Shteti dhe feja

24.1.2008, 09:39

Mbulim mediatik.

24.1.2008, 09:40

Institucionet arsimore fetare:

Citim:

Fetë menaxhojnë 101 institucione arsimore
24/01/2008 - 10:28

Por jo vetëm objekte kulti. Fetë apo grupimet e ndryshme menaxhojnë edhe 101 institucione arsimore, ku mësojnë mbi 2.600 nxënës. Në këto institucione arsimore janë të përfshira kopshte, shkolla të të gjitha niveleve. Gjithashtu, ekzistojnë edhe rreth 85 qendra të formimit profesional, që menaxhohen nga bashkësitë fetare, me rreth 6 mijë nxënës. Institucionet arsimore funksionojnë në bazë të programeve të shkollave publike, bëjnë të njëjtën lëndë dhe me të njëjtën ngarkesë, por kanë edhe lëndët fetare shtesë dhe nxënësit që dalin nga këto shkolla mund të konkurrojnë fare lehtë së bashku me të tjerët për në universitet. Të gjitha këto shkolla kontrollohen dhe monitorohen nga drejtoritë arsimore rajonale dhe Ministria e Arsimit dhe Shkencës.

Shkollat

Sipas shifrave zyrtare, bashkësitë, organizatat dhe fondacionet fetare menaxhonin 101 institucione arsimore, nga të cilat 15 ishin zyrtarisht të lidhura me fenë, me mbi 2.600 nxënës. Sipas ligjit, këto shkolla duhen licencuar nga Ministria e Arsimit dhe program i tyre duhet t'u përmbahet standardeve kombëtare për arsimin. Si grupet katolike romake ashtu edhe ato myslimane drejtonin shumë shkolla të licencuara nga shteti dhe nuk kanë raportuar probleme për marrjen e licencave për shkolla të reja.

Gjatë periudhës së raportimit, VUSH raportoi se nuk kishte qenë në gjendje të siguronte licencat e nevojshme, pavarësisht nga garancitë se do të jepnin mësim vetëm programin shtetëror dhe do të punësonin vetëm mësues të akredituar nga shteti.

Kisha Ortodokse dhe bektashinjtë drejtojnë vetëm qendra arsimore pastërtisht fetare për trajnimin e klerikëve. Ekzistojnë 85 qendra të formimit profesional me afërsisht 6.000 nxënës, që administrohen nga bashkësitë fetare. Disa organizata shprehën vështirësi për regjistrimin e shkollave fetare. Si rezultat, shkollat fetare apo qendrat e formimit profesional nën administrimin e bashkësive fetare ose vazhduan të veprojnë si shkolla fetare të paregjistruara, ose shndërruan programet e tyre në shekullare, ose u mbyllën.

Qeveria raportoi mbylljen e disa shkollave, sepse figuronin të paregjistruara ose kishin ndryshuar aktivitetet, për të cilat ishin regjistruar.

http://www.balkanweb.com/gazetav4/index.php?id=29142

vlug · 14.5.2008, 09:31

Është prekur thellë arabi Bashkim Kopliku, është fyer rëndë, sepse shqiptarët i kanë kritiku islamin. Arabi në fjalë që jeton në Shqipëri shkon deri aty sa kritikon, një emision televiziv të ditëve të fundit mbi fenë në Shqipëri, studiues historie, gjuhësie e filozofie për qëndrimin e tyre ndaj islamit. Dhe tërë kjo ndërkohë që vetë arabi Bashkim është vetëm një copë inxhinier elektronike dhe nuk bën ndonjë lloj interpretimi shkencor në "argumentim", por veç shfryn mllefe kundër pjesëmarrësve të emisionit. Mllefe si një arab i vërtetë!

Ka shkruar dy faqe se pse nuk duhet kritiku islami e pse na qenkërka antishqiptare të shash islamin. Pra ky thotë se është antishqiptare të shash fenë e arabëve?!

Artikulli: http://balkanweb.com/gazetav4/index.php?id=36344

allianz · 14.5.2008, 10:38

Bamir Topi pëllet "Hajde harmoni fetare me shumicë":

Citim:

Topi: Ne në BE, me harmoninë fetare

Topi u jep krerëve të shteteve “leksion” për harmoninë fetare në Shqipëri, harmoni e cila ka çuar në një frymë dialogu dhe mirëkuptimi mes besimeve të ndryshme fetare. Këtë ai e bëri në konferencën ndërkombëtare “Përballja me të nesërmen”, e cila u mbajt dje në Izrael, shtet i cili e ftoi Presidentin shqiptar për të marrë pjesë në 60-vjetorin e themelimit të tij, por që ende po përballet me konfliktet e ashpra me palestinezët.

“Shqipëria e sotme, laike në Kushtetutë, por me pasuri të trashëguar besimesh lëvron vlera të rralla të lirisë, tolerancës dhe harmonisë ndërfetare. Këto veti, këto atribute, shqiptari i ndjen si të vetat, si pjesë të identitetit e jo si kontradikta që përçajnë personalitetin dhe shoqërinë”, - tha dje Topi.

Sipas tij, marrëdhëniet mes besimeve kanë prodhuar një shoqëri shqiptare pa konflikte fetare e armiqësi apo “paragjykime besimesh e kulturash, një shoqëri shembulli rrallë i patjetërsueshëm i së shkuarës, së tashmes dhe të nesërmes globale”.

Presidenti e bëri të qartë, se pavarësisht kësaj veçantie karakteristike, sipas tij, e shqiptarëve, këta të fundit e kanë përkrahur të ardhmen e tyre në BE dhe NATO, pasi kjo është rruga e vetme e cila të çon drejt zhvillimit ekonomik dhe në paqe sociale.

Por Topi pati rastin të tregonte për shembullin e shqiptarëve, që gjatë Luftës së Dytë Botërore nuk dorëzuan te nazistët asnjë hebre që kishte mbërritur në Shqipëri nga vende të ndryshme europiane, si Gjermania, Austria. Ai përmendi në këtë rast, se funksionoi shumë mire institucioni i “besës”, një institucion i lashtë, por që bëri të mundur strehimin dhe mbrojtjen e mbi 2.000 hebrenjve që u shpërndanë në të gjitha qytetet e Shqipërisë.

Pasi tregoi historinë e një krutani, që strehoi dhe mbrojti 10 hebrenj, ai u shpreh se kjo është dëshmi si shumë të tjera, “për vlerën e institucionit unik të besës, këtë kod të lashtë shpirtëror shqiptar të mikpritjes ndaj miqve apo njerëzve në nevojë, si gjënë më të shtrenjtë që ai kishte. Kjo histori e vërtetë shqiptare nuk do koment”.

Sa i takon ndërtimit të së ardhmes, Topi u shpreh se ajo nuk mund të ndërtohet pa këto tradita, pa përqafimin e nismave të reja, që janë sfida globale për secilin komb.

Në këtë konference, mes të tjerëve, merrnin pjesë Presidenti i SHBA-së, Xhorxh Bush, ish-lideri i fundit i Bashkimit Sovjetik, Mikail Gorbaçov, ministri i Jashtëm francez, Kushner, e shumë të tjerë.

http://www.balkanweb.com/gazetav5/artikull.php?id=36412

allianz · 15.5.2008, 19:08

Citim:

Thënë nga Bashkim Arabi

Shteti duhet të vendosë, për një periudhë nja 20 vjeçare, një lloj censure mediatike: “mos i kritikoni fare fetë”.

Shteti, fillimisht duhet të zbojë arabët nga Shqipëria e t'i riatdhesojë në Azi, masnej kur të jenë me nge shqiptarët e diskutojnë vetë kët muhabetin e censurës.

mesdimr · 15.5.2008, 20:04

Citim:

Thënë nga Bashkim Kopliku

Diskriminimi i feve, anti-shqiptarizëm

Si mund të merret seriozisht një person që thotë se diskriminimi i pedofilisë qenka antishqiptarizëm?

allianz · 14.7.2008, 11:10

Një shkrim që i bie kokës broçkullave të mësipërme, megjithëse merr si rast IRJM-në.

Citim:

Spanja laicizohet, Maqedonia fetarizohet

Në shtetet ballkanike has në qarqet politike drejtuese, dhe fatkeqësisht edhe në ato intelektuale, shumë levantinë, që mendojnë se do të hyjnë në Europën e sotme duke imituar Europën e mesjetës.

Kësaj radhe po marrim si shembull Maqedoninë, ku qeveria e re e kryeministrit Nikolla Gruevski urdhëroi më 9 korrik këshillin e komunës qendër të Shkupit të miratojë vendimin e kësaj qeverie për ndërtimin e një kishe të madhe ortodokse, mu në sheshin qendror të kryeqytetit, sheshin “Maqedonia”.

Ky vendim i parë i qeverisë së re në fakt konfirmon një vendim të mëparshëm të fillimit të këtij viti të po këtij kryeministri, i cili vendosi ndërtimin e kësaj kishe ortodokse në sheshin qendror të kryeqytetit. Sigurisht ndërtimi i një kishe ortodokse apo katolike, i një xhamie apo teqeje, nga komunitetet përkatëse fetare dhe në përputhje me ligjet në fuqi e normat urbanistike, është një veprim normal, por në rastin e shteteve multikonfesionale ndërtimi nga shteti vetëm i një kishe në sheshin qendror merr një ngjyrim tjetër.

Qeveria dhe kryeministri maqedonas marrin një vendim shtetëror, një veprim edhe politik, i cili ligjëron një hierarki dhe seleksion zyrtar në trajtimin fetar të shtetasve, duke i dhënë vulën e shtetit vetëm një feje dhe vetëm një kishe. Kjo nuk paralajmëron erëra të mira as për orientimin europian të këtij shteti, dhe as për mirëkuptimin dhe ekuilibrin etnik e fetar në këtë shtet multikonfesional, multietnik dhe multikulturor.

Ndërtimi i kishës ortodokse në sheshin qendror të Shkupit ndërmerret si një punë publike, me vendim qeverie, dhe do të financohet nga shteti, pra nga gjithë taksapaguesit e këtij shteti, pavarësisht se të cilit besim janë. Kur qeveria dhe shteti marrin përsipër t’i japin sheshit qendror të kryeqytetit pamjen fetare, që atyre u pëlqen, dhe jo pamjen që bazohet në hartën reale fetare të shtetit, implikimet mund të jenë të shumta.

Së pari, nuk ka asnjë arsye të marrë përsipër qeveria dhe shteti të ndërtojë kishën ortodokse në sheshin qendror të kryeqytetit, në një kohë kur taksapaguesit kërkojnë shkolla, punë dhe shërbim shëndetësor, të cilat janë në një gjendje të mjerueshme. Komunitetet përkatëse fetare, cilado qofshin, mund të ndërtojnë objektet e kultit me kontributet e tyre, dhe jo duke renduar qeveria taksapaguesit. Në rastin e Maqedonisë, qeveria dhe shteti, jo vetëm ndërmarrin një veprim arbitrar, por edhe sanksionojnë identitetin qeveritar e shtetëror me atë të kishës ortodokse dhe i japin kishës ortodokse maqedonase statusin e kishës zyrtare.

Së dyti, ndërtimi i kishës ortodokse në sheshin qendror të Shkupit bëhet në kundërshtim me planin e miratuar urbanistik rregullues të kryeqytetit, të cilin e kanë hartuar vetë zyrat shtetërore të kryeqytetit dhe të shtetit maqedonas.

Së treti, për ndërtimin e saj nuk është marrë mendimi dhe vullneti i gjithë qytetarëve, dhe qeveria ka vendosur me arbitraritet të ndërtojë dhe financojë ndërtimin e kishës ortodokse në sheshin “Maqedonia”.

Se sa i pavend dhe i paligjshëm është ndërtimi i këtij objekti fetar nga qeveria maqedonase, e dëshmon kundërshtimi që ka shprehur Komiteti i Helsinkit i Maqedonisë. “Ndërtimi i kishës është shprehje e arrogancës së strukturës qeveritare”, - thuhet në një deklaratë të këtij komiteti.

E dëshmon gjithashtu kundërshtimi që ka shprehur Partia Socialdemokrate e Maqedonisë, partia kryesore e opozitës, të cilët ndonëse janë ortodoksë, e kuptojnë se ky qëndrim dhe kjo politikë fetare e qeverisë së kryeministrit Gruevski shkon përtej kufijve të një shoqëria moderne dhe laike. Këshilltarja e LSDM-së, Nada Zermanovska, duke shpjeguar votimin e LSDM-së kundër ndërtimit të kishës, deklaroi se ndërtimi është në kundërshtim me kushtetutën. Ivanço Vuçevski, nga partia NSDP, bëri të ditur se anketat publike kanë evidentuar që qytetarët janë kundër ndërtimit të kësaj kishe në qendër të kryeqytetit.

Partia VMRO-DPMNE e kryeministrit N.Gruevski është e njohur për ndjenjat dhe orientimet e saj fondamentaliste ortodokse. Ajo parti ka ndjekur një politikë të fetarizimit të dhunshëm të pamjes dhe identitetit të Maqedonisë, duke i dhënë asaj pamjen e një shteti unik ortodoks, gjë që nuk i përgjigjet së vërtetës. Gjatë konfliktit të armatosur ndëretnik në Maqedoni në vitin 2001, artileria e policisë dhe ushtrisë maqedonase qëllimisht gjuante me top xhamitë në zonat ku banojnë shqiptarët, duke shkatërruar rreth 30 prej tyre. Ethet fetare të qeverisë së VMRO-DPMNE të ish-kryeministrit fondamentalist Lupço Georgievski, u kulmuan me vendosjen gjatë qeverisjes së saj në vitet 1998-2002, me paratë e taksapaguesve, të një kryqi gjigand prej 60 metrash në kodrën kryesore Vodno, që dominon Shkupin. Qëllimi i qeverisë së VMRO-DPMNE ishte që kushdo i huaj që t’i afrohet Shkupit, të besojë si pasaportë të këtij shteti kryqin e madh mbi Vodno.

Në këtë linjë fetarizimi, edhe qeveria tjetër e VMRO-DPMNE-së e kryeministrit N.Gruevski vendosi ndërtimin e kësaj kishe të madhe në qendër të Shkupit, me qëllim që ajo t’i japë një pamje ortodokse identitetit të shtetit të Maqedonisë. Dhe nuk ka më qesharake, kur dëgjon argumentin kryesor të kësaj qeverie, e cila nëpërmjet zëdhënësit Ivan Bocevski thotë se “në gjitha qytetet europiane ka në qendër kisha, ndaj dhe ne po e ndërtojmë”.

Udhëheqja e Maqedonisë kërkon të shkojë në Europë nëpërmjet portretit të kishës ortodokse dhe nëpërmjet fetarizimit të Maqedonisë. A shkohet vërtet kështu në Europë, a është kjo që kërkon Europa, dhe a është kjo Europa e sotme?

Në kohën që qeveria e Maqedonisë ndërmerr këto hapa fetare si politikë shtetërore, në anën tjetër të kontinentit, një nga shtetet më katolike të Europës, Spanja, po ecën në një drejtim tjetër, atë të laicizimit sa më të madh të shtetit.

Po atë ditë kur në Shkup u miratua vendimi qeveritar për ndërtimin e kishës në qendër të kryeqytetit, në Madrid zhvillohej Kongresi i 37-të i PSOE, i partisë së kryeministrit Joze Luis Rodriguez Zapatero, që qeveris Spanjën. Kongresi spanjoll vendosi që të ecet përpara me shpejtësi me procesin e laicizimit të shtetit. Sipas këtij vendimi, nuk do të ketë me kryqe në zyrat shtetërore e publike, ministri apo institucione të tjera.

“Kisha, - shkruhet në dokumentin kryesor të Kongresit të partisë që drejton qeverinë e Spanjës, - duhet të jetë e ndërgjegjshme se Kushtetuta nuk i jep asaj asnjë privilegj”.

Pra Spanja, një shtet klasik dhe shëmbëlltyrë e katolicizmit, ecën në drejtim të forcimit të procesit të laicizimit si thelb dhe arritje nga më të mëdhatë e një shteti modern europian. Spanja, një shtet nga më të rëndësishmit i Bashkimit Europian ( aty ku po rropaten të shkojë Maqedonia dhe shtetet e tjera të Procesit të Stabilizim- Asociimit), shpejton procesin e laicizimit.

Në një shtet tjetër klasik të katolicizmit, Poloni, Grzegorz Napieralski, kryetar i partisë SLD, kërkoi në parlament të hiqet kryqi që ndodhet në sallën e parlamentit, të hiqen priftërinjtë nga ushtria dhe mësimi i fesë në shkollat dhe sidomos të vendoset ndalimi i pjesëmarrjes së presidentit në meshat fetare.

Nuk po shtyhemi deri tek Franca e Shirakut, që ndaloi mbajtjen e kryqeve kristiane, shalleve myslimane dhe kippave ebreje në shkollat publike.

Atëherë, ku shkon Maqedonia dhe ata që mendojnë si ajo në Ballkan, se me kishën dhe kryqin do të hyjnë më para kohe në Europë?

Këtu dalin probleme të mëdha, të cilat kanë të bëjnë jo vetëm me filozofinë e atyre që drejtojnë shtetin e Maqedonisë, por me orientime politike, të cilat në planin strategjik shkojnë në kundërvënie me proceset dhe vlerat europiane. Këtu nuk është më fjala vetëm për Maqedoninë, por edhe për ato shtete apo për ato personalitete në shtetet ballkanike, që mendojnë si Gruevski, se me identifikimin e shtetit me kishën, u shpejtoka procesi i integrimit ne Europë.

Nëse kryeministri Gruevski mendon se duke ndërtuar shteti kishën ortodokse në qendër të Shkupit do të marrë më shpejt datën e hapjes së bisedimeve të pranimit në BE, gabohet rëndë dhe do të bënte mirë të pyeste kryeministrin e Bullgarisë, të shtetit fqinj ortodoks, Stanishevin, nëse e ka ndihmuar apo penguar Bullgarinë identifikimi i shtetit me kishën ortodokse. Stanishevi ka disa deklarata interesante në këtë drejtim, të cilat do të ishte mirë të rikujtoheshin në Shkup apo në ndonjë kryeqytet tjetër të Ballkanit, ku ka njerëz që mendojnë si Gruevski.

Nëse Zapatero deklaron në Kongres se Spanja nuk mund të qeveriset derisa të kuptohet diversiteti i vendit, si mund të qeveriset Maqedonia duke injoruar diversitetin e saj. Nëse Kongresi spanjoll kërkoi heqjen e mësimit fetar në shkolla dhe largimin e priftërinjve nga ushtria, si mund të jetë europiane qeveria e Gruevskit që i bën presion Gjykatës Kushtetuese të pranojë mësimin e fesë nëpër shkolla.

Një nga vlerat dhe shtyllat më të mëdha të kulturës, shtetit dhe të shoqërisë europiane, është pikërisht laicizimi i shtetit dhe i shoqërisë, respektimi i një etike publike, që mbështetet në kushtetutën dhe në deklaratën universale të të drejtave të njeriut, sepse vetëm në këtë mënyrë ato bëhen streha dhe fusha e shprehjes së lirë të çdo të drejte dhe lirie, përfshirë të drejtën e besimit të qytetarëve të saj.

Në BE shkohet duke laicizuar shtetin, dhe jo duke e fetarizuar atë, shkohet duke imituar Europën e sotme dhe jo Europën e Mesjetës.

http://www.balkanweb.com/gazetav5/artikull.php?id=40121

25.10.2008, 10:58

Citim:

Tiranë: Kthim "pronash" komuniteteve fetare?

Komuniteteve fetare u njihet e drejta e pronës dhe qeveria merr përsipër përshpejtimin e kthimin dhe kompensimin e pronave të tyre. Në marrëveshje, Komisioni i Kthimit dhe Kompensimit të Pronave, për regjistrimin e pronave të komuniteteve fetare do të njohin materialet arkivore. Në nenin 22 të kësaj marrëveshjeje, përcaktohet angazhimi i shtetit në kthimin dhe kompensimin e pronave.

Neni 22, pika 2 citon: “Shteti do t’i kthejë pronat Kishës Ortodokse Autoqefale të Shqipërisë, me përparësi objektet e kultit tashmë të njohura nga të gjithë, si objektet e kultit dhe manastiret e shenjta, sepse për shkak të karakterit të veçantë kishtar dhe vlerave të sipërpërmendura, janë të pakompensueshme”. Pra, në këtë nen, shteti merr përsipër kthimin e menjëhershëm.

Ja si janë marrëveshjet e tjera, me myslimanët “2. Në përputhje me legjislacionin në fuqi, shteti trajton me përparësi kërkesat e Komunitetit Mysliman të Shqipërisë për kthimin dhe kompensimin e pronave të veta” dhe për bektashinjtë “2. Shteti trajton me përparësi kërkesat e Kryegjyshatës Botërore Bektashiane për kthimin dhe kompensimin e pronave të veta, si dhe për kryerjen e legalizimeve dhe dhënien e lejeve të shfrytëzimit nëse është rasti, në përputhje me legjislacionin në fuqi”.

Pra, shohim një preference të shtetit ndaj besimit ortodoks, ndaj të cilit angazhohet t’ia kthejë menjëherë, ndërsa me dy të tjerët t’i realizojë sipas legjislacionit në fuqi.

http://www.balkanweb.com/gazetav5/artikull.php?id=46198

10.1.2009, 11:01

Citim:

Sherri mes feve, Myslimanet: Pronat, favorizohen ortodokset

Nënkryetari i Komunitetit Mysliman Shqiptar, Saimir Rusheku, flet për procesin e kthimit dhe kompensimit të pronave. Ai pranon që pothuajse 2/3 e pronave të myslimanëve ende nuk janë kthyer. Rusheku gjithashtu flet për marrëveshjen e nënshkruar mes qeverisë shqiptare dhe komuniteteve fetare dhe thekson se sa i takon çështjes së pronave, të gjitha komunitetet duhet të trajtohen si të barabartë, pa favorizime. Sipas tij, një barazi e tillë ndodhi edhe sa i takon përjashtimit të komuniteteve nga taksat.

Nënkryetari i Komunitetit Mysliman e përshëndet nismën e qeverisë shqiptare për të dhënë një fond për të gjitha komunitetet fetare. Për një çështje të tillë qeveria duhet të miratojë një projektligj të veçantë, që pritet të kalojë në një nga mbledhjet e saj shumë shpejt.

Zoti Sajmir, cila është situata e kthimit dhe e kompensimit të pronave për komunitetin tuaj, dhe a keni ju një përllogaritje se sa është fatura për këtë kompensim?

Është një proces në ndjekje e sipër. Po punohet për një gjë të tillë, por aktualisht s’mund të them një shifër konkrete, por po bëj me dije se mbi 2/3 e pronave tona ende nuk janë kthyer.

Ju do të preferoni që ky kthim të jetë fizik apo edhe financiar?

Pronat e Komunitetit Mysliman janë të shenjta. Kemi kërkuar nga institucionet përkatëse shtetërore që prioritare të jetë kthimi fizik i pronës dhe synojmë te kjo pikë. Po në rastet kur nuk është e mundur, do të pranojmë dhe kompensimin financiar të pronës.

Zoti Rusheku, në variantin e parë të marrëveshjes së nënshkruar mes qeverisë dhe komuniteteve fetare sa i takon çështjes së pronave, Komuniteti Ortodoks ishte më i privilegjuari?

Unë e kam kontestuar këtë pikë të marrëveshjes. Dhe, në marrëveshjen e nënshkruar me qeverinë të gjitha komunitetet fetare konsiderohen si të barabarta, edhe sa i takon kthimit dhe kompensimit të pronave.

A ka pasur ndonjë moment tjetër kur ju keni kërkuar barazi me të gjitha komunitetet e tjera?

Po. Ka qenë pika sa i takon përjashtimit nga taksat shtetërore. Më 2002, kur u nënshkrua marrëveshja mes qeverisë shqiptare dhe shtetit të Vatikanit, ishte e përfshirë kjo pikë. Prandaj, kemi kërkuar që të përjashtohen edhe komunitetet e tjera nga këto detyrime.

Zoti Rusheku, qeveria shqiptare, vetë Kryeministri Berisha, ka premtuar se do të caktojë një fond për secilin nga komunitetet. Si e vlerësoni ju këtë nismë?

E mirëpresim një akt të tillë, pasi është akti që njeh nevojën e kompensimit moral dhe material për krimin që u krye gjatë kohës sistemit të kaluar monist. Ky fond do të jetë mbështetje për komunitetet fetare pas periudhës së ringritjes së tyre, pas ardhjes së demokracisë. Do të mbështesë edhe nismat e tyre në dobi të zhvillimit social, shpirtëror të shoqërisë shqiptare.

http://www.balkanweb.com/gazetav5/artikull.php?id=50834

10.1.2009, 21:40

Shteti shkel laicitetin:

Citim:

Sherr mes feve: Shteti favorizon komunitetet fetare për pronat

Nënkryetari i Komunitetit Mysliman Shqiptar, Saimir Rusheku, flet për procesin e kthimit dhe kompensimit të pronave. Ai pranon që pothuajse 2/3 e pronave të myslimanëve ende nuk janë kthyer. Rusheku gjithashtu flet për marrëveshjen e nënshkruar mes qeverisë shqiptare dhe komuniteteve fetare dhe thekson se sa i takon çështjes së pronave, të gjitha komunitetet duhet të trajtohen si të barabartë, pa favorizime. Sipas tij, një barazi e tillë ndodhi edhe sa i takon përjashtimit të komuniteteve nga taksat.

Nënkryetari i Komunitetit Mysliman e përshëndet nismën e qeverisë shqiptare për të dhënë një fond për të gjitha komunitetet fetare. Për një çështje të tillë qeveria duhet të miratojë një projektligj të veçantë, që pritet të kalojë në një nga mbledhjet e saj shumë shpejt.

Zoti Sajmir, cila është situata e kthimit dhe e kompensimit të pronave për komunitetin tuaj, dhe a keni ju një përllogaritje se sa është fatura për këtë kompensim?

Është një proces në ndjekje e sipër. Po punohet për një gjë të tillë, por aktualisht s’mund të them një shifër konkrete, por po bëj me dije se mbi 2/3 e pronave tona ende nuk janë kthyer.

Ju do të preferoni që ky kthim të jetë fizik apo edhe financiar?

Pronat e Komunitetit Mysliman janë të shenjta. Kemi kërkuar nga institucionet përkatëse shtetërore që prioritare të jetë kthimi fizik i pronës dhe synojmë te kjo pikë. Po në rastet kur nuk është e mundur, do të pranojmë dhe kompensimin financiar të pronës.

Zoti Rusheku, në variantin e parë të marrëveshjes së nënshkruar mes qeverisë dhe komuniteteve fetare sa i takon çështjes së pronave, Komuniteti Ortodoks ishte më i privilegjuari?

Unë e kam kontestuar këtë pikë të marrëveshjes. Dhe, në marrëveshjen e nënshkruar me qeverinë të gjitha komunitetet fetare konsiderohen si të barabarta, edhe sa i takon kthimit dhe kompensimit të pronave.

A ka pasur ndonjë moment tjetër kur ju keni kërkuar barazi me të gjitha komunitetet e tjera?

Po. Ka qenë pika sa i takon përjashtimit nga taksat shtetërore. Më 2002, kur u nënshkrua marrëveshja mes qeverisë shqiptare dhe shtetit të Vatikanit, ishte e përfshirë kjo pikë. Prandaj, kemi kërkuar që të përjashtohen edhe komunitetet e tjera nga këto detyrime.

Zoti Rusheku, qeveria shqiptare, vetë Kryeministri Berisha, ka premtuar se do të caktojë një fond për secilin nga komunitetet. Si e vlerësoni ju këtë nismë?

E mirëpresim një akt të tillë, pasi është akti që njeh nevojën e kompensimit moral dhe material për krimin që u krye gjatë kohës sistemit të kaluar monist. Ky fond do të jetë mbështetje për komunitetet fetare pas periudhës së ringritjes së tyre, pas ardhjes së demokracisë. Do të mbështesë edhe nismat e tyre në dobi të zhvillimit social, shpirtëror të shoqërisë shqiptare.

http://www.balkanweb.com/gazetav5/artikull.php?id=50834

10.1.2009, 21:44

Citim:

Marrëveshja që përçante myslimanë e të krishterë

Myslimanët nuk pranojnë që ortodoksët të jenë më të privilegjuar për pronat. Për këtë kanë kërkuar ndryshimin e marrëveshjes dhe unifikimin e qëndrimit të qeverisë për këtë çështje. Me anë të negociatave është arritur në një konsensus, që të gjitha komunitetet fetare të kompensohen fizikisht me prona aty ku është mundësia si dhe financiarisht aty ku nuk është e mundur të merret prona.

Ky përfundim është bërë realitet në versionin e fundit të marrëveshjes së nënshkruar mes qeverisë shqiptare dhe tre komuniteteve fetare në tetor të 2008. Versioni i parë i marrëveshjes, që u miratua nga qeveria në prill të vitit të kaluar, bënte të qartë privilegjimin e ortodoksëve sa i takon kthimit dhe kompensimit të pronave.

Bëhet fjalë për nenin 22 të kësaj marrëveshjeje, të cilën e patën kundërshtuar që në prill, ministri i Drejtësisë, Alibeaj dhe ministrja e Integrimit, Bregu.

Në nenin 22, pika 3 e marrëveshjes, bëhej e qartë se shteti merr përsipër t’u kthejë ortodoksëve “të gjitha pronat, pasuritë, objektet…”. Ndërsa, po te ky nen, pika 2, për myslimanët marrëveshja parashikonte që, “në përputhje me legjislacionin në fuqi, shteti trajton me përparësi kërkesat e komunitetit mysliman të Shqipërisë për kthimin dhe kompensimin e pronave”. Pra, për ortodoksët përdorej fjala “të gjitha”, ndërsa për myslimanët, mes të tjerave thuhej “kompensim pronash”.

Kjo marrëveshje kaloi e tillë në mbledhjen e qeverisë, në prill. Kundërshtia e Alibeajt për këto pika ishte se komunitetet fetare duhej t’i nënshtroheshin procesit të kthimit dhe kompensimit të pronave njëlloj si të gjithë qytetarët e tjerë shqiptarë. Kurse Bregu, në një nga pikat e relacionit të saj, theksonte se për çështjen e pronave, në respektim edhe të së drejtës ndërkombëtare, të gjithë duhej të trajtoheshin njësoj.

Marrëveshjet me tre komunitetet fetare, ku përveç myslimanëve dhe ortodoksëve nënshkruan marrëveshjen dhe bektashinjtë, kanë ngjashmëri në shumë nene, për të treguar se qeveria ka marrëdhënie e detyrime të barabarta për të tre këto komunitete. Ndryshimet kanë konsistuar vetëm në terma të ndryshëm fetarë, për tre besime të ndryshme. Vetëm te çështja e pronave ka pasur një diferencim. Për ta sheshuar dhe këtë diferencim, u përfshinë në bisedime dhe negociata palët e interesuara.

Myslimanët, duke pasur si pikë kontakti dhe bashkëpunimi Komitetit Shtetëror të Kulteve, janë drejtuar me kërkesën për barazi me të gjitha komunitetet e tjera.

Kjo bëri që në tetor të nënshkruhej marrëveshja mes qeverisë dhe tre komuniteteve, në një ceremoni të veçantë, ku u shpreh dukshëm vullneti i qeverisë shqiptare për të zgjidhur çështjen e pronave.

Varianti i fundit i marrëveshjes, sa i takon çështjes së pronave, po në nenin 22 të tij, është i njëjtë për të tre besimet: "Shteti trajton me përparësi kërkesat e Komunitetit … të Shqipërisë për kthimin dhe kompensimin e pronave të veta.”

http://www.balkanweb.com/gazetav5/artikull.php?id=50833

mesdimr · 10.1.2009, 21:48

Zhdukja e fesë së organizuar në Shqipëri nuk ishte arritje e shtetit komunist por e shtetit shqiptar! Ajo ka nisur që me kombëtarizimin e feve nga Zogu, mbylljen e shkollave fetare, ndalimin me ligj të praktikave joshqiptare fetare etj.

Kur do të mësojnë ta shikojnë historinë në vijimësi këta njerëz që udhëhiqen nga komplekse të çuditshme?! Asnjë borxh nuk i ka shteti shqiptar fesë, përkundrazi feja i ka kombit shqiptar. Ne e zgjedhim shtetin të mbrojë kombin, jo fenë!

Këto lëshime të paprecedent që po bëhen në thelb janë antikombëtare. Këtu s'po i marrin civilët pronat, dhe po i merrkan organizatat fetare të cilat që në ideologji e kanë të sanksionuar veprimtarinë antikombëtare.

Këto punë kanë prirjen të rivihen në vend në mos me një mënyrë me një tjetër... i rrofshin fondet pastaj...

allianz · 24.1.2009, 11:03

Citim:

pasi është akti që njeh nevojën e kompensimit moral dhe material për krimin që u krye gjatë kohës sistemit të kaluar monist

Po për 'krimin' që u krye gjatë sistemit monarkist nuk ka kërkesa kompensimesh? Apo gjetëm pretekst tani "bjeri t'i biem në emër të komunizmit të fitojmë ç'të mundemi". Parazitë neofetarë, e keni mbush vendin me ndërtesa arabe e greke dhe akoma s'u ngopët.

23.3.2009, 16:00

Kryeministri, Sali Berisha ka pohuar dje me rastin e festës bektashie të "Sulltan Novruzit" se do të dërgojë së shpejti në Kuvend një ligj për komunitetet fetare i cili "garanton se qeveria do të ndihmojë fuqishëm komunitetet fetare dhe të gjitha institucionet fetare në tërësi".

Kryeministri vuri në dukje gjithashtu se Shqipëria P. është i vetmi vend që ka ditë feste zyrtare ditën e "Sulltan Novruzit" dhe shtoi dhe se qeveria do të ndihmojë komunitetin bektashi për përfundimin "e tempullit madhështor që është në ndërtim, si qendër e bektashizmit botëror, që u bën nder jo vetëm shqiptarëve në Shqipëri, Kosovë, Maqedoni, por bektashinjve të mbarë planetit".

http://www.gazeta-shqip.com/artikull.php?id=61112

mesdimr · 24.3.2009, 12:08

Citim:

Shqipëria P. është i vetmi vend që ka ditë feste zyrtare ditën e "Sulltan Novruzit"

Vallaj, esëll e ka thon kët apo e ka fajin gazeta?

15.4.2009, 22:58

Qeveria ka miratuar ligjin “Për financimin nga buxheti i shtetit të bashkësive fetare që kanë nënshkruar marrëveshje me Këshillin e Ministrave”.

Gjatë mbledhjes së Këshillit të Ministrave, kryeministri Sali Berisha vlerësoi rëndësinë e këtij ligji, i cili sipas tij “është shumë i rëndësishëm për infrastrukturën shpirtërore të kombit”. Duke e konsideruar laicizmin si "trashëgiminë dhe traditën më të shkëlqyer të shtetit", Berisha shtoi se “nga ana tjetër, besimet fetare janë gurrat e mëdha të cilat ushqejnë shpirtrat e shqiptarëve”...

http://www.gazetastart.com/?faqe=shfaqlajm&lajmid=6648

16.4.2009, 21:31

Citim:

Qeveria kufizon financimet nga jashtë

Me anë të këtij projektligji, kërkohet pavarësia ekonomike e bashkësive fetare, pasi dihet që faktori i jashtëm është ende mbizotërues në financat e tyre. Është i qartë fakti që deri tani, komunitetet fetare financohen nga vende si Greqia apo Arabia, ndërkohë që me vendimin e fundit të qeverisë synohet të minimizohet ky aspekt.

Jo më pak se 50 milionë lekë është shuma që ka planifikuar qeveria për mbështetjen financiare të Komunitetit Mysliman, Kishës Ortodokse Autoqefale, Kishës Katolike dhe Kryegjyshatës Botërore Bektashiane.

Këto komunitete do ta fitojnë mbështetjen ekonomike duke paraqitur projekte konkrete për ndërtim, mirëmbajtje, riparim dhe infrastrukturë që përzgjidhen nga Komiteti Shtetëror për Kultet dhe miratohen nga ministri përgjegjës për kultet.

Në vazhdimësi ka pasur replika publike për financimin e Komunitetit Mysliman nga donatorë të jashtëm, kryesisht nga Arabia. Sakaq, shpesh është pretenduar se Kisha Ortodokse Autoqefale financohet në një pjesë të konsiderueshme nga kisha e shtetit fqinj, Greqisë. Aktualisht, në këto bashkësi, punojnë rreth 1600 klerikë dhe 450 punonjës administrate. Në projektligj është parashikuar mbështetje vetëm për administratën. Kjo mbështetje financiare do të jetë gjysma e pagës minimale.

Sipas relacionit të ministrit të Kulturës, Ardian Turku, bashkësitë fetare shpenzojnë nga fondet e donatorëve të tyre rreth 8.3 milionë dollarë në fushën e arsimit, duke arsimuar 7650 nxënës në 32 shkolla të niveleve të ndryshme të licencuara nga Ministria e Arsimit dhe Këshilli i Ministrave, të cilat menaxhohen nga bashkësitë fetare. Për këtë, ata paguajnë 750 mësues.

Për hartimin e këtij projektligji, grupi i punës është konsultuar në mënyrë të vazhdueshme edhe me studio ligjore dhe ekonomike, me bashkësitë fetare dhe grupe të tjera të interesit. Efekti financiar për gjysmë page minimale për 450 punonjës të administratës është i barabartë me planifikimin financiar që ka bërë Ministria e Financave për këtë zë me shumën 46 milionë lekë. Nevojat për mbështetje financiare të këtyre bashkësive e në veçanti për Komunitetin Mysliman dhe Kryegjyshatën Botërore janë emergjente.

Mbështetja për arsimin mendohet të jetë jo më pak se 50 milionë lekë dhe mbështetja që bën shteti është 5 për qind e shpenzimeve që bëjnë ata vetë dhe, sipas relacionit të qeverisë, kjo shifër do të vijë duke u rritur.

Komunitetet fetare do të përfitojnë brenda një viti 46 milionë lekë për të siguruar pagesën e 450 punonjësve. Në këtë mënyrë, qeveria paguan gjysmën e pagës minimale për këtë kategori. Për arsimin, shuma e akorduar nga qeveria për një vit është 50 milionë lekë, ndërkohë që propozimi i Ministrisë së Financave ishte 37 milionë lekë. Ndërsa për investime të tjera, shuma që do akordohet nga qeveria për komunitetet fetare do të jetë 10 milionë.

Qeveria jep 7.2 milionë lekë në vit për Kryegjyshatën Botërore Bektashiane e cila do ta shtijë veprimtarinë e saj në disa shtete si SHBA, Maqedoni, Kosovë, Greqi, Egjipt dhe Turqi, për të cilat nevojiten shpenzime shtesë.

Legalizimi i objekteve të kultit është një tjetër pikë e kësaj marrëveshjeje, që vjen pas dispozitave të ligjit 9482, datë 3 prill 2006, pasi bashkësitë fetare kanë pësuar humbje në prona si rrjedhojë e Ligjit 7501 dhe të përfitimeve nga të tretët.

http://www.gazeta-shqip.com/artikull.php?id=62519

5.9.2009, 17:54

Citim:

Myftiu Tërnava: Të implementohet lënda fetare në shkolla

Prishtinë - Myftiu i Republikës së Kosovës Naim Tërnava me bashkëpunëtorë ka zhvilluar një takim me kryetarin e Partisë së Drejtësisë prof.dr.Ferid Agani.

Myftiu Tërnava fillimisht falënderoi Kryetarin Agani për pritjen dhe mbështetjen e vazhdueshme që po i bënë PD iniciativave që janë në interes të qytetarëve dhe shtetit të Kosovës.

Gjithashtu, Tërnava informoi për iniciativën e Bashkësisë Islame të Kosovës për fillimin e implementimit të lëndës së edukatës fetare në shkollë dhe kërkoi nga Kryetari Agani mbështetjen për këtë iniciativë.

Po ashtu edhe Kryetari Agani falënderoi myftiun për vizitën e bërë si dhe për të gjithë aktivitetin e Bashkësisë Islame në procesin e shtet-ndërtimit të Kosovës.

Në të njëjtën kohë Kryetari Agani i premtoi myftiut Tërnava se mbështetim implementimin e lëndës fetare në shkollë dhe do të angazhohemi që kjo e drejtë e patjetërsueshme e qytetarit të Kosovës të realizohet.

http://www.gazetastart.com/lajm.php?...iptare&nr=4222

27.10.2009, 17:37

Citim:

DASH: 245 grupe fetare, bashkëjetesë në Shqipëri

Departamenti Amerikan i Shtetit publikoi dje raportin vjetor për lirinë e besimeve fetare në borë, ku në kapitullin për Shqipërinë vlerëson se vendi ka një liri besimi të plotë. Sipas raportit, referuar shifrave zyrtare nga Komiteti Shtetëror për Kultet, ekzistojnë 245 grupe dhe organizata fetare në vend.

“Komiteti Shtetëror për Kultet raportoi një total prej 245 grupesh, organizatash dhe fondacionesh fetare, përpos katër grupeve tradicionale fetare. Kjo shifër përfshinte 34 organizata islamike dhe 189 organizata protestante, shumica prej tyre me lidhje me Vëllazërinë Ungjillore Shqiptare (VUSH)”, - thotë raporti i DASH.

Raporti thotë më tej se “Kushtetuta siguron lirinë e fesë dhe ligje e politika të tjera kontribuuan për një ushtrim përgjithësisht të lirë të fesë. Ligji në të gjitha nivelet e mbron këtë të drejtë nga abuzimet, si prej qeverisë ashtu edhe prej aktorëve privatë”.

Sipas tij, në vend ka katër fe kryesore, por që ende s’ka shifra të sakta, pasi ende s’ka një regjistrim popullsie që përcakton përkatësinë fetare në vend. Katër grupet fetare tradicionale, sipas raportit, janë myslimanët (sunitë), bektashinjtë (një formë e sufizmit shia), të krishterët ortodoksë (Kisha Ortodokse Autoqefale e Shqipërisë), si dhe katolikët romakë.

Gjithashtu, ka edhe shifra thelbësore të feve protestante dhe grupeve të tjera fetare, përfshi Bahait, Dëshmitarët e Jehovait, si dhe anëtarë të Kishës së Jezu Krishtit të Shenjtëve të Ditëve të Mëvonshme (mormonët).

Për sa u përket simboleve dhe veshjeve fetare, raporti thotë: “Nuk ka ligj që ndalon mbajtjen e veshjeve apo simboleve fetare. Drejtorët e shkollave kanë të drejtë të përcaktojnë standardet për “veshjen e përshtatshme”, çka me raste përfshinte kufizime ndaj ekspozimit publik të simboleve fetare. Gjatë periudhës së raportimit, tri nxënëse të shkollave të mesme publike u ndaluan të ndiqnin orët e mësimit, ngaqë mbanin shami koke”.

http://standard-al.com/tekst.php?idt=23024

4.11.2009, 13:26

Citim:

Projektligji për financimin e besimeve fetare, gati për miratim në Kuvend

Projektligji për financimin e besimeve fetare mësohet se është gati, dhe do të kalojë për miratim në Parlament. Bëhet fjalë për financimin e katër besimeve, myslimane, ortodokse, katolike dhe bektashi.

Projektligji do të ketë 14 nene, në të cilat parashikohet financim për mirëmbajtje apo ndërtim të objekteve të kultit, objekteve të turizmit fetar dhe restaurim të qendrave të pelegrinazhit.

Por, krahas tyre në projektligj parashikohet edhe financim për shkollat që administrohen nga komunitetet fetare, për të cilat shteti do të mbështesë pagat e arsimtarëve.

Këto financime do të bëhen në bazë të projekteve që të katërta besimet fetare do i paraqesin Komitetit Shtetëror të Kulteve.

Pritet që ky projektligj të miratohet në seancën e fundit të këtij parlamenti, në datën 11 maj. Kalendari zyrtar i punimeve parlamentare për periudhën trejavore (23 prill-14 maj) ka parashikuar mbledhjen e Kuvendit në muajin maj në vetëm një seancë, atë të datës 11 maj.

Axhenda e parlamentit për këtë mbledhje të fundit të tij është planifikuar shumë e ngjeshur, me një rend dite që përfshin rreth 15 pika.

http://www.sot.com.al/index.php?opti...tike&Itemid=60

24.1.2008, 09:39	#1
Anëtarësuar: 5.2008	Shteti dhe feja Mbulim mediatik.

14.5.2008, 09:31	#3
vlug 6.000 Anëtarësuar: 8.2006	Shteti dhe feja Është prekur thellë arabi Bashkim Kopliku, është fyer rëndë, sepse shqiptarët i kanë kritiku islamin. Arabi në fjalë që jeton në Shqipëri shkon deri aty sa kritikon, një emision televiziv të ditëve të fundit mbi fenë në Shqipëri, studiues historie, gjuhësie e filozofie për qëndrimin e tyre ndaj islamit. Dhe tërë kjo ndërkohë që vetë arabi Bashkim është vetëm një copë inxhinier elektronike dhe nuk bën ndonjë lloj interpretimi shkencor në "argumentim", por veç shfryn mllefe kundër pjesëmarrësve të emisionit. Mllefe si një arab i vërtetë! Ka shkruar dy faqe se pse nuk duhet kritiku islami e pse na qenkërka antishqiptare të shash islamin. Pra ky thotë se është antishqiptare të shash fenë e arabëve?! Artikulli: http://balkanweb.com/gazetav4/index.php?id=36344
	Ndryshuar së fundmi nga vlug : 19.5.2008 në 10:15.

23.3.2009, 16:00	#14
Anëtarësuar: 5.2008	Tiranë: Kryeministri premton fetarizim të shtetit Kryeministri, Sali Berisha ka pohuar dje me rastin e festës bektashie të "Sulltan Novruzit" se do të dërgojë së shpejti në Kuvend një ligj për komunitetet fetare i cili "garanton se qeveria do të ndihmojë fuqishëm komunitetet fetare dhe të gjitha institucionet fetare në tërësi". Kryeministri vuri në dukje gjithashtu se Shqipëria P. është i vetmi vend që ka ditë feste zyrtare ditën e "Sulltan Novruzit" dhe shtoi dhe se qeveria do të ndihmojë komunitetin bektashi për përfundimin "e tempullit madhështor që është në ndërtim, si qendër e bektashizmit botëror, që u bën nder jo vetëm shqiptarëve në Shqipëri, Kosovë, Maqedoni, por bektashinjve të mbarë planetit". http://www.gazeta-shqip.com/artikull.php?id=61112

15.4.2009, 22:58	#16
Anëtarësuar: 5.2008	Tiranë: Qeveria financon fetë? Qeveria ka miratuar ligjin “Për financimin nga buxheti i shtetit të bashkësive fetare që kanë nënshkruar marrëveshje me Këshillin e Ministrave”. Gjatë mbledhjes së Këshillit të Ministrave, kryeministri Sali Berisha vlerësoi rëndësinë e këtij ligji, i cili sipas tij “është shumë i rëndësishëm për infrastrukturën shpirtërore të kombit”. Duke e konsideruar laicizmin si "trashëgiminë dhe traditën më të shkëlqyer të shtetit", Berisha shtoi se “nga ana tjetër, besimet fetare janë gurrat e mëdha të cilat ushqejnë shpirtrat e shqiptarëve”... http://www.gazetastart.com/?faqe=shfaqlajm&lajmid=6648

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

10.1.2009, 21:48	#12
mesdimr Anëtarësuar: 8.2006	Zhdukja e fesë së organizuar në Shqipëri nuk ishte arritje e shtetit komunist por e shtetit shqiptar! Ajo ka nisur që me kombëtarizimin e feve nga Zogu, mbylljen e shkollave fetare, ndalimin me ligj të praktikave joshqiptare fetare etj. Kur do të mësojnë ta shikojnë historinë në vijimësi këta njerëz që udhëhiqen nga komplekse të çuditshme?! Asnjë borxh nuk i ka shteti shqiptar fesë, përkundrazi feja i ka kombit shqiptar. Ne e zgjedhim shtetin të mbrojë kombin, jo fenë! Këto lëshime të paprecedent që po bëhen në thelb janë antikombëtare. Këtu s'po i marrin civilët pronat, dhe po i merrkan organizatat fetare të cilat që në ideologji e kanë të sanksionuar veprimtarinë antikombëtare. Këto punë kanë prirjen të rivihen në vend në mos me një mënyrë me një tjetër... i rrofshin fondet pastaj...

Shteti dhe feja

Shteti dhe feja

Shteti dhe feja

Tiranë: Kryeministri premton fetarizim të shtetit

Tiranë: Qeveria financon fetë?