Shqipëria Lindore nën pushtimin sllav

mesdimr

Terrori institucional kundër shqiptarëve në IRJM për të mbajtur popullatën në psikozë frike dhe nënshtrimi ndaj pseudoshtetit sllav që mbahet artificialisht në këmbë nga faktori ndërkombëtar.

vlug

Epo ata plumat "qorrë" që u lëshun para disa javësh, kërkonin gjak.

Policia e Gostivarit ka arrestuar 35 shtetas shqiptarë pas "ankesave nga banorët" për ngritjen e flamujve shqiptarë në fshatrat e Gostivarit.

http://macedoniaonline.eu/content/view/1537/2/

Një shqiptar është vrarë dhe shtatë persona të tjerë janë plagosur nga shkëmbimi i zjarrit me policinë në fshatin Haraçinë të Shkupit, njofton Ministria e Brendshme e Maqedonisë. Ndërsa, së fundi raportohet për incidente edhe në rajonet e Tetovës e Gostivarit...

http://www.telegrafi.com/?id=3&a=881

allianz

I vrari me sa mora vesh ra pré e paraushtarakëve të policisë sllavomaqedone. S'kish të bënte me sherret. Rrëmuja s'është në sipërfaqe.

Policia sllavomaqedone arrestoi dje dy ish-komandantë të UÇK-së, duke shkaktuar reagimin e ashpër të partive shqiptare.

Miftar Islami dhe Bekim Dardhishta, ish-komandantë të Ushtrisë Çlirimtare Kombëtare u prangosën gjatë një operacioni policor, por ende nuk është bërë i ditur motivi i arrestimit të tyre.

Partitë shqiptare kanë reaguar duke theksuar se këto veprime përbëjnë shkelje të ligjit për amnistinë, që parlamenti maqedon e ka miratuar në një përpjekje për të ulur tensionet pas vitit 2001 në Maqedoni.

http://www.balkanweb.com/gazetav4/index.php?id=47239

mesdimr

Më i zgjeruar si lajm këtu: http://www.gazetastart.com/?faqe=shf...9729&isflash=1

Prezenca e tepruar e policëve dhe përfaqësuesve të njësisë speciale "Alfa" në çdo kënd të qytetit, kontrollime të shpeshta policore dhe pa nevojë, po trondisin dhe shqetësojnë banorët shqiptarë të Kumanovës. Qytetin e ka kapluar gjendje e zymtë dhe një qetësi absolute. Këta të fundit, as nuk kanë ku të ankohen, pasi askush nuk i merr parasysh ankesat e tyre për keqpërdorim dhe keqtrajtimin pa nevojë.

Të shumtë janë zërat e qytetarëve që për këtë gjendje akuzojnë kreun më të lartë të policisë në Shkup, dhe përfaqësuesin shqiptarë në Qeveri, posaçërisht deputetët e kësaj ane.

Shëtitjet nuk janë të shpeshta sikur muaj më parë, pasi secili mundohet t'i ik zënkave dhe keqpërdorimeve nga ana e policisë.

"Po mbretëron një atmosferë që të shton ndjenjën e frikës, shumë miq dhe unë personalisht as që dalim në mbrëmje, sepse kudo që të shkosh, po shohim policë. Maltretimet më të shumta i bëjnë njësia speciale "Alfa". Po ndalin dhe po keqtrajtojnë njerëz në pik të ditës. Madje po tejkalojnë edhe ingerencat, pasi po dënojnë edhe për trafik", thotë Esat Aliu, qytetar nga Kumanova.

Reagime të njëjta vijnë edhe nga qytetarë tjerë, të cilët po keqtrajtohen psikikisht dhe fizikisht sidomos në orët e mbrëmjes. Nebiu 23-vjeçarë thotë se në këtë qytet është krijuar një orë policore e pa shpallur, por që funksionon me një orar të pacaktuar.

"Lokalet mbyllen më herët. Nuk kemi ku të ankohemi, pasi të gjithë zyrtarët e policisë në Kumanovë janë të huaj, janë sjellë nga Shkupi dhe qytete tjera. Policët tanë bëjnë sehir, askush nuk i dëgjon", thotë ai.

Situatë e njëjtë mbretëron edhe në Komunën e Likovës. Megjithatë, në këtë rajon Alfat lëvizin vetëm natën, derisa ditën policë të uniformuar.

Numrin e madh të policëve dhe pjesëtarëve të Njësitit "Alfa" e konfirmon edhe vet zëdhënësja e policisë në Kumanovë, Valentina Nikollovska. Ajo nuk jep ndonjë arsye konkrete rreth shtimit të numrit të policëve, megjithatë thotë se raporti përfundimtar për gjendjen do të jepet për 3 ditët e ardhshme.

"Sigurisht se ka kontrollime të shpeshta nëpër qytet, megjithatë sa i përket Njësisë 'Alfa', ata nuk kanë të drejtë të japin dënime qytetarëve rreth mosrespektimit të rregullave në trafik, pasi për këtë gjë kompetentë janë policët e komunikacionit", thotë ajo.

Ndërkohë që për qetësinë dhe gjendjen e zymtë në qytet, Nikollovska përgjigjet me cinizëm, duke ia lënë fajin "kohës së ftohtë". Për gjendjen e vështirësuar të sigurisë të banorëve ka reaguar edhe Organizata Ndërkombëtare për Lirinë dhe Mbrojtjen e të Drejtave të Njeriut në Kumanovë, e cila dënon këtë mënyrë të sjelljes së policëve, sidomos të njësisë speciale "Alfa".

"Ne si organizatë kemi lëshuar ankesa deri te zyra e Bashkimit Evropian në Shkup, Komitetit për të Drejtat e Njeriu, UNESCO-s dhe Zyrës së Ambasadës amerikane dhe prej tyre kemi marr një përkrahje për të parandaluar këtë gjendje, e cila po mbretëron në qytet. Është paradoksale që policia maqedonase për qëllime të veta keqtrajton banorët shqiptarë dhe njëkohësisht mbjellë ndjenjën e frikës", thotë Idriz Sinani, kryetar i organizatës në fjalë.

30 veturat e konfiskuara s'kthehen

Mbeten në duart e policisë rreth tridhjetë automjete të banorëve të Kumanovës, të konfiskuara nga policia rreth dhjetë ditë më parë. Kanë qenë pjesëtarët e Njësitit special policor "Alfa" ato të cilët kanë konfiskuar mjetet, për shkak të dyshimeve të ndryshme. Edhe pse ishte paraparë që veturat t'u kthehen pronarëve për një kohë të shkurtër, arsyetimi i policisë është se ende nuk kanë përfunduar kontrollet.

Ndërkohë në adresë të policisë kanë mbërritur edhe ankesat e qytetarëve, të cilët kanë shpjeguar se automjetet janë konfiskuar me qëllim që të arsyetohet angazhimi i policëve nga Shkupi para ministres Gordana Jankullovska.

Ankesat e tilla janë përgënjeshtruar nga policia, e cila ka shpjeguar se bëhet fjalë për kontrolle të rregullta që zhvillohen në të gjithë vendin.

http://www.koha.com.mk/a08.html

Sulmi i djeshëm ndaj njësisë policore ALFA, me ç’rast një polic u vra dhe dy u plagosën, shërbeu si pretekst i radhës për të ndërmarrë operacione të përmasave të gjëra të dhunës dhe terrorit kundër shqiptarëve në Maqedoni, ka thënë në një komunikatë për media kryetari Bashkimit Demokratik Shqiptarë, Bardhyl Mahmuti.

http://www.botasot.info/?gjuha=0&category=12&id=1617

Tregtarët kumanovarë kanë bllokuar dje rrugën hyrëse për në qytet pasi të mërkurën Inspektorati i punës ka urdhëruar që të mbyllet tregu me arsyetime banale se nuk ofron kushte higjienike.

Tregtarët në kundërshtim të arsyetimit qesharak kanë pohuar se mbyllja e tregut është bërë për qëllime tjera.

Të revoltuar tregtarët shqiptarë kanë reaguar dhe ndaj sjelljes agresive dhe brutale të njësive policore të përfshirë në aksionin antishqiptar të radhës, në të cilin kanë qenë edhe përfaqësues të njësisë "Alfa".

http://www.koha.com.mk/a13.html

Ministria e Brendshme nëpërmjet një komunikate njoftoi se për shkak të vrasjes së policit Afrim Arifi (39) ka kryer 19 bastisje dhe ka marrë 40 persona në biseda informative.

“Në bazë të informatave të siguruara operative janë kryer 19 bastisje nëpër shtëpi, janë gjetur 3 pistoleta, revolver, pushkëmitraloz, pushkë automatike, pistoletë me gas dhe rreth 650 plumba të kalibrave të ndryshëm. Gjithashtu janë konfiskuar shumë telefona celular dhe katër autovetura”, theksohet në njoftimin e policisë.

Po sot partitë politike shqiptare kanë akuzuar qeverinë sllave se po sulmon shqiptarët duke i përligjur përndjekjet me incidentin e policit të vdekur.

http://www.lajmpress.com/?faqe=shfaqlajm&id=3422

Sulmin e së mërkurës mbi njësitin policor “Alfa” ku u vra një polic shqiptar dhe u plagosën dy të tjerë e ka marrë përsipër organizata maqedonase “Garda Vojvodi”, ndërsa Ministria e Punëve të Brendshme (MPB) mbrëmjen e së mërkurës ka bastisur 19 familje dhe ka arrestuar rreth 40 shqiptarë nga Kumanova dhe Shkupi.

Organizata Garda Vojvodi” me anë të një kumtese drejtuar mediave shkruan se “Sulmuam para se të na sulmojnë”, ndërsa shkas marrin “Luftën me alfat e Nikolla Gruevskit”. Në komunikatën e kësaj organizate, të nënshkruar nga kryetari i saj Aleksandar Bugarski ka porosi për kryeministri Nikolla Gruevski, pjesëtarët e ARM-së dhe të MPB-së si dhe, siç i quajnë ata vëllezërit maqedonas.

“Të paralajmëruam ty, bashkëpunëtorët e tu si dhe të gjithë opinionin se nuk jemi lodër fëmijësh siç na quan ti, por jemi organizatë serioze patriotike që do ta mbrojmë Maqedoninë dhe popullin maqedonas nga planet e tua dhe bashkëpunëtorët e tu nga Serbia dhe Greqia”, thuhet në porosinë drejtuar Gruevskit.

Bastisen shtëpitë e shqiptarëve

Njësia Alfa e policisë ka bastisur dhjetëra shtëpi në Komunën e Çairit, Likovës, Kumanovës, Haraçinës eti, ku janë arrestuar dhe ende po mbahen nëpër stacione policore dhjetëra shqiptarë.

Banorët ankohen se policët janë sjellë brutalisht duke tmerruar familjarët e sidomos gratë dhe fëmijët. Gjatë mbrëmjes së të mërkurës qytetarët pothuajse nuk kanë guxuar të dalin dhe të jenë të lirë pasiqë kudo ndaloheshin nga njësia speciale “Alfa”.

http://www.lajmpress.com/?faqe=shfaqlajm&id=3431

Ne shqiptarët e Maqedonisë po kalojmë momentet më të rënda, më nënçmuese se sa në komunizëm. Kështu ka theksuar të shtunën kryetari i Partisë Demokratike Shqiptare, Menduh Thaçi në Tetovë. Thaçi ka akuzuar se pjesëmarrja dhe roli i Bashkimit Demokratik për Integrim në Qeveri është vetëm nënçmim për dinjitetin e shqiptarëve.

"Faktet flasin se në Maqedoni ndahen 1300 bursa, ndërsa 26 prej tyre vetëm për shqiptarët. Faktet flasin se institucionin shumë të rëndësishëm, USHT-në, të cilin e ngritëm në këmbë të shëndosha, qeveria aktuale i jep një buxhet qesharak. Faktet flasin që ai ligj që e sollën për përdorimin e gjuhës shqipe është skandal. Kjo nuk ka ndodhur as në ish-Jugosllavi që një funksionar të projektojë një ligj aq poshtërues për shqiptarët", ka thënë Thaçi.

Kreu i PDSH-së tha se gjatë gjithë kohës, partia që drejton ai, ka marrë shumë goditje, ndërsa këta goditja që vijnë nga qarqe të ndryshme sllavo-maqedone nuk kanë për qëllim vetëm shkatërrimin e PDSH-së, por edhe indin shqiptar.
Ai me këtë rast ka folur edhe për zhvillimet e fundit në rajon dhe vend dhe pozitën e shqiptarëve në këtë rreth.

"Kosova po kalon një fazë tepër të vështirë me gjashtë pikat e sekretarit të OBK-së dhe kjo është fazë tepër e rëndë, për të cilën askush nuk garanton se pjesë e madhe e territorit të Kosovës do të aneksohet nga serbët, ndërsa ne shqiptarët e Maqedonisë, i kalojmë momentet më të rënda, më nënçmuese se sa në komunizëm", ka thënë Thaçi.

Ai ka premtuar dhe ka kërkuar mbështetje në realizimin e platformës politike shqiptare të hartuar në vitin 1993.

http://www.koha.com.mk/a05.html

Policia sllavomaqedone gjatë ditës së sotme ka kryer bastisje dhe arrestime në familjet shqiptare në Haraçinë, Çair të Shkupit dhe në fshatin Opajë të Kumanovës, njofton agjencia INA. Gjatë aksionit në fshatin Haraçinë janë arrestuar tre persona, në Çair tre persona si dhe në fshatin Opajë të Kumanovës katër persona.

Policia ka bastisur edhe banesën e botuesit të gazetës “Koha”, Arben Ratkoceri i cili gjithashtu ka akuzuar policinë për terrorizim të familjes së tij. Ndaj këtij veprimi ka reaguar edhe Shoqata e Gazetarëve Shqiptarë të Maqedonisë.

http://www.telegrafi.com/?id=3&a=2121

“Këto veprime që ndërmerren nga ana e policisë, si ndërhyrja nëpër banesa dhe familje, parqesin shkelje të rëndë të të drejtave të njeriut, pa marrë parasysh nëse kanë pasur ose jo urdhër nga eprorët komandues apo ndonjë vendim eventual nga gjykata, që unë e dyshoj. Në këto raste, duhet me shumë kujdes të veprohet, pasi sikur edhe të ketë vendim nga gjykata, ai vendim ka të bëjë vetëm me një rast apo person konkret, për të cilin dyshohet", thotë eksperti për çështje juridike, Osman Kadriu, duke konstatuar se me këto veprime policia ka tejkaluar kompetencat e saj duke vërtetuar edhe një herë pohimet se në Maqedoni nuk ekziston shteti juridik.

Ndërkohë vazhdon të mos ketë asnjë reagim nga Tirana zyrtare e cila ka deklaruar se nuk ka pasur ndonjëherë marrëdhënie më të shkëlqyera se sa sot me pseudoshtetin ku shqiptarët trajtohen diçka më shume se kafshë.

http://www.evropaelire.org/Content/Article/1361975.html

Demokracia e Re, reagon ashpër ndaj bastisjeve të fundit të shtëpive të shqiptarëve nga ana e njësiteve speciale të policisë sllavomaqedone. Ky terror që po bëhet në vazhdimësi ndaj shqiptarëve është edhe një tregues i injorancës dhe paaftësisë së partisë shqiptare në qeveri.

"Shqiptarët në Maqedoni në zgjedhjet e fundit nuk votuan që të bastisen dhe të terrorizohen në mënyrë kaq brutale. Shprehim shqetësimin tonë më të thellë për bastisjen në shtëpitë e familjeve të dëshmorve, ish pjestarëve të UÇK-së si dhe të një gazetari, akt të cilin e cilësojmë si veprim kundër mendimit dhe fjalës së lirë. Andaj kërkojmë sqarime nga partia shqiptare në qeveri se çka është duke ndodhur me gjithë këto bastisje nëpër venbanimet shqiptare." - thuhet në njoftimin për shtyp të PDR-së.

http://www.shqipmedia.com/2008/12/demokracia-e-re-reagon-ashper-ndaj-bas...

Forca speciale të policisë sllavomaqedone kanë kryer dje bastisje në mbi 20 familje shqiptarë në Çair të Shkupit, në Haraçinë dhe në Opajë të Kumanovës, me ç'rast janë arrestuar 18 persona.

Në deklaratën e sotme për shtyp Ministria e Brendshme e IRJM-së pohoi se kontrollet e kryera janë pjesë e aksionit për kapjen e vrasësësit të policit, Afrim Arifi i cili ishte qëlluar për vdekje më 26 nëntor të këtij viti në Shkup. Por, familjet e bastisuara kanë mohuar të kenë lidhje me këtë vrasje.

Qeveria sllavomaqedone me shkase nga më të ndryshmet dhe krejt pa lidhje me ngjarjet ka dy vjet që po arreston shqiptarë që kanë qenë pjesëtarë të UÇK-së në vitin 2001. Ndërkohë asnjë masë konkrete nuk është marrë nga partitë shqiptare në IRJM dhe asnjë reagim zyrtar nuk ka nga Tirana në këto dy vjet që gjendja e shqiptarëve po përkeqësohet gjithnjë e më shumë e po trajtohen si mall pa zot.

http://www.rtklive.com/?categoryId=1&newsId=29998