Verior: Terroristët serbë sulmojnë banorët

mesdimr

Mbulim i sulmeve terroriste serbe që kryhen në mënyrë të vazhduar dhe synojnë degradimin e jetesës në zonë, kërcënimin e shqiptarëve dhe uzurpimin e tokës për popullim të mëtejshëm me serbë të Bosnjës dhe Kroacisë.

Tërë sulmet e terroristëve serbë bëhen nën mbulesën e UNMIK-ut dhe ICO-s që japin mbrojtje diplomatike dhe ligjore, KFOR-it që jep mbrojtje ushtarake dhe EULEX-it që jep mbrojtje policore dhe legjislative.

Zyrtarë të policisë thanë se një person i panjohur i është afruar stacionit të policisë në pjesën jugore të qytetit dhe ka shtënë me armë zjarri duke plagosur një oficer të policisë. Oficerët janë kundërpërgjigjur duke plagosur sulmuesin.

http://www.voanews.com/albanian/2008...rss=topstories

Mjetet serbe të informimit thonë se formacioni paraushtarak serb që vetëquhet Garda e Car Llazarit, ka marrë përsipër përgjegjësinë për sulmin e djeshëm në një stacion policie në Mitrovicë. Po këto mjete pohuan se sulmuesi është Predrag Xhorxheviç, serb 28-vjeçar i lindur në qytetin e Zemunit afër Beogradit.

http://www.voanews.com/albanian/2008...rss=topstories

Banorë shqiptarë dhe serbë në fshatin Suhadoll të Mitrovicës janë përleshur rreth orës 10. Konflikti, i cili ka përfunduar me gjuajtje gurësh kundër njëri-tjetrit, ka nisur pasi një grup serbësh ka qëlluar në punëtorët shqiptarë që po kryenin punimet e hapjes së kanaleve të ujësjellësit.

http://www.telegrafi.com/?id=2&a=1738

Të paktën katër persona janë lënduar të enjten rreth mesnatës, gjatë një përleshjeje mes grupeve shqiptare dhe serbe në veri të qytetit të Mitrovicës në Kosovë. Zyrtarë të policisë së Kosovës thanë se katër të lënduarit janë serbë.

Përleshja me gurë ka ndodhur në lagjen "Tre Soliterat", në afërsi të urës kryesore mbi lumin Ibër, që ndan qytetin në veriun e dominuar nga serbët dhe në jugun e banuar nga shqiptarë. Movitet e përleshjes nuk dihen ende zyrtarisht.

http://www.24-ore.com/kosova/kosove_kronika/2169.html

Një pjesëtar i Policisë së Kombeve të Bashkuara, një qytetar shqiptar dhe dy të tjerë serbë janë lënduar në një incident që ka ndodhur mbrëmë pas mesnate në Mitrovicë. Sipas autoriteteve të rendit incidenti ka ndodhur në Lagjen e Boshnjakëve,që gjendet në pjesën veriore të qytetit, buzë lumit Ibër dhe ka motive ndëretnike.

Incidenti ka nisur rreth orës 21:30 kur një shqiptar, i cili ka kaluar nga Lagjja e Boshnjakëve në drejtim të urës kryesore është ndalur fillimisht nga gjashtë persona të dyshuar të nacionalitetit serb, të cilët pasi i kanë kërkuar të identifikohet, kanë filluar ta sulmojnë më shkopinj druri.

Sipas zëdhënësit Hoti, më vonë, duke marrë për bazë ketë incident, tek ndërtesat që njihen si "Tre rrokaqiejt", rreth orës 1 e 20 minuta, shqiptarët kanë gjuajtur dy vetura të serbëve, ku janë lënduar dy serbë, duke nxitur kështu edhe reagimin e banorëve serbë të cilët janë kundërpërgjigjur duke dëmtuar mbi gjashtë vetura me targa KS dhe 3 lokale që besohet të jenë pronë e shqiptarëve, tha Besim Hoti duke shtuar se me vonë ka ndërhyrë policia e UNMIK-ut, ku si pasojë është lënduar një polic nga India.

http://www.sot.com.al/index.php?option=com_content&task=view&id=77234&It...

allianz

Ka mënyra më efikase se gurët për të spastru lagjet nga materiali serb. Ujësjellësi, ushqimi, ajri i banesave, etj.

allianz

Me të ardh polici nga India me të bo ligjin në vend tat...

Gjithçka ka ndodhur ditën e djeshme në orët e paradites, kur 51-vjeçari shqiptar, vozitës taksie, po transportonte një serb në pjesën veriore të Mitrovicës. Ai është sulmuar me mjete të forta nga 3 shtetas serbë, duke përfunduar në gjendje të rëndë në spital, ndërsa makina e tij është shkatërruar plotësisht. Shërbimi Policor i Kosovës ka konfirmuar se i plagosuri është Q.Çeliku.

http://www.balkanweb.com/gazetav4/index.php?id=44420

Të rinj shqiptarë dhe serbë kanë gjuajtur njëri-tjetrin me armë zjarri në Mitrovicë, por askush nuk është plagosur, kanë njoftuar zyrtarët.

"Besohet se rreth 20 persona nga të dy grupet etnike (shqiptarë dhe serbë), janë tubuar në mes të fshatit Suhadoll dhe lagjes “Kroi i Vitakut”, mirëpo forcat policore të SHPK-së, UNMIK-ut dhe pjesëtarë të KFOR-it, kanë arritur që të vejnë situatën nën kontroll duke mbajtur në distancë prej 200 metrash, personat e tubuar për të evituar problemet e mëtejme", thuhet në komunikatën e policisë.

http://www.evropaelire.org/Content/News/1336664.html

Një shpërthim i fuqishëm është shënuar në orët e mbrëmjes në një pikë të karburanteve në fshatin Zupç të Zubin Potokut, të banuar me serbë. Incidenti është raportuar të ketë ndodhur rreth orës 21:30min, ndërsa shënjestër e këtij akti kriminal ka qenë pika e karburanteve, "Team Petrol", pronë e një serbi 28-vjeçar.

Veç dëmeve materiale të shkaktuara në strukturën e objektit, nuk është raportuar për të lënduar në njerëz. Në bazë të hetimeve të para preliminare lidhur me incidentin, dyshohet se shpërthimi është shkaktuar nga një mjet shpërthyes i vendosur në afërsi të objektit të derivateve. Në vendin e ngjarjes janë identifikuar një pjesë e një granate dore e pashkatërruar së bashku me një mekanizëm ore, e cila besohet të ketë qenë përdorur nga të dyshuarit për të aktivizuar shpërthimin.

http://www.kosova.com/artikulli/49788

200 serbë dhe 50 shqiptarë janë mbledhur sot në mëngjes në pikën ku ndahet Mitrovica mes dy kampeve. Nuk ka pasur incidente ndërsa grupimet qëndronin përballë njëri-tjetrit, në prani të KFOR-it dhe SHPK-së.

Autoritetet e kanë përshkruar gjendjen si "tash për tash të qetë", por grumbullimi ka pasuar batare armësh që janë dëgjuar gjatë mëngjesit në qytetin e ndarë.

Kryeministri Thaçi pritet të bëjë një vizitë në pjesën jugore, gjatë ditës së sotme, për të ulur tensionet.

http://www.b92.net/eng/news/politics-article.php?yyyy=2008&mm=11&dd=15&n...

Batalioni gjermano-austriak i KFOR-it të dielën do të zhvillojë stërvitje ushtarake në pjesën ndërmjet Mitrovicës dhe Ferizajt. "Stërvitja nuk zhvillohet si përgjigje apo përgatitje ndaj çfarëdo situate ekzistuese apo të pritshme në Kosovë", thuhet në njoftimin e KFOR-it.

http://www.evropaelire.org/Content/News/1349523.html

Një pjesëtar i KFOR-it, është sulmuar fizikisht nga një civil në rrugën “Adem Jashari” në Mitrovicë. I dyshuari , F. Begu është arrestuar nga ushtarët e tjerë që ishin në afërsi të vendngjarjes, ndërsa janë njoftuar autoritetet policore për tu marrë me rastin.

Sulmi ka ndodhur në afërsi të bazës së KFOR-it, në parkun e qytetit në Mitrovicë. Viktima e raportuar e këtij rasti, pjesëtar i forcave të KFOR-it, ka pësuar lëndime trupore në kokë, një njërin sy dhe në gjoks, si pasojë e sulmit.

Motivet dhe rrethanat nën të cilat është raportuar sulmi fizik, deri në këto momente mbeten ende të panjohura.

http://gazetaexpress.com/online/home...gory=82&id=756

Serbët e veriut të Mitrovicës kanë paralajmëruar se nuk do të bashkëpunojnë me misionin e EULEX-it, por do të mbajnë qëndrim injorues ndaj misionit ndërkombëtar. Kështu ka thënë Marko Jakshiç, nënkryetar i së ashtuquajturës Bashkësi e Komunave të "Kosovë-e-Metohisë".

http://www.rtklive.com/?categoryId=1&newsId=29312

Situata në qytetin verior është tensionuar sërish natën e shkuar kur, një nxënëse gjimnazi është sulmuar nga grup serbësh, ndërsa rreth orës 20:00 të mbrëmjes, 7 vetura me targa KS janë dëmtuar rëndë. Lajmin e konfirmoi zëdhënësi i Policisë për Rajonin e Mitrovicës, Besim Hoti i cili tha se tani për tani nuk dihen as motivet as autorët.

http://www.gazetastart.com/?faqe=shf...0866&isflash=1

Pjesëtarë të EULEX-it kanë shtënë në dorë dje rreth orës 12:30 Gjykatën e Qarkut në veri të Mitrovicës. Situata në tërësi në këtë qytet duket e qetë edhe pse ka forca të mëdha të policisë të vendosura kudo, ndërkohë që helikopterë të KFOR-it patrullojnë nga ajri.

http://gazetaexpress.com/online/home...ory=51&id=1694

Mitrovica është tronditur sërish nga një incident që ka ndodhur në veri të saj, rreth orës 16:00 në "Lagjen e boshnjakëve", ku është plagosur me thikë një pjesëtar i nacionalitetit serb. Menjëherë pas këtij incidenti serbët kanë reaguar duke djegur disa lokale të shqiptarëve në këtë lagje dhe në lagjen tjetër të banuar me shqiptarë, tek "Tre rrokaqiejtë", ndërkohë që policia ka kërkuar ndihmën e KFOR-it dhe policisë së EULEX-it për të qetësuar situatën, e cila vazhdon të jetë e tensionuar.

http://www.alsat.tv/lajme/lajme_nga_rajoni/mitrovica_tronditet_serish_pe...