Prodhimi i naftës

14.12.2007, 21:17

Citim:

Zviceranët, optimistë për naftën shqiptare

"Manas Petroleum" njofton se rezervat në blloqet A, B, D dhe E arrijnë në 820 mln fuçi

Kompania zvicerane "Manas Petroleum", që ka marrë të drejtën nga qeveria shqiptare për të kërkuar naftë në Shqipërinë e Mesme dhe atë Veriore, njoftoi se rezervat e rikuperueshme të naftës në këtë zonë llogariten në rreth 820 milionë fuçi. Kjo rezervë nafte quhet e rikuperueshme për faktin sepse mund të nxirret e gjitha nga nëntoka me teknologjinë aktuale. Ky konkluzion ka dalë pas disa vlerësimeve që ka bërë kjo kompani, duke iu referuar edhe atyre të bëra më parë nga kompania "Shell" dhe "Corporex". Kjo e fundit ka qenë e mandatuar nga qeveria shqiptare për të kërkuar naftë në këtë zonë përpara "Manas Petroleum", por vendosi t‘i braktisë kërkimet menjëherë pas trazirave të vitit 1997. Blloqet A,B,D dhe E përshijnë një sipërfaqe prej rreth 4 mijë kilometrash katrorë. Ato shtrihen nga Durrësi deri në Shkodër. Kompania ka marrë të drejtën e shfrytëzimit mbi katër blloqe naftëmbajtës, të cilën më parë e kishin kompanitë e huaja "Shell Oil" dhe "Corporex", të cilat, pasi shpenzuan rreth 25 milionë USD për kërkime e shpime, u tërhoqën.

Vlera

Me çmimet aktuale të naftës në bursat ndërkombëtare, shifra që del nga shfrytëzimi i këtij vendburimi është stratosferike. Në fakt nafta bruto shqiptare tregtohet kryesisht në Itali, me një çmim prej rreth 45-50 dollarë për fuçi, për shkak se sipas ekspertëve kjo naftë ka një cilësi jo të mirë. Por edhe me këto çmime, vlera totale e naftës së nxjerrë në blloqet A, B, D dhe E do të shkonte në rreth 32 miliardë dollarë. Disa prej ekspertëve vendas kanë parë rritjen e prodhimit vendas të naftës si rrugën më të mirë për të amortizuar goditjen e madhe që po merr ekonomia nga rritja e çmimeve të naftës në tregjet ndërkombëtare.

Kërkimet

Që nga viti 1990, vendi është ndarë në disa zona, të cilat iu janë dhënë për shfrytëzim kompanive të huaja. Por, nga një vend eksportues deri më 1989-n, tashmë Shqipëria detyrohet të importojë 73% të nevojave të saj për naftë. Kjo edhe për arsyen se dy vitet e fundit, një pjesë e mirë prodhimit vendas po ikën për eksport. Kanadezja "Bankers Petroleum", që prodhon naftë në vendburimin e Patos- Marinzës, në bazë të një marrëveshjeje koncesionare po eksporton më shumë se gjysmën e prodhimit të saj në vendin fqinj, Itali. Ndërsa kompanitë e tjera koncesionare nuk ushtrojnë aktivitet nxjerrës. Në 15 vjetët e fundit, licenca për këtë qëllim u janë dhënë kompanive amerikane, austriake, kanadeze, kroate, greke dhe suedeze. Sipas statistikave të Bankës Botërore, janë kryer shpime në 4666 puse nafte, nga të cilat 3123 janë operative, ndërsa 981 të tjera janë mbyllur apo braktisur.

http://www.gazeta-shqip.com/artikull.php?id=32957

Kandhaon · 11.1.2008, 12:13

Citim:

Naftë dhe gaz: Shqipëria e pasur si Kuvajti
Genc Kondi

Në rast se del i vërtetë vërtetimi, i publikuar dje nga ana e kompanisë amerikane të naftës Gustavson, me qendër në Kolorado, Shqipëria mund të „notojë”, pa e ditur, mbi naftë e gaz natyror.

Shoqëria e kërkimit të naftës Manas Petroleum, një filiale zvicerane e së cilës ka fituar të drejtën e shftyrëzimit koncensionar të katër blloqeve naftëmbajtës në vendin tonë, njoftoi dje se, sipas studimit të kryer nga gjeologët e pajtuar prej saj, në thellësinë 5.100 metra poshtë rajonit të kryeqytetit, bashkohen dy depozita masive naftë-e-gazmbajtëse, rezervat e të cilave do të mjaftonin t’i shndërronin shqiptarët në „sheikë” të Adriatikut.

Gjeologët e Gustavsonit kanë vlerësuar se në nëntokën e Shqipërisë së Mesme ndodhen 2,9 miliardë fuçi naftë dhe rreth 85 miliardë metër kub gaz natyror. Sipas raportit, 1,4 mld fuçi naftë, që është sasia e nxjerrshme, madje, duhet të jetë me cilësi të mirë, me përmbajtje të ulët squfuri, ndryshe nga cilësia e saj në pjesën më jugore të vendit.

Vlera

Aktualisht, një fuçi naftë shitet në bursat ndërkombëtare me rreth 100 dollarë. Por, vështirë se rezervat do të sillnin 300 miliardë dollarë, pasi jo e gjithë sasia e hidrokarbureve mund të rekuperohet nga teknologjia aktuale.

Por, sidoqoftë, fjala është për një vlerësim, që duhet të hapë perspektiva shumë rozë për ekonominë shqiptare. Para disa dekadash, zbulimi i rezervave të mëdha të naftës në Detin e Veriut e ktheu Norvegjinë në vendin europian me të ardhura më të larta për frymë të popullsisë. Po kështu, ndikoi në rritjen e ndjeshme të ekonomisë angleze.

Rajoni

Rajoni, që do të shfrytëzohet nga zviceranët e Manas Petroleum, përfshin zonat nga jugu i Liqenit të Shkodrës e deri në Tiranë e Dumre të Elbasanit, në një sipërfaqe të përgjithshme prej rreth 4.000 kilometrash katrore.

Sipas drejtorit të përgjithshëm të kompanisë, Alexander Becker, kërkimet kanë zbuluar se në periferi të Tiranës, në thellësinë 5.100 metra, ekziston një fushë me kapacitet të madh naftëmbajtës, që mund ta kthejë këtë rajon në një zonë industriale të prodhimit të naftës.

Ministria e Ekonomisë dhe Energjetikës, por as kompania Manas nuk kanë dhënë për publikun hollësi lidhur me çmimin që kanë paguar amerikanët për të fituar të drejtën e shfrytëzimit të kësaj pasurie të jashtëzakonshme natyrore të vendit tonë.

Kompania ka marrë që nga dhjetori 2007, në katër blloqe naftëmbajtës, të drejtën e shfrytëzimit mbi të cilat më parë e kishin kompanitë e huaja Shell Oil dhe Corporex, të cilat, pasi shpenzuan rreth 25 milionë USD për kërkime e shpime, u tërhoqën përfundimisht nga vendi ynë, të trembur nga pasojat e mundshme për jetën e punonjësve dhe investimet, gjatë rrëmujave të vitit 1997.

http://www.balkanweb.com/gazetav4/index.php?id=28190

26.5.2008, 16:29

Një raport i Ministrisë së Ekonomisë, vë në dukje se nga nëntoka shqiptare është nxjerrë deri tani 64% e rezervës fillestare të disponueshme të naftës, ndërsa për gazin, burimet ekzistuese janë pothuajse tërësisht të shteruara. Sipas raportit, rezerva e naftës që mund të nxirret me teknologjinë ekzistuese është rreth 30 milionë tonë, e cila është e barabartë me më pak se 10 vite konsum.

http://www.shekulli.com.al/news/47/A...008-05-26.html

17.11.2008, 17:11

Kompania zvicerane "Manas Petrolium" në raportin e saj të fundit ka rikonfirmuar rezultatet e janarit të këtij viti se rezervat e naftës në Shqipëri llogariten në 2.97 miliard fuqi. Ky është rezultati i analizave të kompanisë në tetë zona. Përveç kësaj raporti sheh mundësinë e një zone të nëntë cka do ta ngriste në 3.03 miliard fuqi rezervat e llogaritura.

http://www.evropaelire.org/Content/News/1350058.html

4.12.2008, 15:24

Nafta e vendburimit të Visokës, rreth 13 kilometra larg Fierit do të shfrytëzohet nga kompania IEC Inc. Marrëveshja është nënshkruar dje në Ministrinë e Ekonomisë. Ajo është e ndarë në dy faza. Gjatë 18 muajve të parë do të vlerësohet vendburimi dhe investimi do të jetë minimal nga kompania e huaj, ndërsa faza e dytë është ajo e shfrytëzimit që do të zgjasë plot 25 vjet.

Prodhimi mesatar ditor në këtë vendburim, sipas ekspertëve, arrin në rreth 40 tonë, teksa po sipas tyre, ky është një vendburim modest sa i përket rezervave të naftës dhe gazit në vendin tonë.

http://www.gazetametropol.com/tekst.php?idt=55787

6.12.2008, 13:14

FIER - Mbi 500 punëtorë, të cilët punojnë aktualisht në Kombinatin e Përpunimit të Thellë të Naftës, Ballsh, protestuan dje paradite pranë hyrjes së këtij Kombinati. Nga ky tubim, protestuesit i dërguan një letër me tetë pika Kryeministrit shqiptar, e cila u lexua para tyre.

Ata i bënin të ditur Kryeministrit se në Kombinat janë 60 milionë euro mall, e cila është një pasuri e popullit shqiptar dhe po vidhet nga kompania që ka privatizuar shoqërinë ARMO. Këtë fakt ata e ilustrojnë me bllokimin që i është bërë një treni me 6 cisterna nga policia e objekteve, duke tentuar të dalë nga uzina.

Lidhur me këtë fakt, drejtuesit e kësaj policie, me kontratë të marrë nga Policia e Shtetit, konfirmojnë se, mesnatën e kaluar, nuk është lejuar të kalojë një tren me një sasi prej 360 tonë karburant naftë. Sipas tyre, shoqëruesit të këtij treni i është kërkuar nga policia e objekteve fatura ku janë xhiruar paratë në bankë për pagimin e kësaj sasie karburanti, siç është vepruar zakonisht në këto raste, sipas policisë, por nuk ka pasur asnjë dokument ose mandat arkëtimi, të lëshuar nga banka.

Në këto kushte, policia nuk e ka lejuar të kalojë dhe për këtë ka vendosur edhe bllokimin e lëvizjes së trenit në destinacion, duke e ruajtur me policë deri në zgjidhjen e këtij problemi.

Në letrën drejtuar Kryeministrit Sali Berisha, ata janë shprehur se ish-drejtori i këtij kombinati është larguar në mënyrë brutale nga përfaqësuesit e kësaj kompanie, i cili, sipas tyre, duhet të dorëzonte të gjithë mallin që ka kjo uzinë në depozitat e saj, e cila nuk është pjesë e kontratës që firma private ka lidhur me shtetin.

“Gjithashtu, - shprehen ata në këtë letër, - pse, zoti Kryeministër, u bllokua shitja e karburantit në momentin, kur gazoili ishte me çmim 135 lekë dhe shitet sot, kur çmimi është 102 lekë, dhe humbja është rreth 7-8 milionë euro, para të cilat janë pasuri e shtetit”?.

http://www.shekulli.com.al/news/47/A...008-12-06.html

17.1.2009, 14:47

Në perëndim:

Citim:

Nafta; Shqipëria në ethet e “arit të zi”, shpresa për miliarda dollarë
Erald Kapri

Nafta shqiptare rrethohet nga një histori misteri, ku mjaft kompani janë tërhequr dhe afërsisht 600 milionë dollarë janë harxhuar në këto 18 vite vetëm për kërkimin e arit të zi të territorin shqiptar. Këto miliona dollarë, sipas Ministrisë së Ekonomisë, kanë shkuar kot. Të dhënat zyrtare flasin se Shqipëria deri më sot ka shfrytëzuar afërsisht 50 milionë tonë naftë. Këto të dhëna flasin se në fushat naftënxjerrëse në Patoz-Marinxë dhe rrotull tyre ka ende 380 milionë tonë naftë të cilat tashmë janë duke u shfrytëzuar. Kjo sasi nafte, në rast se konvertohet në para, do të thotë rreth mbi 10 miliardë dollarë. Por nuk mjafton këtu, pasi nëntoka premton shumë. Studimet flasim për miliarda tonë naftë dhe gaz të cilat vlejnë qindra miliarda dollarë, çka do e kthenin Shqipërinë, ndoshta një nga vendet më të pasura të rajonit. Këto pasuri, në rast se gjenden, do të bënin që Shqipëria të kishte një pozitë më të fortë politike.

Për shqiptarët e ardhmja premton. Tashmë nuk përbën lajm fakti se shqiptarët jetojnë në nëntokën më të pasur të rajonit. Nafta dhe gazi shqiptar, hidrokarburet, rrethohen nga një histori misterioze, e mbushur me optimizëm dhe dështim, por kërkimet për “arin e zi” në Shqipëri nuk po rreshtin. Në Shqipëri operojnë disa kompani të cilat kanë shprehur bindjen e tyre për sukses. Po harxhohen miliona dollarë për të hapur puse mbi 4 mijë metra të thella.

Zbulimet

Rezervat e naftës dhe gazit në vendin tonë janë shumë më të mëdha nga sa mendohej më parë. Vetëm pak kohë më parë në mediat shqiptare u publikua një studim i kompanisë amerikane Gustavson Associates LLC e cila studioi zonën e Shqipërisë së Mesme dhe atë të Veriut duke konkluduar se në këto zona ekziston një rezervë nafte prej gati 3 miliardë fuçish. Gustavson Associates LLC, një kompani e njohur në studimet 3-dimensoniale, arriti në përfundimin se në nëntokën e kësaj zone ekzistojnë edhe 3 trilionë rezerva gazi natyror. Ky studim u bë në bashkëpunim me zviceranët e Manas Petrolium të cilët fituan të drejtën e kërkimeve në Shqipërinë për ar të zi. Studimi prekte vetëm 4 mijë kilometra katrorë dhe shkrihej nga Durrësi deri në Shkodër. Vlera e kësaj nafte, duke e llogaritur me çmimin e bursës e cila është aktualisht 40 dollarë për fuçi, do të shkonte rreth 120 miliardë dollarë. Kjo shifër mund të rritet për shkak të vlerës në lëvizje të arit të zi, që sipas ekspertëve ndërkombëtarë, nafta do të rritet përsëri. Nga ana tjetër, vlera e 3 trilionë gazi natyror të zbuluar në këtë zonë, do të shtonte vlerën në qindra miliarda dollarë të tjerë.

Gustavson Associates, në studimin e saj shkruan se Shqipëria këtë sasi e ka në thellësi prej 3500 metrash, të mbështjellë nga një shtresë e karbonizuar, çka e bën të vështirë kërkimin, por jo në rast se përdor teknologjinë e fundit. Gjithsesi, ende kjo sasi është duke u kërkuar dhe ende nuk dihet cilësia e kësaj nafte. Përgjithësisht nafta shqiptare ka qenë e cilësisë më të ulët dhe ajo e zonës së Patozit ka përmbajtje të lartë bitumi. Pavarësisht kësaj, përpunimi i naftës sot ka arritur kulmin sa madje edhe kompania shqiptare ARMO, e cila përpunon këtë naftë, me gjithë teknologjinë e saj të viteve ‘70 kineze, arrin të nxjerrë edhe benzinë vergine, të cilësinë së parë dhe shumë të kërkuar.

Zviceranët: Do t’ia dalim

Zbulimin e amerikanëve po kërkon të vërë në jetë kompania zvicerane Manas Petrolium. Kjo kompania nisi muaj më parë një projekt prej 10 milionë dollarësh, për nxjerrjen e kësaj sasie nafte dhe gazi nga nëntoka shqiptare. Duke filluar nga mesi i tetorit të vitit 2008, kjo kompani ka nisur nga puna. Siç a bërë me dije edhe vete, projekti i tyre po nis fillimisht nga seksioni D dhe ka nisur një bashkëpunim me kompani të tjera. Ata janë mbështetur nga Instituti i Gjeofizikës së Izraelit, i cili u ka konfirmuar se kjo sasi ekziston. Madje ky institut gjatë këtij viti, do t’i ndihmojë zviceranët për krijimin e një databasi për zona të tjera.

Njëkohësisht Manas Petrolium do të nisë brenda këtij një bashkëpunim me kompaninë kroate CROSCO si dhe ka nënshkruar një marrëveshje mirëkuptimi me kompaninë ruse JSC "SPC" NEDRA. Kroatët e CROSCO-s do të bëjnë kërkime në një zonë të caktuar, ndërsa rusët do të sjellin ekspertët më të mirë të gazit. Manas Petroleum Corporation fitoi në dhjetor të 2007-ës koncesionin qeveritar për aktivitetet e eksplorimit, zhvillimit dhe prodhimit të hidrokarbureve falë akordit midis Ministrisë se Ekonomisë, Tregtisë dhe Energjisë përfaqësuar nga Agjencia Kombëtare e Burimeve Natyrore dhe DWM Petroleum AG, pjesë e Manas Petroleum Corporation. Studimi është kryer mbi një terren që përhapet mbi 4000 kilometra katrore duke nisur nga Durrësi deri në Shkodër: në blloqet A-B e D-E, zona jugore e Tiranës që ka një naftë shumë të ngjashme më atë të Cakranit dhe zona veriore e Tiranës që përhapet nëpër blloqet B, D dhe E.

Gustavson Associates, LLC, e cila bëri studimin, është shprehur optimiste për sukses. Sipas saj, situata është e ngjashme si zbulimi i miliona tonëve gaz që u bë vite më parë në Itali. “Zbulimi i parë ka nxjerrë në pah struktura të forta karboni të njëjta me ato që janë zbuluar në vitin 1990 në Apenine të Italisë. Probabiliteti i suksesit është kompleks për shkak të fortësisë nën të cilën gjendet struktura naftëmbajtëse”, - ka njoftuar kjo kompani.

Kërkimet

Pas rënies të komunizmit në Shqipëri, të parët që e vizituan atë, ishin bosët e kompanive të naftës. Sipas Ministrisë së Ekonomisë, që nga viti 1990, në Shqipëri kanë ardhur mbi 15 kompani të huaja të cilat kanë harxhuar afërsisht 600 milionë dollarë vetëm për kërkime nafte. Këto kompani kanë pasur harta të shumta për kërkim nafte madje kishin të gatshme edhe studime shqiptare që ishin bëtë nga ish-Agjencia Kombëtare e Hidrokarbureve.

Sot mund të cilësohet si fatkeqësi fakti se vendi importon gati 80 për qind të naftës, ndërkohë që para vitit 1990, Shqipëria ishte një vend eksportues. Banka Botërore ka publikuar një studim për këtë çështje dhe ka vërejtur se në Shqipëri janë kryer shpime në 4 666 puse nafte, nga të cilat 3 123 janë operative, ndërsa 981 të tjera janë mbyllur dhe braktisur. Historia flet se niveli më i lartë i prodhimit të naftës u bë në vitin 1974 me rreth 2,448,227 tonë dhe prodhimi i gazit në vitin 1982 me rreth 937 milion Nm3/vit. Nga viti në vit, numri i puseve ka ardhur në ulje. Njëkohësisht edhe shërbimi ndaj puseve ka rënë ndjeshëm.

Një kërkim i bujshëm nafte u bë nga kompania amerikane Shell Oil dhe Corporex para vitit 1997. Pasi shpenzoi 25 milionë dollarë për kërkime, ajo u dorëzua dhe ngjarjet e 97-ës e larguan atë nga vendi duke ndërprerë kërkimet në mes. Amerikanët e Shell Oil mendonin se në Shqipëri mund të gjenin mbi 800 milionë fuçi nafte.

Aktualisht, kompania kanadeze Bankers Petroleum po nxjerr naftë në zonën e Patoz-Marinxës dhe të gjithë prodhimin po e eksporton. Italia është vendi që po blen më shumë këtë naftë bruto.

Çudia qëndron në faktin se në Shqipëri ka edhe shumë kompani të tjera koncensionare, por ato nuk po veprojnë, me përjashtim të kanadezëve dhe zviceranëve. Ministria e Ekonomisë ka dhënë leje gjatë 18 viteve për dhjetëra kompani amerikane, austriake, kroate, kanadeze, suedeze madje edhe greke.

Kërkime nisën edhe kompani të tjera si ajo amerikane Occidental, OMW, kompania shqiptare AlbPetrol, kompania INA, Premier Oil si dhe Coparex por që në fakt kanë njohur dështim dhe janë larguar nga vendi.

Studimet e reja

Qeveria shqiptare krijoi pak kohë më parë Agjencinë Kombëtare të Burimeve të Reja. Nëpërmjet një ligji të ri, tashmë çdo kompani e huaj që dëshiron të operojë në vendin tonë, e ka më të lehtë. Kjo agjenci po bën edhe studime të reja për zona të tjera për të cilat nuk mendohej se mund të kishin naftë apo gaz. Në këtë agjenci po punohet për përgatitjen e dokumentacioneve përkatëse për zonat e caktuara studimore për t'i dhënë ato me marrëveshje hidrokarbure, sikurse është përcaktuar edhe në ligjin përkatës.

Tashmë ka nisur studimi në mjaft blloqe të lira, kryesisht në gjithë zonën juglindore të vendit. Një tjetër zonë që po studiohet është edhe ajo në rrethet e Vlorës, Gjirokastrës, Delvinës, Sarandës, Lushnjës, Fierit dhe të Mallakastrës.

Optimizmi

Mjaft ekspertë shqiptarë janë shprehur optimistë për rezultat. Vendi ynë është ndër të paktët në rajon që ka rezerva të konsiderueshme nafte. Ekspertët e konsiderojnë këtë si një avantazh krahasues që Shqipëria ka ndaj vendeve të rajonit, shumica e të cilave nuk disponojnë rezerva nafte. Në rast se vendi arrin t’i shfrytëzojë këto burime të zbuluara, do të përfitohen mjaft të ardhura, vendi do të pavarësohet nga energjia si dhe shteti do të fitojë një pozitë tjetër dhe më të fortë politike në rajon.

Ky optimizëm i ekspertëve, veçanërisht të inxhinierëve të naftës dhe gjeologëve shqiptarë, buron nga fakti se në kohët e sotme gjysma e rritjes se rezervave në vendet kryesore prodhuese të naftës, ka ardhur nga rivlerësimi i tyre duke marrë në konsideratë zhvillimet teknologjike, kostot e zhvillimit dhe të gjetjes së rezervave dhe çmimet e tregut.

Rritja e teknologjisë shihet si avantazh. Nga ana tjetër, mjaft ekspertë e shohin këtë vonesë të nxjerrjes së naftës edhe si avantazh. Nafta po shtrenjtohet, burimet në botë parashikohet të pakësohen dhe deri në vitin 2080 pritet që nafta të përfundojë në tokë. Atëherë në këtë situatë, nafta shqiptare do të shitej me çmime tepër të larta. Sondat moderne arrijnë deri në 8 mijë metra, ndoshta më tepër, të depërtojnë në koren e tokës, ndërkohë që studimet flasin se nafta shqiptare ndodhet vetëm 3500 metra poshtë nën tokë. Gjithsesi, hapja e një pusi nafte kërkon afërsisht mbi 20 milionë dollarë shpenzime. Hapja e rezervave të kësaj nafte do të niste një epokë të re për Shqipërinë.

Kompanitë që kanë dështuar

Shell Oil & Corporex
Oçidental
OMË
AlbPetrol
INA
Premier Oil
Coparex

Hartat gjeologjike të Shqipërisë

Hartat gjeologjike të Shqipërisë kanë filluar të hartohen nga studiues të huaj qysh prej shekullit XIX.

Hartat që përfshijnë gjithë territorin e Shqipërisë, nga shkalla 1:2 000 000 deri në 1:200 000 janë 15, nga të cilat 6 në dorëshkrim, ndërsa të tjerat janë botuar në vende të ndryshme.

Të parët që ndërmorën një studim gjeologjik në Shqipëri ishin dy francezë, natyralisti A. Boue dhe gjeologu A. Vuquesnel që krijuan hartat e para gjeologjike në vitet 1828-1879.

Më pas vitit 1903, shumë gjeologë të tjerë të huaj filluan studimet gjeologjike në territorin e Shqipërisë.

Kështu, A. Marteli gjatë viteve 1903-1912 kreu studime në krahinën e Vlorës dhe rezultat i këtyre ishte një hartë gjeologjike në shkallë 1:200000 botuar në Romë më 1912. F. Nopsca pas studimesh shumë vjeçare botoi në Budapest hartën gjeologjike 1:200000 të Shqipërisë së Veriut.

Gjithashtu, harta gjeologjike të rajoneve të ndryshme të Shqipërisë përpunuan e botuan gjeologe të ndryshëm si Weters, Hammer, Roth, Telegt, Goebel.

E rëndësishme ishte harta 1:200000 botuar nga J. Bourcart në Paris më 1921, titulluar “Harta Gjeologjike e Shqipërisë Juglindore”.

Për herë të parë një hartë e plotë e Shqipërisë u publikua në Salzburg më 1929 nga Ernst Nowack, gjeolog austriak i kontraktuar nga qeveria shqiptare për këtë qëllim. Harta ishte frut i punës së mirëfilltë të Nowack dhe përpunim e korelim i kësaj pune me harta të botuara dhe më parë.

Ne 1943 S. Zuber ka përgatitur, në dorëshkrim, hartën gjeologjike 1:200000 të Shqipërisë.

Më 1950, E.A. Stankeev. Z. A. Mishunina dhe E. A. Ivanova përgatitën hartën gjeologjike të Shqipërisë 1:200.000 për përdorim në industrinë e naftës bashkë me shënimet sqaruese e cila u botua më 1957, në Leningrad në tirazh të kufizuar.

Një grup gjeologësh shqiptarë (T. Biçoku etj.) duke u mbështetur në rilevimet gjeologjike të bëra gjatë 1950-1965 dhe në vrojtimet e punimeve të redaktim revizionimeve të bëra nga grupi gjatë 4 vjetëve (1963-1964), përpiluan dhe botuan, më 1967 në Tiranë, në shqip e frëngjisht, hartën gjeologjike të Shqipërisë në shkallën 1:200000 bashkë me tekstet shpjeguese (1970, 1971).

Pas 19 vjetësh u botua edhe harta e tretë gjeologjike e emërtuar “Harta Gjeologjike e Republikës Popullore Socialiste të Shqipërisë” shkalla 1:200000, hartuar nga një grup gjeologësh (R. Shehu etj.) dhe tekstin shpjegues (1990).

Në vitin 2000 nën koordinimin e A. Xhomos etj. ka përfunduar në dorëshkrim, për ribotim harta gjeologjike 1:200000 e Shqipërisë. Harta u botua në vitin 2002 dhe emërtohet “Harta Gjeologjike e Shqipërisë”. Kjo hartë është frut i bashkëpunimit mes Institutit të Kërkimeve Gjeologjike, Institutit të Naftës dhe Gazit dhe Fakultetit të Gjeologjisë dhe Minierave.

Të gjitha hartat janë shoqëruar me tekste shoqëruese shpjeguese.

Përveç hartave gjeologjike të shkallës 1:200000, janë hartuar edhe harta të shkallëve të ndryshme të cilat kanë mbetur të papublikuara dhe gjenden në Fondin Qendror të Gjeologjisë dhe atë të Instituti të Kërkimeve Gjeologjike. Prej vitit 1997, ka filluar edhe botimi i serisë së hartave gjeologjike në shkallë 1:25000 në bazë të plansheteve topografike (gjithsej 101 planshete). Gjithashtu ka pasur edhe botim të hartave gjeologjike në shkallë 1:50000 të masivëve ultrabazikë Shebenik, Bulqizë e Tropojë të realizuara në vitet ‘90. Gjithashtu, është punuar nga departamenti i Gjeologjisë Krahinore dhe Kartografimit të IKGJ për botimin e hartave ndërkufitare Greqi-Shqipëri, Maqedoni-Shqipëri, Mali i Zi-Shqipëri dhe Kosovë-Shqipëri, në bashkëpunim me Shërbimet Gjeologjike të vendeve respektive.

Botimi i hartave gjeologjike po vazhdon me qëllim që i gjithë informacioni i mbledhur t’i bëhet prezent botës shkencore dhe publikut.

Përveç kësaj, nga Drejtoria e Gjeoinformacionit pranë Shërbimit Gjeologjik Shqiptar, po punohet për dixhitalizimin dhe kalimin në formë elektronike të këtyre hartave duke krijuar harta interaktive shumëqëllimore dixhitale, të cilat nëpërmjet Sistemeve Gjeografike të Informacionit GIS të jenë të gatshme për përdorim online nga përdoruesit periferikë të çdo lloj moshe e profesioni, duke qenë kështu të afta të plotësojnë të gjitha kërkesat që shoqëria shtron para shkencës gjeologjike.

Gjithashtu, janë botuar edhe Harta Hidrogjeologjike, Metalogjenike, Gjeofizike të shkallës 1:200000.

Burimi: Drejtoria e Shërbimit Gjeologjik

http://www.gazeta-standard.com/tekst.php?idt=14614

18.1.2009, 11:21

Ndalimi i importit të naftës D2 është mirëpritur nga biznesi i makinave të reja që ushtrojnë aktivitet në Shqipëri. Shoqata e Distributorëve Ligjorë të Makinave të Reja ka vlerësuar ndalimin e importin e naftës D2, duke nisur nga data 1 janar 2009. Për ta, nafta më cilësore në treg do të thotë më shumë jetëgjatësi për makinat që ata tregojnë, duke iu garantuar në këtë mënyrë edhe konsumatorëve markat që tregojnë. Nafta e cilësisë së dobët bëhet shkak për të dëmtuar shëndetin e njerëzve, pasi dëmton ajrin, por nga ana tjetër, ajo dëmton edhe makinën duke ulur kështu vitet e jetëgjatësisë së një mjeti.

http://www.gazeta-standard.com/tekst.php?idt=14664

5.2.2009, 15:16

Në veri:

Citim:

Ka apo s’ka Kosova naftë?
Nga Prof. dr. Bajram Shabani / Për boksitet e Kosovës

Interesimi për shikimin e mundësive për gjetjen e vendburimit të naftës është shumë i madh. Mundësitë për gjetjen e kësaj nafte në Kosovë datojnë qysh në vitet e gjashtëdhjeta. Hulumtimet e para të kësaj nafte kanë filluar në periudhën 1963-1968 nga “Naftagasi” i Novi Sadit, me financim 51.4 për qind “Naftagasi” dhe 48.6 për qind Kosova. Ma vonë në vitin 1978 kërkohej nga Miniera e Boksitit që të participojë me “Naftagasin” që bashkërisht të jenë bartësit e hulumtimeve ku me disa kontakte të shpejta në atë kohë, në Novi Sad, arritëm që të fillojnë hulumtimet gjeologjike në ndërtimin e terrenit dhe eventualisht të identifikojmë paraqitjet në sipërfaqe të naftës dhe gazit. Po ashtu vazhdohej me hulumtimet e metodave gravimetrike, magnetometrike, gjeoelektrike dhe seizmike.

Gjatë vitit 1978 angazhojmë edhe Ndërmarrjen Kërkimore “Indusriaprojekt” nga Zagrebi për t’i kryer punimet në “Sendimentet strati-metalogjenike” dhe në strukturat foto-gjeologjike, duke përfshirë një sipërfaqe prej 5.650 km2 për hulumtim.

Në kohën kur unë përcillja hulumtimet janë gjetur tri paraqitje të bitumen-asfaltit në fshatin Prapashticë në jugperëndim të Ferizajt dhe në afërsi të fshatit Burnik. Në atë kohë është konstatuar se trashësia e sendimenteve të terciarit është shumë variabile dhe është vlerësuar përafërsisht 1000 m, ndërsa ajo maksimale deri në 2000 m. Shtresat e përshtatshme tektonike dhe format strukturale për hulumtime të mëtutjeshme në hidrokarburet ndahen në rrafshin e Prizrenit, Rahovecit dhe Pellgut qymyrëmbajtës të Dukagjinit.

Hulumtimet po ashtu kanë treguar në mundësitë e gjetjes së kolektorëve te këta shkëmbinj, duke përfshirë mundësinë e ekzistimit të shkëmbinjve, mbrojtjes të cilët kanë penguar daljen e gazit nga hidrokarburet me gjasë nëse kanë ekzistuar akumulime të tilla. Shikimet e bëra për përcaktimin e lokacioneve më precize për dy shpime kanë qenë të nevojshme, që sa më parë të bëhen hulumtime plotësuese gjeofizike si dhe të përfundojë përpunimin stratimetrik dhe fotogjeologjik i përpunuar në pjesën lindore të Kosovës.

Hulumtimet plotësuese gjeofizike janë përpunuar për shkak të disa paqartësive dhe për t’i vërtetuar shënimet e fituara nga teknika e vjetër, për çka është e nevojshme që edhe sot të punohet metoda tredimensionale e mbulesave të shumëfishta shkëmbore (DTA) për të bërë korreksionet e shënimeve në lokacionet më të përshtatshme për të vendosur shpimet kërkimore. Për vlerësimin e perspektivitetit të hulumtimeve të mëtejshme të naftës dhe gazit duhet të punohen programet shtesë dhe të bëhen investime të fuqishme për të ardhur deri te një vëllim i punëve minimale, pa të cilat nuk mund të vijë deri te vlerësimi i këtyre vendburimeve.

Me sigurimin e mjeteve investive, për një kohë të shkurtër mund të vijë te mundësitë reale për udhëheqjen e këtyre punimeve deri në vitin 2015. Bazuar nga pikëpamja e mundësive të tanishme dhe kritereve financiare, kërkimet e bëra deri më tani janë të një shkalle të ulët të perspektives me njohuri të terreneve naftëmbajtese për të cilat në 30 për qind të zonave të hulumtuara nuk mjafton të themi a ka apo nuk ka naftë në vendin tonë. Nëse marrim për bazë nevojat e naftës në tregun botëror dhe krizat ekonomiko-financiare, tani ia vlen që shteti - Republika e Kosovës t’u qaset seriozisht kërkimeve në hulumtimin e gazit dhe naftës duke përfshirë edhe ujërat termale si kompleks i veçantë në zgjidhjen e krizës energjetike në vend dhe jashtë vendit.

Pra, momenti është i duhur, sepse bota është në kërkimin e alternativave të reja të prodhimit të energjisë elektrike, ku nëse ne tani vonohemi, dikur do të bëhet vonë për të ardhur në rend për kërkimin e lëndëve djegëse të lëngëta të një rëndësie të veçantë për shtetin tonë më të ri në botë- Kosovën.

http://www.botasot.info/?gjuha=0&category=23&id=5422

20.3.2009, 19:03

Brenda vitit 2009, do të largohen nga territori portual të gjitha depozitat e karburanteve të vendosura prej 15 vitesh atje. Drejtuesit e portit të Durrësit, bazuar në një vendim të KM-së shprehen se “brenda vitit 2009, depozitat gjigande do të transferohen drejt Porto Romanos, atje ku edhe do të ngrihet parku energjitik”.

Depozitat, aty ku ndodhen, përveç rrezikut që paraqesin për jetën e banorëve po mbajnë peng dhe një investim prej 34 milionë eurosh, që do të përdoret për ndërtimin e terminalit të kontejnerëve.

Në portin detar të thonë se brenda marsit do të nisë realisht zhvendosja e depozitave në drejtim të Porto Romanos. Atje ka kohë që po ndërtohet një port për përpunimin e anijeve të karburanteve si dhe parku për ndërtimin e depove të reja.

Edhe nga ministria përkatëse ka sinjale për fillimin e zgjidhjes së këtij problemi. Në pjesën lindore të portit të Durrësit funksionojnë 14 depozita gjigande karburantesh. Pjesa më e madhe e tyre përdoret për depozitimin e naftës dhe të benzinës dhe njëra për karburant avionësh. Përveç tyre janë edhe dy depozita të cilat janë të mbushura me ujë me qëllim përdorimin e tij për shuarjen ndonjë zjarri të mundshëm. Kapaciteti total i depove të karburantit është 30 mijë tonë.

http://www.gazeta-standard.com/tekst.php?idt=16711

19.7.2009, 19:32

Citim:

Kompanitë greke: Të shtyhet afati për depozitat e naftës

Sërish kompanitë e karburanteve që kanë depozita në Portin e Durrësit janë shprehur kundër zhvendosjes në zonën e Porto Romanos. Të pesta shoqëritë, kryesisht greke, vazhdojnë t‘i qëndrojnë kontratës që kanë me qeverinë, firmosur në 2001-shin, ku u jepet e drejta ta ushtrojnë aktivitetin për dhjetë vjet dhe mundësi shtyrjeje të afatit për dhjetë vjet të tjera.

Nga ana e saj, qeveria nuk duket se do të lëshojë pe, kur jo më larg se një javë më parë fuqizoi vendimin për kthimin e Portit të Porto Romanos dhe Petroliferës në Vlorë, në zona të ligjëruara për transportimin, furnizimin dhe tregtimin e naftës.

Përkundër pretendimit të kompanive greke, ministri Ruli e cilëson projektin e Porto Romanos të një standardi të lartë. "Këto depozita do të jenë të një cilësie dhe standardi të lartë sigurie, shumë herë më të lartë se ato që ka sot vendi". Ministria sqaron se kompanitë duhet t‘i rialokojnë investimet e tyre në zonën e parkut energjetik të Porto Romanos. Është pikërisht vendi në të cilin faktikisht ka filluar ngritja e depozitës, të cilat do të jenë së paku rreth 50 herë më të larta se depozitat ekzistuese.

Pas fillimit të punës në parqet e depozitave të naftës në Porto Romano dhe në Vlorë nga Petrolifera parashikohet që, me futjen në punë të këtyre depozitave të mëdha, të ketë një ulje 20 për qind të kostove të transportit dhe stokazheve të nënprodukteve të naftës.

http://www.gazeta-shqip.com/artikull.php?id=68222

17.9.2009, 00:10

Citim:

Shqipëria, një nga burimet më të mëdha të naftës në Evropë
Vocus Press Release, Zvicër

Një nga burimet më të mëdha të naftës, me mbi 2 miliard fuçi ndodhet në Patoz Marinëz në Shqipëri. Por duket se, rezervat potenciale të vendit mund të jenë shumë më të mëdha. Një nga fushat më të mëdha të rezervave të naftës në botë pritet të jetë pikërisht në zemër të Europës.

Ky lajm i mrekullueshëm erdhi në vitin 2007, kur një studim nga një firmë inxhinierike ndërkombëtare Gustavson & Associates, u bë publik, pasi u vunë re struktura gjigante naftëmbajtëse në veri të Patoz Marinzës. Inxhinierët thonë se, kjo zonë mund të mbajë një rezervë spektakolare prej 2.9 milion fuçi nafte e papërpunuar, një lajm i mirë ky për kompaninë zvicerane të naftës Manas Petrolium, e cila është aktualisht e listuar nga Shtetet e Bashkuara të Amerikës.

Kjo ishte shumë befasuese veçanërisht për investitorin, meqenëse kërkimet për naftë në Shqipëri ishin thuajse një çështje e mbyllur. Përmendi Shqipërinë një analist energjie dhe do të merrni një shikim qortues në këmbim, pavarësisht fushave naftëmbajtëse të vendit dhe një histori e gjatë nafte që shkon deri në kohën e Romës së lashtë.

Mbi të gjitha Europës i duhet një burim i qëndrueshëm nafte, por nga ku?

Rusia po bëhet e rrezikshme. Rebelët nigerianë kanë vënë në shënjestër eksportet. Prodhimi i saj në Detin e Veriut po bie dhe Lindja e Mesme zien nga konfliktet. Koha për Shqipërinë më në fund ka ardhur, meqenëse tashmë ajo është një vend demokratik pas 40 vitesh diktaturë komuniste. Shell Oil dhe Corparex-i i Francës kanë mbërritur të parat në vend. Ata kanë shpenzuar 25 milion dollarë për kërkime në fillim të viteve 1990, duke zbuluar struktura të thella me një potencial rezervash rreth 820 milion fuçi nafte.

Lajme të mira, kohë të vështira

Çmimi i naftës ra në 12 dollar për fuçi për shkak të shpërthimit të luftës në Kosovë dhe në Shqipëri nisi një rebelim i armatosur dhe të dy kompanitë u larguan nga vendi. Sot, të gjitha këto janë pjesë e historisë. Nafta e papërpunuar sot është 70 dollarë për fuçi dhe Shqipëria është një vend anëtar i NATO-s, në të cilin ekonomia po lulëzon.

Zhvillimi i fushave naftëmbajtëse në Shqipëri tani po lëviz në drejtimin e duhur. Fusha me rezerva deri në 820 milion fuçi nafte tani kontrollohet nga Manas Petrolium, e cila mori aprovimin për kërkimin dhe prodhimin e naftës dhjetorin e kaluar.

Manas, tani ka një hapësirë prej 3 000 km katrorë në Shqipëri, por e gjithë kjo është vetëm maja e ajzbergut. Një strukturë tjetër gjigante me rezerva potenciale nafte është zbuluar tashmë. Gustavson, që këshillon Big Oil të Departamentit të Shtetit për Energjinë dhe IRS-në, e konsideron të ardhmen "mrekullisht të përcaktuar dhe virtualisht gati për shpime".

Puna e Gustavson tregoi se, mund të bëhet fjalë për një potencial rezervash prej 2.9 milion fuçi nafte dhe 3 milion metër kub gaz natyral.

Lindja e një gjiganti kërkimi?

Manas Petrolium është një produkt i rënies së komunizmit dhe i shitjeve të mëdha që e pasuan atë. Mbi të gjitha studimet e pavarura amerikane dhe britanike vlerësojnë se, Manas tani ka rikuperuar ekuivalentin e rreth 4 miliard fuçive naftë në kategorinë e burimeve, duke marrë një total më shumë se 30 fuçi nga shpërndarja.

Ndërsa ajo vazhdon të zhvillojë këtë gjigant, Manas ka potencialin të bëhet një nga kompanitë e naftës që rritet më shpejt në botë. Sigurisht, që kjo ndihmon kur je afër linjës frontale gjatë shitjeve më të lira në histori. Manas Petrolium po shfrytëzon dhe zhvillon fusha gjigante naftëmbajtëse dhe gazmbajtëse në pesë vende të ndryshme me një hapërirë prej miliona hektarësh.

http://www.botasot.info/?gjuha=0&category=20&id=31550

6.11.2009, 10:31

Citim:

Nis kërkimi për naftë në Durrës

Nëntoka e Durrësit është përfshirë në një nga ekspeditat më të ethshme për gjetjen e gjurmëve dhe liqeneve naftëmbajtës. Kompania zvicerane Manas Petrolium ka paraqitur një raport pak kohë më parë në Agjensinë Kombëtare të Burimeve Natyrore lidhur me gjurmët e regjistruara në terren.

Në shtatorin e këtij viti palët kanë nënshtruar marrëveshjen lidhur me finalizimin e financimit të projektit për kërkime nafte në disa zona. Kompania Manas Petrolium ka tashmë kontratën e nënshkruar për ndarjen e prodhimit prej 6 blloqesh.

Fillimisht kishte katër blloqe naftëmbajtës, të cilën më parë e kishin kompanitë e huaja Shell Oil dhe Corporex. Të dy kompanitë shpenzuar rreth 25 milionë USD për kërkime e shpime dhe u tërhoqën gjatë rrëmujave të vitit 1997.

Zviceranët kanë fituar të drejtën për kërkime nafte në zonën A,B,C,D me një sipërfaqe kërkimi të përgjithshme prej 3 mijë km2. Fillimisht këtë të drejtë kërkimi nafte e kishin dy kompanitë hollandeze Shell Oil dhe Corporex por pas vitit 2008 në terren ka nisur të operojë Manas Petrolium.

Zona A dhe zona B gjendet në hapësirën nga Shkodra deri në Kavajë duke përfshirë në këtë hartë edhe Gjiun e Lezhës dhe atë të Durrësit. Damari tjetër i kërkimeve ka nisur në zonën nga Tirana deri në Papër të Elbasanit dhe së bashku me pjesën tjetër përgjatë bregdetit zë hapësirën më të konsideruar të projektit.

Plot 7 milion dollarë ka shpenzuar në dy vite kompania zvicerane gjatë projekteve kërkimore. Kompania ndërkombëtare e kërkimeve për gaz dhe naftë është e përqendruar në Evropën Juglindore, Azinë Qendrore dhe në Amerikën e Jugut.

Pilotat e sondave të makinerive të kompanisë kanë rënë në gjurmët e damarëve të fuqishëm të naftës në nëntokën e Durrësit duke e bërë gjirin shumë premtues për të ardhmen.

Fusha naftëmbajtëse në vendin tonë sipas studimeve dhe rezultateve të kërkimeve nga zviceranët mësohet se ka një kapacitet deri në 2 miliard fuçi naftë, ndër më ta pasurat në Evropë

http://www.gazetametropol.com/tekst.php?idt=62698

23.11.2009, 20:51

Citim:

Projekti 800 MW në Porto Romano. Ministria e Ekonomisë po vlerëson ofertat

Shkaku që vonon fillimin e ndërtimeve ka të bëjë me garën mes dy gjigantëve energjetikë: italianëve të ENEL dhe konsorciumit gjermano-grek RWE. Të dyja kompanitë kanë shprehur interes për ndërtimin e termocentralit me kapacitet prodhues 800 megavat.

Zyrtarë nga Ministria e Ekonomisë, Tregtisë dhe Energjetikës thonë për "Shqip" se gara mes dy kompanive mund të përzgjidhet në muajin janar 2010, në mënyrë që t‘i hapet rrugë ndërtimit, me plan brenda vitit që vjen.

Kompanitë i kanë dorëzuar projektet duke aplikuar për ndërtimin e TEC-it, kurse specialistët e ministrisë janë duke vlerësuar ofertat. Plani i qeverisë për fillimin e negociatave konkrete me njërën nga kompanitë është për t‘u mbyllur në fillim të vitit.

Mendohet që ndërtimi i termocentralit do të kërkojë katër vjet, me vlerë investimi mbi 1 miliard euro. Sasia e energjisë që do të prodhohet konsiderohet tepër e lartë, përtej nevojave të vendit tonë, për pasojë është menduar që gjysma të mbetet në Shqipëri dhe diferenca të eksportohet.

Aktualisht nuk ka ende një përllogaritje të saktë sesa do të jetë çmimi i energjisë që t‘i shitet palës shqiptare, por ministria mendon se do të jetë me koston e prodhimit.

Në total projekti për ta kthyer Porto Romanon në park të madh energjetik kushton rreth 4 milionë euro. Brenda zonës parashikohet të ndërtohet një rigazifikator, dy termocentrale, depozita karburanti dhe port për anijet.

Përveç kësaj parashikohet të krijohet dhe një zonë e lirë ekonomike për bizneset industriale. Të gjitha investimet do të kryhen nga privati, por më parë qeveria shqiptare duhet të shpenzojë ca para për t‘i kthyer zonës kushtet optimale për investim, si rrugë, drita dhe ujë.

http://www.gazeta-shqip.com/artikull.php?id=76097

13.5.2010, 04:21

Citim:

Berisha: Nafta shqiptare me 6 miliardë fuçi në ditë

Tiranë, 12 maj 2010 - Investimet në nxjerrjen dhe përpunimin e naftës në Shqipëri, do të bëjnë që brenda vitit të ardhshëm nafta të mbulojë nevojat e konsumit në vend.

Duke folur para investitorëve të huaj rreth pasurive natyrore që ka vendi, kryeministri Sali Berisha thotë se përveç nxjerrjes së naftës, një projekt i rëndësishëm që do të konkretizohet së shpejti është gazsjellësi Trans-Adriatik që do mundësojë kalimin e gazit nga Kaspiku në Europë përmes Turqisë, Greqisë dhe Shqipërisë.

"Nafta shqiptare e zonave të njohura arrin deri në 6 miliard fuçi. Vetëm Patos Marinza ka mbi 2 miliardë fuçi. Vitin që vjen, pritet që prodhimi i vendit të plotësojë plotësisht nevojat e tij dhe në vazhdim. Por Shqipëria ka fusha të tëra të pa eksploruara siç është Dumreja, Shqipëria Veriore dhe zona të tjera të tëra. Shqipëria në këtë fushë, falë pozicionit të saj gjeografik, përbën vendin më të përshtatshëm për kalimin në territorin e saj të gazsjellësve. Të gjithë ata që by pass ojnë Shqipërinë janë të "dënuar" të bëjnë investime shumë më të kushtueshme, sesa po të kalojnë në territorin shqiptar. Gazsjellësi Trans Adriatik është padyshim gazsjellësi më fizibël dhe unë ju garantoj se do të jetë më i shpejti që do të ndërtohet".

http://www.kosova.com/artikulli/61796

26.6.2010, 14:09

Citim:

Amerikania “Sky Petroleum” “merr” naftën e Shqipërisë

Tiranë – Në jug të Shqipërisë do të kërkohet për gaz dhe naftë dhe për këtë tashmë është nënshkruar marrëveshja. Kërkimi për lëndët djegëse tejet të rëndësishme në kohën tonë, i është besuar kompanisë amerikane "Sky Petroleum".

Investimi i kompanisë Sky Petroleum për kërkimin e naftës dhe të gazit në Bllokun 4 dhe 5 dhe në zonën e Dumresë është rreth 7-8 milionë dollarë, ndërsa parashikimet flasin për një potencial naftë mbajtës deri në 900 milionë barrela.

Ministri i Ekonomisë, Tregtisë dhe Energjetikës, Dritan Prifti, ka sqaruar se kërkimet do të bëhen në disa zona të vendit. "Sapo kam firmosur një marrëveshje të re hidrokarburesh për kërkime në tre Blloqe të Shqipërisë, në Bllokun 4 dhe 5, si dhe në bllokun e Dumresë, me kompaninë amerikane "Sky Petroleum", tha Prifti.

"Me zotin Karim Jabanputra kemi marrë angazhimin që të kërkojmë në blloqet e Jugut të Shqipërisë në bllokun 4 dhe 5, që përfshin Sarandë, Gjirokastër, Vlorë, deri Tepelenë dhe në bllokun e zonës Dumresë për t’u investuar 7-8 milionë dollarë për kërkimin e naftës dhe të gazit në këtë zonë, e cila ka një potencial naftë mbajtës deri në 900 milion barrela, të paktën nga parashikimet", tha kreu i METE-s.

Duke besuar tek konfirmimi i shifrave nga kërkimet, përpunimi i të dhënave sizmike dy dimensionale, si dhe nga shpimet e reja, që sipas marrëveshjes do të bëhen nga kompania amerikane "Sky Petroleum", ministri Prifti u shpreh shumë i kënaqur, që kompania ka treguar interes për të kërkuar në këtë zonë të Shqipërisë. "Kjo zonë më parë ka qenë shumë e vështirë për të tërhqeur investitorë për të bërë investime për kërkime", u shpreh Prifti.

Duke çmuar kompaninë Sky Petroleum për angazhimin e saj për të investuar në Shqipëri, ministri Prifti bëri të ditur se me këtë marrëveshje mbyllet eksplorimi i një zone shumë të rëndësishme të vendit. Sipas kreut të Ekonomisë, "me këtë marrëveshje mbyllet një zonë shumë e rëndësishme, që e mendojmë me potencial të madh naftëmbajtës dhe gazmbajtës për t’u eksploruar plotësisht dhe deri në fund, të paktën për një hark kohor disa vjeçar, sipas marrëveshjes.

Në vitin e parë kompania do të bëjë përpunimin e të dhënave sizmike dydimensionale, të cilat janë sot në arkivat tona, rishikimin dhe përpunimin e tyre. Më pas, në vitet e tjera ka një grafikë të detajuar të investime dhe kërkimeve në këto zona. "Shpreh kënaqësinë dhe falënderoj përfaqësuesit e kompanisë Sky Petroleum për angazhimin që kanë marrë, bashkë me qeverinë shqiptare, për të investuar për kërkimin e naftës dhe gazit në këto zona", theksoi Prifti. Ndërsa përfaqësuesi i kompanisë Sky Petroleum, Karim Jabanputra vlerësoi shpejtësinë dhe lehtësinë e procesit për nënshkrimit e marrëveshjes me ministrinë e Ekonomisë, Tregtisë dhe Energjetikës.

Jabanputra tha se "eksperiencat e mëparshme të kompanisë kanë treguar që procese të tilla kanë qenë shumë të gjata, ndërsa në rastin e marrëveshjes me ministrinë e Ekonomisë, Tregtisë dhe Energjetikës në Shqipëri ky proces ka qenë shumë i shpejtë".

Duke shprehur kënaqësinë "që kemi firmosur marrëveshjen sot me ministrinë e Ekonomisë së Tregtisë dhe Energjetikës", ai vlerësoi se "hasëm një proces inteligjent, të pastër dhe të shpejtë. Eksperienca tona të mëparshme kanë treguar se këto procese kanë qenë shumë të gjata, por me ndihmën e institucioneve dhe të ministrive procesi ka qenë shumë i shpejtë. Së shpejti do të stabilizojmë zyrat tona lokale dhe do të nisim nga puna për eksplorimin e blloqeve të sipërcituar". Puna për këto kërkime do të nisë brenda tre muajsh, ndërsa në fillim të vitit tjetër do të fillojë puna konkrete në Blloqe"

http://www.gazetastart.com/lajme/Ekonomia/20618/

5.7.2010, 16:57

Citim:

Shpërthimi i “Bubullimës” zbulon rezerva të reja nafte

Kompania “Albpetrol” sh.a, në bashkëpunim me kompaninë e huaj “Banker’s Petroleum”, ka arritur të realizojë mbylljen e pusit “Bubullima 14”, që disa javë më parë i mori jetën kryeinxhinierit të repartit të Avaro-Shpëtuesve dhe rrezikoi jetën e disa specialistëve të tjerë.

Nga studimi që u bë për riparimin e kësaj avarie u zbulua se në zonë ka ende rezerva të naftës që mund të shfrytëzohen me anë të teknologjive të përparuara.

Ferdinand Murati, drejtori i përgjithshëm i kompanisë shtetërore të nxjerrjes së naftës, shpjegon se zona e Kallmit i është nënshtruar së fundmi një studimi të veçantë. Kjo erdhi si rezultat i avarisë që ndodhi te “Bubullima 14” dhe tashmë po shihet mundësia e shfrytëzimit të nëntokës së kësaj zone me metodat e fundit.

Sipas Ferdinand Muratit, i cili bazohet tek rezultati i studimeve të kryera, konfirmohet se Kallmi do të jetë objekt i shfrytëzimit horizontal për nxjerrjen e “thesarit” të nëntokës. Deri tani, metoda e përdorur nga industria vendase ishte ajo e shpimit vertikal.

Shfrytëzimin e shtresave me metodën horizontale e kanë futur për herë të parë kompanitë e huaja, edhe pse konsiderohet prej specialistëve vendas si një metodë shkatërruese për industrinë e naftës.

Por në kushtet kur shumë prej puseve të zonës nuk punojnë dhe “Albpetrol” po shton përpjekjet për të rritur vlerën në treg në prag të privatizimit, metoda e shfrytëzimit horizontal po shihet me prioritet.

Pusi “Bubullima 14” ndodhet në fshatin Kallm, rreth 10 kilometra larg qytetit të Fierit dhe që nga viti 1974 ka hyrë në fondin e puseve të ndalur. Në fillim të muajit maj, ky pus nisi të çlirojë në natyrë gaz dhe mbetje të tjera nëntokësore. Kjo vazhdoi për disa ditë, çka bëri që banorët e zonës të shqetësoheshin.

Ankesa shkoi fillimisht në komunë dhe kjo e fundit e përcolli pranë kompanisë. Sektori përkatës për defekte të tilla Avaro-Shpëtuese ndërhyri menjëherë, por aksioni i specialistëve të këtij sektori rezultoi i dështuar, pasi në ndërhyrje e sipër kryeinxhinieri humbi jetën si pasojë e asfiksisë nga gazi.

Pas kësaj ngjarjeje të rëndë ka qenë mjaft e vështirë ndërhyrja. Drejtori i kompanisë, Ferdinand Murati shprehet për “Shqip” se çlirimi i gazit në natyrë nga “Bubullima 14” duhet pranuar se nuk ndodhi vetëm si pasojë e ndryshimit të natyrshëm të shtresave, por edhe si pasojë e ndërhyrjeve të specialistëve të huaj të “Banker’s”.

“Pas ngjarjes së rëndë nisëm studimin e pusit. Bashkëpunuam me kompaninë e huaj ‘Banker’s’ dhe arritëm që në uzinën mekanike të mund të prodhonim materiale speciale që nevojiteshin për mbylljen e këtij vendburimi. Pas afro dy javësh ndërhyrje arritëm që të premten të bënim mbylljen përfundimtare e pusit. Tashmë nuk ka më çlirim gazi dhe mbetjesh të tjera në natyrë. Për këtë duhen vlerësuar si specialistët vendas edhe ata të huaj, por edhe uzina që prodhoi pajisjet speciale”, u shpreh për “Shqip” Ferdinand Murati.

Drejtori i kompanisë shpjegon se gjatë dy javëve u bënë manovrime të ndryshme dhe u trajnuan specialistë vendas për raste të tilla avarie.

http://216.75.13.41/index/ekonomi/bf...5568fd4ed.html

26.5.2008, 16:29	#3
Anëtarësuar: 5.2008	Tiranë: Nafta dhe gazi shqiptar drejt shterimit Një raport i Ministrisë së Ekonomisë, vë në dukje se nga nëntoka shqiptare është nxjerrë deri tani 64% e rezervës fillestare të disponueshme të naftës, ndërsa për gazin, burimet ekzistuese janë pothuajse tërësisht të shteruara. Sipas raportit, rezerva e naftës që mund të nxirret me teknologjinë ekzistuese është rreth 30 milionë tonë, e cila është e barabartë me më pak se 10 vite konsum. http://www.shekulli.com.al/news/47/A...008-05-26.html

17.11.2008, 17:11	#4
Anëtarësuar: 5.2008	Konfirmohen rezervat e naftës në Shqipërinë Perëndimore Kompania zvicerane "Manas Petrolium" në raportin e saj të fundit ka rikonfirmuar rezultatet e janarit të këtij viti se rezervat e naftës në Shqipëri llogariten në 2.97 miliard fuqi. Ky është rezultati i analizave të kompanisë në tetë zona. Përveç kësaj raporti sheh mundësinë e një zone të nëntë cka do ta ngriste në 3.03 miliard fuqi rezervat e llogaritura. http://www.evropaelire.org/Content/News/1350058.html

4.12.2008, 15:24	#5
Anëtarësuar: 5.2008	Visokë: Gjermanët IEC nënshkruajnë shfrytëzimin e puseve të Albpetrolit Nafta e vendburimit të Visokës, rreth 13 kilometra larg Fierit do të shfrytëzohet nga kompania IEC Inc. Marrëveshja është nënshkruar dje në Ministrinë e Ekonomisë. Ajo është e ndarë në dy faza. Gjatë 18 muajve të parë do të vlerësohet vendburimi dhe investimi do të jetë minimal nga kompania e huaj, ndërsa faza e dytë është ajo e shfrytëzimit që do të zgjasë plot 25 vjet. Prodhimi mesatar ditor në këtë vendburim, sipas ekspertëve, arrin në rreth 40 tonë, teksa po sipas tyre, ky është një vendburim modest sa i përket rezervave të naftës dhe gazit në vendin tonë. http://www.gazetametropol.com/tekst.php?idt=55787

6.12.2008, 13:14	#6
Anëtarësuar: 5.2008	Ballsh: Naftëtarët protestojnë, po vidhet nafta e shtetit FIER - Mbi 500 punëtorë, të cilët punojnë aktualisht në Kombinatin e Përpunimit të Thellë të Naftës, Ballsh, protestuan dje paradite pranë hyrjes së këtij Kombinati. Nga ky tubim, protestuesit i dërguan një letër me tetë pika Kryeministrit shqiptar, e cila u lexua para tyre. Ata i bënin të ditur Kryeministrit se në Kombinat janë 60 milionë euro mall, e cila është një pasuri e popullit shqiptar dhe po vidhet nga kompania që ka privatizuar shoqërinë ARMO. Këtë fakt ata e ilustrojnë me bllokimin që i është bërë një treni me 6 cisterna nga policia e objekteve, duke tentuar të dalë nga uzina. Lidhur me këtë fakt, drejtuesit e kësaj policie, me kontratë të marrë nga Policia e Shtetit, konfirmojnë se, mesnatën e kaluar, nuk është lejuar të kalojë një tren me një sasi prej 360 tonë karburant naftë. Sipas tyre, shoqëruesit të këtij treni i është kërkuar nga policia e objekteve fatura ku janë xhiruar paratë në bankë për pagimin e kësaj sasie karburanti, siç është vepruar zakonisht në këto raste, sipas policisë, por nuk ka pasur asnjë dokument ose mandat arkëtimi, të lëshuar nga banka. Në këto kushte, policia nuk e ka lejuar të kalojë dhe për këtë ka vendosur edhe bllokimin e lëvizjes së trenit në destinacion, duke e ruajtur me policë deri në zgjidhjen e këtij problemi. Në letrën drejtuar Kryeministrit Sali Berisha, ata janë shprehur se ish-drejtori i këtij kombinati është larguar në mënyrë brutale nga përfaqësuesit e kësaj kompanie, i cili, sipas tyre, duhet të dorëzonte të gjithë mallin që ka kjo uzinë në depozitat e saj, e cila nuk është pjesë e kontratës që firma private ka lidhur me shtetin. “Gjithashtu, - shprehen ata në këtë letër, - pse, zoti Kryeministër, u bllokua shitja e karburantit në momentin, kur gazoili ishte me çmim 135 lekë dhe shitet sot, kur çmimi është 102 lekë, dhe humbja është rreth 7-8 milionë euro, para të cilat janë pasuri e shtetit”?. http://www.shekulli.com.al/news/47/A...008-12-06.html

18.1.2009, 11:21	#8
Anëtarësuar: 5.2008	DLMR mirëpret veprimet për ndalimin e naftës D2 Ndalimi i importit të naftës D2 është mirëpritur nga biznesi i makinave të reja që ushtrojnë aktivitet në Shqipëri. Shoqata e Distributorëve Ligjorë të Makinave të Reja ka vlerësuar ndalimin e importin e naftës D2, duke nisur nga data 1 janar 2009. Për ta, nafta më cilësore në treg do të thotë më shumë jetëgjatësi për makinat që ata tregojnë, duke iu garantuar në këtë mënyrë edhe konsumatorëve markat që tregojnë. Nafta e cilësisë së dobët bëhet shkak për të dëmtuar shëndetin e njerëzve, pasi dëmton ajrin, por nga ana tjetër, ajo dëmton edhe makinën duke ulur kështu vitet e jetëgjatësisë së një mjeti. http://www.gazeta-standard.com/tekst.php?idt=14664

Prodhimi i naftës

Prodhimi i naftës

Nafta në Shqipëri

Tiranë: Nafta dhe gazi shqiptar drejt shterimit

Konfirmohen rezervat e naftës në Shqipërinë Perëndimore

Visokë: Gjermanët IEC nënshkruajnë shfrytëzimin e puseve të Albpetrolit

Ballsh: Naftëtarët protestojnë, po vidhet nafta e shtetit

DLMR mirëpret veprimet për ndalimin e naftës D2

Durrës: Depozitat e naftës kalojnë në Porto-Romano

Durrës: Manas Petroleum nis kërkimin për naftë

20.3.2009, 19:03	#10
Anëtarësuar: 5.2008	Durrës: Depozitat e naftës kalojnë në Porto-Romano Brenda vitit 2009, do të largohen nga territori portual të gjitha depozitat e karburanteve të vendosura prej 15 vitesh atje. Drejtuesit e portit të Durrësit, bazuar në një vendim të KM-së shprehen se “brenda vitit 2009, depozitat gjigande do të transferohen drejt Porto Romanos, atje ku edhe do të ngrihet parku energjitik”. Depozitat, aty ku ndodhen, përveç rrezikut që paraqesin për jetën e banorëve po mbajnë peng dhe një investim prej 34 milionë eurosh, që do të përdoret për ndërtimin e terminalit të kontejnerëve. Në portin detar të thonë se brenda marsit do të nisë realisht zhvendosja e depozitave në drejtim të Porto Romanos. Atje ka kohë që po ndërtohet një port për përpunimin e anijeve të karburanteve si dhe parku për ndërtimin e depove të reja. Edhe nga ministria përkatëse ka sinjale për fillimin e zgjidhjes së këtij problemi. Në pjesën lindore të portit të Durrësit funksionojnë 14 depozita gjigande karburantesh. Pjesa më e madhe e tyre përdoret për depozitimin e naftës dhe të benzinës dhe njëra për karburant avionësh. Përveç tyre janë edhe dy depozita të cilat janë të mbushura me ujë me qëllim përdorimin e tij për shuarjen ndonjë zjarri të mundshëm. Kapaciteti total i depove të karburantit është 30 mijë tonë. http://www.gazeta-standard.com/tekst.php?idt=16711

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar