Moti, bllokimi i rrugëve - Njoftime

28.12.2009, 22:11

Citim:

Përmbytje në Lezhë. Banorët braktisin shtëpitë nga frika e ujit

Shtëpi të përmbytura, shtylla të rrëzuara dhe sipërfaqe të tëra toke, të mbuluara nga uji. Kjo ka qenë situata gjatë paradites në zonën e Tales në Lezhë. Pavarësisht përmirësimit të motit, prurjet e mëdha nga reshjet e ditëve të fundit si dhe tejmbushja e digave në hidrocentralet e Ulzës dhe Shkopetit, ka sjellë depërtimin e ujit në zonat e banuara.

Vërshimi i ujit ka shembur argjinaturën pranë hidrovorit të Tales, duke e nxjerrë atë jashtë funksionit. Gjatë orëve të mesditës, niveli i tij u ngrit ndjeshëm duke detyruar banorët të braktisin shtëpitë e tyre. Rrëzimi i shtyllave ka shkaktuar edhe ndërprerjen e energjisë elektrike në zonë

Ekipet e emergjencës dhe forcat e Ushtrisë të ndodhura në zonë, u kanë ardhur në ndihmë banorëve dhe drejtuesve lokale të zonës. Autoritetet i druhen faktit se nëse prurjet do të vijojnë me të njejtin intensitet, atëherë situata mund të përkeqësohet.

Kreu i Emergjencave, Civile, Alfred Olli gjatë inspektimit në komunat e Hajmetlit, Dajcit dhe Vaut të Dejës në Shkodër, tha se Shtabi i Emergjencës ka nën monitorim situatën e krijuar. Sipas tij, gjatë nëse do të jetë e nevojshme, Shtabi i Emergjencës do të vërë në zbatim planin për evakuimin e banorëve.

Përmbytje nga reshjet, ka patur edhe në Fier ku si pasojë e daljes nga shtrati të lumit Gjanicë, uji ka mbuluar tërësisht tregun industrial, duke shkaktuar mjaft dëme të konsiderueshme subjekteve tregëtare.

http://www.tvklan.tv/lajmi.php?id=8661

Citim:

Përmbytjet kërcënojnë zona të tëra në Shqipëri

Shkodër, 28 dhjetor - Qindra shtëpi në zonën e nën Shkodrës, në fshatrat Kuç, Baçallek, Vukatanë janë përmbytur për shkak të sasisë së madhe të ujit nga diga e hidrocentralit të Vaut të Dejës, njoftojnë mediat e Tiranës.

Vetë hidrocentrali është i tejmbushur dhe gjatë natës thuhet se ka pasur edhe hapje të portave për te mbajtur nën kontroll prurjet e ujit.
Reshjet e orëve të fundit kanë sjellë një situatë kritike në veri të vendit dhe kanë diktuar marrjen e masave emergjente për të paraprirë një katastrofë me përmasa të mëdha.

Ministria e Mbrojtjes ka urdhëruar kalimin e ushtrisë në gatishmëri, ndërkohë që për shkak të tejmbushjes nga ujërat dhe rrezikun e shpërthimit të kaskadave mbi lumin Drin, Ministria e Ekonomisë ka urdhëruar dje hapjen e portave të shkarkimit në hidrocentralet e Vaut të Dejës dhe të Komanit.

Po për shkak të prurjeve ujore janë përmbytur sipërfaqe të konsiderueshme toke, si dhe disa akse rrugore (autostrada Kukës-Tiranë dhe Qafë-Shllak - Kukës), janë bllokuar përkohësisht nga shkarjet masive

Mbajtja nën kontroll e ujit bëhet vetëm me hapjen e portave të emergjencës të cilat do të bënin që sipërfaqe të tëra të zonave fushore në zonën e nën Shkodrës të përmbyteshin. Herën e fundit portat u hapen në vitin 2004 duke futur nën ujë me mijëra banesa.

Dëmet në këto zona ishin shumë të mëdha. Aktualisht porta e shkarkimit në hidrocentralin e Vaut të Dejës është e mbyllur dhe megjithatë nën zonat e banuara në brigjet e lumit Drin janë të shumta banesat e përmbytura bashkë me disa qindra hektarë tokë të futur nën ujë..

Hapja e portave të hidrocentralit të Ulëz dhe të Shkopetit kanë shkaktuar përmbytje të mëdha në fshatin Tale të Lezhës.

http://www.koha.net/index.php?cid=1,16,6939

2.1.2010, 21:17

Citim:

Shirat shkaktojnë sërish përmbytje në Shqipëri

Moti i keq dhe reshjet e vazhdueshme kanë shkaktuar përmbytje në disa zona të Shqipërisë në ditët e para të vitit të ri.

Dhjetëra banesa janë përmbytur në Ishull Shëngjin, Tale dhe Fushë-Kuqe të Lezhës, ndërsa përmbytje ka patur edhe në Shkodër si dhe në zonën e bregdetit në Durrës.

Shkak për vërshimin e ujërave të detit në zonën e Lezhës, është bërë batica detare, ndërsa jane dëmtuar edhe pritat e ngritura përgjatë bregdetit për të parandaluar situata të ngjashme.

Burime zyrtare të Drejtorisë së Emergjencave Civile bëjnë të ditur se nga ana e Prefekturës janë marrë masat për normalizimin e situatës.

Kryeministri Sali Berisha vizitoi zonat e përmbytura dhe premtoi ndihmë dhe mbështetje për familjet e prekura.

Ndërkohë, gjendja paraqitet problematike edhe në qarkun e Shkodrës, ku mbi 100 shtëpi janë përmbytur dhe izoluar për shkak të reshjeve të ditëve të fundit.

Autoritetet lokale kanë mbledhur shtabin e emergjencës, që pritet të vendosë për evakuimin e banorëve të zonave më të rrezikuara si fshati Obot dhe komuna Ana e Malit.

Edhe në qarkun e Durrësit, shumë banesa në zonën e plazhit janë përmbytur gjatë ditëve të fundit.

http://www.bbc.co.uk/albanian/news/2...ther_alb.shtml

Citim:

Përmbytje në zonat e Lezhës. Sinoptikanët: Rikthehen shirat

Batica e detit në Lezhë dhe dalja nga shtrati e lumenjve Bunë dhe Drin në Shkodër kanë shkaktuar përmbytjen e disa komunave në këto rrethe. Në Lezhë, banorët e disa zonave në Patok, Tale, Fushë-Kuqe dhe Ishull Shengjin janë gdhirë sot në mëngjes me shtëpitë e mbushura me ujë.

Dhjetra banesa janë përmbytur si pasojë e baticës që ka çarë brezin e rërës duke rritur ndjeshëm nivelin e ujit në kënetë. Niveli i ujit ka arritur në 1 metër në banesat rreth kënetës, ndërsa autoritetet janë në gadishmëri të plotë për tu ardhur në ndihmë banorëve.

Masa janë marrë edhe nga Prefektura e Lezhës, e cila në bashkëpunim me forcat e ushtrisë, ka siguruar 4 mjete të transportit të rëndë që kanë nisur punën për mbushjen me materiale të nevojshme të argjinaturës për të penguar depërtimin e ujit ne shtëpitë e banorëve në këto fshatra.

Vetëm pak ditë më parë, në disa zona të Lezhës pati përmbytje masive për shkak të hapjes së portave të hidrocentralit të Ulëz dhe të Shkopetit.

Ndërsa në Qarkun e Shkodrës, përmbytjet ka pasur në dhjetëra hektarë tokë bujqësore, në komunat Bërdicë dhe Ana e Malit.

Përmbytjet në këtë qark kanë ardhur pas reshjeve të shumta të këtyre ditëve, të cilat kanë bërë që lumenjtë Bunë dhe Drin të fryhen dhe të dalin nga shtretërit e tyre.

Por ndërkohë edhe moti duket se këtyre ditëve nuk është në favor të këtyre banorëve. Ndërsa dita e ndërrimit të viteve ishte nje dite e ngrohte dhe me diell, nga data 2 janar e në vazhdim do të rikthehen reshjet e shirave.

"Datat 3 dhe 4 do të sjellin një shkëputje të vranësirave dhe shirave, por sërish në datën 5 ato rikthehen në territor” thotë meteorologia Lajda Porja.

Persa i parket vlerave termike, termometri do te shenoje nje ulje te tyre ne daten 2 janar, te cilat mund te pasohen dhe nga rreshje debore ne zonat malore.

“Duke filluar nga data 2 dhe mbrapa do të kemi rënie të temperaturave që do të thotë se në zonat malore do të kemi edhe rreshje të pakta të dëborës ku temperaturat do të zbresin nën zero” thotë Porja.

Sipas sinoptikaneve, edhe era do te jete problematike. Ajo parashikohet te shkoje ne ditet e para te janarit, deri ne 60 km ne ore duke shkaktuar dhe dallge ne det deri ne 7 balle.

http://www.alsat.tv/lajme-nga-vendi/...en-shirat.html

3.1.2010, 22:22

Citim:

Përmbytjet në veri, banorët evakuim të detyrueshëm

Lezha dhe Shkodra po përjetojnë një situatë të rëndë përmbytjeje. Jo vetëm prurjet jashtëzakonisht të mëdha të lumenjve nga reshjet por edhe baticat detare e kanë bërë situatën emergjente.

Kështu kritike paraqitet gjendja në liqenet e kaskades se Drinit. Gjate nates u hapen portat e shkarkimit ne hidrocentralet e Fierzes, Komanit dhe Vaut te Dejes.

Shtabi i Emergjences Civile ka urdheruar evakuuimin e detyrueshem te banoreve ne zonat me te rrezikuara prej permbytjeve.

Keshtu ne rast refuzimi, sipas autoriteteve banoret do te detyrohen te lene banesat e tyre per shkaqe sigurie.

http://www.alsat.tv/lajme-nga-vendi/...t-ne-drin.html

4.1.2010, 22:58

Citim:

Green Flood alert in Albania
Source: Dartmouth Flood Observatory based on media analysis

Analysis: January 11, 2010

The flood started on 1/4/2010 and ended on 1/11/2010, with a duration of 8 days. This flood has severity class 2 (i.e. this is an extreme event with an estimated recurrence interval greater than 100 years).

The main cause is Heavy Rain.

The alert score is based on the reported death and displaced. Red = 1000 or more people killed or 800000 or more people displaced. Orange = 100 or more people killed or 80000 or more displaced.

* alert score: 1
* magnitude: 5.1
* duration: 8
* severity: 2
* affected region: 7601 km2

Impact

Reports indicate that person(s) have been killed and 1000 have been displaced. No reports on damage have been found. The flood affected a region of approximately 7601 km2.
Location

For the following locations damage has been reported: Northwest Albania, central Croatia, parts of Bosnia

The approximate geographic location of this flood is -30.95 latitude and 149.06 longitude. This is the centroid of the affected area, as determined by the place names mentioned in the media.

Emri: shq-harta.png
Shikimet: 0
Madhësia: 38,4 KB

Emri: shq-harta.png
Shikimet: 0
Madhësia: 38,4 KB

http://www.gdacs.org/reports.asp?eve...reen&glide_no=

Citim:

Liqenet zbrazen, përmbytjet rriten në Shqipëri

Shkodër, 4 janar – Ujërat e liqeneve të hidrocentraleve të Komanit dhe të Vaut të Dejës kanë trokitur shumë pranë Shkodrës këtë mëngjes. Gjatë mbrëmjes në lagjen Bahcallëk të qytetit janë evakuuar 130 persona të komunitetit rom dhe janë transportuar direkt në ish-repartin ushtarak në Melgushe.

Ndërkohë në fshatin Dajc situata nuk paraqitet aspak e qetë. 460 familje që nuk pranuan evakuimin dje, sot ndodhen në rrezik nga niveli i ujit në rritje. Vetëm 55 familje kanë pranuar të braktisin banesat dhe të largohen nga fshati. Pako me ushqime janë dërguar direkt në banesat e tyre me anë të ushtrisë. Katet e para të banesave janë pushtuar nga uji.

Ndërsa fshati Obot është izoluar tërësisht nga uji, banorët e mbetur kanë refuzuar largimin nga banesat, pasi kanë frikë nga vjedhjet.

Por Shtabi i Emergjencës ka vendosur largimin me forcë të banorëve dhe mendohet që evakuimi të bëhet me lundra. Nuk dihet ende rruga që do të ndiqet se fillimisht duhet të kalohet nga Dajci, i cili aktualisht ndodhet nën ujë.
Vështirësi të mëdha për evakuimin e banorëve në fshatrat Obot e Dajc të Shkodrës pas hapjes së portave të shkarkimit të hidrocentraleve të Vaut të Dejës e Komanit.

Mësohet se për shkak të errësirës së madhe dhe nivelit të ujërave që ishin në rritje nuk ka patur evakuime të banorëve gjatë natës, por ky proces do të nisë sot paradite. Pas kundërshtimit që i bënë një ditë më parë banorët e Obotot e Dajcit urdhrit të qeverisë për të braktisur shtëpitë pas hapjes së portave të shkarkimit, evakuimi nuk u realizua 100%. Nga 150 familje vetëm 70 u bindën të linin banesat, por me një kusht, një kryefamiljar të qëndronte ditë e natë në ruajtje të pronës.

Sot do të evakuohen edhe familjet e mbetura, mes të cilëve edhe gra, fëmijë e pleq.

Hapja e portave të shkarkimit që nisi dy ditë më parë ka sjellë dhe pasojat e para tek banorët. Shumica e tyre kanë mbetur pa rezerva ushqimore. Sot ka nisur dërgimi i rezervave me lundra nga ushtria.

Ndërkohë 70 familjet e larguara nga fshatrat nuk kanë pranuar të strehohen në vendqëndrimet e caktuara nga qeveria, siç janë konviktet e Universitetit të Shkodrës dhe Hotel Turizmi i qytetit. Familjet e evakuuara kanë zgjedhur të afërmit të strehohen për këto ditë emergjence.

Sot herët në mëngjes është mbledhur Shtabi i Emergjencave të Prefekturës së Shkodrës për vendime të reja.

Hapja e portave të shkarkimit të hidrocentraleve të Komanit e Vaud të Dejës erdhi pas rritjes së nivelit të ujërave në liqenet furnizuese. Niveli i tyre kapi kuotat maksimale dhe institucionet përkatëse vendosën hapjen e portave të shkarkimit.

Forcat e Armatosura kanë ndërtuar një argjinaturë 70 metër të gjatë dhe një metër të lartë në vijën e fshatrave Baragjat, Rrushkull dhe Belaj, në mënyrë që këto fshatra të mbrohen nga përmbytjet. Në gatishmëri për mbështetje të menjëhershme janë vendosur 146 forca dhe 138 mjete të tjera, të cilët shërbejnë kryesisht për evakuimin e banorëve me mjete dhe motobarka si dhe për transportimin e mallrave.

http://www.koha.net/index.php?cid=1,16,7462

6.1.2010, 22:27

Citim:

Komiteti i Emergjencës: Nën ujë 4816 ha tokë dhe 870 shtëpi

Gjatë mbrëmjes, Ministri i Brendshëm Lulzim Basha zhvilloi mbledhjen e parë të Komitetit të Emergjencës. Ai dha informacione mbi tokën dhe banesat e përmbytura, si dhe banorët e evakuuar gjatë këtyre ditëve.

"Në rajonin e Qarkut Shkodër vazhdon situata e emergjencës e shpallur me dt 3.01.2010 e krijuar nga reshjet e ditëve të fundit të cilat vazhdojnë të bien në mënyrë të pa ndërprerë edhe gjatë ditës së sotme.

Nga H/C i Vau Dejës niveli i shkarkimeve më datën 06.01.2010 në orën 14.00 është në kuotën 1770 m3/s.

Në rrethin Shkodër sot kemi të përmbytur siperfaqe toke si më poshtë: Komunën Bushat rreth 650 Ha toke, komuna Velipoje, rreth 300 ha toke, komuna Dajc rreth 1500 ha toke, komuna Ana e Malit rreth 741 ha toke, Guri i Zi rreth 90 ha toke, Berdice rreth 1200 ha toke, bashkia Shkoder rreth 300 ha toke, komuna Rrethina 15 ha toke, Guri i Zi 20 ha toke, gjithsej 4816 ha toke.

Janë në prezencën e ujit: Bashkia Shkodër rreth 140 shtëpi, Komuna Dajç rreth 600 shtëpi, Komuna Ana e Malit 130 shtëpi, gjithsej 870 shtëpi.

Janë të evakuar: Bashkia Shkoder 60 Familje, Komuna Ana Malit 30 Familje së bashku me gjënë e gjallë, Komuna Dajç 430 Familje, Komuna Bushat 7 Familje.

Gjithsej deri tani janë evakuar rreth 527 familje, evakuimi vazhdon. Masat per nje skenar vijueshmerie te situates se emergjences, perfshijne evakuime te bashkise Shkoder, rreth 320 familje, komuna Guri i Zi 577 familje, Ana e Malit 180 familje, Dajc rreth 850 familje, Berdice rreth 195 familje dhe komuna Rrethina rreth 50 familje."

http://www.alsat.tv/lajme-nga-vendi/...70-shtepi.html

8.1.2010, 19:43

Citim:

Maqedonia ka mundësi, por nuk i ndihmon Shqipërisë

Shqipëria ndodhet përballë një rreziku shumë të madh nga vërshimet të cilat kanë përmbytur shumicën e territorit shqiptarë. Popullata e atjeshme gjendet në gjendje të rënduar dhe kërkon ndihmë. Edhe pse qeveria shqiptare ka marrë të gjitha masat që situata të stabilizohet dhe të vihet nën kontroll, deri më tani hektarë të tërë janë mbushur me ujë.

Në këtë katastrofë që po i ndodhë Shqipërisë, mundet të ndihmojë edhe Maqedonia, por deri më tani ajo nuk e ka marrë asnjë vendim të tillë. Eksperti i energjetikës dhe hidrocentraleve, akademik Fahrudin Hoxha në një deklaratë për “Lajm” ka pohuar se Maqedonia duhet sa më shpejtë ta ndihmojë Shqipërinë pasi situata është shumë e keqësuar.

“Maqedonia ka mundësi t’i ndihmojë Shqipërisë duke lëshuar sa më pak ujë në Drin. Qoftë ajo 10 ose 15 metra kub ujë. Duke ngritur nivelin e Liqenit të Ohrit për vetëm një metër, ju do të kursenit 35 milionë metra kub ujë duke mos lëshuar në Shqipëri”, tha fillimisht Hoxha.

Ai sqaroi se nuk mund të mbahet ujë në digat aktuale që i ka Maqedonia, pasi ka pajisje që në mënyrë automatike e nxjerrin ujin e tepërt. Akademiku Hoxha ka përshkruar edhe gjendjen e vështirë në të cilën ndodhet aktualisht Shqipëria.

“Çdo pëllëmbë toke është vërshuar nga uji. Kanë dalë nga shtretërit e tyre lumi Drin, Buna, liqeni i Fierzës e plot ujëra të tjerë. Shqipëria është në gjendje shumë të rënduar dhe nuk shef asgjë përveç përmbytjeve”, tha Hoxha.

Derdhja e ujit në Drinin e Zi është e kontrolluar në digën e Strugës dhe për momentin derdhen rreth 7 metra kub në sekondë që është sasia e njëjtë sa hyn ujë në Liqenin e Ohrit nga burimet në Shën Naum. Akademiku Hoxha ka thënë se urgjent duhet të mblidhet Komiteti bilateral për mbrojtjen e Liqenit të Ohrit nga Maqedonia dhe Shqipëria me qëllim që të caktojnë mundësinë për ndalimin e derdhjes së ujit në lumin Drin.

Kohë më parë dy shtete ishin marrë vesh për sasinë e derdhjes së ujërave nga Liqeni i Ohrit, si nevojë imediate e revidimit të Marrëveshjes së vitit 1956, nënshkruar nga qeveritë e ish- Jugosllavisë dhe Shqipërisë.

Arijan Meroli, nga Komiteti bilateral i Shqipërisë për mbrojtjen e Liqenit të Ohrit, është shprehur se sinjale pozitive vijnë nga të dy shtetet, sepse është interes i të vendeve që të revidohet kjo Marrëveshje.

“Ne konkretisht dëshirojmë që të kalojmë menjëherë në pjesën konkrete të bisedimeve. Së pari dëshirojmë të nënshkruajmë aktet që kanë të bëjnë me nivelin e Liqenit të Ohrit, variabilitetin e maksimumit dhe minimumit të nivelit sipas lartësisë mbidetare, sepse për shkak të nivelit, mund të kemi dhe të krijojmë probleme në drejtim të kushteve të jetesës së disa llojeve endemike në Liqenin e Ohrit. Ne dëshirojmë që në këtë drejtim të bëjmë diçka konkrete”, tha ai.

Megjithatë, nga pala maqedonase ende nuk është dhënë ndonjë sinjal për të ofruar mundësinë e ndihmesës në këtë drejtim. Nga ana tjetër, profesor akademik, Fahrudin Hoxha ka mohuar se mund të ketë ndonjë lojë të qëllimshme nga pala maqedonase në lidhje me përmbytjet.

“Nuk dua të besoj se ka ndonjë tendencë të qëllimshme për t’u vërshuar Drini. Sigurisht që ata nëse duan të na ndihmojnë mundë të lëshojnë ujë shumë më pak në lum, pasi situata e këtushme është shumë e keqësuar”, tha Hoxha.

Liqeni i Ohrit, gjendet në një lartësi mbidetare prej 693 metra dhe ka një variabilitet të nivelit të ujit që lëviz varësisht nga nevojat dhe situatat e përgjithshme hidrologjike dhe hidrometeorologjike, prej 693,10-693,70 metra të lartësisë mbidetare.

http://lajmpress.com/lajme/maqedoni/2865.html

Citim:

Shqipëria kërkon nga Maqedonia ta rrisë nivelin e Liqenit të Ohrit

Qeveria shqiptare kërkoi nga Maqedonia ta rrisë nivelin e Liqenit të Ohrit me çka do të zvogëlohej derdhja e ujit në lumin Drini i Zi, deklaroi ministri i Energjetikës, Dritan Prifti.

Ai theksoi se në mesin e masave që autoritetet në Shqipëri i ndërmarrin për ballafaqim me përmbytjet është edhe porosia drejtuar Qeverisë së Maqedonisë që të angazhohet rreth rritjes së nivelit të Liqenit të Ohrit.

“Besojmë se masa e këtillë do të ndikojë pozitivisht në zvogëlimin e përmbytjeve në Shqipëri”, deklaroi Prifti.

Shefi i diplomacisë shqiptare dhe njëherësh zëvendëskryeministër Ilir Meta, të enjten realizoi takim me korrin e huaj diplomatik në Tiranë, në të cilin ishin të pranishëm edhe përfaqësues të Ambasadës së Maqedonisë.

Diplomatët e Maqedonisë u informuan për gjendjen më të re me përmbytjet në Shqipëri, ndërsa prej tyre u kërkuan edhe këshilla për tejkalimin e situatës. /Makfaks/

http://www.telegrafi.com/?id=3&a=5038

Citim:

Maqedonia hapi vetëm një portë për rrjedhjen e ujit në Drin

Pas kërkesës nga ministri i Energjetikës i Shqipërisë, Dritan Prifti që Maqedonia të rrisë nivelin e Liqenit të Ohrit me çka do të zvogëlohej derdhja e ujit në lumin Drini i Zi, mësohet se nga 7 portat në burimin e ujërave të Drinit, është e hapur vetëm një, nëpërmjet së cilës rrjedh vetëm 7 metra kub ujë në sekondë.

Normalisht aty do të duhet të kalonin 22 metra kub ujë në sekondë. Jo zyrtarisht mësojmë se niveli momental i ujit në liqen është afër kufirit maksimal të lejuar 693.7 metra.

Nga Enti hidrobiologjik i Ohrit thonë se rritja e nivelit të ujit në liqenin e Ohrit, mbi kufirin maksimal, do të shkaktojë dëme për qytetin e Ohrit dhe Strugës.

“Nëse nga 695 zmadhohet në 700 metra lartësi mbi detare atëherë vjen në zmadhimin e nivelit dhe ekziston rreziku që të vijë deri te derdhja, rritja e ujërave nëntokësore në qytetin e Ohrit”, deklaroi Llazo Naumovski – përfaqësues i Entit hidrobiologjik në Ohër.

Autoritetet e Maqedonisë i kanë konfirmuar edhe ambasadorit të Shqipërisë, Arben Cejku se po bëhen përpjekje që të mos ketë derdhje shtesë në Drin.

“Për sa i përket kalimit të ujërave nga liqeni i Ohrit në drejtim të lumit Drin ku pavarësisht se ka pasur edhe këtej edhe një rritje të nivelit të ujërave kuota e shfrytëzimit nuk është ndryshuar, përkundrazi bëhet përkujdesje që të mos ketë shtesa në derdhjen e ujërave në lumin Drin”, theksoi Arben Çejku – ambasador i Shqipërisë në Shkup.

Në hidrocentralin e Fierzës, në Shqipëri niveli i ujit është në 296.1 metra nga 290 metra që është kufiri maksimal i lejuar. Për tejkalimin e krizës Maqedonia javën që vjen do të ndihmojë zonat e prekura nga përmbytjet me paketa higjienike, ushqimi dhe batanije. Koordinimi do të jetë i përditshëm si me ambasadën e Shqipërisë në Shkup ashtu edhe me Kryqin e Kuq shqiptar që ndihma të vazhdojë edhe në të ardhmen.

http://alsat-m.tv/index.php/lajme/vendi/22027.html

Citim:

Gjakovarët hapin dyert për familjet e përmbytura në Shkodër e Lezhë

Gjakovë, 8 janar- Gjakovarët kanë hapur dyert dhe shtruar sofrat e tyre për T’i strehuar një mijë familje të zonave të përmbytura të Shkodrës dhe Lezhës, e të cilat kanë mbetur pa kulm mbi kokë.

Është edhe një solidaritet i banorëve gjakovarë pas ndihmës prej 10 mijë euro të ndara nga Kuvendi Komunal dhe nisjes së një formacioni të zhytësve dhe të kërkim shpëtuesve.

Është e para familja Ag Batushës, e cila ka shprehur solidaritetin dhe vullnetin e mirë të bamirësisë për të strehuar 100 familjarë nga zona e rrezikuar e Shqipërisë Veriore. Ky vullnet i shprehur po stimulon edhe të tjera familje në këtë qytet perëndimor të Kosovës.

Kryetari i Komunës, Pal Lekaj, në një takim me gazetarë të premten pasdite, ka pohuar se “familjet ë dëmtuara menjëherë mund të vendosen në Gjakovë, ku i pret sistemimi i menjëhershëm”.

Ndërkohë, ai ka deklaruar se “për familjet që nuk janë në gjendje të mirë materiale, komuna do te gjejë forma dhe mundësi që së paku familjeve të strehuara nga Shqipëria të u sigurohet ushqimi.

http://www.koha.net/index.php?cid=1,8,7921

Citim:

Podujeva ndan 20 mijë euro për zonat e përmbytura në Shqipëri

Podujevë, 8 janar 2010 - Kryetari i ri komunës së Podujevës Agim Veliu, pasi u kujtoi këshilltarëve gjendjen e rëndë në Shqipëri nga përmbytjet e mëdha që janë duke vazhduar, propozoi që komuna e Podujevës të ndajë një ndihmë nga buxheti i saj për dëmet e shkaktuara në një shumë prej 20 mijë eurosh.

Ky propozim u votua njëzëri nga të gjithë këshilltarët. Pardje edhe komuna e Gjakovës ka ndarë 10 mijë për të njëjtin destinim.

http://www.koha.net/index.php?cid=1,7,7882

9.1.2010, 15:57

Citim:

Përmbytjet, Kosova dhuron 200 mijë euro

Prishtinë - Qeveria e Kosovës në mbledhjen e sotme, drejtuar nga kryeministri Hashim Thaçi, vendosi të ofrojë 200 mijë euro ndihmë fillestare për banorët e përmbytur në Qarkun e Shkodrës.

Gjithashtu, qeveria ka vendosur edhe shtimin e të numrit të trupave profesionistëve nga Trupat Mbrojtëse të Kosovës, po edhe specialistëve të tjerë.

''Po e ndjekim me shumë vëmendje edhe shqetësim situatën e re të përmbytjeve që kanë ndodhur në Shqipëri. Kemi shprehur dhe shprehim gatishmërinë si gjithmonë për ndihmë dhe solidaritet'', deklaroi në fillim të mbledhjes së qeverisë kryeministri Thaçi.

''Kemi kontakte të drejtpërdrejta me qeverinë e Shqipërisë dhe janë ndërmarrë masa në dërgimin e pjesëtarëve të Forcës së Sigurisë së Kosovës, por edhe të grupeve të zjarrfikësve të Kosovës, të cilët tanimë ndodhen atje'', u shpreh Thaçi.

Duke iu drejtuar ministrit të Forcës së Sigurisë së Kosovës, Fehmi Mujota, kryeministri Thaçi tha se ''jemi të gatshëm që të rrisim numrin e forcave ushtarake që të ndihmojnë në përballimin e gjendjes'' dhe i kërkoi ministrit të shtonte ndjeshëm numrin e të dërguarve në Shqipëri''.

http://www.gazetastart.com/lajm.php?...iptare&nr=9836

Citim:

Shkodër, dërgohen 4 mijë tonë ndihma ushqimore

Shkodër – Ministria e Brendshme bëri të ditur sot se deri në orën 12:00 janë evakuuar 4177 persona, ndërkohë që nën ujë janë 2405 shtëpi.

Sipas të dhënave, nën ujë janë 10.000 ha tokë. Ndërkohë, kjo ministri ka bërë të ditur edhe sasinë e ndihmave të dërguara për banorët e prekur nga përmbytja.

Kështu, në Bashkinë e Shkodrës, komunën Ana e Malit, atë të Dajçit dhe në Bushat janë dërguar rreth 60000 kg sheqer, 5400 litër Vaj, si makarona, detegjent, sapunë, ujë etj. Gjithsej janë dërguar rreth 4 mijë tonë ndihma ushqimore.

http://www.gazetastart.com/lajm.php?...alitet&nr=9828

11.1.2010, 15:05

Citim:

Përmbytjet në Shkodër, FSK kontigjent trupash shtesë

Image Forca e Sigurisë së Kosovës ka dërguar të dielën një kontingjent plotësues të trupave të veta për të ndihmuar popullsinë e rrethinave të Shkodrës, që po përballet me pasojat e përmbytjes së shkaktuar gjatë 10 ditëve të para janarit.

http://www.alsat.tv/lajme-nga-vendi/...sh-shtese.html

Citim:

Hoxha : Maqedonia duhet ta ndihmojë Shqipërinë

Kështu është shprehur Akademik Farudin Hoxha, projektuesi i digave të hidrocentraleve në kaskadën e lumit Drin.

“Maqedonia duhet të lëshojë sa më pak ujë në lumin Drin nga liqeni i Ohrit tek diga mbi liqen, në qytetin e Strugës. Maqedonia duhet që me urgjencë të ndihmojë Shqipërinë” ka deklaruar Akademik prof.Dr. Farudin Hoxha. Në vazhdim ai ka shtuar:

“Në Institutin Hidrobiologjik për Liqenin e Ohrit thonë se, me 15 m3 në sekondë, Liqeni i Ohrit do të ngrihet vetëm 1 metër lartësi dhe do të pakësohen ujërat që vijnë nga Drini Zi mbi Fierzë me 35 milionë metra kub ujë. Derdhja e ujit në lumin Drini i Zi në qytetin e Strugës, thonë specialistët e Institutit Hidrobiologjik të liqenit, shkon 7 m3 në sekondë, e cila është e barabartë me sasinë e ujit që hyn nga Shën Naumi”.

"Qeveria shqiptare duhet të mbledhë me urgjencë komitetin bilateral me shtetin maqedonas që të ndalojë derdhjen e ujërave nga Liqeni i Ohrit në Drinin e Zi, i cili mbërrin në Fierzë. Është një marrëveshje dypalëshe midis dy shteteve që nga viti 1956 (ish Jugosllavisë dhe Shqipërisë), për disiplinimin dhe menaxhimin e ujërave. Edhe pse Shqipëria ndodhet para një situate dramatike, pala maqedonase çuditërisht nuk ka dhënë asnjë sinjal pozitiv. Nëse Maqedonia do realisht që të ndihmojë fqinjët e saj, duhet të mbyllë portat në Strugë që ujërat e Drinit të mos mbërrijnë në Fierzë”- ka përfunduar Akademik Farudin Hoxha. (M.Latifi/INA)

http://www.ina-online.net/Default.as...c8e03e66e&ln=3

Citim:

Ohër, rrezik nga përmbytjet

Disa vende të bregut të liqenit të Ohrit, janë përmbytur plotësisht, pasi niveli i ujit ka arritur kotën maksimale të lejuar prej 693,75 metrash. Ekspertë nga Enti Hidrometeorologjik i Ohrit, konsiderojnë se Maqedonia nuk mund t’i përgjigjet kërkesave të Shqipërisë për ndalimin e tërësishëm të ujit për në Drinin e Zi.

Sipas tyre, kjo edhe më shumë do të rriste nivelin e liqenit, dhe do të shkaktonte probleme në furnizimin e zakonshëm me energji elektrike, sepse një pjesë e saj prodhohet nga hidrocentralet Shpile dhe Glloboçicë që gjenden në Drinin e Zi.

“Nëse mbyllet Drini i Zi, i cili mundëson rrjedhje të më shumë 50 metra kub uji në sekondë, atëherë me të vërtet do të ballafaqohemi me probleme“, tha Zdravko Krstanovski, nga Enti Hidrometeorologjik.

Llazo Naumovski nga Enti Hidrometeorologjik mendon ndërkohë se hidrocentralet e Shqipërisë për dallim nga hidrocentralet e Maqedonisë nuk kanë kapacitet për aq sasi uji.

“Derdhja mesatare e ujit për në Shqipëri është 100 metra kub ujë në sekondë, por në kushte të tilla sasia e ujit sillet mes 500 dhe 600 metra kub“, u shpreh Naumovski.

Projektuesi i hidrocentraleve të Drinit të Zi në Shqipëri Farudin Hoxha, paralajmëron se derdhja e madhe nga lumi shkakton problem në akumulimin në digën e Fierzës. Hoxha konsideron se Maqedonia në kushte të tilla, do t’i ndihmonte Shqipërisë duke lëshuar gradualisht më pak ujë. (as)

http://www.botasot.info/?gjuha=0&category=12&id=43137

11.1.2010, 18:58

Citim:

Vështirësohet gjendja në zonat e përmbytura

Dhjetë ditë pas përmbytjeve në veriperëndim të Shqipërisë situata vazhdon të mbetet mjaft e vështirë. Bilanci deri të hënën në mëngjes është mbi 10 mijë hektarë e përmbytur dhe afro 5 mijë banorë të evakuuar nga rreth 2500 shtëpi të përmbytura.

Pavarësisht manovrave në derdhjen e ujrave të hidrocentraleve të Drinit, niveli në zonat e përmbytura është ende i lartë dhe uji ka filluar të jetë i pranishëm edhe në lagjet periferike të Shkodrës.

Evakuimi i banorëve vazhdon të mbetet përparësi e po kështu edhe shpërndarja e ndihmave ushqimore.

Orët e fundit janë shoqëruar nga reshje shiu dhe temperatura të ulta, duke vështirësuar më tej situatën.

Specialistë të njohur kanë hedhur poshtë mundësinë e përkeqësimit të situatës, ndërsa kanë dhënë garanci për sistemin e digave të hidrocentraleve.

Pavarësisht polemikave, partitë politike vazhdojnë të bëjnë thirrje për evakuimin e banorëve. /bbc/

http://rtv21online.com/home/?section...ls&newsid=7598

Citim:

Euronews dhe Reuters: Përmbytje katastrofike godasin Ballkanin

Kështu e cilësojnë mediat e huaja si Euronews dhe Reuters situatën e ditëve të fundit që ka përfshirë Shqipërinë. Në këtë vend-thotë Euronews, shkrirja e borës dhe rreshjet e shiut kanë bërë që lumenjtë të dalin nga shtrati. Në një kohë që 700 forca të ushtrisë janë angazhuar në evakuimin e banorëve të prekur nga përmbytjet, vendet e Bashkimit Europian i kanë ardhur në ndihmë qeverisë shqiptare shkruan Euronews.

Por, në një situatë të ngjashme janë edhe vendet e rajonit. Një panoramë përmbytjesh shihet edhe në pjesën qëndrore të Kroacisë dhe Bosnie Hercegovinës, ku rreshjet e shiut nuk kanë të ndalur prej ditësh.

Meteorologët parashikojnë se një situatë e tillë do të vazhdojë edhe në ditët në vijim. Në Kroaci, tejmbushja e liqenit artificial Kosinj ka shkaktar përmbytje në disa zona. Sipas agjensisë së lajmeve Reuters, orë pas ore nivelit i ujit rritet me 8 centimetra. Autoritetet kanë evakuuar banorët në këtë zonë, në një kohë që më shumë se 150 shtëpi kanë mbetur pa energji elektrike.

Në Bosnie, situata paraqitet edhe më dramatike në pjesën qëndrore dhe jugore të vendit, ku rreshjet e shiut kanë shkaktuar një situatë të cilën autoritetet e kanë cilësuar një katastrofë. Edhe pse është urfhëruar evakuuimi dhjetra banorë nuk kanë pranuar të largohen pasi kanë frikë se mos humbasin pronat e tyre.

http://www.tvklan.tv/lajmi.php?id=8809

Citim:

Rreshje shiu më shumë nga normalja

Kjo është analiza e ofruar nga metereologët për muajin dhjetor. Ka qenë zona veriperëndëmiore, pikërisht Shkodra dhe Lezha, të cilat kanë marrë dhe sasinë më të madhe të rreshjeve të shiut, duke krijuar edhe situatën e përmbyjteve.

Sipas metereologëve, Në Shkodër ka rënë 50% më shumë shi nga normalja për muajin dhjetor ndërsa në Lezhë rreshjet e shiut kanë qenë 75% më shumë nga sa parashikohet të bjerë.

"Parashikimet flasin se edhe muaji janar do të shënojë sërish sasi më të mëdha reshjesh sesa norma për këtë muaj."

Përsa i përket temperaturave, ato do vijojnë të bien me disa gradë duke bërë që janari të jetë edhe më i ftohti nga muajt e dimirit.

http://www.tvklan.tv/lajmi.php?id=8803

16.1.2010, 21:01

Citim:

Përmbytjet në Malin e Zi, qeveria 200 mije euro ndihmë

Podgoricë, 16 janar - Moti me diell dhe ulja e dukshme e nivelit të Bunës ka bërë që edhe në anën tjetër të liqenit të Shkodrës, në Malin e Zi të përmirësohet situata e përmbytjeve. Mediumet nga Ulqini informojnë se gjendja më e mirë është edhe në Rijeka Cërnojeviqa dhe në Obod të Liqenit të Shkodrës, në Komunën e Cetinës dhe në ishullin Ada.

Ministri i Turizmit të qeverisë së Malit të Zi, Predrag Neneziq zhvilloi dje një takim me kryetarin e Komunës së Ulqinit Gëzim Hajdinaga. Gjithashtu, ai vizitoi ishullin Ada dhe pa nga afër dëmet e shkaktuara nga përmbytjet e ditëve të fundit në këtë zonë.

Qeveria e Malit të Zi ka paralajmëruar se janë ndarë 200 mijë euro ndihmë intervenuese, kurse komisioni do të vlerësojë dëmet pasi uji të tërhiqet plotësisht. Nga 10 mijë euro ndihmë për rajonet e përmbytura, gjegjësisht për komunën urbane Gollubovci dhe komunat Cetinë e Ulqin i ka premtuar edhe Banka e Parë e Malit të Zi, shkruajnë mediumet në Ulqin.

http://www.koha.net/index.php?cid=1,17,8752

16.5.2010, 10:48

Citim:

Moti i keq bllokon portet, ciklon në Vlorë

Moti i keq që ka përfshirë gjithë vendin në mëngjesin e sotëm, përmes një sistemi të fuqishëm vranësirash dhe shirash të dendur, ka shënuar vështirësi dhe bllokime të punës në dy portet më të mëdha të vendit, atë të Durrësit dhe të Vlorës.

Qyteti i Vlorës është përfshirë edhe nga një ciklon çka u ka krijuar vështirësi anijeve që ankorohen në këtë port dhe trageteve që mbërrijnë prej vendeve të tjera aty, duke paraqitur probleme për pasagjerët që zbarkojnë aty.

Raportohet se cikloni është vënë re më shumë në zonën e Skelës, përreth portit në Vlorë, fuqia e të cilit ka qenë aq e madhe sa ka thyer edhe xhamat e disa shtëpive.

Ndërkaq, raportohet se probleme me motin e keq janë vënë re edhe në qytete të tjera të vendit, të cilët janë përfshirë ditën e sotme në stuhi shirash të konsiderueshëm, herë pas here të shoqëruar edhe me stuhi ere apo shkarkesa rrufesh.

http://www.ballkan.com/index.php?pag...ws&newsID=5661

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar