Verior: Embargo nga Serbia, Mali i Zi dhe Bosnja

mesdimr · 1.6.2008, 15:11

Nën mbulesën e pseudoteorive të "tregut të lirë" të imponuara nga BE (CEFTA) mbi rajonin, shteti i Veriut veç mungesës së ndihmës për prodhuesin vendas, po vuan dhe embargon sllave nga Serbia, Mali i Zi dhe Bosnja. Prodhimet shqiptare nuk shkojnë në tregun sllav, ndërsa prodhimet sllave mbysin tregun shqiptar me miratimin e politikanëve shqipfolës dhe BE-së.

1.6.2008, 15:12

Qeveria dardane "shumë shpejt" do të mund të marrë një vendim për mbylljen e dy pikave doganore në veriun e Mitrovicës, shkruan në numrin e sotëm gazeta Koha Ditore. Sipas këtij vendimi, në këto dy pika që lidhin Dardaninë me Serbinë, do të lejohet vetëm qarkullimi i qytetarëve, por jo edhe i mallrave tregtare.

http://www.telegrafi.com/?id=2&a=1463

2.12.2008, 18:58

Serbia u bën një bojkot të heshtur prodhimeve shqiptaroveriore, gjë që duket në treguesit mujorë të tregut të eksportit. Në shtator të këtij viti Serbia ka marrë 4,8 për qind të eksportit shqiptaroverior, ndërsa një vit më herët përqindja kapte shifrën 14,5.

http://gazetaexpress.com/online/home...ory=52&id=1391

22.12.2008, 16:33

Qeveria shqiptaroveriore ka kërkuar sot mbështetje nga biznesi privat për bllokimin e mallrave serbe. Ministri i Ekonomisë dhe i Financave, Ahmet Shala, tha se kjo është një masë e nevojshme, për sa kohë që Serbia ka bllokuar eksportet e Shqipërisë së Veriut. Serbia eksporton në Shqipëri të Veriut mallra në vlerë prej 300 milionë euro në vit, ndërsa eksportet e Shqipërisë së Veriut nuk përbëjnë as 10 përqind të kësaj shume.

http://www.telegrafi.com/?id=46&a=1772

22.12.2008, 21:07

Citim:

OEK: Bllokim të mallrave nga Serbia dhe Bosnja

Oda Ekonomike e Kosovës i ka paralajmëruar sot kompanitë kosovare që të përgatiten për ndalimin e importit të mallrave nga Serbia dhe Bosnja.

OE tha se hapi është kundërpërgjigje pasi Serbia dhe Bosnja ndaluan importin dhe tranzitin e mallrave nga Kosova prej 3 dhjetorit, sepse nuk ishte lëshuar dokumentacioni përkatës nga UNMIK-u.

http://www.evropaelire.org/Content/News/1362537.html

vlug · 23.12.2008, 21:06

Bosnja?! Krimbat e Bosnjes?!

27.12.2008, 18:18

Autoritetet shqiptaroveriore kanë marrë dhe zyrtarisht vendimin për ndalimin e importit të mallrave nga Serbia dhe Bosnje-Hercegovina duke filluar nga 1 janari i 2009-ës.

Kjo u bë e ditur të premten në Prishtinë, dhe vjen si përgjigje ndaj vendimit të dy shteteve sllave për ndalimin e importit të mallrave shqiptaroveriore që mbajnë pullë të doganave të Shqipërisë së Veriut dhe jo të UNMIK-ut.

http://www.b92.net//eng/news/business-article.php?yyyy=2008&mm=12&dd=27&...

9.1.2009, 19:15

Citim:

Masa kundër bllokadës

Ministri i Tregtisë dhe i Industrisë, Lutfi Zharku i ka dërguar të premten një letër kryesuesit të CEFTA-së, Branimir Gvozdenovic, i cili njëkohësisht është edhe ministër i Ekonomisë dhe i Zhvillimit në Mal të Zi. Në letër është kërkuar që brenda 30 ditësh të mbahet një mbledhje për të diskutuar çështjen e bllokadës së që është duke i bërë Serbia dhe Bosnja prodhimeve të Kosovës.

Dhe ky është vetëm hapi i parë. Nëse kjo ankesë nuk merret parasysh nga komiteti drejtues i CEFTA-së, Zharku tha se do të merren masa të tjera.

Ai paralajmëron se nëse kjo bllokadë do të vazhdojë, Kosova do t’u vërë prodhimeve nga këto dy shtete një taksë doganore prej 10 për qind. “Të gjitha institucionet përgjegjëse janë të përgatitura për të kaluar në masën tjetër që është ajo e vendosjes së masës doganore prej 10% në mallrat me origjinë nga këto dy vende nëse komiteti i CEFTA-s nuk gjen ndonjë zgjidhje”.

Zharku shpjegon se edhe UNMIK-u dhe EULEX-i janë të njoftuar me të gjitha masat që do të marrë Kosova lidhur me këtë çështje. Për ministrin kosovar, këto masa që Kosova po detyrohet t’i marrë janë reciproke.

http://www.gazetaexpress.com/index.p...exo/558/C4/C14

10.1.2009, 13:52

Përfaqësuesit e bizneseve të dy shteteve shqiptare, kërkuan nga kryetarët e shteteve që të mendojnë më seriozisht për të gjetur rrugëdalje nga embargoja që i është vënë Veriut nga shteti serb dhe boshnjak.

"Sjellja e Serbisë dhe Bosnjës e Hercegovinës, duke mos pranuar dokumentet zyrtare të Republikës së Kosovës, si duket do ta shtyjë biznesin e Kosovës, por edhe qeverinë që të mendoj për zbatimin e parimit të reciprocitetit dhe në këtë mënyrë të kemi situata të cilat nuk janë një kontribut i drejtpërdrejt për zhvillimin e rajonit", tha Besim Beqaj, kryetar i OEK-ut.

"Kompanitë shqiptare të jenë të gatshme që në rast të ndonjë embargo të mundshme nga ana e Serbisë dhe Bosnjës e Hercegovinës, që po flitet, ne të jemi në gjendje që të përballojmë këto situata që tregu shqiptar t'i ofrojë të gjitha mundësitë që tregu i Kosovës mos të ndjejë efektet e kësaj embargoje", u shpreh Gjokë Uldedaj, Kryetar i Dhomës së Tregtisë së Tiranës.

http://www.botasot.info/?gjuha=0&category=23&id=2947

27.1.2009, 15:13

Citim:

Thikë pas shpine, nga Mali i Zi

Ministri malazez Branimir Gvozdenoviç, në cilësinë e kryesuesit të sekretarit të CEFTA-s, i shkruan MTI-së se Kosova në këtë asociacion nuk mund të prezantohet pa UNMIK-un dhe nuk ka arsye që të debatohet për bllokadën e mallrave kosovare nga Serbi e Bosnja. Qeveria e Kosovës ende nuk e ka gati përgjigjen.

Mali i Zi, pasi e pranoi Kosovën si shtet të pavarur, me veprimet e mëvonshme dëshmon sikur lëkundet drejt thellimit të bashkëpunimit dhe të ndihmës.

Kjo po vërehet edhe përmes pengesave që i bën Kosovës në asociacionet ekonomike rajonale e evropiane. Gazeta “Express” mëson se ministri i Ekonomisë së Malit të Zi, Branimir Gvozdenoviç, njëherësh kryesues i sekretariatit të CEFTA-s, të hënën, i ka shkruar një letër ministrit të Tregtisë dhe Industrisë së Kosovës, Lutfi Zharkut, me të cilën thotë se Kosova nuk mund të përfaqësohet pa UNMIK-un në takimin e së martës të sekretariatit të këtij asociacioni në Bruksel.

Këtë e ka konfirmuar edhe zëvendëskryeministri i Kosovës, Hajredin Kuqi, i cili nuk ka dashur të komentojë për vendimet që do të merr Qeveria e Kosovës lidhur me këtë rast. “Ne e kemi marrë këtë letër dhe do të konsultohemi me institucionet vendore dhe ndërkombëtare për të dalë me një qëndrim”, ka pohuar Kuqi.

Për institucionet e Kosovës, letra e ministrit Gvozdenoviç është shqetësuese për faktin se Mali i Zi tashmë e ka njohur Kosovën si shtet. Megjithatë, zyrtarë të Ministrisë së Punëve të Jashtme të Kosovës thonë se qëndrimi i tij ndaj përfaqësimit të Kosovës në CEFTA nuk i rrezikon marrëdhëniet diplomatike që kanë ndërtuar këto dy vende.
Në bazë të kësaj letre, çështja e Kosovës lidhur me bllokimin e importit të produkteve kosovare nga Serbia dhe Bosnja nuk meriton të trajtohet në sekretariat, pasi që marrëveshja e CEFTA-s nuk është nënshkruar nga institucionet e Kosovës.

Burime të gazetës “Express” bëjnë të ditur se të martën dhe të mërkurën një delegacion i MTI-së do të qëndrojë në Bruksel, por pa përfaqësues të UNMIK-ut.
“Të premten pasdite UNMIK-u ka kërkuar që të jetë pjesë e delegacionit tonë, mirëpo ne ia kemi kthyer përgjigjen se nuk kemi nevojë për ta”, ka thënë birimi i gazetës.
Zëdhënësi i UNMIK-ut, Aleksandër Ivanko ka pranuar se kanë bërë kërkesë për të marrë pjesë në këtë takim, mirëpo ajo është refuzuar nga institucionet e Kosovës.
“Është çështje e tyre nëse duan që ne t’i përfaqësojmë apo jo”, është shprehur Ivanko.

Megjithatë, sipas tij, përfaqësimi i Kosovës në sekretariatin e CEFTA-s është precizuar atëherë kur është nënshkruar marrëveshja për anëtarësim në asociacionin rajonal për tregti të lirë.

“Kosova nuk mund të përfaqësohet në CEFTA pa UNMIK-un. Kështu precizohet në marrëveshje. Është çështje e Qeverisë së Kosovës nëse na fton ne të marrim pjesë”, ka pohuar Ivanko.

Drejtori i Institutit për Studime të Avancuara, Shpend Ahmeti, thotë se mënyra se si ka vepruar ministri i Malit të Zi ka qenë e pritur, pasi që institucionet e Kosovës me kohë nuk i kanë njoftuar vendet anëtare të CEFTA-s për realitetin e ri, pas shpalljes së pavarësisë.

“Institucionet e Kosovës janë vonuar që pas shpalljes së pavarësisë t’i njoftojnë vendet anëtare se UNMIK-u më nuk e përfaqëson atë”, thekson Ahmeti.

Sipas tij, e vetmja zgjidhje adekuate që mundë të bëjë pala kosovare është bllokimi i importit të mallrave nga Serbia dhe Bosnja e Hercegovina. “S’ka zgjidhje tjetër”, thotë Ahmeti, duke shtuar se me një hap të tillë do t’ua tërhiqte vëmendjen vendeve tjera anëtare që të merren më seriozisht me marrëveshjen për tregti të lirë.

Letrën e dërguar nga Gvozdenoviq, koordinatori për bashkëpunim ndërkombëtar në Odën Ekonomike të Kosovës, Safet Gërxhaliu e sheh si solidarizim i Malit të Zi me Serbinë dhe Bosnjën, të cilat muaj më parë kanë bllokuar importin e mallrave nga Kosova.

“Ky reagim më së miri paraqet realitetin ballkanik nga aspekti politik dhe ekonomik”, thekson Gërxhaliu. Edhe ai mendon se alternativa e vetme për të dalë nga kjo situatë është embargoja ndaj produkteve të këtyre vendeve e më pastaj të fillojë rinegocimi i marrëveshjes së CEFTA-s.

http://www.gazetaexpress.com/index.p...xo/1674/C4/C14

28.1.2009, 15:04

Citim:

CEFTA, zbuten boshnjakët

Oda per Tregti te Jashtme e Bosnjes ka kerkuar nga Keshilli i Ministrave i ketij vendi qe te mos pengohet tregtia e jashtme me Kosoven. Oda Ekonomike e Kosoves kerkon masa reciproke dhe vendime politike, ndersa ajo e Serbise njeh vetem Rezoluten 1244

Biznesmenët e Bosnjës e Hercegovinës e kanë të qartë për humbjet që po pësojnë për shkak të një vendimi që ka të bëjë me marrëdhëniet ekonomike me Kosovën. Oda për Tregti të Jashtme ka kërkuar të martën nga Këshilli i Ministrave të mos pengohet tregtia e jashtme ndërmjet Bosnjës dhe Kosovës.

Mirëpo, Oda Ekonomike e Kosovës dhe ajo e Serbisë harrojnë interesat ekonomike dhe vëllimin e madh të shkëmbimit tregtar për t’i mbrojtur qëndrimet politike të vendeve përkatës.

Ndërkaq, një shkresë që të hënën erdhi në Ministrinë e Tregtisë dhe të Industrisë nga sekretariati i CEFTA-s ka sjellë në dyshim tregtinë e lirë në rajon. Sipas saj, Kosova nuk mund të përfaqësohet në këtë asociacion, ndërsa as që do të debatohet për embargon që Serbia dhe Bosnja e Hercegovina i bëjnë mallra nga Kosova.

Qeveria e Kosovës as të martën nuk ka dalë me qëndrim rreth këtij problemi, ndërkaq tre anëtarë të saj kanë udhëtuar për Bruksel ku mbahet takimi i CEFTA-s.

Mirëpo, ka gjasa që të ndryshojë qëndrimi i Bosnjës. Kryetari i Odës për Tregti të Jashtme, Milan Lovriç, i shkruan Këshillit të Ministrave se problemi tregtar me Kosovën ka ardhur për shkak të mospranimit të vulave të doganave të Kosovës në B e H. Për shkak të kësaj bllokade, në rast të aplikimin e masave reciproke nga pala kosovare, prodhuesit nga ky vend mund të humbin tregun prej të cilit marrin 30 milionë euro në vit.

Për tejkalimin e këtij problemi ai ka thënë se duhet punuar në kuadër të marrëveshjes së CEFTA-s, ashtu që biznesmenët nga Bosnja edhe më tutje të plasojnë prodhimet e tyre në Kosovë, por të mos pengohet as importi nga ky vend.

Ndërkaq, kryetari i Odës Ekonomike të Kosovës, Besim Beqaj theksoi se dalja e Kosovës nga marrëveshja e CEFTA-s nuk është zgjidhje, ndërsa bashkësia ndërkombëtare duhet të ndërmerr masa ndaj atyre që nuk e respektojnë këtë marrëveshje.

Ai ka përsëritur qëndrimin e komunitetit të biznesit se mosnjohjen e vulave të Kosovës nga Bosnjë dhe Serbia meriton ndërmarrjen e masave reciproke.

"Përfaqësuesit e biznesit, por edhe qytetarët tonë, duhet të kuptojnë se rruga e Kosovës në tregti nuk shkon vetëm përmes Serbisë", ka pohuar Beqaj.

Sipas tij, problemi i krijuar me vendet anëtare të CEFTA-s, pas letrës së fundit të udhëheqësit të sekretariatit të saj ministrit malazez Branimir Gvozdenoviç, kërkon ndërhyrje politike.

“Tani duhet vendim politik urgjent për ta çuar problemin për diskutim në Komisionin Evropian, për të qartësuar pozitën e Kosovës në mekanizmat ndërkombëtarë”, është shprehur Beqaj.

Ndërkaq, kryetari i Odës Ekonomike të Serbisë, Milos Bugarin, në një letër dërguar kreut të OEK-ut Besim Beqajt, fajëson institucionet e Kosovës për ndërrimin e vulave të doganës nga ato të UNMIK-ut në të Kosovës.

“Vulat e reja paraqesin shkelje të marrëveshjes së CEFTA-s, e nënshkruar në emër të Kosovës, me të cilën hiqen tarifat tregtare të motivuara politikisht”, thuhet në letrën e Bugarinit.

Ai në këtë letër vazhdimisht thirret në Rezolutën 1244 të Këshillit të Sigurimit dhe thotë se ajo tregtinë me Serbinë e trajton si qarkullim të brendshëm.

http://www.gazetaexpress.com/index.p...xo/1753/C4/C14

3.2.2009, 16:52

Citim:

Javën tjetër, embargo mallrave serbe?

Komisioni parlamentar për ekonomi, tregti, industri, energjetikë, transport dhe telekomunikacion i ka rekomanduar Qeverisë së Kosovës që të vendosë masa të reciprocitetit ndaj Serbisë, e cila ka ndaluar në tregun e saj shitjen e mallrave “Made in Kosova” me vulë të Republikës.

Gjatë një takimi të këtij komisioni, ku mori pjesë edhe ministri i Tregtisë dhe Industrisë, Lutfi Zharku, është diskutuar lidhur me zbatimin e marrëveshjes së CEFTA-s dhe respektimin e standardeve gjatë zbatimit të akteve për tregti me naftë dhe derivate të naftës.

Zharku ka thënë se nuk janë ngutur me vendime, sepse është dashur edhe një konsultë me zyrtarët ndërkombëtarë, kur dihet se nënshkruese e shumë marrëveshjeve në emër të Kosovës është UNMIK-u.

Por ai i ka siguruar anëtarët e Komisionit se deri në fund të kësaj jave do të vendoset lidhur me masat. “Për produktet e Bosnjës do të jetë masa prej 10 për qind (doganë), ndërkaq me Serbinë ekziston mundësia e masave të njëjta, siç ka bërë ajo me mallrat e Kosovës”, tha ai, transmeton KosovaLive.

Anëtari i këtij komisioni, Fatmir Rexhepi (LDK), kërkoi nga ministri Zharku të dijë për strategjinë e përgatitur nga ekzekutivi i vendit lidhur me këtë problematikë, kur dihet se Serbia po fiton me miliona euro me mallrat që po i servon në Kosovë, ndërkaq Kosova po humb jashtëzakonisht shumë. “Nëse deri tash marrja e hapave konkret bëhej nga UNMIK-u, tash nuk ka arsyetim për këtë sepse këta hapa mund t’i marrin institucionet e vendit kur dihet se kemi shtetin dhe Kushtetutën tonë”.

Ndërsa Safete Hadërxhonaj e PDK-së kërkoi nga ministri të japë shpjegime se kur marrëveshjet e nënshkruara nga UNMIK-u do të kalojnë në kompetencë të institucioneve të vendit.

Kaqusha Jashari e PSD-së tha se Prishtina duhet t’i përgjigjet Serbisë me të njëjtat masa të bllokimit të mallrave apo edhe me ndonjë tjetër zgjidhje të përkohshme. Edhe Ethem Çeku i AAK-së insistoi që Qeveria të vendosë masat e reciprocitetit për mallrat nga Serbia. “Kur Serbia ka vendosë embargo për produktet tona atëherë edhe ne është dashur ta bëjmë një gjë të tillë”, ka thënë Çeku, bën të ditur KosovaLive.

http://www.gazetaexpress.com/index.p...xo/2095/C4/C14

10.2.2009, 14:58

Citim:

Tregti konfuze

Gjatë dhjetorit të vjetëm, 11 kompani kosovare figurojnë si eksportuese në regjistrin e pikës kufitare me Serbinë në Merdare, edhe pse gjatë këtij muaji Serbia dhe Bosnja nuk kanë pranuar mallrat nga Kosova

Bizneset nuk pranojnë se kanë bërë eksport të mallrave në Serbi e Bosnjë e Hercegovinë gjatë dhjetorit 2008, sa do që të dhënat nga dogana e Kosovës dhe Enti i Statistikës së Kosovës dëshmojnë të kundërtën.

Emrat e 11 kompanive kosovare figurojnë si eksportuese në regjistrin e pikës kufitare me Serbinë në Merdare, sado që gjatë kësaj periudhe ka ekzistuar embargoja e Serbisë dhe Bosnjës për produktet me vulë të Republikës së Kosovës.

Ndërkaq, përfaqësuesit e komunitetit të biznesit, ata të Aleancës Kosovare të Biznesit dhe Odës Ekonomike të Kosovës kanë qëndrime të ndryshme për eksportuesit “ilegalë”.

Pronari i kompanisë për prodhimin e lëngjeve “Laberion” nga Podujeva, Bashkim Osmani, emri i së cilës kompani figuron si eksportuese më 30 dhjetor përmes Merdares, nuk pranon se mallrat e tij të destinuara për Bosnjë kanë kaluar përmes kësaj pike kufitare. Megjithatë, ai pranon se në këtë datë ka regjistruar për eksport mallin në vlerë prej 7,213 euro në terminalin doganor në Podujevë, të cilin pastaj përmes Malit të Zi e ka dërguar në Bosnjë.

“Përmes Malit të Zi kam arritur ta dërgoj mallin pasi që kam pasur garancion bankar nga blerësi. Ngarkesat doganore për atë mall më është dashur t’i paguaj më 8 janar”, thekson Osmani.

Në terminalin e Podujevës ai thotë se e përgatit mallin që e eksporton në Zvicër, Suedi dhe në vendet e tjera, e jo vetëm për në Serbi. Por, pa marrë parasysh se nga shkon ,ai mbetet i regjistruar në Merdare.

Këtë fakt e konfirmon edhe zëdhënësi i doganave të Kosovës, Adriatik Stavileci, duke shpjeguar se kompanitë eksportuese mund ta kompletojnë dokumentacionin për eksport në cilëndo pikë doganore dhe më pastaj të dalin përmes pikave tjera.

Në mesin e kompanive eksportuese në këtë periudhë është edhe “Meridian Corporation”, përfaqësuesit e së cilës thonë se kanë pasur eksport të përkohshëm, i cili nuk është i ndaluar.

“Kanë qenë një ambalazh të cilin është dashur ta kthejmë, pasi që kemi importuar disa materiale nga një kompani në Serbi”, thekson Hyzri Sheqiri nga kjo kompani.

Ndërkaq, kreu i AKB-së, Agim Shahini, thotë se bizneset kanë gjetur alternativa tjera, qoftë edhe duke korruptuar doganierët e këtyre vendeve, ashtu që ta ruajnë tregun.

“Me gjithë vështirësitë që muajve të fundit Serbia po i bën eksportit kosovar, disa kompani kanë gjetur mundësi dhe alternative tjera për të depërtuar në treg edhe përmes këtyre vendeve. Këto janë mundësi shumë të kufizuara dhe të kushtueshme, por që nuk shihen në dokumentacion”, thotë Shahini.

Ai qëndron prapa kërkesës për masat e reciprocitetit, por sipas tij, Qeveria e Kosovës nuk është e gatshme për një hap të tillë.

Në anën tjetër, sekretari i OEK-ut, Berat Rukiqi, thotë se janë kundër veprimeve joformale të bizneseve dhe kërkon nga që eksporti të orientohet kah vendet tjera.

“E kuptojmë interesin e biznesit, por ne nuk e përkrahim asnjë veprim joformal të tyre. Të gjitha bizneset duhet të gjejnë rrugë të reja dhe mos ta konsiderojnë vetëm Serbinë dhe Bosnjën si vend ku mund të shesin prodhimet e tyre”, është shprehur Rukiqi.

Sipas tij, nuk ka ndonjë vendim që e ndalon eksportin në vendet që nuk i njohin vulat e Kosovës, por mënyra se si depërtojnë atje produktet kosovare është e paqartë.

Kompanitë që figurojnë si eksportuese të produkteve për Serbi dhe Bosnjë gjatë muajit dhjetor: N.T.P “Laberion”, “Haxhijaha”, “Evropaleta”, “Mark Lasser”, “R.M Koçak”, “Hungarian Defence Forces”, “Aurora”, “Jugoterm”, “Autorgeni-Ada-Gas Company”, “Meridian Corporation” dhe “DTS-Kondi”.

http://www.gazetaexpress.com/index.p...xo/2405/C4/C14

14.2.2009, 12:43

Qeveria shqiptaroveriore me sa duket nuk e ka ndërmend të marrë masat e përfolura të reciprocitetit ndaj bllokimit të mallrave shqiptare nga Serbia e Bosnja, që po ndodh tash tre muaj.

Zyrtarë të Ministrisë së Ekonomisë dhe Financave bënë të ditur zyrtarisht të enjten se nuk do të ndërmarrin masa reciprociteti ndaj Serbisë dhe Bosnjës, duke braktisur kështu qëndrimin kritik dhe të ekspertëve për t’i dhënë frymë sovranitetit dhe mundësi zhvillimi prodhimtarisë vendore, që edhe ashtu gjendet në pozita diskrimnuese me vendet anëtare të CEFTA-s, për shkak të shkallës shumë të lartë të importit.

Mallrat shqiptaroveriore që eksportohen jashtë vendit që nga 3 dhjetori po bllokohen të shiten brenda Serbisë dhe Bosnjës dhe po ashtu nuk po u lejohet as kalimi andej.

http://www.botasot.info/?gjuha=0&category=23&id=6238

20.2.2009, 16:56

Citim:

Zharku optimist për bllokadën

Konsultimet e autoriteteve nga Prishtina me ato të Komisionit Evropian ka gjasë që javën e ardhshme të rezultojnë me heqjen e embargos që Serbia dhe Bosnja e Hercegovina i kanë vënë produkteve të Kosovës.

Ministri i Tregtisë dhe Industrisë, Lutfi Zharku, ka bërë të ditur se ka premtime që kjo çështje të zgjidhet shumë shpejt nga Brukseli.

“Konsultime zyrtare po vazhdojnë me Brukselin dhe ka indikacione që të hiqet bllokada e Serbisë”, ka thënë Zharku.

Ai ka mohuar se po zhvillohen diskutime për përfaqësim të Kosovës në organizatat regjionale pa logo të UNMIK-ut, por, sipas tij, janë duke u bërë konsultime vetëm për heqjen e bllokadës.

http://www.gazetaexpress.com/index.p...xo/3044/C4/C14

5.3.2009, 12:45

Citim:

Serbia e ka me gjithë mend
Ymer Bajra

Tani u futëm në muajin e katërt prejse fqinji ynë verior nuk lejon qarkullimin e mallrave tona në territorin e vet që kanë vulën e Doganave të Kosovës. Qeveria jonë, këtë gjest joparimor të Serbisë, sikur nuk e mori seriozisht!

Prej 3 dhjetorit të vitit të kaluar, Serbia nuk ka lejuar qarkullimin e mallrave e prodhuesve tanë, në ‘letrat’ e të cilëve figuronte vula e Doganave të Kosovës. Vendimin e këtillë e mban në fuqi fqinji ynë verior edhe sot e kësaj dite, meqë nuk e konsideron e pranon Kosovën si shtet të pavarur e sovran. Për Serbinë, siç dihet, Kosova vazhdon të jetë territor i saj (sic!). Ajo me kokëfortësi vazhdon të mos e pranojë realitetin e ri, atë që këtu, në Kosovë, është dashtë të ndodhë shumë më herët.

Kjo e papritur, ishte një “dush i ftohtë” për bizneset tona, veçmas për ato që prodhojnë për tregjet e jashtme. Si ata, (biznesmenët), ashtu edhe organet tona më të larta, në njëfarë mënyre me arsye, këtë gjest joparimor të Serbisë, sikur nuk e morën sa duhet seriozisht.

Ky nuk ishte “lluft-ballon”

Fillimisht qe menduar se një veprim i këtillë, (mendohet në ndalimin e qarkullimit të mallrave tona nëpër këtë vend, por edhe në tregun e saj), është farë lloji i “lluft-ballonit”, që ta “preki” pulsin autoriteteve të fqinjit të saj jugor – Kosovës, e cila, atëbotë, me të madhe përgatitej për aktin më madhor në historinë e vet, shpalljen e Pavarësisë.

Me kalimin e kohës, u pa se kjo nuk ishte vetëm ajo që thamë më lartë, d.m.th. bllokada e produkteve tona në kufi ‘fliste’ se Serbia e kishte me gjithë mend. Koha që pasoi, e vërtetoi këtë.

Një ndodhje kësodore, në kushte normale, nuk ishte dashtë të pasonte në asnjë mënyrë. Sepse, fqinji ynë verior, edhe nëse abstrahojmë statusin e Kosovës, ka lëverdh të zhvillojë këmbim mallrash me vendin tonë. Në anën tjetër, të dy vendet janë nënshkruese të Marrëveshjes për Tregti të Lirë CEFTA, akt këtë që e kryen vjet në Bukuresht të Rumanisë.

Mandej, një veprim i këtillë domosdoshmërisht i shti në funksion parimet e reciprocitetit. Po të ndodhë kjo, (e që normalisht duhet të ndodhë), humbëse do të jetë Serbia, kur dihet se si vëllimin i mallrave, ashtu edhe vlera e tyre që Kosova i plason në tregun serb, është shumë herë më e vogël se produktet e Serbisë që më të madhe e më shumë se të tjerët, i kanë mbushur raftet e shitoreve tona. Për këtë flet edhe përqindja e lartë e pjesëmarrjes së Serbisë në importin e gjithmbarshëm të Kosovës. Statistikat tona tregojnë se Serbia merrte pjesë me 12 për qind në totalin e importit gjatë vitit që lamë pas. Kur të kihen patrasysh vendet e rajonit, fqinji ynë verior mban vendin e dytë të plasmanit të produkteve të saj në Kosovë. Më shumë se Serbia, (18 për qind të produkteve të importuara në Kosovë), në vendin tonë eksporton fqinji ynë jugor - Maqedonia.

Reciprociteti – s’ka alternativë

Bllokada e produkteve në etiketat e të cilave është e shënuar “Made in Kosova” nga ana e autoriteteve zyrtare serbe, me të drejtë brengosi tej mase komunitetin tonë të biznesit, i cili një pjesë të mirë të inputeve të produkteve të destinuara për tregjet jashtë Kosovës, i ka marrë (dhe i merr) nga Sërbia, sikundër që, po ashtu, një pjesë të prodhimeve finale, i ka plasuar në tregun e fqinjit verior.

Ndalimi i qarkullimit dhe plasmanit të prodhimeve të Kosovës në Sërbi dhe Bosnje, (këtë të fundit vetëm do përmendur, sepse me të Kosova zhvillon këmbim minor), prodhuesve tanë u shkakton dëme të shumëfishta. Atyre jo vetëm që u vështirësohet realizimi i prodhimeve të destinuara për eksport, por nga kjo bllokadë, ata nuk janë në gjendje t’i përmbushin obligimet e kontraktuara me partnerë të caktuar afaristë, për ç’shkak i humbin ata. Partnerët afaristë shumë vështirë sigurohen, ndërsa humben lehtë. Raportet në mes tyre, i përcakton ligji i tregut, i cili s’di për pardon.

Edhe përkundër situatës së krijuar nga kjo bllokadë, institucionet tona më të larta ekzekutive, (lexo: Qeveria jonë), në mënyrë disi të ngathtë dhe me komplekse(!), nisi të merret me këtë çështje. Në mes tjerash, edhe për këtë arsye, rezultatet përfundimtare, së pakut deri më tash, janë baras me zero.

Sipas bindës së biznesmenëve të Kosovës, reciprociteti, që do të thotë bllokada në të njëjtën mënyrë e qarkullimit dhe plasmanit të prodhimeve serbe te ne, është e vetmja alternative.

Logjika e interesit

Për këtë solucion u përcaktua edhe një pjesë e përfaqësuesve të Qeverisë, por jo e tëra! Në fund sikur rezultoi se organi ynë më i lartë ekzekutiv, problemin mendon ta zgjidhi me masa politike e marrëveshje dhe jo me masa të njëjta. “Qeveria jonë është e mendimit që të zgjidhë çështjet, e jo të krijojë probleme të reja”, deklaroi para gazetarëve zv/kryeministri, Hajredin Kuçi.

Një njohës shumë i mirë i rrethanave tona ekonomike (e politike), në kushte anonimiteti tha se masa e reciprocitetit ndaj Serbisë, vështirë mund të aplikohet, ose kurrë nuk do të ndodhë. Sepse, në këtë mënyrë do të cenoheshin interesat parciale e njerëzve të caktuar, që janë të padukshme, por me ndikim të madh. Ata shumë vështirë do të pranojnë që t’u nxirret “torta” nga goja.

Përkundër kësaj, duhet të pritet edhe ca kohë. Përfaqësuesit e Qeverisë, megjithatë, kanë premtuar se problemi i bllokadës së mallrave të Kosovës nga Sërbia, do të zgjidhet pa vonuar shumë.

http://www.botasot.info/?gjuha=0&category=23&id=8289

9.3.2009, 17:23

Citim:

Kosova po humb miliona euro nga embargoja e Serbisë
Ismail Shabani

Kanë kaluar tre muaj që prodhuesit vendor janë përballur me një problem shumë të madh, atë të bllokimit të prodhimeve për në Bosnje dhe vendet tjera dhe kalimit nëpër Serbi. Kjo bllokadë po e dëmton me miliona euro prodhuesit vendor dhe mund të zvogëloj numrin e punëtorëve. Sipas Myzejene Selmanit, kryetare e Komisionit për Ekonomi dhe Tregti në Kuvend të Kosovës, thotë se në Qeverinë e Kosovës janë disa mosmarrëveshje për mos marrjen e ndonjë vendimi lidhur me mos zbatimin e nënshkrimit të marrëveshjes së CEFTA-s.

Do të vendosin me kohë!

Memli Krasniqi, zëdhënës i Qeverisë së Kosovës, thotë se Ministria e Tregtisë dhe Industrisë dhe Komisioni Evropianë është duke u marr në mënyrë adekuate për t’iu përgjigjur bllokimit të mallrave nga ana e Serbisë. “Kjo është një çështje politike, por Kosova e ka një qasje integruese të hapjes e jo një qasje të bllokimit. Ne në kohën e duhur do të kemi një përgjigje adekuate, e cila do jetë e konsultuar dhe e koordinuar me partnerët ndërkombëtar aq më parë me Komisionin Evropian”,-thotë zëdhënësi Krasniqi. Sipas tij, Qeveria e Kosovës nuk është duke e heshtur problemin e mos zbatimit të nënshkrimit të marrëveshjes se CEFTA-s. Sipas tij, nuk qëndron se Qeveria e Kosovës, është duke heshtur këtë problem.

Ndërsa, Myzejene Selmani, kryetare e Komisioni për Tregti e Industri në Kuvendin e Kosovës, thotë se ata si komision kanë marrë vendim që të rekomandoj ministrinë e Tregtisë e Industrisë përkatësisht qeverinë e Kosovës të ndërmarrin urgjentisht veprime reciprociteti ndaj vendeve që nuk e respektojnë Marrëveshjen e CEFTA-s. Ajo thotë se marrëveshja e CEFTA-s është një marrëveshje e nënshkruar në të cilën mund të ndërhyhet më kërkesën e ndonjë anëtari.

“Rekomandimi për veprime reciprociteti është marrë nga fakti se marrëveshja e CEFTA-së nuk po respektohet nga disa anëtarë e posaçërisht nga Serbia dhe Bosnjë e Hercegovina”,-tha kryetarja e komisionit, Myzejne Selmani. Sipas saj, kjo është një marrëveshje e gjallë dhe ajo duhet këtë marrëveshje ta konfigurojë në çështjen e Republikës së Kosovës, pra duhet të zyrtarizohet se Kosova ka qenë një shtet i pavarur, atëherë ka qenë në administrimin e UNMIK-ut, UNMIK-u ka dhënë kompetencat dhe Qeveria e Kosovës duhet të ndërmerr hapa.

“Qeveria e Kosovës është duke e heshtur këtë problem dhe nuk është duke ndërmarrë masa të reciprocitetit. Sipas burimeve tona, faktori ndërkombëtar nuk dëshiron të ngutet me masat e reciprocitetit, por sugjeron zgjidhje diplomatike. Por, Selmani nuk pajtohet me këtë. “Nuk kisha me thënë faktori ndërkombëtar. Sepse pas 17 shkurtit kompetencat janë në duart e qeverisë. Pas 17 shkurtit nuk njihet më UNMIK-u, por Qeveria e Kosovës”, thotë Selmani.

Në Qeveri mosmarrëveshje

Selmani, pohon për gazetën “Bota Sot” se në Qeveri janë disa mosmarrëveshje për mos marrjen e ndonjë vendimi lidhur me bllokimin e mallrave të Kosovës nga ana e Serbisë. Sipas saj, CEFTA nuk është vetëm problem i Qeverisë së Kosovës, por është i gjithë partive politike. “Ne kemi kërkuar nga MTI-ja që të sjellin raportin në komisionin për Ekonomi lidhur me humbjet e shkaktuara nga mos zbatimi marrëveshjes së lirë dhe ky komision të jap vizën për diskutim në Kuvendin e Kosovës”, thotë Selmani, duke shtuar se ka premtim nga Ministri i MTI-së se do të sjellë raportin në Komision.

“Për neve si nënshkrues të marrëveshjes nuk është duke u zbatuar marrëveshja e CEFTA-s, ndërsa me kompanitë serbe lidhen kontrata për punën në Korporatën e Energjetike të Kosovës. Për mos funksionimin e marrëveshjes së CEFTA-s ne po i shpërblejmë kompanitë serbe”,-thotë Selmani. As anëtari i Komisionit nga radhët e LDD-së, Berim Ramosaj, nuk beson se faktori ndërkombëtar bën presion mbi Ministrinë e Tregtisë e Industrisë që të mos ndërmerren masat e reciprocitetit.

“S’na kanë thanë, ende nuk dua me paragjykuar, faktori ndërkombëtar nuk ka ndërhyrë ende në këtë proces... nëse i ka thënë ministrit faktori ndërkombëtar ai duhet të del para qytetarëve të Kosovës të thotë kjo çështje është e UNMIK-ut apo e EULEX-it dhe nuk është çështje e imja dhe ne e arsyetojmë, ne në fakt jemi ka e fuqizojmë Qeverinë e Kosovës”,-thotë Ramosaj.

Kryetari i Institutit GAP, Shpend Ahmeti, thotë se kanë kaluar tre muaj dhe mund të themi se Qeveria e Kosovës nuk ka bërë asgjë në këtë drejtim. “Koordinimi me Brukselin kuptohet behët me bashkësinë ndërkombëtare. Mirëpo Institucionet e Kosovës duhet t’i mbrojnë interesat e qytetarëve të Kosovës. Në atë moment që ka bllokim të mallrave duhet të merren masa e reciprocitetit dhe kjo është e vetmja që kemi kërkuar”, thotë Ahmeti, duke shtuar se produkte tona tash e tre muaj nuk kanë qasje në tregjet e Bosnjës dhe të Serbisë, ndërsa produktet e tyre kanë qasje dhe në të njëjtën kohë as që po mundemi të takohemi në CEFTA, tha ai. Sipas tij, Brukseli duhet të bëjë presion ndaj Bosnjës dhe Serbisë ose Qeveria e Kosovës duhet të merr masa reciprociteti.

Po të merreshin masat e reciprocitetit në atë kohë Serbia menjëherë do të kishte ftuar takimin e CEFTA-s. Nga 3 dhjetori i vitit të kaluar prodhuesit vendor janë ballafaquar me problemin e parë në tregun e Bosnjës, me mos njohjen e vulës së Doganave të Kosovës dhe është kërkuar vulë e UNMIK-ut. Ndërsa, prof. Dr. Safet Merovci, thotë se nuk duhet të merren masa të reciprocitetit, për arsye se Kosova është vend i vogël. Bashkim Osmani, nga fabrika “Laberion”, thotë se ka disa muaj që kjo fabrikë është përballur me një problem shumë të madh, atë të bllokimit të prodhimeve për në Bosnje dhe vendet tjera dhe kalimit nëpër Serbi.

Kjo bllokadë po e dëmton me miliona euro këtë fabrikë dhe mund të zvogëloj numrin e punëtorëve. Drejtori, Osmani, tha se për në tregun e Bosnje Hercegovinës ishin interesuar shumë herët dhe deri tash prodhimet e “Laberionit” janë konsumuar me të madhe atje. “Tash pas bllokadës nga Serbia dhe Bosnja apo mosnjohja e vulave të Kosovës ne e kemi humbur një kontratë shumë serioze në vlerë mbi 1 milionë euro, të cilën nuk kemi mundur me realizuar për shkak të barrierave tarifore”,-thotë drejtori i fabrikës.

http://www.botasot.info/?gjuha=0&category=23&id=8748

24.4.2009, 14:43

Mali i Zi ka ndaluar hyrjen e eksporteve shq/veriore me arsyetimin se nuk njeh mallra me vulën "Republika e Kosovës", duke ndjekur kështu hapat e Serbisë dhe Bosnjës.

Mali i Zi e ka njohur pavarësinë e shtetit të Veriut, por doganat gjithsesi nuk lejojnë hyrjen e prodhimeve shq/veriore në vend.

Kreu i Odës Ekonomike, Besim Beqaj, ka pohuar për "Kohën ditore" se autoritetet e Veriut kanë raportuar këto masa arbitrare në Podgoricë, por ende nuk kanë marrë përgjigje nga pala sllavomalazeze.

http://balkaninsight.com/en/main/news/18418/

19.8.2009, 15:19

Citim:

Zharku: Bosnja të heqë bllokadën për mallrat kosovare

Ministri i Tregtisë dhe Industrisë, Lutfi Zharku, ka kërkuar nga kryetari i Odës Ekonomike të Bosnjës dhe Hercegovinës, Avdo Rapa, që autoritetet boshnjake të heqin pengesat ndaj hyrjes së mallrave të Kosovës në këtë shtet, pasi që bashkëpunimi ekonomik është në interes të të dyja vendeve.

Në këtë takim u bisedua për ndërtimin e marrëdhënieve ekonomike-tregtare në mes afarizmit kosovar dhe boshnjak, si dhe për shfaqjen e pengesave të qarkullimit të lirë të mallrave kosovare në Federatën e Bosnjës e Hercegovinës.

Kreu i MTI-së ka folur për zhvillimet aktuale ekonomike në Kosovë, dhe më pas u ndal te problemi i qarkullimit të mallrave në kuadër të CEFTA-s, të cilën marrëveshje institucionet e Bosnjës po e pengojnë, duke penguar hyrjen e mallrave kosovare në Bosnjë, për shkak të mosnjohjes së vulave doganore të Kosovës nga ana e doganave të BeH-së.

Në kuadër të kësaj pike, ministri Zharku shfaqi shpresën për zgjidhjen sa më shpejt të këtij problemi përmes formave të mirëkuptimit dhe të kontaktimit me institucionet e Federatës së Bosnjë e Hercegovinës.

Bashkëpunimi institucional dhe ekonomik është interes i përbashkët për zhvillimin ekonomik të të dyja vendeve, ishte fokusim i bisedës së të dyja palëve.

http://rtv21online.com/home/index.ph...ws&cmd=details

16.12.2009, 22:50

Citim:

Qeveria premton rikthimin e doganave në veri të Kosovës

Qeveria e Kosovës është e vendosur që përmes ‘politikës së urtë’ në rivendosjen e doganave në pjesën veriore të Kosovës.

Buxheti i Kosovës vazhdon për më shumë se 20 muaj të jetë i privuar nga të hyrat prej tatimeve të mallrave që hyjnë nga Serbia në Kosovë.

Ministri i Ekonomisë dhe Financave i Kosovës, Ahmet Shala u shpreh të mërkurën se aktualisht doganat me Serbinë mbesin vetëm në nivel monitorimi nga EULEX dhe Policia e Kosovës.

“Në bashkëpunim me Policinë e Kosovës, çdo hyrje zyrtare në të gjitha anët e Kosovës monitorohet dhe inçizohet pandërprerë. Tash e disa muaj, edhe dy pikat kanë akces të plotë përmes kamerave dhe informacioneve që vijnë nga EULEX-i”, tha Ahmet Shala, ministër i Ekonomisë dhe Financave.

Por për ndërtimin e objekteve të doganës në veri, të cilat janë shkatërruar nga protestuesit serbë dy ditë pas shpalljes së pavarësisë së Kosovës, ministri Shala u shpreh se duhet pritur një moment më i përshtatshëm, me gjasë deri në vetëdijësimin e Beogradit për bashkëpunim me institucionet e Kosovës.

“Besoj që edhe serbët e veriut dhe qarqe të caktuara në Serbi e kanë kuptuar se janë duke pësuar humbje financiare por edhe humbin nga imazhi i mosbashkëpunimit për të ndihmuar një shtet të ri siç është Kosova pa marrë parasysh pozicionin e tyre politik të momentit në Serbi”, tha Ahmet Shala, Ministër i Ekonomisë dhe Financave.

Sipas vlerësimeve, buxheti i Kosovës humb rreth 25 milionë euro në vit nga mosfunksionalizimi i doganave në pikat kufitare në veri të vendit.

http://alsat-m.tv/index.php/lajme/rajoni/21404.html

1.6.2008, 15:11	#1
mesdimr Anëtarësuar: 8.2006	Verior: Embargo nga Serbia, Mali i Zi dhe Bosnja Nën mbulesën e pseudoteorive të "tregut të lirë" të imponuara nga BE (CEFTA) mbi rajonin, shteti i Veriut veç mungesës së ndihmës për prodhuesin vendas, po vuan dhe embargon sllave nga Serbia, Mali i Zi dhe Bosnja. Prodhimet shqiptare nuk shkojnë në tregun sllav, ndërsa prodhimet sllave mbysin tregun shqiptar me miratimin e politikanëve shqipfolës dhe BE-së.

1.6.2008, 15:12	#2
Anëtarësuar: 5.2008	Mitrovicë: Parashikohet mbyllja e dy pikave doganore për mallrat Qeveria dardane "shumë shpejt" do të mund të marrë një vendim për mbylljen e dy pikave doganore në veriun e Mitrovicës, shkruan në numrin e sotëm gazeta Koha Ditore. Sipas këtij vendimi, në këto dy pika që lidhin Dardaninë me Serbinë, do të lejohet vetëm qarkullimi i qytetarëve, por jo edhe i mallrave tregtare. http://www.telegrafi.com/?id=2&a=1463

2.12.2008, 18:58	#3
Anëtarësuar: 5.2008	Serbia u bën bojkot të heshtur prodhimeve shqiptaroveriore Serbia u bën një bojkot të heshtur prodhimeve shqiptaroveriore, gjë që duket në treguesit mujorë të tregut të eksportit. Në shtator të këtij viti Serbia ka marrë 4,8 për qind të eksportit shqiptaroverior, ndërsa një vit më herët përqindja kapte shifrën 14,5. http://gazetaexpress.com/online/home...ory=52&id=1391

22.12.2008, 16:33	#4
Anëtarësuar: 5.2008	Prishtinë: Shteti kërkon ndihmë nga privatët në bojkotimin e Serbisë Qeveria shqiptaroveriore ka kërkuar sot mbështetje nga biznesi privat për bllokimin e mallrave serbe. Ministri i Ekonomisë dhe i Financave, Ahmet Shala, tha se kjo është një masë e nevojshme, për sa kohë që Serbia ka bllokuar eksportet e Shqipërisë së Veriut. Serbia eksporton në Shqipëri të Veriut mallra në vlerë prej 300 milionë euro në vit, ndërsa eksportet e Shqipërisë së Veriut nuk përbëjnë as 10 përqind të kësaj shume. http://www.telegrafi.com/?id=46&a=1772

27.12.2008, 18:18	#7
Anëtarësuar: 5.2008	Shqipëria e Veriut ndalon importin nga Serbia dhe Bosnja Autoritetet shqiptaroveriore kanë marrë dhe zyrtarisht vendimin për ndalimin e importit të mallrave nga Serbia dhe Bosnje-Hercegovina duke filluar nga 1 janari i 2009-ës. Kjo u bë e ditur të premten në Prishtinë, dhe vjen si përgjigje ndaj vendimit të dy shteteve sllave për ndalimin e importit të mallrave shqiptaroveriore që mbajnë pullë të doganave të Shqipërisë së Veriut dhe jo të UNMIK-ut. http://www.b92.net//eng/news/business-article.php?yyyy=2008&mm=12&dd=27&...

Verior: Embargo nga Serbia, Mali i Zi dhe Bosnja

Verior: Embargo nga Serbia, Mali i Zi dhe Bosnja

Mitrovicë: Parashikohet mbyllja e dy pikave doganore për mallrat

Serbia u bën bojkot të heshtur prodhimeve shqiptaroveriore

Prishtinë: Shteti kërkon ndihmë nga privatët në bojkotimin e Serbisë

Shqipëria e Veriut ndalon importin nga Serbia dhe Bosnja

Tirana ndihmë Prishtinës në rast embargoje nga sllavët

Prishtina nuk po i bojkoton mallrat serbo-boshnjake

Serbia e Bosnja vazhdojnë bojkotin e prodhimeve shq/veriore

Mal i Zi: Ndalohen mallrat e shtetit të Veriut

23.12.2008, 21:06	#6
vlug 6.000 Anëtarësuar: 8.2006	Bosnja?! Krimbat e Bosnjes?!

10.1.2009, 13:52	#9
Anëtarësuar: 5.2008	Tirana ndihmë Prishtinës në rast embargoje nga sllavët Përfaqësuesit e bizneseve të dy shteteve shqiptare, kërkuan nga kryetarët e shteteve që të mendojnë më seriozisht për të gjetur rrugëdalje nga embargoja që i është vënë Veriut nga shteti serb dhe boshnjak. "Sjellja e Serbisë dhe Bosnjës e Hercegovinës, duke mos pranuar dokumentet zyrtare të Republikës së Kosovës, si duket do ta shtyjë biznesin e Kosovës, por edhe qeverinë që të mendoj për zbatimin e parimit të reciprocitetit dhe në këtë mënyrë të kemi situata të cilat nuk janë një kontribut i drejtpërdrejt për zhvillimin e rajonit", tha Besim Beqaj, kryetar i OEK-ut. "Kompanitë shqiptare të jenë të gatshme që në rast të ndonjë embargo të mundshme nga ana e Serbisë dhe Bosnjës e Hercegovinës, që po flitet, ne të jemi në gjendje që të përballojmë këto situata që tregu shqiptar t'i ofrojë të gjitha mundësitë që tregu i Kosovës mos të ndjejë efektet e kësaj embargoje", u shpreh Gjokë Uldedaj, Kryetar i Dhomës së Tregtisë së Tiranës. http://www.botasot.info/?gjuha=0&category=23&id=2947

14.2.2009, 12:43	#14
Anëtarësuar: 5.2008	Prishtina nuk po i bojkoton mallrat serbo-boshnjake Qeveria shqiptaroveriore me sa duket nuk e ka ndërmend të marrë masat e përfolura të reciprocitetit ndaj bllokimit të mallrave shqiptare nga Serbia e Bosnja, që po ndodh tash tre muaj. Zyrtarë të Ministrisë së Ekonomisë dhe Financave bënë të ditur zyrtarisht të enjten se nuk do të ndërmarrin masa reciprociteti ndaj Serbisë dhe Bosnjës, duke braktisur kështu qëndrimin kritik dhe të ekspertëve për t’i dhënë frymë sovranitetit dhe mundësi zhvillimi prodhimtarisë vendore, që edhe ashtu gjendet në pozita diskrimnuese me vendet anëtare të CEFTA-s, për shkak të shkallës shumë të lartë të importit. Mallrat shqiptaroveriore që eksportohen jashtë vendit që nga 3 dhjetori po bllokohen të shiten brenda Serbisë dhe Bosnjës dhe po ashtu nuk po u lejohet as kalimi andej. http://www.botasot.info/?gjuha=0&category=23&id=6238

24.4.2009, 14:43	#18
Anëtarësuar: 5.2008	Mal i Zi: Ndalohen mallrat e shtetit të Veriut Mali i Zi ka ndaluar hyrjen e eksporteve shq/veriore me arsyetimin se nuk njeh mallra me vulën "Republika e Kosovës", duke ndjekur kështu hapat e Serbisë dhe Bosnjës. Mali i Zi e ka njohur pavarësinë e shtetit të Veriut, por doganat gjithsesi nuk lejojnë hyrjen e prodhimeve shq/veriore në vend. Kreu i Odës Ekonomike, Besim Beqaj, ka pohuar për "Kohën ditore" se autoritetet e Veriut kanë raportuar këto masa arbitrare në Podgoricë, por ende nuk kanë marrë përgjigje nga pala sllavomalazeze. http://balkaninsight.com/en/main/news/18418/

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar