Mq/ Enciklopedia e rrezikshme

vlug · 1.4.2008, 10:55

Citim:

Evis HALILI

Shkup, 31 mars - Trillimet e një libri të çfarëdoshëm dhe të një enciklopedie nuk mund të jenë të njëjta. Pesha e rrezikut që ato transmetojnë ka të tjera vlera, sidomos ku bëhet fjalë për enciklopedi që konsiderohet si sinonim i informacioneve dhe burimeve të sigurta, një vepër së cilës i referohen studiues dhe njerëz të zakonshëm, botohet në shumë gjuhë dhe bëhet pasuri e bibliotekave ndërkombëtare, pohojnë intelektualët shqiptarë. Tezat antishqiptare të "Enciklopedia e përgjithshme dhe maqedonase" kanë aktivuar të gjitha alarmet, megjithatë reagimi i historianëve dhe intelektualëve shqiptarë lidhur me botimin e katër vëllimeve është më shumë se i vonuar. Madje dy vjet pas botimit të saj. Të tjerë as që e kanë shfletuar. Shumë prej tyre e justifikojnë këtë "shpërqendrim" me arsyetimin se Enciklopedia është shpërndarë gati-gati "fshehurazi" dhe në kopje të kufizuara. Vetëm pas promovimit të fundit që u bë pak kohë më parë në Akademinë e Shkencave dhe Arteve të Maqedonisë nisën edhe reagimet e para. Akademiku Ali Aliu është një prej personaliteteve shqiptarë që figuron në "Enciklopedinë e përgjithshme dhe maqedonase", megjithëse pohon se ky botim është i panjohur për të.

Aliu është në dijeni të daljes në qarkullim të një botimi të tillë, por nuk mund të komentojë asgjë lidhur me përmbajtjen dhe tezat e hedhura në të nga studiuesit maqedonas lidhur me historinë dhe të kaluarën shqiptare. Por bën me dije se kjo enciklopedi mund të konsiderohet shqetësuese. "Ende nuk e kam marrë në duar dhe nuk e di brendinë e saj, por me ato që kam dëgjuar mund të them se është shqetësuese, pasi nuk bëhet fjalë për një libër, por enciklopedi dhe ku emërtimi i saj shpërdorohet në këtë formë. Kjo çështje meriton që të merret në konsideratë sa më shpejt nga intelektualët shqiptarë", thotë Aliu. Ai propozon edhe organizimin edhe të të gjithë historianëve, intelektuale dhe subjekteve të tjerë në një tavolinë debati lidhur me këtë çështje.

Nga ana tjetër, departamenti i historisë pranë USHT-së e quan të rrezikshme lejimin e qarkullimit të enciklopedisë. Shefi i katedrës Vehbi Xhemaili është kategorik dhe paralajmëron masa radikale në rast të mosplotësimit të kërkesave të memorandumit që do të dorëzohet javën e ardhshme pranë të gjitha institucioneve respektive në vend. Xhemaili pohon se pas memorandumit, përgatitet një kongres me studiues ku të gjitha tezat e ngritura në enciklopedinë maqedonase do të argumentohen prej tyre. Megjithatë ai pohon se nëse pala maqedonase nuk do t'i tërheqë mbrapsht trillimet dhe gënjeshtrat e hedhura në enciklopedi, atëherë departamenti i historisë do të kërcënojnë me shkëputjen e çdo lloj kontakti me institucionet shtetërore vendase.

http://koha.com.mk/Aktuale.html#a1

Blin · 1.4.2008, 15:24

Ose kjo është një temë e njohur gjerë në Maqedoni dhe supozohet se lexuesi di për çfarë flitet, ose gazetari ka harruar të përmendë se cila është çështja për të cilën po shkruan...

Me sa kuptova, duhet të jetë ndonjë punim i njëanshëm i sllavomaqedonëve... Po nuk sqarohet gjë në shkrim.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

1.4.2008, 15:24	#2
Blin bukëpjekës Anëtarësuar: 6.2007	Ose kjo është një temë e njohur gjerë në Maqedoni dhe supozohet se lexuesi di për çfarë flitet, ose gazetari ka harruar të përmendë se cila është çështja për të cilën po shkruan... Me sa kuptova, duhet të jetë ndonjë punim i njëanshëm i sllavomaqedonëve... Po nuk sqarohet gjë në shkrim.