BE-ja drejt centralizimit ekonomik-politik

16.6.2008, 07:11

Citim:

Kriza më e fundit e BE-së bën të qartë se megjithë gjestet kërcënuese dhe ankimet për deficite në komunikim Bashkimi Evropian ka arritur në një pikë kritike, prej ku konflikti themelor i tij nuk mund të menjanohet më. Fjala është për konfliktin mes atyre që janë të interesuar vetëm për një union ekonomik dhe atyre që duan një bashkim politik, konflikt i cili nuk mund të mbahet më i heshtur përmes formulave të kompromisave.

http://www.dw-world.de/dw/article/0,...ed-alb-609-xml

mesdimr · 20.6.2008, 13:45

Mungon udhëheqësi që të centralizojë pushtetin dhe të krijojë më në fund Otomanistanin i ri, ose Bashkimin e ri Sovjetik aq të shumëpritur nga neokomunistët e BE-së. Regjim që do i bëjë dhe një herë lesh e li kombet e vendet me anë të ideologjive politike dhe ekonomike të perandorisë së leshit dhe lisë së radhës, ku njerëzia e bashkuar, solidarizuar e vëllazëruar do jetojnë të lumtur... në supermarkete. I keni lexu naiherë broshurat e BE-së?

Por duke qenë se BE-ja është "institucion demokratik që respekton të drejtën e votës së anëtarëve", do t'i lihet pak kohë qeverisë së Irlandës që "ta ndreqë" atë punën e "Jo"-së së referendumit dhe të bëjë autokritikë para kolektivit:

Citim:

http://www.dw-world.de/dw/article/0,...ed-alb-609-xml

2.10.2009, 21:43

Citim:

Irlanda sërish në votime për Traktatin e Lisbonës

Dablin, 2 tetor Zgjedhësit irlandezë votojnë për të dytën herë brenda 18 muajsh, në referendumin për Traktatin e Lisbonës. Vitin e kaluar, votuesit votuan në shumicë kundër traktatit, që ka si qëllim të rrisë rolin ndërkombëtar të organizatës dhe të thjeshtëzojë marrjen e vendimeve.

Të gjitha vendet duhet ta ratifikojë traktatin që ai të hyjë në fuqi. Kryeministri i Irlandës thotë se nuk ka plan B nëse traktati nuk kalon. Natyrisht që ai e tha këtë edhe herën e kaluar, por tani si në Dablin ashtu si edhe në Bruksel ka konsensus se Traktati është i vdekur nëse irlandezët thonë përsëri jo.

Dhe gjasat janë shumë të vogla. Gjendja ekonomike në Irlandë është aq e zymtë, sa shumë nga votuesit nuk duan të rrezikojnë një tjetër krizë me një votë kundër. Partitë e opozitës nuk kanë pranuar ta kthejnë këtë votim në një referendum për përformacën e qeverisë. Votat e referendumit do të numërohen ditën e shtunë.

http://www.kosova.com/artikulli/56501

5.10.2009, 21:45

Citim:

“Korrigjohet” Irlanda, në Bruksel gëzojnë

Pas numërimit të votave në 43 qarqe zgjedhore, u bë e qartë se irlandezët i thanë Po marrëveshjes së Lisbonës, pothuajse në të gjitha zonat elektorale të Irlandës. Nga tre milionë qytetarët me të drejtë vote, morën pjesë në referendum 58%. Prej tyre 67,1% votuan pro marrëveshjes së reformave në BE. Kryeministri irlandez Brian Cowen, foli për "një ditë të madhe për Irlandën dhe Evropën".

Kryeministri, fati politik i të cilit lidhej ngushtë me rezultatin e referendumit, angazhohet për solidaritet evropian në kohën e krizës ekonomike. "Rezultati i zgjedhjeve të sotme, është një shprehje e qartë e vullnetit të popullit irlandez, që Irlanda të mbetet në zemër të Evropës. I falënderoj të gjithë që jemi së bashku për Evropën. Së bashku jemi më të mirë dhe më të fortë", tha Kryeministri irlandez.

Guy Verhofstadt, kryetari i liberalëve në Parlamentin Evropian, kishte ftuar gazetarët në një irish pub, një klub irlandez në lagjen “Evropa”, që duke trokitur gotat me birrë, tu shprehte gëzimin e tij, lidhur me rezultatin e votimit në Irlandë.

Në të njëjtën kohë, përballë këtij lokali, në kuartierin qendror të Komisionit Evropian, zëvendëskryetarja Margot Wallström rekomandoi ngritjen e gotave për Po-në irlandeze edhe pse ajo vetë nuk është konsumuese e birrës: "Mendoj se sonte ia vlen të pish një apo dy Guiness (birrë irlandeze), pasi besoj se ky është rezultati i drejtë për Irlandën dhe për Evropën".

Ndërkaq shefi i saj, Jose Manuel Barroso, duke falënderuar irlandezët u shpreh se "kjo është një ditë e mrekullueshme për Irlandën, një ditë e mrekullueshme për Evropën". Euforisë së Barrosos i është bashkangjitur edhe presidenti i Parlamentit Evropian, Jerzey Buzek: "Irlandezët treguan pasion të vërtetë për projektin evropian, ata duan të jenë në zemër të Evropës".

Marrëveshja për reforma e Lisbonës duhet të bëjë Bashkimin Evropian më demokratik dhe ajo do të forcojë parlamentet kombëtare dhe Parlamentin Evropian. Po ashtu kjo marrëveshje do ta bëjë më të lehtë qeverisjen. Ajo synon të përshpejtojë proceset vendimmarrëse në institucionet e BE-së dhe ti japë më shumë peshë BE-së në arenën ndërkombëtare.

Por që të hyjë në fuqi, marrëveshja duhet të ratifikohet nga të gjitha vendet anëtare të Bashkimit Evropian. Prandaj tani sytë janë kthyer nga Polonia dhe Çekia, dy vendet e vetme që deri tani nuk e kanë ratifikuar ende atë.

Presidenti çek Vaclav Klaus bëri të ditur, se edhe pas referendumit të suksesshëm në Irlandë pro marrëveshjes për reformimin e BE-së, nuk do ta firmosë së shpejti traktatin e Lisbonës. Klaus, një kritik i vendosur i marrëveshjes, tha se, do të presë fillimisht vendimin e Gjykatës Kushtetuese. Senati çek ka thirrur instancën më të lartë gjyqësore të vendit. Ndërkaq Presidenti polak, Lech Kazhynski, ka njoftuar, se pas pranimit të irlandezëve do ta nënshkruajë shumë shpejt këtë marrëveshje.

Jose Manuel Barroso beson, që pasi marrëveshja të jetë nënshkruar nga Presidenti polak, ajo nuk do të mbahet e bllokuar as nga presidenti çek. "Vaclav Klaus nuk e ka legjitimitetin që të bllokojë vullnetin politik të 26 vendeve anëtare", mendon deputetja socialdemokrate në Parlamentin Evropian, Jo Leinen.

Kolegu i saj liberal, Alexander Lambsdorf, shton: "Besoj se zoti Klaus në Pragë duhet të mendohet mirë, nëse dëshiron të mbetet i fundit që nuk pranon të nënshkruajë marrëveshjen. Unë nuk besoj se ai do të vazhdojë të luajë këtë lojë të papërgjegjshme, por shpresoj që të verë firmën e tij në dokumentin e marrëveshjes".

Kryeministri i Irlandës, Brian Cowen, tha se irlandezët e kanë miratuar Traktatin e Lisbonës me një rezultat bindës. Ai tha se populli irlandez kishte folur me zë të qartë e të fuqishëm pro Traktatit. Më herët ministri i Jashtëm irlandez, Michael Martin, foli për një fitore bindësi të kampit pro-traktatit.

Traktati i Lisbonës synon ta bëjë me efikas procesin e vendimmarrjes së BE-së dhe shihet si dokument me rëndësi kyçe për zhvillimet në të ardhmen e bllokut. Dy nga grupet që bënë fushatë për të votuar kundër po ashtu thanë se traktati është miratuar.

Ka ndodhur një ndryshim masiv nga votimi kundër tek ai pro. Udhëheqës të disa grupeve që kanë bërë fushatë për të votuar kundër e kanë pranuar humbjen. Ministra të kabinetit qeveritar dhe udhëheqës të opozitës që bënë fushatë së bashku për të votuar pro, janë dukshëm të kënaqur. Micheal Martin, ministri i Jashtëm tha se vota pro "është në të mirë të Irlandës".

http://www.gazetametropol.com/tekst.php?idt=62195

Citim:

Evropa në festë, sytë nga ... Çekia

Reagimet e para nga Brukseli për “Po”-në irlandeze kanë qenë euforike. Njëzëri kërkohet tani nga Presidenti çek, Vaclav Klaus, që të nënshkruajë më në fund edhe ai Marrëveshjen e Lisbonës

http://standard-al.com/tekst.php?idt=22281

7.10.2009, 21:51

Citim:

BE-Çeki, takim për Traktatin

Zyrtarë të lartë të Bashkimit Evropian po takohen me kryeministrin çek Jan Fisher. Në qendër të takimit është miratimi i Traktatit të Lisbonës nga Çekia. Pas miratimit nga Irlanda, traktati duhet të marrë dhe po-në çeke.

Presidenti çek, Vasllav Klaus, kundërshtar i zëshëm i traktatit ende nuk e ka nënshkruar dokumentin.

Hyrja në fuqi e traktatit kërkon miratimin e të 27 vendeve anëtare. Traktati i hap rrugën reformave të thella institucionale në BE, përfshi dhe mundësinë e zgjerimit.

http://www.botasot.info/?gjuha=0&category=13&id=33789

14.10.2009, 19:53

Citim:

Barroso shton trysninë ndaj Çekisë

Presidenti i Komisionit të Europës, Jose Manuel Barroso, ka kërkuar nga Çekia që të ratifikojë Traktatin e Lisbonës, pa vendosur me këtë rast pengesa artificiale.

Barroso ka zhvilluar një bisedë me kryeministrin e Çekisë, Jan Fischer, për kompletimin e procesit të ratifikimit të këtij dokumenti në Çeki, proces ky i cili është bllokuar nga presidenti i Çekisë, Vaclav Klaus, i cili nënshkrimin e këtij dokumenti nga ana e tij e ka kushtëzuar me kërkesa të reja.

Që të dy dhomat e parlamentit të Çekisë e kanë ratifikuar Traktatin dhe tani dokumenti pret nënshkrimin e presidentit euroskeptik, Klaus, i cili kundërshton haptazi këtë dokument.

Klaus tani ka kërkuar që për Çekinë të mos vlejë karta për të drejta thelbësore, e cila është pjesë përbërëse e Traktatit.

Barroso theksoi se pikërisht Klaus, gjatë kohës sa ka qenë kryeministër, ka dorëzuar kërkesën për anëtarësimin e Çekisë në BE dhe se ai e ka nënshkruar marrëveshjen për anëtarësimin e vendit të tij në union.

Ai gjithashtu theksoi se një njeri, i cili në funksion është zgjedhur nga ana e parlamentit, duhet t’i respektojë vendimet e këtij organi.

Një grup prej 17 senatorëve euroskeptik çekë ka kërkuar nga Gjykata Kushtetuese e Çekisë që të vlerësojë se a është Traktati i Lisbonës në përputhje me kushtetutën e Çekisë.

http://www.gazetaexpress.com/index.p.../16982/C5/C17/

16.10.2009, 19:48

Citim:

Irlanda e ratifikoi Traktatin e Lisbonës

Dablin, 16 tetor Presidentja e Irlandës, Meri Mekalesi, e ka nënshkruar Traktatin e Lisbonës, duke e kompletuar procesin e ratifikimit, pasi votuesit më herët e miratuan në referendum.

Tash Republika e Çekisë mbetet vendi i vetëm nga 27 anëtarët e BE së, që duhet ta ratifikojë traktatin.

Dokumenti, që synon të lehtësojë vendimmarrjen në BE, është ratifikuar nga parlamenti çek, por presidenti euroskeptik, Vaclav Klaus, ende refuzon ta nënshkruajë atë.

http://www.kosova.com/artikulli/56831

18.10.2009, 14:22

Citim:

Presidenti Klaus: Traktati i Lisbonës ka ecur përpara, nuk mund të bllokohet

Presidenti çek Vaclav Klaus pranoi se traktati për reformimin e Bashkimit Evropian ka ecur kaq shumë përpara saqë ai nuk mund ta bllokojë.

Zoti Klaus i bëri komentet sot për gazetën Lidone Novini. Qeveria çeke dhe parlamenti duhet të miratojnë të ashtuquajturin traktatin e Lisbonës.

Por presidenti çek ka refuzuar ta nënshkruaj atë, duke thënë se nuk është mirë as për Evropën e as për vendin e tij. Ai kundërshton një nen që do të mundësonte anashkalimin e gjykatës çeke dhe do të plotësonte pretendimet e gjermanëve etnik që u përzunë pas Luftës së Dytë Botërore.

Të gjitha vendet e BE-së duhet ta miratojnë traktatin e Lisbonës në mënyrë që ai të hyjë në fuqi.

http://www.voanews.com/albanian/2009...rss=topstories

mesdimr · 18.10.2009, 15:04

Emri: barroso.jpg
Shikimet: 0
Madhësia: 25,5 KB

Rroftë Komiteti Qendror me shokun Barroso në krye!

23.10.2009, 15:53

Citim:

Rehn: Referendumi do të hapte Kutinë e Pandorës

Komisioneri Evropian për zgjerimin i këshilloi liderët e Maqedonisë por edhe ata të Greqisë që të mendohen dy herë para se të vendosin për ndonjë referendum të mundshëm për çështjen e emrit. I ftuar në një seminar të Qendrës së Politikave Evropiane (EPC) në Bruksel, Olli Rehn u pyet nga Alsat-M se çfarë mendon për idenë që qarkullon në Maqedoni për referendum mbi emrin.

«Për referendumin, përgjigja jonë zyrtare është dhe duhet të jetë se i takon çdo shteti anëtar apo vendi kandidat që të vendosë në bazë të kuadrit të vet kushtetues për çështje me rëndësi për integrimin evropian. Por gjithsesi, në politikën reale unë shpresoj se të gjithë liderët në rajon, veçanërisht ata në vendet kandidate, por edhe në vendet anëtare, do të mendoheshin dy herë para se të mbanin referendume mbi çështje që lidhen me zgjerimin evropian. Kjo përbën një Kuti Pandore potenciale dhe unë do të dëshiroja të shmangnim përballjen me situata ku do të rritej kërkesa për referendum, gjë që do ta komplikonte edhe më shumë çështjen tashmë të komplikuar të procesit të anëtarësimit», deklaroi Olli Rehn, Komisioneri Evropian për zgjerimin e BE-së.

(...)

http://alsat-m.tv/index.php/lajme/vendi/19814.html

26.10.2009, 16:32

Citim:

Refuzimi i idesë nacionale
Vehbi Miftari

Një fakt interesant dhe një mundësi për debat. Një paradoks në mes.

Fakti

Ditë më herët, pas përplasjeve dhe debateve të nxehta mes forcave politike, Parlamenti Evropian artikuloi me vendosmëri një premisë politike për funksionim të institucioneve të përbashkëta evropiane, duke përligjur paraprakisht atë që presidenti çek, Klaus, nuk po lejon ta përligj askush: Traktatin e Lisbonës dhe krijimin e institucioneve të fuqishme evropiane.

Natyrisht, ai nuk e bëri këtë duke e votuar traktatin tashmë të mbetur peng nga orientimet nacionale, sepse tek e fundit nuk është Parlamenti Evropian ai që mund ta përligjë traktatin me votim, ndryshe s’do mend se ai do ta bënte që herët këtë.

Por, ai e arriti “përligjjen” e tij në një formë tjetër, po kaq të vështirë, mbase, sa edhe miratimi i traktatit: ai arriti që duke i anashkaluar pikëpamjet nacionale të vendeve anëtare të Bashkimit Evropian, të cilët mbronin teza të fuqishme pro identitetit të tyre nacional, ta refuzonte debatin për çështjet nacionale në parlament, duke i vendosur politikat e përbashkëta evropiane dhe forcimin e institucioneve të përbashkëta përmbi debatet për relacionet politike mes forcave të ndryshme të vendeve anëtare!

Paradoksi

Vendimi u përshëndet, përveç të tjerëve, edhe nga shefi i grupit parlamentar të EPP-së (Partisë Popullore Evropiane), z. Joseph Daul. E, z. Daul është shef i grupit të forcave të djathta politike, i cili ka numrin më të madh të ulëseve në këtë parlament. Ai e përshëndeti miratimin e heqjes së debatit nacional në parlamentin Europian si mundësi për mosluftim të oponentëve politikë për shkak të politikave nacionale.

Por, nëse kemi parasysh se janë pikërisht partitë e djathta ato që e mbështesin mundësinë e debateve të fuqishme për çështjet nacionale, duke e theksuar e ritheksuar identitetin nacional, duket paradoksale kërkesa e të djathtëve për të shmangur debatin për të në Parlamentin Evropian.

Ndërkohë që një vendim i madh për të ardhmen evropiane ka mbetur peng pikërisht i debatit nacional dhe, më qartë ende, i interesit nacional: Traktati i Lisbonës, megjithëse u miratua me referendum nga populli i Irlandës dhe me gjithë që mori bekimin e Polonisë, nuk ka shenja se mund të nënshkruhet shpejt për shkak të ngurrimit të presidentit çek, Vaclav Klaus, për ta nënshkruar atë për shkak të frikës së ndërhyrjes së vendeve të fuqishme anëtare në tregjet në vendin e tij.

Mundësia për debat

Një mik yni çek, analist i politikave nacionale, në shtëpinë e fondacionit “Konrad Adenauer” në Berlin synonte të na bindte me çdo kusht se z. Klaus është duke i pritur zgjedhjet e ardhshme në Britani, me shpresë se konservatorët do të rikthehen në pushtet dhe ata do të mund të organizojnë referendumin të ri për traktatin!

Dhe këtu, z. Klaus mbështetet fuqishëm në politikat nacionale. Qoftë kur refuzon ta nënshkruajë atë, qoftë kur e vë shpresën për përballje me presionin në rikthimin e fuqishëm të një partie të djathtë, asaj konservatore në Britani, ai i rithekson politikat nacionale dhe impaktin e tyre ne politikat e përbashkëta evropiane.

Ndërkohë, debati i fuqishëm në nivelin nacional e ka përfshirë Evropën. Nëse ai do të zhvillohet në parlament, do ta ritheksojë politikën e jashtme evropiane paralisboniane, ose politikën e dominimit të plotë të politikës së jashtme të vendeve anëtare të BE-së në vendimmarrjen politike në Bruksel.

Dhe ky nuk mund të jetë synimi i burokracisë së mbështetur fort në shpresën për miratim të traktatit dhe mundësinë e kapërcimit të dilemave të mëdha për konceptin politik evropian. Nëse ky debat pritet në Parlamentin Evropian, kjo e nënkupton traktatin së brendshmi, ai i jep fuqi strukturës së përbashkët që, qoftë edhe në trajtë të frustrimit të lehtë, ta demonstrojë vullnetin për politika të përbashkëta dhe për fuqi ekzekutive të centralizuar.

As njëra dhe as mundësia tjetër hë për hë nuk kanë formë të përkryer, derisa varen nga vendimi politik i cili, edhe në këtë rast, u takon institucioneve të pavarura nacionale. Por synimi duket se është artikuluar. Paradoksalisht i mundshëm dhe paradoksalisht i vështirë.

Madje, duke ngritur edhe një dilemë të tretë: A po orientohet Europa drejt politikave pragmatiste? Dhe, më tej, a është integrimi evropian i mundshëm vetëm si kurorë e zgjidhjes së çështjeve nacionale, apo si mundësi e largimit të vëmendjes sojesh? Është koha për debat.

http://www.botasot.info/?gjuha=0&category=20&id=35415

27.10.2009, 22:01

Citim:

Traktati i Lisbonës para sfidës çeke

Gjykata Kushtetuese e Republikës Çeke konsideron të martën në Bërno sfidën e fundit ligjore ndaj Traktatit të Lisbonës, i cili synon qartësimin e mënyrës se si drejtohet Bashkimi Europian.

Traktati duhet ratifikuar 27 vendet anëtare para se të marrë fuqi ligjore dhe Republika Çeke është vendi i vetëm që nuk e ka nënshkruar atë akoma.

Gjykata Kushtetuese e vendit do të dëgjojë argumentat e një grupi senatorësh që thonë se Traktati i Lisbonës do të krijojë një super-shtet, duke cënuar kështu sovranitetin çek.

Senatorët gëzojnë përkrahjen e presidentit të vendit, Vaclav Klaus, i cili është kundërshtar i hapur i traktatit.

Një korrespondent i BBC-së në Bërno thotë se gjykata çeke ka marrë disa peticione gjatë ditëve të fundit dhe disa vëzhgues besojnë se, për të marrë vendim, gjyqtarët do të kenë nevojë për më shumë se një ditë.

http://www.botasot.info/?gjuha=0&category=13&id=35740

Citim:

Çekia shtyn takimin për traktatin e Lisbonës

Gjykata kushtetuese në Republikën Çeke e ka shtyrë deri javën tjetër seancën që Traktati i Lisbonës mbi reformën evropiane të hyjë në fuqi.

Republika Çeke është vendi i vetëm nga 27 vendet anëtare të BE-së që nuk e ka nënshkruar ende traktatin që ka si qëllim të përcaktojë mënyrën se si do të drejtohet organizata dhe shihet nga shumë si themelor për zhvillimet e ardhshme.

Gjykata do të vendosë nëse traktati prek sovranitetin çek.

Gjykata Kushtetuese e vendit pritet të dëgjojë argumentat e një grupi senatorësh që thonë se Traktati i Lisbonës do të krijojë një super-shtet, duke cënuar kështu sovranitetin çek.

Senatorët gëzojnë përkrahjen e presidentit të vendit, Vaclav Klaus, i cili është kundërshtar i hapur i traktatit.

Nëse gjykata vendos në favor të traktatit, presidenti çek, Vaclav Klaus, duhet të vendosë nëse ta nënshkruajë atë apo jo, por ai për momentin ka vendosur kushte.

Një korrespondent i BBC-së në Bërno thotë se gjykata çeke ka marrë disa peticione gjatë ditëve të fundit.

http://www.gazetaexpress.com/index.p.../17899/C5/C17/

30.10.2009, 08:42

Citim:

Samiti i BE-së në Bruksel përballë çështjeve të vështira

Udhëheqësit e Bashkimit Evropian janë mbledhur në Bruksel për të diskutuar mbi disa çështje të vështira, ku përfshihen një marrëveshje mbi ndryshimet e klimës dhe përpjekjet për të kapërcyer kundërshtimet e Çekisë ndaj një traktati për reformimin e Bashkimit Evropian.

Republika Çeke është i vetmi vend që nuk e ka nënshkruar traktatin e Lisbonës, i cili thjeshton operacionet e Bashkimit dhe krijon një post të ri të presidentit të BE-së.

Europa është gati për të kaluar nëpër ndryshime strukturore dramatike pas vite diskutimesh dhe pengesash.

Pengesa e fundit për marrëveshjen mbi reformën, e njohur si Traktati i Libonës, do të eliminohet kur republika Çeke të ratifikojë dokumentin, i cili sipas vëzhguesve pritet të ndodhë brenda pak javësh.

Mes reformave të tjera, traktati parashikon një post të ri të fuqishëm të presidentit të BE-së dhe kjo do të jetë njëra prej temave të samitit në Bruksel.

Dy nga konkurrentët më të mundshëm për presidencën e BE-së janë ish kryeministri britanik Toni Bler dhe kryeministri i Luksemburgut, Zhan Klod Zhynker. Një mundësi tjetër është ish presidentja e Irlandës, Meri Robinson.

http://www.voanews.com/albanian/2009...rss=topstories

30.10.2009, 15:37

Citim:

Liderët e BE-së, 'shpëtojnë' Traktatin e Lisbonës

Udhëheqësit e Bashkimit Evropian gjatë një takimi në Bruksel kanë rënë dakord për formulimin e një marrëveshje, e cila do të hiqte pengesën e fundit për hyrjen në fuqi të Traktatit të Lisbonës.

Traktati synon ta bëjë me funksional procesin e vendimmarrjes së bllokut 27 anëtarësh. Hyrja në fuqi e tij është shtyrë për shkak të refuzimit që i ka bërë nënshkrimit të dokumentit presidentit çek, Vaclav Klaus.

Z. Klaus ka argumentuar se Karta e të Drejtave Themelore të BE-së, i mundëson gjermanëve etnikë të dëbuar nga Çekosllovakia pas Luftës së dytë Botërore, që të kërkojnë pronat e tyre atje.

Udhëheqësit e Be-së ranë dakord që ta lejonin Republikën Çeke që të mos e nënshkruante Kartën.

Një zëdhënës për presidentin Klaus tha se ai nuk do të ngrinte shqetësime të tjera.

Marrëveshja e arritur në Bruksel tani duhet të hapë rrugën që z. Klaus, një euroskeptik i zjarrtë, të përfundojë procesin e ratifikimit të Traktatit.
Korrespondentja e BBC-së në Bruksel thotë se ajo përbën një sukses që udhëheqësve të BE-së iu desh në këtë samit.

Ata nuk arritën të tejkalonin mosmarrëveshjet në një çështje tjetër të rëndësishme: atë të fondeve që duhet tu japin vendeve në zhvillim për të luftuar ndryshimet klimatike.

Udhëheqësit e Be-së e nisën procesin e Traktatit të Lisbonës para tetë vjetëve.

Traktati, thanë atëherë ata, synonte që ta bënte BE-në një institucion më demokratik, më transparent dhe më efikas dhe që t'i mundësonte funksionim më të mirë gjatë procesit të zgjerimit.

Me traktatin krijohen dy poste: ai i presidentit evropian dhe i Ministrit të Jashtëm të BE-së.

Komisioni, Parlamenti Evropian dhe Gjykata Evropiane e Drejtësisë do të marrin kompetenca të reja, ndërkohë që vendet anëtare do të humbasin të drejtën e vetos në disa fusha.

http://alsat-m.tv/index.php/bota/20013.html

Citim:

BE pranoi kushtet e Çekisë

Presidenti i Komisionit të Europës, Jose Manuel Barroso, theksoi se tetë vjet të hartimit dhe negociatave për Traktatin, ja “kujtojnë atij maratonën, por një maratonë me pengesa”. “Sot ne eliminuam pengësen e fundit politike”, tha Barroso.

Kryeministri i Suedisë, Fredrik Reinfeldt, i cili kryesoi samitin e udhëheqësve të BE-së në Bruksel, theksoi se udhëheqësit e unionit janë pajtuar me kërkesën e Çekisë, që presidenti i këtij vendi, Vaclav Klaus, të nënshkruajë Traktatin, nëse Gjykata kushtetuese e Çekisë konstaton se Traktati nuk bie ndesh me ligjet kombëtare të Çekisë. Pritet që Gjykata kushtetuese e Çekisë do ta shpallë vendimin javën e ardhshme.

Kryeministri i Çekisë, Jan Fischer, theksoi se marrëveshja është një hap përpara dhe siguroi homologët e tij se nëse gjykata mbështetë Traktatin, atëherë asgjë nuk mund të pengojë më ratifikimin e Traktatit në Çeki, para përfundimit të këtij viti.

Jiri Weigl, kryesues i zyrës së Klausit, theksoi se presidenti i Çekisë e konsideron rezultatin si mjaft pozitiv, duke shtuar se Klaus nuk do të vendos më pengesa tjera në procesin e ratifikimit të Traktatit.

Klaus ka refuzuar të nënshkruaj Traktatin, përderisa vendit të tij të mos i ofrohen koncesione në kuadër të Kartës për të drejta thelbësore. Presidenti i Çekisë e ka kërkuar këtë opsion, për shkak të brengave se gjermanët e dëbuar nga Çekosllovakia gjatë Luftës së Dytë Botërore mund të ngritin padi për dëmshpërblim kundër shtetit çek.

Reinfeldt theksoi se shtetet fqinje, si Hungaria dhe Sllovakia, të cilat janë frikësuar nga pasojat e mundshme, nëse unioni pranon kërkesën e Klausit, janë pajtuar me tekstin e kompromisit, i cili mundëson përmbushjen e kushteve të Çekisë.

Klaus kërkesën për mospërfshirjen e Çekisë në Kartën për të drejta thelbësore e ka shfrytëzuar për të zvarritur procesin e ratifikimit të Traktatit, të cilin ai e kundërshton. Ai frikësohet se Traktati do t’i bartë së tepërmi kompetenca kombëtare institucioneve të BE-së në Bruksel.

Sidoqoftë, trysnia ndaj tij për ratifikimin e Traktatit u shtua, pasi që irlandezët në fillim të këtij muaji votuan në favor të Traktatit, në referendumin e dytë që u organizua në Irlandë për këtë dokument.

http://www.gazetaexpress.com/index.p.../18067/C5/C17/

31.10.2009, 08:23

Citim:

BE nuk arrin të zgjedhë presidentin e parë

Liderët e Bashkimit Evropian nuk kanë arritur marrëveshje për të zgjedhur presidentin e parë të unionit.

Udhëheqësit e BE-së thanë se ndoshta do të duhet një samit tjetër për të zgjedhur presidentin.

Si kandidat i mundshëm, shtypi e ka përmendur ish kryeministrin britanik Toni Bler, por shpresat e tij u zbehën pasi nuk arriti ta sigurojë bekimin e socialistëve evropianë, që janë aleatë të partisë së tij Laburiste.

http://www.rtv21online.com/home/?sec...ls&newsid=5252

Citim:

Europa, nivel rekord papunësie

Bota mund të jetë në fazat e para të kapërcimit të krizës por të dhënat që vijnë janë shqetësuese. Europa po përballet me nivelin më të lartë të papunësisë që nga viti 1999. Lajmi vjen nga zyrat europiane të statistikave, Eurostat sipas së cilës niveli i papunësisë arriti në 9.7 përqind në muajin shtator që përkthehet në mbi 22 milionë të papunë, 15 milionë prej të cilëve vetëm në zonën e Euros.

Të dhënat aspak ngushëlluese konfirmohen edhe nga kreu i Fondit Monetar Ndërkombëtar Domenik Straus Khan, i cili tha se bota gjendet përballë 12 muajve të tjerë të rritjes së papunësisë. Duhet të përpilojmë një strategji të fortë që të dalim nga kjo krizë kërkoi numri një i FMN, por sipas tij kjo strategji duhet të implementohet në momentin kur të arrihet pika më e lartë e papunësisë.

Këshilla e Straus Khan nuk është aspak ngushëlluese ndërsa miliona njerëz presin me padurim fundin e epokës më të errrët financiare që nga Lufta e Dytë Botërore.

http://www.tvklan.tv/lajmi.php?id=7772

3.11.2009, 23:05

Citim:

Traktati është 'kushtetues'

Gjykata kushtetuese e Republikës Çeke ka vendosur se Traktati i Lisbonës i Bashkimit Evropian përputhet me kushtetutën e këtij vendi.

Kjo gjykatë kishte marrë një ankesë nga një grup senatorësh çekë.

Republika Çeke është vendi i vetëm nga 27 anëtarët e Bashkimit Evropian që nuk e ka ratifikuar Traktatin e Lisbonës.

Tashmë Bashkimi Evropian është fare afër ratifikimit të këtij traktati.

Ai tashmë duhet të nënshkruhet nga presidenti çek, Vaclav Klaus, përpara se të hyjë në fuqi.

Presidenti Klaus ka thënë se nuk do të ketë pengesa të tjera për ratifikimin e traktatit të Lisbonës.

Ky traktat konsiderohet si shumë i rëndësishëm për funksionimin në mënyrë të efektshme të kësaj organizate me 27 anëtarë.

http://www.bbc.co.uk/albanian/news/2...3_lisbon.shtml

4.11.2009, 11:21

Citim:

Çekia nënshkruan traktatin e Lisbonës

Presidenti çek Vaclav Klaus nënshkroi traktatin për reforminin e Bashkimit Evropian, duke u bërë udhëheqësi i fundit evropian që mbështet dokumentin historik.

Firma e zotit Klaus, që njoftoi për nënshkrimin sot, është hapi i fundit në ratifikimin e traktatit.

Gjykata Kushtetuese e Republikës çeke kishte deklaruar disa orë më parë se traktati ishte në përputhje me kushtetutën e vendit, duke eliminuar kështu pengesën e fundit për ratifikimin e dokumentit.

Udhëheqësit e Bashkimit Evropian që u takuan javën e kaluar në Bruksel ranë dakord të pranojnë kushtet çeke për nënshkrimin e traktatit të reformave.

Presidenti Çek kishte kërkuar një përjashtim nga karta e të drejtave e traktatit për të mbrojtur Republikën Çeke nga pretendimet për pronat të gjermanëve entikë të përzënë nga Çekosllovakia pas Luftës së Dytë Botërore.

http://www.voanews.com/albanian/2009...rss=topstories

Citim:

BE mirëpret vendimin e Çekisë për miratimin e Traktatit

Bruksel, 3 nëntor Udhëheqësit e Bashkimit Evropian kanë mirëpritur vendimin e drejtësisë çeke, që i hapi rrugën miratimit të Traktatit të Lisbonës.

Kreu i Komisionit Evropian, Zhose Manuel Barroso, tha se "nuk do të duhet të ketë pengesa të tjera të panevojshme, që do të parandalojnë hyrjen në fuqi të traktatit".

Gjykata Kushtetuese e Çekisë ka vendosur se Traktati i Lisbonës i Bashkimit Evropian është në linjë me kushtetutën e vendit. Republika e Çekisë është i vetmi vend i BE së që ende nuk e ka ratifikuar traktatin, i cili duhet të miratohet nga të gjitha vendet anëtare që të hyjë në fuqi.

Parlamenti i Çekisë e ka mbështetur marrëveshjen, por presidenti Vaclav Klaus e priste vendimin e gjykatës para se ta nënshkruajë.

http://www.kosova.com/artikulli/57214

4.11.2009, 19:12

Citim:

Më 1 dhjetor hyn në fuqi Traktati i Lisbonës

Traktati i Lisbonës do të hyjë në fuqi më 1 dhjetor, ka njoftuar kryeministri suedez, vendi i të cilit ka kryesimin e radhës së BE-së.

Fredrik Reinfeld tha se pas miratimit nga Çekia, do të fillojë këshillimet për presidentin e ardhshëm dhe shefin e politikës së jashtme evropiane, siç i parasheh Traktati.

Çekia është shteti i fundit që ka ratifikuar traktin shumë të diskutueshme për reformat në Evropë.

http://www.kohavision.net/index.php?...ac=0&Itemid=68

Citim:

Tirana zyrtare përshëndet ratifikimin e Traktatit të Lisbonës

Tiranë, 4 nëntor - Tirana zyrtare përshëndet përfundimin e procedurave të ratifikimit të Traktatit të Lisbonës pas nënshkrimit të tij nga ana e Presidentit çek, Vaclav Klaus.

Kryeministri Sali Berisha përfundimin e procesit të ratifikimit të Traktatit të Lisbonës, e vlerëson si një ngjarje historike për mbarë Europën dhe si një përgjigje përfundimtare ndaj euroskepticizmit. - Për të gjitha kombet që aspirojnë të anëtarësohen në BE dhe janë në marrëdhënie kontraktuale me BE në, ndër ta kombi shqiptar, ka thënë Berisha.

Edhe Ministria e Punëve të Jashtme të Shqipërisë përshëndet përfundimin e ratifikimit të Traktatit të Lisbonës.

"Hyrja në fuqi e Traktatit të Lisbonës, shënon fillimin e një epoke të re dinamike për të ardhmen e Bashkimit Evropian, duke rritur njëkohësisht efikasitetin e Unionit dhe peshën e tij në arenën ndërkombëtare", thuhet në deklaratën e MPJSH.

http://www.kosova.com/artikulli/57255

Citim:

Sllovenia e Kroacia arrijnë marrëveshje për kufirin

Nënshkrimi i këtij dokumenti ishte kusht që Sllovenia t'i zhbllokojë negociatat e Kroacisë me Bashkimin Evropian.

Kryeministri slloven Borut Pahor dhe homologia e tij kroate, Jadranka Kosor kanë nënshkruar të mërkurën në Stokholm marrëveshjen për kufijtë, duke i hapur kështu rrugën Zagrebit për anëtarësim në Bashkimin Evropian.

Nënshkrimi i marrëveshjes u bë në Stokholm, pasi Suedia ka kryesinë e radhës së Bashkimit Evropian.

Marrëveshja në fjalë është arritur pasi ka fituar dritën jeshile nga deputetët në Kuvendin e Kroacisë dhe pajtueshmëri të anëtarëve të Komitetit të Sllovenisë për politikë të jashtme.

Kroacia e Sllovenia kanë pasur mosmarrëveshje lidhur me vijën kufitare detare.
Nënshkrimi i këtij dokumenti ishte kusht që Sllovenia t'i zhbllokojë negociatat e Kroacisë me Bashkimin Evropian.

http://rtv21online.com/home/?section...ls&newsid=5388

Kandhaon · 5.11.2009, 08:57

Nevojitet propagandim kundër integrimit, dhe në momente kyçe nevojiten kundërshtime të hapura me protesta. Le të shkruhet në kronikat e kohës, se të paktën dikush e kundërshtoi këtë proces.

6.11.2009, 11:33

Citim:

Ratifikimi i “Lisbonës”, Berisha: Për skeptikët, përgjigjja më e mirë

Kryeministri Sali Berisha vlerësoi dje ratifikimin e Traktatit të Lisbonës nga të gjitha vendet anëtare të Unionit, përfshirë tashmë edhe Çekinë, duke e cilësuar ditë historike si dhe përgjigjen më të mirë ndaj skeptikëve të zgjerimit të Bashkimit Evropian.

Sipas tij, për të gjitha kombet që aspirojnë të anëtarësohen në BE dhe janë në marrëdhënie kontraktuale me BE-në, ndër ta dhe kombi shqiptar, kjo përbën një ngjarje madhore dhe shumë të mirëpritur, por edhe një përgjegjësi më të madhe nga ana jonë për të qëndruar në lartësinë e detyrave që kërkon ky proces.

Kryeministri vuri në dukje se miratimi i Traktatit u jep përgjigje të gjitha hezitimeve, procesi i zgjerimit nuk ka më një efekt negativ në ecurinë e Traktatit dhe kjo është një gjë shumë e madhe.

Sipas tij, performanca jonë mbetet përcaktuese në procesin e integrimit. Berisha përmendi: “Ne kemi paraqitur kandidaturën për të fituar statusin e kandidatit. Në samitin e fundit të Partive Popullore Evropiane, unë mora garanci se e vetmja çështje që ka mbetur, është problemi i konstituimit të Parlamentit gjerman. Sipas vendimit të Gjykatës Kushtetuese gjermane, e cila vlerësimin e Traktatit e ka gjetur në përputhje me Kushtetutën gjermane, por kërkohet që qeveria të konsultohet me Parlamentin për të gjithë hapat e vendimet që ajo merr e që kanë lidhje me Bashkimin Evropian, me zgjerimin e tij dhe politika të tjera në tërësi”.

Berisha informoi qeverinë se Kancelarja Merkel i dha garanci të plotë se pas konstituimit të Parlamentit, do të bëjë çdo përpjekje për ta zgjidhur këtë çështje në kohën më të shkurtër.

“Ne gjithashtu, duhet të përpiqemi me çdo kusht, me seriozitetin më të madh t’u përgjigjemi të gjitha kërkesave të Marrëveshjes së Stabilizim-Asociimit, të përgatitemi për përgjigjen më të saktë të mundshme të pyetësorit, që do të ketë me mijëra pyetje, të ecim, ashtu siç po ecim, me seriozitet shumë të madh në plotësimin e të gjitha kërkesave për heqjen e vizave. Ky proces ka ecur me seriozitet të madh dhe jam i bindur se e gjithë problematika do të trajtohet po kaq seriozisht sa është ajo e heqjes së vizave, të cilën shqiptarët mezi e presin”, - deklaroi z. Berisha.

Po dje, edhe Ministria e Punëve të Jashtme përshëndeti përfundimin e procedurave të ratifikimit të Traktatit të Lisbonës pas nënshkrimit të tij nga ana e Presidentit të Republikës Çeke z. Vaclav Klaus.

Sipas MJ-së, hyrja në fuqi e Traktatit të Lisbonës shënon fillimin e një epoke të re dinamike për të ardhmen e Bashkimit Evropian, duke rritur njëkohësisht efikasitetin e Unionit dhe peshën e tij në arenën ndërkombëtare.

http://standard-al.com/tekst.php?idt=23337

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

18.10.2009, 15:04	#9
mesdimr Anëtarësuar: 8.2006	Rroftë Komiteti Qendror me shokun Barroso në krye!

5.11.2009, 08:57	#19
Kandhaon Bisha Anëtarësuar: 8.2006 Vendndodhja: Në breshta, mes bredhave,	Nevojitet propagandim kundër integrimit, dhe në momente kyçe nevojiten kundërshtime të hapura me protesta. Le të shkruhet në kronikat e kohës, se të paktën dikush e kundërshtoi këtë proces.