BE-ja si faktor politik antishqiptar

18.11.2009, 11:00

Citim:

Brukseli: Kosova mbetet një sfidë e madhe për Evropën

Bruksel, 18 nëntor - Kosova mbetet një sfidë për Bashkimin Evropian dhe për misionin e tij, ndërsa shefat e diplomacive të 27-shes thonë se megjithatë progres ka.

Ministrat e punëve të jashtme dhe të mbrojtjes së BE-së në takimin në Bruksel, kanë theksuar se Kosova është edhe më tutje një sfidë, si për banorët e Kosovës, ashtu edhe për vetë BE-në.

Kryesuesi i Këshillit të Ministrave të BE-së, shefi i diplomacisë zuedeze Karl Bilt, është shprehur: "A ka sfida të mëdha për EULEX-in në Kosovë? Ka! BE andaj e dërgon misionin e tij atje ku ekzistojnë sfida të mëdha. Për fillim ekziston nevoja për ndërtimin e sundimit të së drejtës si dhe për mbështetje në ndërtimin e funksionimin e strukturave të shtetit. Progres tani për tani ka, por larg mendsh që puna të jetë kryer".

Në Bruksel është theksuar se misioni evropian në Kosovë po bashkëpunon me autoritetet lokale dhe se në përmbushjen e mandatit të tij është sistemuar në tërë territorin e Kosovës.

Si një nga sfidat më të mëdha në Kosovë në Bruksel theksohet situata e vështirë ekonomike dhe nevoja që politikanët lokalë të zbatojnë reofrmat e domosdoshme ekonomike.

Duke vlerësuar zgjedhjet e së dielës, shefat e diplomacive kanë porositur se ky është një proces pozitiv në zhvillimin e situatës në Kosovë.

http://www.kosova.com/artikulli/57609

mesdimr · 18.11.2009, 11:29

EU.Bosnia.v2.0b.Kosovo.Edition.Incl.Keygen-CoE.zip

6.12.2009, 20:57

Citim:

Militarizimi serb dhe çmilitarizimi shqiptar

Në shtator të vitit 2005, Lëvizja Vetëvendosje vuri në pah rrezikun e ndërtimit të një baze të madhe ushtarake të Serbisë në Luginë të Preshevës. Atëbotë, ndërtimin e kësaj baze e kishte paralajmëruar udhëheqësi i atëhershëm i Qendrës Koordinuese Serbe për Kosovën (tash Ministria e Serbisë për Kosovën dhe Metohinë), Nebojsha Çoviq, më 20 janar 2005 në B92.

Sipas arsyetimit që e dha Çoviqi lidhur me këtë investim të shtetit serb në Luginë të Preshevës, baza po ndërtohej në mënyrë që ‘serbët e Anamoravës të ndjeheshin të sigurt’.

Në po atë kohë sapo kishte filluar diskutimi i procesit të decentralizimit, e bashkë me të edhe kontaktet e para shqiptaro-serbe, që u zhvilluan më tej në të ashtuquajtura ‘negociata për zgjidhjen e statusit të Kosovës’, të cilat fillimisht edhe nga përfaqësuesit shqiptarë, edhe nga ata serbë, quheshin ‘bisedime teknike’.

Katër vjet pas fillimit të ndërtimit të kësaj baze në Cepotin të Serbisë dhe pak kilometra larg Bujanocit, ajo u inaugurua nga krerët e lartë të shtetit serb këtyre ditëve të fundit. Kjo hapësirë ushtarake e Serbisë shtrihet në 22 hektarë dhe përmban 66 objekte me kapacitet prej 1.000 ushtarësh.

Por udhëheqësit politikë e ushtarakë serbë tashmë kanë bërë të ditur se kjo bazë do të zgjerohet më tej në të ardhmen për të mbuluar një hapësirë shtrirjeje prej 60 hektarësh.

Prej vitit 1999 Serbia ka vazhduar të militarizohet, kurse shqiptarët janë demilitarizuar gjithandej. Së pari u çarmatos e pastaj u shua Ushtria Çlirimtare e Kosovës nga Hashim Thaçi e Agim Çeku, më pas u çarmatos e u zhduk Ushtria Çlirimtare e Preshevës, Medvegjë dhe Bujanoc nga Pieter Feithi, proces ky që vazhdoi me demilitarizimin e Ushtrisë Çlirimtare Kombëtare nga Ali Ahmeti, dhe përfundoi me çmilitarizimin e Shqipërisë (anëtare e NATO-s). Në anën tjetër Serbia dhe Greqia (anëtare e NATO-s) vazhduan armatosjen e tyre nga Rusia, kurse Maqedonia bleu helikopterë të sofistikuar ushtarakë nga Ukraina.

Baza ushtarake serbe në Cepotin nuk po bëhet veç për Kosovën. As veç për Luginën. Por për të dyja. Më saktë: që të rritet trysnia për ndarjen e Kosovës përmes decentralizimit etnik në Anamoravë, në njërën anë, ashtu që Lugina të izolohet nga lidhja e natyrshme me Kosovën, kurse, në anën tjetër, duke e terrorizuar Luginën që ta nxis shpërnguljen e popullatës shqiptare prej atje.

Fushatës për ndarjen e Kosovës dhe zbrazjen e Luginës nga shqiptarët, Serbia tash ia shtoi edhe aspektin e hapur ushtarak. Serbia po e rrit investimin në kapatitetin e saj destabilizues, nëpërmjet të cilit i shtynë më tej planet e veta politike dhe ushtarake në Kosovë dhe rajon.

Në vend që ta dënonte këtë militarizim të Serbisë pikërisht mbi Luginë dhe në kufi me Kosovën, KFOR-i nxitoi që të na e heqte frikën neve shqiptarëve, gjoja baza ushtarake serbe nuk qenka kurrfarë rreziku për Luginën e as për Kosovën. Kurse krerët e lartë të NATO-s as që reaguan. Njëjtë bënë edhe politikanët e Kosovës. Kjo është sikur t’i vëresh natën vonë hajnat e maskuar që kanë hyrë për ta vjedhur shtëpinë, duke pretenduar se po sheh maskenball.

Këtë maskenball e pa edhe Jakup Krasniqi pas takimit me Albert Rohan, kur tha se Serbia ka të drejtë të ndërtojë ç’të dojë në territorin e vet, pa e përmendur trysninë dhe diskriminimin e vazhdueshëm që po u bëhet shqiptarëve atje nga shteti serb. Kurse një ditë pas, kryeparlamentari Krasniqi, sa për sy e faqe e botoi një shkrim në Koha Ditore, të cilin ia drejtoi popullit sa për ta kryer anën ceremoniale të imazhit patriotik, e ku shkruante se tash pas ndërtimit të bazës serbe shqiptarët duhet të mendojnë seriozisht për sigurinë e tyre.

Ky është Jakupi ynë që me ndërkombëtarët flet urt’ e but’, kurse përpara popullit rrah gjoks me deklarata e shkrime. Ai na shet mend si analist, ndërkohë që si Kryetar i Kuvendit asnjëherë të vetme nuk e problematizoi çështjen e pjesës veriore të Kosovës apo Luginën e Preshevës.

Analisti privat Jakup kërcënon me shkrime, kryeparlamentari institucionalist Jakup serviloset me veprime.

Serbia po militarizohet, shqiptarët po demilitarizohen. Serbia me 40.000 kriminelë lufte po futet në BE, shqiptarët proevropianë po refuzohen. Serbia po ndërton baza ushtarake dhjetërahektarëshe, shqiptarët duarthatë po akuzohen për deklarata radikale e nacionalizëm ekstrem.

Maqedonia po e shkel Marrëveshjen e Ohrit, Kosova po detyrohet të qëndrojë e mbështetur pas murit me Planin e Ahtisaarit.

Kosova po akuzohet pse nuk po i integron serbët, shqiptarët e Maqedonisë po akuzohen pse s’po integrohen në të.

Deri kur do ta lejojmë një situatë kaq të padrejtë mbi kurrizin tonë?

http://www.noa.al/index.php/vezhgim/...&print=1&page=

8.12.2009, 12:33

Citim:

BE zhbllokon marrëveshjen e Asocim Stabilizimit me Serbinë

Bashkimi Evropian ka vendosur që të zhbllokojë marrëveshjen e stabilizim asociimit me Serbinë, edhe nëse autoritete e Beogradit nuk e kanë arrestuar të akuzuarin kryesor të Hagës, gjeneralin Ratko Mladiq.

Po ashtu Këshilli ka bërë thirrje KE që të ndërmerr masat e domosdoshme për përkrahjen e Kosovës në përparimin drejt BE-së, veçmas masave që kanë të bëjnë me çështjen e tregtisë dhe vizave.

Vendimi për zhbllokimin e marrëveshjes së Asocim Stabilizimit u mor në dritë të raportit të fundit të kryeprokurorit të Hagës Serzh Bramerz, i cili ën Këshillin e Sigurimit të OKB-s u shpreh se është i kënaqur me përpjekjet e Serbisë në bashkëpunimin me Tribunalin e Hagës.

Pas shpalljes së pavarësisë së Kosovës BE-ja vendosi që t’ia lejojë Serbisë Marrëveshjen e Stabilizim Asociimit, por e njëjta mbeti e “ngrirë” deri në momentin kur Beogradi zyrtar e përmbushë kushtin e Hagës, që atëbotë nënkuptonte arrestimin e Mlladiqit dhe dërgimin e tij në Hagë.

Ky vendim u mor në takimin ministror ku temë kyçe janë vendet e Ballkanit dhe proceset e integrimeve evropiane të këtyre shteteve.

Në këtë kuadër Këshilli ka bërë thirrje Komisionit Evropian që të ndërmerr masat e domosdoshme për përkrahjen e Kosovës në përparimin drejt BE-së, që do ishte në linjë me perspektivën evropiane të tërë rajonit.

“Në veçanti, Këshilli i jep rëndësi të posaçme masave që kanë të bëjnë me çështjen e tregtisë dhe vizave, pa paragjykuar pozitën e vendeve anëtare lidhur me statusin”, thuhet ën dokumentin përfundimtar.

Autoriteteve kosovare iu bëhet thirrje që të bashkëpunojë me EULEX-in dhe të sigurojnë përkrahjen e duhur për punën e këtij misioni. Bashkëpunimi adekuat me EULEX-in kërkohet edhe nga Serbia ku përshëndetet nënshkrimi i protokollit, por nga Beogradi zyrtar kërkohet angazhim shtesë sidomos lidhur me operacionet e misionit evropian në veri të vendit.

Sipas Brukselit, situate në Kosovë mbetet e qetë, por edhe më tutje fragjile, andaj edhe tërhiqet vërejtja se mbeten shumë sfida në vend e sidomos ato që kanë të bëjnë me sundimin e ligjit, luftën kundër korrupsionit dhe krimit të organizuar, si dhe forcimi i kapaciteteve administrative dhe mbrojtja e pakicës serbe. /Gjeraqina Tuhina/

http://www.rtklive.com/new/?cid=1&newsId=34340

Citim:

Në Kosovë është ruajtur stabiliteti

Ministrat e Jashtëm të Bashkimit Evropian kanë vlerësuar sot në Bruksel se "në Kosovë është ruajtur stabiliteti, por situata e përgjithshme është e brishtë", dhe se "sfidat kyçe ende mbeten" sundimi i ligjit dhe lufta kundër korrupsionit dhe krimit të organizuar.

Ministrat e Jashtëm e kanë “përshëndetur mbajtjen e qetë të zgjedhjeve lokale” dhe kanë theksuar “rëndësinë e madhe të zbatimit korrekt e të plotë të procesit të mbetur zgjedhor”.

Në dokumentin përmbyllës të takimit në Bruksel, thuhet se “sfida kyçe” në Kosovë gjithashtu janë “forcimi i kapaciteteve të administratës, mbrojtja e serbëve dhe pakicave tjera, e trashëgimisë fetare dhe kulturore si dhe dialogu dhe mirëkuptimi ndërmjet bashkësive”.

Ministrat e Bashkimit Evropian kanë theksuar pritjen që Prishtina të bashkëpunojë me EULEX-in dhe të sigurojë veprimin e këtij misioni në Kosovë.

Këshilli i ministrave të BE-së gjithashtu e ka përshëndetur deklaratën e Komisionit Evropian për zhvillimin politik dhe ekonomik të Kosovës, duke shprehur kënaqësinë nga propozimi që instrumentet e BE-së të përdoren për zhvillimin politik dhe ekonomik të Kosovës.

Nga Komisioni Evropian është kërkuar që të marrë masa për të mbështetur përparimin e Kosovës drejt BE-së, kurse i është “kushtuar kujdes tregtisë dhe vizave, pa i paragjykuar qëndrimet mbi statusin”.

Ministrat e Jashtëm të BE-së e kanë “inkurajuar Komisionin Evropian që të mundësojë qasjen e Kosovës në programet e unionit, ta përfshijë Kosovën në kuadrin e mbikëqyrjes ekonomike dhe tatimore, duke i zbatuar komponentët tjerë të programit IPA” për përkrahje të procesit të stabilizimit dhe asocimit të Ballkanit Perëndimor. /REL/

http://www.telegrafi.com/?id=2&a=6558

23.12.2009, 21:57

Citim:

Nuk është befasi diskriminimi i shqiptarëve nga “asët” e BE-së!
Prof. Dr. Mehdi Hyseni

Sa për Evropën e vonuar dhe të rezervuar, po të mos ishte SHBA, Kosova qe 20 vjet, do të ishte vetëm një varrezë e madhe viktimash shqiptare të hollokaustit serbomadh. Që të mos ndërtohet ndonjë mur i ri i Berlinit midis shqiptarëve në Ballkan, shqiptarët duhet të gjejnë gjuhë të përbashkët me Amerikën, që t’i ndihmojë në zgjidhjen përfundimtare dhe të drejtë të çështjes kombëtare shqiptare. Ndryshe, i kërcënon rreziku, që të ngelin edhe më tej “monedhë kusuri” e Evropës së dikurshme, sikurse në rastin e liberalizimit të vizave Serbisë, Malit të Zi dhe Maqedonisë.

Nuk ka asnjë dyshim se, mos heqja e regjimit të vizave shqitarëve të Kosovës dhe të Shqipërisë nga ana e BE-së, është akt diskriminues, sepse nuk ka të bëjë me kurrfarë procedure teknike dhe ligjore, por ka vetëm karakter politik, që është në kundërshtim flagrant me Kartën e BE-së mbi të drejtat dhe liritë fundamentale të njeriut.

Kjo formë e diferencimit dhe e diskriminimit të shqiptarëve të Kosovës dhe të Shqipërisë nga ana e BE-së, dëshmon se shqiptarët janë një eksperiment sui generis për “Ballkanin Perëndimor” dhe për Bashkimin Evropian.

Diferencimi dhe izolimi i Kosovës dhe i Shqipërisë nga procedura e heqjes së vizave për shtetet e Shengenit të BE-së, sheshit vë në dukje faktin se, si në Kosovë, ashtu edhe në Shqipëri nuk sundon ligji dhe demokracia e mirëfilltë, si rrjedhim “i krimit të organizuar, i tregut të zi, i tregtimit të drogës, të njerëzëve etj.”(!?)

Nuk përjshtohet mundësia që Kosova dhe Shqipëria, të jenë të paprekura nga dukuritë e tilla shëmtuese të shoqërisë së sotme,kur edhe qeveria e Tiranës dhe e Prishtinës kanë nxjerrë ligje të posaçme për luftimin e këtyre dukurive negative.

Mirëpo, në këtë kuptim shtrohet pyetja për eurokratët “bizmarkë” dhe “meternihë” të BE-së:

- Mos Serbia, Mali i Zi dhe Maqedonia me “ligjet” dhe me “demokracinë” e tyre, e paskanë çërrënjosur krimin e organizuar, tregtimin dhe kontrabandën e zezë me njerëz, me mallra dhe me territore të huaja etj.?

Përgjigjja është negative-JO! Përkundrazi, si Serbia, si Maqedonia, si Mali i Zi janë qendrat dhe aktorët kryesorë të shkeljes së ligjit, të abuzimit të demokracisë, të mohimit të drejtave dhe lirive të njeriut, sidomos të shqiptarëve.

Pikërisht statusi i mjerueshëm dhe tragjik i shqiptarëve të diskriminuar nën Serbi, nën Mal të Zi dhe nën Maqedoni (si qytetarë të rendit të dytë dhe të tretë), mbi bazën nacionale, politike, juridike, kushtetuese, kulturore, arsimore, ekonomike, tregtare dhe humanitare, është argumenti krysor i “bankrotimit” të ligjit dhe, i mosfunksionimit të demokracisë në Serbi, në Mal të Zi dhe në Maqedoni.

Kjo do të duhej të ishte PENGESA KRYESORE për mos heqjen e vizave qytetarëve të Serbisë, të Malit të Zi dhe të Maqedonisë nga ana e Bashkimit Evropian (BE).

Ndërkaq, element tjetër negativ, që BE-ja nuk e ka marrë parasysh me rastin e heqjes së vizave serbëve, malazezëve dhe maqedonëve, është moszhdukja e krimit të organizuar në ato tri republika sllave, të cilat qe njëzet vjet rresht e kanë institucionalizuar dhe eksportuar me sukses, edhe në Shqipëri, edhe në Kosovë dhe, në gjithë Ballkanin, duke përfshirë edhe Evropën.

Realisht, as në kuptimin ligjor, as në atë demokratik dhe humanist, as Serbia, as Mali i Zi e as Maqedonia nuk i plotësojnë kushtet dhe standardet e BE-së, që të jenë liruar nga regjimi i vizave.

Dhe, jo vetëm kaq, as Serbia, as Mali i Zi, as Maqedonia nuk e kanë vendin në BE, as në NATO, as në OSBE, asnë OKB, derisa të mos i zgjidhin problemet ekzistuese me shqiptarët e diskriminuar sipas praktikës dhe interesit të tyre kolonial imperialist.

Sikur BE-ja të ishte e sinqertë, humane, e drejtë dhe vërtetë demokratike, në rastin e liberalizimit të vizave Serbisë, Malit të Zi dhe Maqedonisë, patjetër, është dashur t’i përfshinte edhe Kosovën, Shqipërinë dhe Bosnjë Hercegovinën.

Mirëpo, fatkeqësisht, për shkak të trajtimit dhe të zbatimit të standardeeve dhe kritereve të dyfishta ndaj shqiptarëve dhe boshnjakëve, vërtetoi të kundërtën-realpolitikën e dikurshme të Evropës vjetër të shekullit XX.

Pavarësisht nga kalkulimet politike dhe diplomatike të eurokratëve të BE-së, me rastin e “getoizimit” dhe të diskriminimit par exellence të shqiptarëve, që të mos lëvizin jashtë kufijve ballkanikë (ndryshe nga serbët, malazezët dhe maqedonët, të cilët, edhe pse kanë kryerë krime, vjedhje,plaçkitje, vrasje, terror, gjenocod ndaj shqiptarëve gjatë viteve 1989-2001,tani BE-ja i shpërbleu, duke ua hequr vizat)!?

Paragjykimi i prapavijës politike i BE-së, i qartë- nuk ka heqje vizash për shqiptarët se “mund ta vërshojnë Evropën”!?

Ja, kjo është “strategjia” dhe “barazia” e integrimit dhe e pajtimit të popujve të gjakosur të Ballkanit (1990-2001). Ata që kanë kryerë agresione dhe krime të luftës mbi shqiptarët kanë të drejtën dhe lirinë e lëvizjes në shtetet e “shengenit” të BE-së, kurse viktimat shqiptare dhe boshnjake myslimane nuk e gëzojnë një të drejt të tillë!?

Ja, ky është triumfi i politikës mbi ligjin, mbi të drejtën dhe mbi drejtësinë evropiane!

Me gjasë, një diskriminim dhe padrejtësi e këtillë ndaj shqiptarëve dhe Shqipërisë, do të ndodhë, edhe në rastin e aderimit të shteteve të “Ballkanit Perëndimor” në BE, ku me siguri, Mali i Zi, Serbia dhe Maqedonia, do të integrohen në të, para Shqipërisë.

Kështu, do të ndodhë, sikurse në rastin konkret të liberalizimit të regjimit të vizave të Serbisë, të Malit të Zi dhe të Maqedonisë.

Vetëm bashkimi i Shqipërisë Natyrale, mund t’i shpëtojë shqiptarët nga diskriminimi dhe nga izolimi i Evropës, si dhe nga kolonializmi i sllavëve të Jugut të Ballkanit!

Që të mos ndodhë një padrejtësi dhe diskriminim i këtillë sui generis ndaj shqiptarëve, Tirana dhe Prishtina zyrtare, që tash duhet ta kenë të gatshme Plaformën e tyre për bashkimin e Kosovës me Shqipërinë Natyrale. Ashtu siç parashikon, edhe Platforma e Shqiprisë Natyrale, e sajuar nga Dr. Koço Danaj (2009).

Vetëm ndërtimi edhe artikulimi i një Platforme të këtillë, të sugjeruar nga K.Danaj, mund të ketë evituar rrezikun nga diskriminimi dhe nga padrejtësia e Evropës së re ndaj shqiptarëve dhe Shqipërisë Natyrale.

Ndërkaq, të gjitha variantet e tjera të politikës dhe të diplomacisë së sotme shqiptare janë në dëm të inetresit të përgjithshëm të shqiptarëve dhe të Shqipërisë Natyrale.

Fundja, po qe se duam të jemi të barabartë me popujt e tjerë të Ballkanit, Tirana zyrtare sa më parë të jetë e mundur, duhet ta ketë të gatshme kërkesën e saj zyrtare për rindërkombëtarizimin e çështjes kombëtare shqiptare, ashtu siç parashikon Platforma e Shqipërisë Natyrale e Dr. Koço Danajt.

Të ridefinohet strategjia për zgjidhjen e ngutshme, të drejtë, reale, demokratike dhe paqësore e çështjes kombëtare shqiptare në Ballkan.
Ndryshe, edhe në këtë shekull, kombi shqiptar, do të jetë edhe më tej, vetëm “një lodër” e padhimbshme për biznesin politik dhe diplomatik të eurokratëve të Evropës.

http://lajmpress.com/opinion/2682.html

19.1.2010, 21:29

Citim:

Me sytë nga qielli e Beogradi
Enver Bytyçi

Shtëpia e verdhë e Dick Marty dhe kontraceptivët e Karla del Pontes

Dick Marty ka vendosur të shkojë në Prishtinë. Në gusht të vitit të kaluar kishte udhëtuar për në Beograd dhe së bashku me prokurorin serb të “krimeve të luftës”, Vladimir Vukçeviç, kishte “provuar” se “UÇK ka kryer krime kundër serbëve në kohën e luftës” dhe se “kishte bërë tregti me organet e brendshme të tyre”.

Këtë përrallë e besojnë të gjithë ata që kanë qenë dhe janë kundër pavarësisë dhe lirisë së Kosovës. Ndaj e beson edhe Dicku edhe Vladimiri. Nuk bëjnë përjashtim as zëra të tjerë në Europë, përfshirë Karla del Ponto.

Në Beograd Dick Marty “kishte zbuluar” se viktimat serbe nuk ishin sa thotë del Ponte, por nja 550 gjithsej, sa përmend dhe gazeta zvicerane NZZ. Ishte takuar me anëtarët e familjeve të “këtyre viktimave” dhe kishte dënuar ashpër “terrorizmin e shqiptarëve”.

Vuçkeviç i kishte thënë zotit Marty se “kishte në dorë të gjitha provat, të cilat fajësojnë shqiptarët për krime kundër serbëve”. Karla del Ponto ndërsa në fillim ishte dukur si “prokurorja e hekurt” kundër kriminelëve serbë, më pas ishte rikthyer te akuzat e llojit Marty kundër shqiptarëve.

Është interesant të vesh re transformimin e një njeriu si të ish-prokurores së Tribunalit të Hagës nga një “luftëtare për drejtësi”, në një shpifarake në shërbim të krimit dhe terrorit.

Ndërsa Rasti Marty së paku nuk bën pjesë në listën e ish- “luftëtarëve për drejtësi e liri”. Dick Marty e soji i tij kanë mbrojtur dhe mbrojnë gjithnjë “lirinë” e modelit ruso-serb, pra dhunën, terrorin, egërsinë e shtetit e të strukturave që prodhon ai kundër popujve jo serbë e jo sllavë.

Të gjithë ata që janë kundër dhunës sllavo-serbe, pra amerikanët, anglezët, austriakët e vetë zviceranët, janë për zviceranin Dick Marty “armiqtë e lirisë”. Në këtë pjesë ai ka kategorizuar gjithashtu shqiptarët për disa arsye:

Arsyeja e parë dhe kryesore që ka formuluar juristi dhe këshilltari I Këshillit të Europës është se shqiptarët nuk i përkasin racës sllave. Si të tillë ata automatikisht i klasifikon si “terroristë”, madje si përdhunues edhe të kufomave serbe.

Duke qenë se shqiptarët nuk janë serbo-sllavë, ata nuk flasin as gjuhën e serbo-sllavëve. E për Dick Marty gjuhët jo sllave janë “gjuhë urrejtjeje, antinjerëzore, të pakuptueshme dhe të urryeshme”. Së dyti, I ngarkuari për të hetuar të ashtuquajturat “krime të shqiptarëve kundër serbëve” këto ditë, kur do ta vizitojë Kosovën, ka vendosur të shoqërohet me një eskortë zvicerane policësh.

Sipas tij, “një vend “terroristësh”, si Kosova, është i pasigurt e për pasojë rreziqet janë shumë të mëdha”. Ai mund të shkojë në Beograd pa asnjë polic shoqërues. Mund të pritet madje edhe me lule. Mundet të pranojë prej beogradasve dhurata e peshqeshe të shumta të të gjitha kategorive, mund të qeshë e të gëzohet kur shkel në aeroportin e kryeqytetit serb. Por nuk mund të ndjehet mirë kur zbret në Sllatinë. Ndaj në Kosovë i duhet eskorta. Për ta “ruajtur” prej “terroristëve shqiptarë”.

Në të vërtetë zoti Marty nuk kishte marrë eskortë policësh e bodigardësh as kur kishte shkuar para disa muajsh në Shqipëri. Jo se ndjehej ngrohtë në atë vend “të mallkuar”, por edhe të çuditshëm.

Në atë vend që për herë të parë në historinë e kësaj bote “kishte transplantuar organet e brendshme nga një njeri i masakruar te një njeri I sëmurë, duke përdorur gërshërët e dhenve e duke e mbartur atë me barela plehrash.

Ai kishte shkuar në Mat dhe ishte drejtuar për në fshatin Gurbardhë, ku ai mendonte të gjente shiringat, “dorezat e llastikut” e kondomet e del Pontes, por nuk e kishin lënë fshatarët të futej aty. Jo për gjë, por në atë shtëpi dhe në atë fshat askujt nuk i pjell truri fantazi shtrigash e shiringash, lastiqesh e kondomesh.

Tani, duke qenë se në Gurbardhë nuk e lanë të hyjë, ka vendosur të hyjë me forcë në Kosovë, aty ku pretendon siç ia ka thënë prokurori serb, se “ndodhet” shtëpia e verdhë. Në Kosovë nuk do të hyjë më me fjalë e me besë, por me dhunë e polici.

Nëse zotit Marty do t’i kishin thënë në Beograd se shtëpia nuk është e verdhë, por është blu, me siguri do të ishte sëmurë nga qafa, duke kërkuar me sytë nga qielli. Tash i duhet të gjejë dëshmitarë të rremë, të paguar nga Beogradi që të gjejë gjurmët e “shtëpisë së verdhë”. Ndaj i duhet policia zvicerane.

http://www.botasot.info/?gjuha=0&category=20&id=43970

21.2.2010, 09:27

Citim:

Ndërkombëtarët bojkotojnë Thaçin, PDSH mohon

Edhe pse PDSH-së sot ka mohuar se përfaqësuesit e BE-së anashkalojnë këtë parti dhe liderin e saj Menduh Thaci, nga zyra e BE-së në Shkup për Alsat sot edhe njëherë kanë konfirmuar atë që ndodhi dje.

Komisioneri për zgjerim Shtefan Fyle dje nuk takoi liderin e PDSH-së Menduh Thaçi, ndërkohë që zhvilloi takim me kryetarin e BDI-së Ali Ahmeti, LSDM-së Branko Cërvenkovski dhe përfaqësuesen e DR , Flora Kadriu.

'Sot, PDSH kontaktoi zyrën e Bashkimit Evropian për sqarime plotësuese, por nga kjo zyrë kategorikisht mohuan pohimet e tilla se gjoja funksionar të BE do ta anashkalojnë PDSH’, u tha sot në konferencën për shtyp të kësaj partie duke mos qartësuar se vallë pse komisioneri për zgjerim Fyle nuk takoi dje liderin e tyre Menduh Thaci.

Alsat-M duke u thirrur në burime diplomatike informoi se diplomatët perëndimorë kanë marrë qëndrim të prerë se pa kthimin e partisë së Thacit në Kuvend, ai nuk do të mund të takohet me asnjë përfaqësues të bashkësisë ndërkombëtare, përfshi këtu ambasadorët e akredituar të BE-së dhe NATO-s në Maqedoni.

Gjithashtu diplomatët perëndimor kanë precizuar se Thaçi, nuk do të mund të takojë as ndonjë ministër të BE-së dhe NATO-s që do ta vizitojë Maqedoninë.

Diplomatët thonë se PDSH ka fituar mandatin nga qytetarët dhe se të njëjtin duhet ta prezantojë në Kuvend. Këtë sot edhe njëherë zyrtarisht e ka konfirmuar edhe ambasadori i SHBA-së në Maqedoni Filip Riker.

"E keni dëgjuar mesazhim tim për këtë. Shtetet e Bashkuara të AMeriëks besojnë edhe kolegët e mi në Uashiongotn besojnë se një parti politike që dëshiron të marrë pjesë në sistem dhe të ketë një rol në të, duhet të përdorë institucionet e demokracisë. Ne kemi bërë shumë për mbi 20 vjet me progranmet tona të assitencës të mbështeësim institucionet këtu përfshi edhe parlamentin dhe ne besojmë se z. Thaci dhe deputetët që janë zgjehdur nga qytetarët duhet të shkojnë në Parlament dhe të disuktojnë qëllimet dhe shqetësimet e zgjedhhësve të tyre dhe ti rpezantojën ato në Parlmanet. Ky është edhe roli I Paralemtit dhe prandaj I bëjmë thirrje z. Thacit dhe kolegëve të tij të kthehen të PArlament dhe ta përmbushin përgjegjësinë e tyre për të qenë atje", deklaroi Filip Riker, ambasador i SHBA-së.

Lideri i vetëm i cili nuk u përfshi në agjendën e komisionerit evropian për zgjerim dhe eurodeputeteve si dhe kongresmenëve amerikan që gjatë kësaj jave qëndruan në Shkup ishte lideri i PDSH-së, Menduh Thaçi.

http://www.alsat-m.tv/lajme/vendi/26442.html

mesdimr · 21.2.2010, 09:39

Në IRJM ndërkombëtarët ka kohë që kanë rënë dakord për asimilimin e shqiptarëve. OSBE, së bashku me Fueren dhe Rikerin janë shprehur haptas madje se shqiptarët duhet të asimilohen në sllavë. Sigurisht që i lyejnë e ngjyejnë fjalët që përdorin me terma të atillë si "respektim të institucioneve", "integrim", "kulturë e dialogut", "dashuri multietnike", "pakica kombëtare" etj.

Dhe fakti mbetet që Marrëveshja e Ohrit është shkelur katërcipërisht, shqiptarët kanë humbur gjysmën e territorit, tokat shqiptare po popullohen me romë dhe mongolë, popullsia po islamizohet dhe radikalizohet me telekomandë nga Gruevski (dhe çerdhja antishqiptare BFI nën udhëheqjen e Sulejman Rexhepit), shqipja është e ndaluar në çdo por të administratës, librat shqip ndalohen dhe në kufi të hyjnë nga shteti Perëndimor, shqiptarët janë të nënpërfaqësuar në çdo shkallë të administratës ose haptas fare iu mohohen postet, buxheti i shtetit shkon vetëm për pjesën sllave të territorit dhe popullsisë, popullata shqiptare në zonat urbane terrorizohet çdo 3 muaj nga ushtria dhe forcat policore, shqiptarët nuk figurojnë as në statistika, as në pasaporta, as në letërnjoftime, simbolet kombëtare nuk lejohen me ligj...

Mund të rri tërë ditën duke radhitur nga këto mrekullitë, por i dimë, s'ka pse përsëritemi, ajo që vihet re këtu është se në fund sipas pederokratëve ndërkombëtarë fajin na e paska partia shqiptare që nuk merr pjesë në një parlament sllav që po spastron shtetin nga shqiptarët... Pra, kanë faj që nuk duan të legjitimonjë një institucion terrorist antishqiptar (siç po bën BDI). Sepse aty është tërë problemi te "legjitimimi" prandaj dhe djeg... "puna 20-vjeçare". Gjithçka është e qartë.

Hapi i natyrshëm është të dalë dhe BDI-ja nga parlamenti dhe jo të hyjë PDSH-ja. Qëndrimi i BDI-së në këtë parlament është i pajustifikuar. Për sa kohë shqiptarët njohin institucionet terroriste sllave, ata i japin legjitimim në organizmat ndërkombëtare dhe sllavët vazhdojnë uzurpimin e territorit pa vramendje.

24.2.2010, 02:28

Citim:

Debate dhe udhëzime në funksion të manipulimit publik
Valon Kurtishi

Debatet e hapura dhe deklaratat e figurave të njohura publike në lidhje me çështje të caktuara shoqërore janë në funksion të sensibilizimit, mobilizimit apo edhe sqarimit të opinionit në lidhje me qëllimet e veprimeve të ndërmara apo mendimeve të plasuara në opinion.

Kohëve të fundit çështja në lidhje me futjen e obligueshme të maqedonishtes nga klasa e parë e fillores është duke marë përmasa të reja të aksionit shoqëror në formë të debateve dhe këshillave të ndryshme. Në këtë drejtim së fundmi është aktivizuar edhe ministri i arsimit të Fyrom-it Nikolla Todorov me bashkëmendimtarët e tij si dhe Komisari i lartë për pakica kombëtare, z.Knut Volebek.

Duke parë dështimin e qartë të nismës së tij për mësimin e detyruar të gjuhës së ashtuquajtur “shtetërore” maqedonase nga nxënësit e të gjitha komuniteteve këtu, si dhe duke parë kritikat e vazhdueshme nga bashkësia ndërkombëtare për mënyrën se si i qaset këtij problemi, ministri në fjalë duket se ka ndryshuar qasjen e tij fillestare ndaj kësaj çështjeje.

Deklaratat e fundit nëpër media se dëshiron ti bindë OJQ-të e ndryshme dhe prindërit për arsyeshmërinë e nismës së tij, apo edhe debatet e fundit të organizuara në universitetet shtetërore të Shkupit dhe Tetovës, japin në shikim të parë përshtypjen se ministri është i interesuar për gjetjen e një zgjidhjeje koncensuale dhe në pajtim me të gjitha palët e interesuara.

Megjithatë, edhe një analizë sado sipërfaqësore e mënyrës së dhënies së mendimit, qëndrimeve të vazhdueshme publike të vetë ministrit, kahjes që përpiqen tiu japin këtyre debateve këshilltarët apo ekspertët e ministrisë, tregon qartë se qëllimi parësor i tij është çarja e kohezionit të OJQ, këshillave të prindërve dhe nxënësve shqiptarë në lidhje me bojkotin e organizuar të maqedonishtes nga nxënësit e cikleve të ulta.

Ministri Todorov është i vendosur në implementimin e këtij vendimi dhe ai nuk do të heqë dorë nga ky imponim absurd përderisa homologët e tij shqiptarë në qeveri nuk bëjnë presion real dhe serioz për tërheqjen e tij.

Por kjo është çështje personale e ministrit dhe vendim i qarqeve vendimmarëse sllave. Komuniteti ynë duhet të vazhdojë me praktikën e filluar dhe të bëhet gati për skenarë të rinj të mundshëm të zgjerimit të bojkotit të orëve të maqedonishtes edhe në ciklet e larta të arsimit. Mundësisht të shqyrtohet seriozisht opcioni për një bojkot apo thënë më mirë injorim total të maqedonishtes nga shoqëria shqiptare në IRJM.

Nga ana tjetër, në fjalimin e tij në konferncën e OSBE për “Implementimin e dimensionit njerëzor”, të mbajtur më 30 Shtator 2009 në Varshavë të Polonisë, Komisari i lartë për pakica kombëtare pranë kësaj organizate ndërqeveritare, z.Knut Volebek, ka paraqitur disa mendime shumë interesante në lidhje me idenë e integrimit social dhe respektit për diversitet të cilët siç është shprehur ai, “janë në zemër të mandatit dhe aktivitetit tim”.

Në fjalimin pesëfaqësh komisari në fjalë e ka shpjeguar shumë mirë çështjen në lidhje me rëndësinë e ruajtjes së kulturës së minoriteteve nëpërmjet garantimit të të drejtave të tyre për arsimin në gjuhën amtare dhe nevojës për të njohur gjuhën shtetërore ose zyrtare nga pakica në mënyrë që të ketë gjasa më të mëdha integrimi shoqëror në të ardhmen.

Integrimi në kuptim të një akcesi të garantuar në tregun e punës, në shkollat e larta, kyçja si i barabartë në të gjitha proceset në një shoqëri moderne. Qëndrimi në fjalë është për tu përshendetur dhe është plotësisht në pajtim me avancimin e përgjithshëm të të drejtave e lirive të njeriut në shkallë globale.

Në këtë kuadër bën pjesë edhe mbrojtja dhe avancimi i të drejtave të minoriteteve siç qëndron edhe në Rekomandimet e Hagës në lidhje me “Të drejtat për shkollim të Pakicave Kombëtare”, të lëshuara nga KLPK në vitin 1996, ku në rekomandimet 5 dhe 7 kërkohet shumë qartë nga Shtetet anëtare që të “krijojnë kushte që do tu mundësojnë pjesëtarëve të komuniteteve pakicë që të participojnë në një kuptim të plotë, në zhvillimin dhe implementimin e politikave dhe programeve që kanë të bëjnë me shkollimin e pakicës në nivelin fillor, të mesëm dhe të lartë”.

Forma plotësuese e këtij qëndrimi është rekomandimi i 11 i konferencës ndërkombëtare për arsimin të mbajtur në Gjenevë në vitin e largët 1937 i cili theksonte se “njohja e më tepër gjuhëve çon drejt respektit më të madh për kulturat tjera”.

Duke u bazuar në këto qëndrime e ide demokratike, liberale dhe shumë humane, KLPK i OSBE, në kuadër të politikave integruese dhe paqësuese për zonat post-konfliktuoze dhe të brishta, propozoi pak kohë më parë një plan për “Sistem të integruar arsimor”, në të cilin në terma të përgjithshëm kërkoi që gjuha maqedonase të mësohet si e obligueshme nga klasa e parë e fillores në drejtim të siç u tha “integrimit më të madh mes komuniteteve”.

Por qëndrimi i këtillë, edhepse në pamje të parë për atë që nuk e njeh problematikën e shoqërisë tonë duket si i drejtë dhe shumë normal ka disa mangësi thelbësore:

Së pari z.Volebek duke qenë Komisar i lartë i OSBE për pakicat kombëtare, nuk është as i autorizuar e as kompetent që të flasë për gjuhën shqipe dhe të meret me komunitetin shqiptar në IRJM, pasi ky grup etnik në këtë shtet si nga ana numerike ashtu edhe në aspekt politik e formalo-juridik nuk është minoritet.

Komisari i lartë për pakica kombëtare duhet të mereme dhe të interesohet për pakicat e vërteta kombëtare dhe jo me komunitetin e dytë më të madh një këtë vend, i cili as ka qenë dhe as e ka ndërmend të jetë ndonjëherë pakicë kombëtare në këtë banana republikë ballkanike prej dy milionë banorësh.

Së dyti, qasja e shprehur në dokument që gjuha maqedonase të mësohet si gjuhë shtetërore është në kundërshtim të plotë me marrëveshjen e Ohrit si dhe legjislacionin pozitiv në fuqi, sipas të cilit edhe gjuha që e flasin së paku 20% e qytetarëve është poashtu gjuhë zyrtare, apo si e quan z. Volebek, gjuhë shtetërore (State language).

Së treti, mendimi i shprehur në planin e propozuar për “Sistem të integruar arsimor” në IRJM, bie në kundërshtim me idetë e shpalosura në takimin e Varshavës ku zoti Volebek e ka përmendur në një fjali të tij shprehjen, “gjuhën apo gjuhët shtetërore”.

Pra komisari është i vetëdijshëm se në shtete të caktuara mund të ketë jo vetëm një, por dy e ndoshta edhe më tepër gjuhë zyrtare/shtetërore. Për këtë arsye, në dokumentin në fjalë, ai është dashur të rekomandojë që edhe gjuha shqipe njëjtë si dialekti maqedonas i bullgarishtes të mësohen njëkohësisht nga gjithë nxënësit e këtij vendi.

Në të kundërtën, kërkesa drejtuar komunitetit shqiptar që ta mësojë maqedonishten në mënyrë të obligueshme kurse shqipja nga ana tjetër të mësohet nga maqedonasit vetëm në mënyrë të peferueshme joobligative, jo vetëm që është në kundërshtim me kushtetutën e këtij vendi, por është në kontradiktë të plotë edhe me fjalën e tij të mbajtur në Varshavë në lidhje me “gjuhën apo gjuhët shtetërore”.

Komisari bën mirë ta kuptojë se në FYROM ka dy gjuhë zyrtare apo shtetërore, sllavomaqedonisht dhe shqip.

Ne jemi të sigurtë se qasja e këtillë diferencuese nuk çon drejt interaksionit në ritje mes komuniteteve të ndryshme, por drejt asimilimit të fëmijëve shqiptarë të cilët që në moshë të njomë rezikojnë të shndërrohen në qenie bilinguale. Kjo në perspektivë do të çojë drejt asimilimit të paevitueshëm të tyre.

Asimilimi dhe integrimi janë dy procese shoqërore kontradiktore që skanë lidhje me njëra tjetrën. Për më tepër dhe fatkeqësisht, qëllimi ndoshta dashamirës i OSBE dhe vetë zotit Volebek për ndërveprim të shtuar mes komuniteteve nëpërmjet njohjes së gjuhës së njëri-tjetrit, u shndërrua në instrument në duart e shovinistëve sllavo-maqedonas për asimilim afatgjatë të shqiptarëve këtu.

Edhe deklarata e përbashkët e Misioneve të BE, NATO, OSBE dhe SHBA,në Shkup e 28 janarit 2010 në lidhje me “shkollimin në gjuhën shtetërore që duhet të fillojë herët sipas rekomandimeve të KLPK të OSBE”, duhet parë si përpjekje transparente dhe shumë e drejtë për të kontribuar në integrimin e pakicave reale në kulturën mbizotëruese.

Por “target group’ i kësaj deklarate nuk mund të jetë komuniteti shqiptar në IRJM pasi ai sipas kushtetutës në fuqi të këtij vendi nuk është minoritet, dhe për atë nuk mund të vlejë parimi i gjuhëve shtetërore dhe joshtetërore apo i zonave me komunitet shumicë apo pakicë siç qëndron në këtë deklaratë.

Deklaratat, takimet, “këshillat miqësore” dhe debatet e fundit të ministrit të arsimit nga ana tjetër, më shumë se përpjekje për të bindur apo arsyetuar, janë në funksion të manipulimit të opinionit publik me shpresë se me kalimin e kohës do të zvetënohet apo thyhet vendosmëria rezistuese e prindërve, nxënësve dhe shoqërisë shqiptare ndaj imponimit të sllavishtes.

Qytetaria shqiptare në IRJM duhet të përpiqet gjithë kohës si në drejtim të sensibilizimit të opinionit publik për këtë padrejtësi kardinale ashtu edhe në drejtim të gjetjes së një forme më efikase për zgjidhjen e kësaj mosmarëveshjeje që duket e sferës teknike por ka rrezik të degradojë në konflikt ndëretnik.

Duam të themi që shansi i vetëm për triumf të shqiptarëve në këtë betejë kulturore është të jenë të bashkuar në mënyrë që të mbrojnë sa më mirë interesat nacionale në këtë moment vendimtar për kulturën tonë. Të kontribuojmë gjithë bashkë për gjetjen e një zgjidhjeje sa më të mirë për gjithë ne.

25.2.2010, 21:09

Citim:

Thaçi: Nuk shoh arsye të kthehem në Parlament

Lideri i Partisë Demokratike Shqiptare, Menduh Thaçi deklaroi sot se subjekti që drejton ai nuk ka arsye të kthehet në Parlament.

Kreu i PDSH-së, këtë e deklaroi sot në Tetovë, para fillimi të Kuvendit Qendror të partisë. Sipas tij, gjatë kësaj periudhe, asnjë parti shqiptare nuk ka qenë e sukseshme në kornizat e parlamentit. Ai akoma vlerëson se si parti më mirë janë duke vepruar dhe funskionuar jashtë organit legjislativ të Maqedonisë.

Megjithatë vendimi përfundimtar pritet të mirret gjatë kuvedit të sotëm të partisë.

“Me respekt të madh i kam marrë parasysh sugjerimet e bashkësisë ndërkombëtare për mundësitë e kthimit në Parlament. Mendoj se sot do të marrin vendimin përfundimtar”, theksoi Thaçi. (INA)

http://www.ina-online.net/default.as...eaefe9c4f&ln=3

10.3.2010, 06:03

Citim:

Thaçi: PDSH-ja nuk kthehet në Parlament

Kryetari i Partisë Demokratike Shqiptare në Maqedoni, Menduh Thaçi, tha për BBC-në se për shkak të mungesës së dialogut politik, deputetët e kësaj partie opozitare do të vazhdojnë të mos marrin pjesë në punën e parlamentit, me gjithë këmbënguljen e faktorit ndërkombëtar.

Duke ofruar një marrëveshje të re maqedono-shqiptare, kreu i kësaj partie thotë se pa përcaktimin e statusit juridiko-kushtetues të shqiptarëve, vështirë se mund të ketë perspektivë në Maqedoni.

“...Sinqerisht, kemi bindjen se kjo është e vetmja rrugëdalje për mbijetesë të Maqedonisë, rrugët e tjera janë shpartallimi i Maqedonisë. Realisht kemi sukses dhe më lejoni të konstatoj se tashmë, sipas analizave, sondazheve e matjeve tona, ky projekt, kjo platformë e marrëveshjes politike, ka arritur të ketë mbështetjen e shumicës absolute të shqiptarëve”, ka thënë ndër të tjera Thaçi. /Telegrafi/

http://www.telegrafi.com/?id=3&a=5775

28.4.2010, 14:53

Citim:

Ambasadorët të shqetësuar nga deklaratat luftënxitëse

Shefat e misioneve të BE-së, NATO-s, OSBE-së dhe të SHBA-së në Shkup sot me deklaratë të përbashkët me shkrim shprehën shqetësim për, siç qëndron, deklaratat e paradokohshme të liderëve politikë dhe të individëve të tjerë të cilët flasin për ndarje, konflikt, braktisjen e marrëveshjes së Ohrit.

I bëjnë thirrje të gjithë liderëve politikë ta konfirmojnë kushtueshmërinë e tyre të tërësishme drejt marrëveshjes kornizë të Ohrit dhe drejt përforcimit të dialogut politik. Inkurajojnë edhe për progresin e vazhdueshëm në të gjitha reformat, të nevojshme për realizimin e qëllimeve të jashtme politike në vend.

Shefat e misioneve i bëjnë thirrje të gjithë aktorëve ta ndajnë kushtueshmërinë e tyre drejt harmonisë ndëretnike dhe të përmbahen nga çfarëdo procedurë që do të mundej të krijojnë tensione.
Sipas tyre, vërehet edhe rënie e përgjithshme e dialogut politik.

"Do të dëshironim ta theksojmë besimin tonë se integrimi euro-atlantik, si dhe tërësisht zbatimi i marrëveshjes-kornizë të Ohrit edhe mëtej qëndrojnë të mbesin rruga më e mirë drejt përparimit për të gjithë qytetarët e këtij vendi dhe për rajonin më të gjërë", thuhet në deklaratën e përbashkët.

Shefat e misioneve të BE-së, NATO-s, OSBE-së dhe SHBA-së në Shkup kundërshtojnë në çfarëdo lloj dhune dhe kërcënime me dhunën, për shkak se, potencojnë në deklaratën me shkrim, kjo vetëm do ta shkatërrojë progresin politik dhe atë ekonomik, dhe është krejtësisht e kundërt me vlerat që i përfaqësojnë.

Këto i inkurajojnë të gjithë qytetarët dhe përfaqësuesit e tyre, t'i shfrytëzojnë mekanizmat ekzistues demokratike, përfshirë edhe Kuvendin, që t'i përparojnë intereset e tyre.

"Përkrahja e këtushme politike publike për integrimet euro-atlantike mbetet jashtëzakonisht e madhe. Ne besojmë ky vullnet i përgjithshëm duhet të respektohet si mënyrë përmes së cilës do të sigurohet e ardhmja më e mirë e mundshme për vendin dhe për rajonin", qëndron në deklaratën e sotme të përbashkët me shkrim të shefave të misioneve të BE-së, NATO-s, OSBE-së dhe SHBA-së në Shkup.

http://lajmpress.com/lajme/maqedoni/4298.html

9.5.2010, 00:02

Citim:

Midhja e Butrintit, vazhdon embargoja nga BE

Midhja e Butrintit ka nisur të tregtohet por vetëm brenda vendit. Prodhuesit e saj parashikojnë rritje me disa tonë më tepër, ndërkohë që dyert e tregut europian ende nuk janë hapur për këtë produkt shqiptar.

“Vitin e kaluar është prodhuar rreth 1300 tonë. Për këtë vit prodhimi parashikohet të jetë rreth 1500 tonë”,- sipas Arjan Demirit, drejtor i Ndërmarrjes së Rritjes dhe Zënies së Peshkut.

Edhe pse prej tyre ekziston ambicia që midhja e Butrintit të kalojë kufijtë për eksport jashtë vendit, ende nuk janë hapur dyert e tregut europian.

BE-ja ka vendosur një embargo ndaj midhjes së Butrintit, kur ajo eksportohet e gjallë, për shkak se në disa periudha të vitit, deti fut në liqen një sasi algash të dëmshme përtej normave të lejuara nga BE-ja. Në këto raste, mbledhja e midhjeve duhet të ndalohet deri sa niveli i algave të ulet brenda normës së lejuar.

Sipas këshillave nga Brukseli, autoritetet e menaxhimit në Sarandë duhet të dëshmojnë se janë në gjendje të bëjnë analizat vazhdimisht dhe të ndalojnë mbledhjen e midhjeve sa herë që vërehet rritje tej normave e elementeve të dëmshme. Por deri tani, të gjitha rishikimet e embargos nga ana e Komisionit Europian kanë dalë në konkluzionin se sistemi i kontrollit nuk është funksional brenda standardeve të kërkuara.

Demiri tha se, hapja e tregut ndërkombëtar për midhjen është thjesht një vendim politik, pasi midhja e Butrintit, ndryshe nga sa thuhet, i plotëson të gjitha kushtet për eksport.

http://www.gazeta-albania.net/news.php?id=26224

11.5.2010, 19:52

Citim:

Në Mitrovicë, Fyle i bien fyellit, shqiptarët as kavallit!
Behxhet Shala

Në Kosovë definitivisht nuk mund të flitet se ka media të lira në kuptimin e konceptit idealist për media të lira. Sikur që nuk ka në asnjë vend të botës. Bëhen matje të vazhdueshme nëpër shumë vende të botës e pastaj publikohen raporte të veçanta për lirinë e mediave. Rangimi në ato lista e një shteti të caktuar nëse respekton lirinë e mediave është në të shumtën e rasteve i motivuar politikisht dhe përdoret për trysni ndaj shtetit të caktuar apo qeverive që nuk llogariten të jenë fort demokratike!

Me një fjalë vetëm preteksti është demokratik ndërsa përmbajtja është politike dhe jo gjithnjë parimore! Pastaj fillojnë presionet mbi qeveritë, caktimi i detyrave të shtëpisë, arsyetimi i qeverive në mbrojtje të interesave, sulmet e opozitës dhe krekosja e mediave, sidomos atyre që nuk çojnë ndonjë peshë në tregun medial, kryesisht nga pozita e denoncimit permanent e që nuk shohin asnjë pikë dritë në terrin informativ, sipas tyre!

Nëse kanë nevojë për ta disiplinuar qeverinë, atëherë i ndërsejnë mediat e “lira” duke i armatosur me informata të besueshme nga një burim i rëndësishëm ndërkombëtar e që këtyre mediave u siguron ekskluzivitetin për plasimin e asaj informate!

Nëse ndërkombëtarët janë në valë të njëjta me qeverinë atëherë disa medie që llogariten si më të zhurmshme mbahen nën kontroll duke u ndarë projekte të ndryshme, trajnime, etj.etj.! Është krejt e natyrshme që çdo qeveri, qoftë demokratike apo jodemokratike për qëllim ka paqen me medie dhe armpushimin duan ta zgjasin sa më shumë!

Në Republikën e Kosovës gjeografia mediale nuk dallon shumë prej vendeve të rajonit. Në to ka demokraci për aq sa qeveritë dhe qeverisjet janë demokratike! Që do të thotë se ka deficit demokratik!

Mediat e “pavarura” nga ndikimet politike, por të varura nga donacionet ndërkombëtare mbijetojnë duke e censuruar veten e tyre dhe duke qenë në pozita krejtësisht konformiste! Ato i vardisen pushtetit për t’u bërë pjesë e tij! Shumë gazetarë me nam por pa nishan, janë alter ego e një politikani injorant duke kryer punë të pista për ta!

Në jo pak raste ata janë vrasës me porosi duke orkestruar linçime publike të personaliteteve të caktuara, qoftë edhe duke u marr me familjet e tyre dhe duke përdorë shpifjet që janë kundër çdo kodeksi moral! Ata përfundojnë si këshilltarë, deputetë, ministra dhe bëhen bartës të posteve të tjera me rëndësi!

Nga krijues të opinionit shndërrohen në dhunues të opinionit! Zakonisht punojnë te ndërkombëtarët ku, në cilësinë e denoncuesit janë në marrëdhënie pune ndërsa te institucionet punojnë për shkaqe “patriotike”!

Po sa janë ndërkombëtarët vërtet transparent dhe ithtarë të fjalës së lirë?! Vlerësojeni vet të nderuar lexues me rastin vizitës së Shtefan Fyle, Universitetit të Mitrovicës së Veriut!

Zotni Fyle, Komisionar për Zgjerim i BE-së na siguroi se nuk po mbahen bisedime të fshehta midis Serbisë dhe Kosovës në kohën kur vet e mbajti një takim të fshehtë me studentët serbë të këtij Universiteti që financohet nga Serbia dhe është pjesë e strukturave paralele të Serbisë në Kosovë!

Ai iu drejtua studentëve serbë në gjuhën serbe në ndërkohë që nuk e kam dëgjuar ta ketë përdorur një fjalë të vetme në gjuhën shqipe në Prishtinë! Ai ishte krejtësisht jotransparent dhe kundër fjalës së lirë, lirisë së mediave, si vlera fundamentale të demokracisë duke i përzënë gazetarët nga ky takim dhe duke u pamundësuar atyre që me pyetjet e tyre dhe raportet pas atij takimi ta informojnë opinionin.

Shtefan Fyle i pengoi gazetarët ta kryejnë punën e tyre duke ua shkelur të drejtat e tyre! Madje gazetarët duhet të ndahen të kënaqur që ndaj tyre nuk u përdor edhe forca fizike!

Ky ishte veprim skandaloz i z. Fyle dhe pikërisht këtu ranë në provim disa media të “pavarura” të Kosovës që e heshtën këtë skandal apo nuk i kushtuan rëndësi!

Madje, atij iu nda një mirënjohje nga ky Universitet që administrohet nga Serbia dhe është pjesë e sistemit arsimor të Serbisë! Edhe ky shembull ma forcoi bindjen se ndërkombëtarët kritikat për çdo dështim i adresojnë te institucionet vendore ndërkaq në mënyrë joparimore i vardisen Serbisë në Kosovë përmes strukturave paralele, të cilat i konsiderojnë si struktura legale!

Prandaj, z. Fyle, duke luajtur në frulle (dyfyellëshi) në Mitrovicën e Veriut, e bënte muzikën e strukturave paralele të Serbisë ndërsa neve na e la kavallin në duar, pa të drejt t’i ndërrojmë gishtërinjtë!

Me një fjalë, me këtë veprim dhe me bisedimet e imponuara “ teknike” dhe të “barabarta” vetëm se po na bëjnë me dije se nuk jemi as bira e fundit e kavallit!

http://www.botasot.info/?gjuha=0&category=20&id=60684

13.5.2010, 05:07

Citim:

Shqiptarët në varreza masive dhe propaganda serbe shqipshkruese
Teki Dervishi

Tash, që BE-ja e ndau Kosovën dhe krijoi shtete të vogla të Serbisë në komunat anë e manë Kosovës, do bisedime me Serbinë. Dhe kur të dojë ajo, ajo edhe i bën këto bisedime.

Ata shqiptarë që nga pozita shtetërore do të mund të “hynin në bisedime” me Serbinë, ata shqiptarë BE-ja i vë në kryqin e Jesusit dhe i gozhdon si kriminelë dhe hajna. Ata i vë në Kamaren e Turpit në sheshet nga kalon i tërë populli dhjetë vjet i diskriminuar.

Populli e kërkon fajtorin, madje jo për ndarjen e Kosovës dhe për krijimin e shteteve të vogla të Serbisë nëpër komuna, po për paret “e tij” që popullit po ia vjedh “shteti i bandave”.

http://www.botasot.info/?gjuha=0&category=20&id=60932

1.6.2010, 19:26

Citim:

Tri palë me dy opsione
Enver Bytyçi

Lajme të përditshme po i mëshojnë fort idesë serbe të ndarjes së Kosovës. Analistë të shumtë bëjnë me faj Europën, duke i kujtuar asaj se që prej 11 vjetësh e ka lënë qëllimisht Kosovën në ankthin e së ardhmes.

Para pak vjetësh dikush pati shkruar se "nëse në Veri të Kosovës do të kishin shkuar punët fjollë, atëherë shqiptarët do të silleshin keq me serbët që jetojnë aty". Shkruesi në fjalë, të cilit nuk ia kujtoj emrin, arsyetonte se trysnia e ndarjes së Kosovës mund ti përmbante shqiptarët që të silleshin sipas recetës së Marti Ahtisarit.

Në të vërtetë, ata u gabuan, sepse mbajtja e idesë fikse të Beogradit për ndarjen e Kosovës i ka mbajtur ndezur ambiciet serbe dhe ka çuar në dështimin e planit "Ahtisari".

Fantazia mund të prodhojë shumë gjëra, por është realiteti që seleksionon arsyetimet e bazuara në fantazinë e analistëve. Shumë herë është thënë se "Europa vetë ka skicuar dhe projektuar ndarjen e Kosovës si mundësi për tu afruar me serbët". Tash këto vlerësime po konfirmohen gjithnjë e më tepër.

Ndërkaq merret vesh se diplomacia dhe politika e Beogradit ka trokitur në dyert e Shtëpisë së Bardhë që ti bëjë presion Presidentit Barak Obama që ky të pranojë opsionin e ndarjes së Kosovës. Kurse Europës po i thuhet troç se ajo është përgjegjëse për situatën e krijuar në Veri të Mitrovicës.

Madje, mendohet se një ose dy qendra kryesore të BE-së kanë nxitur në prapaskenë pesë vendet e BE-së: Greqinë, Spanjën, Rumaninë, Qipron dhe Sllovakinë, që të mos e njohin pavarësinë e Kosovës. Ky hap do të shërbente për solucione të paqarta në qëndrimet e përbashkëta të Brukselit rreth pavarësisë së vendit.

Më pas solucionet europiane do ti jepnin sinjalin Beogradit që ky i fundit të vepronte lirshëm në opsionin e ndarjes së Kosovës. Thënë shkurt, në lojën kundër Kosovës, të stisur para 11 vjetësh me ndarjen e Mitrovicës, dalin tre lojtarë.

Lojtari kryesor duhej të ishin shqiptarët dhe institucionet e Kosovës, por ata kanë qëndruar indiferentë, pa optimizëm, inaktivë, madje pa një strategji politike të qartë, për shkak të frikës se akuzohen si destabilizues dhe u shërbejnë kështu politikave antishqiptare të Serbisë. Pra, pala vendimmarrëse duhej të ishin shqiptarët e "disiplinuar" në ekstrem, gjithashtu për shkak të besimit absolut që ata kanë te SHBA-të.

Nga arsyet e mësipërme deri tani shqiptarët nuk kanë qenë lojtarët kryesorë, aq më pak aktivë dhe në sulm, qoftë dhe në pikëpamje politike e diplomatike. Ata kanë qëndruar në hije, duke besuar te miqtë e Kosovës, para së gjithash te shteti amerikan.

Dje shqiptarët, poshtë urës së Ibrit, dhanë sinjalin se nuk do ta durojnë gjatë gjendjen e krijuar në veri të lumit. Ata ishin pak në protestën kundër invazionit serb në Veri të vendit, disa mijëra, ndaj dhe policia nuk e kishte të vështirë ta parandalonte një konflikt etnik.

Shqiptarët kënduan këngën "Besa-Besë", ndërkohë që serbët hodhën gurë e parulla "Vdekje shqiptarëve!". Shqiptarët dolën në protestë kundër paligjshmërisë serbe në Kosovë në emër të shtetit, të legjitimitetit dhe të ekstraterritorialitetit.

Serbët bënë zgjedhje të paligjshme, u mobilizuan me gurë kundër shqiptarëve dhe hodhën parullat e Milosheviçit për zhdukjen e tyre. Serbët i nxiti Jeremiçi, i cili para dy ditësh thoshte në "Spiegel" të Gjermanisë se "Kosova është Jerusalemi i Serbisë". Ndërkaq ata nuk luftojnë në "Jerusalem", në atë që e quajnë "qendrën e Kishës dhe Patriarkanës”: në Pejë e në Deçan. Ata luftojnë me gurë në Mitrovicë, sepse aty janë pasuritë më të çmueshme të Kosovës.

Ndaj shqiptarët dje dëshmuan gatishmërinë e tyre për sakrificën më sublime në mbrojtje të territorit, kushtetutës dhe nderit të Kosovës. Por deri më tash duket se ata i mban në rresht besimi tek Uashingtoni.

Nëse do të vijojë për shumë kohë tmerri pa fund i ankthit të ndarjes së Mitrovicës dhe nëse SHBA-të ndërrojnë kursin e derisotëm, atëherë shqiptarët do të mund ta zgjidhnin vetë dilemën "më mirë një fund i tmerrshëm sesa një tmerr pa fund".

Nga sa thamë më lart, pala më aktive për ndarjen e vendit ka qenë dhe mbetet qeveria serbe dhe serbët e Veriut të Mitrovicës, të cilët kanë punuar prej 11 vjetësh për këtë qëllim, duke u shfaqur gjithnjë publikisht kundër këtij opsioni. Kjo mënyrë e të bërit diplomaci e politikë e Serbisë i ka dhënë asaj rezultate të kënaqshme në të gjitha kohët.

Serbia e serbët zhvilluan tri luftëra agresive, të ashtuquajturat luftëra ballkanike më 1912-1913, e megjithëse ishin agresorë, përfituan territore joserbe të shumta, përfshirë dhe Kosovën. Më pas ata vranë princin Ferdinand, vrasje e cila e çoi botën në luftë të përgjithshme, duke shkaktuar 10 milionë viktima. Megjithatë, ata morën shpërblimin përkatës, jo se nuk ishin fajtorë, por thjesht se kishin mundur të radhiteshin me palën fituese.

Kështu ka ndodhur me serbët vazhdimisht dhe kështu po ndodh këto kohë, edhe pse u kanë shkaktuar dhimbje të mëdha popujve joserbë në Ballkan.

Ndërsa serbët ndërtuan kështu politikën e hapur antishqiptare dhe e elaboruan atë në institucionet shtetërore, akademike e fetare, pala e tretë, ajo që mund të konsiderohet sip ala më hipokrite, e pabesë, ajo palë që gjithë historinë e saj e ka ndërtuar si histori të ekuilibrave dhe jo si histori të bërjes së paqes e të së drejtës, është Europa.

Megjithëse pjesa esenciale e saj e ka njohur shtetin e Kosovës, pavarësinë dhe sovranitetin e saj, në këtë Europë të reklamuar si kontinenti i vlerave shënohen rekordet e kulisave të antivlerave, veçmas kur është fjala për shqiptarët. Jo se nuk kemi ne kusuret tona, por të tilla kusure kanë dhe popujt e tjerë, të cilët nuk ndëshkohen në atë formë e në atë masë sa shqiptarët. Aq më pak që shqiptarët të kenë kusuret e serbëve.

Ky lloj seleksionimi që na bën Europa, duke na përjashtuar nga e drejta jonë europiane, është jo thjesht efekt i diplomacisë dhe politikë antishqiptare të Serbisë, është gjithashtu shkak i paranojës së disa vendeve të kontinentit tonë ndaj shqiptarëve.

Për të gjitha këto arsye mund të thuhet se mbi Kosovën qëndron shpata europiane e ndarjes së saj. Nëse institucionet e Kosovës dhe shqiptarët do të dinë ta menaxhojnë këtë situatë tejet kritike e kërcënuese, atëherë do të arrihet zgjidhja e drejtë e përfundimtare e çështjes së Kosovës, si i fundit problem i pazgjidhur në kontinentin europian.

http://www.gazetametropol.com/tekst.php?idt=66001

9.6.2010, 17:55

Citim:

Volebek vazhdon ti konsiderojë shqiptarët pakicë

Shkup, 7 qershor - Komisari i lartë i OSBE-së për çështje të pakicave, Knut Volebek, ka lënë pezull çështjen e mësimit ose jo të maqedonishtes nga klasa e parë për nxënësit shqiptarë.

"Komentin e vetëm që do ta bëjë për momentin është se ne do të diskutojmë çështjen e arsimit me ministri të ndryshme në qeveri, dhe si i huaj - mendoj se arsimi është i rëndësishëm për integrimet evropiane", ka pohuar të hënën Volebek.

Ai ka bërë këto komente pas Konferencës për integrimin e pakicave, të cilin e organizoi në Shkup, Komiteti i ministrave të Këshillit të Evropës, që aktualisht është në presidencën e Maqedonisë.

Lidhur me mësimin e maqedonishtes nga klasa e parë, që në Maqedoni u reflektua me implikimi politike dhe me përkeqësimin e marrëdhënieve ndëretnike, Volebek vazhdon të hedhë paralelizma me shtete të tjera dhe shqiptarët t'i krahasojë me popuj të tjerë minoritarë.

"Mund t'i shohim të gjitha shtetet e OSBE-s të cilat të gjitha janë multietnike dhe kanë gjuhë të ndryshme, dhe ato kanë gjetur nevojën për të mësuar gjuhën e njëri-tjetrit dhe integrimi i tyre në sistemin arsimor është shumë me rëndësi. Këtë, po ashtu do ta diskutojmë në takim duke u bazuar në Dokumentin, që ne e lancuam së bashku me qeverinë takimin e fundit", u shpreh komisari i lartë i OSBE-së për çështje të pakicave.

Dokumenti kontrovers "Mësimi i integruar" i propozuar në muajin tetor nga sektori për arsim i OSBE-së dhe Ministria e Arsimit dhe Shkencës, vazhdon të mbajë në tension shqiptarët të cilët në idenë e mësimit të maqedonishtes nga klasa e parë shohin "djallëzinë" e minimizimit të statusit të tyre në shoqëri.

Në bazë të Ligjit për arsim fillor, shqiptarët duhet të mësojnë maqedonishten nga klasa e katërt dhe jo nga klasa e parë, sikurse propozohet nga OSBE dhe MASH.

Për këtë arsye, në Gjykatën Kushtetuese është hapur procedura për rrëzimin e vendimit të maqedonishtes nga klasa e parë, ndërkaq, pas reagimeve të shumta të shqiptarëve, ishte vetë Volebek që në shkurt të 2010-ës, përmes një letre i kërkonte kryeministrit Nikolla Gruevski që të tërhiqet ai vendim.

Vendimi mban firmën e ministrit të Arsimit dhe Shkencës, Nikolla Todorov, ndërsa në letrën e tij Volebek i kujtonte Gruevskit dhe Todorovit se mësimi i integruar parasheh edhe mësimin e gjuhës shqipes nga ana e nxënësve maqedonas, mirëpo në mënyrë vullnetare.

Me ndryshimet e reja kushtetuese të cilat ndodhën në Maqedoni, në vitin 2002, shqiptarët nuk janë popull pakicë, por kanë statusin e etnitetit të dytë shumicë. Shqipja është gjuhë zyrtare në të gjitha komunat ku shqiptarët përbëjnë mbi 20 për qind të popullatës, ndërsa avancimi i statutit politik është i mbrojtur me votimin e dyfishtë në Parlament. Të gjitha ligjet dhe vendimet që kanë të bëjnë me gjuhën, kulturën dhe arsimimin e shqiptarëve, duhet të votohen në bazë të parimit të dyfishtë të njohur ndryshe si "votimi me Bandenter".

http://www.koha.com.mk/a05.html

22.6.2010, 22:03

Citim:

AP i KE inkurajon forcimin e EULEX-it

Asambleja Parlamentare e Këshillit të Evropës përmes rezolutës inkurajon Bashkimin Evropian, të vazhdojë të forcojë misionin e EULEX-it, të përmirësojë imazhin publik të Kosovës si dhe të forcojë praninë dhe rolin e vet në veri të Kosovës.

Asambleja po ashtu i bën thirrje autoriteteve në Kosovës të sigurojnë bashkëpunim të plotë me EULEX-in, në kontekst të hetimit të krimeve të rënda dhe krimeve të luftës.

Po ashtu bëhet thirrje që të sigurohet pavarësia e mediave dhe promovimi i rolit të medias si katalizator i dialogut ndëretnik dhe i pajtimit në veçanti me një buxhet të pavarur për transmetuesin publik RTK si dhe me sigurimin e pavarësisë së bordit të RTK-së.

http://www.rtklive.com/?cid=1&newsId=39404

24.6.2010, 06:05

Citim:

AP miraton rezolutën status-neutral për Kosovën

Asambleja Parlamentare e Këshillit të Evropës ka miratuar rezolutën sipas së cilës kërkohet nga autoritetet e Kosovës, EULEX-it dhe UNMIK-ut që të angazhohen më shumë në përmirësimin e situatës së sundimit të ligjit në Kosovë.

Rezoluta, gjithashtu, potencon karakterin status-neutral ndaj Kosovës, pavarësisht faktit se mëse dy të tretat e vendeve anëtare të kësaj organizate kanë njohur pavarësinë e vendit.

Autori i Rezolutës, Bjorn Von Sidov, gjatë prezantimit të saj është shprehur se standardet në Kosovë janë në nivel shumë të ulët. Andaj, ai në rezolutë i ka bërë thirrje EULEX-it, UNMIK-ut si dhe autoriteteve të Kosovës që të ndërmarrin hapa konkret në tejkalimin e problemeve më të cilat ballafaqohen qytetarët e Kosovës.

Rezoluta dërgon ftesë në të tri adresat e përmendura që të përforcojë angazhimet për përmirësimin e situatës së sundimit të ligjit, ashtu që publikisht do dënohet korrupsioni, të miratohen ligjet dhe të ndërmerren hapat konkret për përmirësimin e situatës në gjyqësor.

Në rezolutë, gjithashtu, kërkohet që pavarësisht qasjes së ndryshme ndaj statusit, qytetarët e Kosovës të kanë të drejtë të qasen në Gjykatën Evropiane për të drejtat e njeriut. (RTK)

http://www.ina-online.net/Default.as...eb3719501&ln=3

Citim:

Rezoluta e Këshillit të Evropës, joreale

Qeveria e Kosovës, në vlerësimet e saj lidhur me rezolutën e miratuar nga Asambleja parlamentare e KE-së, tha se në momentin kur një rezolutë ka një qasje neutrale ndaj statusit të Kosovës, është një çështje e cila nuk përkon me realitetin në Kosovë, nuk përkon me pozicionin e Kosovës dhe miqve të saj që e kanë pranuar.

Zëdhënësi i Qeverisë, Memli Krasniqi, gjatë konferencës për shtyp tha se prioritetet e paraqitura në rezolutë janë prioritete edhe të Qeverisë.

“Kosova ende nuk është anëtare e Këshillit të Evropës dhe ne shpresojmë që në të ardhme jo të largët do të kemi mundësi për të aplikuar për anëtarësim, në mënyrë që edhe qasjen e tyre në të ardhmen karshi statusit të Kosovës ta ndryshojmë. Megjithatë, ne i vlerësojmë ato prioritete që janë cekur edhe në rezolutë, në një masë të caktuar janë prioritete edhe të Qeverisë së Kosovës dhe padyshim se deri tash është duke u punuar në drejtim të implementimit të tyre dhe të arritjes së rezultateve konkrete në ato fusha”, ka thënë Krasniqi.

http://www.kosova-sot.info/politike/...vropes-joreale

mesdimr · 24.6.2010, 06:41

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

18.11.2009, 11:29	#22
mesdimr Anëtarësuar: 8.2006	EU.Bosnia.v2.0b.Kosovo.Edition.Incl.Keygen-CoE.zip

21.2.2010, 09:39	#28
mesdimr Anëtarësuar: 8.2006	Në IRJM ndërkombëtarët ka kohë që kanë rënë dakord për asimilimin e shqiptarëve. OSBE, së bashku me Fueren dhe Rikerin janë shprehur haptas madje se shqiptarët duhet të asimilohen në sllavë. Sigurisht që i lyejnë e ngjyejnë fjalët që përdorin me terma të atillë si "respektim të institucioneve", "integrim", "kulturë e dialogut", "dashuri multietnike", "pakica kombëtare" etj. Dhe fakti mbetet që Marrëveshja e Ohrit është shkelur katërcipërisht, shqiptarët kanë humbur gjysmën e territorit, tokat shqiptare po popullohen me romë dhe mongolë, popullsia po islamizohet dhe radikalizohet me telekomandë nga Gruevski (dhe çerdhja antishqiptare BFI nën udhëheqjen e Sulejman Rexhepit), shqipja është e ndaluar në çdo por të administratës, librat shqip ndalohen dhe në kufi të hyjnë nga shteti Perëndimor, shqiptarët janë të nënpërfaqësuar në çdo shkallë të administratës ose haptas fare iu mohohen postet, buxheti i shtetit shkon vetëm për pjesën sllave të territorit dhe popullsisë, popullata shqiptare në zonat urbane terrorizohet çdo 3 muaj nga ushtria dhe forcat policore, shqiptarët nuk figurojnë as në statistika, as në pasaporta, as në letërnjoftime, simbolet kombëtare nuk lejohen me ligj... Mund të rri tërë ditën duke radhitur nga këto mrekullitë, por i dimë, s'ka pse përsëritemi, ajo që vihet re këtu është se në fund sipas pederokratëve ndërkombëtarë fajin na e paska partia shqiptare që nuk merr pjesë në një parlament sllav që po spastron shtetin nga shqiptarët... Pra, kanë faj që nuk duan të legjitimonjë një institucion terrorist antishqiptar (siç po bën BDI). Sepse aty është tërë problemi te "legjitimimi" prandaj dhe djeg... "puna 20-vjeçare". Gjithçka është e qartë. Hapi i natyrshëm është të dalë dhe BDI-ja nga parlamenti dhe jo të hyjë PDSH-ja. Qëndrimi i BDI-së në këtë parlament është i pajustifikuar. Për sa kohë shqiptarët njohin institucionet terroriste sllave, ata i japin legjitimim në organizmat ndërkombëtare dhe sllavët vazhdojnë uzurpimin e territorit pa vramendje.

BE-ja si faktor politik antishqiptar

Lindor: Komisari i pakicave ka ngatërruar shtet