Serbia nxjerr €2mld/vit nga skllevërit shqiptarë

mesdimr · 12.3.2008, 08:21

Mbulim i "shkëmbimeve" tregtare të shqiptarëve me Serbinë.

12.3.2008, 08:22

Citim:

Qeveria e Serbisë vazhdon të mos pranojë marrëveshjen me Kosovën për caktimin e shumës së borxhit të jashtëm, i cili sipas ekspertëve kosovarë të ekonomisë, që kanë marrë pjesë në bisedimet për çështje ekonomike me Serbinë, në Vjenë, nuk është më i lartë se 740 milionë dollarë

http://www.koha.net/index.php?option...8366&Itemid=34

7.12.2008, 12:05

Citim:

Serbia i vjedh 2 mln €/vit shtetit shqiptar të Veriut

Serbia nuk i paguan asnjë qindarkë Shqipërisë së Veriut për shfrytëzimin e rrjetit përcjellës të energjisë, kur eksporton apo importon rrymë në vendet e rajonit përmes Shqipërisë së Veriut. Pretendimi i Serbisë për pronësi mbi asetet përcjellëse të energjisë elektrike, i shkaktojnë 2 milionë euro humbje në vit Operatorit të Sistemit, Transmisionit dhe Tregut të Kosovës (KOSTT).

http://gazetaexpress.com/online/home...ory=52&id=1638

21.12.2008, 17:19

Shkëmbimet tregtare mes Serbisë dhe Shqipërisë Perëndimore, kanë arritur në shumën e 76 milionë dollarëve gjatë 10 muajve të këtij viti, tregojnë statistikat e Odës Ekonomike të Serbisë.

Me këtë rast, Serbia gjendet në suficit tregtar për shkak se ka eksportuar në Shqipërinë Perëndimore mallra në vlerë prej 65 milion dollarë, ndërkohë që nga ka importuar prej aty mallra në shumën prej 11 milion dollarë.

Eksportet e Serbisë kanë qenë energjia elektrike, prodhimet dhe mbeturinat e hekurit dhe mielli, ndërsa ka importuar shufra hekuri, bitum dhe hekur për beton.

http://www.telegrafi.com/?id=46&a=1761

radio zimbabve · 21.12.2008, 19:18

Shqipëria me të gjithë vetëm nxjerr pare jashtë. Si shpjegohet?

2.2.2009, 19:46

Zveçan, 2 shkurt - Një trafostacion i sapondërtuar midis Mitrovicës dhe Zveçanit sot është kyçur në sistemin elektroenergjetik të Serbisë. Sipas mediave serbe, kjo "do të mundësojë furnizim më të mirë dhe të sigurt" të veriut të Kosovës me energji elektrike". Kjo nënkupton se veriu i vendit është shkyçur nga sistemi elektroenergjetik i Shqipërisë së Veriut dhe është lidhur me rrjetin elektrik serb. Këtë trafostacion e ka përuruar ministri serb i Energjetikës dhe Minierave, Petar Shkundriç, bashkëpunëtor i ngushtë i ish-diktatorit Millosheviç e tani partner koalicioni i presidentit aktual serb, Boris Tadiç.

http://www.kosova.com/artikulli/51551

9.9.2009, 19:26

Citim:

KOSTT plaçkitet nga Serbia

Edhe po të prodhohet në Kosovë energji elektrike për furnizim 24:0, sërish konsumatorët do të mbeteshin në terr! Kjo do të ndodhte për shkak të rrjetit të vjetër, i cili ka kapacitet të kufizuara, krahasuar me kërkesat e tregut.

Krahas këtij problemi, Kosova ende nuk ka krijuar legjitimitet ndaj këtij rrjeti, ashtu që ai të mos shfrytëzohet nga askush pa pyetur Operatorin e Sistemit, Transmisionit dhe Tregut (KOSTT), i themeluar para tri vjetësh. Për shfrytëzimin ndërkombëtar të këtij rrjeti edhe më tej bisedohet në Beograd.

Serbia vazhdon të prezantohet si pronare e aseteve transmetuese të Kosovës, duke përfituar nga transiti i energjisë elektrike nëpër Kosovë miliona euro.

“Nga tranziti nëpër Kosovë, Serbia përfiton rreth 2 milionë euro në vit në emër të Operatorit të Sistemit, Transmisionit dhe Tregut të Kosovës, kurse nga alokimi i kapaciteteve interkonektive të Kosovës përfiton edhe rreth 3 milionë euro të tjera”, ka deklaruar për “Express” Fadil Ismajli, drejtor i KOSTT-it.

Po ashtu, operatori i transmisionit nga Serbia shkakton dëme indirekte në rritjen e çmimit të importit të energjisë. Sipas vlerësimeve të KOSTT, ky dëm në total vjet ka implikuar një kosto prej 15 milionë eurosh, të cilën e kanë bartur konsumatorët e Kosovës.

Kjo kaptinë në një masë është e ndërlidhur me problemet politike, përkatësisht me statusin. Prandaj edhe KOSTT-i, përkatësisht sistemi energjetik i Kosovës nuk gëzon subjektivitet të plotë në tregun ndërkombëtar të energjisë elektrike.
Me qëllim të lirimit nga varshmëria e rrjetit të Serbisë, preokupim më i madh i KSTT-it është lidhja e rrjetit transmetues të Kosovës me atë të Shqipërisë. Aktualisht kjo lidhje bëhet përmes një linjë interkonektive 220 kv, kurse e reja do të jetë me kapacitet dy herë më të madh - 400 kv.

“Projekti pritet të fillojë në mot dhe do të kryhet më së voni për 22 muaj. Ai konsiston me ndërtimin e një linje të tensionit të lartë 400 kv, e gjatë 238 kilometra, prej të cilëve 85.5 kilometra janë në territorin e Kosovës”, ka thënë Ismajli.

Mirëpo, KOSTT-i ka edhe shumë punë për të aftësuar rrjetin e brendshëm, sado që fuqia bartëse rritet për çdo vjet. Madje, më shpejt se oferta e Korporatës Energjetike të Kosovës, si me prodhim,ashtu edhe me energji të importuar. Në këtë rrjet nuk është investuar me vite të tëra. Këtë e ka vërejtur edhe ministrja e Energjisë dhe e Minierave, Justina Pula – Shiroka, duke arsyetuar mungesën e energjisë elektrike, thotë se kapacitetet transmetuese të KOSTT-it janë të kufizuara.
“Mos të harrojmë se edhe kapacitetet transmetuese të KOSTT-it i kemi të kufizuara”, Ndërkaq, Fadil Ismajli me plot bindje thotë se që nga viti 1990, kur ky rrjet ishte në dorë e të regjimit serb, aty nuk ka pasur investime serioze.

“Prej vitit ’90 deri më 2003 nuk ka pas investime në rrjetin e transmisionit. Kjo bën që asetet e transmisionit të kenë një moshë mesatare me të lartë se sa duhet”, shton Ismajli.

Aktualisht ky rrjet ka fuqi bartëse për 930 MW, mirëpo me implementimin e disa projekteve deri në pjesën e parë të vitit 2010, kapacitetet bartëse rriten deri në 1250 MW. Për të arritur deri në këtë gjendje, këtu janë investuar 83 milionë euro. Në proces janë edhe rreth 28 projekte të financuara nga donacionet që kanë ardhur nga Komisioni Evropian, Qeveria gjermane, Banka Botërore dhe nga buxheti i Kosovës.

“Sipas bilancit elektro-energjetik, në vitin 2007 ngarkesa e lejuar ishte 850 MW, ndërkaq në pik është realizuar 933 MW. Vjet nga 880 MW të lejuar është arritur deri në 976 MW, kurse sivjet është lejuar ngarkesa 930 MW”, thotë drejtori i KOSTT-it.

Përmirësime në furnizim nga aspekti i transmisionit, sipas KOSTT-it, do të ketë në rajonin e Dukagjinit me përfundimin e paket projektit Peja 3, i cili deri së bashku me rajonin e Anamoravës ka qenë fyt i ngushtë.

Mirëpo, as Korporata Energjetike e Kosovës aktualisht nuk ka kapacitete prodhuese aq të mëdha. Sipas zyrtarëve të saj, furnizuesi i vetëm me energji në vend e harmonizon kërkesën e vet me fuqinë bartëse të rrjetit të transmisionit. “Ka përpjekje për ta rritur kapacitetin transmetues në bazë të projekteve”, ka thënë Viktor Buzhala, zëdhënës në KEK.

Sipas raportit të fundit, Korporata Energjetike e Kosovës të martën ka ofruar 632 MW. Nëse në prodhimi aktivizohet edhe një bllok i TC ”Kosova A”, atëherë oferta do të rritet edhe për 200 megavate, që nuk paraqet ngarkesë për rrjetin e transmisionit.

http://www.gazetaexpress.com/index.p.../14918/C4/C14/

11.9.2009, 00:58

Citim:

Kosova nisi t'ia paguajë borxhin Bankës Botërore

Kosova ka filluar t’ia paguajë Bankës Botërore pjesën e parë të borxhit prej 381 milionë euro.

Muharrem Shahini, zyrtar nga Ministria e Ekonomisë dhe Finansave, ka thënë se pjesa që iu është kthyer Bankës Botërore është 9.2 milionë euro.

http://alsat-m.tv/index.php/lajme/rajoni/18548.html

15.11.2009, 13:52

Citim:

Trashëgimia në të drejtën ndërkombëtare
RSFJ-ja, Serbia dhe Kosova
Shkëlzen Gashi

Bashkësia Europiane, me qëllimin që ta ndërpresë konfliktin mes serbëve e kroatëve dhe ta pengojë përhapjen e tij gjetiu nëpër ish-Jugosllavi, më 27 gusht 1991, përkatësisht më 3 shtator 1991 themeloi Konferencën për Paqe në Jugosllavi. Mandati për ta kryesuar këtë konferencë iu besua Lordit Carrington. Në konferencë morën pjesë të gjitha republikat e Jugosllavisë, por jo edhe krahinat.

Kjo sepse, siç thotë Lordi Carrington, në një intervistë të dhënë në gusht të vitit 1992, Konferenca për Paqe në Jugosllavi ishte e obliguar që të gjitha zgjidhjet t‘i kërkonte brenda kufijve ekzistues, e meqë Kosova ishte pjesë e Republikës së Serbisë, problemi i saj shihej brenda këtyre kufijve.

Ç‘është e vërteta, siç e thotë Richard Caplan në librin e tij Europe and the Recognition of the New States in Yugoslavia, Lordi Carrington e përjashton Kosovën nga ky proces për ta siguruar pjesëmarrjen e Slobodan Millosheviçit.

Sidoqoftë, më pas, Konferenca për Paqe në Jugosllavi e themeloi Komisionin e Arbitrazhit të përbërë nga pesë juristë, që të gjithë presidentë të gjykatave kushtetuese të vendeve të BE-së. Ky komision, i udhëhequr nga juristi francez, Robert Badinter, prej 29 nëntorit 1991 e deri më 13 gusht 1993 lëshoi 15 mendime, të cilat do të kenë ndikim në të ardhmen e RSFJ-së.

Në mendimin e parë të datës 29 nëntor 1991, thuhet se ish-Jugosllavia gjendet në procesin e shpërbërjes dhe se nuk i plotëson kriteret e pjesëmarrjes dhe të përfaqësimit, të domosdoshme për një shtet federal.

Nisur nga kjo gjendje, vetëm republikat, e jo edhe entitetet territoriale të tipit autonom, u cilësuan si entitete me të drejtën e shkëputjes, e për rrjedhojë edhe me të drejtën e trashëgimit të ish-RSFJ-së.

Serbia konsideronte se republikat që kishin shpallur pavarësinë ose sovranitetin, në fakt ishin shkëputur nga RSFJ-ja, e cila sipas saj vazhdonte së ekzistuari. Porse, Badinteri në mendimin numër 10 thotë se RFJ-ja (Serbia dhe Mali i Zi) është shtet i ri dhe nuk mund të konsiderohet si trashëgimtare e vetme e RSFJ-së.

Komisioni i Arbitrazhit konsideron se shtetet trashëgimtare të RSFJ-së janë: Republika e Kroacisë dhe Republika e Sllovenisë, 8 tetor 1991; Republika ish-Jugosllave e Maqedonisë, 17 nëntor 1991; Republika e Bosnjë-Hercegovinës, 6 mars 1992, dhe Republika Federale e Jugosllavisë (Serbia dhe Mali i Zi), 27 prill 1992.

Sipas Komisionit të Arbitrazhit, trashëgimi i shteteve nënkupton zëvendësimin e një shteti me një tjetër në përgjegjësinë për marrëdhëniet ndërkombëtare të territorit dhe kjo shfaqet kurdo që ka ndryshim në territorin shtetëror.

Fenomeni i trashëgimit të shteteve udhëhiqet nga parimet e të drejtës ndërkombëtare: Konventa e Vjenës mbi Trashëgiminë ndaj Traktateve Ndërkombëtare të 23 gushtit 1978 dhe Konventa e Vjenës mbi Trashëgiminë ndaj Pronës, Arkivave dhe Borxhit e 8 prillit 1983.

Këto konventa nuk kërkojnë që çdo kategori e aseteve ose e borxheve të ndahet në pjesë të barabarta, por vetëm që rezultati i përgjithshëm të jetë një ndarje e drejtë dhe shtetet e përfshira të jenë të lira t‘i përcaktojnë kushtet dhe përmbajtjen me marrëveshje.

Projektlista e Veçantë e Aseteve dhe Borxheve të RSFJ-së, e përpiluar nga Grupi Punues i Konferencës për Paqe në Jugosllavi, i ndan asetet dhe borxhet në dy kategori:

1. njësitë trashëgimore rreth të cilave ka pajtueshmëri mes palëve dhe
2. ato rreth të cilave pajtueshmëria nuk ekziston.

Dhjetë vjet më vonë, më 29 qershor 2001, mes Bosnjë-Hercegovinës, Kroacisë, Maqedonisë, Sllovenisë dhe Republikës Federale të Jugosllavisë (Unioni Serbi dhe Mali i Zi që formalisht përfshinte edhe Kosovën në bazë të Rezolutës 1244 të Këshillit të Sigurimit të OKB-së të datës 10 qershor 1999) u nënshkrua një marrëveshje që u quajt Agreement on Succession Issues (Marrëveshja për Çështje Trashëgimi). Kjo marrëveshje e mbylli procesin e trashëgimit të RSFJ-së.

Sipas saj, pesë republikat nënshkruese janë titullare të barabarta në procesin e trashëgimit së RSFJ-së.

Natyrisht, në këtë marrëveshje Kosova nuk përmendet askund.

Marrëveshja e precizon ndarjen e pronës së tundshme dhe të patundshme të RSFJ-së; të pronës së përfaqësive diplomatike e konsullore të RSFJ-së; të aseteve dhe të detyrimeve financiare të RSFJ-së; të arkivave të RSFJ-së; të pensioneve të ish-shtetasve të RSFJ-së; të pronës private dhe të të drejtave të fituara të personave privatë, fizikë e juridikë të RSFJ-së.

Gati pesë vjet më vonë, në nëntor të vitit 2005, fillojnë negociatat mes Unionit Serbi-Mal i Zi (më pas Republikës së Serbisë) dhe Kosovës për përcaktimin e statusit të ardhshëm politik të Kosovës, të ndërmjetësuara nga i dërguari special i Kombeve të Bashkuara, Martti Ahtisaari.

Më 2 shkurt 2007, Martti Ahtisaari i dorëzon Beogradit dhe Prishtinës propozimin gjithëpërfshirës për zgjidhjen e statusit të Kosovës, të cilin Kosova e aprovon kurse Serbia e refuzon. Sipas këtij propozimi, Kosova merr përsipër pjesën e vet të borxhit ndërkombëtar të Republikës së Serbisë - pra, jo të Jugosllavisë, sepse sikundër u tha më sipër, ky proces ishte mbyllur. Këtu përfshihet borxhi ndaj Bankës Botërore dhe kreditorëve të Klubit të Parisit dhe të Klubit të Londrës.

Propozimi i Martti Ahtisaari-t thotë se pjesa e borxhit të Kosovës do të përcaktohet nëpërmjet negociatave mes Kosovës dhe Republikës së Serbisë, duke pasur parasysh parimet e caktimit të borxhit të jashtëm në rastin e trashëgimit të Republikës Socialiste Federative të Jugosllavisë.

Sipas Propozimit të Martti Ahtisaari-t, për sa kohë që borxhi nuk rindahet me marrëveshje, Kosova do t‘ia kompensojë Republikës së Serbisë pjesën e caktuar të borxhit të vet.

Siç dihet, një vit pas aprovimit të Deklaratës së ‘Pavarësisë‘, Kosova u anëtarësua në Bankën Botërore dhe mori përsipër që këtij institucioni t‘i paguajë borxhin i cili kap vlerën rreth 381 milionë euro. Kësti i parë prej 9.2 milionë eurosh u pagua para disa javëve, kurse në mes të muajit mars të vitit vijues duhet të paguhet kësti i radhës.

Në bazë të marrëveshjes, Kosova do të paguajë 26 milionë euro çdo vit, e për këtë ajo ndihmohet nga shumë vende me donacione për shlyerje borxhi, nga të cilat më së shumti ka dhënë SHBA-ja: 125 milionë dollarë amerikanë.

Përveç borxhit, propozimi i Martti Ahtisaari-t përmend edhe arkivat duke thënë se ato, përfshirë këtu regjistrat kadastralë dhe dokumentet e lidhura me Kosovën, të nevojshme për administrimin normal të Kosovës, duhet të kthehen në Kosovë brenda gjashtë muajve të hyrjes në fuqi të këtij propozimi dhe derisa pritet që arkivi të kthehet, Republika e Serbisë duhet të lejojë qasje të lirë, të shpenguar dhe efektive në të. Por, sikurse dihet, kjo nuk është duke ngjarë.

Siç u vu në dukje edhe më sipër, Propozimi i Martti Ahtisaari-t përmend ndarjen e borxhit dhe të arkivave, por, ç‘është më e rëndësishmja, nuk e përmend ndarjen e pasurisë.

Më 17 dhe 18 shtator 2009 në Beograd u mbajt takimi mes shteteve trashëguese të RSFJ-së, me ç‘rast Përfaqësuesi i Lartë për Trashëgimi i Serbisë, Gaso KneÅ¾eviÄ‡, tha se 95% e aseteve të RSFJ-së janë distribuuar te shtetet trashëguese dhe se çështjet e pazgjidhura kishin të bënin me monedhat e vjetra të huaja, llogaritë e kursimeve, bankat e përziera, pronat ushtarake dhe arkivat shtetërorë. Prandaj, qeveria e Kosovës duhet ta ketë të qartë se procesi i trashëgimit të RSFJ-së - e edhe ai i trashëgimit të RFJ-së dhe të Unionit Serbi-Mali i Zi - ka marrë fund një herë e mirë.

Duke e pasur parasysh këtë, Kosova duhet të arrijë një marrëveshje me Republikën e Serbisë lidhur me ndarjen e pasurisë, të arkivave dhe të borxhit të jashtëm që RFJ-ja, por jo edhe republikat e tjera, e ka marrë nga RSFJ-ja në emër të Kosovës. Nëse kjo marrëveshje rezulton e pamundshme, atëherë Grupi Drejtues Ndërkombëtar do të duhej ta emëronte një arbitër ndërkombëtar.

Letonia, Lituania dhe Estonia patën refuzuar të merrnin pjesë në procesin e trashëgimit të Bashkimit të Republikave Socialiste Sovjetike (BRSS), i cili u definua në marrëveshjen e bërë në Alma Ata (kryeqytetin e dikurshëm të Kazakistanit), me arsyetimin se në rast se do ta pranonin trashëgimin të BRSS-së, sikurse kishte kërkuar Rusia, atëherë do të pranonin edhe se kishin qenë themelues të BRSS-së e jo vende të okupuara prej saj.

Nëse Kosova për këtë arsye nuk është e interesuar që ta bëjë ndarjen e aseteve dhe të pasurisë, atëherë nuk do të duhej të pranonte as ndarjen e borxhit.

http://www.gazeta-shqip.com/artikull.php?id=75539

mesdimr · 15.11.2009, 13:55

Letonia, Estonia dhe Lituania janë për t'u lakmuar në politikën e tyre të qartë të jashtme dhe me shtyllë kurrizore kombëtare (gjë kjo krejt e panjohur për internacionalistët tanë).

2.1.2010, 21:47

Citim:

Kompanitë serbe nxjerrin dy miliardë dollarë fitime nga eksporti (CEFTA)

Kompanitë serbe nxorrën fitime me vlerë dy miliardë dollarë nga eksporti i mallrave në këto vende gjatë vitit të kaluar. Njëkohësisht, importet totale të Serbisë nga vendet që bëjnë pjesë në këtë marrëveshje kapën shifrën 989 milionë dollarë. Kosova dhe Shqipëria kanë përfituar më së paku nga kjo marrveshje.

Serbia mori nga Mali i Zi presidencën e radhës të Marrëveshjes për Tregëtinë e Lirë në Evropën Qendrore. Ndërsa në vitin 2011 Kosova duhet të jetë kryesuese e radhës e CEFTA-s. Por, pavarësisht se Kosova është nënshkruese e marrëveshjes për Tregti të Lirë të Evropës Qendrore (CEFTA), prodhimet vendore gati që një vit ballafaqohen me embargo nga Serbia dhe Bosnja e Hercegovina, ndërsa Qeveria e Kosovës nuk ka arritur ta zhbllokojë një embargo të tillë.

http://www.ora-news.com/mat1.php?idm=42816

6.1.2010, 15:38

Citim:

Mitrovicë, Serbia inkason paret e rrymës

Serbët e veriut të Kosovës kanë vendosur ta paguajnë energjinë elektrike. Por, jo atë të Korporatës Energjetike të Kosovës, e cila për 10 vjet i ka furnizuar me rrymë, pa marrë asnjë cent prej tyre.

Serbët e Veriut tani kanë filluar t’i paguajnë faturat e Elektroekonomisë së Serbisë. Inkasantët e Serbisë janë parë në veri të Mitrovicës duke shpërndarë fatura të energjisë elektrike në emër të shtetit serb. Këtë e konfirmon edhe kryetari në largim i Mitrovicës, Bajram Rexhepi.

“Është e vërtetë që Elektroekonomia e Serbisë ka dërguar fatura në emër të vet në Veri. Ne kemi kërkuar që kjo mos të ndodhë”, tha Rexhepi për Express.

Sipas tij, fakti se Veriu po furnizohet me rrymë nga Serbia vërehet edhe në tension. Rryma që vjen prej Novi Pazarit ka tension me të ulët, ku edhe drita është më e dobët. Andaj, sa i përket furnizimit me energji elektrike, Rexhepi thotë se veriu i Kosovës ende nuk është nën juridiksionin e KEK`ut.

Ndryshe, e gjithë kjo ka ardhur pas vendimit të KEK`ut për shkyçjen e largpërçuesit në nënstacionin e Vallaçit, që përfshin 17 për qind të territorit të Kosovës, e që është veriu i vendit. Pas kësaj katastrofe humanitare, siç e quanin serbët, atyre u doli në ndihmë Serbia.

Qeveria disa ditë më herët ka kritikuar fort ministren Justina Pula dhe drejtorin Arben Gjuka për shkak të këtij veprimi. Zyra e Kryeministrit u ka bërtitur për këtë veprim, që sipas tyre, ky është më shumë vendim politik.

Prej asaj dite, Elektroekonomia e shtetit fqinj ka ndërhyrë duke e furnizuar Veriun me kapacitet prej 20 megavatësh për orë. Më herët, ndërhyrjen e shtetit serb në Veri e ka pranuar edhe Operatori i Sistemit, Transmisionit dhe Tregut. E kanë pranuar të gjithë pos Arben Gjukës, i cili ka hedhur në huti edhe vetë qeverinë.

“Veriu i Mitrovicës, përkatësisht nënstacioni i Vallaçit është duke u furnizuar nga linja 110 kv LP 155/2 NS Novi Pazari 2, kurse në kohën e ngarkesës maksimale, një pjesë e furnizimit bëhet nga hidrocentrali i Ujmanit”, pati thënë Arjeta Gashi, zyrtare për informim në KOSTT.

Megjithatë, menaxhmenti i KEK`ut, as në fillim dhe as tash nuk pranon se kjo gjë po ndodh në veriun e Kosovës. Drejtori i kësaj korporate, Arben Gjukaj, thotë se ka pasur disa tentativa, por e gjithë ajo energji elektrike është e KEK-ut.

“Ajo është energji e jona dhe KEK-u paguan për të. KEK-u është e vetmja kompani në Kosovë për furnizim me rrymë, duke përfshirë këtu edhe Veriun”, tha Gjukaj.

Sa u përket faturave të cilat shteti serb po i shpërndan në Veri, Gjukaj nuk e ka mohuar, duke thënë se kjo është në kundërshtim me ligjin. Ai prerazi demanton pohimet se Veriu po furnizohet me rrymë nga Serbia. Madje thotë se energjia elektrike atje është vërtetuar së është e KEK`ut.

Në anën tjetër, Myzejene Selmani, kryetare e Komisionit për ekonomi, energji, tregti.., ka thënë se është tashme fakt i njohur se Veriu po furnizohet me rrymë nga shteti serb. Ajo nuk e ka të qartë se pse menaxhmenti i KEK-ut nuk e pranon këtë.

“Nuk e kuptoj se si menaxhmenti i KEK-ut nuk e pranon që një gjë e tillë po ndodh. Ndoshta drejtori ka nevojë ta vizitojë Veriun dhe të bindet për këtë fakt”, tha ajo.
Selmani është e shqetësuar edhe me Ministrinë e Energjetikës, për të cilën thotë se derisa ka për detyrë t’i bëjë politikat energjetike, nuk mund ta quajë çështjen e Veriut si teknike.

“Elektroekonomia e Serbisë po i furnizon që disa muaj qytetarët e Veriut”, tha ajo.
Ndryshe, KEK-u ka paralajmëruar se shumë shpejt do ta ndërpresë furnizimin me rrymë në këtë pjesë për shkak të mospagesës nga serbët. Banorët e këtij komuniteti që nga viti 1999 s`e paguajnë rrymën, duke kaluar kështu vlerën e 100 milionë eurove borxhi i tyre.

http://www.ina-online.net/Default.as...56ffa2dc8&ln=3

8.1.2010, 12:33

Citim:

KEK-u reagon ndaj ndërhyrjes së kompanive serbe

Korporata Energjetike e Kosovës, KEK ka reaguar ndaj ndërhyrjes së kompanive serbe të energjetikës në Kosovë – të cilat kanë filluar të inkasojnë fatura të rrymës në veri të vendit tonë.

Javëve të fundit, siç thuhet në një komunikatë për media, KEK sh.a. ka mësuar se subjekte te palicencuara që nuk janë të regjistruara në Kosovë (përkatësisht ‘Elektrokosmet’ dhe ‘Elektroprivreda Srbije’) kanë shpërndarë fatura për energjinë elektrike të konsumuar gjatë nëntorit 2009 në pjesën veriore të lumit Ibër.

“Përderisa KEK qëndron prapa asaj që të gjithë konsumatorët në Kosovë duhet të paguajnë për energjinë elektrike të shpenzuar pavarësisht nga lokacioni se ku gjenden apo përkatësia e tyre kombëtare, pagesa e tillë duhet të bëhet tek subjekti i duhur legal që ka leje të ushtrojë një aktivitet të tillë në pajtueshmëri me kornizën ligjore dhe rregullative të Kosovës”, thuhet në reagimin e KEK-ut.

KEK – siç theksohet më tej, është kompania e vetme e regjistruar dhe legalisht e autorizuar për tërë territorin e Kosovës që të operojë me sistemin e distribucionit të energjisë elektrike dhe të jetë furnizues publik, i cili bënë faturimin, inkasimin dhe ofron shërbime për konsumatorët.

KEK-u po ashtu ka njoftuar se ka adresuar këtë problem tek organet përkatëse.

http://www.rtklive.com/new/?cid=1&newsId=35119

Citim:

Mitrovicë: Kompani ilegale serbe shpërndajnë fatura për energjinë e shpenzuar elektrike

Prishtinë, 7 janar 2010 - KEK-u ka bërë të ditur se subjekte të palicencuara që nuk janë të regjistruara në Kosovë, përkatësisht "Elektrokosmet" dhe "Elektroprivreda Srbije", kanë shpërndarë fatura për energjinë e shpenzuar elektrike gjatë nëntorit 2009 në pjesën veriore të Mitrovicës.

Përmes një kumtese KEK thotë se qëndron prapa asaj që të gjithë konsumatorët në Kosovë duhet të paguajnë për energjinë elektrike të shpenzuar pavarësisht nga lokacioni se ku gjenden apo përkatësia e tyre kombëtare.

Pagesa e tillë duhet të bëhet tek subjekti i duhur legal që ka leje të ushtrojë një aktivitet të tillë në pajtueshmëri me kornizën ligjore dhe rregullative të Kosovës.

KEK është kompania e vetme e regjistruar dhe legalisht e autorizuar për tërë territorin e Kosovës që të operojë me sistemin e distribucionit të energjisë elektrike dhe të jetë furnizues publik, i cili bënë faturimin, inkasimin dhe ofron shërbime për konsumatorët. KEK ka adresuar këtë problem edhe tek organet përkatëse.

http://www.kosova.com/artikulli/58734

26.1.2010, 23:28

Citim:

Pasuritë e Kosovës po shfrytëzohen nga Serbia!

Prishtinë, janar - Të gjitha degët e ndërmarrjeve gjigante të Kosovës në ish-republikat jugosllave, tashmë janë përvetësuar nga vendet tjera, veçanërisht nga Serbia. Asnjë nga këto ndërmarrje dhe as AKP-ja, as ish AKM-ja, dhe as vetë qeveria e Kosovës nuk kanë ndërmarrë ndonjë hap për rikthimin e kësaj pasurie.

Në Beograd në mënyrë “ligjore” në Gjykatën Ekonomike në Serbi janë ç’regjistruar firmat e Kosovës dhe iu është ndërruar emri dhe rrjedhimisht edhe pronësia.

Institucionet e Kosovës nuk kanë qasje më në ato pjesë të ekonomisë së Kosovës, që kanë mbetur në ish-Jugosllavi gjegjësisht në Serbi.

Zyrtarë të Agjencisë Kosovare të Pronës (AKP-së), thonë se ka filluar procesi i identifikimit të ndërmarrjeve në Serbi e gjetiu, të cilat ishin të Kosovës.

Gani Prekopuca, ish drejtor i Eximkos”-it dhe ekspert i ekonomisë thotë se Kosova ka pasur ndërmarrje apo kombinate, që kanë qenë me rëndësi të veçanta për Kosovën, të cilat kanë thithë shumë investime, siç është rasti i “Trepçës”, “Ferronikelit”, Fabrikës së Tubave të Ferizajt, “Eximkosit, “Bankkosi”, Agro Kosovës” etj.

Të gjitha këto kanë pasur shtrirje edhe në vendet e rajonit e më gjerë si fabrika të Kosovës.

http://www.botasot.info/?gjuha=0&category=3&id=44914

4.2.2010, 23:52

Citim:

Belgrade wants 2nd power provider in Kosovo

KOSOVSKA MITROVICA -- The government's working group in charge of solving problems with the Kosovo and Metohija electric-energy system met yesterday in Kosovska Mitrovica.

They requested from the international community to introduce a second electric energy provider in the province.

The working group also concluded that the supply of electricity in northern Kosovo is now “consistent”.

State Secretary with the Ministry of Mining and Energy Nikola Rajaković said that the working group stressed at its session that their ultimate goal is the introduction of a second supplier of electric energy north of the Ibar River.

“Our ultimate goal is the quality operation of a second provider and supplier of electric energy in Kosovo and Metohija, which includes the generation, distribution, trade and maintenance of the electric-energy system. We expect the international community will be receptive to what is in everyone's best interest,” Rajaković said.

Head of the Kosovska Mitrovica District Radenko Nedeljković said that the electric energy supply has been “consistent and without major hitches, other than in the attempts to charge consumers”.

“Electricity must be paid for and we will be drafting a social statistics map of the population in the near future, so those consumers who cannot afford to pay will be taken care of,” he said.

“When it comes to northern Kosovo, we expect to get a second provider, and we will not allow a monopoly over this part of the province,” Nedeljković said.

When the Kosovo energy company, KEK, cut off the electricity supply to northern Kosovo on October 20, 2009, the Serbian government began the delivery of electric energy.

In mid November 2009, Serbia started charging for electric energy consumed in northern Kosovo for the first time in ten years.

http://www.b92.net/eng/news/business...3&nav_id=64956

8.2.2010, 16:41

Citim:

Serbia përvetëson krijimet e “Kosovafilmit”

Prishtinë, 8 shkurt – Regjisori kosovar Agim Sopi nuk e ka origjinalin e filmit që ai ka realizuar në vitin 1984, “Njeriu prej dheu”. Ajo çfarë ai mund t’i gëzohet, shkruan sot “Koha Ditore”, është vetëm një kopje e këtij filmi, përderisa negativi vazhdon të mbetet në Serbi. Të njëjtin fat e kanë edhe 34 filma të tjerë të “Kosovafilmit”.

Dhjetë vjet pas luftës adresa e tërë pasurisë së shtëpisë dikur të famshme të prodhimit të filmit “Kosovafilm” është Beogradi. Negativët e zhvilluar atje as që kanë mbërri ndonjëherë në Kosovë, përderisa pjesa tjetër e shiritave origjinalë të filmave ishte bartur bashkë me shumë dokumente e artefakte të trashëgimisë kulturore të Kosovës, me tërheqjen e pushtetit serb nga Kosova, në vitin 1999.

Drejtues të “Kosovafilmit” theksojnë se për një decenie përpjekjet për ta kthyer në Kosovë pasurinë e tyre kanë qenë të kota. Të njëjtët thonë se deri tani nuk është bërë asgjë konkrete, teksa pranojnë se kanë mundur të bëjnë më shumë. Për ministrin e Kulturës kjo është çështje politike.

Ndërkaq regjisorët të cilëve u janë marrë veprat nuk e kanë ndërmend të heqin dorë nga prona e tyre. Sopi përmend edhe padinë në Gjykatën e Strasburgut si hap i mundshëm që ai do të bëjë për ta kthyer negativin e filmit të tij.

http://www.koha.net/index.php?cid=1,9,11078

21.2.2010, 09:14

Citim:

Asetet e Kosovës në Serbi e Mal të Zi - çështje ekonomike apo politike?

Kosova ka mbi 155 prona të ndërmarrjeve publike jashtë territorit të saj, pjesa më e madhe e tyre janë në Serbi dhe Mal të Zi. Prishtina dhe Beogradi gjatë bisedimeve për statusin kanë diskutuar shumë pak për këtë temë.

Ekspertët e ekonomisë, thonë se zgjidhja e kontesteve për asetet e Kosovës në Serbi, duhet kërkuar edhe në rrugë diplomatike. Por këtë rrugë sipas tyre e vështirëson fakti se Kosova dhe Serbia nuk komunikojnë me njëra - tjetrën.

Ndërmarrjet publike kosovare, nuk po mund t'i kthejnë nën administrimin e tyre asetet që i kanë jashtë territorit të Kosovës kryesisht në Serbi dhe Mal të Zi, asete këto të trashëguara nga ish-Jugosllavia.

Ndër ndërmarrjet më të mëdha janë kompleksi metalurgjik “Trepça”, Korporata Energjetike e Kosovës, “Agro-Kosova”, Eximkos”-i por edhe një numër i madh i subjekteve të atëhershme ekonomike, që kanë qenë të shtrira me prona jashtë territorit të Kosovës.

Zëdhënësi i Agjencisë Kosovare të Privatizimit Ylli Kaloshi, shpjegon për Deutsche Welle-n: “Sipas të dhënave që ka deri më tash Agjencia Kosovare e Privatizimit, janë 55 ndërmarrje shoqërore që kanë më shumë se 155 asete në ish-republikat jugosllave, kryesisht në Serbi dhe Mal të Zi”.

Gjiganti industrial “Trepça” ka pasur një fabrikë në Vojvodinë, Banka e Kosovës, e njohur me emrin Bankos, po ashtu ka pasur filialet e saj në Beograd dhe në Ulqin. Në Mal të Zi, Kosova ka pasur edhe pushimoren për punëtorë e fëmijë.

Shumë prej këtyre ndërmarrjeve, besohet se tash nuk ekzistojnë fare apo janë pronë e dikujt tjetër., Ylli Kaloshi, thotë, se kjo agjenci ka probleme në komunikimin me vendet fqinje, për të zgjidhur çështjen e aseteve.

Këtë sipas tij duhet ta bëjnë me një angazhim më të lartë institucionet e Kosovës: “AKP mendon se duhet të ndërmerren hapa konkretë për të rritur ndërgjegjësimin e institucioneve të Kosovës, që ato të kërkojnë komunikim ndërshtetëror në sferën diplomatike, duke trajtuar çështjen e aseteve të Kosovës jashtë territorit të saj".

Ekspertë të çështjeve ekonomike, thonë se procesi i identifikimit të pronave të ndërmarrjeve kosovare jashtë vendit, është i vonuar. Gjatë bisedimeve për zgjidhjen e statusit të Kosovës në Vjenë, kjo çështje është diskutuar shumë pak dhe meqenëse Prishtina dhe Beogradi nuk arritën ndonjë marrëveshje, atëherë bisedimet për asetet e Kosovës jashtë territorit të saj kanë mbetur pa ndonjë zgjidhje.

Shpend Ahmeti, nga Institutit për Studime të Avancuara, thotë se ky problem është më shumë i natyrës politike: “Ai është problemi kryesor që kemi pasur. Ato nuk mund të privatizohen, pa u zgjidhur problemet politike. Kjo është diskutuar shkurtazi në negociatat e Vjenës; nuk ka pasur zgjidhje. Ne kemi diskutuar vetëm për ndarjen e borxhit të Kosovës dhe nuk kemi diskutuar për asetet, siç kanë diskutuar republikat tjera të ish-Jugosllavisë”.

Njëri nga pjesmarrësit në bisedat e Vjenës ndërmjet Kosovës dhe Serbisë, ishte edhe profesori Muhamet Mustafa nga Instituti Riinvest. Në një intervistë të mëhershme dhënë Deutsche Welle-s, profesor Mustafa pati thënë, se në këto bisedime më shumë është theksuar çështja e borxheve të Kosovës në mekanizmat financiarë ndërkombëtarë.

Sipas tij, çështja e borxheve nuk është e vetmja që duhet të adresohet: “Nuk është vetëm çështja e borxheve që ka mbetur pa u rregulluar në marrëdhëniet reciproke ekonomike Kosovë-Serbi. Në bisedimet e Vjenës, krahas borxheve është paraqitur e çështja e obligimeve të Serbisë për dëmet e shkaktuara në vitet '80, për mosinvestimin në Kosovë, për shkatërrimin e industrisë, dëmet e luftës, pagat e humbura, fondet pensionale dhe çështje të tjera. Pra janë një mori çështjesh që duhet të diskutohet dhe të zgjidhen. Kosova ka shprehur gatishmëri që të hapë këtë debat, por Serbia deri tash ka konsideruar, se ajo është pronare e borxheve dhe aseteve edhe të Kosovës, dhe në një situatë të re shpresohet që Serbia do të jetë më konstruktive për të gjetur një zgjidhje".

Ekspertët e çështjeve ekonomike thonë, se për kthimin e aseteve të Kosovës që janë jashtë territorit të saj, të trashëguara nga ish- Jugosllavia duhet vepruar siç kanë vepruar ish-republikat e tjera të Jugosllavsië, siç janë Sllovenia, Kroacia, Maqedonia dhe Mali i Zi.

Këtë sipas tyre duhet ta bëjnë juristët kosovarë duke shfletuar ligjet ndërkombëtare dhe ligjet e vetë Serbisë. Në rastin e Kosovës ata thonë, se duhet edhe një angazhim diplomatik, në mënyrë që mekanizmat ndërkombëtarë të bëjnë presion mbi Serbinë që të hapen bisedat dhe të sqarohet se cilat janë asetet e Kosovës në Serbi.

Një gjë e tillë duhet të bëhet edhe me Malin e Zi, i cili e ka njohur Kosovën si shtet të pavarur./dw/

http://www.botasot.info/?gjuha=0&category=3&id=48351

3.3.2010, 02:46

Citim:

Serbët në veri nuk duan t’ia paguajnë rrymën as EPS-së

Mitrovicë, 2 mars – Pronarët e objekteve hoteliere në pjesën veriore të Mitrovicës shprehin pakënaqësinë e organizuar ndaj pagesës së rrymës kompanisë shtetërore të Serbisë (EPS), merr vesh “Koha Ditore” nga burime të sigurta në Mitrovicë.

Sipas këtyre burimeve, pronarët e disa lokaleve në veri kanë marrë fatura të larta për pagesë nga EPS-ja, dhe pasi refuzojnë t’i paguajnë ato, përballen me reduktime dhe ndërprerje të ashpra të rrymës – 5-6 orë në ditë.

Ndërkohë burimi ka thënë se EPS-ja, e cila ka kohë që ka ndërhyrë ilegalisht në sistemin e shpërndarjes së rrymës në territorin e Kosovës, tani ka vendosur që t’i shkyçë harxhuesit e mëdhenj të rrymës që nuk kanë paguar faturat, por i kursen harxhuesit shtëpiakë.

http://www.koha.net/index.php?cid=1,5,13393

10.4.2010, 15:43

Citim:

Serbi: Serbët vjedhin rrymë për 60 milionë euro në vit

Beograd, 9 prill - Vjedhja e energjisë elektrike është një nga problemet më të mëdha të elektroekonomisë serbe (EPS), i cili ndikon më së shumti në rritjen e humbjeve, është vlerësuar në tryezën e rrumbullakët "Vjedhja e energjisë elektrike – vepër penale", me ç’rast është thënë se në nivel vjetor kjo përbën vjedhjen më të madhe në Serbi, pasi arrin shumën e 60 milionë eurove.

Zëvendësprokurori i Beogradit ka thënë se vjedhja e energjisë elektrike ka marrë hov sidomos në dy vjetët e fundit dhe ka përkujtuar se për këtë vepër penale parashihet dënimi deri në 3 vjet burgim.

Sipas mendimeve që u dëgjuan kjo vjedhje mund të shmanget vetëm me futjen e teknologjisë së re, përkatësisht me leximin në largësi të matësve të shpenzimit të energjisë elektrike, por se kjo nuk mund të bëhet së paku edhe 7-10 vjet.

http://www.koha.net/index.php?cid=1,17,17496

1.6.2010, 18:46

Citim:

Prifti: “Serbia, do të shfrytëzojë portet dhe rrugët shqiptare për të marrë mallra”

Biznesi dhe kompanitë serbe janë të ftuara nga pala shqiptare për të shfrytëzuar hapësirat portale dhe infrastrukturën tonë për të furnizuar tregun e vendit të tyre me mallra.

Një fakt të tillë e ka bërë me dijeni vetë ministri i Ekonomisë, Dritan Prifti, gjatë një konference të përbashkët me homologun e tij serb, Petar Skundriç, me të cilin tha se kanë diskutuar mbi krijimin e hapësirave për investime të biznesit serb në vendin tonë.

“Me Skundriç kemi diskutuar mënyrat e bashkëpunimit në fushën e energjetikës dhe të minierave në përgjithësi”,- bëri me dijeni në fjalën e tij, Prifti. Duke shtuar se, “Serbia mund të furnizojë në të ardhmen me gaz tregun shqiptar, por edhe me energji elektrike në rast emergjence, kur dihet se kompanitë serbe eksportojnë energji në rajon".

“Por kemi diskutuar edhe për aleanca e strategji mes dy vendeve tona, si edhe për vizitën e ardhshme timen në Beograd, ku pritet të nënshkruhet një marrëveshje bashkëpunimi mes dy vendeve tona në sektorë të ndryshëm të ekonomisë”,- përfundoi fjalën e tij, ministri i Ekonomisë, Dritan Prifti.

http://www.gazeta-albania.net/news.php?id=26841

Citim:

Shqipëri- Serbi, gazjellës për Shqipërinë

Qëndrimi i Serbisë ndaj Kosovës nuk duhet të pengojë zhvillimin e marrëdhënieve të qëndrueshme ekonomike dhe se vizita e sotme shënon vetëm fillimin për një bashkëpunim rajonal në fushën ekonomike, tha sot në Tiranë ministrin serb i Energjetikës dhe Minierave Petar Shkundriq.

Sipas tij Serbia nëpërmjet linjave të koneksionit dhe marrëdhënieve me vendet të tilla si Rusia, Ukraina, Bjellorusia etj., ofron akses ndaj një tregu më të madh energjetik. Ndërkaq Ministri shqiptar i Energjetikës, Dritan Prifti ka deklaruar se Shqipëria do të zgjerojë bashkëpunimin me Serbinë në fusha të ndryshme të ekonomisë.

Gjatë një konference të përbashkët për shtyp me homologun serb, Skundriq, Prifti ka deklaruar se takimi mes palëve ka qenë i frutshëm.

"Diskutuam raportet ekonomike mes dy vendeve dhe mundësitë për të rritur bashkëpunimin në fushën e energjetikës dhe minierave", tha Prifti. Ai ka garantuar homologun e tij se do të kenë hapësira në vendin tonë për biznesin serb.

Ndërkaq Kryeministri Sali Berisha gjatë një takimi me ministrin serb të Energjetikës dhe Minierave Petar Shkundriq theksoi se hapja e një kapitulli të ri të bashkëpunimit ekonomik ndërmjet Shqipërisë dhe Serbisë është në interesin më të mirë të qytetarëve të këtyre dy vendeve.

Në konsideratën e burimeve të shumta ujore, theksoi Berisha, qeveria shqiptare ka iniciuar projekte ambicioze për ndërtimin e 440 hidrocentraleve të vogla. Investitorët serb, vijoi më tej Kryeministri, mund të gjejnë me interes të investojnë në Shqipëri edhe në burime alternative të energjisë, si të erës apo qymyrit, në kushtet e një mjedisi të favorshëm për zhvillimin e biznesit dhe të një rritje të qëndrueshme ekonomike.

Nga ana e tij, ministri Petar Shkundriq mbështeti idenë se bashkëpunimi ekonomik mes dy vendeve kontribuon në përfitime reciproke për të dy vendet. Në këtë këndvështrim, në frymën e angazhimit reciprok, së shpejti do të firmoset në Beograd një marrëveshje bashkëpunimi mes Shqipërisë dhe Serbisë. (alsat)

http://www.botasot.info/?gjuha=0&category=6&id=63887

Citim:

Berisha pret ministrin serb të Energjetikës

Kryeministri vlerësoi se hapja e një kapitulli të ri të bashkëpunimit ekonomik ndërmjet Shqipërisë dhe Serbisë është në interesin më të mirë të qytetarëve të këtyre dy vendeve

Kryeministri Berisha priti dje në një takim ministrin serb të Energjetikës dhe Minierave Petar Škundrić dhe delegacionin që e shoqëronte.

Kryeministri Berisha i uroi mirëseardhjen delegacionit dhe u shpreh se ky takim kontribuon në intensifikimin e bashkëpunimit ekonomik ndërmjet dy vendeve në shumë fusha e veçanërisht në fushën e energjisë.

Kryeministri theksoi se hapja e një kapitulli të ri të bashkëpunimit ekonomik ndërmjet Shqipërisë dhe Serbisë është në interesin më të mirë të qytetarëve të këtyre dy vendeve. Zhvillimi dhe liberalizimi i tregut të energjisë, - u shpreh Kryeministri Berisha, - përbën një ndër prioritetet më të rëndësishme të qeverisë shqiptare. Në konsideratën e burimeve të shumta ujore, - theksoi Kryeministri, - qeveria shqiptare ka iniciuar projekte ambicioze për ndërtimin e 440 hidrocentraleve të vogla. Investitorët serb, - vijoi më tej Kryeministri, - mund të gjejnë me interes të investojnë në Shqipëri edhe në burime alternative të energjisë, si të erës apo qymyrit, në kushtet e një mjedisi të favorshëm për zhvillimin e biznesit dhe të një rritje të qëndrueshme ekonomike.

Nga ana e tij, ministri Petar Škundrić mbështeti idenë se bashkëpunimi ekonomik mes dy vendeve kontribuon në përfitime reciproke për të dy vendet. Ai theksoi që qëndrimi i Serbisë ndaj Kosovës nuk duhet të pengojë zhvillimin e marrëdhënieve të qëndrueshme ekonomike dhe se vizita e sotme shënon vetëm fillimin për një bashkëpunim rajonal në fushën ekonomike. Serbia nëpërmjet linjave të koneksionit dhe marrëdhënieve me vendet të tilla si Rusia, Ukraina, Bjellorusia etj., ofron akses ndaj një tregu më të madh energjetik.

Në këtë këndvështrim, në frymën e angazhimit reciprok, së shpejti do të firmoset në Beograd një marrëveshje bashkëpunimi mes ministrit serb të Energjetikës dhe Minierave z. Petar Škundrić dhe ministrit të Ekonomisë dhe Energjetikës të Shqipërisë, Dritan Prifti, thuhet në një njoftim të kryeministrisë.

http://www.botasot.info/?gjuha=0&category=6&id=63888

12.3.2008, 08:21	#1
mesdimr Anëtarësuar: 8.2006	Serbia nxjerr €2mld/vit nga skllevërit shqiptarë Mbulim i "shkëmbimeve" tregtare të shqiptarëve me Serbinë.

21.12.2008, 17:19	#4
Anëtarësuar: 5.2008	Tiranë-Beograd: Këmbime tregtare 76mln $ për 2008-ën Shkëmbimet tregtare mes Serbisë dhe Shqipërisë Perëndimore, kanë arritur në shumën e 76 milionë dollarëve gjatë 10 muajve të këtij viti, tregojnë statistikat e Odës Ekonomike të Serbisë. Me këtë rast, Serbia gjendet në suficit tregtar për shkak se ka eksportuar në Shqipërinë Perëndimore mallra në vlerë prej 65 milion dollarë, ndërkohë që nga ka importuar prej aty mallra në shumën prej 11 milion dollarë. Eksportet e Serbisë kanë qenë energjia elektrike, prodhimet dhe mbeturinat e hekurit dhe mielli, ndërsa ka importuar shufra hekuri, bitum dhe hekur për beton. http://www.telegrafi.com/?id=46&a=1761

2.2.2009, 19:46	#6
Anëtarësuar: 5.2008	Serbia hyn e del në Veri pa asnjë problem, Prishtina hesht Zveçan, 2 shkurt - Një trafostacion i sapondërtuar midis Mitrovicës dhe Zveçanit sot është kyçur në sistemin elektroenergjetik të Serbisë. Sipas mediave serbe, kjo "do të mundësojë furnizim më të mirë dhe të sigurt" të veriut të Kosovës me energji elektrike". Kjo nënkupton se veriu i vendit është shkyçur nga sistemi elektroenergjetik i Shqipërisë së Veriut dhe është lidhur me rrjetin elektrik serb. Këtë trafostacion e ka përuruar ministri serb i Energjetikës dhe Minierave, Petar Shkundriç, bashkëpunëtor i ngushtë i ish-diktatorit Millosheviç e tani partner koalicioni i presidentit aktual serb, Boris Tadiç. http://www.kosova.com/artikulli/51551

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Serbia nxjerr €2mld/vit nga skllevërit shqiptarë

Serbia nxjerr €2mld/vit nga skllevërit shqiptarë

Prishtinë: Shteti i gatshëm të shlyejë huanë e... Serbisë

Serbia vjedh €2 mln/vit nga rrjeti energjetik shqiptar, Prishtina hesht

Tiranë-Beograd: Këmbime tregtare 76mln $ për 2008-ën

Serbia hyn e del në Veri pa asnjë problem, Prishtina hesht

Serbia vjedh dhe tjetërson ndërmarrjet shqiptare, Prishtina hesht

21.12.2008, 19:18	#5
radio zimbabve	Shqipëria me të gjithë vetëm nxjerr pare jashtë. Si shpjegohet?

15.11.2009, 13:55	#10
mesdimr Anëtarësuar: 8.2006	Letonia, Estonia dhe Lituania janë për t'u lakmuar në politikën e tyre të qartë të jashtme dhe me shtyllë kurrizore kombëtare (gjë kjo krejt e panjohur për internacionalistët tanë).