Pseudoshteti IRJM, pa emër, pa simbole, pa histori, pa identitet

Kandhaon · 17.12.2007, 01:05

Maqedoni quhej Shqipëria në kohën e Skënderbeut. A mendoni se shteti fqinj nuk ka të drejtë t'a përdorë këtë emër?

mesdimr · 17.12.2007, 09:00

Kaloi dhe kjo në lajme këto ditë:

Citim:

Maqedonia: Emri i ri
15/12/07

Maqedonia duhet të ndryshojë emrin nëse dëshiron të marrë ftesën për anëtarësim në NATO dhe nëse synon vazhdimin e bisedimeve me BE, bëjnë të ditur mediat në Shkup.Sipas gazetës “Dnevnik” në Shkup, kjo bëhet e ditur nga një diplomat i lartë evropian në Bruksel. Kjo kërkesë i është kumtuar edhe kryeministrit Nikolla Gruevski se emri më i pranueshëm për Shkupin do të ishte Maqedonia e Re. BE po shprehet se problemi i emrit duhet te zgjidhet sa me shpejt mes Shkupit dhe Athines zyrtare.Ashpërsimi i retorikës indirekte midis ketyre dy vendeve ka ndikuar që kryeministri Gruevski dhe ai grek Kostas Karamanlis të mos takohen në kuadër të samitit të Aleancës së Partive Popullore në Bruksel.

http://www.a1tv.al/index2.php?faqe=lajmi&lajmID=15494

Për mendimin tim pseudoshteti le të quhet çfarë të dojë. Në ndarjen kombëtare administrative ajo është pjesë e Arbërisë, krahina e Maqedonisë a Emathisë a Matit, pjesë e territorit shqiptar.

Nqs shqiptarët parashikojnë ta rrisin së shpejti numrin e popullsisë në kurriz të ardhacakëve sllavë, fv brenda 20 vjetësh, atëherë s'ka fare rëndësi se ç'ndodh me emrin, sepse nëse kthehemi në shumicë zyrtare mund të organizohet referendum për bashkim me ShP-në dhe mbyllet përfundimisht çështja. Le të vazhdojë të përmjerë nga goja BE-ja mandej.

Kandhaon · 18.12.2007, 01:02

Ndoshta ne duhet të refuzojmë emrat që i ka propozuar Greqia. Ia bëjmë "hip se të vrava zbrit se të vrava".

mesdimr · 18.12.2007, 09:03

Citim:

Maqedoni, Levizja Shqiptare: Emri i ardhshem te jete Maqedoni-Iliride
18/12/2007 - 08:27

Levizja Kombetare shqiptare per Iliriden ka dal dje me propozimin qe emri i ardhshem Maqedonise te jete “Maqedoni-Iliride”. Sipas kryetarit te kesaj Levizje, Nevzat Halili, me nje emertim te ketille, shteti do te identifikohej si nje union i barabarte i maqedonasve dhe shqiptareve. Nje propozim i tille vjen pas sugjerimit te disa zyrtareve te larte evropian qe Maqedonia te ndryshoj emrin e shtetit, me qellim te zgjidhjes se kontestit disavjeçar me Greqine.

Sic bejne te ditur agjencite e huaja te lajmeve, Kryetari i LKSHI-se, Nevzat Halili ka thene se ky emer do te kenaqte aspiratat e dy popujve me te medhenj ne Maqedoni, maqedonasve dhe shqiptareve per te qene te barabarte. Sipas Halilit, ky emertim i ri i shtetit do te ishte i pranueshem edhe per Greqine. Paraprakisht, zyrtare te larte evropian i kane propozuar kater emra te rinje per shtetin, kryeministrit maqedonas, Nikolla Gruevski.

“Maqedonia e Re”, ”Maqedonia e Eperme”, “Maqedonia Veriore” apo “Republika e Maqedonise-Shkupi”, jane kater propozimet qe i jane dhene Shkupit zyrtar, per zgjidhjen e kontestit te emrit me Athinen.

“Me keto sugjerime, Maqedonia eshte vene para dilemes, te ndryshoje emrin apo te heq dore nga integrimi ne NATO”, ka thene kryeministri maqedonas , Nikolla Gruevski, duke perjashtuar tani per tani mundesine e ndryshimit te emrit te shtetit. Kjo deklarate e Gruevskit eshte vleresuar si provokative, nga ana e zevendes-sekretarit amerikan te shtetit Nikolas Burns. Sipas mediave greke, Burns ka kritikuar pozicionin e Shkupit per mosndryshimin e emrit te shtetit.

Nderkohe partite shqiptare ne pushtet, PDSH dhe PPD mbeshtesin qendrimin e Qeverise se Maqedonise per mosndryshimin e emrit kushtetues. Nderkaq, Bashkimi Demokratik per Integrim ka kerkuar edhe perfshirjen e shqiptareve ne bisedimet per zgjidhjen e çeshtjes se emrit te shtetit.“Mendojme se ne duhet te jemi pjese e zgjidhjes se problemit sepse edhe ne jemi qytetare te ketij vendi, jemi bartes te sovranitetit dhe integritetit te vendit. Per definimin e emrit te vendit duhet te arrihet koncenzus etnik dhe politik, prandaj pjesemarrja e shqiptareve ne zgjidhjen e kontestit te emrit te shtetit eshte e rendesishme”, ka thene kryetari i BDI-se, Ali Ahmeti. Problemi mes Shkupit dhe Athines eshte shfaqur ne vitin 1991 ,pas shkeputjes se Maqedonise nga ish- federata Jugosllave. Greqia kundershton emrin Maqedoni, pasi po keshtu quhet nje krahine e saj, e cila ndodhet ne perendim te ketij vendi.

http://balkanweb.com/sitev4/index.php?id=13265

Termi Iliridë është një trajtë e bastarduar greke. Më shqip mund thjesht ta quajnë "Maqedoni ilire", ose t'i kërkojnë Greqisë ta quajë pjesën e vet Maqedoni e Jugut. Përderisa kanë ndërmend të luajnë për kohë të gjatë me këtë, le ta hedhin topin si të duan.

Kandhaon · 18.12.2007, 14:00

Po më duket se ne nuk duhet ta kundërshtojmë aq emrin e shtetit sa duhet ta kundërshtojmë emrin etnik "maqedon". Ne nuk duhet asesi t'i pranojmë fqinjët tanë si maqedonë sepse ata janë thjesht bullgarë.

allianz · 17.6.2008, 10:36

Ata s'e dinë as vetë ça janë.

6.9.2008, 10:59

Citim:

Nacionalizmi cinik
Arbën Xhaferi

Cinizmi është vetëdije e rrejshme e arsimuar, thotë filozofi gjerman me prejardhje holandeze, Peter Sloterdijk, Përkufizimi i tij, aq i thjeshtë dhe aq i thellë i cinizmit m’u kujtua tani kur konfrontimet greko-maqedonase rreth emrit të shtetit, më saktë të identitetit etnik të maqedonasve të sotëm, kanë arritur në pikën e vlimit dhe të absurdit “të arsimuar”.

Sa më banale bëhen përpjekjet për imponim të një pretendimi, nga të dyja anët, aq më cinike bëhen motivet dhe arsyetimet e një pretendimi të tillë.

Fillet e këtij cinizmi te pala maqedonase, duhet kërkuar në sferën e politikës dhe të psikologjisë, dikur dhe veçmas sot kur ky kontest ka marrë trajta paroksiste.

Të gjithë e dinë se ky problem u nxit në Kongresin e Berlinit (13 Qershor 1878) kur u abrogua Traktati i Shën Stefanit (3 Mars 1878). Shpesh herë zgjidhjet e padrejta të kontesteve të ndryshme hapin shtegun për konflikte të reja. Sipas këtij traktati Maqedonia dhe pjesët e Turqisë evropiane iu ndanë Bullgarisë, aleatit kryesor të ekspansionizmit carist rus.

Shtetet evropiane të brengosura nga shtrirja ruse në zona strategjike të Ballkanit, e organizuan Kongresin e Berlinit dhe këto toka të pushtuara nga armata ruso-bullgare iu kthyen Turqisë, ndërkaq Bosnja dhe Hercegovina u bë protektorat i Austro-Hungarisë.

Në Maqedoninë e asaj kohe zhvillohej antagonizmi serbo-bullgar dhe grek lidhur me përkatësinë e këtyre territoreve, përkatësisht të popullatës sllavisht-folëse. Bullgarët i trajtonin ata si bullgarë ndërkaq serbët si serbë. Ndërkaq grekët aty-këtu bënin përpjekje t’i asimilonin dhe arrinin sukses kryesisht te popullata vllahe.

Me mohimin e drejtës së bullgarëve që të shtrihen në pjesët më strategjike të Ballkanit nuk u ndalën pretendimet e tyre për përvetësim të këtyre territoreve, por ndikuan që ajo ta ndryshojë strategjinë. Këto përplasje do të nxisin luftërat Ballkanike ku kundër Bullgarisë do të bashkohen serbët, grekët, rumunët madje edhe turqit.

Strategjia bullgare pas Kongresit të Berlinit për përvetësim të territoreve të Maqedonisë zhvillohej mbi idenë e formimit të një Maqedonie në trajtën e Zvicrës ku në barazi të plotë do të bashkëjetonin bullgarët, shqiptarët, vllehët, turqit dhe të tjerët. Mekanizmi që do ta realizonte këtë ide u bë VMRO-ja (Organizata e Brendshme Revolucionare Maqedonase).

Ideja parësore apo doktrina nacionale e kësaj organizate ishte me origjinë bullgare. Ajo kishte dy lloj strukturash: degët e brendshme dhe degët e jashtme.

-Degët e brendshme vepronin në tokat e sunduara nga Turqia, ndërkaq ato të jashtmet vepronin kryesisht në Bullgari.

-Degët e jashtme që gëzonin siguri dhe liri veprimi ishin më revolucionare se ato të brendshmet që shpesh herë ishin objekt i represionit osman.

Kryengritja e Ilindenit (2 Gusht 1903) u nxit nga degët e jashtme, ndërkohë që degët e brendshme hezitonin. Kjo kryengritje arriti që të formojë Republikën e Krushevës që u shua pas 15 ditësh me ndërhyrjen energjike të ushtrisë osmane. Çuditërisht ushtria osmane i sulmoi kryesisht lagjet vllahe dhe ato sllave thuajse nuk i preku fare.

Disa analistë thonë se ideja e krijimit të Maqedonisë ka qenë vllahe, ngaqë vetëm kjo popullatë proto-ballkanike nuk arriti ta krijojë shtetin e vet. Në Maqedoninë e Pirinit që sot gjendet në Bullgari sipas burimeve bullgare me nocionin “gjuhë maqedonase” është nënkuptuar gjuha vllahe.

Sipas këtyre interpretimeve befasuese, në Maqedoninë e sotme mbiemrat me prapashtesën “ski” u takuakan elementit vllah. Ky pohim ndërlidhet me trajtat e mbiemrave rumune, bie fjala Petresku, Iliesku, Çaushevsku, Ionesku etj.

Përplasjet ndërmjet degëve të jashtme me ato të brendshme të VMRO-së kishin vetëm një dallim: degët e jashtme kërkonin bashkimin e Maqedonisë me Bullgarinë, ndërkaq degët e brendshme pas tragjedisë, përvojës së hidhur nga Republika e Krushevës u përcaktuan për pavarësinë e Maqedonisë. Në esencë në mes tyre nuk kishte dallim për përkatësinë etnike të banorëve të territorit që e mbante emrin Maqedoni. Sipas tyre ata ishin bullgarë.

Situata u komplikua kur pas luftërave ballkanike dhe Luftës së parë Botërore, Maqedonia e sotme u pushtua nga Serbia të cilët filluan t’i trajtojnë banorët sllavisht-folës të këtij territori si serbë.

Rivaliteti serbo-bullgar për përvetësim të këtij elementi, ishte i ashpër në të gjitha periudhat e formimit të këtyre shteteve.

Grekët u implikuan në këtë kontest për shkak të ambicieve ruso-bullgare të fundshekullit XIX dhe në fillim të shekullit XX që të kenë dalje në Detin Egje (që ata e quanin Bello More - Deti i Bardhë, si antipod i Detit të Zi), në zonën e Kavallës që i takon territorit të Maqedonisë antike.

Nga këto përvoja të hidhura, ambicieve sllave që të kenë dalje në Selanik apo Kavallë, grekët filluan ta perceptojnë me dyshim formimin e Maqedonisë së sotme si pretendim për zgjerim në tërë territorin e Maqedonisë antike, prandaj ata sot kërkojnë të bëhet një dallim i qartë në mes të Maqedonisë antike dhe asaj të sotme.

Komunistët jugosllavë menduan se arritën të gjejnë zgjidhje përfundimtare për këtë çështje duke krijuar një komb të ri me emrin maqedonas dhe duke krijuar një Republikë të veçantë me emrin e Maqedonisë që pas shpërbërjes së ish-Jugosllavisë, sipas vendimit të Komisionit të Badinterit u bë shtet i pavarur.

Në vijë të këtij projekti, të krijimit të një populli dhe të një shteti të veçantë me emrin maqedonas dhe Maqedoni u kodifikua gjuha e veçantë maqedonase nga një dialekt i sllavishtes dhe u zgjodh alfabeti i veçantë cirilik që do të krijonte një distancë të padiskutueshme nga bullgarishtja.

Por, disa zgjidhje, si pasojë e ndërhyrjes së politikës, janë të çuditshme. Bie fjala, alfabeti maqedonas e ka shkronjën “nj“, ndërkaq në fjalor nuk figuron kjo shkronjë, ngaqë asnjë fjalë nuk fillon me këtë shkronjë.

Shpjegimi duhet kërkuar prapë në sferën e politikës: prapashtesat e fjalëve të gjuhës maqedonase duhet t’u gjasojnë atyre të serbishtes që përfundojnë me “nj” dhe të dallojnë nga ato të bullgarishtes që përfundojnë me “ie”. Ndërkaq, edhe pse kanë fjalë që fillojnë me shkronjën “ë” (‘rci), ajo nuk figuron në alfabet, ashtu si në atë të bullgarishtes. Autori i këtij projekti ishte shkrimtari i njohur maqedonas, Bllazhe Konevski.

Nga aspekti politik ky projekt nuk do të ishte kontestues sikur të mos ndërthurej me pretendime psikologjike të grandomanisë. Si çdo njeri që synon të ketë një të kaluar të fisme, ashtu edhe çdo popull kërkon të ketë një të kaluar të lavdishme.

Pas krijimit të Maqedonisë, përkatësisht të kombit maqedonas u hap shtegu për rikrijim të historisë, kështu që ideologët e kësaj zgjidhjeje filluan të përvetësojnë çdo personalitet dhe çdo ngjarje që u zhvillua në të kaluarën në këtë territor ku është krijuar shteti i sotëm maqedonas të trajtojnë si histori maqedonase.

Sipas këtij botëkuptimi, tashmë të ideologjizuar, bie fjala Aleksandri i Madh, Konstantini i Madh, Cirili dhe Metodi, Samoili, Nëna Terezë janë maqedonas.

Ky dimension psikologjik, uria për një prejardhje të famshme, fisnike, për një rol të jashtëzakonshëm historik dhe kulturor përhapet me një vetëdije cinike, duke kërkuar argumente të çfarëdo lloji që të trashëgohet çdo gjë. Këtë vetëdije, në mënyrë më cinike e përkufizoi ish-ministri, profesori i Fakultetit Juridik, L.Fërçkovski duke thënë se maqedonizmi është një licencë e fuqishme historike.

Në kuadër të këtij rrëfimi, në variantin më serioz, maqedonasit e sotëm janë pasardhës gjenetik të maqedonasve antik dhe njëkohësisht djepi i krishterimit dhe gjuhës sllave, ndërkaq sipas varianteve jo serioze, befasisht naive, maqedonasit dhe gjuha maqedonase paskan një vazhdimësi prej kohërave para historike e deri në ditët e sotme.

Ideologjizimi i një pretendimi gjithmonë e dhunon realitetin, ngaqë e ndjek logjikën e brendshme dhe jo të vërtetën. Prandaj, nëse Aleksandri i Madh paska qenka maqedonas (në kuptimin e sotëm të fjalës), Ptollomeu, gjenerali i tij që mori trashëgiminë mbi Egjiptin po ashtu, atëherë, sipas kësaj metode të interpretimit të historisë nxirret përfundimi se edhe mbesa e tij, Kleopatra, qenka maqedonase.

Këto shembuj nuk janë ironizime dashakeqe, por pohime të botuara, të shkruara në tekstet e autorëve të ndryshëm. Në kuadër të kësaj manie për famë, sivjet në nivelin më të lartë shtetëror u pranua një delegacion i një fisi nga Himallajet, Hundësve që pretendohet se janë pasardhës të ushtarëve të Aleksandrit të Madh. Princin dhe princeshën, “dëshmitë e gjalla” për këto pretendime jo serioze i pranoi vetë kryeministri Gruevski, arki-episkopi i Ohrit, Stefani, kryetari i Shkupit, Kostovski, akademikët, gjuhëtarët etj.

Në këtë proces të përvetësimit sistematik të së kaluarës së popujve të tjerë bëhen qëllimisht apo nga mosnjohja disa gabime elementare metodologjike:

- projektimi i koncepteve të sotme në të kaluarën;
- mos dallimi në mes të historisë së një territori dhe një populli;
- trajtimi i shtetit dhe kombit si kategori jashtë kohore, metafizike, që gjithmonë kanë ekzistuar si në formë ashtu edhe përmbajtje;
- reinterpretimi i fakteve historike etj.

Nëse një veprimtar i periudhës kur filloi të brumoset çështja maqedonase, ka deklaruar se është bullgar, sot thuhet se ai s’ ka qenë i vetëdijshëm se ka qenë maqedonas, ose kur dikush tjetër që herë thotë se është bullgar, herë se është maqedonas thuhet se ka qenë në buzë të asimilimit.

Për ta qartësuar këtë dilemë duhet të marrim një shembull nga realiteti shqiptar ku këto punë janë të qarta.

Me siguri shumë veprimtarë politikë kosovarë, duke filluar prej Isë Boletinit e deri te Adem Jashari, me mija herë kanë pohuar se janë kosovarë, duke mos vënë asnjëherë në dyshim përkatësinë e tyre shqiptare.

Kontesti aktual greko-maqedonas lidhur me emrin ka marrë një kahe të gabuar. Shtrohet si dilemë e të drejtës së individit apo të popullit për vetë përcaktim, për vetë identifikim. Qasja e vërtetë, ku edhe mund të gjendet zgjidhja është analiza shkencore e etnogjenezës së popullit maqedonas. Kjo qasje në asnjë mënyrë nuk nënkupton se duhet të mohohet drejta e një populli, rrjedhimisht edhe i popullit maqedonas për vetë përcaktim, por të kundërtën, vënien e këtij pretendimi mbi baza të shëndosha.

Siç dihet popujt formohen dhe zhduken gjatë historisë dhe fare nuk është me rëndësi kur është formuar vetëdija e veçantë e një populli, por çfarë vlerash do të prodhojë ai në të ardhmen.

Helenët e vjetër kishin një fjalë të urtë: Të kaluarën mund ta ndryshojnë vetëm hyjnitë, ndërkaq njeriu mund ta ndryshojë të ardhmen. Siç shihet nga intensifikimi i kontestit greko- maqedonas lidhur me emrin, në Maqedoni s’ ka njeri që e kupton urtësinë e këtij mesazhi.

Problemi nuk ka të bëjë me polemikat akademike, por me interesat vitale të qytetarëve të Maqedonisë, veçmas të shqiptarëve që nuk dëshirojnë më të jenë peng e pretendimeve jo reale, të një grandomanie që me vetëdije cinike projektohet.

Këto probleme kohët e fundit janë bërë më të mprehta dhe njëherësh më të rrezikshme, për shkak të botëkuptimeve dhe ambicieve të kryeministrit riosh, Gruevski. Ai pandeh se me qëndrime sa më rigide do të arrijë ta lodhë dhe gjunjëzojë Greqinë, ta ndryshojë të kaluarën sikur të ishte zot, ta anulojë Marrëveshjen e Ohrit, t’i restaurojë marrëdhëniet ndëretnike para kësaj marrëveshjeje, të sigurojë një zhvillim ekonomik, të krijojë një opozitë luajale, ngjashëm si përpjekjet e idhullit të tij, Putinit.

Në Bukuresht, kur vendosej anëtarësimi i Maqedonisë në NATO, ai udhëtoi për të refuzuar këtë ofertë, ngaqë nuk dëshiron të hyjë në histori si vrasës i iluzioneve aq të këndshme që gudulisin krenarinë, sedrën kombëtare.

Ministri i tij për punë të jashtme, Milloshovski këto ditë deklaroi se nuk beson se ky kontest mund të zgjidhet në këtë mandat. Pra, ata refuzojnë me arrogancë anëtarësimin në NATO dhe përshpejtimin e procesit për të hyrë në BE, vetëm e vetëm për ta imponuar interpretimin e tyre për të kaluarën.

Është e qartë se në Maqedoni aq shumë është zhvilluar dhe thelluar ky koncept i identitetit simbiotik maqedonas, si trashëgues të Maqedonisë antike dhe të qenit djep i krishterimit dhe arsimit sllav, saqë ai nuk mund t’ i lejojë vetes që të bëhet shkaktar që mija libra, analiza, hulumtime, manifestime, krijime artistike të hidhen si mbeturina të pa vlera.

Ai do të shkojë deri në fund me këto qëndrime, madje do ta radikalizojë situatën. Filloi me pagëzimin e aeroportit me emrin “Aleksandar Veliki” (kurrë nuk kuptova pse përdoret mbiemri në trajtën serbe, “veliki” dhe jo në atë maqedonase “golemi”), vazhdoi me vendosjen e skulpturave antike para ndërtesës së qeverisë, sipas sugjerimeve të arkeologut të tij personal që s’ pushon së gërryeri tokën për ta gjetur dëshminë për pretendimet maqedonase dhe pale ku do të përfundojë.

Por, diçka është e sigurt: ai tashmë perceptohet si hero, si sfidues, si theomah dhe jo si një riosh i frikësuar që s’ mund të mbajë barrën e përgjegjësisë politike

Në raport me shqiptarët kjo mendësi maqedonase, ky nacionalizëm cinik, peng i të cilit është bërë edhe kryeministri Gruevski, inicion një varg problemesh:

- nxit angazhimet për përvetësim të trashëgimisë kulturore shqiptare, Skënderbeut, Nënës Tereze e cila trajtohet si bijë e Maqedonisë, apo si shkupjane (këto ditë u realizua ideja që paraprakisht u pat penguar e dorëzimit të skulpturës 3 m të Nënës Tereze, Papës Benediktit të XVI që pritet të ekspozohet në Vatikan);
- modifikon marrëveshjen e Ohrit;
- paralajmëron se nuk do ta respektojë ligjin për amnisti;
- krijon probleme me Shqipërinë dhe Kosovën me vendosjen e vizave, apo taksave për sigurim social;
- pengon procesin e integrimeve në strukturat e NATO-S dhe UE-së;
- ndërhyn në organizimin politik të shqiptarëve, duke shkaktuar përçarje...

Ndërhyrja e fundit në PDSH paralajmëron se ngjashëm do të veprojë edhe me BDI-në, duke i shndërruar deputetët në material shpenzues.

Ai do të vazhdojë me përpjekjet që përmes shantazheve të krijojë një opozitë luajale, por diçka thelbësore nuk kupton: ai mund t’i detyrojë disa deputetë shqiptarë t’ia mbajnë anën, por kurrsesi nuk mund ta blejë luajalitetin e popullit shqiptar për projektin e tij. Humbje kohe!

http://www.shekulli.com.al/news/44/A...008-09-06.html

14.12.2008, 14:34

Bashkimi Demokratik Kombëtar është shprehur për organizimin e një tryeze për njësimin e qëndrimeve të të gjitha subjekteve shqiptare në IRJM, rreth çështjes së emrit.

“Apeli i BDSH-së, për organizimin e një tryeze për harmonizimin e qëndrimeve të të gjitha subjekteve politike shqiptare në Maqedoni, rreth emrit të shtetit, jo vetëm që është i pranueshëm, por paraqet edhe një nevojë të domosdoshme, kur kemi parasysh pozitën diskriminuese të shqiptarëve në Maqedoni, jo vetëm kur është në pyetje emri i shtetit, por edhe statusi juridiko-kushtetues, i shqiptarëve në këtë shtet”, theksoi lideri i BDSH Hysni Shaqiri.

http://www.gazetastart.com/?faqe=shf...1283&isflash=1

mesdimr · 23.4.2009, 21:14

Ylberizëm i paketuar në shqip:

Citim:

Kaosi rreth identitetit maqedonas

Maqedonas antik, maqedonas sllavë, patriot, fetar ose njërëz pa indetitet, njërëz të orientuar drejt NATO-s dhe BE-së. Ekspertët vlerësojnë se ndarja e vazhdueshme e popullit dhe zhvillimin i nacionalizimit negativë, nuk i sjellin të mira Maqedonisë.

Kriza në shoqëri dhe kriza e indetitetit e rrisin nevojën e njerëzve ti takojnë njërit apo tjetrit grup, deklaron sociologu Hasan Jashari.

“Elitat politike gjenden të tronditura dhe në një mënyrë nuk ofrojnë aleternativa për qytetarët, por i vendosin ata në grackë. Mendoj se krejt kjo rezulton nga një anemi dhe dezorganizim të shoqërisë sonë”, deklaroi Jashari.

Ndërkaq, profesori, Mersel Bilalli thekson se ndarja e shoqërisë në nacionale, religjoze, historike ose në cfarëdo qoftë baze tjetër është vendim i regjimeve totalitare. Ai thekson se kohëve të fundit jemi dëshmitarë të ndarjes gjithnjë më të shpeshtë të popullit, për qëllime personale të politikanëve.

“Kjo situatë jo vetëm që nga largon nga Bashkimi Evropian, por e dëmton me të madhe edhe zhvillimin e përgjithshëm në Maqedoni”, theksoi Bilalli.

Ekspertët theksojnë se Maqedonia duhet ta gjejë një model që do ta ndërpret ndarjen e popullsisë në cfarëdo qoftë baze.( INA/REL)

http://www.ina-online.net/Default.as...8dbb34e18&ln=3

mesdimr · 23.4.2009, 21:16

Citim:

Ekspertët theksojnë se Maqedonia duhet ta gjejë një model që do ta ndërpret ndarjen e popullsisë në cfarëdo qoftë baze.

Modeli më i mirë është që pjesa sllave të bashkohet me Bullgarinë dhe pjesa shqiptare me Shqipërinë Perëndimore ose të Veriut. Pse i torturojnë njerëzit me eksperimente dhe pseudoshtete?!

16.6.2009, 00:19

Citim:

BDSH propozon emrin "Maqedonia Veriore dhe Shqipëria Lindore"

Kryetari i Bashkimit Demokratik Shqiptar, Bardhyl Mahmuti propozoi që Maqedonia të emërtohet me emrin: “Maqedonia Veriore dhe Shqipëria Lindore”.Sipas tij ky emërtim do të integronte komponentë të dy etnive që përbëjnë shumicën e popullsisë se këtij shtetit.

“ Emërtimi “Maqedonia Veriore dhe Shqipëria Lindore”, si emërtim që mbulon disa hapësira territoriale, nuk do të paraqiste asnjë precedencë në marrëdhëniet ndërkombëtare nga fakti se një numër i madh i shteteve anëtare të OKB-së kanë emra të kësaj natyre (shembuj: Bosnja dhe Hercegovina, Vincent dhe Grenadine, Sao Tome dhe Principe, Antigua dhe Barbuda, Papuazia dhe Guineja e Re, e shumë shtete tjera që janë anëtarësuar në OKB shumë kohë para Maqedonisë”, theksoi Mahmuti.

Ai thotë se figurimi i toponimit “Shqipëri” në emërtimin “Maqedonia Veriore dhe Shqipëria Lindore” nuk do të paraqiste asnjë precedencë në marrëdhëniet ndërkombëtare nga fakti se kemi numër shtetesh, anëtare të OKB-së, që kanë në emrin e tyre toponimin e njëjtë (Guineja, Guineja Bisau, Guineja Ekuatoriale, Guineja e Re.Bashkimi Demokratik Shqiptar u bën apel të gjitha forcave politike shqiptare që të harmonizojnë pikëpamjet dhe që të dalim me një qëndrim që emri i ri i shtetit të marrë parasysh komponentë edhe të identitetit të shqiptarëve të Shqipërisë Lindore.

http://www.botasot.info/?gjuha=0&category=12&id=19979

allianz · 16.6.2009, 00:20

Citim:

"Maqedonia Veriore dhe Shqipëria Lindore"

Më mirë akoma "Shqipëria Lindore dhe Bullgaria Perëndimore".

5.7.2009, 06:47

Citim:

500 milionë euro si kompensim për emrin

Greqia planifikon që të ofrojë një pako ekonomike me një vlerë prej gjysëm miliardë euro për Shkupin, si kompensim për ndryshimin e emrit

Greqia me këtë plan do të tentojë të forcojë pozicionet e saj në negociatat për çështjen e emrit dhe të zvogëlojë presionet që i bëhen asaj nga ana e palës amerikane. Kjo bëhet e ditur nga analisti ndërkombëtar për çështje ekonomike, Sem Vaknin, i cili thirret në burime të sigurta të Departamentit Amerikan të Shtetit.

“Bëhet fjalë për një pako ekonomike në disa sfera: infrastrukturë, liberalizim të vizave dhe energjetikë. Me këtë do të financohet korridori transportues 10 dhe 8 në Maqedoni dhe projekte të tjera energjetike, me ç`rast Greqia do të jetë bartëse për fondet për Maqedoninë”, ka theksuar Vaknin.

Gjitha këto do të bëhen për të arritur për të bindur Shkupin zyrtar, që të pranojë ndryshimin e emrit dhe të dakordohet me propozimin Republika Veriore e Maqedonisë.

Në kuadër të këtij projekti janë të kyçur edhe ekspertë amerikanë, por edhe senatorë progrekë amerikanë. /INA/

http://www.telegrafi.com/?id=3&a=3257

Kandhaon · 9.8.2009, 12:45

Dialektet 1, 2 dhe 6 që të tria fliten edhe në Bullgari.

Dialekti 3 është serbisht.

Harta nuk përfshin ndarjen etnike, paraqet vetëm shtrirjen e dialekteve pavarësisht nga përqindja e popullsisë.

Emri: maqedonia.png
Shikimet: 24
Madhësia: 26,5 KB

Emri: maqedonia.png
Shikimet: 24
Madhësia: 26,5 KB

Kandhaon · 22.8.2009, 16:32

Citim:

Shqiptarët në Maqedoni të ngrihen në këmbë
Lëvizja VETËVENDOSJE!

Të dielën, grupe tifozësh të vetëquajtur “Komitët”, përkrahës të klubit futbollistik Vardari nga Shkupi, sulmuan lagjen shqiptare të “Nerezit”. Ata lënduan 20 shqiptarë, duke mos kursyer këtu as gratë dhe fëmijët. Policia maqedonase po rrinte duarkryq përderisa komitët vazhdonin t’i mësynin shqiptarët e kësaj lagjeje.

Nëpërmjet këtyre veprimeve antishqiptare, të cilat tashmë e kanë kapërcyer fushën institucionale dhe kanë vërshuar edhe nëpër aktivitete sportive, Maqedonia po tregon qartë se ka zgjedhur rrugën nëpër të cilën ka kaluar Serbia e Milosheviqit.

Të gjithë e mbajmë mend kur tifozët “Delije” të Crvena Zvezdës ishin ata që duke ushtruar urrejtjen e tyre ndaj kroatëve, boshnjakëve e shqiptarëve, më vonë erdhën e u bënë njësi paramilitare të Arkanit, të cilat bënin kërdinë mbi popujt joserbë gjatë luftërave të shpërbërjes së ish Jugosllavisë.

Ajo që shprehej në sport atëherë ishte pasqyrim i përmbajtjes së regjimit politik hegjemonist: pas Memorandumit të Akademisë së Shkencave dhe Arteve të Serbisë (1986), ardhjes së Milosheviqit në pushtet (1987) dhe suprimimit të autonomisë së Kosovës (1989), krejt ajo që erdhi më pas, e që shprehej edhe nga turma komitësh e çetnikësh, nuk ishte tjetër veçse shtjella e një procesi të parashikueshëm.

Sot qeveria fashiste e Gruevskit po ushtron shtypje të pashembullt ndaj popullatës shqiptare në Maqedoni nëpërmjet diskriminimit institucional dhe kulturocidit që po e kryen.

Ajo po synon zhbërjen kombëtare dhe kulturore të pranisë shqiptare në Maqedoni, përmes mohimit të të drejtave mbi gjuhën, simbolet nacionale, pjesëmarrjen institucionale shqiptare, shkollimin dhe punësimin. Pra, është po ajo Maqedoni e vitit 1997 e cila vrau shqiptarët e Gostivarit për shkak të flamurit kuqezi.

Dhe sikur të mos i mjaftonte e gjithë kjo padrejtësi, Gruevski ka zgjedhur që tash t’i përdor edhe tifozerinë e vet, për ta rritur peshën e krimit ndaj shqiptarëve.

Pasi ua mohuan shqiptarëve të drejtat institucionalisht, pasi e përmbyllën fushatën e dëbimit të gjuhës shqipe nga sistemi politik, pasi e hoqën flamurin kuqezi, pasi po përpiqen të na e uzurpojnë kulturën tonë dhe Nënën Tereze, tash Gruevski ka lëshuar komitët e vet që të kalojnë në një fazë tjetër – atë të sulmimit të shqiptarëve, kundër ekzistencës së tyre fizike.

Aktet e tilla të represionit, kur i shtohen diskriminimit dhe trysnisë sistematike nën të cilat vazhdojnë të jetojnë shqiptarët në Maqedoni, doemos shpijnë drejt problematizimit të vetë ekzistencës së shtetit të Maqedonisë.

Për shkak se askush nuk mund të kërkojë nga shqiptarët ta vazhdojnë jetën nën këtë dhunë. Ndarja e shqiptarëve nga Maqedonia dhe bashkimi me Shqipërinë është zgjidhje e drejtë.

Thellimi i shtypjes, robërisë dhe persekutimit sistematik të shqiptarëve nga ky shtet e ngrisin lart domosdoshmërinë e kësaj zgjidhjeje të drejtë.

Lëvizja Vetëvendosje! e dënon ashpër këtë veprim të komitëve të Gruevskit dhe mosveprimin e institucioneve të sigurisë. Nëse këtë akt nuk e dënon drejtësia, atëherë shqiptarët në Maqedoni duhet ta dënojnë atë me protesta e demonstrata masive në mbrojtje të të drejtave të tyre legjitime.

Tirana dhe Prishtina duhet të jenë shumë më aktive në mbrojtjen e shqiptarëve edhe në Maqedoni në mënyrë që sulmet e tilla të mos përsëriten.

http://www.botasot.info/?gjuha=0&category=20&id=28185

26.8.2009, 21:47

Citim:

Udhëkryqi i Maqedonisë:Skenarët e një rebelimi të shqiptarëve
Enver Bytyçi

Maqedonia ka një pozicion gjeografik, i cili e shndërron atë në një udhëkryq të Europës Juglindore. Por ky udhëkryq është larg së shfrytëzuari në të mirë të vendit dhe të popujve që e banojnë atë. Ndaj Maqedonia ndodhet në një udhëkryq gjeopolitik e strategjik.

Lajmet që vijnë nga ai vend i brishtë janë vërtet rrëqethëse. Kryeministri i Maqedonisë, Gruevski, i është rikthyer periudhës së vasalitetit të Lazaroviqit ndaj Beogradit, ndërkohë që të gjithë paraardhësit e tij kishin tentuar së paku, të shkëputeshin disi nga ndikimi serb.

Këto lajme shkruajnë se në administratën e Gruevskit bëjnë pjesë shumë nacionalistë serbo-maqedonas dhe se politika që tani zhvillohet në Shkup është me tipare karakteristike të qarta raciste përkundër shqiptarëve. Njoftohet se kriminelë, të lidhur me sigurimin e Serbisë së Milosheviçit, e përfaqësojnë Beogradin në trupin diplomatik të Shkupit.

Lidhjet dhe aleanca e hapur e Gruevskit me Serbinë po i shërben destabilizimit të Maqedonisë dhe të të gjithë rajonit. Qëndrimi ndaj Kosovës dhe ngurrimi për të krijuar marrëdhënie diplomatike me të është treguesi sinjifikativ i asaj se çfarë ndikimi ka Serbia në qeverinë e Maqedonisë. Por edhe injorimi i Presidentit të Kosovës nga ana e Presidentit të Maqedonisë e kishte dëshmuar bashkëpunimin e fshehtë e të hapur midis Shkupit dhe Beogradit.

Praktikisht situata e marrëdhënieve të maqedonasve dhe të shqiptarëve është në pikën më të nxehtë. Tashmë Gruevski nuk bën "kinse... kinse...", nëse përsëris refrenin e një shkrimi të para në muaji.

Gruevski po tregon qartë se forcat nacionaliste antishqiptare i ka grumbulluar rreth vetes për ta injoruar faktorin shqiptar, për ta diskriminuar atë dhe për të sjellë në vendin e tij e në rajon stuhi të reja. Se mbërritjen në një cak të tillë Gruevski e dëshiron, kjo duket nga fakti që ai është ngulfatur në një krizë marrëdhëniesh tendosëse edhe me Greqinë, edhe me Bullgarinë, nën plaf edhe me Kosovën. Sido që Shqipëria nuk ka shfaqur ndonjë shenjë zemërimi për ngjarjet që aty zhvillohen, besimi i Gruevskit te Tirana zyrtare është null.

Duket si paradoks afrimi me Beogradin e në të njëjtën kohë thellimi i krizës më Athinën. Por mesa duket Gruevski ka llogaritur që ta zgjidhë konfliktin me Greqinë dhe ta bëjë vendin e tij, si dikur, urë lidhëse midis veriut e jugut. Kjo e ka çuar atë në krijimin artificial të konflikteve me Bullgarinë dhe me shqiptarët. Fillimisht vetëm me shqiptarët që jetojnë në Maqedoni e më pas edhe me shqiptarët në të gjithë rajonin.

Kjo mënyrë e menaxhimit të konfliktit e bën Shkupin zyrtar të shndërrohet në vasal të Beogradit e të Athinës, ndërkohë që e shndërron atë në një kryeqytet armiqësor me fqinjët në lindje e perëndim. Po si mund të shndërrohet kryeqyteti i Maqedonisë në armik i shqiptarëve, kur atë e banojnë shqiptarët?!

Në këtë rast Gruevski ka llogaritur pikërisht që të mbështetet në planin serb të destabilizimit të vendit, duke i provokuar shqiptarët e më pas duke i akuzuar ata për "terrorizëm".

Ky skenar serbo-maqedonas duket se është në rend dite, sepse Serbisë më shumë se kurdo i përshtatet tani një zhvillim i tillë dramatik. Ajo synon që këtë skenar ta realizojë deri në pranverën e ardhshme, me qëllim që ta ndikojë GJND-në në Hagë për një vendim proserb, me të cilin Beogradi llogarit rihapjen e bisedimeve për një zgjidhje tjetër të çështjes së Kosovës.

Gruevski dëshiron që ta ndihmojë Serbinë, sigurisht në këmbim të ndonjë premtimi tjetër madhor. Nuk është çudi që kryeministri maqedonas ta ketë nxitur artificialisht krizën me Athinën, me qëllim që t'i ikë integrimit në NATO, duke ndjekur heshturazi "politikën e neutralitetit serb".

Ndërkohë partia e Ali Ahmetit, me vetëdije ose jo, është bërë pjesë e skenarit serbo-maqedonas. Duke qëndruar në atë qeverisje proserbe dhe antishqiptare, Ahmeti po dëshmon kualitet të dobët politik, në mos më shumë se kaq.

Kurse partitë politike të tjera shqiptare në Maqedoni duket se janë të përçara dhe kjo situatë mundet t'ia lë vendin një anarkie të paparashikueshme. Nuk është vështirë që shqiptarët të futen në konflikt me maqedonët dhe madje të fitojnë në çdo rrethanë, edhe nëse Beogradi me ushtri i vjen në ndihmë Shkupit zyrtar. Por a do të jetë ky një veprim i zgjuar në rrethanat e tashme?!

Dikush mund të thotë se "shqiptarët e Maqedonisë nuk mund të qëndrojnë gjithnjë peng i zhvillimeve në Kosovë". I drejtë është ky arsyetim, megjithatë i pa rezultat në praktikë.

Shqiptarët e Maqedonisë me pak durim e pa armë janë në gjendje ta mundin nacionalizmin maqedonas. Ata nuk kanë nevojë të bëjnë më shumë sesa të refuzojnë dhe izolojnë spekulantët politikë brenda vetes. Mjafton kjo dhe gjithçka shkon vetiu në vendin e vet, do apo nuk do Gruevski.

http://www.botasot.info/?gjuha=0&category=20&id=28932

29.8.2009, 13:43

Citim:

Beogradi dhe Shkupi skenarë për të nxirë imazhin e Kosovës

Shtyrja e vendosjes së marrëdhënieve diplomatike me Kosovën ka nxjerrë në pah edhe shumë dilema dhe prapaskena për lojën Shkupit dhe Beogradit për të rrënuar imazhin e shtetit të ri fqinj, njofton agjencia e lajmeve INA.

Ish-kandidati presidencial maqedonas nga radhët e LSDM-së opozitare, Lubomir Fërçkovski gjithashtu vlerëson se vizita e fundit e Gruevskit në Beograd është pjesë e skenarit që të margjinalizohen marrëdhëniet me Kosovën.

“Vizita e fundit e ekipit qeveritar në Beograd, është një kusht i dhënë aty që të mos zhvillohen marrëdhëniet me Kosovën dhe të lihen anash. Ky është një moment politik që duhet të vlerësohet se përse kjo Qeveri po e bën këtë“, ka theksuar profesori universitar Fërçkovski.

Të vërtetën për kalkulimet midis Beogradit dhe Shkupit për Kosovën e konfirmuan drejtuesit e dy forcave më të mëdha politike opozitare PDSH-ja nga partitë shqiptare dhe LSDM-ja nga partitë maqedonase.

Nënkryetari i PDSH-së, Abdyladi Vejseli alarmoi qartë se Maqedonia në mënyrë tendencioze po shtyn mosvendosjen e marrëdhënieve diplomatike me Kosovën, ndërsa kjo sipas tij po bëhet për hir të Beogradit dhe inskenimeve të tjera me këtë vend fqinj.

Po ashtu tre ditë më parë edhe deputeti dhe anëtari i lartë i LSDM-së, Vllado Buçkovski deklaroi hapur lojën e qartë midis Beogradit dhe Shkupit kundër Kosovës. ”Është e qartë se Maqedonia po kalkulon me vendosjen e marrëdhënieve të plota diplomatike me Kosovën.

“Sipas mendimit tim, kjo ndodh për shkak të ngrohjes së marrëdhënieve me Beogradin dhe pas dërgimit të sërishëm të ambasadorit maqedonas atje”, ka theksuar ish-kryeministri Buçkovski.

Qeveria e Maqedonisë ende nuk i është përgjigjur këtyre vlerësimeve dhe pohimeve alarmuese të dhëna nga faktorë relevantë politik, por edhe nga qarqet analitike.

Partitë shqiptare opozitare kërkuan sqarime për këto çështje pikërisht nga faktori politik shqiptar në qeveri, në këtë rast BDI-ja, e cila gjithashtu po vazhdon të jetë e heshtur. /INA/

http://www.telegrafi.com/?id=2&a=5294

21.9.2009, 05:06

Citim:

Të vërtetat e përdhosura
Lume Hyseni

E vërteta nisi të dalë në shesh, ajo vonon por kurrë nuk harron. Për hir të së vërtetës ajo nuk u vonua edhe aq shumë , nga viti i largët 1944 e deri sot kanë kaluar vetëm 65 vjet e ç’janë gjashtë dekada e gjysmë për historinë?!

Maqedonët janë popull antik. Maqedonia është djep i civilizimit dhe shtet biblik. Vetë zoti para disa muajsh zbriti nga qielli dhe në një spot televiziv të Radio Televizionit të Maqedonisë e zbardhi të vërtetën që gjithë faktet shkencore dhe historike e mohojnë. Ai u ankua që dy mijë vjet pret maqedonasit ta lusin për ndihmë kundër armiqve të së vërtetës ndërsa nuk harroi të kumtojë që e gjithë raca e bardhë është me origjinë maqedone dhe se ky popull duhet të qëndroj i fortë pasi që këtë betejë do ta fitoj me ndihmën e tij(Zotit) që vetë me gojën e tij dha garancë në spotin televiziv që të gjithë e pamë dhe dëgjuam!!

Maqedonia është e përjetshme, s’ka fillim e as fund. Ashtu thonë spotet televizive 1,2 dhe 3 të finansuara nga Qeveria dhe ashtu është!! Aleksandri i Madh dhe babai i tij Filipi kanë kënduar “denes nad Makedonija se ragja…” kur kanë pushtuar gjysmën e botës dhe pikë!

Sllav apo maqedon antik , kjo ishte dilema që e mundoi këtë popull bujar dhe fisnik për disa kohë. Por siç dihet,ku ka vullnet ka edhe mënyrë, zgjedhja u gjet, sa kot të gjorët dy javë të tëra nuk e bënë në rregull gjumin e bukurisë. Përgjigjja është e thjeshtë, ata janë dy në një, sllav dhe antik pra maqedon! Është për të qarë e vajtuar fakti që Maqedonia sot është vetëm republikë e një milion maqedonëve antik dhe sllav e jo mbretëri ose më mirë kontinent i tërë(!!!).

E mallkuar qoftë Gjykata Kushtetuese që abrogoi dispozitat e Ligjit për stimulim të natalitetit që parashikonte ndihma financiare vetëm për nënat antike maqedone që të lindin sa më shumë fëmijë dhe pas saktësisht 2890 viteve do të kishim kthim në gjendjen e mëparshme dhe zgjidhje të drejtë dhe të qëndrueshme për “kauzën e shenjtë maqedone”e cila nuk njeh elementin e kohës,hapësirës, fikcionit dhe realitetit megjithatë ka plan briliant për zhvillim afatgjatë!!

Gjuha pellazge është sllave, ani se alfabeti cirilik u zbulua pak shekuj më parë, zbuluesi Vasil Iljov në veprën e tij Zbulime rreth letërsisë, gjuhës dhe kulturës së lashtë të maqedonasve (me siguri projekt i Ministrisë së Kulturës) në fshatin Osniçan 13 km larg Shkupit zbuloi një pllakëz (shkruar në alfabetin etrusk në të cilën shkruanin pellazgët)të cilës ia bëri një përkthim të lirë në gjuhën që e flet dhe me këtë vërtetoi që alfabeti Cirilik dhe gjuha në të cilën komunikon zbuluesi janë më të lashtët e botës!

Goce Delçev, Dame Gruev, Vëllezërit Milladinov dhe të gjithë ata që shekullin e kaluar njiheshin si bullgar sot janë maqedon edhe atë antik dhe nuk ka lindur ende bir nëne që mund ta dëshmon të kundërtën. E njejta vlen edhe për gjuhën maqedone, ajo është maqedone, ani se maqedonët antik dhe bullgarët e sotëm mes vete komunikojnë shkëlqyeshëm pa përkthyes , e vërteta është që gjuha maqedone rënjësisht dallon nga ajo bullgare e kjo është e qartë si dita me natën!!

Shkupi (Skupi) nuk ka qenë kurrë kryeqendra e Dardanisë e aq më pak kryeqyteti i Vilajetit të Kosovës, këtë e pohoi “arkeologu” Pasko Kuzman e më pas e vërtetuan edhe qindra alkimist të historisë në punimet e tyre shkencore, natyrisht të finansuara nga Ministria e Kulturës.

Pasko Kuzman rallë gabon, nga pamja e jashtme duket që ky njeri ka kontakte të ralla botën reale pasi që më shpesh gjindet nën tokë, duke hulumtuar. Ai i ka dy orë në njërën dorë, njëra e kthen pas në kohë ku ai zbulon të vërtetat e historisë ndërsa me tjetrën udhëton në ardhmëri dhe e paralajmëron Qeverinë për reziqet potenciale të cilat kjo e fundit i mënjanon me shkathtësi shumë kohë para se të ndodhin!!

Shkupi ka qenë dhe është Skop(l)je. Ky qytet është i njohur botërisht pasi që në të, mu në qendër të qytetit në vendin ku do të ndërtohet Kisha Ortodokse, në një shtëpi të vogël lindi humanistja dhe nobelistja Gonxhe Bojaxhiu e cila kishte origjinë skopjane. Këtë e dëshmon busti i cili vitin e kaluar u vendos para shtëpisë muze të ndërtuar disa qindra metra larg truallit ku gjindej shtepia e saj autentike e ku qartë shkruan “Majka Tereza-Skopjanka”!!

Më kotë e ndjera kur mori çmimin nobël tha “Me gjak jam shqiptare; me nënshtetësi, indiane. Përsa i përket besimit, jam murgeshë katolike. Sipas thirrjes, i përkas botës. Por zemra ime i përket plotësisht Zemrës së Krishtit”. Ajo është Skopjankë ndërsa egzistojnë disa libra dhe enciklopedi të botuara në Maqedoni ku qartë mund të shihet kjo!! Ajo nuk lindi në vitin 1910 në Shkup, kryeqytetin e Vilajetit të Kosovës po në Skopje, Republika Makedonija Timeless!!

Enciklopedia e parë maqedonase e promovuar nga gjoja Akademia e Shkencave dhe Arteve në mes tjerash prezantoi fakte senzacionale mbi prejardhjen e shqiptarëve. Akademikët me kujdes shënuan gjithë atë që kishin ëndëruar tërë kohës sa zgjati procesi i përpilimit të Enciklopedisë bile edhe kopjuan disa vepra shkencore serbiane !!

Në mes të emrave të akademikëve që përpiluan Enciklopedinë qëndrojnë edhe emra shqiptar të cilët distancohen nga pjesmarja e tyre në këtë cirk që përdhos nocionin shkencë dhe devalvon kuptimin e institucionit Akademi, por asnjëri nuk del haptazi të pyet se pse është keqpërdor emri i tij, ta padisë këtë institucion fyromian dhe të jep dorëheqjen nga ajo??!!

Në këtë enciklopedi thuhet se në Maqedoni nuk kanë jetuar shqiptarë. Ata nga Shqipëria kanë kolonizuar këto vise pas shekullit 16, duke u vendosur nëpër shtëpitë e maqedonasve të cilët i kanë dëbuar më pas prej aty. Ndër të tjera në këtë enciklopedi shqiptarët emërtohen si arbanasë, arnautë dhe shqiptari, ku kjo e fundit shoqërohet me shpjegim përkatës nën kllapa ‘Pllaninci (të malit)”.

Hë pra,kështu është e vërteta, ani se nuk ka enciklopedi tjetër në botë përveç ndoshta në Sërbi ku pohohen këta thënje të akademikëve sllavo-maqedon antik,ani se prejardhja dhe identiteti kombëtar i shtatë million shqiptarëve në Ballkan është i pakontestueshëm ndërsa nëntëmbëdhjetë vite të tëra debatohet për ndërimin e emrit të shtetit dhe përcaktimit të identitetit kulturor gjuhësor dhe historik të sllavo maqedonëve antik(mision shkencërisht i pamundshëm pasi që ata janë bulgar),përsëri Akademia e përkrahur nga Qeveria e bëri të veten dhe zbuloi disa të vërteta pathëna mbi shqiptarët!!

E vërteta ka një element që nuk guxon të mohohet,kur atë mundohet ta fsheh dhe shtrembëroj i forti ajo erësohet dhe zbehet e kur të njejtën mundohet ta bëjë i dobti ai vetëm bën lolo nga vetja e tij!!

Po ashtu edhe duhet, nëntëmbëdhjet vite resht përmes pjesmarjes në procesin zgjedhor dhe zgjedhjes së përfaqësuesve tanë në pushtet dhe pa pushtet ne legjitimuam formësimin e shtetit komb të krijesave hibride të Titos, e tani këta krijesa na janë“fortësuar” dhe përdhosur e askush bile as ata vetë nuk kanë kontroll mbi veten e tyre!!

Nuk mund as ta paramendoj motivin e njeriut shqiptar që do të del të votojë në zgjedhjet e ardhëshme parlamentare (po qe se ka Maqedoni deri atëherë). Nejse, ndoshta përfaqësuesi shqiptar në mandatin e ardhshëm do të jetë i nevojshëm për të votuar ndonjë ligj a vendim me të cilën gjithë shqiptarët do tua falim shtëpitë dhe pronat tona Donçove dhe Sllavçove dhe duke u kërkuar falje publike për atë që ua bëmë në shekullin e 16 do të shpërngulemi nga kemi ardhur,në Shqipëri e me këtë do të përfundojë procesi i dekolonizimit të Maqedonisë nga shqiptarët e këqij.

Përndryshe është fascinante edhe heshtja e zyrave ndërkombëtare pa të cilat FYROM-i nuk mund të frymojë dhe të cilat u zotuan që nga Maqedonia do të ndërtojnë shoqëri multietnike dhe demokratike pasi që ndërimi kufive në këtë shekull nuk qenka i mundshëm!!

Së shpejti del edhe botimi i dytë i Enciklopedisë maqedonase. Thonë që në mes zbulimeve tjera do të promovohen edhe dy të vërteta historike interesante .E para është figura historike e një heroi të madh të popullit maqedon dhe shtetit të Maqedonisë me emrin Sashe Veliki ndërsa ai ka qenë një prijës i famshëm i VMRO-së i cili e zgjëroi Maqedoninë deri në Indi. Kur u nis për në Indi Sashe Veliki nuk ishte vetëm,me vete i kishte edhe vëllezërit e shenjtë të alfabetit maqedon, Kirili dhe Metodi të cilët i mësuan elefantët që fluturojnë të flasin dhe këndojnë maqedonisht.

E vërteta e dytë do të jetë lajm i hidhur për Dizneyland-in, Mickey Mouse është Mickeydon!! Më shumë se të gjithë fëmijët sllavo-maqedon për këtë zbulim u gëzua kryeministri i vogël i cili menjëherë urdhëroi obortarët e vetë që të përpilojnë një “pwojekt”për vendosjen e një busti të Mickeydonit në qendër të qytetit, në qoftë se mund të gjehet vend, kuptohet!

http://www.shqipmedia.com/2009/09/te...-e-perdhosura/

23.9.2009, 07:06

Citim:

VMRO-Popullore: Luani i verdhë në stemën e Maqedonisë

VMRO-Popullore ka dorëzuar në parlament iniciativë për stemë të re të Maqedonisë. Ata propozojnë luanin e verdhë me prapavijë të kuqe i cili daton nga viti 1620 dhe i cili simbolizon bashkimin.

“Unë besoj se nuk duhet të ketë barriera në lidhje me këtë çështje, nëse vetë deputetët lejohen të votojnë këtë ligj unë jam i bindur se kjo stemë do të miratohet në parlament”, shpreson Marjan Dodovski, ushtrues detyre kryetar i VMRO-Popullore.

Pro kësaj iniciative është prononcuar vetëm partia e Gruevskit, ndërsa LSDM dhe subjekti politik shqiptar janë shprehur kundër këtij propozimi. Ata vlerësojnë se nuk janë krijuar kushtet për një propozim të tillë dhe se ka çështje tjera më të rëndësishme.

“VMRO-DPMNE është e gatshme të përkrah një simbol të tillë për stemë të Maqedonisë megjithatë vetëm në rast se sigurohet konsensus politik , dy të tretat e votave dhe shumica e Badenterit”, thotë Ilija Dimovski, deputet i VMRO-DPMNE.

“Ne në këtë moment mendojmë se nuk është çështje e rëndësishme dhe me prioritet për Maqedoninë, ka çështje tjera më të rëndësishme që tangojn ardhmërinë tonë andaj ne përkrahëm ndryshime të vogla kozmetike siç është largimi i yllit me pesë cepa si një zgjidhje e përkohshme”, theksoi Gordan Georgiev, nënkryetar i LSDM.

“Në këtë moment BDI nuk jep pëlqim dhe nuk janë krijuar kushtet as politike as ndëretnike për një iniciativë që ka dhënë Marjan Dodovski nga VMRO-Popullore", thotë Safet Neziri, deputet i BDI.

“Aspak e pranueshme, ne e dhamë propozimin tonë që stema dhe të gjitha simbolet të kenë kode unifikuese në një shtet mutietnik siç është Maqedonia dhe çdo propozim i tillë fatkeqësisht na çon të mendojmë se edhe ky është një episod në serialin e ashtuquajtur propozime jo të ndershme të cilat rënd do ta dëmtojnë Maqedoninë", vlerëson Sulejman Rushiti, deputet i DR.

LSDM konsideron se për këtë çështje duhet të organizohet debat i gjerë dhe stema duhet të pasqyroj multietnicitetin e vendit. Dodovski shpreson në mbledhjen e 10 mijë firmave të nevojshme që ky propozim të hyjë në procedurë parlamentare dhe se kjo të ndodh para 23 tetorit ditës së VMRO-së.

http://alsat-m.tv/index.php/lajme/vendi/18905.html

mesdimr · 23.9.2009, 07:14

Luani verdhë në fushë të kuqe është stemë e Avlonitëve... por ka dhe përhapje italike. Po këta ngado të sillen "historikisht" do gjejnë vetëm historinë e të tjerëve. Përderisa në kontekst plehu gjenetik nuk janë të aftë të prodhojnë vetë histori.

17.12.2007, 01:05	#1
Kandhaon Bisha Anëtarësuar: 8.2006 Vendndodhja: Në breshta, mes bredhave,	Pseudoshteti IRJM, pa emër, pa simbole, pa histori, pa identitet Maqedoni quhej Shqipëria në kohën e Skënderbeut. A mendoni se shteti fqinj nuk ka të drejtë t'a përdorë këtë emër?

14.12.2008, 14:34	#8
Anëtarësuar: 5.2008	BDK-BDSH: Shqiptarët të njësojnë qëndrimin për emrin Bashkimi Demokratik Kombëtar është shprehur për organizimin e një tryeze për njësimin e qëndrimeve të të gjitha subjekteve shqiptare në IRJM, rreth çështjes së emrit. “Apeli i BDSH-së, për organizimin e një tryeze për harmonizimin e qëndrimeve të të gjitha subjekteve politike shqiptare në Maqedoni, rreth emrit të shtetit, jo vetëm që është i pranueshëm, por paraqet edhe një nevojë të domosdoshme, kur kemi parasysh pozitën diskriminuese të shqiptarëve në Maqedoni, jo vetëm kur është në pyetje emri i shtetit, por edhe statusi juridiko-kushtetues, i shqiptarëve në këtë shtet”, theksoi lideri i BDSH Hysni Shaqiri. http://www.gazetastart.com/?faqe=shf...1283&isflash=1

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

18.12.2007, 01:02	#3
Kandhaon Bisha Anëtarësuar: 8.2006 Vendndodhja: Në breshta, mes bredhave,	Ndoshta ne duhet të refuzojmë emrat që i ka propozuar Greqia. Ia bëjmë "hip se të vrava zbrit se të vrava".

18.12.2007, 14:00	#5
Kandhaon Bisha Anëtarësuar: 8.2006 Vendndodhja: Në breshta, mes bredhave,	Po më duket se ne nuk duhet ta kundërshtojmë aq emrin e shtetit sa duhet ta kundërshtojmë emrin etnik "maqedon". Ne nuk duhet asesi t'i pranojmë fqinjët tanë si maqedonë sepse ata janë thjesht bullgarë.

9.8.2009, 12:45	#14
Kandhaon Bisha Anëtarësuar: 8.2006 Vendndodhja: Në breshta, mes bredhave,	Dialektet 1, 2 dhe 6 që të tria fliten edhe në Bullgari. Dialekti 3 është serbisht. Harta nuk përfshin ndarjen etnike, paraqet vetëm shtrirjen e dialekteve pavarësisht nga përqindja e popullsisë.

23.9.2009, 07:14	#20
mesdimr Anëtarësuar: 8.2006	Luani verdhë në fushë të kuqe është stemë e Avlonitëve... por ka dhe përhapje italike. Po këta ngado të sillen "historikisht" do gjejnë vetëm historinë e të tjerëve. Përderisa në kontekst plehu gjenetik nuk janë të aftë të prodhojnë vetë histori.

Pseudoshteti IRJM, pa emër, pa simbole, pa histori, pa identitet

Pseudoshteti IRJM, pa emër, pa simbole, pa histori, pa identitet

BDK-BDSH: Shqiptarët të njësojnë qëndrimin për emrin