Shqiptarët kundër grekëve, serbëve edhe turqve

vlug · 16.4.2008, 23:35

Citim:

Viti 1358

Pastaj disa nga shokët (nga grekët – Red), të shtyrë nga ligësia dhe nga mendjelehtësia, duke menduar gjëra të këqija dhe të paligjshëshme, dhe duke nxitur Despotin¹ e bindën që ta lërë gruan për hatër të Tribalëve², dhe të merrte për grua motrën e Elenës, së shoqes së Kralit, sepse kështu do të sundonte me siguri mbi Thesalinë edhe Akarnaninë, mbasi Tribalët nuk do të luftonin (kundër tij) për shkak të krushqisë, dhe do t’i çkatërronte arbëreshët që i kundërshtonin sundimit dhe që sillnin dëme jo të pakta...

Sa për Despotin Niqifor, me gjithë që e dinin se si nuk do ta duronte qetësisht përcjelljen dhe brohoritjen, jo vetëm që nuk e çanin kryet për të fare, por dhe sheshit e shanin si njeri që kishte dalur menç fare sepse, siç thotë fjala, dha atin dhe mori bakrin. Prandaj, pak më vonë, nga ky shkak, arbëreshët u shkëputën sheshit nga Despoti duke thënë se do të luftonin me gatishmëri si për veten e tyre, në qoftë se nuk e prish krushqinë me Tribalët dhe nuk e thërret përsëri prej Peloponezit bijën e mbretit për të jetuar bashkë me të...
Niqifori donte përmes rivendosjes me përdhunë t’i kthente feudet e veta në gjendjen që ishin tetë vjetë më parë. Porse plasi shpejt një kryengritje e arbëreshëve. Despoti Niqifor me stratiotët e tij grekë dhe me mercenarët turq, u mund në lumin Aheloos prej fisnikëve arbëreshë me ushtritë e tyre që lëviznin shpejt dhe ra i vrarë.

________________
^{1. Despoti i Epirit - Niqifori.

2. Kantakuzeni quan Tribalë serbët.}

Kantakuzenos, IV, 43, Origjinal, greqisht, në Burime të zgjedhura për historinë e Shqipërisë, vëll. II, shek. VIII-XV, f. 188-189

vlug · 16.4.2008, 23:55

Citim:

Pastaj disa nga shokët (nga grekët – Red), të shtyrë nga ligësia dhe nga mendjelehtësia, duke menduar gjëra të këqija dhe të paligjshëshme, dhe duke nxitur Despotin e bindën që ta lërë gruan për hatër të Tribalëve, dhe të merrte për grua motrën e Elenës, së shoqes së Kralit, sepse kështu do të sundonte me siguri mbi Thesalinë edhe Akarnaninë, mbasi Tribalët nuk do të luftonin (kundër tij) për shkak të krushqisë, dhe do t’i çkatërronte arbëreshët që i kundërshtonin sundimit dhe që sillnin dëme jo të pakta...

Despoti i Epirit, pra, ftohej që ta linte gruan e tij dhe të martohej me Elenën, dmth. të bëhej kunati i sundimtarit serb, sepse vetëm kështu mund t'i shkatërronte arbëreshët që ia kundërshtonin sundimin.

Citim:

Sa për Despotin Niqifor, me gjithë që e dinin se si nuk do ta duronte qetësisht përcjelljen dhe brohoritjen, jo vetëm që nuk e çanin kryet për të fare, por dhe sheshit e shanin si njeri që kishte dalur menç fare sepse, siç thotë fjala, dha atin dhe mori bakrin.

Niqifori ishte, një nga ata sundimtarë që nuk e kishte respektin e popullit të tij. Por këtu jemi në mëshirën e autorit që na sjell lajmin, në simpatinë ose jo që mund të kishte Kantakuzeni për këtë Despot.

Citim:

Prandaj, pak më vonë, nga ky shkak, arbëreshët u shkëputën sheshit nga Despoti duke thënë se do të luftonin me gatishmëri si për veten e tyre, në qoftë se nuk e prish krushqinë me Tribalët dhe nuk e thërret përsëri prej Peloponezit bijën e mbretit për të jetuar bashkë me të...

Arbërit, jo vetëm nga mungesa e respektit që kishin për Niqiforin, por edhe sepse ky prishi martesën e parë, ndoshta sepse gruaja e parë mund të ishte arbëreshë, u ngritën në revoltë.

Pra kemi, arbër që ia kundërshtonin sundimin, para se ky të ndahej nga gruaja e parë, të cilët do të mundeshin me ndihmën e serbëve, dhe arbër që u ngritën në revoltë pasi ky prishi martesën me gruan e parë.

Citim:

Niqifori donte përmes rivendosjes me përdhunë t’i kthente feudet e veta në gjendjen që ishin tetë vjetë më parë. Porse plasi shpejt një kryengritje e arbëreshëve. Despoti Niqifor me stratiotët e tij grekë dhe me mercenarët turq, u mund në lumin Aheloos prej fisnikëve arbëreshë me ushtritë e tyre që lëviznin shpejt dhe ra i vrarë.

Niqifori pas kryengritjes së arbërve si duket kishte humbur një pjesë të mirë të pronave të tij dhe donte që ato t'i rimerrte me dhunë dmth. pa hequr dorë nga martesa me serben. Bashkë me grekët e vet dhe duke ftuar në ndihmë edhe turqit osmanë, shkoi e luftoi kundër arbërve ku nuk bëri gjë tjetër veçse, varrin e vet.

Citim:

Pastaj disa nga shokët (nga grekët – Red), të shtyrë nga ligësia dhe nga mendjelehtësia, duke menduar gjëra të këqija dhe të paligjshëshme

Kjo keqardhje e Kantakuzenit, mund të vijë për dy arsye, ose Niqifori prishi një marëveshje shqiptaro-greke në Epir, ose për përfundimin me turp të Niqiforit i cili la kockat në luftë me fisnikët arbër.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar