Shqipëria Lindore nën pushtimin sllav

5.2.2010, 00:02

Citim:

Dënohen ish-pjesëtarë të UÇK-së me burgim të përjetshëm

Gjykata Themelore në Shkup të enjten gjatë një seance gjyqësore dënoi me burg të përjetshëm tre ish-pjesëtarët e UÇK-së , Harun Aliun, Ismail Etemin dhe Bashkim Bajramin.

Tre personat e lartëpërmendur akuzohen për vrasjen e një pjesëtari të forcave speciale maqedonase “Tigrat” në janar të vitit të kaluar në lagjen Autokomandë të Shkupit. Gjykata gjithashtu ka dënuar me tre vite burg edhe Bekim Dardhishtën sipas tyre i involvuar në këtë rast.

Avokati i tyre Elenco Milanov theksoi se dënimin është shqiptuar në mungëse të fakteve, që sipas tij, në një sistem normal të drejtësisë kjo nuk do të ndodhte. Harun Aliu është kryetari i Alternativë Kombëtare dhe ish-komandant i UÇK-së. (INA)

http://www.ina-online.net/Default.as...73d1a3594&ln=3

8.2.2010, 18:13

Citim:

Eliminohen ish-ushtarët e UÇK-së

Gjykimin me dënim të përjetshëm të tre ish-pjesëtarëve të UÇK-së, Harun Aliu, Ismail Etemi dhe Bashkim Bajrami, nga Gjykata themelore në Shkup, juristët e vlerësuan si të padrejtë dhe si dënim, i cili u shqiptua në mungesë të fakteve.

Juristi Mersim Pllozhani tha se ky dënim, gjykim është paraparë për vepra të rënda sipas ligjit penal. Sa i përket kësaj çështje fatkeqe shtrohet pyetja a ekzistojnë fakte për një dënim të tillë?

“Gjykata ata i ka akuzuar ashtu siç ajo dëshiron. Kjo do të thotë se nuk ka vepruar drejtë. Ky gjykim duhet të përsëritet dhe atëherë do të dëshmohet e vërteta. Gjykata nuk veproi në mënyrë objektive, pasi në radhë të parë, aty nuk kanë qenë prezent të akuzuarit. Tek ne i akuzuari duhet të mbrohet. Parim është që ai, i cili akuzon duhet ta vërtetojë fajësinë, e jo i akuzuari të mbrojë pafajësinë e tij. Këto janë parimet themelore të kodit penal dhe procedurës penale”, tha profesori universitar, Pllozhani.

Sipas tij, vendimi për ta dënuar kryetarin e Aleancës Kombëtare, Harun Aliu, i cili njëherësh ishte komandant i UÇK-së dhe anëtar i shtabit të përgjithshëm të këtij formacioni ushtarak, është një vendim politik.

“Ne raste të këtilla ku dimensioni politik është më i rëndësishëm se dimensioni juridik, mund të ndodhin gjëra në shërbim të politikës ditore pa mbështetjen e provave dhe fakteve të duhura juridike”, tha Pollozhani.

Dënimi me burg të përjetshëm për të njohurin në luftë si komandant “Kushtrimi”, sipas juristit Mersin Maksuti është edhe një dëshmi se gjykatat në Maqedoni nuk janë të pavarura.

“Edhe kësaj radhe, po vërtetohet se gjykatat në Maqedonisë nuk janë aq të pavarura. Ata nuk marrin vendime të duhura në bazë të ligjit dhe argumenteve relevante të cilat janë ta bazuara me ligj. Edhe kësaj radhe ky proces ngjan si një proces i montuar politik, se sa një proces i mbështetur në ligj dhe në veprat penale të cilat pretendohet se i kanë kryer të akuzuarit”, tha Maksuti.

Ai shtoi se e mira e gjithë kësaj do të ishte që procesi edhe një herë të rishqyrtohet. Ashpër për vendimin e gjykatës ka reaguar edhe partia të cilën ai e kishte formuar, Aleanca Kombëtare dhe me të cilën ai kishte marrë pjesë edhe në zgjedhjet e fundit parlamentare.

“AK-ja dënon ashpër politikën diskriminuese dhe fushatën antishqiptare të qeverisë së Maqedonisë, si dhe i bën apel të gjitha subjekteve politike dhe jo politike në vendin tonë që të mos heshtin përballë kësaj situate të tensionuar, sepse ushtarët e UÇK-së kanë luftuar pikërisht që të dëgjohet zëri i shqiptarëve e kurrsesi të përfundojnë pas grilave me burgim të përjetshëm”, thuhet mes tjerash në komunikatën e AK-së.

Në mbrojtje të ish-ushtarëve të UÇK-së ka dalë edhe shoqata e veteranëve dhe invalidëve të luftës “KALAJA”.

“Shihet qartë se në këtë shtet Institucionet e Drejtësisë janë nën diktatin e qeverisë dhe partive në pushtet që për interesat e tyre të ngushta ngrenë kurthe ndaj njerëzve të pafajshëm për të ruajtur kolltukun e butë të pushtetit. Me këto vendime sllavomaqedonasit po tentojnë të frikësojnë shqiptarët”, thuhet në këtë reagim.

Ndryshe, tre ish-ushtarët e UÇK-së akuzohen për vrasjen e një pjesëtari të forcave special maqedonase “Tigrat” në janar të vitit të kaluar.

http://lajmpress.com/lajme/maqedoni/3284.html

11.2.2010, 04:56

Citim:

Deklaratat e Thaçit për luftë, të papranueshme

Duke komentuar deklaratën e liderit të PDSH-së Menduh Thaçi, se në Maqedoni do të ketë luftë, nëse Qeveria vazhdon me këtë politikë, ambasadori amerikan në Shkup Philip Reeker dhe ai i BE-së Erwan Fuere thënë se deklaratat e tilla janë të pa pranueshme.

Reeker tha për ALSAT se Thaçi duhet të kthehet në Kuvend dhe të respektojë institucionet demokratike dhe jo të japë deklarata lufte në shekullin e 21-të.

“Dialogu politik është shumë i rëndësishëm, por këto lloj të qëndrimeve, deklaratave kërcënuese, ky fjalor që diskuton dhunë është absolutisht i papranueshëm dhe jo gjithçka që duhet të dëgjojmë nga ndokush që dëshiron të luajë rol në Maqedoni ose për ardhmërinë e saj. Është shumë zhgënjyese të dëgjosh atë lloj deklarate”, tha Reeker.

“Siç kam thënë më herët, besoj se Thaçi duhet të jetë në Kuvend, për ku edhe është zgjedhur të jetë, kjo është ajo për të cilën votuesit e kanë votuar atë që të jetë në Kuvend, t’i shfrytëzojë institucionet demokratike të Maqedonisë, institucionet që ne, faktori ndërkombëtar dhe qytetarët i mbështesim”, ka shtuar ambasadori amerikan.

Edhe ambasadori i BE-së në Shkup, Erwan Fuere tha se deklaratat e liderit të PDSH-së janë të papranueshme. “Kjo është mënyrë e papranueshme e retorikës nga ana e një lideri të partisë politike. Edhe një herë apeloj deri tek lideri i PDSH-së, të kthehet në Kuvend, ku e kanë zgjedhur qytetarët dhe atje t’i përfaqësojë interesat e tyre”, u shpreh Fuere.

Thaçi në një intervistë për Televizionin Kanal 5 tha se në Maqedoni do të ketë luftë nëse Qeveria vazhdon me politikën e saj diskriminuese ndaj shqiptarëve dhe se pas fillimit të saj do të bien kufijtë me Kosovën dhe Shqipërinë. /alsat-m/

http://www.telegrafi.com/?id=3&a=5460

13.2.2010, 10:20

Citim:

PDSH e gatshme për koalicion mbarëshqiptar

Nëse shqiptarët në Maqedoni largohen nga politika e kryeministrit Nikolla Gruevski Partia Demokratike Shqiptare (PDSH) është e gatshme për formim të një koalicioni mbarëshqiptar në Maqedoni, deklaroi lideri i Partisë Demokratike Shqiptare (PDSH), Menduh Thaçi në Tiranë.

“Nacionalizmi i theksuar maqedonas kohët e fundit i ka rrënjët në përplasjet me Greqinë por pasojat e tij bien mbi shqiptarët. Diskriminimi që u bëhet shqiptarëve është i programuar dhe ndalet vetëm me një program që mund t’i bëjë ballë”, theksoi Thaçi.

Ai u shpreh se asnjëherë nuk do të hyjë në koalicion me Nikolla Gruevskin duke akuzuar për diskriminim mbi shqiptarët. Për liderin e PDSH-së Marrëveshja e Ohrit nuk përmirësoi gjendjen e shqiptarëve, të cilat pas kësaj marrëveshje kanë gjendje të përkeqësuar të barazisë.

Ai njëherësh shtoi se Qeveria aktuale ka diskriminuar shqiptarët edhe në planin ekonomik, meqë sipas tij vetëm 1 për qind e buxhetit dedikohet për bashkësinë shqiptare në Maqedoni.

Lideri i PDSH-së, në intervistë duke sqaruar programin e PDSH-së ofroi zgjidhje për Maqedoninë si në Zvicër, në të cilën do të kishte parlament me dy dhoma.

http://fakti.mk/2010/02/pdsh-e-gatsh...mbareshqiptar/

23.2.2010, 07:05

Citim:

Ismaili: Shqiptarët, popull privat në Maqedoni

Statusi i shqiptarëve në Maqedoni, i takon aspektit obstruksional, të fushës private. Analistët shqiptarë vlerësojnë se maqedonasit mbrojnë të drejtat e tyre si shtetas të vërtetë të Maqedonisë.

“I kujt është shteti? Në bazë të konceptit që prodhon VMRO, shqiptarët këtu janë popull privat. Të drejtat tona në nivel institucional janë të barabarta me ato të kinezëve, që vijnë këtu për çështje tregtie. Nëse ky shtet promovohet dhe funksionon në nivel institucional, si shtet që nënkupton i maqedonasve, atëherë natyrisht se ata do të kërkojnë të vendosin përmendore të interesave të veta, sepse mendojnë se shteti është i tyre dhe mund të bëjnë çfarë të duan. Ne mund të bëjmë përmendore, kemi të drejtë por kjo është në sferën private” tha Ymer Ismaili, analist politik.

Sipas Ismailit këtë çështje duhet ta rregullojnë politikanët të cilët kanë marrë përgjegjësi që të mbrojnë interesat e popullit. I të njëjtit mendim është edhe analisti Hamit Aliu, i cili tha se faji më i madh qëndron tek faktorët politik që përfaqësojnë popullin.

“Ky fat po na ndjek që prej vitit 1990 e këndej. Njëherë e përgjithmonë, nuk duhet të ngurrojmë që të kërkojmë atë që na takon. Sa i takon hises, nuk kërkojmë as më pak as më tepër. Kërkojmë aq sa ne participojmë në Maqedoni, aq sa na takon në buxhetin e shtetit”, tha Hamit Aliu, analist ekonomik.

Sipas tij, shqiptarët janë të diskriminuar në çdo hap, si në pushtet, kulturë, shkencë, arsim, dhe në çdo hapësirë tjetër, kurse tash po diskriminohen edhe me vendosjen e përmendoreve.

“Në mënyrë sistematike, në plan të caktuar ky pushtet i bën krejt këto budallallëqe kundër nesh. Por për fat të keq, nuk po mundemi të ngremë fjalën tonë në mënyrë institucionale, sepse vetëm gazetat shqipe e alarmojnë atë. Kjo është një marrëzi që e bën qeveria e Maqedonisë, njëherë e përgjithmonë duhet të ndahet ky hov”, shtoi Aliu.

Ndërkaq, vetëm për pamjen vizuale të projektit “Shkupi 2014”, janë harxhuar 153 mijë euro. Për përpunimin e fontanës, në qendër të Shkupit janë paguar 840 mijë euro, për përmendoren e Aleksandrit të Madh, vetëm në projekt janë dhënë 650 mijë euro, për bustin e Filipit me katër fontana një milion euro. Gjithashtu për heroin Karposh janë harxhuar 200 mijë euro, Shën Kliment dhe Ohridski 78 mijë euro.

http://lajmpress.com/lajme/maqedoni/3478.html

2.3.2010, 09:02

Citim:

Populli shqiptar në Maqedoni më i diskriminuari në Evropë

Bashkimi Demokratik Shqiptar u ka dërguar një letër intitucioneve ndërkombëtare, përmes të cilës i njofton se Maqedonia aplikon diskriminim racial kundër shqiptarëve në fushën ekonomike, politike, sociale dhe kulturore.

“Bashkimi Demokratik Shqiptar u përpoq të sensibilizojë ndjeshmërinë Tuaj se si pasojë këtij diskriminimi racial që Maqedonia aplikon ndaj shqiptarëve, populli shqiptar në Maqedoni, që përbën mbi 1/3 e popullsisë së përgjithshme të këtij shteti, është populli më i diskriminuar dhe më i varfër në Evropë”, thuhet në letrën e BDSH-së, drejtuar institucioneve më të larta të BE-së.

BDSH përmes kësaj letre kërkon nga institucionet e lartëpërmendura që të krijohet një komision i veçantë i BE-së për të hulumtuar menaxhimin e ndihmave të deritanishme të BE-së nga ana autoriteteve të Maqedonisë si dhe që të bëhet monitorimi i ndihmave të ardhshme për të ndërprerë thellimin e diskriminimit etnik në Maqedoni.

Kjo parti kërkon gjithashtu të mos hapen bisedimet për anëtarësimin e Maqedonisë në BE pa i plotësuar tërësisht të gjitha parakushtet për anëtarësim. (INA)

http://www.ina-online.net/Default.as...23046d2e2&ln=3

6.3.2010, 12:59

Citim:

Gara Gruevski-Cërvenkovsk se cili ishte më antishqiptar

Shkup - Dy partitë më të mëdha maqedonase në Maqedoni kanë shkëmbyer akuza të ndërsjella, për atë se kush ma shumë u ka bërë dëm shqiptarëve në këtë shtet

Partia VMRO-DPMNE e cila udhëhiqet nga kryeministri aktual, Nikolla Gruevski, akuzon partinë tjetër rivale LSDM-në për incidentin në Bit Pazar, në vitin 1993, ku sipas VMRO-DPMNE-së u ushtrua dhunë brutale ndaj shqiptarëve.

Sipas partisë së Gruevskit prej asaj periudhe ka filluar rrënimi i marrëdhënieve ndëretnike në vend.

Ndërkaq, nga partia e Cërvenkovskit, thonë se incidenti i Bit Pazarit nuk është asgjë nëse krahasohet me luftën e 2001-it dhe viktimat e rëna gjatë asaj periudhe.

“Sa do që Gruevski dhe VMRO-DPMNE-ja të mundohen të futin në konfuzion opinionin me transmetimin e spoteve nga e kaluara, mbrëmë Gjorçe Petrovin, sot Bit Pazarin e nesër ndoshta Kuklishin, ajo nuk është asgjë në krahasim me vetëm një shembull, Konfliktin e vitit 2001, Qeverinë e Lubço Georgievskit, dorën e djathtë e tij, Nikolla Gruevskin, viktimat në civilë, personat e zhvendosur, skenarët për ndarje të Maqedonisë, ide prej të cilave Gruevski asnjëherë nuk hoqi dorë”, tha zëdhënësi i LSDM-së, Emilijan Stankoviç, njofton Ina.

Më 4 shtator 1992, në vendin e ashtuquajtur në Bit Pazar, policia maqedonase u përlesh me qytetarët e pafajshëm të nacionalitetit shqiptar dhe rrezikoi jetën e tyre dhe integritetin fizik. Prapavija e ngjarjeve të Bit Pazarit nuk u ndriçua asnjëherë.

http://www.gazetastart.com/lajm.php?...ptare&nr=12203

9.3.2010, 06:47

Citim:

Komitët plagosin rëndë një fëmijë shqiptar në sheshin e Shkupit

Një fëmijë 11 vjeçarë ka marrë lëndime të rënda në kokë pasi një grup prej 50 tifozëve të klubit të fudbollit Vardar kanë sulmuar qytetarët që kanë bërë patinazh në sheshin 'Maqedonia' në Shkup.

Sulmuesit të veshur me fanela të klubit vardar me gurët e kalldërmës së sheshit dhe shufra të hekurit pa kurrëfarë paralajmërimi kanë sulmuar qytetarët e pafajshëm.

Kanë reaguar qytetarët e rastit dhe të punësuarit e patinazhit të cilët kanë ndihmuar për të nxjerrë fëmijët nga patinazhi. Pas intervenimit të forcave të rendit huliganët janë larguar nga vendi i ngjarrjes.

Policia e ka konfirmuar rastin dhe thotë se ndërmerrë masa për zbardhjet e tij duke biseduar me dëshmitarët okularë të ngjarrjes.

Një incidentë të ngjashëm tifozët e Vardarit kanë shkaktuar vitin e kaluar në lagjen Nerez të Shkupit, kur duke mos qenë të provokuar nga askush patën sulmuar qytetarët e lagjes.

Incidentit e ka dënuar Lëvizja qytetare "Zgjohu", e cila ka ftuar policinë të ndërmerr masa të menjëhershme për zbardhjen e rastit.

"Asnjë rrahje, asnjë enciklopedi, asnjë imponim, asnjë manipulim që ka për qëllim shpërnguljen e shqiptarëve nga Kumanova dhe Shkupi si dhe asnjë projekt tjetër nuk do të arrijë t'i zhduk shqiptarët nga trojet e tyre shekullore, andaj ZGJOHU! porosit proektuesit e këtyre provokimeve që të heqin dorë nga qëllimet e tyre djallëzore që mëtojnë t'i realizojnë me metoda shtazarake!", thuhet në reagimin e Lëvizjes "Zgjohu".

http://alsat-m.tv/lajme/vendi/29196.html

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar