Verior: Terroristët serbë sulmojnë banorët

mesdimr

Është për tu vënë re se shtypi perëndimor e ka botuar lajmin në fjalë brenda 3 orëve, ndërsa krejt incidentet serbe që janë bërë 4 muajt e fundit nuk kanë pasur asnjë lloj mbulimi. Psh. Reuters, IHT.

Sa për konstatim.

Dy shpërthime që kanë ndodhur në mbrëmjen e së premtes kanë prishur qetësinë e përkohshme në veri të Mitrovicës. Një shpërthim është regjistruar para kafeterisë “Viva” ku ka pasur njerëz, por nuk është lënduar askush. Dëme materiale janë regjistruar në së paku tetë vetura civile,të cilat ishin të parkuara në afërsi të lokalit.

Rasti i dytë është regjistruar në mesnatë, ndërsa policia është informuar për vënie të zjarrit në dy lokale private në rrugën “Knjaz Millosh” në lagjen e boshnjakëve, në veri të Mitrovicës. Policia ka marrë informatën se një grup personash të nacionalitetit serb, i kanë vënë flakën dy lokaleve, pronë e banorëve shqiptarë në afërsi të shkollës teknike në veri të Mitrovicës.

“Njësitë policore të stacionit veri në Mitrovicë, kanë njoftuar zjarrfikësit që të reagojnë në vend të ngjarjes. Gjatë reagimit të njësive të zjarrfikësve, në afërsi të tyre është dëgjuar një shpërthim, që besohet të ketë qenë granatë dore. Gjashtë zjarrfikës kanë pësuar lëndime trupore nga ky shpërthim, dhe të njëjtit janë dërguar në qendrën spitalore në veri të Mitrovicës. Mësohet se gjendja e tyre shëndetësore është jashtë rrezikut për jetë”, thuhet ndërkohë në një komunikatë të policisë së Kosovës.

Adem Mripa, kryetar i lagjes së Boshnjakëve rrëfen për Express se bomba është hedhur në drejtim të zjarrfikësve nga një grup serbësh.

“Ka pas djegie të disa lokalëve është gjuajtur me revole në drejtim të shtëpisë sime. Është gjuajtur me bombë në drejtim të zjarrfikësve dhe reportere të Radio Televizionit të Beogradit. Kanë shku aty afër zjarrfikësve dhe në shenj hakmarrje që ata kanë filluar ta shuajnë zjarrin, serbët kanë hedhur një bombë në drejtim të tyre”, thotë Mripa për Express.

Nga shpërthimi sipas Mripës kanë mbetur shtatë persona të plagosur, të cilët janë transferuar nëpër spitale të ndryshme. Mripa shton se me akte të tilla, serbet synojnë që t’i largojnë shqiptarët nga veriu.

“Janë plagosur shtatë veta, në mesin e tyre edhe reporter të TV Beogradit. Në shikim të parë situata është e qetë, por këtyre nuk iu besohet. Me këto akte ata dëshirojmë që ne shqiptarët të largohemi nga veriu”, vlerëson Mripa.

Ai tregon se gjatë tërë natës forcat e KFOR-it kanë patrulluar në këtë lagje. Për arsye të vënies së situatës nën kontroll sa më shpejtë, policia ka kërkuar asistencën e njësive të formuara policore të EULEX-it dhe atyre të KFOR-it.

Menjëherë pas reagimit të forcave shtesë, situata është vënë nën kontroll. Tani situata paraqitet të jetë delikate,por nën kontroll. Turma të njerëzve të cilat ishin mbledhur gjatë orëve të mbrëmjes, janë shpërndarë me intervenimin e policisë dhe KFOR-it.

Dy incidentet e raportuara gjatë natës së mbrëmshme, konsiderohen si dy incidente të ndara.

http://gazetaexpress.com/online/home...ory=82&id=2762

mesdimr

Dy shqiptarët që u kapën, u liruan, pra, përfundimisht s'qenë ata fajtorët... Të lexoje shtypin e Veriut dhe të huaj atë ditë dukej sikur e kishin ther e masakru atë serbin. Po ky "i masakrumi" që thoni hyni në spital e doli mrena pak orëve...

"Një serb vetëplagoset" do duhet të ishte titulli "dhe shokët e tij shpërthejnë dyqanet shqiptare". Se dhe ato veturat që shpërthejnë gabimisht anej nga zona e kontrollume prej shërbimit serb, si ndodh që bëhen çdo herë kur duhet të dalin në lajme Bogdanoviçat e Iviçat e Jeremiçat me deklarata të gatshme?...

mesdimr

Lëvizja e parë e mediave të Veriut do të ishte që të përdornin terminologjinë e duhur ndaj veprimeve terroriste serbe, si në shqip ashtu dhe në anglisht sepse goditja me granata e civilëve duket pak si terrorizëm, apo jo z. Pajaziti?

Nuk mund të flitet me një gjuhë të tillë marsiane "qarqe të caktuara duan të prishin imazhin e Kosovës"... Këto janë reagime leshi të shekullit të kaluar.

Veprimet terroriste duhen denoncuar si të tilla dhe të merren masa. Duke mos i denoncuar si të tilla dhe duke mos i vënë bërë asnjë lloj trysnie EULESH-it për të marrë masa do vazhdojmë të bëjmë vërra në ujë dhe serbët do vazhdojnë të veprojnë në rrugë të tillë duke parë se nuk ka asnjë pasojë për këto.


Këta kur bëjnë deklarata të tilla nuk mund të mos mendoj se e kanë fjalën që do përzënë shqiptarët dhe do u japin zonat "e trazuara" serbëve, dhe kështu do të shmangin dhunën. Zgjidhje e mirë... sidomos kur në përpjekje për të parandaluar dhunën dhe "vendosur ligjin" nuk hyjnë dot as në një spital të rëndomtë...


Dhe së fundi nga ana e gazetarisë, ky emërtimi "ministri serb për Kosovën", nuk e di çfarë problemi kanë gazetarët shqiptarë, por në raste të tilla nëse duhet thënë patjetër, duhet të thuhet "i ashtuquajturi ministër serb për Kosovën", sepse teknikisht s'ka "ministër serb për Kosovën" për sa kohë që Shqipëria e Veriut është shtet i pavarur.

Përndryshe duke pranuar emërtime të tilla je duke iu nënshtruar vullnetit të Serbisë dhe je duke legjitimuar organizata të paligjshme për sa i përket Shqipërisë së Veriut. Mjaft me kët injorancë bajate... ndërroi dhe viti, lejani injorancën 2008-ës.

Për incidentet e së premtes mbrëma në pjesën veriore të Mitrovicës, ku u dogjën dy lokale dhe u lënduan disa persona, kryetari i këtij qyteti, Bajram Rexhepi, ka fajësuar grupe kriminale serbe që veprojnë në këtë pjesë të tensionuar të vendit.

“Në konfliktin e së premtes, shqiptarët absolutisht nuk kanë qenë të involvuar, por ka qenë një qërim hesapesh mes grupeve serbe”, ka thënë Rexhepi, të dielën për Express. Ai ka deklaruar se këto grupe serbësh që provokojnë situatën në veri të qytetit janë të identifikuara dhe është paraqitur kërkesë në forcat e rendit për arrestimin e tyre.

http://gazetaexpress.com/online/home...ory=51&id=2809

Kryetari i Komunës së Mitrovicës, Bajram Rexhepi, bashkë me nënkryetarin Ismajl Smakiqi dhe drejtorin për Mbrojtje e Shpëtim, Ylber Durmishi kanë pritur sot përfaqësues të banorëve shqiptarë nga veriu i Mitrovicës, të cilët kanë paraqitur shqetësimet e tyre pas incidenteve që kanë ndodhur ditëve të fundit.

Përfaqësuesit paraqitën një kërkesë për vendosjen e njësisë speciale e të policisë në zonë dhe të njësive të FSK-së në pikën “Vojni Remont”.

Ndër të tjera në kërkesën e tyre të cilën ia kanë drejtuar edhe përfaqësuesve të institucioneve qendrore përmendet edhe nevoja për fillimin e rindërtimit të shtëpive të djegura në luftë.

Ata kërkojnë gjithashtu që të ndalohet qarkullimi i automjeteve pa targa dhe automjeteve me targa të paligjshme të ish-regjimit serb në Shqipëri të Veriut.

http://www.rtklive.com/?categoryId=2&newsId=30456

Zëvendëskryeministri i Shqipërisë së Veriut, Hajredin Kuçi, në një intervistë për BBC-në, ka deklaruar se përveç shtimit të masave të sigurisë në veri të Mitrovicës, qeveria është në bisedime me autoritetet ndërkombëtare, për t'i dhënë fund dhunës serbe në Veri.

Qeveria shqiptaroveriore gjithashtu ka ndarë 100 mijë euro për kompensimin e dëmeve në pronat e shqiptarëve në veri të Mitrovicës, që u dogjën fundjavën e kaluar nga një grup serbësh.

http://www.gazetastart.com/?faqe=shf...2264&isflash=1

Qeveria shqiptaroveriore e vlerëson si farsë politike veprimin e Presidentit të Serbisë, Boris Tadiç, i cili është ankuar në Këshillin e Sigurimit të OKB-së rreth, siç është shprehur ai, dhunës ndaj serbëve në pjesën veriore të Mitrovicës.

Zëvendëskryeministri Kuçi ka thënë për mediat se qeveria e Beogradit, në mungesë të politikave efikase për zgjedhësit e vet në Serbi po orienton opinionin publik në veprimet e veta shkatërrimtare në shtetin shqiptaroverior.

http://alsat-m.tv/Lajme-nga-rajoni/9625.html

Komandanti i TFSHV-së, gjenerali frank, Mishel Jakovlef, i ka hedhur poshtë spekulimet e mediave serbe, se kinse trazirat e 30 dhjetorit në Mitrovicë i kanë shkaktuar shqiptarët. Gjatë një konference që mbajti të shtunën në Mitrovicë, në një moment, i nervozuar nga një pyetje spekuluese e një gazetari serb, ka nxjerrë nga çanta e tij fotografi nga incidenti i datës 30 dhjetor në pjesën veriore të Mitrovicës, duke u thënë gazetarëve të pranishëm se në to nuk kishte asnjë shqiptar.

“Ajo që ndodhi atë ditë, nuk ishte dhunë ndëretnike, por ishte dhunë urbane e shkaktuar një grup keqbërës. Shumë është spekuluar lidhur me këtë, madje duke e quajtur dikush edhe agresion i shqiptarëve ndaj serbëve, gjë që nuk është ashtu”, ka thënë me ton të ngritur gjenerali Jakovlef.

Ai shtoi se në incidentin e dytë të po të njëjtës ditë, pra të 30 dhjetorit, me rastin e vënies së zjarrit lokaleve shqiptare në lagjen “Lumëbardhi”, zjarrëfikësat serbë janë lënduar nga shpërthimi i bombolës së gazit dhe këtë e kanë konstatuar specialistët e KFOR-it.

Një tjetër përgjigje të prerë, gjenerali Jakovlef, ia ka dhënë një gazetari serb që aludonte se përpjekja e Ali Kadriut për tu kthyer në pronën e tij, në lagjen “Kroi i Vitakut” është përpjekje për të dëbuar serbët nga pronat e tyre. Gjenerali tha se “Tanket shqiptare nuk po përgatiten për të sulmuar pjesën veriore. Nuk është provokim përpjekja e një personi për kthim në pronën e tij, kudo qoftë ajo. Kjo nuk mund të quhet pushtim. Çdokush ka të drejtë të kthehet në pronën e vet”.

http://www.botasot.info/home.php?gju...gory=3&id=2931

Një granatë dore është hedhur e ka shpërthyer në oborrin e shtëpisë së një shqiptari në "Lagjen e Boshnjakëve" në Mitrovicë. Shpërthimi ka ndodhur mbrëmë, por nuk ka shkaktuar lëndime në njerëz. Policia ka nisur hetimet pas njoftimit nga pronari i shtëpisë, i cili ka qenë në shtëpi në çastin kur është hedhur granata në oborr.

http://www.telegrafi.com/?id=2&a=3196

Banorët e Lagjes së Boshnjakëve në Mitrovicë kanë protestuar para ndërtesës së Qeverisë shqiptaroveriore, duke kërkuar mbrojtjen e jetës dhe pasurisë së tyre. Me moton "Pasi që ju nuk po na ruani, erdhëm ne që t’ju ruajmë", banorët e kësaj lagjeje kanë shprehur pakënaqësitë e tyre lidhur me zhvillimet e fundit në këtë pjesë të qytetit verior.

Këshilli organizativ i protestës ka thënë se banorët e kësaj lagjeje janë vënë në shënjestër të sulmeve të përditshme të grupeve kriminale të organizuara nga shteti i Serbisë.

http://www.telegrafi.com/?id=2&a=3264

Sipas kryetares së partisë ORA, Teuta Sahatçia, qeveria duhet të ketë plane konkrete për ta spastruar veriun e Mitrovicës nga serbët e ardhur atje, duke i kthyer ata në mjediset ku kishin qenë para lufte.

Ndërkaq zyrtarë të ORA-s në Mitrovicë, kanë thënë se është e pakuptimtë që edhe pas krijimit të shtetit, banorët e veriut të Mitrovicës vazhdojnë dhe mundohen ta zgjidhin vetë gjendjen e tendosur, pa asnjë përkrahje nga institucionet shtetërore, ndërsa serbët pos përkrahjes se Beogradit, në mënyrë të heshtur po përkrahen edhe nga bashkësia ndërkombëtare.

http://www.telegrafi.com/?id=2&a=3405

Kryetari i komunës së Mitrovicës, Bajram Rexhepi, i shoqëruar nga drejtori komunal për Mbrojtje dhe Shpëtim, Ylber Durmishi, kanë pritur sot përfaqësues të batalionit për reagim të shpejtë të FSK-së në Mitrovicë, të prirë nga komandanti, nënkolonel, Bekim Osmani, i cili njoftoi të pranishmit për ecurinë e konsolidimit të kësaj force.

Sipas tij, 109 pjesëtarët e FSK-së në kuadër të batalionit për reagim të shpejtë në Mitrovicë, janë në konsolidim e sipër dhe presin ngritjen e kazermës në zonë thuhet në njoftimin zyrtar.

http://www.rtklive.com/?categoryId=2&newsId=31984

Në bazë të veprimeve të marra ditët e fundit, kriminelët serbë të “Kroit të Vitakut” në Mitrovicë, po përgatiten për konflikt në rast kthimi të shqiptarëve në tokat e tyre në këtë zonë. Në një letër të hapur të shpërndatë të dielën në veriun e Mitrovicës, serbët bëjnë thirrje njëri-tjetrit që të grumbullohen në rast alarmi.

“Gjithmonë kemi qenë më të fortë në mbrojtjen e Kosovës e Metohisë, kur kemi qenë unik, andaj kështu duhet të jemi edhe tash. Vetëm bashkimi i shpëton serbët”, thuhet në letër.

Ndërkohë UNMIK-u, një organizatë e paligjshme e OKB-së që vepron në shtetin shqiptar të Veriut, ka ndërhyrë në zonë, duke luajtur rolin e ndërmjetësit duke i dhënë kohë dhe autoritet palës serbe, teksa administrata shqiptare rri duarlidhur nga frika e "konflikteve" dhe "imazhi i jashtëm".

http://www.botasot.info/?gjuha=0&category=3&id=11979

progonati

AKOMA UMNIKISTAN ESHTE KOSOVA??