Lufta e ftohtë e interesave ekonomike vazhdon akoma!

bnik

BANKA E INVESTIMEVE ITALO-RUSE NE ZEMER TË EUROPES!

Presidenti rus, V. Putin në bashkëpunim me bankën Intesa Sanpaolo në Moskë, jep OK për krijimin brenda 2008 të bankës së investimeve italo-ruse i cili si entitet juridik do e ketë selinë qendrore në Itali për të tërhequr kështu në brendësi të saj grupet industriale dhe energjitike.

Pra Rusia do të ketë pikërisht mu në qendër të Europës një gjigand energjitiko-financiar me anë të të cilit do zgjerojë investimet dhe zonën e saj të influencës si një oktapod , dhe jo vetëm në Itali (që energjikisht varet nga gazi rus) por edhe në tregun Europian!

Putin me anë të kësaj banke investimesh ka ftuar kompanitë italiane që të marrin pjesë në të dhe të mbështesin investimet e medha “në teritorin rus, në Bashkimin Europian, në komunitetin e shteteve të pavarura” pra për t’u përhapur kështu në tregjet e Kinës e Indisë, të vendeve në zhvillim e sipër dhe të botës së tretë!

Propozimi është ideuar nga Antonio Fallico i bankës Intesa Sanpaolo të Moskës, është egzaminuar nga qeveria ruse e cila ka krijuar një projekt bashkëpunimi italo-rus në nivel bankar dhe ndërkombëtar, dhe më pas është “harmonizuar” nga legjislacioni italian.

Kjo marrëveshje do bëjë të mundur kështu edhe hyrjen e rrezikshme të së përfolurave ruse Gazprombank dhe të Konsorcit Kombëtar Rus të Bankës së Zhvillimit VEB, përveç hyrjes së shoqërive të tjera energjitike ruse që operojnë me Italinë!

GazpromBank po realizon në Rusi në bashkëpunim me Holding Rus Gazprom dhe Bursën Ndërajonale të Gazit dhe Naftës MBNK (Interregional Oil and Gas Industry Exchange) një projekt shumë të rrezikshëm për të krijuar në Shën Pjetërburg bursën më të madhe të gazit të Europës! Realizimi i kësaj Burse është konfirmuar nga gazeta e përditshme e Moskës, Kommersant si dhe nga vetë Drejtori i SPBEX, Viktor Nikolaiev.

Realizimi i këtij projekti është bërë nga Gazprom më anë të një komiteti për zhvillimin e tregetisë borsiste, duke përcaktuar edhe shoqërinë e specializuar që duhet të çojë përpara këtë projekt. Kjo bursë e re e gazit do krijohet në bazë të bursës që egziston tashmë në Shën Pjetërburg SPBEX (Saint-Petersburg Stock Exchange, që është tregu i tretë financiar i Rusisë pas bursave të MICEX dhe RTS) i koordinuar nga Marina Medvedeva bashkëpuntore e përgjithshme e MICEX (që është bursa e shkëmbimeve të valutave në Moskë).

Kjo bankë investimesh është në fakt instrumenti i marrëveshjes së nëntorit 2006 midis grupit petrolifer italian Eni dhe ruses Gazprom, që është realizuar pjesërisht në bashkëpunim të konsorcit për ndërtimin e gazsjellësit Southstream.

Pra ky investim italo-rus është pjesë përbërëse e projektit të bursës më të madhe të gazit në Europë, në të cilën do qarkullojnë përfitimet dhe transakcionet e produkteve të naftës duke patur si referim vetëm monedhat në Euro dhe në Rubla, e duke lënë jashtë këtij tregu Dollarin USA (i cili sa vjen e po dobësohet dhe zhvelftësohet)!

bnik

Ndarja e merkatove botërore sa vjen e po bëhet më e qartë, nga njëra anë kemi shtetet në rritje e sipër, si Kina (që po zhvillohet ushtarakisht), Rusia dhe India që po fuqizohen ekonomikisht çdo ditë e më shumë, dhe nga ana tjetër kemi fuqitë perëndimore që po dobësohen dhe që vuajnë nga çmimi i lartë i naftës dhe krizat e brendshme politiko-ekonomike!

OPEC mund të braktisë Dollarin USA për të zgjedhur Euro si monedhë zyrtare të shkëmbimit duke nisur nga dorëzimi i ardhshëm i Middle East Economic Digest (MEED). Madje njoftimi është dhënë nga Sekretari i Përgjithshëm i OPEC, Abdallah al Badri publikuar nga Agjencia Britanike Reuters gjë që ka bërë rritjen e vlerës së Euros në 1,48 dollar duke e shtyrë të kapi maksimumin e historikut të vet!

Ky përqëndrim i kapitaleve në zonën Euro ka për të ngritur jashtë mase përqindjen e inflacionit duke e çuar Europën në të ardhmen me siguri në një flluckë sapuni monetar, pasi këto luhatje (të çmimit të vlerës euro) janë të diktuara dhe varen nga manovra spekulative që shkaktojnë një shkëmbim të tepruar të monedhës virtuale duke e çuar drejt një shoku (ashtu siç ndodhi me riuljen e bursave aziatike) e duke djegur një sasi shumë të madhe monetare!
Euro është thjesht një pasqyrë e dobësimit të dollarit, pasi euro fuqizohet dhe rritet vetem në funksion të dobesimit të një monedhe tjeter, dhe gjithashtu ekonomia në Europë nuk është një ekonomi që rritet dhe zhvillohet edhe në vende të tjera! Në anën tjetër Bashkimi Europian po zgjerohet në Europën Lindore me qellim shfrytëzimin e ekonomive të dobta dhe në zhvillim e sipër me anë të legjislacionit të tyre ende të paformuar!

Pra ajo që po ndodh sot në Ballkan dhe në Europën Lindore nuk është një luftë politike por një luftë për supremacinë ekonomike, dhe Rusia po i leviz shumë djallëzisht gurët e saj “diplomatike” në këtë drejtim: Gazprom kontrollon 70% të furnizimeve me gaz që arrijnë në Europë me anë të gazsjellësve të saj që kalojnë pikërisht në Ballkan (Serbi) dhe Europën Lindore!

Kosova edhe pse s’ka burime nafte është një element i rëndësishëm në këtë luftë gjeo-politike. ShBA ka ndërtuar bazën ushtarake Bondsteel prej 1,000 hektarësh në jug-lindje të Kosovës pranë Urosevic (afër kufirit maqedonas) e cila do shërbeje për të mbrojtur korridoret më të rëndësishme midis Europës dhe Azisë ku gazsjellësi transballkanik AMBO (Albanian Macedonian Bulgarian Oil Corporation ) përfaqësues i interesave amerikane, do të jete epiqendra.

AMBO që do të jetë operativ më 2011, do të sjellë naftën e detit Kaspik nga Porti Burgas duke kaluar nëpër Maqedoni deri në portin e Vlorës nga ku do futet në tregun europian dhe amerikan!

Gazsjellësi AMBO bie e ndesh dhe është në kontrast me një gazsjellës tjetër që përfaqëson interesat Ruse, ate të South Stream, i cili kalon 400 km nëpër territorin serb dhe do të ketë një kapacitet prej 10 miliardë metra kub gaz në vit! Memorandumi parashikon edhe ndërtimin e një depozite të nëndheshme të gazit pranë Banatski Dvor në Vojvodinë.

Serbia bën pjesë në projektin e ndërtimit të gazsjellësit South Stream ndërsa Shoqëria e Naftës Serbe NIS është blerë për 51% nga Gazprom ruse. Akordi i bashkëpunimit energjitik midis Gazpromit dhe qeverisë së Beogradit është firmosur me 11 dhjetor 2007.

Kjo marrëveshje parashikon pjesëmarrjen e Serbisë në gazsjellësin South Stream, ku blerja nga ana e ruseve të paketës aksionere të kontrollit të monopolit serb të naftës Naftna Industrija Srbije (NIS), parashikon ndërtimin e infrastrukturës për magazinimin e gazit. Gazprom me anë të këtij akordi ka shtënë në dorë një biznes që vlen më shumë se 4 miliard dollare.

Ky lajm ishte deklaruar edhe në takimin e krye ekzekutivit të Gazpromit Alexei Miller me përfaqësuesit e qeverisë serbe, ku u propozua shitja paraprake e një pakete aksionare prej 25% të kapitalit social të NIS me impenjimin e Gazpromit për të kryer investime prej mbi 250 milionë dollarë për zhvillimin e tij. Alexandre Chtok drejtor i skuadrës drejtuese të grupit 2K Auditing-Delovy ka deklaruar: “Shitja e NIS bën pjesë në kuadrin e pjësmarrjes së Serbisë në projektin South Stream, dhe kjo do të thote rritje të investimeve të metejshme në Serbi.”....

bnik

Analiza e ekspertëve të Gazprom nuk ka lënë pas dore as aspektin politik të çështjes duke deklaruar se: “Moska mbështet aktivisht Beogradin në lidhje me çështjen e Kosovës dhe si rrjedhojë shoqëritë publike ruse mund të mbështeten në mënyrë reciproke tek Serbia”. Serbia në këtë mënyrë nuk do të jetë thjesht një aksioniere e rëndomtë por pretendon të bëhet lider në rajonin ballkanik dhe rajonal përsa i përket energjisë! Gjithashtu dhe Rusia do të gjejë tek Serbia një aleate shumë të rëndësishme e cila do të kthehet në një plataformë strategjike për të përhapur gjithmonë e më shumë influencën dhe monopolin e ofertës së naftës ruse!

Por si arriti Rusia të Rimëkëmbej?

Kur Boris Yelsin ishte në pushtet, Rusia ndërtoi një shërbim sekret ortodoks, që nuk kishte fare të bënte me fenë, duke qenë një shërbim paralel që kishte si qëllim kryesor atë të vlerësimit të ligjit të "disidentëve". Duke lëvizur në mënyrë të padukshme, mblodhi me kohë të dhëna, dosie e informacione, dallonin një pre dhe e ndiqnin në çdo lëvizje të tij për të marrë material të mjaftueshëm për të përdorur në rrëzimin e një qeverie e krijimin e një tjetre.


Filmonin politikanët me minorenë, mblidhnin material kompromentues, hynin në shtëpitë e tyre e linin para ose drogë, në mënyrë që t'i fajësonin për riqarkullim (pastrim parash të pista), bënin çdo gjë e nuk kishin rregulla pasi qëndronin mbi ligjin dhe shtetin. Kjo makineri e shërbimeve disidente përfshihet më tej në një kontekst siç është ai i viteve 90 me luftën në Ballkan. Ajo që shumë njerëz nuk dinë është se sistemi financiar e bankar i ish-Jugosllavisë ishte i organizuar në një mekanizëm kompensimesh të ndërsjellta.

Milosheviç nuk ishte vetëm Presidenti i ish-Jugoslavisë, por kishte qënë në të kaluarën President i Bankës Qëndrore Jugosllave, që drejtonte transaksionet e mbarë federatës së Shteteve duke ushtruar kompensime mes shkëmbimeve. Për strukturën e saj politike, ish- Jugosllavia kishte ndërkohë një sistem shpërndarës, çdo strukturë qeveritare ishte decentralizuar e ishte bërë e pavarur. Edhe para luftës, ishte një shtet i ndarë, por njekohesisht në aspektin financiar ishte i bashkuar dhe i mire drejtuar nga një sistem i fuqishëm informatik e një rreth bankar i mbyllur në brendësi të Federatës.


Dhe jo rastësisht, Rusia ka mbështetur gjithmonë Milosheviç, duke e mbështetur edhe gjatë proçesit në Hagë! Madje vete gruaja e tij tani gjendet në Rusi, ku Milosheviçit i kanë dedikuar edhe një rrugë të rëndësishme pak ditë pas vdekjes së tij. Putin, me inteligjencën e diplomacinë e tij, e ka bërë realitet kalimin e Rusisë në kualitet, e pa pikë dyshimi ka bërë interesin e vetvetes, duke bërë çmos për të mbajtur një regjim të caktuar dhe të përvetsuar nga strukturat shtetërore në një kohë të shkurtër dhe perfekte. Federata Ruse ka dhënë tashmë disponueshmërinë e saj për t'u kolauduar me këtë sistem, ndërsa nacionalizimi i gazit ka shërbyer për të përfituar mjetin e nevojshëm për të lidhur Europën dhe për ta bllokuar pas vetes!


Pra politikat e naftës dhe e interesave energjitike po nxjerrin në pah luftën e heshtur të korporatave dhe shteteve për të patur kontrollin e Ballkanit jo për ta zhvilluar këtë rajon, por për ta sunduar dhe kontrolluar ekonomiksht e politikisht për të bllokuar ekonomitë e tyre përkatëse.

Shqipëria në këtë luftë "gjak-naftëpirësash" ka humbur lirinë e saj ekonomike dhe politike prej 18 vjetësh duke vazhduar zvarritjen e përjetshme në varfëri totale. Gjatë këtyre 18 vjetëve Shqipëria është vjedhur në pasuritë e saja nga korporatat ndërkombëtare, është gënjyer nga politikanët, ambasadorët, mesazherët e paqes fetare dhe burra shteti më ane të pakteve bilaterale që s’vlejnë as dy qindarka pasi në të vërtet nuk janë në interes të Shqipërisë por të të tjereve!

Me duart tona kemi lejuar hyrjen e Baronëve Ndërkombëtarë në Shqipëri për të na plaçkitur, për të na kontrolluar e sunduar. Me mbërritjen e tyre, para çdo gjëje sahanlepirsat tanë kanë djegur arkivin e shtetit e kadastrën, duke penguar në mënyrë të pariparueshme rindërtimin e kufijve e perimetrave të tokave egzistuese në atë kohë: kanë krijuar kaos e nga kjo kanë përfituar për të rritur interesat e korporatave të tyre

Komuniteti Europian dhe ShBA kanë vendosur ta kthejnë Shqipërinë në koshin e plehrave toksike dhe vendin e bizneseve të pista dhe ilegale!