Virusi judeo-kristian në Shqipëri

27.11.2006, 17:45

Citim:

Skandali i zhvarrimeve në kishën e Kosinës
27/11/2006 - 15:21

Ndërtimi i një varreze-mauzeleum për ushtarët grekë të vrarë gjatë Luftës së Dytë Botërore u kthye në një skandal që vuri në siklet autoritetet zyrtare të dy shteteve. Vendi për ndërtimin e kësaj varreze u zgjodh në Grykën e Këlcyrës, aty ku dikur kishte qenë një kishë e vogël kristiane e njohur me emrin "Shën Koll".

Në të vërtetë ndërtimi i varrezës ku pretendohet se do të vendosen eshtrat e 630 ushtarëve të vrarë në luftën italo-greke nisi afro pesë vjetë më parë pa u përmbushur asnjë procedurë e parashikuar nga ligji shqiptarë. Varreza-mauzeleum do të jetë brenda rrethimit të një manastiri dhe një kishe ortodokse që do të shërbejë për kryerjen e riteve fetare nga besimtarët. Gjatë ndërtimit të objektit manastirin e vizitoi dhe ish-presidenti grek Stefanopulos.

Më 10 maj të këtij viti pritej që varreza të vizitohej nga ministrit grek i mbrojtjes Vangjelis Meimarakis dhe homologu i tij shqiptar Fatmir Mediu. Por vizita e ministrit grek u anullua në çastet e fundit, me pretendimin se pala shqiptare nuk kishte plotësuar ende dokumentacionin për ndërtimin e varrezës. Dy javë më pas u publikua skandali i zhvarrimeve pranë kishës së "Shën Mërisë" në Kosinë, që demaskoi përpjekjet për ndërtimin në mënyrë të dyshimtë të kësaj varreze.

Më 27 maj prokuroria nisi hetimet për priftin e Përmetit Vasil Thomollari dhe drejtuesit e shoqatës së ish-ushtarakëve minoritarë, të cilët kishin organizuar dhe financuar zhvarrimet. Ekspertiza mjeko-ligjore dhe hetimet e mëvonshme provuan se të zhvarrosurit s'ishin ushtarë grekë por fshatarë shqiptarë. Tashmë pritet vendimi i drejtësisë për përgjegjësit e këtij skandali.

http://www.balkanweb.com/gazetav4/index.php?id=1417

28.11.2006, 17:42

Citim:

Janullatosi bekon një grek si Mitropolit të Gjirokastrës
28/11/2006 - 15:09 / Artan Hoxha

Pas më shumë se 46 vjetësh Mitropolia e Gjirokastrës do të ketë më në fund një peshkop të fronëzuar në krye të saj. “Çuditërisht” bariu i kësaj dioqeze të Kishës Ortodokse Shqiptare nuk ka kombësinë shqiptare por atë greke. Në një meshë të zhvilluar paraditen e së dielës në kishën e “Kryeëngjëjve” në lagjen “18 shtatori” të Gjirokastrës, Kryepeshkopi Anastasios Janullatos në prezencën e Mitropolitëve të Korçës e Beratit ka fronëzuar priftin grek Hieromonak Dhimitër Sinaiti Peshkop të Mitropolisë së Gjirokastrës.

Ceremonia dhe mesha tradicionale janë zhvilluar tërësisht në gjuhën greke edhe pse qindra besimtarë të mbledhur në kishën e “Kryeëngjëjve” ishin shqiptarë dhe flisnin gjuhën shqipe. Në meshë kanë marrë pjesë përfaqësues të trupit diplomatik të shtetit Grek në Shqipëri si dhe klerikë të lartë të Kishës Ortodokse Autoqefale Shqiptare.

Vëmendjen e besimtarëve të të pranishëm e ka tërhequr dhe prania e grupeve të xhirimit të disa mediave kryesore greke që kishin ardhur për të pasqyruar këtë “ditë historike” siç e përcaktoi dhe Kryepeshkopi Anastas. Mitropolia e Gjirokastrës ishte e vetmja dioqezë e kishës Ortodokse Autoqefale Shqiptare që kishte mbetur pa drejtues të saj qysh nga viti 1991.

Lënia vakant i drejtuesit të kësaj Mitropolie ku përfshihet pjesa dërrmuese e minoritarëve grekë që banojnë në Shqipëri është bërë shpesh herë mollë sherri në debatet mes politikanëve të ndryshëm në të dyja vendet fqinjë. Fronëzimi, Mitropolit i Gjirokastrës i klerikut me kombësi dhe shtetësi greke, Hieromonak Dhimitër Sinaiti dëshmoi se dyshimet e ngritura nga media kanë qenë jo të pabazuara.

Ceremonia

Paraditen e së dielës qindra besimtarë ortodoksë nga rrethet e jugut të vendit janë grumbulluar në kishën e “Kryeëngjëjve” në lagjen “18 shtatori” të Gjirokastrës, për marrë pjesë në meshën e fronëzimit të Mitropolitit të ri. Ceremonia ka nisur rreth orës 10.30 të paradites në praninë e Kryepeshkopit Anastas, të Mitropolitit të Korçës, Imzot Joani, Mitropolitit të Beratit, Imzot Ignati dhe të kryesekretarit të përgjithshëm të Kishës Ortodokse Autoqefale Shqiptare Jani Trebicka.

Ka rënë në sy prania e përfaqësuesve të lartë të trupit diplomatik Grek në Shqipëri si dhe e disa mediave kryesore të vendit fqinj. Pavarsisht faktit se pjesa dërrmuese e besimtarëve të pranishëm ishin shqiptarë dhe se ceremonia zhvillohej në një qytet shqiptar, mesha tradicionale është zhvilluar e gjitha në gjuhën greke. Gjatë ceremonisë ka rënë në sy pjesëmarrja e priftit të Përmetit, Ikonom Vasil Thomollari, i cili është marrë i pandehur në lidhje me skandalin e zhvarrimeve në kishën e “Shën Mërisë” në Kosinë. Po ashtu kanë qenë të pranishëm edhe disa përfaqësues të lartë të Mitropolisë së Gjirokastrës, të cilët janë akuzuar si të implikuar në skandalin e zhvarrimeve në Përmet dhe në ndërtimin e varrezës-mauzeleum për ushtarët grekë në Grykën e Këlcyrës.

Mitropolia

Mitropolia e Gjirokastrës është një nga dioqezat më të rëndësishme të Kishës Ortodokse Autoqefale Shqiptare. Prania e madhe e minoritarëve grekë në hapsirën e mbuluar prej kësaj dioqeze ka bërë që ajo të shihet gjithmonë me interes të madh jo vetëm nga përfaqësuesit e shtetit dhe interesave greke në Shqipëri por dhe nga drejtuesit e Kishës Ortodokse Greke.

Pikërisht për këtë fakt kjo Mitropoli ka qenë e vetmja që ka mbetur pa drejtues të saj për një kohë të gjatë. Statusi i KOASH-it i miratuar në vitin 1937 parashikon që brenda 40 ditëve duhet të fronëzohet drejtuesi i çdo Mitropolie. Në rastin e Gjirokastrës vendi i peshkopit ka mbetur i lirë për më shumë se 15 vjetë. Për të mbuluar këtë vakuum Kryepeshkopi Anastas kishte marrë përsipër të qëndronte krye të saj me statusin e “Mbikqyrësit të Mitropolisë”. Peshkopi i sapozgjedhur ka patur statusin e “Protosingjel-it” në këtë Mitropoli.

http://www.balkanweb.com/gazetav4/index.php?id=1477

28.11.2006, 17:50

Citim:

Sinodi i KOASH-it nga dje nën kontrollin e grekëve
28/11/2006 - 15:16

Qysh nga mesdita e së dielës Sinodi i Shenjtë, organi më i lartë drejtues i Kishës Ortodokse Autoqefale Shqiptare është i dominuar nga tre klerikë me kombësi greke. Sipas statutit të KOASH-it organi më i drejtues i Kishës Ortodokse Autoqefale Shqiptare është Sinodi i Shenjtë i përbërë nga pesë klerikët më të lartë të saj. Fronëzimi në krye të Mitropolisë së Gjirokastrës i Peshkopit Dhimitër Sinaiti, më kombësi e shtetësi greke ka bërë që balanca e deritanishme e Sinodit të Shenjtë të KOASH-it të prishet. Deri tani Sinodi i Shenjtë i KOASH-it përbëhej nga katër anëtarë, Kryepeshkopi Anastasios Janullatos, me kombësi greke, Mitropoliti i Korçës, Imzot Joan Pelushi, me kombësi shqiptare, Mitropoliti i Beratit, Imzot Ignati, me kombësi greke dhe kryesekretari i përgjithshëm i KOASH-it Jani Trebicka me kombësi shqiptare.

Sinodi i Shenjtë

Bërthama e parë e Sinodit të Shenjtë të Kishës Ortodokse Autoqefale Shqiptarë u formua më 18 korrik 1998, pas fronëzimit Peshkop i Mitropolisë së Beratit të Imzot Ignatit. Po atë pasdite u bë një mbledhje e jashtëzakonshme në ambjentet e selisë qëndrore të KOASH-it në kryeqytet në praninë e Kryepeshkopit Janullatos, Mitropolitit të sapozgjedhur të Beratit Imzot Ignati dhe dy përfaqësuesve të Patriarkanës Ekumenike Mitropolitit të Pergas, Evangjelos dhe Mitropolitit të Filadelfias Meliton të ardhur nga Stambolli. Në atë mbledhje u vendos të pranohej dorëheqja ish-mitropolitit të Gjirokastrës peshkopit Aleksandri dhe e ish-mitropolitit të Korçës, peshkopit Kristodhuli, pasi sipas autoriteteve shtetërore shqiptare ata ishin me kombësi greke. Sinodi mori vendim që të fronëzohej dy ditë më vonë Mitropoliti i Korçës, Arkimandrit Joan Pelushi, me kombësi shqiptare si dhe Peshkopi i Apolonisë, kleriku 77 vjeçar, At Kozma Qirjo me kombësi shqiptare.

Statuti

Statusi i Kishës Ortodokse Autoqefale Shqiptare i ka të përcaktuara qartë cilat janë kriteret që duhet të përmbushë një klerik për tu fronëzuar Peshkop në krye të një dioqeze kishtare. Hartimi i statusit të KOASH-it është bërë qysh në vitin 1922 por miratimi përfundimtarë dhe njohja e tij nga Patriarkana Ekumenike e Stambollit është bërë vetëm në vitin 1937.

Pengesë për njohjen më të hershme të tij është bërë Kisha Ortodokse Greke. Kjo e fundit kërkonte si kusht largimin e Krypeshkopit Visarion Xhuvani, pasi ai ishte shqiptar dhe në vend të tij të vendosej një Kryepeshkop me kombësi greke apo që të ishte nën kontrollin e kishës greke. Në nenin 3 të statusit të KOASH-it përcaktohet qartë se kandidati për tu zgjedhur klerik i lartë duhet të ketë gjuhë bazë dhe të përhershme gjuhën shqipe.

Në nenin 55 të këtij statusi thuhet se asnjë Kishë tjetër Ortodokse nuk mund të ofroj ndihmë që do të ndikonte në punët e brendëshme të kishave homologe. Ndërsa në nenin 16 përcaktohet se Kryepeshkopi i KOASH-it duhet të jetë me shtetësi dhe kombësi shqiptare. Por në rastin e fronëzimit të Peshkopit të Mitropolisë së Gjirokastrës duket se këto nene të statusit të KOASH-it nuk janë marrë parasysh.

http://www.balkanweb.com/gazetav4/index.php?id=1479

29.11.2006, 17:55

Citim:

At Nikolla Marku: Fronëzimi i peshkopit grek, akt antishqiptar

29/11/2006 - 16:13

Kisha Ortodokse Autoqefale Kombëtare Shqiptare "Shën Maria" e drejtuar nga kleriku shqiptar At Nikolla Marku ka reaguar ashpër pas fronëzimit të Mitropolitit me kombësi greke të Gjirokastrës. At Nikolla Marku ka dhënë dje paradite një konferencë për median ku ka paraqitur të gjitha rezervat e komunitetit ortodoks që shërbehet prej tij.

"Emërimi i priftit grek si peshkop i Gjirokastrës është një veprim tjetër tejet i rrezikshëm jo vetëm për pavarësinë e kishës, por edhe për sovranitetin e kombit shqiptar", tha At Marku.

Më poshtë ai shtoi se: "Anastas Janullatos duke emëruar një grek në krye të peshkopatës së Gjirokastrës vazhdon veprimet e tij antishqiptare për tjetërsimin e jugut të Shqipërinë në aspektin fetar të besimit. Tashmë Sinodi i Shenjtë përbëhet nga priftërinjtë grekë me mision antishqiptar. Statuti i shenjtë dhe i përjetshëm i kishës Shqiptaro Ortodokse është shkelur përfundimisht duke i shërbyer qarqeve Vorio-Epirote.

Veprimet që ndjekin njëri-tjetrin në dëm të kombit shqiptar si; kthimi i emrave të njerëzve, ndërtimet e stilit grek, ndërtimi i varrezave greke, dhënia e pensioneve, shpërndarja e librave për Vorio-Epirin, dhënia e dyshtetësisë e të tjera, janë veprime që përkrahën direkt nga shteti Grek".

Më tej At Marku ka shtuar se shteti Grek ka gjunjëzuar gjithashtu dhe shtetin shqiptar duke i bërë presionin me refugjatët tanë në Greqi të cilat janë kthyer në skllevër.

"Të gjitha këto veprime por dhe të tjera, që i kemi thënë disa herë, tregojnë qartë se misioni i Janullatosit nuk është më fetar por ai i një agjenti të asfalisë greke dhe i shovinizmit grek të Vorio-Epirit. Nëpërmjet kësaj deklarate i bëjmë të ditur dhe thirrje mbarë opinionit kombëtar por veçanërisht; Kërkojmë me forcë ndërhyrjen e Parlamentit të Shqipërisë, që të miratojë ligjin përkatës për administrimin dhe drejtimin e subjekteve fetare në Shqipëri, si hap i domosdoshëm për ruajtjen e sovranitetit të besimit dhe të kombit shqiptar", përfundon deklarata e At Nikolla Markut.

http://www.balkanweb.com/gazetav4/index.php?id=1581

30.11.2006, 18:03

Citim:

Peshkopët grekë të KOASH-it i japin meshat në greqisht
30/11/2006 - 16:18

Gjuha zyrtare e Kishës Ortodokse Autoqefale Shqiptare është shqipja", përcaktohet në nenin 3 të statutit të KOASH-it. Por prej vitesh ky nen i statutit të KOASH-it është duke u shkelur haptazi, pasi në një pjesë të mirë të kishave Ortodokse Shqiptare është duke u meshuar në gjuhën greke.

Në të vërtetë statuti parashikon që meshat mund të mbahen dhe në gjuhën greke, por kjo vetëm në zonat ku besimtarët e pranishëm në meshë janë me kombësi greke (në zonat e minoritetit).

Por fronëzimi në krye të tre mitropolive kryesore të vendit i Peshkopëve me kombësi greke, ka bërë që meshat e drejtuara prej tyre të zhvillohen në gjuhën greke, pavarsisht faktit se të pranishmit janë tërësisht besimtarë shqiptarë. Justifikim për raste të tilla është gjetur shkaku i mosnjohjes së gjuhës shqipe nga Mitropolitët me kombësi greke.

Në nenin 4 të statutit të KOASH-it thuhet se:"Krahas me zhvillimin e ndjenjave fetare Kisha Ortodokse Autoqefale e Shqipërisë do të zhvillojë në besimtarët dhe … ndjenjën e atdhe-dashurisë dhe të përforcimit të bashkimit kombëtar. Prandaj gjithë funksionarët dhe personeli i saj duhet të jenë shtetas shqiptarë, të ndershëm, besnikë të popullit dhe atdheut…".

Në rastin e tre mitropolitëve me kombësi greke mund të qëndrojë kërkesa e nenit 4, që ata mund të jenë "besnikë të popullit dhe atdheut", por atdheu i tyre i vërtetë është Greqia dhe jo Shqipëria. a.h.

http://www.balkanweb.com/gazetav4/index.php?id=1660

2.12.2006, 18:11

Citim:

Xhufi:Janullatosi në shërbim të çështjes së "Vorioepirit"
02/12/2006 - 15:57

Zëvendëskryetari i Partisë Lëvizja Socialiste për Integrim dhe njëkohësisht deputetit i Kuvendit të Shqipërisë Pëllumb Xhufi i shikon me shqetësim zhvillimet e fundit në Kishën Ortodokse Autoqefale të Shqipërisë. Historiani dhe diplomati Xhufi në një intervistë të dhënë për "Gazetën Shqiptare" paraqet opinionin e tij në lidhje me titullimin e një peshkopi grek në krye të Mitropolisë së Gjirokastrës si dhe mbi ngjarjet e muajëve të fundit në jug të vendit. Xhufi e ka cilësuar si "uzurpim" të KOASH-it nga kisha dhe klerikët grekë, titullimin e peshkopit helen në dioqezën e Gjirokastrës. Ai thekson se janë duke u ndërmarrë një sërë veprimesh të kordinuara që synojnë helenizimin e jugut të vendit, si nga politika greke matanë kufirit ashtu dhe nga klerikët grekë, që në kundërshtim me kanonet e Kishës Ortodokse Shqiptare janë tashmë në krye të saj.

Ç'përfaqëson fronëzimin i peshkopit grek në krye të Mitropolisë së Gjirokastrës nga kreu i KOASH-it, Kryepeshkopi Janullatos?

"Me emërimin e një prelati grek në krye të Mitropolisë së Gjirokastrës, vuloset uzurpimi i Kishës Ortodokse Autoqefale të Shqipërisë nga kisha e kleri grek, e me këtë synohet të çbëhet përfundimisht autoqefalia e kishës sonë ortodokse, që u arrit më 1921 dhe që përfaqson një fitore të madhe historike, të dytën për nga rëndësia pas shpalljes së Pavarësisë.

Thelbi i autoqefalisë ishte çlirimi i Ortodoksisë Shqiptare nga ndikimi mbytës e homogjenizues i kishës dhe i klerit grek, që historikisht kishte shërbyer si përçues i synimeve aneksioniste të Athinës zyrtare. Kur në gusht të vitit 1992, si rezultat i një presioni të fortë politik të Athinës zyrtare dhe të një mizanskene të turpshme në kishën e Ungjëllizimit në Tiranë, Hirësia e Tij, Kryepeshkopi Janullatos erdhi në krye të KOASH-it, ai ishte i ndërgjegjshëm për amoralitetin e anormalitetin e pozicionit të tij, që dhunonte brutalisht kanonet e KOASH-it dhe fyente ndjenjat më të thella të besimtarëve ortodoksë e të mbarë shqiptarëve. Ndaj ai pati kujdesin të deklaronte se misioni i tij do të ishte i përkohshëm, për aq kohë sa të mëkëmbej kisha shqiptare e të përgatiteshin kuadrot e parë të saj.

Me sjellet e tij në këta 14 vjet, përfshi edhe emërimin e para ca ditëve të Mitropolitit të Gjirokastrës, që është i treti Mitropolit grek ndër 4 Mitropolitët që përbëjnë Sinodin e KOASH-it, Fortlumturia e tij po na bind të gjithëve se misioni i tij në Shqipëri nuk është ai i deklaruar, por ai që realisht po realizon në terren për çdo ditë, në zbatim të klisheve antishqiptare të "Megali Idesë".

Çfarë pasojash mund të ketë për Ortodoksinë Shqiptare infiltrimi i klerikëve grekë në drejtimin e saj?

"Pasi uzurpoi kreun e KOASH, Janullatos së bashku me dishepujt e tij, nuk ka bërë gjë tjetër veç ka imituar veprimtarinë antishqiptare të peshkopëve grekë të shekullit XIX, duke rilançuar ekuacionin arbitrar të epokës otomane: ortodoksi=helenizëm".

A i shihni ju këto veprime si përpjekje për helenizimin e jugut të Shqipërisë duke risjellë dhe një herë në skenë teorinë e ashtuquajturit Vorio Epir?

"Në shërbim të këtij qëllimi, Janullatos dhe të tijtë kanë bërë gjithshka për të sajuar një pejsazh e një "etnografi" të re në Shqipërinë e Jugut, gjithnjë në funksion të pretendimeve absurde të nacionalizmit grek mbi të ashtuquajturin "Vorio-Epir". Në këtë kuadër u favorizua ngritja e kishave, shkollave, varrezave, memorialeve, bankave e bizneseve greke në krejt Shqipërinë e Jugut.

Klerikët grekë të KOASH-it, bashkë me përfaqsues zyrtarë e jo-zyrtarë të shtetit grek në Shqipëri, frymëzuan dhe udhëhoqën një fushatë ilegale e amorale proselitizmi fetar e etnik, paisjen e dhjetra-mijra qytetarëve shqiptarë me kombësi shqiptare dhe shpesh herë edhe me fe muslimane me kartat e "vorio-epirotit", nëpërmjet joshjes me favore ekonomike e sociale, dhënies së pensioneve, vizave, punësimit, shërbimeve mjekësore, etj".

Çfarë efektesh kanë shkaktuar në terrenin shqiptar veprime të tilla?

"Efektet e kësaj veprimtarie antikushtetuese antishqiptare, ku krerët grekë të KOASH-it janë përfshirë si protagonistë, janë shfaqur qartë këto ditë, kur dikush po përpiqet të përfshijë si zona minoritare edhe krahina asnjëherë të pretenduara si të tilla, si Selenica, Himara, Lunxhëria etj. Apo kur qeveria greke, pikërisht këto ditë, shpalli vendimin e saj për t'i akorduar shtetësinë greke të gjithë "vorio-epirotëve" nga Shqipëria, të cilët tani, falë edhe "kujdesit atëror" të Fortlumturisë së Tij, do të na rezultojnë 5 apo 10 fishi i minoritarëve grekë realë!

Nuk është aspak një rastësi, që pasi e la për vite të tëra vakant postin e kryepeshkopit të Gjirokastrës, duke shkelur rëndë statutin e kishës, kryetari grek i KOASH-it vendos pikërisht tani të emërojë prelatin grek të rradhës si kreun e kishës së Gjirokastrës.

Është një tjetër provokim, një tjetër "piketë" që vendoset në funksion të helenizimit të Shqipërisë së Jugut dhe që i shtohet piketave të tjera: kishave të stilit grek të mbjellura anë e kënd Shqipërisë së Jugut, shkollave greke të ngritura në qytete e fshatra me popullsi të pastër shqiptare, por që pretendohen si "vorio-epirote" nga propaganda nacionaliste greke; që i shtohet gjithashtu simboleve, varrezave e memorialeve greke të ngritura në mënyrë provokuese në vende të dukshme të kufirit virtual të të ashtuquajturit "Vorio-Epir", në Himarë, Këlcyrë, Përmet e Korçë.

Kemi të bëjmë me një koeçidencë të rastit apo me një situatë të shkaktuar qëllimisht në prag të vendosjes së statusit përfundimtar për pavarsinë e Kosovës?

"Nuk i shpëton shqetësimit tonë edhe fakti që emërimi i një kryepeshkopi grek në Gjirokastër si dhe intensifikimi në përgjithësi i politikave "vorio-epirote" ndaj Shqipërisë këta muajt e fundit, përkojnë me momentet kur po vendoset fati i Kosovës, dhe nuk duhet harruar që përfaqsues zyrtarë e jo zyrtarë të nacionalizmit grek e kanë deklaruar me kohë që në rast se një ditë Kosova do të fitojë pavarësinë, "Vorio-Epiri" duhet të fitojë autonominë.

Sado anakronike e absurde të duken idera të tilla, ato vazhdojnë të jenë pjesë e ideologjisë shtetërore në Greqi. Nuk janë shumë larg nesh kohët kur shumëkush në Athinë u josh nga idea për të proceduar në një ndarje të shtetit të posakrijuar të Maqedonisë bashkë me Serbinë e Milosheviçit (1992), apo kur gjatë ngjarjeve të vitit 1997, shumë zëra autoritarë në Greqi, përfshi edhe atë të kishës ortodokse greke, u bashkuan për t'i kërkuar qeverisë helene që të ndërhynte ushtarakisht në Shqipëri, "për të realizuar më në fund bashkimin e "Vorio-Epirit" me Greqinë"!

Si e shikoni qëndrimin e Kryepeshkopit Janullatos pas vendimit të fundit të tij për fronëzimin e peshkopit grek në Gjirokastër?

"Ajo që mund të them në dritën e këtij emërimi të ri të Kryepeshkopit Janullatos, që përbën dhunimin flagrant të radhës të kanoneve e të statutit të Kishës Ortodokse Autoqefale Shqiptare, është se kryetari grek i KOASH-it është pëfundimisht i përfshirë në një lojë politike të rrezikshme, që në analizë të fundit e në një vështrim afatgjatë, helmon marrëdhëniet shqiptaro-greke dhe që, akoma më keq, rrezikon të shtojë elementet e tensionit e të destabilitetit në rajon".

http://www.balkanweb.com/gazetav4/index.php?id=1808

mesdimr · 19.12.2006, 18:23

Citim:

Korçë: Janullatos "Qytetar Nderi", Balli Kombëtar kundërshton

Kryepeshkopi i Shqipërisë, Anastas Janullatos, që prej ditës së djeshme do të mbajë titullin "Qytetar nderi" i Korçës. Këshilli bashkiak i këtij qyteti e ka miratuar me shumicë votash këtë propozim që ka ardhur nga 250 intelektualë korçarë për të nderuar figurën e kryepeshkopit me motivacionin "Për merita të shquara për ringjalljen e ortodoksisë dhe ngritjen e institucioneve fetare në qytetin e Korçës".

Kanë ngritur dorën për të votuar pro 22 këshilltarë, dy kanë abstenuar dhe vetëm një ka qenë kundër. E vetmja votë kundër ka ardhur nga këshilltari i Partisë së Ballit Kombëtar dhe pikërisht nga kryetari i saj, Arben Hoxha, për arsye të mospranimit të motivacionit dhe krejt propozimit për të dhënë një titull të tillë nderi, ndërsa abstenuesit kanë qenë këshilltarët e PS-së, Fehmi Xhemo dhe Gëzim Spaho.

"Nuk e pranoj dekorimin e Janullatosit para figurës së Fan Nolit. Për më tepër që edhe elementë brenda vetë kishës kanë pasur kontestime për prezencën greke në zemër të kishës shqiptare", e ka komentuar votën e tij Arben Hoxha.

Nga ana tjetër, kryetari i këshillit bashkiak, Gjergji Mero, një ndër votuesit e propozimit ka theksuar se "është një nder që të japësh një titull për figura të përmasave të tilla. Për sa kohë që flitet për një personalitet që ka dhënë kontributin brenda fesë ortodokse në vendin tonë, s‘ka pse të bëhen diferencime apo dallime, për më tepër që vullneti i intelektualëve duhet të merret parasysh dhe të vlerësohet".

http://www.gazeta-shqip.com/artikull.php?id=8816

Citim:

Kryepeshkopi Anastas shpallet “Qytetar Nderi” në Korçë
Korrieri / 24.12.2006

Keshilli Bashkiak i qytetit te Korces miratoi jashte rendit te dites propozimin e perkrahur nga PS, por te refuzuar nga PD, per te nderuar kryepeshkopin e Kishes Autoqefale Shqiptare.

Keshilli Bashkiak i qytetit te Korces ka miratuar dje mes debatesh te shumta, dhenien e titullit “Qytetar Nderi”, kryepeshkopit te kishes ortodokse shqiptare, Evangjelos Janullatos.

Si nisi

Debatet ne Keshillin Bashkiak te Korces per kryepeshkopin Janullatos erdhen pas nje kerkese per t’i dhene titullin me te larte si qytetar nderi i qytetit te kitarave. Ne mbledhje u pa se ky titull shkaktoi habi, por dhe debate te forta nga te dyja krahet e keshilltareve, ndonese “rebelet” kane qene pak ne numer, vetem pese te tille.

Jashte rendit te dites, Keshilli Bashkiak i Korces ka propozuar dhe hedhur per votim propozimin per titullin me te larte si qytetar i nderit per kryepeshkopin Janullatos. Kerkesa ka mberritur fillimisht ne degen vendore te Partise Demokratike te Korces, por nuk eshte pranuar nga kjo e fundit. Nderkohe ajo ka gjetur mbeshtetjen e kryetarit te grupit te keshilltareve socialiste Niko Pandeli.

Pro dhe kundër

Ne fakt nisma ka ardhur nga nje grup qytetaresh korcare te komunitetit ortodoks, nje pjese e te cileve intelektuale te njohur te ketij qytetit. Ata, ne prag te Krishtlindjeve kane dashur t’i bejne nje dhurate te vecante Kryepeshkopit grek Anastas Janullatos.

Debatet kane mbeshtjelle keshillin bashkiak. Ai qe kundershtuar me force kete vendim para votimit te tij, ka qene kreu i partise se Ballit Kombetar dhe njekohesisht sekretar i pergjithshem i PBK-se, Arben Hoxha duke dhene voten e tij kunder. Nderkaq kane dale jashte grupit te majte me abstenimin e tyre dhe keshilltaret socialiste Fehmi Xhemi dhe Gezim Spaho.

Votimi

Pavaresisht nga keto zhvillime, me shumice votash kreu i kishes Autoqefale shqiptare u vendos qe te nderohet me titullin e larte. Keshilli bashkiak i qytetit te Korces, ne mbledhjen e djeshme, ka votuar me shumice votash zgjedhjen si "Qytetar Nderi" Kryepeshkopin e kishes ortodokse shqiptare, Hiresine e tij Evangjelos Janullatos.

Motivacioni i titullit, ishte per: "Rizgjim madhor te ortodoksise dhe ringritje te institucioneve fetare". Kryepeshkopi Janullatos eshte votuar pro me vota nga 21 anetare te keshillit bashkiak te Korces per titullin " Qytetar Nderi".

Burime nga mbledhja e ketij keshilli, bene te ditur se nga 24 keshilltare te pranishem ne mbledhje, perfaqesuesi i Ballit Kombetar Arben Hoxha ka votuar kunder dhenies se ketij titulli, kurse dy keshilltaret socialiste kane abstenuar.

Keshilltari tjeter i majte Sytki Mulla dhe perfaqesuesi i Partise Komuniste Gjerak Larti braktisen mbledhjen ne castet e votimit, duke mos pranuar te votojne nje vendim te cilin e kane cilesuar si shume te dyshimte.

Ne kete menyre, ata kane dale kunder dhe keshilltarit te majte Niko Pandeli qe hodhi propozimin ne keshill, pa qene ne rendin e dites. Duket se dhe ata qe abstenuan me vote ose me largimin e tyre nuk kane pasur guximin te dalin fare hapur kunder, ndaj kane gjetur nje zgjidhje me origjinale sipas tyre.

Gjithsesi shumica ka vendosur njezeri dhe tashme Korces i eshte shtuar si qytetar nderi dhe kreu i kishes ortodokse autoqefale Janullatosi. Dhenia e titullit, mesohet se do te behet me nje ceremoni te posacme, ne ditet ne vazhdim ne prag te Krishtlindjes.

Citim:

Këshilli bashkiak i Korçës, vasal i Janullatosit
30/12/2006 - 17:13

Para disa ditësh, Këshilli Bashkiak i qytetit të Korçës shpalli “Qytetar Nderi”, kryepeshkopin e Kishës Ortodokse Autoqefale Shqiptare, Janullatos. Pikërisht, dhënia e titullit hirësisë së Tij, Janullatos, është pasqyruar në një gazetë të përditshme. Por për këtë shkrim, nga qarqet politike të Korçës, plasi një zhurmë e madhe, madje në mediat lokale kanë dalë në konferenca shtypi, në mbrojtje të kryepeshkopit.

Shkrimi ishte shumë normal, nuk kishte asnjë “aludim”. Atëherë, përse ky servilizëm i vasalëve të kryepeshkopit, që nxituan të dalin në mbrojtje të tij, duke shkelur edhe etikën e qytetarisë kundër gazetares në fjalë, e cila nuk tha asgjë, përveçse të vërtetës së debatit në Këshillin Bashkiak?

Kësisoj pyesim: -Çfarë ka bërë ky kryepeshkop për të marrë një nder kaq të madh në qytetin e Korçës, kur dihet se ky qytet është pjesë e Shqipërisë laike?

Megjithëse në vendin tonë Janullatos ka qenë shumë i përfolur në mbrojtjen e at Vasil Thomollarit, pas krijimit dhe plasjes së skandalit të zhvarrimit të eshtrave të shtetasve tanë si eshtra të ushtarëve grekë. Edhe pse ky rast, ishte me të vërtetë një skandal, ku të parët që duhet të skandalizoheshin, duhet të ishin shtetarët tanë të nderuar, gjithçka kaloi nëpërmjet “fazave hetimore”. Vetëm nëpër ekranet televizive u shfaq një shtetas, i cili kishte marrë malet i terrorizuar, sepse ishte i pari që kishte denoncuar zhvarrimin monstruoz dhe të paprecedent.

Ky shtetas, i braktisur nga të gjithë bashkëfshatarët e tij, i kërkonte ndihmë shtetit për ta mbrojtur, ndërkohë që flinte nëpër guva si kaçakët, për t’i shpëtuar ndëshkimit të atyre që bënin sikur e donin shumë Greqinë.

(...)

Një situatë e ngjashme u shfaq edhe para dy ditësh në mbledhjen e Këshillit Bashkiak të Korçës, ku u diskutua për të shpallur “Qytetar Nderi”, Janullatosin. Edhe ato pak zëra që debatuan, u shuan shumë shpejt dhe kur kjo gjë u përfol në ndonjë media të përditshme, menjëherë bashkiakët socialistë dhe demokratë dolën nëpër konferenca shtypi dhe prononcime nëpër ekrane lokalesh, ku mohonin debatin në mbledhje, tamam sikur të flisnin jo për një debat, por për një herezi.

Bashkëfolësit, me një patos artificial, mundoheshin të tregoheshin sa më të dashur me Janullatosin. Duke kryqëzuar gazetaren që guxoi të thotë se në mbledhje e këshillit u debatua, ata krekoseshin në mënyrë servile, duke iu “përdëlluar” Hirësisë së Tij që, sigurisht, as që donte t’ia dinte për ekzistencën e tyre, e cila në momente të tilla absurde është më tepër se mosekzistente.

http://www.balkanweb.com/gazetav4/index.php?id=3906

mesdimr · 19.12.2006, 18:25

Ia ka marrë stafetën Tirana në 2005-ën:

Citim:

Tirana në pritje të Janullatosit si "qytetar nderi"
Mehdi Hyseni

Propozimi i kryebashkiakut të Tiranës, Edi Ramës dhe i “grupit” të tij, që Anastas Janullatos (kryepeshkop i Kishës Ortodokse në Shqipëri), të shpallet “qytetar nderi” i Tiranës, është shembulli më konkret se në çfarë stadi të lartë qenka zhvilluar “ndjenja patriotike” e kosmopolitizimit ndaj nderimit të Tiranës shqiptare, me njeriun e saj të parë të nderit, Anastas Janullatos.

Një propozim të tillë të “arkitektit vizionar” të rrokaqiejve të Tiranës, Edi Rama, mund ta ketë miratuar si të pranueshëm vetëm politika dhe propaganda antishqiptare e Kishës Ortodokse Greke (KOG) dhe ajo e Kishës Ortodokse Serbe (KOS) e kursesi politika kombëtare shqiptare.

Kjo iniciativë propozuese, edhe nuk mund të kualifikohet ndryshe veçse si akti më i turpshëm dhe më skandaloz i politikës miope të bashkiakut të Tiranës, Edi Rama, prapavija e të cilit është aq provokuese, aq perfide, aq antishqiptare saqë në detaje pasqyron kuentisencën e politikës së “reformatorit demokrat” të kryeqytetit të Tiranës.

(...)

Sigurisht se, Edi. Rama, para se të dalë në opinion me këtë propozim skandaloz, ofendues dhe provokues për opnionin mbarë kombëtar shqiptar, ka mbajtur parasysh edhe “kontributin e fundit” të Janullatosit, i cili në qershor të këtij viti, i shoqëroi zyrtarët e qeverisë së Greqisë, me rastin e inaugurimit të shkollës greke në Korçë për nxënësit shqiptarë(!) Ja, kjo është “gjithëmerita” e kryepeshkopit grek, Anastas Janullatos në mbarëvjatjen e “ekumenizmit” ndërfetar dhe ndërpolitik e demokratik jo vetëm në Tiranë, por në mbarë Shqipërinë.

S’ka dyshim se, edhe ky akt inicues i turpshëm antishqiptar i shpërpalljes së Janullatosit “qytetar nderi” i Tiranës nga miqtë e tij grekofilë, provon sheshit dhe, njëherit na apostrofon seriozisht se armiqtë e brendshëm të shqiptarëve dhe të Shqipërisë janë bërë edhe më të rrezikshëm dhe, më të paparashikuar për interesin e përgjithshëm kombëtar dhe shtetëror të shqiptarëve dhe të Shqipërisë, sesa edhe vetë kryeagjenturat greko-serbe, të cilat përveç veprimit të tyre të nëndheshëm, tani kanë filluar të veprojnë edhe haptazi përmes miqve të tyre të instrumentalizuar të Bashkisë së Tiranës, siç është rasti konkret i kryebashkiakut të saj Edi Rama, i cili “benda natës” gjeti mbështetjen e parezervë te bashkëmendimtarit të tij Aleksandër Biberaj (anëtar i Kryesisë së PD-së), duke nënvizuar se :

"Partia Demokratike ka vlerësuar dhe vlerëson lart kontributin jashtëzakonisht të çmuar të hirësisë së tij zotit Anastas Janullatos (Kryepeshkop i Kishës Autoqefale Shqiptare), si dhe të udhëheqësve të tjerë të komuniteteve fetare në ndërtimin e infrastrukturës shpirtërore të kombit tonë si dhe të mirëkuptimit të shkëlqyer, harmonisë dhe tolerancës fetare".

Ai siguroi në fund se "grupi i këshilltarëve të PD-së, në Bashkinë e Tiranës do të mbështesë pa rezerva propozimin për dhënien e "Qytetarisë së nderit të Tiranës" udhëheqësve të komuniteteve fetare në Shqipëri".(Rilinjda Demokratike, 25.05.05).

Ky konkluzion i Aleksandar Biberajt në emër të PD-së, është i pranueshëm vetëm interesat e ngushta dhe parciale të partisë së tij demokratike, por jo edhe për interesat vitale kombëtare dhe shtetërore të shqiptarëve dhe të Shqipërisë. Mirëpo, sa ia vlen që (orë e çast, përditë dhe me vite), t’ua rikujtojmë interesat jetike të Shqipërisë dhe të shqiptarëve antikombëtarëve dhe antidemokratëve, kur vetë PD-ja me në krye Sali Berishën, që vitet e 90-ta të shekullit XX e patën importuar nga Greqia në krye të Kishës Ortodoske Autoqefale Shqiptare peshkopin grek, Anastas Janullatos, i cili për demokratët e PD-së është “simbol i shenjtë” në ndërtimin e ekumenizimit dhe të “infrastrukturës shpirtërore të kombit tonë”, siç ka deklaruar A.Biberaj?!

Ky deskripsion i “profetit engjullor-demokrat grek” i Anastas Janullatosit është i paqëndrueshëm dhe subjektiv, sepse nuk ka kurrfarë lidhmërie as me “infrastrukturën, as me superstrukturën” e bazës shpirtërore, as kulturore, as historike të KOMBIT SHQIPTAR, por ka të bëjë thjesht, vetëm me ideologjinë reaksionare antishqiptare të helenizimit, i cili si i tillë përditë e më shumë po gjen terren të përshtatshëm jo vetëm te “Omonia” greke në Shqipëri, por edhe në infrastrukturën dhe në superstruktrurën vërtikale dhe hosrizontale të institucioneve dhe organeve të caktuara shtetërore në Shqipëri.

Fatkeqësisht, këtë penetrim të helenizmit në qarqet institucioanle shqiptare, e provon edhe propozimi i i theksuar i kryebashkiakut të Tiranës, Edi Rama, se për “merita të veçanta” (të cilat, vetëm Bashkia e tij dhe, Partia Demokfratike e Sali Berishës, do të duhej t’i kenë ditur dhe t’i kenë pasur të qarta për hir të ineteresit të tyre, jo për hir të interesit të përgjithshëm kombëtar assesi), Anasras Janullatosi, duhet të përshpallet “Qytetar nderi i Tiranës”!

(...)

...propozimi i inicuar i kryebashkiakut, Edi Rama dhe, i mbështetur nga PD-ja, që me arsye të shëndoshë dhe, objektivisht në frymën e mbrojtjes së interesit të përgjithshëm kombëtar dhe shtetëror të Shqipërisë (atypëraty), e ka hedhur poshtë zonja Nermin Basha (s’ka rënbdësi është apo jo anëtare e Kryesisë së PD-së), me ç’rast vuri në dukje se “partia” e saj ishte Shqipëria, jo PD-ja e Sali Berishës, e cila përmes importimit dhe mbështetjes së Anastas Janullatosit, e mbështet politikën heleniste antishnqiptare të Greqisë në Shqipëri. Këtë politikë tërësisht të gabuar e provon edhe normalzimi i marrëdhënieve shqiptare-greke (1990), me ç’rast u injorua zgjidhja e çështjes së Çamërisë dhe e çamëve të viktimizuar nga holokausti fashist grekomadh.

Meqë koha është duke punuar për interesin e helenizmit në Shqipëri, nuk është aspak e çuditshme që kryebashkiakët e Tiranës dhe demokratët e PD-së së Sali Berishës, ta dekorojnë A. Janullatosin për “merita të jashtëzakonshme shpirtërore e fetare”, që këto, sipas tyre qenkanë “infrastruktura shpirtërore e kombit shqiptar”, mirëpo, ato dekorata dhe shpërblime të miqve grekë si Janullatosi, ashtu edhe politika zyrtare greke, duhet t’i kenë kuptuar vetëm si akte individuale të vullnetit të mirë të Edi Ramës dhe të partizanëve të tij, që po frikësohen se mos do i humbin “fijet” tregtare, kulturore, ekumenike dhe ekonomike me miqtë e tyre grekë (kur dihet se sot ne Shqipëri veprojnë dhe operojnë mbi 350 firma të ndryshme greke.

Kjo statistikë dëshmon se në çfarë rruge të zhvillimit dhe të prosperitet, me orientim “perëndimor” është nisur Shqipëria, kur dihet se Greqia nuk i përket kulturës dhe civilizimit të Evropës Perëndimore), e jo kursesi si “dekorata” a “shpërblime” me karakter shtetëror në emër të qeverisë së Shqipërisë dhe të shqiptarëve, jo se jo.

Gazeta "Monitor", gusht 2005

Citim:

Këshilli bashkiak i Tiranës shpall pa votim "qytetar nderi" Anastas Janullatosin

Tiranë - Ditën e premte, datë 16 shtator 2005, ora 18.00, Këshilli Bashkiak i Tiranës mbajti në fshehtësi të plotë e larg pranisë së mediave, mbledhjen e radhës, për çështjet me problematikë e të mprehtë të periudhës.

Mbas diskutimeve për buxhetin dhe për ndërtimin e trotuarit të Bulevardit kryesor të Tiranës, çështja më e rëndësishme ishte ajo e dhënies së titullit "Qytetar Nderi të Tiranës" katër klerikëve të lartë: Hafiz Sabri Koçit (pas vdekjes), imzot Rrok Mirditës, baba Reshat Bardhit dhe episkopit Anastas Janullatos.

Propozimi i anëtarit të Këshillit Bashkiak të PLL, z.Murat Basha, ishte që të jepet titulli për secilin veç e veç, pas një votimi të përgjithshëm. Ky propozim nuk u pranua nga kryesia e këshillit bashkiak dhe u këmbëngul që votimi të bëhej në grup, për të gjithë klerikët bashkë. Duke parë që do të votohej në grup, z.Basha i bëri një rezyme të shkurtër veprimtarisë antishqiptare të "Fort të Lumturit" Cac Janullatosit, duke nxjerrë dokumente e foto të tij me eksponentët më të lartë të shtetit grek, si edhe me kryetarin e Organizatës Vorio-Epiriote, Harallambis Karathanos.

Nisur nga ky fakt, meqenëse edhe emërimi i Janullatosit në krye të Kishës Ortodokse është një shkelje e hapur e statutit të saj, propozimi i dytë i N/kryetarit të PLL-së Basha, ishte që në vend të Janullatosit, të vihej emri i imzot Fan Nolit, Visarion Xhuvanit ose Kristofor Kisit, duke shpërfaqur vlerat atdhetare e morale të legalistëve, që kur vjen puna për interesat e Shqipërisë e shqiptarizmës, dinë të dalin jashtë kornizave të interesave të ngushta partiake.

"Unë si zogist i thekur po propozoj antizogistin e flaktë Fan Noli, e besoj që edhe ju fanolistët do ta mbështesni idhullin tuaj politik" -tha Basha.

Por Kryesia e këshillit bashkiak nuk e pranoi edhe këtë propozim, gjë që e shtyu legalistin Murat Basha të hidhte në tavolinë propozimin e tretë:

"Ta shtyjmë dhënien e titullit ndaj Janullatosit në një kohë të ardhme dhe ju në emër këshillit bashkiak, t'i kërkoni kryetares së Bashkisë së Athinës Dora Bakojanis që në bazë të marëdhënieve reciproke, t'i japë titullin qyetar nderi të Athinës njerës prej figurave të shquara shqiptare që udhëhoqën luftën për Pavarësinë e Greqisë, apo qoftë Papa Kristo Negovanit ose Petro Nini Luarasit. Nëse bëhet ky veprim, atëherë edhe unë jam dakord që t'i jepet Janullatosit titulli qytetar nderi i Tiranës".

Edhe pas këtij propozimi për kompromis, përsëri kryesia e këshillit nuk e pranoi propozimin dhe ia dha titullin qytetar nderi i Tiranës, Janullatosit, në një mënyrë aspak demokratike. Thjesht, pa votim fare. "Ky është një skandal, ky është një turp"- mbylli fjalën e tij z.Basha.

Të nesërmen asnjë nga mediat nuk e dha lajmin e dekorimit të Janullatosit si "qytetar nderi" të Tiranës. Siç duket tradhtia e ndërgjegjshme pati efekt paralizues gjithandej. Tashmë të gjithë tiranasit duhet ta ndiejnë veten më keq se më parë, sepse konsiderohen "bashkëqytetarë" me një prej antishqiptarëve më të mëdhenj që ka njohur historia, pra Anastas Janullatosin.

"Atdheu", 18 shtator 2005

Citim:

Turpi i një dekorimi (rasti Janullatos)
Murat Basha

Dekorimi nga Këshilli bashkiak i kryeqytetit, i Anastas Janullatos-it grek me titullin e lartë "Qytetar Nderi" i Tiranës, pa votim dhe me procedurë të përshpejtuar alla-janullatiste, ishte poshtërimi më i skajshëm që iu bë kryeqytetit të atdheut tonë.

Dhe kur sjell ndërmend mungesën jo të rastësishme të mediave, sipas një skenari të paramenduar, dhe miratimin pa asnjë votë të propozimit të janullatistëve shqiptarë, në përmbushje të premtimit dhënë "Fortlumturisë së Tij", arrij të kuptoj se interesi për këtë akt skandaloz është i ndërsjelltë: janullatistët nderojnë "në emër të popullit të Tiranës" shqiptare, antishqiptarin e deklaruar si uzurpator të KOASH-it dhe mik për kokë i Harallamb Karathanosit të Rinisë Vorio-epirore, ndërsa Janullatos dhe greqizma shugurojnë shërbëtorë të rinj, qofshin këta edhe përfaqësues të zgjedhur të popullit të Tiranës.

Akoma nuk arrij ta kuptoj sesi depërtoi në rendet e ditës të Këshillit bashkiak të Tiranës, Janullatosi, i cili nuk ka kurrfarë kontributi për Tiranën tonë të shtrenjtë, përveç belbëzimeve në greqisht në meshat e besimtarëve tanë, në kundërshtim të hapur me kërkesat e ligjit dhe Statutin e KOASH-it.

Por besoj se nuk ia vlen të kërkosh arsyen e mosarsyes së janullatizimit të Këshillit bashkiak të kryeqytetit. Mjafton të risjellësh në kujtesë rrugën që ka përshkuar ky misionar i greqizmës deri më tash, nëpër honet e politikës dhe zhvillimeve paspluraliste, për të kuptuar sesi ai arriti të depërtojë edhe axhendat dhe vendim-marrjet e Këshillit bashkiak të Tiranës.

Faktet thonë se Janullatos ka ardhur në Shqipëri më 16 korrik 1991, pas një kompromisi që u arrit midis ministrave të Jashtëm të Shqipërisë dhe Greqisë në Korfuz, në lidhje me statusin që ai do të kishte gjatë shërbimit në Shqipëri.

Fillimisht zotëria në fjalë deklaroi se vinte në krye të një misioni të përkohshëm, dhe më 1992 u vetëshpall kryepeshkop i KOASH-it, duke treguar se ky kishte qenë qëllimi i tij i vërtetë.

Si klerik duhej të kishte ndjenjën e turpit, të paktën për këtë gënjeshtër të madhe dhe publike, të pranonte se nuk ka përkohshmëri 14-vjeçare.

Qenia e tij në krye të KOASH-it, ka qenë gjithnjë e paligjshme për shumë arsye. Veç të tjerave, Statuti i vitit 1929 e ndalon që një i huaj të jetë në krye të KOASH-it.

Por edhe statuti i 1950-ës, që zoti Janunullatos ka dëshirë ta përmendë, kërkon si kusht shtetësinë e kryepeshkopit, të cilën zotëria e tij nuk e ka pasur dhe nuk e ka.

Problemi i Janullatosit ka edhe një kontekst logjik dhe historik. Vazhdimisht Kisha Ortodokse Greke ka synuar të zhdukë pavarësinë e Kishës Ortodokse Shqiptare për të cilën kontribuan Fan Noli, Visarion Xhuvani, Kristofor Kisi, etj..

Kisha greke ka shërbyer gjithnjë si motivuese e urrejtjes greke mbi shqiptarët. Nuk mund të harrohen peshkopët grekë që bënin pjesë në qeverinë e Zografosit, ata që bekonin andartët grekë të thernin fëmijët e gratë e Hormovës, që helmonin Petro Nini Luarasin, që vrisnin e plaçkisnin Çamërinë martire dhe që vazhdimisht ndillnin urrejtje mbi shqiptarët.

Synimi i zotit Janullatos në këto vite të qëndrimit në Shqipëri, ka qenë të zhdukë pavarësinë e kësaj kishe, të paraqesë ortodoksët shqiptarë si grekë dhe të shërbejë si bazë e elementëve që vijnë nga organizatat terroriste vorioepirote. Zoti Janullatos duhet të përgjigjigjet publikisht:

-A ka pasur, ose jo, kontakte me drejtues të organizatave vorioepirote terroriste në Greqi?
-A kanë financuar këto organizata ndërtimin e kishave ortodokse me stil grek në Shqipëri dhe ku i gjen financimet ai dhe kisha e tij, përderisa është klerik dhe nuk merret me aktivitete private? Sa për shembull, mund të na tregojë se kush i ka financuar kishat e Dardhës, Alikos dhe Livadhjasë, të cilat i ka reklamuar si financime të saj, gazeta e organizatës terroriste vorioepirote e SFEVA-s në Greqi.
-Pse zoti Janullatos shoqëron personalitete politike greke sa herë që këta vijnë për vizitë në Shqipëri, përderisa ai përfaqëson "de jure" KOASH-n. I shoqëron me cilësinë e kryepeshkopit apo me atë të grekut?!

Në fillim të vitit 1999, Janullatos së bashku me politikanë të lartë grekë dhe eksponentin e lartë të ENVI-it (Bashkimit të Luftëtarëve të Rinisë Vorio Epirote me qendër në Selanik), Harallamb Karathano, kanë bërë një vizitë në jugun e Shqipërissë, ku kanë bërë thirrje të hapura kundër Shqipërisë.

Më e fundit që mund t'i kujtojmë zotit Janullatosit, se me çfarë cilësie shoqëroi zotin Stefanopullos në jug të Shqipërisë në tetor 2004, dhe pse duhej të mbante meshë për ushtarët grekë të vrarë si pushtues në vitet 1940 - 1941 në jugun e Shqipërisë?

Këto eshtra shteti grek nuk i merr që t'i varrosë në vendin e tyre të lindjes, por i lë në Shqipëri për të treguar se "ranë për Vorio - Epirin".

Midis Shqipërisë dhe Greqisë ekziston një gjendje lufte për shkak të Greqisë. Këtë gjendje e mban në fuqi Greqia, për arsye se shfrytëzon pronat e shqiptarëve në Greqi (jo vetëm të popullsisë çame), duke siguruar ndër të tjera edhe përfitime të mëdha ekonomike. Por, nëse do të ekzistonte koncepti klasik për "gjendjen e luftës", sipas ligjeve të saj, Janullatos duhej shpallur "rob lufte"! Për titullin "Qytetar Nderi" as që do të bëhej fjalë.

Rasti më i fundit flagrant që u vu re në veprimtarinë sistematike antishqiptare të zotit Janullatos, ishte pjesëmarrja e tij në ceremoninë e zhvilluar në Korçë për hapjen e një shkolle në gjuhën greke, në një kohë që në këtë trevë, nuk ka pasur dhe nuk ka asnjë banor grek, por që propaganda greke, ka mëtuar gjithmonë për ekzistencën e një minoriteti, duke quajtur të tillë ortodoksët e kësaj treve.

Ajo që kërkojnë sot shqiptarët është e thjeshtë. Përderisa në krye të kishës greke është një grek, të asaj rumune një rumun, të asaj serbe serbe një serb, pse të mos jetë një shqiptar në krye të Kishës Ortodokse Autoqefale Shqiptare!

"Atdheu", 18 shtator 2005

18.3.2007, 17:54

Citim:

Dosja Kosina, presioni i politikës mbylli hetimet
18/03/2007 - 10:53

Politika

Qysh në fillimin e hetimeve të këtij skandali Qeveria Shqiptare dhe drejtuesit e lartë të gati të gjitha forcave politike në vend u përpoqën të hiqeshin mënjanë, apo ca më keq ta anashkalonin këtë histori sikur të mos kishte ndodhur fare. Presioni i medias dhe shoqërisë shqiptare të skandalizuar nga fakti se pleqtë dhe minorenët jo vetëm ishin nxjerrë mbi tokë, por do të nderoheshin si heronj grekë të rënë në Luftën e Dytë Botërore bëri që një pjesë e klasës politike të reagonte qoftë dhe me gjysëm zëri.

Padyshim zërat më të ashpër ishin ata të deputetëve të LSI-së Pëllumb Xhufi e Sabit Brokaj, si dhe deputetit të PS-së për Përmetin Flamur Hoxha. Qëndrimi i politikanit Godo dhe i disa partive të papërfillshme nga e djathta, do të ishte si një pikë uji në oqean. Qeveria Shqiptare u përpoq në maksimum që të mos krijonte asnjëlloj konflikti qoftë dhe banal me priftin e Përmetit dhe bashkëpunëtorët me kombësi greke të tij.

Diplomacia

Jo më kot konsulli grek i Gjirokastrës Kristos Mandella, do ti hakërrehej, madje deri dhe ta kërcënonte haptazi shefin e komisariatit të Përmetit Petrit Halo, i cili s’po bënte asgjë më shumë vetëm se po kryente detyrën e tij për të zbatuar një vendim të gjykatës.

“Ju nuk mund të zbatoni një vendim që prek ndjenjat e popullit grek. Këto janë veprime të patolerueshme. Mos guxoni të hyni në kishë dhe të prekni me dorë priftin”, do ti thoshte gjithë tërsllëm konsulli grek, në pragun e kishës së “Kryeëngjëjve” në Kutal.

Menjëherë pas tij do të reagonte Mitropolia e Shenjtë e Gjirokastrës, e cila do ta merrte në mbrojtje priftin duke e justifikuar se po kryente thjeshtë një rit fetar.

Disa ditë më vonë kryeministri grek Kostas Karamanlis do të priste në zyrën e tij kryepeshkopin e Shqipërisë, Anastasios Janullatos në lidhje me këtë problem. Çuditërisht krypeshkopi i Janullatos në vend që të shkonte të kërkonte zgjidhje të çështjes te kryeministri i Shqipërisë, gjeti si zgjidhje kryeministrin e vendit fqinj. Po atë ditë ministrja e Jashtme e Greqisë, Dora Bakojani do të priste kreun e Omonia-s në Shqipëri, Jani Jani.

Media greke fillimisht i qëndroi larg publikimit të skandalit por më pas mori në mbrojtje Kryepeshkopin Janullatos dhe qeverinë Berisha. “Kryeministri shqiptar Sali Berisha dëshiron që të ketë marrëdhënie të mira me Greqinë, por Prokurori i Përgjithshëm dhe anëtarë të partisë së tij e minojnë këtë përpjekje për të përfituar nga përçarjet partiake.

Burimet qeveritare greke, thonë se në prapaskenën politike janë bërë përpjekje dhe është ushtruar presion mbi qeverinë shqiptare që të kontrollojë gjëndjen e krijuar. Ndërkaq këto presione kanë rënë në boshllëk”, do të shkruante gazeta më e madhe greke “Ta Nea” 13 ditë pas publikimit të skandalit në Shqipëri.

http://www.balkanweb.com/gazetav4/index.php?id=9028

25.4.2007, 07:55

Citim:

KOASH-i mban peng Pallatin e Kulturës në Përmet
25/04/2007 - 09:58

Kisha ortodokse e Përmetit, e cila prej disa kohësh është kthyer në mollë sherri mes priftit dhe pushtetit vendor, është bërë sërish objekt konflikti. Dje në orën 10.00, përmbaruesit e Përmetit, drejtori i Qendrës Kulturore të këtij qyteti, Kastriot Bezati dhe dy punonjës të policisë, janë paraqitur përballë hyrjes së Pallatit të Kulturës, “Naim Frashëri” për të ekzekutuar vendimin e Gjykatës së Lartë, nr 1640, të datës 14 tetor 2003, për lirimin e objektit nga Kisha Ortodokse Autoqefale.

Pavarsisht njoftimit të palëve të interesuara, që ishte bërë prej disa javësh, vendimi nuk u ekzekutua as ditën e djeshme, duke u nxjerrë si pretekst mosparaqitja e përfaqësuesit të bashkisë që drejtohet nga PD-ja si dhe mungesa e numrit të mjaftueshëm të forcave të policisë. Ky justifikim duket i pabazuar, pasi bashkia ndodhet vetëm 50 metra larg nga pallati i kulturës dhe kryetari i saj mund ta ndiqte ekzekutimin e vendimit “live”, nga dritarja e zyrës së tij. Ndërsa mungesa e trupave të policisë duket një justifikim akoma dhe më i turpshëm, pasi komisariati ndodhet vetëm 30 metra larg pallatit të kulturës.

Për më tepër, nuk jepen arsye përse duhen policë të armatosur për të nxjerrë nga një objekt shtetëror një prift si Ikonom Vasil Thomollari, personazhi famëkeq i skandalit të zhvarrimeve në Kosinë.

REAGIMI

Drejtori i Qendrës Kulturore të Përmetit, Kastriot Bezati, e cilësoi këtë akt si një veprim të turpshëm të strukturave shtetërore, të cilat nuk janë të afta të zbatojnë ligjin dhe për më tepër, një vendim të formës së prerë të dhënë nga Gjykata e Lartë. Bezati e lidhi ngjarjen e djeshme me të njëjtin skenar, si mbyllja e hetimeve për skandalin e zhvarrimeve në Kosinë, edhe pse u provua katërcipërisht se fajtor ishte prifti Thomollari.

Bezati tha se: Ngjarja e djeshme është në vazhdën e disa ngjarjeve me sfond politik në jug të vendit, ku janë ndërthurur interesat e kishës ortodokse me ato të qarqeve antishqiptare në Greqi. Po shoh të vijojë i njëjti skenar si me skandalin e zhvarrimeve në Kosinë, varrezën-mauzeleum të Grykës së Këlcyrës, shkollës greke në Himarë dhe pretendimeve publike të bëra tani së fundi, për pavarësinë e Vorio-Epirit. Këto veprime janë organizuar nga të njëjtët persona, që të veshur me veladonin e priftit, pengojnë shenjtërimin e themeluesit të Kishës Ortodokse Autoqefale Shqiptare, Fan Noli dhe të priftit martir At Stath Melani, kokën e prerë të të cilit ia çuan me torbë mitropolitit grek të Janinës në vitin 1917.

Drejtori i Qendrës Kulturore të Përmetit, historiani 56-vjeçar Kastriot Bezati e cilëson kthimin e shtëpisë së kulturës në kishë, si “një uzurpim të jashtëligjshëm të pronës shtetërore”. Bezati thotë se “Trualli ku ngrihet pallati i kulturës ka një sipërfaqe prej 584 metrash katrorë, ndërsa trualli që ka qenë pronë e kishës dhe është përfshirë brenda hapësirës së këtij objekti është vetëm 25 metra katrorë. Nuk e kuptoj përse shteti nuk zbaton ligjet e veta? Përse nuk ekzekutohet vendimi i Gjykatës së Lartë, në mënyrë që përmetarët të kenë ku të zhvillojnë aktivitete kulturore dhe të konsumojnë kulturë”?

Konflikti mes Kishës Ortodokse dhe Qendrës Kulturore vazhdon të jetë i pazgjidhur, pavarësisht se drejtësia e ka dhënë verdiktin e vet, ndërsa përmetarët do të vazhdojnë të kënaqen vetëm me shëtitjet në lulishten rrotull bustit të Naim Frashërit

KONFLIKTI

Konflikti mes Qendrës Kulturore Përmet dhe Kishës Ortodokse ka nisur menjëherë pas trazirave të vitit 1997, për pronësinë e shtëpisë së kulturës. Të gjitha vendimet e gjykatave shqiptare i kanë dhënë të drejtë Qendrës Kulturore Përmet, duke e cilësuar atë si pronare të objektit.

Kemi fituar proceset gjyqësore në Gjykata e Shkallës së Parë dhe të Apelit në Gjirokastër, në Gjykatën e Lartë në Tiranë. Gjykata e Lartë, me vendimin nr 1640, të datës 14 tetor 2003, vendosi një herë e mirë mbi bazën e dokumentacionit autentik të Arkivit Qendror Teknik të Ndërtimit në Tiranë, që ky objekt të mos tjetërsohet dhe të mos kthehet në kishë, por të mbetet siç ka qenë, tempull kulture në Përmet

http://www.balkanweb.com/gazetav4/index.php?id=11538

19.5.2007, 08:04

Citim:

Përmet, Kisha fiton betejën për pallatin e Kulturës
19/05/2007 - 08:18

Përfaqësuesit e lobit progrek në Kishën Ortodokse Autoqefale Shqiptare ia kanë dalë mbanë të korrin fitoren e radhës në jug të vendit. Këtë radhë ata kanë "hequr qafe" me duart e pushtetarëve të PD-së pengesën e fundit që nuk i lejonte të mbanin të uzurpuar godinën e Pallatit të Kulturës "Naim Frashëri" në Përmet.

Beteja mes priftit të Përmetit, Ikonom Vasil Thomollari (personazhi që u bë aq "i famshëm" gjatë skandalit të zhvarrimeve në Kosinë) dhe Qëndrës Kulturore të qytetit ka zgjatur për gati dhjetë vjetë me radhë. Por tashmë duket se Thomollarit, i mbështetur fuqimisht nga kreu i KOASH-it, Hirësia e tij Anastasi, përfaqësuesit e mitropolitit grek të Gjirokastrës dhe diplomatët e vendit fqinj, është duke i buzëqeshur fitorja.

Dorën e fundit në fitoren më të freskët të progrekëve në jug të vendit e ka dhënë qeveria në pushtet dhe përfaqësuesit e saj të sapozgjedhur në pushtetin vendor të Përmetit.

Pengesa e fundit që mbante pezull uzurpimin e pallatit të kulturës në Përmet, ishte drejtori i Qëndrës Kulturore, historiani Kastriot Bezati. Largimi i tij nga detyra pa motivacion dhe pa shkak prej kryebashkiakut Edmond Komino, i ka hapur dritën jeshile Kishës që të mbyllë njëherë e mirë çështjen e pronësisë mbi pallatin e kulturës që mban emrin e rilindasit të madh "Naim Frashëri".
Pengesa

I emëruar në detyrën e drejtorit të Qëndrës Kulturore të Përmetit qysh prej 9 vitesh, Bezati ka qenë i vetmi person që kundërshtonte veprimin e paligjshëm të priftit Thomollari. Historiani 58 vjeçar ka zhvilluar një betejë ligjore me përfaqësuesit e Kishës Ortodokse, qysh prej vitit 2001, duke ia dalë mbanë të provonte se objekti që qëndron në qëndër të Përmetit i përket shtetit Shqiptar dhe komunitetit të këtij qyteti.

Gjykata e shkallës së parë, Apelit dhe Gjykata e Lartë ia kanë kthyer objektin me vendim të formës së prerë komunitetit të Përmetit. Çështja ka shkuar deri në Gjykatën Kushtetuese, ku serish ka fituar përfaqësuesi i Qëndrës Kulturore. Pavarsisht paligjshmërisë së pushtimit të objektit nga prifti i skandalit të Kosinës, autoritetet shqiptare nuk kanë mundur ta nxjerrin atë jashtë godinës ku qëndron busti i rilindasit të madh "Naim Frashëri" dhe të ekzekutojnë vendimin e Gjykatës së Lartë.

Kompromisi

Ekzekutimi i vendimit të Gjykatës së Lartë për rikthimin e godinës së pallatit të kulturës "Naim Frashëri", Qëndrës Kulturore të Përmetit është penguar nga autoritetet shtetërore me pretendimin e shmangjes së konflikteve ndërfetare në këtë qytet.

Janë disa shkresa zyrtare që dëshmojnë se autoritetet shtetërore nuk kanë dashur ta zbatojnë vendimin e formës së prerë lëshuar nga të treja shkallët e gjyqësorit. Madje në kundërshtim me ligjin janë bërë tentativa që të pezullohet zbatimi i vendimit dhe objekti ti lihet Kishës Ortodokse.

Në lojë janë futur krerët më të lartë të KOASH-it, përfaqësues diplomatik të shtetit fqinj Greqisë dhe politikanë të lartë të të dyja palëve politike në vend.

Kryetari aktual i bashkisë së Përmetit Edmond Komino, më 23 dhjetor 2005 ka qenë mes firmëtarëve që kërkonin ti mbetej pallati kulturës Kishës Ortodokse. Në atë kohë Komino ka qenë këshilltar i PD-së dhe ishte mes përfaqësuesve që kërkonin të mos zbatohej vendimi i Gjykatës së Lartë për lirimin e objektit. Për fat të mirë grupi i këshilltarëve prokishës në dhjetorin e 2005-ës mbeti në minorancë dhe marrëveshja e firmosur prej tyre nuk u zbatua.

Tani në krye të bashkisë, Komino ia doli mbanë të shpëtojë nga një siklet i madh shefin e tij në krye të Qeverisë Sali Berisha, të cilit i kishte mbetur në dorë vendimi i drejtësisë. Vendimi i Kominos për largimin e Bezatit plotëson ëndrën "e vjetër" të priftit që bekoi zhvarrimet e Kosinës Thomollari, të ketë nën hyqmin e tij piacën e Përmetit.

http://www.balkanweb.com/gazetav4/index.php?id=13091

2.6.2007, 08:06

Citim:

“Kryqi i kovaçaneve greke s’e zëvendëson Naimin”
02/06/2007 - 07:47

Edhe vetë Krishti është zemëruar me këta priftërinj dhe ka thënë: ‘O priftërinj të marrë, lëreni Naimin, se do t’ju mallkoj’”. Kështu e përshkruan shkrimtari dhe politikani i njohur, Dritëro Agolli, kthimin që iu bë Pallatit të Kulturës së Përmetit, “Naim Frashëri”, në pronësi të kishës ortodokse. Para pak ditës, vendimi i gjykatës nuk arriti të zbatohej, pasi përmbaruesit nuk nxorën dot prej andej priftin e goditën t’ia kthenin bashkisë, pasi përfaqësuesi i kësaj të fundit nuk mori pjesë, për arsye që nuk dihen.

“Pallati i kulturës në Përmet mban emrin e Naim Frashërit, që është shenjtori më i madh i shqiptarizmës. Na ngrihen sot papritur dy-tre priftërinj të rrjedhur, që mjekrat e tyre vijnë erë myk dhe duan të heqin emrin e shenjtorit Naim nga Pallati i Kulturës, për ta zëvendësuar me një kryq, të shtrembër të ardhur nga kovaçianat greke dhe nuk u vjen fare turp për sjelljen e tyre të pështirë, - ka thënë shkrimtari. Por unë besoj se edhe vetë Krishti duhet të jetë zemëruar me këta priftërinj dhe ka thënë: ‘O priftërinj të marrë, lëreni Naimin se do t’ju mallkoj!’”.

Politikani Agolli është njëri prej dhjetëra firmëtarëve, profesorë, akademikë, shkrimtarë, studiues dhe politikanë, të cilët i kanë shkruar një peticion Presidentit Moisiu, Kryeministrit Berisha dhe Kryetares së Kuvendit, Topalli.
“Ju drejtohemi për mbijetesën e Pallatit të Kulturës “Naim Frashëri” në Përmet, sepse kemi mendimin se kush mbron kulturën e kombit, mbron edhe Pallatin e Kulturës “Naim Frashëri”.

Ligji, të gjitha shkallët e gjyqësorit, Shkalla e Parë, Apeli, Gjykata e Lartë dhe Gjykata Kushtetuese, kanë vendosur që Pallati i Kulturës “Naim Frashëri” të mos tjetërsohet e të kthehet në kishë, por të mbetet e lartësohet si tempull i kulturës në zemër të Përmetit, para të cilit ngrihet emblema e kulturës shqiptare, busti i Naim Frashërit”, - thuhet në peticionin e njerëzve të letrave e historisë. Sipas letrës së dërguar, “si në çdo shtet të Evropës, edhe në Shqipëri askush nuk duhet të dalë mbi ligjin: asnjë njeri, asnjë komunë apo bashki, asnjë institucion qendror i vendit, as edhe Kryeministria, apo Presidenca.

Institucionet e kultit, që janë të domosdoshme, duhet të respektojnë dhe t’i binden ligjit të Shqipërisë. Hirësia e Tij, zoti Janullatos, duhet të lirojë Pallatin e Kulturës “Naim Frashëri”. Shteti duhet të ndeshet e asgjësojë valët helenizuese, që vijnë në Shqipërinë e Jugut nga disa qarqe të caktuara të Greqisë nën emrin e Vorio-Epirit, të cilat kërkojnë atë që s’mund të kërkohet dhe që duan të godasin apo cenojnë marrëdhëniet e mira Shqipëri-Greqi”.

Pallati i Kulturës së Përmetit është i zaptuar që në vitin 2001 nga Kisha Ortodokse, me pretendimin se është tokë e tyre. Në fakt, Pallati i Kulturës “Naim Frashëri” i ka fituar të gjitha gjyqet, por atë vazhdon ta mbajë kisha. Ndërsa tani askush nuk ndihet. Madje, as Bashkia e Përmetit, pronë e të cilës është pallati.

http://www.balkanweb.com/gazetav4/index.php?id=14009

3.6.2007, 08:10

Citim:

Kristo Frashëri: Duan të greqizojnë Pallatin e Naimit
03/06/2007 - 08:29

Nuk është problem kishe. Qëllimi është që në vend të Pallatit të Kulturës së Përmetit, pas pak vitesh në na mbijë një pallat kulture grek. Sa për kishën, kishte vende të tjera plot ku mund të ngrihej". Kështu e përshkruan historiani i njohur, Kristo Frashëri, "rrëmbimin" e Pallatit të Kulturës, "Naim Frashëri" në Përmet, nga kisha ortodokse.

Kundër kësaj është edhe historiani tjetër dhe ish-drejtor i Muzeut Historik Kombëtar, Moikom Zeqo, i cili është shprehur për Gazetën, se "rrëmbimi i truallit të Pallatit të Kulturës që ka si emblemë Naim Frashërin në Përmet, ka një kuptim më të thellë, më konceptual dhe më të rëndësishëm se çdo lloj formaliteti juridik".

Frashëri dhe Zeqo, janë dy prej shumë personaliteteve të historisë, shkencës, letrave dhe politikës, të cilët dy ditë më parë i kanë dërguar një peticion Moisiut, Berishës dhe Topallit, të cilëve u kërkojnë që të zbatohen vendimet e gjykatës në të gjitha shkallët dhe pallati i Kulturës së Përmetit t'i kthehet bashkisë së qytetit.

Kristo Frashëri

"Në radhë të parë, mosekzekutimi i vendimeve është një mohim i shtetit ligjor. Ka vendim gjykate në 3 shkallë, i cili duhet të merret në konsideratë. Pse nuk zbatohet?", - thotë profesor Frashëri për "Gazetën Shqiptare".

Lidhur me zaptimin e Pallatit të Kulturës "Naim Frashëri" në Përmet nga Kisha Ortodokse, historiani i njohur shqiptar sqaron se ka një arsye tjetër më të fortë sesa ngritja thjesht e një kishe. "Kisha e Shën Mërisë së Pazarit është shembur që në kohën e luftës dhe nuk përfaqësonte më shumë se 28 metër katrorë. Madje, ajo nuk ka qenë në truallin e Pallatit të Kulturës, por aty ku është banka sot.

Pallati i Kulturës përmbledh 350 metra katrorë. Ndërtesën e ka bërë shteti dhe jo kisha. Toka është e kishës në të vërtetë, por gjykata i ka dhënë tokë në vend tjetër disa herë më shumë", - ka thënë profesor Frashëri, i cili nuk ka nguruar të akuzojë autoritetet shtetërore.

"Prefekti i Gjirokastrës, Spiro Ksera dhe të tjerë që fshihen prapa tij, janë ata që duan ta zhdukin Pallatin e Kulturës së Përmetit dhe bashkë me të, edhe kulturën shqiptare. Skandali dhe qëllimi është që të zhduket pallati shqiptar i kulturës. Aty është emri i Naim Frashërit, aty ka bibliotekë, sallë konferencash, dhoma për aktivitete kulturore shqiptare. Qëllimi është ta zhdukin dhe të bëjnë ndoshta pallat kulture greke", - ka thënë Frashëri.

Moikom Zeqo

Ish-drejtori i Muzeut Historik Kombëtar, Moikom Zeqo, shpreh dyshimet e tij lidhur me mbajtjen "peng" të Pallatit të Kulturës nga një prift dhe moszbatimin e vendimeve të gjykatës.

"Nuk mendoj se akti fare pa kuptim i prishjes së Pallatit të Kulturës bëhet në emër të besimtarëve. Të cilëve besimtarë? Ky është një ob

jekt i gjithë qytetit dhe banorëve të Përmetit. Por jo të gjithë janë ortodoksë. Simboli i Naim Frashërit, e thënë në mënyrë absolute, qëndron mbi të gjithë llojet e feve që janë në Shqipëri, sepse ai është një simbol sinkretizimi dhe duhet nderuar në Përmet, më shumë se kudo tjetër, sepse është qendra e fshatit Frashër, ku ai ka vendlindjen", - ka thënë Zeqo.

Sipas tij, veprimi i kishës është arbitrar, i pasaktë dhe rasti konkret, këmbëngulja për në Përmet është pa asnjë kuptim, madje as edhe diplomatik dhe politik".

http://www.balkanweb.com/gazetav4/index.php?id=14091

1.7.2007, 11:26

Citim:

Autoqefalia greke e Kishës Ortodokse Shqiptare
Irhan Jubica

Refuzimi, nëpërmjet Sinodit të Shenjtë të Kishës Autoqefale Ortodokse të Shqipërisë, për të mbajtur një meshë për viktimat e gjenocidit të ushtrisë greke të gjeneral Napoleon Zorvës ndaj çamëve, më shumë se thyerje e traditës vërtetë të shenjtë historike të bashkekzistencës paqësore mes besimeve fetare, është rikonfirmim i problemeve që datojnë, jo dhe aq në heshtje, rreth 15 vjet më parë. Caktimi nga Patrikana Ekumenike i një peshkopi misionar grek në krye të ortodoksëve shqiptarë i befasoi nacionalistët e kohës, të cilët më shumë u zhgënjyen edhe nga përkrahja, që lideri antikomunist i ofroi kryepeshkopit Anastas, prandaj mund të thuhet se ata ia ndikuan pjesërisht Presidentit humbjen e një referendumi të rëndësishëm në mes të viteve ‘90. Nuk ishin të pakët ata që e konsideruan këtë pranim si tradhti ndaj idealeve të shqiptarizmës e madje dhunim të kujtimit jo vetëm të imzot Nolit të adhuruar, por të krejt përpjekjeve të

ortodoksëve shqiptarë për autoqefalinë. Herë-herë mund të duket i gabuar perceptimi i ortodoksëve si grekë apo sllavë, e thënë ndryshe greqizimi apo sllavizimi, për të mos thënë mosekzistenca

e ortodoksëve shqiptarë, por një gjë është e qartë: më se një herë ortodoksia e kësaj kishe ka tentuar t‘i dhunojë shqiptarët në shejtninë e të vdekurve. Rasti i një prifti varrmihës në Kosinë, që u bë personazh mediatik falë mosndërhyrjes së një shteti që s‘ishte, nuk është i vetmi. Vështirë të besohet se priftit të Kishës Autoqefale Ortodokse të Shqipërisë iu shfaq ndonjë vizion i martirëve të kishës, varrosur në territorin ku vendasit përbetoheshin se preheshin të parët e tyre. Jo. Prifti (shqiptar?) kërkonte eshtra ushtarësh grekë! Shkarkimi i një drejtuesi në Përmet, që thoshte se mbronte një institucion kulturor nga zaptimi i kishës, mund të ketë lidhje me ndërhyrjet ortodokse jo vetëm në përmbarimin e qytetit të vogël për mosekzekutim të një vendimi gjyqësor. Në Apoloni, në emër po të kishës ortodokse, janë vënë sinorët e një varreze, por meqë është brenda parkut kombëtar shqiptar e jo atij grek, sërish plotësohet vullneti i priftit. Pavarësisht se grek, prifti i denoncuar në një program investigues televiziv shqiptar për homoseksualizëm ka përcjellë imazhin e një kleriku jo të denjë, ndërkohë që një drejtues tjetër i kësaj kishe në një qytet shqiptar tashmë, jo fort të vogël, është njohur përpara viteve ‘90 si vjedhës biçikletash. Një tjetër si mashtrues femrash. Po ashtu janë të njohura lidhjet e Vavilisit me Kishën Ortodokse kudo në botë, përfshi edhe aferat për shitje trojesh të shenjta në Jerusalem.

Zelli i madh i Kishës Ortodokse në vitet e ringjalljes së saj, për të investuar apo ndërmjetësuar investime greke sidomos në zonat e Jugut të Shqipërisë, të pretenduara prej grekëve si territore të tyre, duhet të ndërgjegjësojë ortodoksët shqiptarë për kahun që ka marrë kisha e tyre. Deri përpara pak kohësh, në afërsi të qyteteve (fshatrat s‘llogariten) shqiptare të një Maqedonie, që ndonëse kishte zyrtarizuar shqipen si gjuhë të dytë, nuk kishte asnjë tabelë me shkrime shqipe. E njëjta situatë, por me përmasa më të vogla, ka qenë për një kohë të gjatë në Malin e Zi, ku shqiptarët janë shumë më tepër se ç‘janë grekë në Shqipëri. Po ashtu, është e paqartë se ç‘interes mund të kenë pasur drejtues të një organizate minoritarësh, kur kanë kërkuar që në regjistrimin e popullsisë, krahas kombësisë të cilësohet edhe feja. Shqipëria, megjithatë, garanton lirinë dhe barazinë e besimit, në atë mënyrë të përkryer sa të mos e sanksionojë asnjërën fe "shtetërore", siç është rasti i Kushtetutës greke.

Ndaj, është e thjeshtë të shihet kjo organizatë si krahu politik i një Kishe Ortodokse, që jo për rastësi reagoi ndaj çamëve në harmoni me vetë kishën që deklarohet për mospërfshirje në politikë. Është e drejtë të pyetet: cili mund të jetë misioni i një Kishe Autoqefale Ortodokse të Shqipërisë, të zotëruar nga grekë në shtetësi, origjinë apo kombësi? "Kristi u ngjal" është lajmi që vjen prej asaj kishe një herë në vit, ndërsa përgjatë ditëve të tjera të vitit mbizotërojnë lajme si ai i përdorimit të Sinodit të një kishe shqiptare që refuzon të përshpirtet për shqiptarë! Vendimi i një gjykate në Stamboll për mosnjohjen e autoritetit të Bartolomeut i përtej Turqisë, duhet përshëndetur, jo sepse ia heq iluzionet Patrikanës Ekumenike për t‘i dhënë vetes statusin e Vatikanit në një vend sovran, por sepse vendosi në vend autoritetin e ligjit të një shteti laik. Procesi nisi pas refuzimit të një prifti për të zbatuar urdhrin e Patrikut Ekumenik për regjistrimin e fëmijëve të ortodoksëve turq të pagëzuar në gjuhën greke, krahas asaj turke. Nuk dihet sa i pranishëm është ky fenomen në Shqipëri, edhe pse përpjekje të ngjashme janë denoncuar nga i izoluari Nikolla Marku, i cili nuk e njeh autoritetin e Autoqefalisë së Janullatosit. Megjithatë, në mënyrë të çuditshme, nuk u njoftua për mbajtjen e përshpirtjes për çamët në Elbasan, si shenjë e distancimit të kishës së këtij kleriku "rebel" nga vendimi mohues i Kishës Autoqefale. Është e pamundur të mendohet një refuzim i meshës nga kisha ortodokse, nëse primati i saj do të ishte shqiptar. Ky është një rast i mirë për t‘u dhënë përgjigje zërave gjoja të moderuar nga myslimanët, që pas adhurimit për kryepeshkopin grek të Shqipërisë, kërkuan në një emision televiziv emërimin e të huajve në krye të kishës katolike, si dhe të komunitetit mysliman shqiptar - deklaratë kjo ende pa reagim nga palët. Ndaj, përpara se te lexuesi të krijohet ideja se ky shkrim është kundër ortodoksëve, i ftoj ata të mendojnë seriozisht për nxjerrjen nga arkivi të statutit të Kishës Ortodokse Autoqefale të Shqipërisë të vitit 1929, të njohur pas 8 vjet përpjekjesh të shtetit të Zogut nga Patrikana e Kostandinopolit, ku thuhet: "Kryepeshkopi, peshkopët, zëvendësit e tyre lokalë, Ikonomi i Madh Mitrofor, Sekretari i Përgjithshëm i Sinodit, si dhe ndihmësit dhe zëvendësit klerikë të Kryepeshkopit dhe peshkopëve, duhet të jenë prej gjakut dhe gjuhës shqiptare, si dhe të kenë nënshtetësinë shqiptare".

http://www.gazeta-shqip.com/artikull.php?id=21743

30.9.2007, 08:34

Citim:

Janullatos hipotekon shkollën “Normalisti”
30/09/2007 - 10:14

ELBASAN- Kryetari i këshillit të Kishës Shën Maria të Elbasanit, At Nikolla Marku gjatë një konference për shtyp ka sulmuar dje ashpër dhe ka rindezur konfliktin me kryepeshkopin Anastas Janullatos. Shkak ka shërbyer hipotekimi si pronë e kishës së drejtuar nga prifti grek nëpërmjet falsifikimit të dokumenteve të shkollës muze “Normalisti” në Elbasan, objekt ky nga më të rëndësishmit e historisë sonë kombëtare të arsimit.

Përpjekjet e hershme për ta pronësuar këtë objekt nga ana e kryepeshkopit Anastas Janullatos, janë denoncuar e kundërshtuar nga ana e këshillit të Kishës Shën Maria të Elbasanit nëpërmjet At Nikolla Markut. Së fundmi ai ka vendosur që në emër të Kishës Ortodokse Autoqefale Kombëtare Shqiptare t’u drejtohet për këtë shqetësim edhe Presidentit të Republikës, Kryeministrit etj. Ai kërkon ndërhyrje për të mos u lejuar kthimi i godinës së shkollës “Normalisti” që ndodhet në oborrin e Kishës Shën Maria, në një rezidencë për murgjit.

Madje, At Nikolla Marku sërish këmbëngul për largimin nga vendi ynë të kryepeshkopit Janullatos, duke e akuzuar atë si një nga përçarësit e komuniteteve fetare dhe si vegël e armiqve të përjetshëm të kombit shqiptar. fa.po

http://www.balkanweb.com/gazetav4/index.php?id=21834

vlug · 9.1.2008, 21:12

Po të shikoni faqen e kishës ortodokse në rrjet, midis gjuhës shqipe të detyruar dhe asaj anglishte, do të vini re dhe gjuhën greke!

Këtu mund ta verifikoni personalisht: www.orthodoxalbania.org

Kureshtja na detyroi me dërgu një mesazh sqarimi dhe përgjigjja që morëm ishte kjo:

Citim:

Pershendetje !

Gezuar festat dhe qofte nje vit i bekuar!

Gezohemi qe keni vizituar faqen tone te internetit .

Ne kete faqe perpiqemi te prezantojme nje tablo te jetes dhe veprimtarise se Kishes Orthodhokse te Shqiperise. Dhe ne kete kuader perpiqemi ta prezantojme ne nje publik te gjere , ashtu sic eshte interneti, qe nuk ka kufij (as shtetesh, as kontinentesh) pra jo vetem shqiptar por edhe te huaj, keshtu shfrytezojme mundesine per ta prezantuar edhe ne anglisht si gjuha me e perdorur ne bote.
Nderkohe ne jemi ne perpjekje e siper per te prezantuar jo vetem ne kete gjuhe te huaj por edhe ne te tjera, si greqisht, rusisht etj.
Kemi vene tani per tani si nje mundesi prezantimi edhe ne greqisht, sepse eshte gjuha me e perdorshme pas anglishtes ne Kishen Orthodhokse ne bote. Dhe madje akoma jemi ne punim e siper sepse akoma nuk e kemi vendosur materialin prezantues (njelloj sic e kemi ne shqip dhe anglisht).
Kjo eshte arsyeja e vendosjes se mudesise prezantuese ne gjuhen greke te jetes kishtare shqiptare, ashtu sic eshte edhe per anglishten dhe per gjuhe te tjera qe mendojme te veme ne te ardhmen.

Ju urojme shendet dhe suksese ne jete!

Zoti me ne!

nga stafi
orthchal

Ky posht osht mesazhi në origjinal.

Emri: untitled.jpg
Shikimet: 121
Madhësia: 42,0 KB

Pas mesazhit që morëm, verifikum nëse ishte e vërtetë që gjuha greke ishte më e përdorura në kishën ortodokse në botë siç duhet të dalë dhe në faqet e tyre të internetit. Në këto faqe nuk kishte gjurmë të gjuhës greke, siç pretendojnë këta bukuroshët.

Shikojini faqet e kishave serbe, ruse, rumune, bullgare nuk ka asnjë gjurmë të greqishtes.

Mesazhit të dytë ku i pyesim se pse tek faqet e kishave rumune, serbe, ruse etj., nuk figuronte ndokund gjuha greke si "gjuha më e përdorur në kishën ortodokse", nuk i janë përgjigjur akoma.

allianz · 10.1.2008, 09:54

Citim:

Thënë nga vlug

Shikojini faqet e kishave serbe, ruse, rumune, bullgare nuk ka gjurmë të greqishtes.

http://www.serbianorthodoxchurch.com/ & http://www.spc.yu/
http://www.russianorthodoxchurch.ws/
http://www.crestinism-ortodox.ro/
http://bulch.tripod.com/boc/mainpage.htm

Kandhaon · 10.1.2008, 14:15

A dmth kjo që ata janë pisa që rrejnë ndërsy?

Atyre u lumtë, po këtyre që u besojnë?

allianz · 13.3.2008, 08:37

Kreu grek i KOASH-it është i paligjshëm:

Citim:

Albania
International Religious Freedom Report 2007
Released by the Bureau of Democracy, Human Rights, and Labor

The Orthodox Church's 1954 statute states that its archbishop must have Albanian citizenship; however, the archbishop was a Greek citizen who was seeking Albanian citizenship. During the period covered by this report, the Government did not take action on his citizenship application, submitted in 2003.

http://www.state.gov/g/drl/rls/irf/2007/90160.htm

Janullatosi është në mënyrë të paligjshme në krye të Kishës Ortodokse Autoqefale Shqiptare. Për si është gjendja tani KOASH-i nuk është autoqefale, por heteroqefale, përderisa ai që drejton është joshqiptar dhe madje me lidhje të drejtpërdrejta me kishën greke dhe politikën greke.

allianz · 16.4.2008, 21:39

U duk ndonjë përgjigje për postën e dytë? Apo s'pashë gjo, s'nigjova gjo.

10.1.2008, 14:15	#18
Kandhaon Bisha Anëtarësuar: 8.2006 Vendndodhja: Në breshta, mes bredhave,	A dmth kjo që ata janë pisa që rrejnë ndërsy? Atyre u lumtë, po këtyre që u besojnë?
	Ndryshuar së fundmi nga Kandhaon : 10.1.2008 në 14:24.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

16.4.2008, 21:39	#20
allianz	U duk ndonjë përgjigje për postën e dytë? Apo s'pashë gjo, s'nigjova gjo.

Virusi judeo-kristian në Shqipëri

Virusi judeo-kristian në Shqipëri

Gr/ Mbi gjuhën greke në faqen e KOASH-it