Arabët kundër Shqipërisë së Veriut, pro Serbisë

Blin · 21.5.2008, 16:55

Citim:

Myslimanët përplasen për Kosovën
Koha

Kur Samuel Huntingtoni po trajtonte teorinë e tij të "përplasjes së qytetërimeve" dhe aleancat eventuale, ai me lehtësi po përshkruante konfliktin shqiptaro-serb si një luftë religjioze, ndërsa shqiptarët e Kosovës si kandidatë të natyrshëm për t'u rreshtuar në një aleancë potenciale me botën myslimane kundër asaj perëndimore. Edhe pse liderët shqiptarë pas rënies së Murit të Berlinit kishin kaluar në anën perëndimore të "vijës së Teodosit", ata shpeshherë, shkaku i propagandës serbe, po përjetoheshin si njerëz që drejtojnë një turmë xhihadistësh. Shqiptarët, megjithatë, kishin arritur të hiqnin këtë stigmë falë orientimit të palëkundur perëndimor që manifestohej nga liderët e tyre, kudo. Ky kurs vazhdon edhe pas shpalljes së pavarësisë, përderisa lidershipi mbetet i përkushtuar në rrugën properëndimore.

Teksa dilema rreth orientimit të shqiptarëve tashmë është hequr, pyetja është cili është raporti i botës myslimane apo shteteve islamike karshi shqiptarëve dhe Kosovës? Apo thënë më drejt, a është qasja properëndimore e kosovarëve një përplasje me pozicionimet globale të një numri të shteteve islamike? Liderët kosovarë me mburrje flisnin për garën që shtetet po bënin për të njohur pavarësinë e Kosovës. Kryeministri Hashim Thaçi po llogariste për 100 njohje ku me gjasë gjysma e tyre pritej të ishin shtetet e Konferencë Islamike. Numri i shteteve që kanë njohur Kosovën është 41 deri më sot, ndërsa vetëm katër prej tyre janë anëtarë të Konferencës, duke përfshirë Shqipërinë.

Analistët shohin disa arsye për këtë numër dukshëm të vogël dhe befasisht të papritur. Një nga to është mosnjohja e Kosovës si gjeografi, antiamerikanizmi i disa shteteve islamike, raportet e disave me Rusinë si dhe qasja e miqësore e këtyre vendeve ndaj Jugosllavisë së dikurshme.

Nostalgjia e botës arabe

Politikani i shquar Arbën Xhaferi thotë se në tërë këtë muhabet duhet përjashtuar religjioni. Sipas Xhaferit, shtetet myslimane shpeshherë, për interesa dhe shkaqe te ndryshme, aspak fetare, kanë përplasje dhe antagonizma ekstreme ndërmjet tyre. Një nga arsyet e këtij qëndrimi ndaj Kosovës për Arbër Xhaferin është nostalgjia e botës arabe për periudhën e mosinkuadrimit dhe respekti për figurën e Titos.

"Kosova është një kafshatë tepër e vogël, për të cilën nuk vlen që ata t'i prishin raportet strategjike me Rusinë, përkatësisht me Serbinë që ata ende e perceptojnë si Jugosllavi. Këtë fakt nuk e merrte parasysh Presidenti i ndjerë boshnjak Izetbegovic dhe shtrenjtë e pagoi. Gadafi i dha atij pesë milionë dollarë ndihmë, ndërkaq Milosheviqit me qindra milionë", elaboron Xhaferi.

Qemajl Morina, Dekan i Fakultetit të Studimeve Islamike në Prishtinë përmend pak a shumë të njëjtat arsye. "Bota islame e njeh shumë pak Kosovën. E dyta, është antiamerikanizmi i cili ekziston në botën islame për shkak të qëndrimeve që ka Amerika në Irak, Afganistan në çështjen e Palestinës, kështu që përkrahja e madhe që i është dhënë Kosovës nga ana e amerikanëve ka lënë të dyshohej se për çka është...", ka thënë Morina.

Vlerësim të ngjashëm ka edhe Dom Lush Gjergji i klerit katolik. Ai mendon se qasja shumë properëndimore e kosovarëve është vetëm njëra nga arsyet për ngecjen e njohjeve nga shtetet islamike. "Arsye tjetër është tensionimi i botës arabe me Amerikën. Një arsye tjetër është ndikimi i Rusisë e cila mundohet të ketë ndikim në botën arabe kundër Amerikës dhe Bashkimit Europian", ka thënë ai.

Elementi i nostalgjisë për Jugosllavinë e dikurshme ka një ndikim të veçantë në mosnjohjen e Kosovës nga shtete islamike. Një arsye tjetër, Qemajl Morina numëron edhe diplomacinë aktive serbe. "Kanë një lloj nostalgjie pasi që mendojnë se politika që ka udhëhequr Ish Jugosllavia ndaj botës arabe ka qenë e drejtë. Ka edhe një ofensivë të madhe të politikës serbe, ndërsa keni edhe rastin e Jordanit ku mbi 2 mijë intelektualë arabë janë të martuar me serbe. Të gjithë këta faktorë kanë ndikuar", thotë ai.

Në Samitin e vendeve islamike, që është mbajtur pas shpalljes së pavarësisë, kosovarët kanë dërguar një delegacion për të lobuar për njohjen e pavarësisë. Mirëpo liderë e ministra të kësaj konference vetëm se kishin përmendur në një deklaratë shpalljen e pavarësisë. Qeveria e Kosovës, megjithatë, ende shpreson se njohja numerike nga këto vende do të vijë një ditë. "Jemi duke tentuar vazhdimisht që t'i bindim që ata të bëjnë një gjë të tillë", ka thënë Zëvendëskryeministri Hajredin Kuçi.

Ai thotë se shtetet që kanë njohur Kosovën e dinë se Kosova është një vend properëndimor dhe demokratik duke theksuar se mbi këtë bazë do të vijnë edhe njohjet tjera. Zëdhënësi i Presidentit të Kosovës, Xhavit Beqiri thotë se njohja nga këto shtete do të ishte e mirëseardhur. Mirëpo ai nuk dëshiron të diskutojë shumë rreth rreshtimit të politikës kosovare duke thënë se një gjë e tillë dihet. "Orientimi i Kosovës dihet që është properëndimor. Kosova edhe është në Evropë dhe s'mund të ketë orientim tjetër. Por kjo nuk prejudikon që Kosova nuk aspiron raporte të mira edhe me vendet tjera të mjediseve", ka thënë Beqiri.

Përderisa delegacioni kosovar në Dakar të Senegalit ku ishte mbajtur samiti i shteteve islamike ka potencuar se Kosova është një shtet laik, Qemajl Morina thotë se Kosova nuk është dashur atje të përfaqësohej nga një ministër i arsimit por do duhej që atë ditë ta dorëzonte kërkesën për anëtarësim. Sipas tij, kjo do të ndikonte në njohje. "Ky hap do ta kishte vënë Konferencën Islamike para një akti të kryer edhe ata nuk do të kishin pasur rrugëdalje tjetër pos ta njohin Kosovën. Mirëpo dërgimi i delegacionit tonë me disa hezitime në nivel të ministrit të Arsimit ka bërë që ne nuk jemi të interesuar aq sa duhet", ka thënë ai.

http://koha.com.mk/aktuale.html#a25

VNf · 25.8.2008, 16:49

Në Prishtinë mbahet konferenca "Kosova dhe bota arabe" që synon përmirësimin e imazhit të Kosovës në shtetet arabe. Intelektualët arabë që marrin pjesë në këtë konferencë i kanë thënë BBC-së se në botën arabe ka paragjykime për Kosovën dhe si rezultat i kësaj, ka hezitime për njohjen e pavarësisë së saj.

Gjashtë muaj pas shpalljes së pavarësisë së Kosovës, atë e kanë njohur vetëm 6 nga 57 shtetet anëtare të Konferencës Islamike, prej të cilave asnjë nga bota arabe.

Violeta Hyseni bisedoi me profesorin Ridwan Al-Sayyid, ligjërues i studimeve islamike në Universitetin e Libanit në Bejrut dhe këshilltar i kyeministrit libanez.

BBC: Profesor, pavarësia e Kosovës është njohur vetëm nga gjashtë shtete anëtare të Konferencës Islamike. Pse sipas jush nuk ka njohje më të madhe të Kosovës nga vendet islamike, nga bota arabe? Mos qëndrojnë arsyet tek lidhjet e forta të shqiptarëve të Kosovës me Shtetet e Bashkuara të Amerikës, pavarësisht se shumica prej tyre janë myslimanë?

Al-Sayyid: Jo, kjo nuk ka të bëjë asgjë me këtë. Disa njerëz hezitojnë sepse kanë raporte të mira me Serbisë ose me Rusinë, ndërsa disa arabë mendojnë për pakicat e tyre, sepse ne kemi kurdët dhe berberët, në vendet arabe ka muslimanë dhe të krishterë.

Ka shumë probleme dhe shumica e minoriteteve që kemi ne flasim për krijimin e shteteve të reja. Shtetet arabe kanë frikë se problemet tona etnike do të bëhen më të mëdha si rezultat i zhvillimeve në Ballkan dhe në Kosovë.

Pra ka dy elemente në këtë mes: elementi i parë është se 4-5 shtete arabe kanë bashkëpunim të mirë me Serbinë dhe me Rusinë, ndërsa disa shtete arabe kanë pakicat e tyre dhe i frikësohen ndarjes së vendit.

http://www.bbc.co.uk/albanian/news/2...osovarab.shtml

mesdimr · 27.8.2008, 13:36

Citim:

Armiku i armikut tim është miku im!
27/08/2008 / Adnan Abrashi

Shkaqet e mosnjohjes së Kosovës nga shtetet arabe thuhet se janë të shumta. Në mes tjerash, në këtë drejtim bëhet fjalë për ndikimin e një miqësie të vjetër sentimentale me Serbinë, trashëgimtare të Jugosllavisë së Titos. Kjo u pa edhe në mënyrën se si u prit nga ta ministri i Punëve të Jashtme i Serbisë, zoti Jeremiç, në Konferencën e fundit të Shteteve të Painkuadruara të Botës.

Merrni me mend! Me çfarë respekti dhe pompoziteti pritet aty nga shumë shtete myslimane një ministër i asaj Serbie, e cila në Bosnje dhe Kosovë vrau dhe masakroi me mira e mira myslimanë; i asaj Serbie e cila në luftën e fundit dogji dhe shkatërroi me mira e mira xhami dhe tempuj tjerë fetarë islamë...?!

Vërtet për tu befasuar! Në raport me njohjen e shtetit të ri të Kosovës, sot kjo rrethanë emocionale, konsiderohet nga bota arabe si interes i tyre i veçantë nacional?!!

Arabët, gjyshja dhe prindërit e mi

Ende sot e kësaj dite i kam të paharruara kujtimet nga maji i vitit 1967. Unë, atëbotë isha 9-vjeçar dhe në arenën politike ndërkombëtare, konkretisht në Lindjen e Afërme, zhvillohej një luftë e përgjakur në mes të Egjiptit dhe Izraelit. Sigurisht se shkaku i kësaj mbrese të thellë te unë assesi nuk ka qenë lufta si konflikt i përgjakur me detajet politike të së cilës më tepër merreshin të rriturit, por, si një fëmijë i padjallëzuar, më kishte lënë mbresa të pashlyeshme mënyra e solidarizimit të familjes dhe përgjithësisht edhe i gjithë të afërmve të mi, me popullin vëlla mysliman arab të Egjiptit. Kurrë nuk mund ta harroj gjyshen dhe nënën time, të cilat, pas faljes së çdo vakti të namazit, me zë të lartë dhe nga pesë herë në ditë, luteshin për vëllezërit tanë myslimanë që padrejtësisht ishin përgjakur, sikur thoshin ato, nga “jehuditë”, “dushmanë të vjetër dhe të përbetuar të myslimanëve”. Lutjet të tilla të ngjashme si të gjyshes dhe nënës sime, sigurisht bëheshin edhe nëpër xhamitë ku shkonte të falej babai, por atë më tepër do ta kujtoj se si me emocione të forta dhe sytë të përlotura, qëndronte tërë natën pranë radios sonë të vjetër, duke tentuar që çdo minutë të kapte lajme sa më të freskëta që kishin të bënin me këtë luftë të padrejtë.

Duhet pranuar se ndoshta që nga ajo kohë fëmijërore mbresëlënëse për mua, edhe kur më vonë u rrita dhe u bëra shumë më i arsyeshëm, në të gjitha situatat e çfarëdo lufte apo padrejtësish të tjera që bëheshin ndaj ndonjë shteti mysliman në botë, përherë si shprehje e automatizuar në nënvetëdijen time, reagonte ai solidarizimi i rrënjosur thellë i mbajtjes së favorit në anën e këtyre shteteve myslimane

Por, si t’ia shpjegoj sot ndërgjegjes sime, kur pikërisht kjo “armike e përbetuar e myslimanëve” - Amerika, mua si shqiptar dhe njeri, më bëri të jem si gjithë të tjerët në botë, i lirë, dhe ta kem formalisht një çfarëdo shteti ashtu si është, ndërsa, këta vëllezër myslimanë të gjyshes, nënës, babait, kushërirave, besa edhe të mi dikur, sot as që lëvizën të bëjnë së paku diçka moralisht si përkrahje në këtë drejtim.

Bile-bile, disa paturpshëm deklaruan se për ta në këtë rast, fare nuk luan rol vendimtar përkatësia jonë si shumicë myslimane, por mbi të gjitha, ata udhëhiqen nga interesat e tyre të ngushta shtetërore dhe nacionale.

Ah... sa kisha dashur tani që vetëm pesë minuta t’i kem gjallë, gjyshen dhe prindërit e mi të dashur...!

Edhe pak histori

Nëse për kuriozitetin tonë kishim bërë një statistikë të mirëfilltë të shqiptarëve që kanë emra Naser, atëherë, jam më se i sigurt se nga gjithë bota islame, ky emër si më i përfaqësuar, do të tregohej në Kosovë. Pse është kështu, dihej: respekti i madh dhe i verbër ndaj një udhëheqësi të shquar mysliman arab të Egjiptit; njërit prej 3 liderëve dhe thelluesve kryesorë të Botës së Shteteve të Painkuadruara, Abdel Gamal Naser.

Po, edhe pse është kështu, nga populli im mysliman shqiptar i Kosovës, pak kush atëbotë (ndoshta ende edhe sot) dinte se Naseri ishte një ish-oficer i dalë nga Akademia Ushtarake e Moskës. Nga këndej, ai erdhi në krye të Egjiptit me një grusht shteti të përgjakshëm, të përgatitur nga KGB-ja sovjetike. Me këtë grusht-shtet, Naseri shkatërroi mbretërinë 154-vjeçare egjiptiane të udhëhequr brez pas brezi nga familjet shqiptare, vendosur nga i madhi Mehmet Ali Pasha. I fundit, mbreti Faruk u detyrua të emigronte në Itali.

Që kur erdhi Naseri në pushtet, shqiptarëve më s’iu dëgjua zëri në Egjipt, e mos të flasim për ata që u ndoqën dhe u persekutuan nga ky regjim.

“Jehuditë” dhe Kosova

Që nga dita e sotme, kam vendosur që t’i kundërshtoj ashpër çdo hoxhe apo kushdo qoftë tjetër, i cili pretendon të më bindë se “jehuditë”, janë dushmanë të përbetuar të myslimanëve. Për shkaqe të ndryshme historike, ata, ndoshta mund të jenë dushmanë të arabëve, por kurrsesi të myslimanëve. Sepse, edhe Kosova ime banohet me mbi 90% myslimanë, ndërsa “jehuditë” kurrë nuk i kemi pasur armiq dhe as që do t’i kemi ndonjëherë. Por, përkundrazi, ky popull edhe vetë i lashtë dhe i përvuajtur si ne historikisht, gjithmonë na ka çmuar dhe vlerësuar lart, e në rend të parë si përkatës shqiptar.

Njohja e Kosovës shtet nga Izraeli “de facto” kaherë ka ndodhur. Kjo shihet në Amerikën dhe dështimet e njëpasnjëshme të Serbisë që ta përvetësojë atë për vete.

Muaji i shenjtë i Ramazanit po afrohet dhe unë do ta shfrytëzoj rastin që këto ditë të madhërishme të agjërimit t’ua uroj të gjithë myslimanëve të mi shqiptarë me një apel të fuqishëm, që nëpër të gjitha mexhliset, e veçanërisht nëpër xhami dhe predikime pas namazit të teravisë, të mos merren aq me “jehuditë” dhe as armiqtë e tjerë si “dushmanë historikë të myslimanëve”.

Pse edhe ne në këtë rast, njësoj si arabët, të mos udhëhiqemi nga interesat tona shtetërore dhe kombëtare...?

“Armiku i armikut tim, është miku im”. Pa dyshim, është ky ligji i pamposhtur hyjnor i natyrës, i cili duhet respektuar patjetër, a po?!

http://www.gazeta-standard.com/tekst.php?idt=10019

25.8.2008, 16:49	#2
VNf ngjarjet e fundit newsfeed Anëtarësuar: 5.2008	Arabët kundër Shqipërisë së Veriut, pro Serbisë Në Prishtinë mbahet konferenca "Kosova dhe bota arabe" që synon përmirësimin e imazhit të Kosovës në shtetet arabe. Intelektualët arabë që marrin pjesë në këtë konferencë i kanë thënë BBC-së se në botën arabe ka paragjykime për Kosovën dhe si rezultat i kësaj, ka hezitime për njohjen e pavarësisë së saj. Gjashtë muaj pas shpalljes së pavarësisë së Kosovës, atë e kanë njohur vetëm 6 nga 57 shtetet anëtare të Konferencës Islamike, prej të cilave asnjë nga bota arabe. Violeta Hyseni bisedoi me profesorin Ridwan Al-Sayyid, ligjërues i studimeve islamike në Universitetin e Libanit në Bejrut dhe këshilltar i kyeministrit libanez. BBC: Profesor, pavarësia e Kosovës është njohur vetëm nga gjashtë shtete anëtare të Konferencës Islamike. Pse sipas jush nuk ka njohje më të madhe të Kosovës nga vendet islamike, nga bota arabe? Mos qëndrojnë arsyet tek lidhjet e forta të shqiptarëve të Kosovës me Shtetet e Bashkuara të Amerikës, pavarësisht se shumica prej tyre janë myslimanë? Al-Sayyid: Jo, kjo nuk ka të bëjë asgjë me këtë. Disa njerëz hezitojnë sepse kanë raporte të mira me Serbisë ose me Rusinë, ndërsa disa arabë mendojnë për pakicat e tyre, sepse ne kemi kurdët dhe berberët, në vendet arabe ka muslimanë dhe të krishterë. Ka shumë probleme dhe shumica e minoriteteve që kemi ne flasim për krijimin e shteteve të reja. Shtetet arabe kanë frikë se problemet tona etnike do të bëhen më të mëdha si rezultat i zhvillimeve në Ballkan dhe në Kosovë. Pra ka dy elemente në këtë mes: elementi i parë është se 4-5 shtete arabe kanë bashkëpunim të mirë me Serbinë dhe me Rusinë, ndërsa disa shtete arabe kanë pakicat e tyre dhe i frikësohen ndarjes së vendit. http://www.bbc.co.uk/albanian/news/2...osovarab.shtml

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar