Gr/ Prefekti i Gjinokastrës propozon copëtimin e Shqipërisë Perëndimore

VNf · 28.5.2008, 20:14

Në 18 maj, prefekti i qarkut të Gjinokastrës, Spiro Ksera, i mbështjellë në qytetin e Konicës me flamurin e "Vorio-Epirit" ka artikuluar publikisht, sipas mediave greke domosdoshmërinë e "kthimit në identitet grek" të Arbërisë së jugut.

http://www.balkanweb.com/sitev4/index.php?id=21367

mesdimr · 28.5.2008, 20:15

S'e dija që jugu i Arbrit paska identitet homoseksual, të cilit duhet t'i kthehet... Mos e ngatërron me pasionet e veta ky Spiraqi...

kodmors · 14.6.2008, 17:20

Citim:

“Copëtimi i Shqipërisë, Ksera shkeli Kushtetutën”
28/05/2008 - 07:22

Një nga deputetët më aktivë në mbrojtje të interesave kombëtare, njëherësh historiani Pëllumb Xhufi i LSI-së, denoncon ashpër qëndrimin publik të prefektit të Gjirokastrës, Spiro Ksera për çështjen e Vorio-Epirit. Ai kërkon urgjentisht nga Kryeministri Berisha shkarkimin e tij, duke dhënë edhe argumentet pse. Me logjikën e ftohtë të historianit, Xhufi i jep përgjigje edhe pyetjes nëse ka Çamëri apo Vorio-Epir.

Në seancën e fundit plenare, ju ngritët shqetësimin për pjesëmarrjen e prefektit të Gjirokastrës, Spiro Ksera në një tubim të nacionalistëve grekë në Konicë, ku është kërkuar autonomia e Vorio-Epirit. Mes të tjerash ju kërkuat nga Kryeministri shkarkimin e tij. Përse?

Pjesëmarrja e tij në një veprimtari me përmbajtje të theksuar nacionaliste dhe antishqiptare si ajo që u mbajt në datën 18 maj në Konicë, me pjesëmarrjen e grupeve më ekstremiste greke të sillogjeve vorio-epiroteve dhe të qarqeve fetare nacionaliste, bie në kundërshtim me statusin zyrtar që Ksera mbart e rrjedhimisht, me një shkelje të rëndë që ai i bën Kushtetutës e legjislacionit shqiptar.

Shkelja është bërë nga një përfaqësues i qeverisë dhe padyshim siç kërkova dhe në Parlament, Kryeministri duhet patjetër të sqarojë pozitën e zotit Ksera. Më lejoni të sqaroj se në këtë miting ka folur veç të tjerëve kryepeshkopi i Konicës, Andreas, i cili ka zëvendësuar në këtë rol një tjetër kryepeshkop famëkeq për sa i përket marrëdhënieve me Shqipërinë, Sebastianoin, i cili vazhdimisht në vitet ’60, ’70 e ’80 ka nxitur flakët e luftës, madje ka bërë thirrje të hapura në ato vite sa kolonelëve që sundonin në Athinë, aq edhe NATO-s që të ndërhynin me forcë ndaj Shqipërisë dhe t’i kthenin Greqisë të ashtuquajturin “Vorio-Epir”.

Me të njëjtin fjalor ka folur dhe ky kryepeshkop, i cili ka kërkuar hapur që Vorio-Epirit t’i njihet e drejta e vetëvendosjes, pra e shkëputjes nga Shqipëria dhe bashkimit me Greqinë. Tubimi në fjalë u bë në përvjetorin e Protokollit të Korfuzit të vitit 1914, pra dhe tendenca dhe përmbajtja e tij ishte fare e qartë.

Është vërtet për t’u ardhur keq që shteti shqiptar, qeveria shqiptare në rastin konkret i kapërcen fare pa i komentuar ngjarje të tilla, që po përsëriten në mënyrë shqetësuese dhe kanë për protagonistë herë- herë edhe nëpunës të lartë të shtetit, pavarësisht nga kombësia e tyre, pra nga qytetarë shqiptarë, siç është rasti i kryetarit të Bashkisë së Himarës, Bollano dhe të prefektit të qarkut Gjirokastrës, Ksera, në rastin më të fundit.

Është për të ardhur keq gjithashtu që edhe qeveria greke nuk reagon dhe nuk tregon vullnet për të evituar, për të ndalur manifestime të tilla apo më së paku, për t’u distancuar nga manifestime të tilla që mbjellin farën e përçarjes, armiqësisë midis dy popujve. Kur bëhet fjalë për marrëdhëniet me Shqipërinë merret një ton agresiv me pa të drejtë për gjoja për shkeljen e të drejtave të minoritetit dhe me shkelje të të drejtave të minoritetit në këtë rast nuk mund të kuptohet mosnjohja e minoritetit, ajo është njohur, nuk mund të kuptohet mos hapja e shkollave greke, sepse ato janë hapur, madje dhe tej zonës së minoritetit, nuk mund të akuzohet Shqipëria për moslejimin e lidhjeve të minoritetit grek me vendin amë me Greqinë, sepse këto lidhje janë në çdo aspekt, por mesa duket kërkohet gjëja më e fundit, që duke shfrytëzuar minoritetin grek në Shqipëri të realizohet ëndrra e vjetër e aneksimit të Shqipërisë së Jugut apo asaj që quhet rëndom nga politika nacionaliste Vorio-Epiri. Në këtë aspekt reagimi i Ministrisë sonë të Jashtme nuk duhet të mungojë, sigurisht i matur, por dhe i qartë dhe nuk duhet lejuar që të paktën shtetas shqiptarë dhe aq më shumë nëpunës të lartë të shtetit shqiptar të kryejnë role, funksione, për të cilat nuk janë emëruar dhe për të cilat një ditë mund të përgjigjen para drejtësisë për shkelje të rënda të ligjit.

Për precedentët “Bollano” e “Ksera”, cili duhet të jetë atëherë reagimi i shtetit shqiptar?

Deklaratat e qëndrimet e tyre antikushtetuese bien në kundërshtim me Kushtetutën për sa kohë që cenojnë integritetin territorial të vendit, cenojnë paqen e bashkëjetesën e qytetarëve shqiptarë dhe nxitin urrejtjen fetare. E ka Kushtetuta dhe Kodi Penal çfarë parashikohet në këtë rast dhe nuk ke ç’thua më tepër.

Shqipëria sapo ka marrë ftesën për anëtarësimin në NATO, ndërkohë që Greqia është një vend anëtar i saj. Me sa seriozitet duhen marrë pretendimet territoriale për Vorio-Epirin për sa kohë aleatët në NATO nuk mund të aneksojnë njëri-tjetrin?

Në rast se Shqipëria e mori ftesën në NATO dhe në rast se Greqia nuk e pengoi dërgimin e ftesës siç bëri në të kundërtën me Maqedoninë, kjo i dedikohet në një shkallë të madhe lirive dhe të drejtave shumë të gjera që shteti shqiptar historikisht i ka dhënë minoritetit grek. Në rastin konkret do të thoja se si kjo qeveri dhe ajo paraardhëse kanë bërë kompromise të cilat janë të debatueshme. Por fakt është, që qoftë para marrjes së ftesës, qoftë tani pas marrjes reale të saj dhe kur ne jemi në pritje të hyrjes me të drejta të plota në NATO, nga pala greke ka pasur dhe ka presione të bëra, qoftë edhe nëpërmjet emisarëve të saj këtu tek ne, siç është Bollano, i cili në mënyrë të përsëritur ka artikuluar kërkesa të ekzagjeruara dhe të ideuara në qarqet nacionaliste greke siç janë ato për ta konsideruar minoritetin grek në Shqipëri si “Kosovën”, pra duke i njohur të drejtën e vetëvendosjes, që është absurde.

Në rastin e marrëdhënieve me Shqipërinë, Athina ka intensifikuar kërkesat e saj të formuluara historikisht dhe gjithmonë në synimin që ato të realizohen përpara se të realizohet hyrja “de jure”, pra me të drejta të plota të Shqipërisë në NATO. Unë jam i sigurt që e njëjta histori do vazhdojë dhe sa i përket integrimit tonë në Europë, ku çdo hap që ne do të hedhim do të shoqërohet edhe me kërkesa nga pala greke. Ndaj duhet që qysh tani qeveria shqiptare të tregojë vullnetin e duhur dhe integritet që të shqyrtojë me vëmendje kërkesa të tilla.

Ju mendoni se ka Çamëri apo Vorio-Epir?

Çamëri është një emër i lashtë, së cilës nuk i dihet origjina se sa e hershme është. Kurse Vorio-Epir është një nocion politik dhe gjeografik, i cili është krijuar as më parë e as më vonë se viti 1913, në shtabet e ushtrisë greke në momentin që u pushtua pjesa jugore e Epirit, pra Çamëria. Fill pas kësaj qarqet shoviniste greke hodhën parullën, që pasi morën jugun e Epirit tani të marrim veriun e Epirit. Që nga ai moment ky nocion u kthye në një flamur beteje politike për Greqinë dhe sot të gjithë në Greqi e përdorin rëndom Vorio-Epir dhe mendojnë se kjo fjalë, ky koncept dhe ky territor i përket Greqisë që nga kohët e Perikliut të vjetër. Në fakt është një krijim artificial i bërë në zyrat e Ministrisë së Jashtme dhe Ministrisë së Luftës greke dhe nuk përmban brenda asnjë realitet. Realiteti është që trungu shqiptar është shtrirë deri në Prevezë në Jug, kjo është e dokumentuar që nga kohët e lashtësisë e deri sot e kësaj dite në këtë zonë jetojnë çamë ortodoksë, që gjen në çdo fshat të Çamërisë përfshirë Prevezën.

http://www.balkanweb.com/gazetav4/index.php?id=37303

28.5.2008, 20:14	#1
VNf ngjarjet e fundit newsfeed Anëtarësuar: 5.2008	Gr/ Prefekti i Gjinokastrës propozon copëtimin e Shqipërisë Perëndimore Në 18 maj, prefekti i qarkut të Gjinokastrës, Spiro Ksera, i mbështjellë në qytetin e Konicës me flamurin e "Vorio-Epirit" ka artikuluar publikisht, sipas mediave greke domosdoshmërinë e "kthimit në identitet grek" të Arbërisë së jugut. http://www.balkanweb.com/sitev4/index.php?id=21367

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

28.5.2008, 20:15	#2
mesdimr Anëtarësuar: 8.2006	S'e dija që jugu i Arbrit paska identitet homoseksual, të cilit duhet t'i kthehet... Mos e ngatërron me pasionet e veta ky Spiraqi...