Gr/ Bunker grek në Këlcyrë me bekimin e KOASH-it

kodmors · 14.6.2008, 08:06

Citim:

Manastiri-mauzoleum i Këlcyrës u bë mollë sherri me Greqinë

Punimet për ndërtimin e një manastiri madhështor në Grykën e Këlcyrës nisën afro gjashtë vjetë më parë. Ky objekt kulti nga më të mëdhenjtë në vend, ka patur një kosto prej disa milionë eurosh. Manastiri është ndërtuar i tëri me gurë të skalitur nga mjeshtra profesionistë, ndërsa punimet janë drejtuar nga një arkitekte greke nga Athina. Gati më shumë se gjysma e sipërfaqes se territorit të Manastirit zihet nga një varrezë mauzeleum sipër së cilës është ndërtuar një kryq betoni 17 metra i lartë.

Në manastirin ortodoks të Grykës së Këlcyrës është parashikuar të vendosen eshtrat e 630 ushtarëve grekë të vrarë në Luftën e Dytë Botërore gjatë konfliktit Italo-Grek. Manastiri është ndërtuar afro 14 kilometra larg nga varreza e vjetër pranë fshatit Dragot, ku kanë qenë të vendosura eshtrat e 2000 ushtarëve italinë dhe 36 ushtarëve grekë të vrarë në betejën e Malit të Golikut. Varreza tjetër e ushtarëve grekë ndodhet shumë larg prej aty, në Qafën e Kiçokut. Edhe pse kanë kaluar më shumë se dy vjet nga momenti kur ndërtimi i objektit përfundoi asnjë nga varret e përgatitura për eshtrat e martirëve të ushtrisë greke nuk ka emër.

Gjatë kohës që punohej për ndërtimin e këtij manastiri, më 20 tetor 2004, aty ka kryer një vizitë ish-presidenti grek, Stefanopulos i shoqëruar nga ish-ministri i Arsimit i Shqipërisë, Luan Memushi. Stefanopulos kishte programuar një vizitë të dytë në këtë manastir, por ajo nuk u realizua pasi presidenti grek u largua nga Shqipëria në shenjë proteste ndaj një demostrate paqësore të komunitetit çam në qytetin e Sarandës.

Më datë 10 maj 2006 ishte parashikuar ceremonia e përfundimit të punimeve në Manastirin e Shën Kollit, madje ishte paralajmëruar prania e dy ish-ministrave të mbrojtjes, Fatmir Mediu i Shqipërisë dhe Vangjelis Meimaraqis i Greqisë. Por Ministri Grek i Mbrojtjes e anulloi vizitën në çastet e fundit pasi sipas tij "Autoritetet shqiptare nuk e kishin zgjidhur ende çështjen e varrezave të ushtarëve grekë në Grykën e Këlcyrës". Ndërsa ish-ministri i Jashtëm i Shqipërisë Besnik Mustafaj deklaroi dy ditë më pas se "varreza e ushtarëve grekë në Grykën e Këlcyrës do të ndërtohet sëshpejti". Por në të vërtetë varreza-mauzeleum ishte ndërtuar para se autoritetet shqiptare të legalizonin lejen e ndërtimit të saj.

http://www.balkanweb.com/gazetav4/index.php?id=38343

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar