon pa pengesa, ndërkohë që Rajoni Policor në Gostivar, rikujton vozitësit se tanimë është fuqizuar ligji për përgatitjet dimërore. Vozitësit e automjeteve janë të detyruar që të kenë me vete të gjitha pajisjet e nevojshme dimërore, si zinxhirë etj. http://www.koha.com.mk/a11.html

Moti, bllokimi i rrugëve - Njoftime

Moti, bllokimi i rrugëve - Njoftime

Bora, izolohen disa komuna në Verilindje

Zbardhet Vermoshi e Dukagjini

Bllokohet rruga Korçë-Dardhë, probleme në qafa

Reshjet e borës, bllokohen rrugët në Veri

Dëbora, bllokohet Malësia e Shkodrës

Dëborë dhe në Qafë Thanë

Reshjet e borës mbulojnë vendin

Akulli: Bllokohen qafat e maleve nga Veriu në Jug

Reshje të mëdha dëbore në veri

Vështirësi qarkullimi në veri të vendit

Bie bora e parë në Kukës

Troket dimri, ulen temperaturat

Korçë: Bie bora e parë

ShV: Bora e parë pritet të shtunën

Gostivar: Bie bora e parë

ShV: Bora shkakton mbi 100 dëmtime në rrjetin elektrik

Bora bllokon rrjetin kombëtar rrugor për në Kukës

Zbardhet Shqipëria e Veriut

22.11.2008, 20:04	#18
Anëtarësuar: 5.2008	ShV: Bora shkakton mbi 100 dëmtime në rrjetin elektrik Era dhe të reshurat e borës kanë shkaktuar një mori prishjesh në largpërçuesit 10 kilovatësh dhe 35 kilovatësh të KEK-ut. Sipas pasojë e reshjeve intensive të borës, KEK-u ka identifikuar mbi 100 dëmtime në rrjetin elektrik. "Moti i keq ka shkaktuar dëme edhe në rrjetin e transmisionit të menaxhuar nga KOSTT. Tre largpërçues me 110 kilovatë janë jashtë funksionit”, thuhet në komunikatën e KEK-ut. Sipas kësaj komunikate, ekipet e mirëmbajtjes janë mobilizuar dhe ndodhen në terren. http://gazetaexpress.com/online/home...gory=52&id=825

22.11.2008, 20:04	#20
Anëtarësuar: 5.2008	Zbardhet Shqipëria e Veriut Reshjet e borës, të cilat kanë filluar të bien në mbrëmjen e së premtes dhe po vazhdojnë edhe të shtunën, kanë shënuar fillimin jozyrtar të stinës së dimrit. Bora nuk do të ndalet deri në fillim të javës së ardhshme, sipas parashikimeve sinoptike. Me borën do të bien edhe temperaturat. http://gazetaexpress.com/online/home...gory=53&id=792

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar