Shqiptarët myslimanë janë nacionalistë arabë

1.Pas pelegrinazhit, në kohët pagane, pelegrinët mblidheshin në kuvende ku lavdëronin të parët e tyre. Duke qenë se tërë ritet e pelegrinazhit u spiritualizuan në islam, kështu u spiritualizua dhe rezultati i pelegrinazhit (Kurani i shejtë, kom. i Abdulla Jusuf Aliut, 1872-1952, bot. I 1938, bot. 1973 fq.80, shën. 223)

2. "Tempuj të zotave të hënës, me rituale të njëjta në shumë prej hollësive me pelegrinazhin para-islamik dhe islamik në Mekë" (Britannica, Arabia, History of, p1045, 1979)

3. "Një festim kryesor e publik i arabëve ishte dhe pelegrinazhi vjetor, në të cilin fiset që kishin lidhje besimi të së njëjtës hyjni në të njëjtën vend të shenjtë, mblidheshin atje. Një model i përbashkët festimi ishte ai rreth betylit (gurit të shenjtë) dhe ky model mund të shihet ende në zakonin e mbijetuar të pelegrinazhit në Mekë" (Britannica, Arabian Religions, p1059, 1979)

4. "Është e vërtetë se në haxhillëk janë ruajtur shumë praktika para-islamike, por siç treguam më lart, prejardhja e këtyre praktikave mund të shkojë tek Abrahami dhe secila prej tyre ka kuptim spiritual" (The Religion of Islam, Maulana Muhammad Ali, p. 448, 1936, Muslim).

5. "A nuk është një fatkeqësi se shumë orientalistë e kanë keqinterpretuar nderimin mysliman të Kabasë, Gurit të Zi dhe ritet e pelegrinazhit në tërësi, duke i përfytyruar si ndonjë lloj adhurimi idhujsh, ose duke i hedhur fare poshtë ato si të kota, qesharake a thjesht relike të bestytnive idhujtare? Një hamdendje tjetër e gabuar është se ritet e pelegrinazhit janë mbetje të një kulti para-islamik që u fut prej pejgamberit në përpjekjen e tij për të paqtuar mekasit idhujtarë me fenë. (The Sublime Qur'an and Orientalism, Mohammad Khalifa, p. 140, 1983, Muslim).

6. "Arabët gjatë epokës para-islamike praktikonin disa gjëra që u përfshinë në sharinë islamike. Ata psh nuk martonin dhe nënën dhe bijën e saj. Ata konsideronin martesën me dy motra si krim të neveritshëm. Gjithashtu ndalonin martesën me njerkën dhe e quanin mashkullin e tillë daizan. Ata bënin pelegrinazhin e madh (haxh) dhe të vogël (umra) në Kabë / Qabe, vinin rrotull rreth Kabës / Qabesë (tavaf), kalonin shtatë herë mes maleve Safa and Marva (sai), gjuanin gurë dhe laheshin pas aktit seksual. Gjithashtu bënin gargarë, rrufisnin ujë me hundë, prisnin thonjtë, hiqnin leshtë nga sqetullat, rruheshin rreth organeve gjenitale dhe bëheshin synet. Gjithashtu i prisnin dhe dorën e djathtë hajdutëve." (Al-Milal wa al-Nihil, Muhammad ibn 'Abdalkarim al-Sharastani, Muslim, vëll. 2 kapitulli për arabët para-islamikë, cituar nga al-Fadi në "Is the Qur'an Infallible?", fq. 122)