Pseudoshteti i IRJ të Maqedonisë

7.12.2009, 21:26

Citim:

Çështja e emrit, Greqia bën “kokë turku” shqiptarët e Maqedonisë

Mediat greke flasin për marrëveshje sekrete mes Maqedonisë dhe Greqisë, me kusht spiunimin e shqiptarëve që kanë kërkuar ndihmë nga ambasada greke në Shkup. Ambasada greke në Shkup: Kishim presione për të dhënë lista. Reagon Bakojanis: Nuk është e vërtetë

(...)

Sipas mediave greke në fjalë, “ndihma” nënkupton grupime shqiptarësh që kanë kërkuar lehtësim ekonomik, apo akoma edhe ushtarak, përkundër Maqedonisë. Sipas tyre, bëhet fjalë për të gjithë shqiptarët që kanë shkuar në ambasadën greke në Shkup pas periudhës së luftës në Maqedoni, çka sipas gazetarëve grekë, nënkupton një bashkëpunim të çuditshëm mes shqiptarëve dhe grekëve në Maqedoni.

Kjo pjesë e pazarit në marrëdhëniet mes dy vendeve është konfirmuar sipas gazetarëve të vendit fqinj edhe nga ambasada greke në Shkup, që deklaroi se “kishin presione të forta për të dhënë lista të shqiptarëve që vizitonin ambasadën, tek njerëz afër Milloshovskit”. Megjithatë, sipas këtyre burimeve, mediat greke thonë se një listë e tillë nuk ishte dhënë ende.

Kjo marrëveshje sekrete, e cila nuk u finalizua, pas mospranimit nga ana e Maqedonisë, është kundërshtuar nga ana e ish shefes së diplomacisë greke. Me një reagim të menjëhershëm partia Demokracia e Re, që sapo iku nga pushteti, deklaroi se një propozim i tillë nuk është kryer kurrë.

“Për arsye parimore nuk komentojmë përmbajtjen e letërkëmbimit të klasifikuar të Ministrisë greke të Jashtme, – thuhet në deklaratën e partisë. – Asnjë qeveri greke nuk do të mund dhe nuk mund të pranojë ekzistencën e një gjuhe, identiteti apo kombi me gjasme maqedonase”.

http://www.standard-al.com/tekst.php?idt=24394

7.12.2009, 23:21

Citim:

Në pritje të vetos së dytë greke

Maqedonia do të përballet me bllokadën e dytë greke për procesin e evrointegrimeve dhe kjo e dyta vjen nga Brukseli, pas asaj në Bukuresht, kur u bllokuan aspiratat e anëtarësimit në NATO

Këshilli i ministrave të jashtëm të vendeve anëtare të BE-së, sot në Bruksel duhet ta definojnë konkluzionin lidhur me rekomandimin e KE-së për caktimin e datës për fillimin e negociatave për anëtarësimin e Maqedonisë në Union.

Siç merr vesh agjencia e lajmeve INA, edhe pse një pjesë e shteteve anëtare të BE e mbështesin fillimin e negociatave, mungon konsensusi për këtë çështje, shkaku i kushtëzimeve greke dhe bullgare për zgjidhjen paraprake të disa çështjeve të hapura.

Brukseli si opsioni më real në këtë moment e shikon shtyrjen e përcaktimit të datës, me çka do të evitoheshin pasojat e padëshirueshme të vetos eventuale greke.

Këshilli i ministrave të jashtëm të vendeve anëtare të BE-së gati se ka harmonizuar qëndrimet lidhur me miratimin e deklaratës përfundimtare që do të dal nga ky takim i nivelit të lartë të BE-së, mirëpo në këtë dokument, sa i përket Maqedonisë është shkruar e keqja, se ky vend nuk mund të marrë datën për fillimin e negociatave për anëtarësim, edhe pse pati shumë shpresë në Shkup, se do të ndodhë një lajm i mirë, pas atij për heqjen e vizave. Në dokumentin e miratuar pritet të jepen konkluzione mbi procesin e zgjerimit të BE-së në Ballkanin Perendimor.

Një zyrtar i lartë i KE-së ka deklaruar për agjencinë e lajmeve INA se gjërat janë shumë të qarta dhe se Shkupi s`ka çka pret lajm të mirë nga Brukseli.

“Gjërat janë të pastruara, nuk mund të ketë dhënie të datës apo rekomandim për një gjë të tillë, sepse nuk është tejkaluar kontesti i emrit me Greqinë. Edhe pse u bënë inkurajime dhe sinjale të ndryshme pozitive, duke pasur parasysh angazhimin konkret të kryeministrit të ri grek, Papandreu, megjithatë Shkupi zyrtar nuk u tërhoq nga vendimet kokëforta”, ka deklaruar zyrtari i lartë i Komisionit Evropian.

Krerët e vendeve anëtare pas rezultatit negativ për Maqedoninë, pritet të japin sinjale të sërishme që problemi i emrit të gjejë zgjidhje urgjente gjatë vitit të ardhshëm midis dyja palëve, mirëpo duke mos përcaktuar afate konkrete. Maqedonia do të përballet me bllokadën e dytë greke për procesin e evrointegrimeve dhe kjo e dyta vjen nga Brukseli, pas asaj në Bukuresht, kur u bllokuan aspiratat e anëtarësimit në NATO.

Edhe bullgarët kundër Shkupit

Pas Greqisë e cila hapur paralajmëroi se do ta bllokoj integrimin e Maqedonisë në strukturat euroatlantike nëse nuk zgjidhjet çështja e emrit, edhe Bullgaria ka dhënë sinjale jo të mira për Shkupin. Kryeministri i bullgar, Bojko Borisov deklaroi se Bullgaria do ti mbështes aspiratat e Maqedonisë për integrim në NATO dhe BE nëse vendi i përmbushë kriteret e parapara për anëtarësim. Borisov para deputetëve të Parlamentit bullgar ka theksuar se Maqedonia nuk do ta ketë mbështetje bullgare për anëtarësim në strukturat euroatlantike nëse nuk i realizon kërkesat Sofjes zyrtare.

Ai tha se Bullgaria ka pritur nga qeveria e Maqedonisë që:

- të vazhdojë thellimin e reformave në të gjitha sferat, përfshirë jurisprudencën dhe çështjet e brendshme;
- të ndalojë urrejtjen ndaj Bullgarisë dhe bullgarëve, urrejtje që vjen nga politikanët dhe institucionet e shtetit, dhe ta heq atë nga kurikulat e librave e medieve,
- të heq dorë nga të gjitha kërkesat e pakicave ndaj Bullgarisë në përputhje me deklaratën 1999;
- të ndaloj fushatën antibullgare në organizatat ndërkombëtare dhe forumeve të ndryshme, zgjidhjen e kontesteve në lidhje me historinë e përbashkët dhe kulturën e përbashkët edhe festimet e datave historike dhe jubileve të përbashkëta;
- të firmoset sa më shpejtë një marrëveshje politike bazuar në deklaratën e vitit 1999.

http://www.ina-online.net/Default.as...b96409301&ln=3

8.12.2009, 14:14

Citim:

Betejë e ashpër për Maqedoninë në Bruksel

Ministrat evropianë edhe pas debatit disaorësh nuk arritën qëndrim të përbashkët për çështjen e Maqedonisë në Bruksel.

Arsyeja për mospajtimet është kërkesa e Greqisë. Maqedonisë t’i caktohet datë për negociata, vetëm pasi të zgjidhet kontesti për emrin, ndërsa projekt-versioni i Presidencës suedeze, parasheh që debati për negociatat të anulohet deri në mars të vitit 2010.

Për shkak të mospajtimeve të hapura, siç lajmëroi televizioni A1. vazhdimisht anulohet edhe konferenca për mediat që fillimisht u caktua për në ora 17:30.

Diplomatët të cilët marrin pjesë në debatin në sallën e madhe të ministrave, informojnë se beteja është e ashpër, ndërsa ministrat refuzojnë të paraqiten në opinion, derisa zgjat debati për Maqedoninë.

Në Bruksel do të shkojë edhe kryeministri Nikolla Gruevski. Ai është ftuar në konferencën për Ballkanin Perëndimor, ku do të mund drejtpërdrejt partnerëve të tij evropianë t’ua prezantojë çështjen e Maqedonisë. /Makfaks/

http://www.telegrafi.com/?id=3&a=4686

11.12.2009, 08:42

Citim:

Episodi i dytë egocentrik me simbolet
Gëzim Podgorica

Shfaqja disi e “papritur” e kreut të shtetit Ivanov në sfond me një stemë të re, e cila as për delikatesë politike nuk ka kaluar kurrfarë diskutimi e promovimi, është një tregues se karakteri multietnik i vendit vazhdon të mos jetë i pranueshëm në mendësinë dhe formimin e drejtuesve të shtetit maqedonas.

Kohë më parë jo rastësisht ngacmuam temën e stemës së shtetit, ndërsa tani pas heqjes së yllit shfaqet një stemë tjetër, ajo e presidencës , e cila për ironi jo vetën që befasoi publikun dhe politikën, por anashkaloi karakterin themelor mbi të cilin është ngritur dhe rri në këmbë Maqedonia.

Brishtësinë e këtij raporti e njohin dhe e pranojnë të gjithë, brenda dhe jashtë vendit, megjithatë nuk po lënë rast pa e sulmuar dhe atentuar atë segmente të njohura të politikës aktuale. Ky është atentati tjetër i radhës, i cili me rezonacën që krijon, kërkon të ndezë një konflikt të panevojshëm.

Problemi nuk qëndron aspak për protagonizëm shqiptar, por për prezencë të domosdoshme dhe raporte normale në të gjithë ato elementë që simbolizojnë dhe përfaqësojnë shtetin.

Ky karshillëk i hapur, në radhë të parë ndaj shqiptarëve të cilët janë pjesë themelore dhe e paneglizhueshme e formimit të republikës së Maqedonisë, për fat të keq demonstron hapur atë se politika zyrtare e etnitetit në shumicë vazhdon të injorojë themelin e stabilitetit politik dhe social të vendit, që është raporti normal dhe i mirëkuptuar ndëretnik.

Jo thjesht se ajo stemë nuk është përfaqësuese e këtij karakteri, por simbolika që paraqet e mohon keqas një standart që nuk mund të mos merret si pikë e parë reference. Elementët e stemës janë tërësisht të prirura për të përfaqësuar një pjesë dhe jo tërë vendin. Shkrimi maqedonas dhe alfabeti cirilik mohojnë edhe atë që të paktën është pranuar, shqipen si gjuhë e dytë zyrtare dhe e obligueshme në institucionet shtetërore.

Tendenca për ta sllavizuar deri në fund këtë simbol shtetëror është krejt e dukshme, por përtej kësaj duket e identifikueshme edhe tendenca tjetër përjashtuese e një steme që do të ishte shumë më komplementare për vetë karakterin e shtetit.

Fakti që për stilizimin e kësaj steme është punuar në konspiracion të plotë dhe për më keq se kaq, përmbajtja e saj ka mangësi të theksuara gjithëpërfshirëse, tregon se është synuar të ndodhemi përballë faktit të kryer cili tinëzisht ka kërkuar të përjashtojë shqiptarët.

Avokatët e këtij akti mund të kërkojnë ta thjeshtëzojnë shumë këtë problem, por një simbol i tillë kërkon diskutime e ballafaqime shumë të rëndësishme, kulturore, shkencore dhe historike dhe nuk mund të trajtohet si diçka e rëndomtë dhe pa rëndësi.

Kjo është një çështje shumë e ndjeshme dhe vetëm në kushte klandestine nuk mundet dot të realizohet. Identifikimi i një shteti, po edhe i historisë së tij, kalon përmes simboleve dhe mungesa e identifikimit të shqiptarëve, nuk ka kurrfarë justifikimi.

Kohët e fundit, jo krejt si rastësisht shqiptarët po ndjejnë një diferencim të hapur etnik, që po shfaqet në mënyra e versione të ndryshme, por që tregon egocentrizmin e hapur të segmenteve sllave në politikë.

Bekimin për të realizuar këtë stemë, sigurisht e ka dhënë Presidenti Ivanov, që akoma nuk po e ndjen vete si përfaqësues të unitetit të vendit dhe të të gjitha etniteteve. Në atë kolltuk ai erdhi edhe me konsensusin e partisë politike shqiptare në qeveri, megjithatë vazhdon të sillet sikur të jetë president dhe përfaqësues i etnitetit në shumicë.

Nuk mund të jetë rastësi që në stafin e tij prej 40 vetësh, janë vetëm tre shqiptarë dhe ata në vende shumë periferike dhe pa peshë specifike politike. Në faqen e internetit të presidencës akoma nuk gjen asnjë fjalë shqip !!!

Të gjitha këto “rastësi” të çuditshme kompletojnë si padashur konstanten antishqiptare që vazhdon të jetë prezent në korridoret e Shkupit zyrtar. Se kush do të mundet ta transformojë një politikë të tillë, ta emancipojë dhe ta vendosë në binarët e raporteve normale, kjo nuk mund të zgjidhet nga suaza e një shkrimi, por keq menaxhimi politik dhe social i shqiptarëve fatkeqësisht vazhdon.

Rasti i freskët që po diskutojmë është karshillëku nëpërmjet stemës. Me sa duket kjo ishte në radhë …

http://lajmpress.com/opinion/2444.html

11.12.2009, 08:44

Citim:

PDSH: Protektorat, BDI: Mos u zhgënjeni

Përderisa përfaqësuesit e partisë në qeveri, BDI thonë se Shkupi nuk duhet të dekurajohet nga shtyrja e datës për bisedime, nga partia shqiptare në opozitë PDSH, propozojnë një plan trepikësh për dalje nga kriza

Udhëheqësit politik të shqiptarëve në Maqedoni kanë dhënë komentet e tyre lidhur me vendimin e Ministrave të Jashtëm të BE-së për të mos i dhënë Shkupit datë për fillimin e negociatave. Përderisa përfaqësuesit e partisë në qeveri –BDI, thonë se Shkupi nuk duhet të dekurajohet nga shtyrja e datës për bisedime, nga partia shqiptare në opozitë PDSH, propozojnë një plan trepikësh për dalje nga kriza.

“Mendoj që vendimi që të prolongohet data për caktimin e bisedimeve me Maqedoninë nuk duhet të kuptohet nga institucionet dhe nga qytetarët si vendim i cili duhet të na deinkurajoj në proceset eurointegruese. Duhet të vazhdojmë me reformat me qëllim që një ditë të bëhemi anëtarë i BE-së”, tha zëvendëskryeministri Abdilaqim Ademi, pas takimit me homologun e tij kosovarë, Ram Manaj.

Nga ana tjetër, kreu i PDSH-së, Menduh Thaçi, në një konferencë për media kërkoi dorëheqjen e qeverisë dhe protektorat ndërkombëtarë për Maqedoninë.

“Plani për dalje nga kjo krizë ka tre pika. E para, Qeveria të japë dorëheqje pasi e ka humbur legjitimitetin, e dyta Ali Ahmeti dhe BDI të tërhiqen nga pushteti dhe e treta bashkësia ndërkombëtare të mendojë të vendos protektorat në Maqedoni”, tha Thaçi.

Ndërkaq, lideri i BDK-së, Hysni Shaqiri theksoi se mbledhja e 7 dhe 8 dhjetorit e Këshillit të Ministrave të BE-së, solli edhe një dështim të radhës për proceset integruese të vendit.

“Kjo në fakt vetëm vërtetoi atë qe e kishte premtuar para zgjedhjeve kreu i VMRO-DPMNE-së Nikolla Gruevski, se nuk do të pranoj ndryshimin e emrit për as një çmim. Por u realizua edhe kërcënimi i Greqisë, se pa ndryshimin e emrit nuk do të ketë procese integruese. Kjo edhe njëherë vërtetoi pozitën e pa përfillshme që e kanë partitë parlamentare shqiptare në politikëbërjen e shtetit”, tha Shaqiri.

http://lajmpress.com/lajme/maqedoni/2501.html

12.12.2009, 11:29

Citim:

Fuere mblodhi liderët

Periudha që vjen të shfrytëzohet për zgjidhjen e çështjes që e pengon eurointegrimin e Maqedonisë, të arrihet konsensus i brendshëm dhe të intensifikohen negociatat me Greqinë, u dakorduan liderët e partive politike parlamentare në takimin e sotëm të përbashkët me ambasadorin e BE-së Ervan Fuere dhe atë të Suedisë Lars Freden.

"Qëlimi i takimit ishte t'i theksojmë mesazhet të cilat u dërguan nga Këshilli i BE-së në kontekst të Maqedonisë. E kuptojmë dëshpërimin nga fakti që nuk u caktua datë, por nga ana tjetër edhe i theksuam akspektet kyçe nga Këshilli, të cilat parashohin kornizë kohore në gjashtë muajt e ardhshëm gjatë kryesimit të ardhshëm me BEe-në. Në këtë kontekst mesazhi ynë deri te kryeministri dhe liderët e partive politike ishte të punojnë në frymën e konsensusit për tejkalimin e problemeve ekzistuese, por edhe për intensifikim të kontakteve me Greqinë që të mund të vihet deri në zgjidhje të pranueshme nga të dy palët. Angazhimi ynë ndaj Maqedonisë mbetet në të njejtin nivel si edhe më parë, dëshirojmë ta shohim Maqedoninë si pjesë të BE-së dhe këtu jemi të ndihmojmë në kontekst të të gjitha reformave, të cilat duhet të zbatohen që vendi të bëhet anëtare", deklaroi euroambasadori Fuere.

Ambasadori suedez Lars Freden i vlerësoi si të mira përfundimet e Këshillit të BE-së edhe si mundësi për arritje të progresit në gjashtë muajt e ardhshëm.

"Unë jam i inkurajuar nga mesazhet që i dëgjova gjatë takimit të sotëm, mesazhet të cilat i mora nga liderët e partive politike të cilat qartë theksojnë se angazhimi ende ekziston në kontekst të reformave, por edhe në kontekst të gjetjes së zgjidhjes së përbashkët të pranueshme me Greqinë. Mendoj se ky është me të vërtetë reagim i pjekur", tha Freden.

Kryeministri dhe lideri i VMRO-DPMNE-së, Nikolla Gruevski deklaroi se Fuere dhe Freden i kanë inkurajuar liderët partiakë që t'i vazhdojnë përpjekjet për integrimin e Maqedonisë në BE pas asaj që ndodhi në Bruksel para disa diëve, duke theksuar se ende ekzistojnë mundësi dhe se përfundimi i Këshillit të BE-së lë shpresë se mund të ndodh diçka në gjashtë muajt e ardhshëm. Kanë kërkuar të fokusohen në këtë pjesë, e jo në përplasjet reciproke, që, thotë Gruevski, është për përshëndetje.

Përfaqësuesit e opozitës, siç theksoi, kanë thënë se ata janë konstruktiv dhe se më shpejtë do ta zgjidhnin problemin dhe se nuk na pengojnë me asgjë që të zgjidhet problemi.

"Unë nuk e ndaj këtë mendim, konsideroj se çdo herë e bëjnë atë minimin e pozitave në deklaratat publike që i japin. Sado që të dëshirojnë të bëjnë lakja tek faktori i huaj se ata janë shumë konstruktiv megjithatë sërish e bëjnë të kundërtën. Definitivisht e di se nuk janë në dobi të shtetit. Ne jemi të vetëdijshëm se problemi kryesor me të cilin ballafaqohemi është Greqia dhe se duhet të përqëndrohemi në këtë problem. Do të kërkojmë mënyra që të vihet deri te ndonjë zgjidhje, e cila në njëfarë mënyre do të zhbllokojë. Do të vazhdojmë me këto përpjekje për shkak se dëshirojmë që vendi të inkuadrohet në BE dhe NATO. Ky mbetet qëllimi ynë strategjik. Ky vendim nuk do të thyhet. Kemi vullnet të fuqishëm të vazhdojmë edhe me reformat dhe me përpjekjet tona për integrimin euroatlantik dhe të vazhdojmë të luftojmë për interesat shtetërorë dhe kombëtarë të qytetarëve të Republikës së Maqedonisë, përfshirë edhe maqedonasit, sepse në këtë rast bëhet fjalë për rrezikimin e tyre", deklaroi Gruevski.

Në takim është hapur edhe debati nëse Brukseli është përsëritje e Bukureshtit. Esenca e vendimit të Brukselit, sipas tij, është i njejtë, jo vetëm forma është e ndryshme sa i përket vendimit të aprovuar në Samitin e Bukireshtit. "Them se esenca është e njejtë për shkak se jam koshient se pavarësisht që ka një fjali se do të rikthehen në gjashtë muajt e ardhshëm në këtë çështje pa saktësim të datës, jam i vetëdijshëm se në qoftë se gjindet ndonjë zgjidhje me Greqisë edhe pas atyre gjashtë muajve do të jemi të bllokuar, si edhe në Bukuresht. Ka edhe dallim. Ka përpjekje më të madhe të bërë nga ana e kryesisë suedeze, KE-së, por esenca është në atë se Greqia e keqpërdor pozitën e saj", deklaroi Gruevski.

Sipas tij, në Maqedoni nuk ekziston hapësirë për euroskepticizëm, por pas 7 dhjetorit dhe vendimit të Këshillit ministror ka dëshpërim dhe ndjenjë padrejtësie.

Gruevski pohoi se Qeveria ka bërë gjithçka për zgjidhjen e problemit me Greqinë dhe se do të vazhdojë ashtu edhe në të ardhmen.

Lideri i LSDM-së Branko Cërvenkovski e përshëndeti takimin e liderëve, por shfaqi keqardhje që është inicuar nga ambasadorët e huaj, e jo nga presidenti ose nga kryeministri.

"Secila parti politike i prezantoi pozitat e saj. Linja e përbashkët që na lidh të gjithëve është se duhet deri në maksimum të shfrytëzohet kjo periudhë shtesë gjashtëmujore, ndërsa gjithçka me qëllim që të tejkalohet kontesti me Greqinë, që Maqedonia të bëhet anëtare e NATO-s dhe t'i fillojë negociatat inkuadruese me BE-në. Bashkarisht është konstatuar se ajo për të cilën nuk mund të negociohet gjegjësisht linja e kuqe është se nuk goxon të lejohet rrezikim i identotetit kombëtar të Maqedonisë, ndryshim të emrit dhe gjuhës tonë", deklaroi Cërvenkovski.

Pohoi se LSDM-ja do të jetë konstruktive lidhur me çështjen për emrin. "Ne jemi të gatshëm duke mbajtur llogari pikërisht për interesat shtetëror dhe kombëtarë të Republikës së Maqedonisë për këtë çështje, jo për çështjet tjera dhe për gjendjet tjera në Republikën e Maqedonisë të luajmë një rol përfundimisht konstruktiv dhe ta japim gjithë logjistikën e Qeverisë, ndërsa gjithçka me qëllim që të gjindet zgjidhje për kontestin.

Sipas tij, problem kyç është që nuk dihet se cilat janë pozicionet e Republikës së Maqedonisë. "E dimë se cilat janë pozicionet e Greqisë, e dimë se cila prej vendeve-anëtare të BE-së se si ka vepruar në Bruksel, vetëm se nuk i është bërë e njohur opinionit të Maqedonisë se cila është politika zyrtare dhe cili është qëndrimi zyrtar i Republikës së Maqedonisë. Pa këtë nuk mundemi të ndërtojmë qëndrim të përbashkët, konsensus", deklaroi Cërvenkovski.

Kryetari i BDI-së Ali Ahmeti tha se takimi ka qenë konstruktiv. "Liderët e të gjitha partive u dakorduan se duhet të punojmë së bashku që të gjejmë zgjidhje për kontestin me emrin. Të gjithë dakordohen se alternativa e vetme për Maqedoninë është BE-ja dhe NATO, se nuk duhet të ketë deklarata defetistike, për shkak se ekziston vullnet që të vazhdohet drejt gjetjes konstruktive të zgjidhjes nga të gjitha palët", deklaroi Ahmeti.

Ahmeti i vlerësoi konkluzionet e Këshillit të BE-së, vendimin për datën e negociatave që të transferohet në kryesimin e ardhshëm spanjoll me Unionin si "lajm i mirë dhe progresiv për ne".

Apelon që partitë të mos e shfrytëzojnë këtë çështje për pëlcitje politike të politikës ditore, por të ndihmojnë në mënyrë konstruktive.

"Mbetemi edhe më tej të vendosur që të vazhdojmë me reformat me qëllim që të bëhemi anëtarë të BE-së dhe NATO-s", tha Ahmeti.

Lideri i Demokracisë së Re, Imer Selmani deklaroi se të gjithë janë dakorduar se nuk ka hapësirë për euroskepticizëm dhe se qytetarët e Republikës së Maqedonisë e duan Evropën, e duan NATO-n.

"Në interes të qytetarëve tanë është që të bëhemi anëtarë të NATO-s dhe të BE-së. Kuptohet se çështja e identitetit të popullit të Maqedonisë, çështja e negociatave është diçka për çka duhet të kemi konsensus dhe strategji. Ne jemi të gatshëm që ta ndajmë përgjegjësinë në këtë periudhë kyçe, në disa muajt e ardhshëm sa na janë dhënë që t'i bëjmë të gjitha hapat e domosdoshëm për ta zgjidhur çështjen me fqiun tonë jugor dhe të marrim datë", tha Selmani.

Kryetari i PLD-së Jovan Manasievski apelon që të mos humben gjashtë muajt e ardhshëlm në zënka dhe ndarje plotësuese mes partive politike. "Është koha përfundimtare që kryeministri të konvokojë takim, në të cilin do të definohet pozicioni i Maqedonisë"; deklaroi Manasievski.

Kryetari i PRSD-së, Tito Petkovski, tha se ka propozuar që partitë relevante politike të nënshkruajnë marrëveshje ose protokoll dhe në të cilin do t'i vërtetojnë linjat e kuqe për të cilat Maqedonia nuk do të lëshojë pe.

Në takimin në rezidencën e euroambasadorit Ervan Fuere, edhe pse i ftuar, nuk ishte i pranishëm lideri i PDSH-së, Menduh Thaçi./mia/

http://lajmpress.com/lajme/maqedoni/2526.html

12.12.2009, 13:22

Citim:

Gruevski: Nuk heqim dorë nga identiteti

Kryeministri i Maqedonisë, Nikolla Gruevski, ka deklaruar se nuk do të pajtohet që Maqedonia të heqë dorë nga identiteti si kusht për zgjidhjen e kontestit të emrit me Greqinë.

“Ne jemi të vetëdijshëm se problemi me të cilin përballemi është Greqia, dhe se duhet të përqendrohemi rreth këtij problemi dhe ne këtë do ta bëjmë në të ardhmen. Do të kërkojmë mënyra që të arrihet deri te ndonjë zgjidhje, e cila në një formë do të na zhbllokojë. Do të vazhdojmë me ato përpjekje, meqë ne siç kamë theksuar ditëve të fundit dëshirojmë vendin ta shpijmë drejtë Bashkimit evropian dhe NATO-s”, u shpreh Gruevski.

Kryeminsitri maqedonas i bëri këto komente pas një takimi me liderët politikë dhe përfaqësuesin e BE-së në Shkup. /rel/telegrafi/

http://www.telegrafi.com/?id=3&a=4726

reparti kimik · 12.12.2009, 13:33

Citim:

Gruevski: Nuk heqim dorë nga identiteti

Ça identiteti?

14.12.2009, 21:38

Citim:

SHBA, plan sekret për zgjidhjen e emrit të Maqedonisë

Gazeta greke "Elefterotipija" shkruan në artikullin me titull 'Amerikanët përgatisin kurth për emrin e Ish-Republikën Jugosllave të Maqedonisë' se Uashingtoni zyrtar rekomandon emrin 'Republika Veriore e Maqedonisë', si zgjidhje për kontestin e emrit mes Shkupit dhe Athinës dhe përdorimin e termit "maqedonas" për përcaktimin e identitetit dhe gjuhës.

"Është koha t'i jepet fund kontestit të emrit dhe të kuptohet rëndësia që do të kishte zgjidhja e tij dhe hyrja e Maqedonisë në strukturat euroatlantike", thonë për gazetën diplomatë të lartë amerikanë.Amerikanët janë duke bërë presion për zgjidhjen e emrit përmes ndërmjetësit të OKB-së, Metju Nimiç.

"Plani amerikan, -shkruhet ne gazetë, parashikon që emri i ri 'Republika Veriore e Maqedonisë' të kalojë në Këshillin e Sigurimit të OKB-së, që do të kishte dhënë rekomandimin që ky emër të përdoret nga të gjitha shtetet anëtare të Kombeve të Bashkuara në marrëdhëniet dypalëshe me Maqedoninë.

Për identitetin dhe gjuhën është parashikuar e ashtuquajtur 'zgjidhje e qetë', respektivisht përcaktimi i tyre si 'maqedonas' të shkruhet në regjistrin e OKB-së, duke mos pasur nevojë për aprovim të Greqisë.

'Elefterotipija' shton se praktikisht, Athina këtë nuk do të mund ta ndërpresë. Më tej thuhet se administrata e re amerikane, duke mësuar nga gabimet e administratës së mëparshme, planifikon t'i përgënjeshtrojë argumentet greke para samiteve të NATO-s dhe BE-së të planifikuar në vitin 2010.

http://www.ora-news.com/mat1.php?idm=41195

16.12.2009, 22:32

Citim:

Gruevski akuzon Cërvenkovskin se po mban anën e Greqisë

Maqedonia është e gatshme në çdo kohë të vazhdojë bisedimet me Greqinë për gjetjen e zgjidhjes së përbashkët dhe të pranueshme nga të dyja palët, ka deklaruar negociatori për çështjen e emrit, Zoran Jolevski. Sipas tij, emri i ri duhet të mbrojë identitetin, dinjitetin dhe integritetin e popullit maqedonas.

Negociatori maqedonas, Zoran Jolevski në një prononcim për agjencinë Makfaks tha se ka realizuar një bisedë telefonike me ndërmjetësin e Kombeve të Bashkuara, Metju Nimic në të cilin është biseduar për vazhdimin e bisedimet me Greqinë me ndërmjetësim të Kombeve të Bashkuara.

Ndërkohë, kryetari i partisë më të madhe opozitare, LSDM Branko Cërvenkovski, në një intervistë për të përditshmen ‘Utrinski Vesnik’ tha se edhe pse paralajmërohen bisedime të reja, opozita për këtë ende nuk është njoftuar nga kryeministri Gruevski se cilat do të ishin pozicionet e fundit të Maqedonisë.

Cërvenkovski gjithashtu ka thënë se është e pakuptimtë të kërkohet unitet nga opozita e cila ashtu sikur edhe opinioni më i gjerë aspak nuk është njoftuar me vijën e kuqe të Maqedonisë.

Kjo deklaratë e Cërvenkovskit ka hasur në reagimet e Kryeministrit Gruevski, i cili madje akuzoi liderin e LSDM-së, se po mban anën e Greqisë.

“Opozita jonë me qëndrimet e saj në njëfarë mënyre ndihmon palën tjetër, Greqinë duke na shpallur ne fajtor. Kjo është një dimension i parë i kësaj çështje. Dimensioni i dytë, qëndron në faktin se unë në njëfarë mënyre pajtohem se ndoshta bartim faj, por fajin se nuk lejuam të zhvishemi si popull, në tërësi të fshihemi nga harta e shteteve dhe kombeve, të pranojmë ndryshimin komplet të emrit dhe identitetit për përdorim të përgjithshëm dhe ndryshim të gjuhës dhe kombit, në një kontest të tillë unë pranoj faj”, deklaroi kryeministri Nikolla Gruevski.

Por nga LDSM mbeten në qëndrimin e njëjtë që Qeveria nëpërmjet unitetit të brendshëm tu qaset në mënyrë qenësore bisedimeve.

“Vetëm nëpërmjet bisedimeve të këtilla do të vijmë në dijeni se cilat janë pozicionet fillestare dhe përfundimtare për negocim të të dyja palëve dhe a është e mundur një zgjidhje e pranueshme nga të dyja palët; ajo që kërkohet edhe me rezolutën e kombeve të bashkuara por edhe në akte të tjera të BE-së dhe NATO- s”, u shpreh Aleksandar Tavçiovski, përfaqësues i këshillit diplomatik të LSDM- së.

Komentet u bënë pas mbledhjes së këshillit diplomatik të partisë së Cërvenkoveskit, ku gjithashtu u kërkua nga Qeveria që të gjejë mënyrë se si edhe njëherë të rrisë interesimin e SHBA-së në zgjidhjen e çështjes së emrit si dhe të aktualizojë sërish integrimit e Maqedonisë në NATO.

http://alsat-m.tv/index.php/lajme/vendi/21416.html

Citim:

Tensione në qeverinë e Maqedonisë

Partnerët shqiptarë të koalicionit qeverisës në Maqedoni paralajmërojnë partinë e kryeministrit Nikolla Gruevski, VMRO-DPMNE, të ndryshojë qëndrimin për çështjen e emrit dhe të përparojë në rrugën drejt Evropës.

Deputetja e Bashkimit Demoratik për Integrim, Ermira Mehmeti, tha në një intervistë për BBC-së se, nëse qeveria e Maqedonisë nuk tërhiqet nga qëndrimet e saj "që stimulojnë antieuropianizëm", atëhere, ata do të rivlerësojnë qëndrimin e tyre.

"Maqedonia nuk ka alternativa, nëse bllokohet procesi integrues," tha zonja Mehmeti.

"Nëse nuk tërhiqet qeveria nga politika aktuale që stimulon antieuropianizëm, që stimulon një formë animoziteti ndaj idesë së Evropës së bashkuar, atëherë nuk ka dilemë, nuk do mend, se partnerët në qeveri do të duhet të bëjnë një rivlerësim të pozicioneve, por edhe të qëndrimeve të tyre për sa i përket integrimit evropian," tha ajo.

"Kjo gjithësesi nuk do të bëhet nën presion të emocioneve apo të fjalorit urrejtes," tha deputetja e BDI-së për BBC-në.

Deklaratat e zonjës Mehmeti vijnë pas shfaqjes së një tensioni mes partisë kryesore qeverisëse VMRO-DPMNE-së dhe BDI-së.

Të martën deputetja e partisë maqedonase në pushtet, Kosana Nikoliq-Mazneva, akuzoi dy koleget e saj të BDI-së, Teuta Arifi dhe Ermira Mehmeti, për atë që ajo e quan nxitje të urrejtjes ndëretnike.

"Maqedonia e ka toleruar valën e urrejtjes që ka dalë nga pena e tyre," tha zonja Mazneva.

"Ato letrën e përjetojnë si kallashnikov, kurse bojën si municion, me të cilat duhet të kositet gjithçka që është kombëtare dhe përparimtare, gjithçka që është maqedonase," tha deputetja Mazneva.

Reagimi i saj erdhi pasi dy deputetet shqiptare publikisht kanë kundërshtuar politikat e kryeministrit Gruevski.

Deputetja dhe nënkryetarja e BDI-së Teuta Arifi, shkruan opinionet e saj një herë në javë në një nga të përditshmet maqedonase.

Në artikullin e saj të fundit ajo shkruan se shqiptarët nuk kanë alternativë tjetër veç NATO-s dhe BE-së.

"Nëse nuk përdoret mirë, periudha në vijim, atëherë në qeveri do të jetë e panevojshme pjesëmarrja e partnerit shqiptar, i cili nuk do të bëjë asnjë gjë në një qeveri euroskeptike dhe anti-NATO," shkruante zonja Arifi.

Deputetja Mehmeti ishte shprehur më herët kritike ndaj paralajmërimeve se në sheshin kryesor të Shkupit do të vendoset statuja e Aleksandrit të Madh, projekt që u la në heshtje në periudhën para se të merrej vendimi nga BE, nëse Maqedonia do të fillonte negociatat me BE-në për anëtarësim të plotë.

Tani zyrtarë të VMRO-DPMNE-së sygjerojnë se do të vijohet me ngritjen e përmendores gjigande, veprim që konsiderohet si provokim për Greqinë, e cila historinë e antikitetit e konsideron si pjesë të kulturës së saj.

Politika e jashtme e qeverisë së kryesuar nga VMRO-DPMNE-ja po shkakton tensione tek partneri shqiptar BDI, thotë Jeton Shasivari, profesor në Universitetin e Evropës Juglindore.

"Këto sjellje mes VMRO-DPMNE-së dhe BDI-së ndërlidhen në dy aspekte. I pari është dështimi i politikës së jashtme të drejtuar nga VMRO-ja, sidomos pas samitit të BE-së ku Maqedonia ngeli pa datën e fillimit të negociatave gjë që reflektohet me tone negative në politikën e brendshme, dhe çështja e dytë, ka të bëjë me raportet mes BDI-së dhe VMRO DPMNE-së," thotë zoti Shasivari.

"Këto dy subjekte politike edhe pse qeverisin bashkë nuk arritën të vendosin një raport mirëbesimi, një raport të ndarjes së pushtetit mes vete," thotë ai.

Zgjedhje të parakohshme?

Në media ka sygjerime se e gjithë kjo situatë mund ta çojë vendin në zgjedhje të parakohshme nëse BDI-ja del nga qeveria.

Partitë e tjera shqiptare, Partia Demokratike Shqiptare dhe Demokracia e Re në opozitë, kanë paralajmëruar se nuk do të pranojnë të jenë pjesë e qeverisë Gruevski që, sipas tyre, po çon vendin drejt paqartësive.

Deri më tani asnjë përbërje e ekzekutivit në Maqedoni, që nga pavarësia e saj, nuk ka ndodhur që mos të ketë përfaqësues shqiptarë.

Sllobodan Çashule, kryeredaktor i të përjavshmes Forum dhe ish-ministër i jashtëm, thotë se "situata bie erë tregëtie politike, sidomos mes partnerëve qeveritarë."

"E vetmja mundësi për të pasur zgjedhje të parakohshme është pasi të shihet çdo të ndodhë me problemin me Greqinë. Deri në zgjidhjen e tij nuk pres zgjedhje," thotë zoti Çashule.

"Askush nuk do të bëjë një gjë të tillë tani, sepse kur është fjala për qeverinë do të vlerësohet si largim nga një përgjegjësi, që historikisht do t'u kushtojë shumë shtrenjtë," thotë zoti Çashule.

Rreth një javë më parë Maqedonia nuk arriti të marrë një datë për fillimin e negociatave, për shkak të kundërshtimit grek.

Asaj, megjithatë iu dha një shans që gjatë një periudhe gjashtë mujore të zgjidhë këtë çështje.

Maqedonia është vënë në pozitë jo vetëm mes integrimeve dhe emrit, por edhe nga tensionet politike të brendshme që mund të sjellë status kuoja, pasi subjektet shqiptare dhe opozita maqedonase nuk pranojnë qëndrimet e partisë qeverisëse VMRO-DPMNE, e cila nuk e konsideron si kusht të domosdoshëm integrimin e vendit në strukturat euroatlantike.

http://www.bbc.co.uk/albanian/news/2...hmetibdi.shtml

18.12.2009, 00:03

Citim:

Greece bribes Macedonian Journalists, Politicians to Support Athens

The 15 year old scandal resurfaced again in Athens, in which current and former Greek politicians admitted to paying large sums of money to journalists and News organizations to spread Anti Macedonian propaganda, though without ever releasing the names of the recepients of these money.

In Macedonia, different story. The Greek Government while paying their own journalists to spread propaganda and hatred against Macedonians living there at the same time (re)inventing history, Athens had also deposited large sums of money to Macedonian journalists and politicians to support Greece in the naming dispute.

Though this was evident since 1990, it went over the top after PM Gruevski took office. More than a dozen Macedonian journalists and several politicians support Athens' views and propagate immediate change of the country's name. In fact these people support whatever Athens' views are.

How good are these bribes?

Some of Macedonia's journalists (see list below) apart from supporting Athens, go in hysteria mode sending letters to EU organizations misinforming them of how terrible the Macedonian Government is to its people and neighbors!?

Few journalists and organizations have been fined over 40,000 Euros each for deliberately printing false information after being challenged in Court by Government officials. The journalists paid the court punishment (on what salary?) and continued to misinform.

Athens keeps tabs on who received the $130 million of bribes in Greece to spread propaganda on how 'greek' Macedonia was, and this information is of "high national interest", therefore not available to the public despite challenges from Greek paper (Eleftherotypia).

In Macedonia, journalists and Newspapers on Athens' payroll are not attempting to hide this fact. Some of them go as far to drive around in cars bearing Greek license plates!

The following list is of Macedonian journalists and newspapers whose direct deposit accounts are on a one way street to the Greek Government. The list is well known, and has been recently published by a Skopje based paper Vecer and TV Sitel.

Where does Greece have all this money available from? Paying 'Greeks' on average 1,500 drachmas ('award' went up each year) to report anyone who spoke Macedonian to a local police station since 1945. This kind of irresponsible spending eventually caught up to Athens...

Mak Newspapers bribed by Greece

Dnevnik
Utrinski Vesnik
Makfax
A1 Television
Vreme
Spic

Mak Journalists, Policians bribed by Greece

Branko Crvenkovski
Vladimir Buckovski
Ljubomir Frckovski
Radmila Sekerinska
Nikola Gelevski
Branko Geroski
Vladimir Milcin
Ivica Anteski
Maja Bojadzievska
Dzabir Derala
Lidija Dimova
Gordana Duvnjak
Gjuner Ismail
Ema Markoska
Erol Rizaov
Ida Protugjer
Biljana Sekulovska
Slobodanka Jovanovska
Mariela Trajkovska
Goce Mihajlovski

http://macedoniaonline.eu/content/view/11083/2/

6.1.2010, 15:16

Citim:

Tadiq i gatshëm të ndërmjetësojë në kontestin me emrin

Presidenti serb, Boris Tadiq është i gatshëm të ndërmjetësojë ndërmjet Shkupit dhe Athinës për zgjidhjen e mosmarrëveshjeve për emrin. Tadiqi, këtë ide e shprehu gjatë takimit me ambasadorët e huaj të akredituar në Beograd, ku foli për prioritetet e politikës së jashtme serbe. Këtë ide ia tha edhe kryeministrit grek Papandreu, me të cilin u takua dje.

"Unë edhe gjatë bisedimeve të djeshme me kryeministrin grek, Papandreu shpreha gatishmërinë e Serbisë për të ndërmjetësuar në zgjidhjen e mosmarrëveshjeve mes Greqisë dhe Maqedonisë. Kam punuar në mënyrë aktive për këtë çështje gjatë vitit të kaluar, si dhe për të gjitha çështjet kontestuese në rajonin e Evropës Juglindore. Serbia është gjithmonë e gatshme për të marrë pjesë në mënyrë aktive, e jo të jetë sikurse ishte në të kaluarën, pjesë e problemeve, por të jetë pjesë e zgjidhjes", shtoi Boris Tadiq.

Tadiq nuk dha më shumë hollësi, e as se cfarë përgjigje mori nga Papandreu, as se çfarë do të thotë fakti që për herë të parë u angazhua aktivisht rreth kapërcimit të mosmarrëveshjeve midis Maqedonisë dhe mikut tradicional të Serbisë - Greqisë.

Ndërkaq, nuk flasin shumë as informacionet që i transmetuan mediat greke nga vizita e Papandreut në Beograd, ndonëse edhe kryeministri grek, në një informatë të shkurtër që të agjencisë shtetërore greke të lajmeve ANA, përmend mundësinë e çdo nisme.

Me rëndësi të veçantë është se Papandreu tha se sidomos për shtetet që e përbënin ish-Jugosllavinë, është mirë që t’i dinë pozicionet greke, "pasi ata njihen shumë mirë ndërmjet vetes dhe ata gjithashtu mund të ndërmarrin nisma".

Papandreu, sipas agjencisë ANA shtoi edhe se mesazhi dërguar deri te IRJM "është se ne jemi këtu për të ndihmuar". Për deklaratën e Tadiqit, e cila vjen një ditë pas takimit të tij me Papandreun në Beograd nuk ka koment nga pala maqedonase.

Shkupi zyrtar po hesht edhe për mesazhet e Papandreut për mosmarrëveshjet me emrin, se Athina e pret hapin nga Shkupi, që të dy palët të gjenden në gjysmën e rrugës.

http://alsat-m.tv/index.php/lajme/vendi/21939.html

8.1.2010, 11:11

Citim:

Gruevski: Çdo ofertë për ndërmjetësim është e mirëseardhur

Kryeministri i Republikës së Maqedonisë, Nikolla Gruevski, i cili qëndron për vizitë zyrtare treditore në Izrael, sot në Jerusalem si qëllimmirë e vlerësoi ofertën e presidentit serb, Boris Tadiq që të ndëmjetësojnë për kontestin e emrit me Greqinë.

"Oferta e Tadiqit është e mirëseadhur. Ai nuk është as politikani i parë, e as i fundit të cilët dëshirojnë të involvohen në kontestin dhe të ndihmojnë. Shumë deri tani kanë tentuar, e disa vetëm kanë dëshiruar të ndihmojnë. Secili që dëshiron të ndihmojë është i mirëseardhur të ndihmojë", deklaroi Gruevski pas vizitës në pjesën e vjetër të Jerusalemit.

Ai tha se porosinë e njejtë do t'ua dërgojë edhe politikanëve tjerë, të cilët në të ardhmen do të ofrojnë ndërmjetësim në kontestin me emrin.

Kryeministri i Maqedonisë tha se nuk dëshiron thelbësisht ta analizojë porosinë e dërguar nga kolegu i tij grek, Jogros Papandreu se Greqia dhe Maqedonia duhet të takohen në gjysmë të rrugës për zgjidhjen e çështjes së emrit dhe se i mbetet Maqedonisë da ecë atë rrugë.

"E dëgjova atë deklaratë para disa ditëve dhe nuk do ta komentoja. Kam përshtypjen se ndonjëherë pala greke e flet atë që dëshiron ta dëgjojë Brukseli, ndërsa e bën atë që dëshirojnë ta shohin qytetarët e saj", tha kryeministri Nikolla Gruevski, duke iu përgjigjur pyetjes së gazetarëve./mia/

http://lajmpress.com/lajme/maqedoni/2853.html

Citim:

Gruevski kërkoi investime izraelite

“I sqarova presidentit Peres se dje patëm prezantim të mundësive për investim në Maqedoni, para afaristëve izraelit dhe se prezantimi është pritur mirë. Besoj se në të ardhmen ajo do të jetë bazë e mirë për këmbim më të mirë të afaristëve dhe krijimin e bizneseve të mira”, tha Gruevski duke shtuar se në takim është biseduar edhe për zhvillimin e dy vendeve, si dhe për kushtet për respektimin e negociateve për anëtarësimin e Maqedonisë në BE

Izraeli dhe Maqedonia janë vende miqësore të cilat kanë bashkëpunim të mirë, vlerësuan presidenti izraelit Shimon Peres dhe kryeministri i Maqedonisë, Nikolla Gruevski në takimin e sotëm në Jerusalem, informoi raportuesi i MIA-s.

“Maqedonia që ka të bëjë me ne, është mik i mirë dhe është vend i vogël që mund të jetë i madh. Ne ndërtojmë marrëdhënive me vende të vogla të cilat nuk dëshriojnë të mbeten të vogla, që domethënë që e bazojnë ardhmërinë e tyre në shkencë dhe teknologji, dhe jo në dimensione gjeografike dhe numër të banorëve”, tha presidenti izraelit Peres.

Ai theksoi se Izraeli dëshiron të bashkëpunojë me Maqedoninë në shkencë dhe bazë teknologjike dhe se është i impersionuar nga fakti që i ka treguar kryeministri Gruevski se pothuajse 100 për qind nga nxënësit e shkollave të mesme në Maqedoni e vazhdojnë arsimin e tyre në fakultet.

“Kjo domethënë se investimin që vendi mund ta bëjë për ardhmërinë e vet dhe për ardhmërinë e gjeneratave që vijnë. Duam të bashkëpuojmë në bazë shkencore dhe teknologjike me vendim tuaj për të cilin mendoj se është shumë i bukur dhe se mund të bëhet atrakcion për turistët izraelit dhe për investitorët izraelit. Besoj se jemi në fillim të një evolucioni të madh shkencor dhe teknologjik dhe se qëllimi i kohës së sotme nuk janë paratë por idetë, dituria dhe zbulimi”, tha Peres.

Sipas presidentit izraelit, Maqedonia ka vepruar me mençuri që hoqi dorë nga e kaluara ballkanike dhe u kthye drejt ardhmërisë evropiane, siç tha, Evropës i vjen mirë ta shohë si anëtare e plotë e BE-së dhe NATO-s.

Kryeministri Gruevski vlerësoi se Maqedonia dhe Izraeli kanë marrëdhënie të mira dhe komunikime, mirëkuptim të ndërsjellë dhe se në periudhën e fundit pas hapjes së Ambasadës së Maqedonisë në Tel Aviv janë realizuar më shumë vizita.

“Ka shumë punë që mund t’i mësojmë nga Izraeli, vend i cili është përparimtar me teknologji dhe në shumë sfera ka sukses, që është shembull i mirë. Besoj se marrëdhëniet mes Maqedonisë dhe Izraelit janë gjithnjë e më të mira dhe kemi komunikim të mirë. Njëra nga urat e komunikit është edhe bashkësia izraelite në Maqedoni e cila është e vogël, por shumë e respektuar dhe e rëndësishme”, tha kryeministri Gruevski, duke theksuar se ndërtimi i Muzeut rajonal i Holokaustit në Shkup do të jetë simbol i rëndësishëm për bashkëpunim të mirë dhe komunikim mes dy vendeve.

Kryeministri i Maqedonisë tha se ekzistojnë mundësi të mira për përmirësimin e komunikimit të biznesit mes afarisëtve izraelit dhe atyre nga Maqedonia dhe se Maqedonia ofron kushte të mira për menaxhim të biznesit, që është mundësi e mirë për investitorët izraelit.

“I sqarova presidentit Peres se dje patëm prezantim të mundësive për investim në Maqedoni, para afaristëve izraelit dhe se prezantimi është pritur mirë. Besoj se në të ardhmen ajo do të jetë bazë e mirë për këmbim më të mirë të afaristëve dhe krijimin e bizneseve të mira”, tha Gruevski duke shtuar se në takim është biseduar edhe për zhvillimin e dy vendeve, si dhe për kushtet për respektimin e negociateve për anëtarësimin e Maqedonisë në BE.

Kryeministri i Maqedonisë sot pasdite në drekë solemne që për nder të tij e ka organizuar zëvendëskryeministri dhe ministër i Punëve të Jashtme, Avigdor Liberman, pas të cilës duhet të takohet edhe me kryeministrin, Benjamin Netanjahu.

Sot paradite Gruevski i vizitoi Muzeun e Holokaustit “Jad Bashem” në Jerusalem. Vizitën në Izrael do të përfundojë me takimin e nesërm me Cipi Livni, lidere e partisë më të madhe opozitare izraelite, Kadima.

http://fakti.mk/2010/01/gruevski-ker...ime-izraelite/

17.1.2010, 21:22

Citim:

Ahmeti për zgjidhje për emrin, kundër zgjedhjeve të parakohshme

Kreu i BDI-së Ali Ahmeti, hodhi poshtë sot çdo mundësi rreth daljes së Maqedonisë në zgjedhje të parakohshme, megjithë situatat kritike që përballet vendi, mungesën e zgjidhjes së emrit, paqartësinë e afatit rreth integrimit në NATO dhe marrjes së datës së negociatave me BE-në, si dhe situatën së krizës ekonomike.

Ahmeti, tha se megjithë këto angazhime që e presin koalicionin qeveritar, nuk është në diskutim mundësia e shpërbërjes së tij, por po luftohet rreth gjetjes së një kompromisi për çështjen e emrit.

"Nuk shtrohet çështja tani, a do të jemi ne pas 6 muajve në qeveri. Ne përpiqemi që të gjejmë zgjidhje dhe do të punojmë në këtë drejtim. Zgjedhje të parakohshme, ka kur vendi është në krizë, kur gjërat nuk ecin, siç duhet. Së paku, këto simptoma as së afërmi nuk janë vërejtur, në Maqedoni, koalicioni funksionon dhe nuk ka ndonjë shqetësim të krizës politike në vend. Të gjitha institucionet e shtetit funksionojnë si më mirë", pohon Ali Ahmeti, kryetar i BDI-së.

Ali Ahmeti, tha se e ardhmja e Maqedonisë është e qartë tashmë - integrimi i saj në Strukturat Euro Atlantike.

“Shpresojmë se gjërat do të shkojnë në drejtim të mirë. Ne kemi theksuar disa herë dhe theksojmë tani që alternativë tjetër, Maqedonia përveç NATO-s dhe Bashkimit Evropian nuk ka, dhe të gjitha palët përpiqemi të kontribuojmë në këtë drejtim”, shtoi Ali Ahmeti.

Ahmeti vlerësoi se koalicioni, që në fillimin e tij ndërtoi strategji për gjetjen e kompromisit për çështjen e emrit. Ahmeti vlerësoi angazhimin e BE-së dhe SHBA-së për përafrimin e qëndrimin mes palëve. Megjithatë, Ahmeti e shikonte me optimizëm situatën e zgjidhjes së emrit, dhe vlerësoi edhe punën e bërë deri tani nga koalicioni qeveritar, në 15 muajt e fundit.

Duke komentuar anketat e fundit që flasin për rënien e rejtingut të BDI-së, Ahmeti i quajti normale, dhe nxitëse për të punuar akoma me devotshmëri.

http://alsat-m.tv/index.php/lajme/vendi/22304.html

1.2.2010, 14:47

Citim:

Bashkohet opozita maqedonase pa partitë opozitare shqiptare

Opozita maqedonase e shoqëruar nga një parti minore turke sot do të promovojë platformën e përbashkët për aktivizimin e frontit opozitar, që do të kundërshtojë ashpër politikën aktuale të VMRO-DPMNE-së me në krye kryeministrin Nikolla Gruevski.

Në kuadër të këtij fronti opozitar janë të kyçur: Lidhja Social- Demokrate (LSDM), Partia e Re Social-Demokrate (PRSD) e Tito Petkovskit, Partia Liberale (PL) e Stojan Andovit, Partia e të Gjelbërve (PGJ), Alternativa e Re (AR) e Gjorgji Orovçanecit, Partia Social-Demokrate (PSD) e Lupço Jordanovskit si dhe Partia për Bashkimit Kombëtar të Turqëve (PBKT) e Erdogan Saraçit.

Në konferencën e përbashkët këto parti do të promovojnë strategjinë e përbashkët e cila do të drejtohet kundër pushtetit aktual, por siç bëhet e ditur nga burime brenda LSDM-së, platforma do të ketë si pikësynim gjendjen ekonomike, proceset evrointegruese dhe marrëdhëniet midis komuniteteve, etj.

Ky front i përbashkët opozitar maqedonas vjen në një periudhë kur janë shtuar zërat për organizimin e zgjedhjeve të parakohshme parlamentare. Asnjë nga partitë shqiptare opozitare nuk i janë bashkuar këtij fronti opozitar dhe se ato nuk kanë dashur të komentojnë këtë bashkim të ri forcash.

Mirëpo nga LSDM, kanë theksuar se janë të hapur edhe për partitë shqiptare si PDSH, DR dhe partitë e tjera, me qëllim të zgjerimit të presioneve dhe politikës kundër politikave antiqeveritare. Frontit opozitar nuk i është bashkuar edhe Partia Liberal-Demokrate e Jovan Manasievskit por edhe partia Të Bashkuar për Maqedoninë e Lube Boshkovskit. (A.Mehmeti/INA)

http://www.ina-online.net/Default.as...5ed9e53a1&ln=3

11.2.2010, 04:11

Citim:

Fuere parashikon tensione ndëretnike në Maqedoni

Shkup - Ambasadori i Bashkimit Evropian në Shkup, Ervan Fuere rithekson se shtyrja për caktimin e datës së fillimit të negociatave me Maqedoninë do të rriste tensionet ndëretnike në këtë vend.

“Shtyerja e caktimit të datës për fillimin e negociatave për anëtarësimin e Maqedonisë në BE mund të jetë potencial për tensione ndëretnike në këtë vend. Nëse zgjidhja zvarritet më tej, atëherë mund të ketë patjetër potencial që do të çojë drejt tensioneve ndëretnike”, ka theksuar evroambasadori Fuere në një intervistë për gazetën austriake “Standard”.

Ai ka tërhequr vërejtjen se në Maqedoni mbizotëron dëshpërimi që BE e la këtë vend pezull në kontestin e emrit me Greqinë, ndërkohë që Zagrebi e mori mbështetjen nga Brukseli për mosmarrëveshjet me Slloveninë. Sa më shumë kohë kalon, atëherë do të jetë vështirë që të mbahet fryma e reformave në Maqedoni”, ka deklaruar ambasadori evropian, duke shtuar se zgjidhja e emrit mund të vijë vetëm nëse do të ketë takime intensive midis udhëheqësve politik të Maqedonisë dhe Greqisë.

http://www.gazetastart.com/lajm.php?...ptare&nr=11013

24.2.2010, 21:49

Citim:

Ylli komunist assesi të shuhet!

Tetovë, 22 shkurt - Ylli pesëkëndësh i trashëguar nga ish-Jugosllavia vazhdon të figurojë edhe më tej në objektet e njësive rajonale të ministrive në Tetovë, në dokumentacione dhe vula.

Edhe në ueb faqet e Ministrisë së Punëve të Jashtme, Listës zgjedhore, Këshillit ekonomiko-social dhe linqet e tjera, ylli pesëkëndësh vazhdon të mbetet i pandryshuar edhe tre muaj pas sjelljes së ligjit për ndryshimin e stemës së re të Maqedonisë, ku parashihet fshirja e yllit pesëkëndësh.

Zëdhënësi i Qeverisë, Martin Martinovski, thotë se nuk është bërë ndonjë analizë se sa do të kushtojë ndryshimi i të gjitha tablove, dokumentacioneve, vulave dhe stemës në vende të tjera dhe për këtë, sipas tij, nuk ka ndonjë projekt të përbashkët, por është lënë që secila ministritë ti bëjë ndryshimet në kuadër të kompetencave.

"U janë dhënë rekomandimet secilës ministri dhe ata duhet ti bëjnë këto ndryshime dhe vetë ti mbulojnë shpenzimet. Afat të prerë nuk ka sepse bëhet fjalë për shumë ndryshime, në tablot e ministrive dhe njësive rajonale do të ndryshohet së shpejti, ndërsa në dokumentacione u është dhënë një afat më i gjatë, deri sa të harxhohen dokumentacionet aktuale", deklaroi për "Koha", Martin Martinovski, zëdhënës i Qeverisë.

Deri më tani janë ndryshuar stemat në tablonë e Qeverisë dhe objekteve të shumë ministrive, ndërsa së shpejti pritet edhe ndryshimi i institucioneve të tjera të eshalonit të dytë dhe të tretë.

"Në Qeveri është ndryshuar tabela edhe në disa ministri gjithashtu. Qeveria ka për obligim të ndryshojë tabelat e Qeverisë dhe objekteve të Ministrive, ndërsa për njësitë rajonale dhe institucionet e tjera duhet ti ndryshojë secila ministri përgjegjëse", sqaron zëdhënësi qeveritarë, Shefik Duraku.

Ai bëri të ditur se ka filluar edhe ndryshimi i vulave të disa ministrive dhe kjo procedurë është kah fundi. Ndryshimet në ueb faqen e Ministrisë së Punëve të Jashtme dhe institucioneve tjera shtetërore, Duraku tha se do të bëhen bashkë me përkthimin e të njëjtave në gjuhën shqipe.

"Në ueb faqet e ministrive gjithashtu kanë marrë rekomandime dhe duhet tu japin urdhër përgjegjësve të informatikës dhe t'i bëjnë ndryshimet. Pritet që nga java tjetër të merret vendim për përkthimin e ueb faqeve edhe në gjuhën shqipe dhe kur do të bëhet kjo në të njëjtën kohë do të bëhet edhe ndryshimi i stemës", deklaroi Shefik Duraku, zëdhënës i Qeverisë.

http://www.koha.com.mk/a10.html

3.3.2010, 04:31

Citim:

Republika e Vardarit zgjidhja e vetme për çështjen e emrit

Në Parlamentin e Greqisë janë shtuar debatet lidhur me kontestin e emrit të Maqedonisë, me ç`rast një nga propozimet e shpalosura është që zgjidhja e vetme është emri Republika e Vardarit.

Partia opozitare LAOS ka kërkuar që asnjëherë të mos pranohet që emri Maqedoni të shfrytëzohet nga ana e Shkupit zyrtar. “Përse t`i japim emrin Maqedoni, maqedonasve të rrejshëm. Ky vend fqinj po sillet në mënyrë provokuese dhe andaj Qeveria e Greqisë duhet të kthejë pozicionet e saja të vitit 1992”, ka theksuar deputeti i LAOS, Konstantinos Aivaliotis, i cili ka kërkuar sqarime lidhur me negociatat e fundit dhe vizitën e ndërmjetësit të OKB-së, Metju Nimic.

Deputetët e LAOS kanë theksuar se zgjidhja bazë duhet të kërkohet tek emri Republika e Vardarit, pasi që sipas tyre, Maqedonia mbante një emër të tillë deri në vitin 1945. (INA)

http://www.ina-online.net/Default.as...22dbe121d&ln=3

11.3.2010, 04:23

Citim:

"To Vima": Uashingtoni propozon "Republika Veriore e Maqedonisë"

Athina ta rihetojë qëndrimin e vet në lidhje me kontestin për emrin me Shkupin dhe ta shqyrtojë propozimin "Republika Veriore e Maqedonisë" si zgjidhje për problemin, kanë kërkuar presidenti amerikan Barak Obama dhe sekretarja amerikane e Shtetit, Hilari Klinton në takimet në Uashington me kryeministrin grek Jorgos Papandreu, shkruan sot gazeta "To Vima".

Obama dhe Klintoni, siç theksohet, i kanë thënë Papandreut se nëse Greqia përgjigjet pozitivisht në kërkesën e tyre, Uashingtoni është i gatshëm ta informojë Këshillin e sigurisë së KB-së, se emri "IRJM" në të ardhmen mund të zëvendësohet me "Republika Veriore e Maqedonisë", ndërsa gjuha që flitet në vend si "gjuha veriore maqedonase".

Papandreu, sipas "To Vimës", e cila i referohet burimeve të lartë diplomatike amerikane e ka informuar Obamën dhe Klintonin se do të përgjigjet pasi që në detaje do ta shqyrtojë kërkesën e tyre.

Uashingtoni, siç theksojnë diplomatët amerikanë për gazetën, është fuqimisht i interesuar që të kompletohet përhapja e NATO-s në Evropën Juglindore, që nuk është e mundur pa zgjidhjen e problemit për emrin e Maqedonisë. SHBA-ja shpejton t'i inkuadrojë vendet e Ballkanit Perëndimor në NATO, për shkak të strategjisë së re mbrojtëse amerikane, e cila parashikon sistemim të mburrojave antiraketore në Evropën Lindore dhe në Mesdheun Lindor, në vend që në Poloni, Çeki dhe Baltik, siç është planifikuar më parë. Vendet e rajonit të Evropës Lindore dhe Juglindore nën kushte të caktuara tashmë janë përgjigjur pozitivisht në kërkesën amerikane për sistemim të mburrojës antiraketore, shkruan "To Vima".

Ndërkohë, zëvendës-shefi i diplomacisë greke Dimitris Drucas, i cili e shoqëron Papandreun në Uashington për televizionin "Skaj" pohoi se çështja e emrit, krahas Qipros dhe marrëdhënieve me Turqinë, është një nga temat e takimeve me presidentin dhe me sekretaren shtetërore të SHBA-së. Ai pohoi se nga Athina nuk është kërkuar asgjë plotësuese dhe se pozicionet e saj në lidhje me çështjen e emrit janë "të qarta dhe mirë të njohura".

http://www.ina-online.net/Default.as...ad06f8b1d&ln=3

20.3.2010, 08:12

Citim:

Riker: Mos shpikni gjëra që realisht nuk ekzistojnë

Historia duhet të shfrytëzohet si kontekst, duke menduar njëkohësisht në të ardhmen. Këtë porosi ka bërë Ambasadori i Amerikës në Shkup, Filip Riker para studentëve të universitetin FON, i cili ka mbajtur një ligjëratë i për politikën e jashtme amerikane.

Sipas ambasadorit, Maqedonia dhe maqedonasit kanë histori të gjatë dhe si tha të ekzistimit prej qindra vitesh të gjuhës dhe kulturës.

“Këto punë mos i bëni më të vështira se sa duhen të jenë dhe mos shpikni gjëra që realisht nuk ekzistojnë. Ju jeni ata që përherë do të jeni. Qëndrimi ynë dhe i politikës sonë në raport me Maqedoninë është konsistent. Dëshirojmë të shohim se Maqedonia i ka plotësuar të gjitha objektivat, qëllimet afatgjata në politikën e jashtme, pasi besojmë se anëtarësimi në NATO dhe procesi i aderimit në BE do të jenë shumë të mira për sigurinë dhe përparimin e Maqedonisë’, ka theksuar ambasadori Riker duke folur edhe për objektivat e Uashingtonit në raport me problemet botërore, si situata në Afganistan, Irak, ngrohja globale dhe kriza financiare.

http://fakti.mk/2010/03/riker-mos-sh...uk-ekzistojne/

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar