Gjergj Maniakes

Kandhaon · 29.2.2008, 15:39

Citim:

Në shek. XI, dukët e Durrësit qenë nga aristokratët më të fuqishëm të Perandorisë. Njëri prej tyre, Gjergj Maniakes, që njëkohësisht një nga gjeneralët bizantinë më të shquar të kohës. Ky kishte korrur suksese të mëdha në Azi të Vogël (1031) dhe në Itali (1038-1040) kundër arabëve. Më 1042 ndodhej akoma duke luftuar në Itali, kur në Kostandinopojë, pas një kryengritje, u kurorëzua perandor Kostandin Monomaku. Gjergj Maniakesi, i pakënaqur nga ky ndryshim, filloi kryengritjen, duke u shpallur vehten perandor. Në shkurt 1043, me trupat që i qëndruan besnike, zbarkoi në Durrës. Me Maniakesin e bashkuan arhondët (dinatët) dhe banorët e themës të cilëve u kishte premtuar uljen e taksave. Kronisti bizantin Mihail Ataliati na njofton se midis kryengritësve kishte edhe arbëreshë.

Në krye të ushtrive kryengritëse, Maniakesi marshoi drejt Konstandinopojës. Rrugës, përpara se të arrinte në Selanik, u ndesh në Ostrovo me ushtritë e perandorit. Në përpjekjen e parë ushtritë kryengritëse e fituan betejën por pak më vonë ato u mundën. Maniakesi vetë gjeti vdekjen në këtë përpjekje.

http://www.tiranachat.net/index.php?name=Content&pa=showpage&pid=103

A ishte arbër ky Gjergj Maniakes?

vlug · 1.3.2008, 13:19

Citim:

Thënë nga Shqipe

A ishte arbër ky Gjergj Maniakes?

E rishfletova Historinë e P. Bizantine të G. Ostrogovskit, po nuk kishte asgjë në lidhje me etninë e Gjergjit sipër. Por shkruan se ky gjeneral ishte shumë i lidhur me dinastinë maqedone. Prandaj dhe perandori i ri ia hoqi komandën dhe gradën gjeneral, gjë që (citoj fjalët e autorit) Gjergji e konsideroi sfidë duke u shpallur dhe ai gjithashtu perandor.

në lidhje me etninë e këtij Gjegji ndoshta duhet parë dhe Zhan Klod Faveirial. Historia (më e vjetër) e Shqipërisë.

vlug · 19.5.2008, 18:23

Citim:

“… albanë dhe latinë (albanoi kai latinoi), të cilët – dikur aleatë në isopolitinë¹ tonë, bile dhe në fe² dhe që ndodhen pranë vendeve italike të Romës perëndimore – papritur dhe pa arësye u bënë kundërshtarë”.

_____________________
^{1.Sipas Ataliatit, bizantinët i konsideronin deri atëherë arbëreshët si pjesëmarrës në sundim me të drejta të barabarta.

2.Ataliati e ka shkruar veprën e tij në fund të shekullit XI, pasi ishte bërë ndarja përfundimtare e kishave më 1053 dhe pasi kishte filluar të depërtonte katoliçizmi në Arbëri. Më 1043 arbëreshët vareshin si dhe bizantinët nga kisha e lindjes – prandaj Ataliati i konsideron aleatë edhe në fe.}

^{"Historia" e Attaliatit, në Burime të zgjedhura për Historinë e Shqipërisë, Vll. II, shek. VIII-XV. f. 32, Tiranë 1962}

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Gjergj Maniakes

Gjergj Maniakes

Arbër në ushtrinë e Gjergj Maniakes