Lugina e Preshevës nën pushtimin sllav, Tirana hesht

23.11.2009, 20:25

Citim:

Serbia hapë bazën e saj më të madhe ushtarake në kufi me Kosovën

Në Luginë të Preshevës sot po qëndrojnë përfaqësuesit më të lartë shtetërorë e ushtarak të Serbisë, si kryetari Boris Tadiq, kryeministri Cvetkoviq, ministri i Mbrojtjes Dragan Shutanovac etj., ku kanë bërë përurimin e bazës ushtarake Cepotin, lokacioni i së cilës është në komunën e Bujanocit, afër kufirit me Kosovën.

Sipas krerëve shtetërorë të Serbisë kjo bazë ushtarake është e një rëndësie të veçantë për ruajtjen e stabilitetit në rajonin e Luginës së Preshevës. Kjo bazë ushtarake përfshin një hapësirë të madhe prej dhjetëra hektarësh, e dislokuar vetëm nja 15 kilometra larg Bujanocit, në drejtimi të kufirit me Kosovën.

Baza e quajtur "Jug" është ndërtuar në 35 hektarë sipërfaqe, në të cilën janë investuar 1 miliardë e 700 milion dinarë. Në te janë 66 objekte me një sipërfaqe prej 22 mijë m2, ku do të mund të vendosen 1000 ushtarë profesional. Në të ardhmen planifikohet që në këtë bazë të ndërtohen anekse në një sipërfaqe prej 60 hektarësh.

Lidhur me përurimin e sotëm të kësaj baze ushtarake, po edhe më herët, ka reaguar prefekti i komunës së Preshevës Ragmi Mustafa, i cili ka deklaruar se me këtë bazë ushtarake tani e tutje shqiptarët e Luginës së Preshevës janë të okupuar në shtëpitë e tyre dhe ka shtuar se ka kaluar koha e konflikteve të armatosura dhe se ndërtimi i kësaj baze është e panevojshëm.

Ndërkaq prefekti i Bujanocit Shaip Kamberi ka thënë se ndërtimi i kësaj baze ushtarake në Luginë të Preshevës, paraqet militarizim të këtij rajoni dhe se me këtë edhe më shumë vihet në pah gjendja e jashtëzakonshme në Luginë të Preshevës.

http://www.rtklive.com/new/?cid=1&newsId=33914

24.11.2009, 11:11

Citim:

Sejdiu: Kaluan kohët e hegjemonizmit serb

“Baza ushtarake që Serbia ka hapur këto ditë, s’është tjetër, përveç se një shprehje e përpjekjeve të saj për të faktorizuar apetitet, ndjenjat, vizionin e saj për të qenë diktues i rrjedhave në Evropën Juglindore, atë rol që s’e ka dhe s’do ta ketë asnjëherë”, tha presidenti i Kosovës, Fatmir Sejdiu, pas takimit me diplomatin austriak, Albert Rohan.

Sejdiu gjithashtu tha se “kanë kapërcyer periudhat kur Serbia ka mbajtur një rol hegjemonist ndaj vendeve tjera përreth sipas një logjike irracionale që ka pasur”.

“Unë them se Kosova duhet të jetë dhe është e qetë. Për ne është e papranueshme çdo qasje që në një formë apo tjetër ka tendencë të ngritjes së tensioneve dhe për ne është e rëndësishme që Kosova të ketë mbështetjen e vazhdueshme ndërkombëtare për sigurinë dhe integritetin e vendit”, ka thënë presidenti i Kosovës. /REL/

http://www.telegrafi.com/?id=2&a=6373

reparti kimik · 24.11.2009, 11:17

Serbia hap baza ushtarake dhe mbush burgjet duke spastruar territorin nga plehrat shqiptare, Mistër Sexhdiu mban spiçe para uorlldit për avenirin multietnik.

24.11.2009, 12:26

Citim:

Beogradi po remilitarizon Luginën e Preshevës

Përfaqësuesit politik të shqiptarëve në Luginë të Preshevës kanë kundërshtuar ashpër hapjen e bazës ushtarake serbe ‘JUG’ në Cepotin të komunës së Bujanocit, njofton korrespodenti i agjencisë së lajmeve INA në Preshevë.

Riza Halimi kryetari i Partisë për Veprim Demokratik dhe njëherit edhe deputet republikan thekson se ndërtimi i kësaj baze ushtarake për të gjitha forcat politike në Luginë të Preshevës ka qenë i pa pranueshëm .

“Për ne ka qenë i pa pranueshëm jo vetëm si një segment i militarizimit që nuk përkon me kohën dhe realiteitn por edhe si një kërcënim, thjeshtë si një qasje e gabuar e strukturave qeveritare që këtë rajon, tanë kohën e shohin si të destabilizuar duke e mbajtur peng të interesave të tyre”, theksoi Halimi.

Ndërkaq, edhe kryetari i komunës së Preshevës dhe njëherit edhe kryetari i Partisë Demokratike Shqiptare Ragmi Mustafa u shpreh se kjo bazë ushtarake është bërë pa pëlqimin e politikës shqiptare.

Sipas tij problemet duhet të zgjidhen me anë të bisedimeve duke shfrytëzuar edhe ndihmën e faktorit ndërkombëtar edhe jo me anë të dhunës dhe formave tjera jo paqësore.

Mustafa thotë se 10 milion eurot e harxhuara për këtë bazë ushtarake po të përdoreshin për ndërtimin e infrastrukturës do të ndihmonin zhvillimin ekonomik të këtij rajoni dhe komunave shqiptare të cilat janë më të pa zhvilluarat në Serbi.

Kryetari i Kuvendit të komunës së Preshevës Skënder Destani tha se Serbia duhet të punojë për tu bërë pjesë e familjes evropiane e jo të merret me ndërtimin e bazave ushtarake të panevojshme për kohën.

“Marrëveshja e Konculit është e qartë, pra demilitarizimi i rajonit të Luginës së Preshevës. Të gjitha partitë politike shqiptare në luginë janë kundër formimit të bazave ushtarake dhe kundër remilitarizimit të rajonit. Serbia nuk duhet të formoj baza ushtarake por duhet të punoj për integrimet evropiane atje ku synojnë të gjithë qytetarët e saj”, theksoi Destani

Edhe Shaip Kamberi kryetari i komunës së Bujanocit ka reaguar duke theksuar se baza ushtarake në Cepotin do të ketë reflektime negative për gjithë rajonin.

Kjo bazë ka sipërfaqen prej 35 hektarësh ku janë ndërtuar 30 objekte që mund të vendosen rreth 1.000 ushtarë profesionist. Ndërtimi i saj ka filluar prej vitit 2003 dhe konsiderohet se është baza më moderne ushtarake në rajon.

Rreth ndërtimit të kësaj baze ushtarake në mes të komunave të banuar me shumicë shqiptare një zërit është kundërshtuar edhe nga udhëheqësit politik por edhe ata edhe nga banorët e këtij rajoni.

http://www.ina-online.net/Default.as...563ac5824&ln=3

25.11.2009, 10:43

Citim:

Thaçi kritikoi ndërtimin e bazës serbe në Bujanovc

Kryeministri i Kosovës, Hashim Thaçi ka thënë se ndërtimi i bazës ushtarake të Serbisë në Luginën e Preshevës nuk është në përputhje me vlerat euroatlantike.

Pas një takimi që pati me diplomatin austriak dhe ish-zëvendësin e kryenegociatorit për statusin e Kosovës, Alber Rohan, kryeministri Hashim Thaçi tha se, “siguria, paqja, stabiliteti në rajon arrihen dhe garantohet vetëm me vlerat euro-atlantike dhe jo me angazhime apo mentalitete të forcave të armatosura njënacionale”.

Serbia të hënën ka përuruar bazën e vet më të madhe ushtarake pranë kufirit me Kosovën dhe në hapësirën e Luginës së Preshevës, të banuar me shqiptarë. /koha/

http://www.telegrafi.com/?id=2&a=6382

25.11.2009, 22:37

Citim:

Dell: Kosova dhe Serbia do të jenë aleatë të përbashkët të NATO-s

Ambasadori i SHBA-ve në Prishtinë, Kristofer Dell ka thënë se Kosova e ka një program të vet për ndërtimin e Forcave të Sigurisë të Kosovës, por edhe Serbinë duhet ta lejomë qe të ndërtojë ushtrinë e vet, sepse Kosova dhe Serbia sigurisht pas një kohe do të jenë aleatë të përbashkët të NATO-s.

Kjo deklaratë e ambasadorit Dell bëhet pas ndërtimit të bazës ushtarake të ushtrisë serbe pranë kufirit me Kosovën, e cila është baza më e madhe e ushtrisë së Serbisë, ndërsa udhëheqësit serbë nuk e kanë fshehur asnjëherë qëllimin që kjo bazë është ndërtuar për ta “mbrojtur” Kosovën.

Kurse ministri i Forcës së Sigurisë, Fehmi Mujota theksoi se Kosova po punon për ngritjen e Forcës së Sigurisë në bazë të një plani strategjik dhe të analizuar mirë.

“Ne po punojmë në ngritjen e kapacitete të Forcës të Sigurisë së Kosovës, po punojmë në bazën e një plani të përbashkët strategjitë dhe një planit të analizuar mirë politik dhe ushtarak, me Brukselin, me NATO-n, prandaj ne jemi fokusuar kryesisht të çështjet tona të brendshme të Kosovës”, tha Mujota dhe shtoi se nëse Serbia ka qëllime të tjetra do të ishte një kthim koke në kahun e gabuar.

http://alsat-m.tv/index.php/lajme/rajoni/20766.html

11.12.2009, 19:14

Citim:

Lugina po tkurret
Albin Kurti

Pas luftës së UÇPMB-së, shqiptarët e Luginës së Preshevës i gëzoheshin dy sukseseve: krijimit të policisë multietnike dhe marrjes së pushtetit në Bujanoc. Në këto dy projekte faktori ndërkombëtar kishte dhënë përkrahjen e tij përmes OSBE-së.

Serbia asnjëherë nuk e kishte tumirë këtë ndryshim që sadopak u kishte mundësuar shqiptarëve të frymonin më lirshëm. Serbia i kishte minuar ato sa herë që iu ishte dhënë mundësia, ashtu siç vazhdon t’i minojë edhe sot e kësaj dite.

Projekti i parë vetëm quhej ‘polici multietnike’ por në thelb nuk përfaqësonte strukturën etnike të popullatës në tri komunat e Luginës. Struktura etnike e të punësuarve në stacionet policore është siç vijon:

Policë Preshevë Bujanoc Medvegjë
Shqiptarë 119 105 7
Serbë 99 180 128
Gjithsej 218 285 135

Ky numër i policëve shqiptarë është pranuar në vitin 2001.

Në vitin 2007, për t’u bërë pjesëtarë të MUP-it serb kanë aplikuar 3.850 kandidatë. Shqiptarë nga Presheva dhe Bujanoci, kanë qenë gjithsej 60, ndërsa nga Medvegja, për shkak të pastrimit etnik atje, asnjë. Vetëm dy shqiptarë nga Presheva mezi janë pranuar. Njëri nga ata për arsye personale ka hequr dorë. Nga Bujanoci asnjë.

Policët shqiptarë gjatë nëntë viteve të punës kanë vetëm rol dytësor në këtë polici dhe asnjë nga ata nuk është avancuar në hierarkinë e lartë policore në nivel komunal: aty udhëheqin gjithmonë serbët.

Policinë multietnike, me dy serbë e një shqiptar, mund ta shohësh vetëm në vendbanimet shqiptare, kurse në vendbanimet serbe patrullojnë vetëm policët serbë pa asnjë polic shqiptar.

Në vitin 2008 kanë aplikuar 1.900 kandidatë. Në mesin e tyre kanë qenë vetëm 8 shqiptarë. 569 aplikantë, e në mesin e tyre 40 kandidatë nga pakicat apo 7%, i kanë plotësuar kriteret e rekrutimit, por asnjë shqiptar.

Sipas vendimit të MUP-it serb, në 4 vitet e ardhshme nuk do të hapet konkursi për pranimin e policëve të rinj, pasi që me automatizëm do të shfrytëzohet shifra e 569 kandidatëve të lartpërmendur.

Me këtë nënkuptohet se së paku në 4 vitet e ardhshme asnjë shqiptar i Preshevës, Bujanocit e Medvegjës nuk do të mund të bëhet polic.

Serbia ka marrur donacione të majme nga bashkësia ndërkombëtare për reformimin e policisë por i ka lënë shqiptarët gjithmonë në rangjet e ulta dhe më të pakët proporcionalisht.

Në anën tjetër, siç e dimë, Qeveria e Kosovës ua ka ruajtur pagat policëve serbë në Kosovë për më shumë se një vit ndonëse ata e shkëpusnin zinxhirin komandues meqë gjithnjë dirigjoheshin nga Beogradi. Standardet e dyfishta kur janë në pyetje MUP-i serb dhe (Sh)PK-ja tregojnë më së miri për asimetrinë diskriminuese ndaj shqiptarëve.

Në këtë ndërmarrje Serbia e ka pasur përkrahjen e zyrtarëve rusë në OSBE. Është interesante qysh OSBE-ja në Luginë ka qenë fushëbetejë amerikano-ruse. Por, ajo tash po tërhiqet nga Lugina.

OSBE-ja si sponsor i projektit të policisë multietnike e ka shpallur në heshtje si të dështuar këtë projekt gjatë muajit tetor duke e mbyllur zyrën e saj që ka të bëjë me punët e policisë në Luginë. Me tërheqjen e OSBE-së nga projekti, asnjë shqiptar më nuk do të ketë mundësi që të bëhet pjesëtar i policisë për shkak të mosnjohjes së mirë të gjuhës serbe dhe konkurrencës në nivel republikan.

Për dështimin e projektit faj kanë edhe liderët e partive politike shqiptare, të cilët pas luftës së UÇPMB-së, në vend se të merren me hallet e popullatës, janë zhytur në rivalitete të përhershme mes veti, duke përfunduar në garë për servilitet ndaj faktorëve ndërkombëtarë por edhe ndaj Beogradit.

Disa nga këta liderë shesin patriotizëm para popullit për mosbashkëpunim me policinë në nivel lokal, kërkojnë nga populli durim deri atëherë kur Serbia të bëhet anëtare në BE thuajse atje pozita e tyre do të përmirësohet vetvetiu, por në anën tjetër nuk hezitojnë të takohen në Beograd e të bashkëpunojnë me ministrin e policisë serbe Ivica Daçiq.

Krahas dështimit të projektit të parë, Serbia po e përgatit terrenin edhe për dështimin e projektit të dytë. Në zgjedhjet e ardhshme dhe me sistemin e regjionalizimit të Serbisë, ajo do t’ua shkëput shqiptarëve nga dora vendbanimin më strategjik të tyre, qytetin e Bujanocit.

Sipas regjistrimit të popullsisë nga viti 2002, e i cili i ka përjashtuar qytetarët të cilët janë për më shumë se një vit në botën e jashtme, në Medvegjë shqiptarët kanë mbetur vetëm 26,17% të popullsisë, në Bujanoc janë 54,69% kurse në Preshevë 89,10%.

Serbia e ka në shënjestër posaçërisht Bujanocin ku nënpërfaqësimi dhe diskriminimi i shqiptarëve është më i theksuari.

Në ndërmarrjet publike në Bujanoc janë të punësuar 1.390 serbë dhe vetëm 47 shqiptarë; në gjykata e prokurori 61 serbë dhe 18 shqiptarë; në kadastër dhe hekurudha s’ka fare të punësuar shqiptarë kurse serbë janë 10, përkatësisht 11 të punësuar, etj. etj.

Varfëria dhe papunësia gjithsesi janë trysni politike mbi shqiptarët që ta lëshojnë vendin e tyre.

Në funksion të ndryshimit të përbërjes etnike në Bujanoc, që ka për synim zbritjen e përqindjes së popullsisë shqiptare nën 50% dhe shndërrimin e tyre në pakicë, është edhe baza ushtarake “Jug” në fshatin Boroc të Bujanocit.

Krahas 1.000 ushtarëve edhe kuadrit ushtarak për këtë qendër logjistike e komanduese, në Bujanoc do të sjellen edhe familjet e tyre. Madje edhe UNDP ka paralajmëruar se në tri vitet e ardhshme do t’i integrojë serbët e ikur nga Kosova në komunën e Bujanocit!

Numri i tyre kap shifrën rreth 5.000 dhe kjo gjë trumbetohet si kontribut në zhvillimin ekonomik të Luginës. Ka edhe spastrim etnik në kohë paqeje dhe jo vetëm në kohë lufte, apo jo?

Thelbi i dështimit të këtyre projekteve konsiston në heshtjen e të gjithë faktorëve të zotuar për realizimin e tyre. Beogradit heshtja i konvenon se edhe ashtu është duke realizuar strategjinë e tij për pastrim etnik të tri komunave.

Shqiptarët e Medvegjës janë bërë pakicë në vendin e tyre, kurse Bujanocin gradualisht po e rrëmojnë për ta lënë Preshevën të vetmuar në Luginë.

Bashkësisë ndërkombëtare e sidomos OSBE-së heshtja ia mundëson ikjen nga obligimet që i ka marrur për këtë rajon, ndërkaq liderëve shqiptarë heshtja u levërdis për realizimin e interesave personale duke inkuadruar anëtarët e familjes apo militantët partiakë në ndonjë post komunal apo shtetëror.

Heshtja për këto dy projekte në Luginë është pranim i degradimit të të drejtave dhe pranisë shqiptare. Sigurisht që faj shumë të madh për tërë këtë kanë Tirana e Prishtina zyrtare të cilat e përmendin Luginën e Preshevës në fraza të përgjithshme kur kanë nevojë të pëlqehen prej turmave të votuesve, por s’veprojnë asgjë konkretisht për të. Bëjnë pazare politike dhe ekonomike me Beogradin thuajse nuk ekziston fare Lugina e Preshevës dhe shqiptarët e shtypur në të.

http://www.shqipmedia.com/2009/12/bujanoci/

25.1.2010, 14:33

Citim:

Pavarësia e Kosovës, kërcënim për Serbinë, thotë kryepolici homoseksual serb

Beograd, 25 janar - Zv/kryeministri homoseksual serb dhe njeherësh ministër i policisë Ivica Daçiq ka deklaruar sot në Beograd se kërcënimi më i madh për sigurinë e Serbisë është "shpallja e njëanshme e pavarësisë së Kosovës".

Ndërsa për gjendjen e sigurisë në Kosovë, ai ka thënë se është e ngarkuar me "dhunën me motive etnike". Daçiq, ky zëdhënës dhe bashkëpunëtor i ngushtë i diktatorit të dikurshëm serb Slobodan Millosheviq, ka thënë se ka rrezik nga "aksionet e terroristëve shqiptarë" në zonën tokësore të sigurisë në jug të Serbisë, ku thotë se janë gjetur armë.

Gjithnjë duke përdodur fjalorin nga arsenali i kohërave më të errëta antishqiptare të periudhës millosheviqiane, kryepolici serb Daçiq pohon se "lëvizja e vehabive" në Serbi është e lidhur me "terroristët shqiptarë".

http://www.kosova.com/artikulli/59159

16.4.2010, 05:36

Citim:

Tadiq zhgënjeu shqiptarët e Medvegjës
Refik Hasani

Vizita e fundit e presidentit të Serbisë z.Tadiq në Medvegjë është tepër zhgënjyese. Asnjë fjalë nuk premtoi apo nuk zëri ngoje për të drejtat individuale dhe kolektive të shqiptarëve dhe mundë të themi ishte e dëmshme,jo në interes për plotësimin e të drejtave të shqiptarëve të ksaj Komune.

Kjo vizitë,në Komunën e Medvegjës,që para vitit 1999,gjysma e banorëve e përbënin shqiptarët vendas.Sot numron afër një mijë banorë shqiptarë të mbetur nënë kushte tejet të rënda në të gjitha aspektet.Prandaj kjo vizitë përmbanë shumë gjëra të heshtura për një dekadë.

Nuk guxon të mashtrohet opninoni i gjërë,veqmas shqiptarët e Medvegjës se: Në këtë Komunë punojn vetëm pesë policë shqiptarë,tre shërbyes civilë,Nënkryetari dhe një drejtor i drejtorisë është shqiptarë. Asnjë gjykatës nuk është përveqë një referenti dhe një pastruese.

Prandaj edhe kështu me këto pakë banorë të mbetur shqiptarë,banorët autokton vendas janë komuniteti i dytë për nga numri banorëve,por nuk gëzojn kurrfarë të drejtash dhe lirisht mundë të shprehemi se jan të diskrimnuar në të gjitha lëmit e jetës.

Nuk respektohet dy gjuhësia në asnjë institucion publikeduke u mohuar gjuha shqipe.

Kjo Komunë përveqë që është në skajin më Jugor të Serbisë,është Rajoni më pakë i zhvilluar së bashku me Medvegjën,Bujanocin dhe Preshevën.

Efektin pozitivë në masa të gjëra të popullatës serbe të ksaj komune z.Tadiq e arriti,pasi kjo fletë dhe ju ndihmon serbëve që të mos e braktisin këtë Komunë.Po ashtu efekti tjetër i arritur se Medvegja është afër dhe kufizohet me Kosovën,kjo edhe është një mbështje e fortë për serbet lokal të Kosovës.

Për shqiptarët ishte vetëm një tentim mashtrimi dhe asgjë më shumë.Vetëm pas qershorit 1999,mbi 50 mijë banorë shqiptarë u zhvendosën nga Serbia,vlen të cekët se edhe u dëbuan dhunshëm,vetëm e vetëm ti lëshojn trojet e tyre stërgjyshore .Nga ky dëbim më së shumti e pësoi Medvegja ,që sipas statistikës së UNHCR-it ,nga kjo Komunë shqiptarë të dëbuar jan afërë tetë mijë të zhvendosur shqiptarë .

Vizita për shqiptarët vendas kishte edhe një porosi : Të mos kenë fare dilema rrethë formimit të këshillit nacionalë të shqiptarëve sipas ligjeve serbe !?

Shqiptarët duhet të kenë parasysh që nuk ishte shumë frytëdhënës trupi Koordinues për këtë pjesë.Shumë sfida dhe dilema do të shfaqen edhe më tej,sa i përket zhvillimit dhe deri te plotësimi i drejtave individuale dhe kolektive të ksaj Krahine shqiptare të mbetur nënë administrimin e serbisë .

Asnjë shtëpi për shqiptarët e zhvendosur për dhjetë vite nuk është ndërtuar !

Fakultei i posa hapur në Medvegjë nuk është aspak inkurajues , sepse kjo Komunë vetëm me dy paralele të maturantëve shqiptarë!.Ky fakultet është dashur të hapet në Preshevë dhe Bujanoc e jo në Medvegjë.z.Tadiq duhet të pranoj dhe të vendosë për formimin e një universiteti publikë në gjuhën shqipe.E jo të mashtroi shqiptarët me një Fakultet më së paku ka banorë shqiptarë në krahasim me Preshevën dhe Bujanocin.

Sa banorë shqiptarë ka sot Komuna e Medvegjës para dhjetë vitë kishte edhe Komuna e Lebanës,Leskocit,Nishit.Kurse vetëm qyteti i Beogradit në vitet e 80 -ta numronte dyzet mijë banorë shqiptarë.Pse presidenti nuk vendosi dhe ksaj here të përuroj në hapjen e pikës kufitare në mesë të Komunës së Kamenicës,Prishtinë dhe Medvegjës të quajtur ,,Te Kapija “.

z.Tadiq sillet sikur nuk ka patur fare luftë të armatosur ,tenton të na mashtroj,pasi nuk mundë të harron se shqiptarët në këtë Rajon,së paku tri elemente posedojn me peshë dhe rëndësi Ndërkombëtare .

Kan mbajtur dhe organizuar :

- Referendumi i mbajtur më 1 e 2 mars 1992
- Lufta e aramtosur e UÇPMB-së
- Marrëveshja e Konçulit

Serbia deri më ta ni nuk ka patur asnjë ofertë për të zhvendosurit nga Medvegja dhe Krahina shqiptare

Asnjëherë në parlamentë të Serbisë nuk u ngrit çështja se ku janë shqiptarët që kishin prona dhe pasuri nëpër qytete të Republikës së Serbisë si : Beograd, Nish, Leskoc, Vranj ,nuk është diskutuar për shqiptarët as nga kjo Krahinë.

Republika e serbisë edhe pas këtyre viteve nuk dëshiron as edhe ta pranoj që në Kosovë,Maqedoni dhe vende të tjera,kemi të zhvendosur që janë jo vetëm nga këta tri Komuna e cekura,por edhe nga qytete të tjera të serbisë.

Deri më tani z.Tadiq nuk ka treguar kurrfarë shenje të vullneti,nuk ka një program,një projekt a platform afat shkurtërë,afat mesëm dhe afatgjatë,me një dinamizëm për kthimin e të zhvendosurve për t’ju krijuar kushte për kthim të gjithë atyre që dëshirojn të khehen në trojet e tyre.

Kjo është një kërkesë imediate e kategorisë së të zhvendosurve pavarësisht ku janë me qëndrim të përkohshëm.Pse nuk ndërtoi për dhjetë vite as një shtëpi për të zhvendosurit në Medvegjë apo në Banjën e Sijarinës!?

Serbia nuk ka investuar në infastrukturë, sa është investuar për serbët e zhvendosur në Kosovë për gjashtë muaj,nuk është investuar as për dhjetë vjetë për tri Komunat e cekura për kthimin e të zhvendosurve shqiptarë në Serbi.

Reciprociteti – Çfarë të drejtash gëzojnë Serbët lokal të Kosovës, t’ju garantohen edhe banorëve Shqiptarë në Komunat Medvegjës , Bujanocit dhe Preshevës

Asnjë herë deri më tani,nuk u bë krahasimi në mesë të drejtave që po kërkon vazhdimisht Sërbia për bashkëvendasit e vetë pra për serbët lokal të Kosovës.Po ato të drejta duhet dhe ju takojn edhe shqiptarëve që jetojn anekëndë serbisë e veqmas në tri Komunat e cekura .

Në Kosovë ,për serbët lokal kemi shumë oferta joshëse,për të gjithë ato që dëshirojn të kthehen edhe ate nga qeveria e Kosovës,ajo Serbisë dhe donator të huaj.Kurse për shqiptarët e Krahinës së mbetur nën serbi askush nuk është interesuar sikur ato banorë të jen të askuj , të mos i përkasin asnjë shteti !

Të bëhet evidentimi i tyre nga organet e Republikës së serbisë,prej organeve ku janë të vendosur në Kosovë apo Maqedoni dhe prej mekanizamve relevant ndërkombëtarë.Republika e Serbisë do të tregoj realisht që nuk është e një anshme vetëm të kërkoj për pjesëtarët e vetë.

Por ka interesim edhe për banorët e vetë,pasi ashtu po trumbeton se i mbron të gjithë barabarsisht .Kërkojmë me urgjencë,që një mision i përhershëm paqësor i OKB-së,apo i NATO-së,pasi shqiptarët nuk kan kurrfarë sigurie nga policia,milicia dhe xhandarmëri serbe.

Si nevojë urgjente një zyrë që të hapet në Prishtinë,Tiranë dhe Beograd për probleme të çështjes së ksaj Krahine.Serbët lokal të Kosovës kanë beneficione të mdha,shetisin nëpër Kosovë me targa të vjetra marrin rroga,pensione prej buxhetit të Kosovës,Serbisë dhe atij të huaj.Kurse të zhvendosurit shqiptarët gati kan mbetur nënë mëshirën e fatit të tyre.

***

Me të drejtë popullata shqiptare e Komunës së Medvegjës, Bujanocit dhe Preshevës do të presin nga Kosova dhe nga udhëheqsia e tyre.

Që Kosova ka obligim të ngritë,shtroj dhe mbroj çështjen e shqiptarëve,pasi Prishtina duhet të jetë pasi që edhe kështu konsiderohet si kryeqitet jo vetëm i kosovarëve por i të gjithë shqiptarëve anekëndë kufijve të ish–ngrehinës artificiale të quajtur Jugosllavi.

http://www.medvegja.net/web/z-tadiq-...ete-medvegjes/

19.4.2010, 18:41

Citim:

Përfaqësues të Luginës së Preshevës për bisedime në Prishtinë

Përfaqësuesit e shqiptarëve të Luginës së Preshevës thanë sot se banorët e asaj pjese, nuk janë të kënaqur me trajtimin nga shteti serb.

Gjatë një vizite në Prishtinë ata thanë se pengesë për zhvillimin e tri komunave me shumicë shqiptare në jug të Serbisë, Preshevë, Medvegjë e Bujanoc, janë marrëdhëniet aktuale ndërmjet Kosovës dhe Serbisë.

http://www1.voanews.com/albanian/new...-91249014.html

Citim:

Mustafa: “Në Luginë mbizotëron situatë e brishtë politike”

Luginë e Preshevës, 18 prill - Situatën aktuale politike dhe atë të sigurisë në Luginën e Preshevës, prefekti i Preshevës, Ragmi Mustafa, e ka paraqitur të brishtë, duke kërkuar njëkohësisht zgjidhjen e çështjes së problemit të shqiptarëve të këtij rajoni sa më parë.

Siç deklaroi ai të dielën, shqiptarëve të këtushëm, janë duke iu mohuar të drejtat elementare si në lëvizjen e lirë, shkollimin e tyre, po ashtu edhe në punësim dhe në sferat e tjera jetësore.

Prefekti i Preshevës, thotë se nga vetë fakti që kemi çdo ditë largimin e shqiptarëve nga Lugina që kërkojnë shpëtim në vendet e ndryshme të Evropës, tregon qartë se në këtë rajon shqiptarëve u rrezikohen të drejtat elementare, si në lëvizjen e lirë, sidomos në drejtim të Kosovës dhe Maqedonisë.

Sipas tij, prezenca enorme e forcave speciale të Serbisë në Luginë, që nuk i kontribuon stabilitetit të sigurisë së qytetarëve. Mustafa deklaroi se vetë bredhja e pandërprerë e xhandarmerisë në këto tri komuna shqiptare, tregon qartë pasigurinë e shqiptarëve në trojet e tyre etnike.

Shqiptarët në këtë rajon kanë edhe pasiguri ekonomike, ku rreth 70 për qind e tyre janë të papunësuar, sepse rajoni i Luginës është më i pazhvilluari në Serbi, ku qeveria e Beogradit nuk ka interesim për ta zhvilluar këtë rajon, por investon në komuna tjera në brendi të Serbisë.

Gjendjen në këtë rajon, sipas Mustafës e rëndon edhe moskrijimi i kushteve nga shteti i Serbisë për shkollimin e lartë të shqiptarëve të Luginës, dhe aq më tepër ajo i largon ata nga rajoni duke mos ua njohur diplomat e Kosovëa, me qëllim të zbrazjes së Luginës nga shqiptarët.

Ndërkaq, lidhur me formimin e Këshillit Nacional të shqiptarëve të Luginës, Mustafa, theksoi se për formimin e këtij këshilli janë angazhuar edhe strukturat shtetërore të Beogradit zyrtar, ngase është interes i Serbisë për të përmbushur kriteret për hyrjen e saj në bashkimin evropian, duke u përpjekur vazhdimisht në shkeljen e të drejtave elementare të shqiptarëve të këtij rajoni.

Mustafa theksoi se derisa nuk njihen dy shtete mes vete Serbia dhe Kosova, problemet e shqiptarëve në Luginën e Preshevës nuk do të zgjidhen.

Ndërsa, sipas Mustafës, shqiptarët po e zbrazin Luginën për shkak të pasigurisë, papunësisë, problem ekonomike, mosshkollimi, mosnjohja e diplomave, etj. janë arsyet kryesore që shqiptarët e Luginës po i lëshojnë vatrat e tyre shekullore.

http://www.koha.net/index.php?cid=1,17,18416

11.5.2010, 19:40

Citim:

Forcat e xhandarmërisë Serbe bastisin disa Shtëpi në komunën e Bujanocit

Forcat e xhandarmërisë serbe në mëngjezin e së hënës kanë bastisur disa shtëpi shqiptare në komunën e Bujanovcit.

Ky aksion është kryer rreth orës katër në mëngjes, me pretekst të kapjes se kryerësve të trafikimit më qenie njerëzore. Me këtë rast gjatë konrollimit në shtëpinë e familjes Destani në Bujanoc, është arrestuar Ridvan Destani i cili punon si taksist, gjatë këtij aksioni në po këtë familje, tregon bashkëshortja e Ridvanit , Turqene Destani u janë konfiskuar vetura, të holla materiale në vlerë prej rreth 1700 euro-ve si dhe telefonat celularë.

Ndërkohë, gjatë aksionit, xhandarmëria serbe ka hyrë edhe në familjen Abazi po ashtu nga Bujanoci. Siç rrëfejnë anëtarët e kësaj familje pas aksinonit xhandarmeria serbe i ka thënë atyre se kan hyrë gabimisht në këtë familje.

http://www.ina-online.net/Default.as...9687263de&ln=3

30.7.2010, 05:03

Citim:

Përkeqësohet situata në Luginë të Preshevës

Preshevë. Situata e sigurisë në Luginë të Preshevës po shkon drejt keqësimit, për shkak të prezencës së madhe të forcave të xhandarmërisë, por edhe agresivitetit që po shfaqin serbët e Kosovës gjatë kalimit në këtë rajon.

Presioni i vazhdueshëm nga të dy palët ka ndikuar që shqiptarët e këtij rajoni, respektivisht ata që banojnë në rripin kufitar me Kosovën, të ndihen të pasigurt nëpër vendbanimet e tyre.

Incidenti i fundit ka ndodhur në fshatin Konçul, banorët e të cilit janë provokuar nga disa qytetarë serbë të Kosovës, të cilët kanë gjuajtur me shishe birre dhe kanë fyer qytetarët e Konçulit, madje kanë tentuar t’i shkelin me vetura disa vajza të këtij fshati.

Këtë incident e kanë dënuar përfaqësuesit politikë të Luginës së Preshevës, të cilët kanë kërkuar nga institucionet ndërkombëtare që të mbajnë nën vëzhgim këtë rajon.

Qytetarët e këtij rajoni po ashtu deklarojnë se vendimi i GJND-së në anën e Kosovës ka ndikuar që forcat serbe të xhandarmërisë të shtojnë lëvizjet në këtë rajon.

http://www.zeri.info/artikulli/1/4/9...-te-presheves/

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

24.11.2009, 11:17	#43
reparti kimik	Serbia hap baza ushtarake dhe mbush burgjet duke spastruar territorin nga plehrat shqiptare, Mistër Sexhdiu mban spiçe para uorlldit për avenirin multietnik.