FLAC

dimëror

përshëndetje... Kam një kërkesë/vërejtje miqësore... Për arsye të kohës së paktë si pjesëtar këtu nuk kam akoma një ide të sakte të materialeve që futen për shkarkim... Kam vënë re që në përgjithësi përdoret Rapidshare, dhe pa shkarkuar asgjë akoma, por duke gjyku nga madhësia e këngëve në MB, jam i bindur që flitet për MP3... S'ka asgjë të keqe, unë personalisht kam akoma një përzgjedhje të konsiderueshme albumesh në MP3, por kam vite që po përpiqem me ç'mundem të zëvendesoj gjithshka me FLAC (Free Loseless Audio Codec) ose APE... i gjen kryesisht në torrente...

Ka me mijëra faqe ku audiofilët debatojnë për epërsine e këtyre kodekëve, unë mendoj se Flac është shumë i mirë... po të doni mund të hapim një çështje ku të ndajmë me njëri-tjetrin të gjithë torrentet FLAC që gjejmë...

Në rast se kjo çështje është diskutu më parë dhe unë thjesht po bie në përsëritje, injorojeni plotësisht këtë sugjerim.

shëndet

mesdimr

Për t'u diskutu s'ësht diskutu publikisht, jo. Flac-un vetë e kom përdor për kohë të gjatë duke përftu me EAC/Flac e ngarku/sharku prej mushke si dhe duke regjistru me Burrrn nëpër cd. (Që dmth s'i kom më gjendje në kompjuter). Për mu flac/ape/wv ia kan vlejt me gjet disqe të cilat nuk shiten mo në treg, tip Ildjarn psh. Po nga ana praktike menoj se mp3, ia merr ktyne në kthesë. Rëndom në statike 256 kbps po qe dhe Fraunhofer (jo lame, xing etj) s'ka nai dallim për veshin e robit nga origjinali; dhe lossless m'duket e tepërt.

Përveç këtyne sille muhabetin si të dush, nqs ke nai ide konkrete, po për të pas ke e kena liri të plotë të vejmë nyje shkarkimi dhe për flac/ape/wv nëpër çështjet e çdo grupi. Dmth s'ka nai direktivë të hajrit për kët punë sepse ti je vetë i dytë që përdorke flac knej rrotull. Mu më ka ra interesi me i gjet gjonat në flac përveç nqs është nai gjo e rrallë që e du në cilësi cd.

dimëror

patjetër që është çështje individuale...gjithkush nga ne vazhdon të diskutojë nëse ja vlen të përdorim kodekë të ndryshëm apo jo...edhe vetë ka raste që e anilizoj te njëjtën këngë në mp3 dhe flac, dhe ka raste që s'bën ndryshim për veshin tim, edhe pse programi tregon epërsi fonike...por kam edhe shumë raste të tejsskajshme ku kam rifitu bass që nuk e dija që ishte aty dhe pastërti nga (floor noise), që duken qartë në këngë me fare pak instrumenta, mundësisht vetëm një, ose accapella, psh. Quorthon-solo vocal, tek fillimi i Hammerheart).
...e para e punës, varet nga ndjeshmëria personale anatomike e veshit (madje ka raste që më duket që po dëgjoj një ndryshim të konsiderueshëm në flac, e analizoj në program dhe nuk është dhe aq i dukshëm fitimi, pra është edhe psikologjik)
...pastaj nga mënyra sesi ajo këngë është regjistru (si psh. burzum demo, etj.), karta zanore e kompjuterit, kabllot përçuese, megafonët, dhe akustika e dhomës...pra vetëm me këto të fundit mund të kalojmë 300 vjet duke diskutu...që s'ja vlen pra, më mirë le të kënaqemi me ato që kemi në dorë ç'farëdo lloj kodeku qofshin...

në asnjë mënyrë nuk desha ta kthej këtë postim në replikë, thjesht desha me pastërtisht të shpreh se ç'mendoj në këtë fushë...

përfundimisht desha të them se është më mirë në fakt me vazhdu me mënyrën që ju keni zgjedhur dhe kushdo që do t'i ofrojë (ftoj këdo që dëshiron) flac, dhe ape, ta shënojë tek koka e postit, dhe kush të dojë t'i provojë, është i mirëpritur...
kaq për momentin
shëndet

mesdimr

Pak a shumë jam dakord që origjinali ka epërsi në timbër, gjë që bi në vesh në sisteme të mira dëgjimi. Ka i farë "mbushje" zanore që kuptohet në ambient. Po për çështje praktike menoj se mp3 i mbulo nevojat, dhe Fh256 (pavarësisht se ç'thonë shumica e hidrogjensave) është i vetmi kodek nga këta me humbje cilësie që nuk e shfytyron (distortion) atë fazmën zanore (e detyrimisht tingullin) e BM/DM dhe klasikes. Me sa duket algoritmi i tyne ka kalu tjetër fazë testimi dhe për mu duhet të jetë i parapëlqym të paktën për këto dy lloje muzike nqs. duhet me përftu e ngarku vetë ndonjë album nga CD apo Flac/Ape/WV.

Mund ta ujdisim parimisht që në Flac/Ape/WV të qarkullojmë gjëra të rralla (EP/LP/Bootleg) apo të pagjetshme më në treg (albume që nuk botohen më, rëndom para '94), çdo gjë tjetër në mp3.

HekurrThyesi

Flac ësht shum i mir si format, un përdor linux, dhe e kam si kodek të instaluar që në fillim të sistemit, gjithsesi për mendimin tim ka cilësi më të mir se mp3.
Po mundët ngarkoni albume dhe në rapidshare. Shumica nuk din të marrin në torrent. Flm.

dimëror

Kjo s'ka diskutim pasi është matematikisht e vërtetë, është binjak i .wav (që është baza e dixhitalizimit të analogut). Problemi qe se zë të paktën ~5 herë më shumë hapësirë sesa mp3, por ky problem tashmë nuk ekziston më, pasi çmimet e hd-ve po arrijnë në shifra të përballueshme për të tërë.

Fraunhofer është i shkëlqyer, unë preferoj vbr për mp3 e mij. Nuk është open-source veç, me pagesë vetëm, FLAC dhe APE janë o-s. Gjithashtu, është plotësisht e mundshme të luhet një imazh FLAC, nëpërmjet versionit .cue, edhe nëpër ipod-e, falë projektit ROCKBOX (http://www.rockbox.org/).


Për këtë më vika keq pasi torrentet janë plot me mall cilësor. Duhet thjesht nje client, ka me qindra, s'është aspak e veshtirë o shokë.

Po të jesh në gjendje të dëgjosh DTh - Under a Funeral Moon, e të arrish të frenosh veten për mos me dalë me pushkë në rrugë, torrent-et janë buk-e-djathë pastaj

shëndet