BE-ja drejt centralizimit ekonomik-politik

7.2.2010, 23:36

Citim:

Gjermania hedh bazat për krijimin e ushtrisë europiane

Gjermania synon krijimin e një ushtrie europiane e cila do të jetë nën kontrollin e parlamentit.

Sipas ministrit të Jashtëm gjerman Guido Vestervele, i cili është i pranishëm në konferencën për sigurinë në Mynih, një lider botëror do të ketë mundësinë të reagojë më shpejt ndaj krizave.

Faktikisht, ekziston një mission i përkohshëm me emrin EUFOR, megjithatë Traktati i Lisbonës jep mundëisnë për krijimin e strukturave të përhershme ushtarake.

http://www.shqipmedia.com/2010/02/gj...ise-europiane/

8.2.2010, 17:03

Citim:

Anglishtja kundër frëngjishtes

Bruksel, 8 shkurt – Franca vazhdon të mbrojë përdorimin e frëngjishtes si gjuhë të diplomacisë në OKB dhe institucionet tjera ndërkombëtare, në të cilat anglishtja po bëhet e padiskutueshme, shkruan sot “Financial Times” në faqen e parë.

Përpjekjet e përtërira të Parisit për të siguruar ardhmërinë e gjuhës së vet në qarqet ndërkombëtare u shkaktuan pjesërisht par emërimit të britanikes Catherine Ashton për shefe të diplomacisë së Unionit Evropian.

Frëngjishtja e saj e keqe, dikur e paimagjinueshme për zyrtarin e lartë të BE-së, ka shkaktuar nervozizëm në mediet franceze dhe ka nxitur shqetësimin e Parisit se “lady Ashton” do të ndërtojë makinerinë diplomatike anglofone të Bashkimit Evropian.

Franca javën e kaluar në OKB dërgoi një përfaqësues të lartë, ish-kryeministrin Jean-Pierre Raffarin, me detyrën që të insistojë në respektimin e frëngjishtes si një prej gjuhëve punuese të organizatave botërore.

Megjithatë, të gjithë francezët nuk janë të shqetësuar për këtë.
Jacques Lafitte, lobist francez në Bruksel, deklaroi për “Financial Times” se anglishtja është bërë latinishtja e kohës moderne, gjuhë të cilën e kuptojnë të gjithë, që është shumë praktike. Pse të kundërshtojmë ngritjen e saj, pyet Jacques Lafitte në “Financial Times”.

http://www.koha.net/index.php?cid=1,6,11083

8.2.2010, 17:04

Citim:

BE: Kriza e Greqisë, mund të infektojë 26 vendet e tjera

Nën presionin e shtimit të borxheve të shteteve të ndryshme anëtare, Europa ka gjasa të bjerë përsëri në krizë të plotë ekonomike dhe financiare, duke shkaktuar një situatë mjaft serioze.

Për këtë arsye, Brukseli është ende duke folur për mbajtjen e situatës nën kontroll duke siguruar mbikqyrjen maksimale. Po përtej deklaratave zyrtare, në korridoret e Brukselit si dhe në Frankfurt, ka një shqetësim në rritje lidhur me një krizë të re ekonomike e cila mund të përhapet nga Greqia, e cila ka një deficit të lartë, në vendet si Spanja dhe Portugalia, me një rrezik të infektimit shumë të gjerë.

Për këtë arsye, mendohet të vihen kredi në dispozicion nga shtetet individuale, në koordinim me grupin e 27 vendeve anëtare të BE-së për të mos lejuar kështu transportimin e krizës nga Greqia në shtete të tjera të Bashkimit Evropian.

Ndërkaq, për Bankën Qendrore Evropiane, një shqetësim të mash po paraqet edhe rënia poshtë e vlerës së euros, e cila po ndryshon kuota minimale kundër dollarit.

http://www.ikub.al/1002080010/Articl...t-e-tjera.aspx

13.2.2010, 12:14

Citim:

The Guardian: Merkel kundërshton “shpëtimin” e Greqisë

Kancelarja gjermane Angela Merkel hodhi poshtë planin e shpejtë për shpëtimin financiar të Greqisë, në samitin e zhvilluar dje nga liderët e Bashkimit Evropian.

Lajmi për dështimin e planit bëhet i ditur nga gazeta e njohur britanike “The Guardian”. Ky plani ofronte propozime konkrete për të ndihmuar vendin ballkanik të dalë nga kriza e borxheve.

Gazeta citon zyrtarë të paidentifikuar, të thonë se plani specifik dhe i shpejtë për shpëtimin financiar të Greqisë u refuzua nga Merkeli, pavarësisht një show franko-gjerman dhe deklaratës së BE-së, se blloku po i dërgonte Greqisë një mesazh të qartë solidariteti.

Merkel ka theksuar se, Athina duhet t'i zgjidhë vetë problemet e saja. "Gjermania po e konsideron me kujdes të madh asistencën financiare, si në fushën ligjore ashtu edhe në parim'', tha një zyrtar i lartë i BE-së, sipas ''The Guardian''.

Një tjetër diplomat i lartë i BE-së, paidentifikuar, sipas gazetës, tha se ''Gjermania nuk po tund në ajër bllokun e çeqeve''. Liderët evropianë kërkuan dje të mbështesin Greqinë me fjalë inkurajuese, por pa ofruar hapa specifikë.

Presidenti i BE-së, Herman van Rompuy dhe Merkeli thanë se nuk ishte e mundur t'i ofroje Greqisë sesi mund të ndihmohej ajo, ndërkohë që Athina nuk kishte kërkuar asistencë specifike nga Bashkimi Evropian.

http://www.gazetastart.com/lajm.php?...nomia&nr=11161

Citim:

Tani edhe FMN-ja i ofron ndihmë Greqisë

Washington, 13 shkurt – Fondi Monetar Ndërkombëtar (FMN) iu bashkua BE-së, duke iu ofruar ndihmë Greqisë në përpjekjet e saj për të vënë nën kontroll rritjen e deficitit buxhetor.
Njoftimi i FMN-së pasoi pas samitit të BE-së, nga ku Athinës iu dërgua “porosi e qartë solidariteti”, por jo edhe plani preciz i shpëtimit, që zhgënjeu tregun dhe çoi në dobësimin e vlerës së euros dhe bonove të thesarit të qeverisë greke.

Një burim nga BE-ja më herët njoftoi se ky bllok planifikon të kërkojë nga FMN mendim këshillëdhënës për masat financiare për shpëtimin e Greqisë, por jo edhe paratë e këtij institucioni.

Greqia këtë vit duhet të sigurojë rreth 53 miliardë euro për financimin e buxhetit të vet dhe ri financimin e borxheve, të cilat këtë vit mund të rriten në 290 miliardë euro, që është afër 120 % të bruto prodhimit kombëtar (GDP) të këtij vendi.

Deficiti buxhetor i Greqisë vitin e kaluar ka arritur 12.7 % të GDP-së, duke kaluar limitin në BE për më shumë se katër herë.

http://www.koha.net/index.php?cid=1,5,11583

13.2.2010, 20:23

Citim:

Ekspertët: Kolapsi i euros i pashmangshëm

Kolapsi i monedhës së përbashkët europiane është i pashmangshëm. Deklarata është e ekspertëve të grupit Societte Generale, siç është Albert Eduards.

Britanikja Daily Mail shkruan se një politikë e normave të interesit, e njëjtë për të gjithë ka bërë që shumë vende të humbasin aftësinë, për të konkurruar.

Adaptimi i euros në shtetet që kanë pasur një monedhë të dobët, ka bërë që normat e interesit të bien. Paralajmërimi vjen në një kohë që monedha europiane ka humbur 10 % të vlerës së saj, e ka shënuar rënie ndaj dollarit amerikan dhe paundit britanik.

Eduards thotë se projekti i euros ka qenë me gabime që në fillimet e implentimit të tij. Adaptimi i saj nuk ka sjellë ndonjë efekt të dukshem në krijimin e vendeve të reja të punës, apo rritjen ekonomike.

Raporte të ndryshme vënë në dukje se që nga prezantimi i euros në vitin 1999, nuk ka pasur rritje në tregtimin e të mirave dhe shërbimeve, e po kështu, BE-ja është bërë e paaftë të rrisë ekonominë.

Përfitimi për vednet jashtë euros,- shkruan Daily Mail,- është se mbështetja e ekonomisë mund të realizohet, madje vetëm duke e mbajtur monedhën vendase në nivele të ulëta, në kursin e këmbimit. Kjo nuk është e mundur në eurozonë.

Ekspertë të ndryshëm thonë se vendet që përdorin euron, do të vuajnë për vite të tëra deflacionin, çrregullimin e standardeve të jetesës, e po kështu edhe nga shkurtimet në buxhet për të mbajtur në këmbë ekonomitë.

Eduards thotë se madje edhe planet e BE-së për shpëtimin e ekonomisë greke, thjesht po vonojnë thyerjen e eurozonës, pasi Brukseli po mundohet të mbulojë disa të meta të projektit euro, që shpesh ekspertët britanikë e kanë cilësuar një plan politik e një eksperiment të rrezikshëm.

http://www.tvklan.tv/lajmi.php?id=9336

17.2.2010, 04:59

Citim:

“Wall Street” ndihmoi Greqinë të fshehë borxhet

New York, 15 gusht - Taktika financiare të zhvilluara në “Wall Street”, të ngjashme me ato që shkaktuan krizën botërore, kanë ndihmuar Greqinë të fshehë sasinë reale të borxhit të vet para monitoruesve evropianë. Dokumente dhe intervista të grumbulluara nga “The New York Times” tregojnë se si bankat amerikane ndihmuan qeveritë greke të shpenzojë përtej mundësive të veta, duke shkelur limitet e përcaktuara nga Bashkimi Evropian pa u vënë re.

Një prej marrëveshjeve të realizuara me ndihmën e “Goldman Sachs” fshehu një pjesë të konsiderueshme të borxhit të qeverisë greke. Edhe pse kriza iu afrua pikës kritike, bankat punuan vazhdimisht për të ndihmuar Greqinë në shtyrjen e zgjidhjes së problemit më vonë.

Bankierët ofruan një instrument financiar që e fshinte borxhin e sektorit publik të shëndetësisë së Greqisë nga bilanci i buxhetit të shtetit, skemë kjo e ngjashme me rastet kur kredimarrësit marrin një kredi të dytë për të shlyer të parën.

Një skemë e tillë duket se ka dalë me sukses në të shkuarën. Në vitin 2001, pikërisht kur Greqia u anëtarësua në Eurozonë, “Goldman” e ndihmoi Athinën të merrte hua miliarda euro pa u vënë re nga monitoruesit. Marrëveshja nuk u bë publike pasi banka e klasifikoi atë jo si borxhdhënie, por si veprim këmbimi valutor.

Ndërsa Greqia po dërrmohet nga kriza e vet e borxhit, shumë pyetje po lindin mbi rolin që bankat ndërkombëtare kanë luajtur në futjen e vendeve të ndryshme në krizë. Disa instrumente financiare të quajtura “derivate” u zhvilluan posaçërisht për t’i mundësuar qeverive greke e italiane të marrin borxh shuma të mëdha në mënyrë të fshehtë.

Qeveria greke mësohet se përmes skemave të tilla la peng të ardhurat që do të krijohen nga taksat e aeroportit apo nga lotaria kombëtare në vitet e ardhshme. Por në fakt, instrumentet moderne dhe të pakuptueshme për publikun e gjerë qenë thjeshtë borxhe me emër të ri. Disa nga këto lloj borxhesh u emëruan sipas figurave mitologjike greke. Njëra u quajt “Eol”, sipas Perëndisë së Erës në Greqinë e lashtë.

Kriza e shfaqur në Greqi ka vënë në pikëpyetje vetë ekzistencën e euros dhe unitetin ekonomik të kontinentit. Njësoj si bankat amerikane, ky vend konsiderohet si tepër i madh për t’u lënë të falimentojë. Ajo i detyrohet botës 300 miliardë euro dhe falimentimi i Athinës mund të fusë në vështirësi të gjithë botën. Palët e prekura nga zbulimet e fundit nuk pranuan të komentojnë mbi çështjen.

Bankat e “Wall Street”-it nuk e krijuan problemin e borxhit në Evropë, por ekspertët e tyre i ndihmuan këto vende të marrin hua përtej asaj që mund të përballojnë përmes marrëveshjeve që konsiderohen tërësisht ligjore. Ka shumë pak rregulla mbi atë se sa para mund të marrë borxh një vend. Tregu i borxheve sovrane, siç quhen në “Wall Street” borxhet që marrin qeveritë, është praktikisht i pafundmë.

“Nëse një qeveri dëshiron të mashtrojë investitorët, ajo mund t’ia dalë me lehtësi”, komentoi Garry Shcinasi, një ekspert veteran i Fondit Monetar Ndërkombëtar.

http://www.koha.net/index.php?cid=1,5,11822

Citim:

Kryeministri grek në Rusi për bisedime tregtare

Kryeministri grek George Papandreou tha se po kërkon më shumë mundësi komerciale në Rusi, duke thënë se tregtia mes dy vendeve ka ende vend për tu zgjeruar. Zoti Papandreou gjendet në Moskë për bisedime me preisdentin rus Dmitri Medvedev dhe kryeministrin Vladimir Putin. Kjo është vizita e parë e zotit Papandreou në Rusi në postin e kryeministrit.

Ai i tha agjencisë ruse të lajmeve Itar-Tass se megjithë lidhjet e shkelqyera politike mes Greqisë dhe Rusisë, marrëdheniet ekonomike ende nuk paraqesin mundësinë reale. Ai tha se tregtia e zgjeruar mes Greqisë dhe Rusisë është e mundëshme, kryesisht në fushën energjitike, turizëm, ushqim dhe teknologjinë e avancuar.

Zyrtarët grek dhe rus thonë se zoti Papandreou dhe presidenti Medvedev gjithashtu kanë në plan të bisedojnë rreth marrëdhënieve të Rusisë me NATO-n, konfliktet rajonale, dhe se si Greqia mund ta ndihmojë Rusinë të përgatitet për të organizuar lojërat olimpike dimërore të vitit 2014. //kh//

http://www.voanews.com/albanian/2010...rss=topstories

21.2.2010, 10:21

Citim:

Papandreu kërkon ndihmën e BE-së

Londër, 20 shkurt - Greqia po shqyrton vendosjen e masave shtesë për uljen e deficitit buxhetor, të sugjeruara nga Bashkimi Evropian, për të rikthyer besimin e investitorëve dhe kapërcimin e krizës fiskale, deklaroi kryeministri Jorgo Papandreu.

"Nevojitet një vlerësim për të parë se ç’duhet bërë para se të ndërmarrim një vendim në lidhje me masat shtesë të politikave ekonomike", deklaroi ai në një konferencë për shtyp gjatë vizitës së tij në Londër.

Ai bëri të qartë se Athina mund të ketë nevojë për ndihmë financiare nga BE-ja, po ashtu dhe mbështetje politike, të cilën tashmë e ka pasur.

"Po kërkojmë mbështetje politike nga Bashkimi Evropian dhe, nëse do të jetë e nevojshme, mbështetje ekonomike po ashtu", theksoi Papandreu.

http://www.koha.net/index.php?cid=1,5,12336

Citim:

''Der Spiegel'': Rreth 25 miliardë euro për Greqinë

Berlin, 20 shkurt - Ministria gjermane e Financave deklaroi se vendet të cilat kanë në përdorim monedhën euro do të bashkëpunojnë për t'i siguruar Greqisë një fond ndihme financiare prej 20-25 miliardë eurosh, njoftoi sot e përjavshmja gjermane ''Der Spiegel''.

Duke cituar ''shqyrtimet fillestare të situatës'' të realizuara nga ministria, ''Der Spiegel'' njoftoi se përqindja e ndihmës financiare që çdo vend do të duhet të sigurojë për Greqinë do të përllogaritet në bazë të proporcionit të kapitalit që secili vend ka në Bankën Qendrore Evropiane(BQE).

Ministri gjermane i Financave nuk bëri asnjë koment të menjëhershëm në lidhje me njoftimin.

http://www.koha.net/index.php?cid=1,5,12335

24.2.2010, 22:47

Citim:

BE-ja do të padisë Greqinë

Komisioni Evropian ka paralajmëruar se do ta padisë Greqinë në Gjykatën Evropiane në Luksemburg, për shkak se nuk i është përmbajtur rregullave fiskale.

Sipas të dhënave të Komisionit, Greqia ka mundësuar lehtësime tatimore dhe ka ndihmuar sipërmarrjet e mëdha industriale gjatë viteve 2003 dhe 2004.

Në vitin 2007 Komisioni ka shpallur ilegale rregullat sipas së cilave është vepruar në Greqi dhe ka urdhëruar Athinën që prej këtyre sipërmarrjeve të kërkojë që t'i kthejnë paratë.

Deri më sot kjo nuk ka ndodhur, deklaroi një zëdhënës i Komisionit. Greqia aktualisht ka borxhe në vlerë prej rreth 300 miliardë euro. Buxheti i saj është nën kontrollin e BE-së.

http://www.botasot.info/?gjuha=0&category=13&id=48950

Citim:

Bullgaria dhe problemet me BE-në
24/02/2010

Bullgaria mbetet një nga vendet më të varfra të BE-së dhe një nga më të korruptuarat. Tre vjet pasi Bullgaria dhe Rumania u futën në BE shumë si brenda, ashtu dhe jashtë mendojnë se ky veprim ka qenë një gabim.

Bullgaria është vendi i parë anëtar i BE-së, të cilit ju ngrinë qindra milionë euro në grante për shkak të dyshimeve se ndihma mund të kalonte nëpër kanalet e mafies. Bullgaria mbetet një nga vendet më të varfra të BË-së dhe një nga më të korruptuarat.

http://www.gazetametropol.com/tekst.php?idt=64229

26.2.2010, 05:25

Citim:

Greqia është kudo - BE është e pafuqishme ndaj falsifikimeve të statistikave

Të gjithë kanë dyshuar, shumë e kanë ditur, ndërsa askush nuk ka ndërmarrë asgjë. Grekët kanë zbukuruar pa problem të dhënat e tyre statistikore dhe i kanë manipuluar bilancet ekonomike.

Shkaku është që partnerët evorpianë nuk kanë dashur ta pranojnë se kanë gabuar, kur e kanë pranuar Greqinë në zonën e euros. Që prej fillimit.

Kryesuesi i grupit të 16 vendeve që bëjnë pjesë në zonën e euros, kryeministri i Luksemburgut Jean-Claude Juncker përpiqet tani të mbrohet.

"Shkaku që nuk i kemi parë ato që është dashur të shihen në Greqi nuk qëndron vetëm tek fakti që ministrat e financave në Bruksel nuk kanë shikuar me vëmendje. Shumë më shumë problemi qëndron tek fakti që qeveria greke na ka paraqitur të dhëna falso."

Që Greqia ka paraqitur në Bruksel disa herë të dhëna të manipuluara për borxhet ka qenë e ditur. Qeveria greke e ka tepruar shumë vitin e kaluar. Në prill Athina ka paraqitur borxhe të reja në vlerë prej vetëm katër për qind të aftësive të saj ekonomike, ndërkohë që borxhet e vërteta ishin gati 13 për qind.

Në raportin e Komisionit Evropian për mashtrimet statistikore të Greqisë thuhet, se ekspertët evropianë të paktën pesë herë kanë shprehur dyshimin për të dhënat e paraqitura statistikore, por për qeverinë greke nuk ka pasur kurrfarë pasojash.

"Komisioni i BE-së po sillet si ata tre majmunët: asgjë nuk sheh, asgjë nuk dëgjon dhe asgjë nuk thotë. Problemi është që këtë e ka ditur dhe është dashur të veprojë në mënyrë aktive."

Kështu shprehet Inge Grässle, eksperte për çështjet buxhetore në grupin parlamentar të partive të Unionit në Parlamentin Evropian. Dhjetë herë kanë qenë ekspertët evropianë të statistikave në Greqi që prej vitit 2004 dhe kanë biseduar me autoritetet greke për këto probleme. Por as kjo nuk ka ndryshuar asgjë, sepse ka munguar mbështetja politike.

Profesori Ansgar Belke i Institutit Gjerman për Studime Ekonomike mendon se mosveprimi është ndër shkaqet kryesore të kësaj gjendje.

"Në fillim shumë probleme që po i shohim sot janë shpjeguar me bashkimin e zonës së euros. Sipas dëshirës politike, ky rreth është zgjeruar më shumë se sa ishte rrethi i vendeve bazë."

Tani problemi qëndron në faktin se zjarri po kërcënon të përhapet dhe se gjendja mund të dalë jashtë kontrollit. Prandaj BE-ja ka vendosur të trajtojë seriozisht çështjen dhe t'i kontrollojë të dhënat dhe bilancet.

Inge Grässle mendon se masat e tanishme janë vetëm një aksion e madje edhe më keq: premtime të kota. "Kam frikë se reforma e tanishme ka vetëm karakter kozmetik. Kam frikë se nuk do të ketë rezultate të cilat të gjithë i presim dhe për të cilat kemi nevojë, për shkak të vendeve meshtruese."

Grekët nuk kanë mundur madje as personat që kanë mashtruar t'i nxjerrin para organeve të drejtësisë. Manipuluesit e dikurshëm tani janë në opozitë dhe janë të domosdoshëm që në parlament të miratohen reformat e domosdoshme.

http://www.dw-world.de/dw/article/0,,5283825,00.html

mesdimr · 26.2.2010, 05:31

Bashkimi i Supermarketeve s'kontrollon dot një shtet si Greqia... e aty ne i bie të zgjidhkemi çështjen tonë kombëtare... "të integruar".

27.2.2010, 06:50

Citim:

Papandreu: Më shumë solidaritet nga BE-ja për krizën e borxhit të Greqisë

Kryeministri i Greqisë George Papandreu bëri thirrje për më shumë solidaritet të Bashkimit Evropian lidhur me krizën e borxhit të Greqisë, dhe i shpalli planet për ta vizituar Gjermaninë, mbështetja e së cilës do të ishte jetike për ndonjë ndihmë të BE-së.

Kriza e buxhetit në Greqi e ka dobësuar euron, dhe ka ngritur shqetësime për probleme të ngjashme edhe në vendet si Spanja dhe Portugalia.

Dje, kancelarja gjermane Angela Merkel tha se euroja është në “situatë të vështirë” për të parën herë që kur filloi të përdoret në vitin 1999.

http://www.botasot.info/?gjuha=0&category=23&id=49231

3.3.2010, 04:10

Citim:

Franca dhe Gjermania do blejnë borxhin grek

Përfaqësues të qeverisë franceze dhe gjermane po shqyrtojnë një plan në vlerë prej 30 miliardë euro për shpëtimin e Greqisë nga kriza, në të cilën hyri ky vend anëtar i eurozonës.

Kështu shkruajnë gazetat ndërkombëtare, duke shtuar se pakoja e masave nënkupton blerjen e borxhit grek nga ana e institucioneve franceze dhe gjermane, kryesisht banka në pronësi shtetërore.

Ndërkohë i plan të tillë duhet të aprovohet nga presidenti francez Nikolla Sarkozi dhe nga kancelarja gjermane Angela Merkel të cilët kërkuan kohë për t'u menduar. Këto mjete i nevojiten Greqisë për t'i paguar borxhet.

http://www.ora-news.com/mat1.php?idm=48916

Citim:

Merkel: Pa politikë financiare solide euroja bëhet e sulmueshme

Hanover, 2 mars Sipas mendimit të kancelares gjermane, Angela Merkel, euroja gjendet aktualisht para sfidës së tij më të madhe. Pas një takimi me kryeministrin spanjoll Zhose Luis Rodriguez Zapatero, në Hanover, ajo theksoi rëndësinë e paktit të stabilitetit dhe të rritjes ekonomike.

Në rast se jo të gjitha vendet rikthehen në një politikë financiare solide, euroja bëhet i sulmueshme, tha kancelarja. Zapatero u tregua në Hanover i bindur se vështirësitë mund të zgjidhen në kuadër të paktit të stabilitetit.

Spanja, që ka aktualisht kryesinë në BE, konsiderohet si kandidat problematik në respektimin e kufirit të deficitit.

http://www.kosova.com/artikulli/60039

6.3.2010, 02:44

Citim:

Si po tkurret dalëngadalë ëndrra e Eurofilëve
Simon Robinson

Ky duhet të ishte momenti kur Evropa të forconte muskujt. Vjeshtën e kaluar, pas një dekade me punë të lodhshme kushtuar thjeshtësimit të bërjes së politikave dhe krijimit të një Bashkimi Europian më eficent brenda dhe më të fortë jashtë, e vetmja gjë që arriti të bënte, ishte të firmoste një dokument prej 1.000 faqesh që njihet me emrin Traktati i Lisbonës.

Në nëntor u zgjodhën Presidenti i parë real dhe ministri i Jashtëm i Bashkimit Evropian. Eurofilët shkundën pluhurin që kishte zënë ëndrrën e tyre të famshme: të krijimit të një superfuqie të re botërore guximtare, e cila do të ngrihej në këmbë për të qetësuar çështjet konfliktuale, duke përdorur ndihmë dhe bindje kur të ishte e nevojshme, por megjithatë gjithmon e përgatitur për të dërguar trupa ushtarake kur të ishte e detyruar.

Brukseli do të drejtonte luftën kundër ndryshimit klimatik dhe ekonomia e Europës do t'u tregonte tregjeve të lira të Amerikës Veriore dhe Azisë se tregu social vazhdon ende të ofrojë rrugën më të mirë dhe të sigurt për të dalë nga një krizë ekonomike.

Ëndrra nuk zgjati as një muaj. Në konferencën e ndryshimit klimatik në Kopenhagen në dhjetor, ishin Kina dhe Shtetet e Bashkuara ata që negociuan rreth një marrëveshjeje përfundimtare, ndërkohë që Evropa qëndronte e ulur në një cep.

Në vend të një triumfi të politikës së jashtme, viti 2010 ka nisur me një debatin e madh për të shpëtuar apo jo Greqinë, borxhet e të cilës e kanë zhytur shumë thellë monedhën europiane. Në të njëjtën kohë, Presidenti i Shteteve të Bashkuara, Barack Obama ka deklaruar se do t'i anashkalonte bisedimet BE-SHBA gjatë muajit maj në Spanjë dhe tashmë Europa po kalon një periudhë ku e ndjen veten shumë të dyshimtë.

Nuk është aspak çudi që pjesa tjetër e botës ka filluar të pyesë: Çfarë kuptimi ka Bashkimi Evropian? Kush është vendi i tij në një botë që duket se po dominohet nga Kina dhe Shtetet e Bashkuara? A do ta vinte re njeri nëse ajo do të zhdukej?

Le të qartësojmë diçka: Evropa është padyshim një vend shumë i mirë për të jetuar. Shumica e vendeve anëtare të Bashkimit Evropian janë ndër vendet më të pasura të botës. Punëtorët në Europë zakonisht gëzojnë me pushime të gjata, leje lindje bujare dhe skema të rehatshme pensioni. Sigurimi universal shëndetësor shihet si baza e një kontrate sociale. Evropa është politikisht stabile dhe donatorja më bujare e ndihmës së zhvillimit në botë. Sigurisht taksat mund të jenë të larta, por evropianët duken të lumtur që paguajnë më shumë për shtetin në këmbim të një cilësie më të lartë dhe të garantuar të jetës.

"BE-ja ofron një model atraktiv social, ekonomik dhe politik", argumentoi vitin e kaluar Charles Grant, drejtor i Qendrës për Reforma Evropiane me bazë në Londër.

"Është më e qëndrueshme, e sigurt, e gjelbër dhe me kulturë të ndryshme në krahasim me pjesën më të madhe të botës, gjë që është arsyeja pse fqinjët duan të bashkohen me Europën dhe shumë emigrantë e kanë destinacionin kryesor".

Por jeta e mirë në brendësi nuk e bën Evropën më të fortë jashtë. Bashkimi Europian mund të ketë të gjitha kredencialet e një superfuqie të butë në botë, por në pjesën më të madhe të kohës i ka munguar pesha dhe ndikimi i të tjerëve. Ndonjëherë, ai thjesht duket i paaftë për të thënë atë që mendon.

Uashingtoni dhe Pekini mund të grinden herë pas here, por SHBA-ja ka një politikë të arsyeshme dhe të mirëartikuluar në Kinë: angazhohen ekonomikisht, inkurajojnë demokracinë dhe kritikojnë rreth të drejtave të njeriut kur janë të papërshtatshme.

Bashkimi Europian lufton për çështje të tjera të mëdha. "Kur vjen puna për të shtypur problemet ndërkombëtare, si Afganistani, Pakistani apo Koreja e Veriut, BE-ja është kryesisht i padukshme ose mungon", shkruan Grant në esenë e tij, të titulluar në mënyrë provokative "Evropa, është destinuar të dështojnë si fuqi?".

Lucio Caracciolo, redaktor i "Limes", një nga revistat italiane kryesore të politikës së jashtme, thotë se problemi është një gjellë e mbetur e Luftës së Ftohtë. Periudha pas Luftës së Dytë Botërore ishte një epokë e artë për Evropën Perëndimore, një kohë e rindërtimit nën ombrellën e sigurisë së SHBA-ve, argumenton ai. Kur kjo epokë përfundoi, Evropa hyri në shok.

"Ne jemi në mohim", thotë Caracciolo. "Ne e shohim se amerikanët nuk janë të interesuar - për ta thënë me zë të butë - ndaj interesave tona dhe tashmë ne e kemi futur kokën tërësisht në rërë". Evropa vendos me kënaqësi", tha Caracciolo, "se Afganistani dhe Irani janë punët e amerikanëve. "Çdo krizë e madhe është diçka që duhet analizuar jashtë vendit. Ne nuk jemi në korent me përgjegjësitë e kohës".

Traktati i Lisbonës, me ngritjen e zyrave të reja të Presidentit të Këshillit Evropian dhe Përfaqësuesit të Lartë për Çështjet e Jashtme dhe Politikën e Sigurisë, pritej të ndryshonte gjithçka.

Në praktikë, megjithatë, Europa e re do të drejtohet nga një mekanizëm kompleks me katër akse: Presidenti dhe ministri i Jashtëm, nga vendi që mban presidencën e radhës, Presidenti i Komisionit Evropian dhe kryetarët kombëtarë të shteteve dhe qeverive.

Skema e re duket si një parodi e të gjitha gabimeve që ekzistojnë në Bashkimin Europian, burokratike dhe e komplikuar, e ndërtuar me opsione më pak të keqija dhe me sa duket e projektuar për të nxitur më tepër luftat në terren se sa veprimin.

Kritikët e cilësojnë zgjedhjen e Herman Van Rompuy si President i Evropës dhe Catherine Ashton si ministre e Jashtme, si simbol i mungesës së vizionit. Van Rompuy, ish-Kryeministri belg, është i njohur për aftësinë e tij për të balancuar ndjeshmërinë lokale - që nuk është diçka e vogël në Belgjikë - dhe mikluar kampet kundërshtare drejt një konsensusi.

Pa dyshim këto atribute janë shumë të rëndësishme, por fatkeqësisht nuk janë ato të nevojshmet për të rritur vlerën e Europës në skenën ndërkomëbtare.

Ashton, një ish-ministër britanik dhe komisioneri evropian i tregtisë, ka pak përvojë në punët e jashtme. "Van Rompuy dhe Ashton të japin përshtypjen se janë zgjedhur për shkak të limiteve të tyre se sa për meritat", thotë Dominique Moisi, këshilltar i lartë në Institutin Francez për Marrëdhëniet Ndërkombëtare. Një zyrtar i lartë evropian mendon se kur vjen puna tek vetëprojektimi i Bashkimit Europian, zgjedhja e Van Rompuy dhe Ashton është që grupi do të duhet të përshtatet vetë me pesë vjet performancë të dobët.

Është ende shumë herët për të gjykuar ekipin e ri, natyrisht. Van Rompuy dhe Ashton mund të bëjnë edhe çudira. "Ne duhet të jemi ambiciozë", tha Ashton për revistën "TIME" në fund të janarit. Por për gjithë atë ambicie, Evropa nuk është më afër përgjigjes së pyetjes së famshme të drejtuar nga Henry Kissinger: "Kë duhet të telefonoj kur dua të flas me Evropën?". Pra, çfarë mund ta shpjegojë hendekun midis ambicies së deklaruar të Evropës në politikën e jashtme dhe performancës së saj? Dhe si mund të mbyllet ky hendek?

Po sikur të mos kishte Evropë?

Le t'ja fillojmë me historinë. Koncepti modern i një Evrope të bashkuar lindi në epokën e Luftës së Dytë Botërore dhe e zuri gjumi mbi idenë se fati i paevitueshëm i Gjermanisë, Francës dhe pjesës tjetër të Evropës mund t'i jepte fund dhunës që kishte pushtuar kontinentet për shekuj me radhë. Duke gjykuar në këtë mënyrë - dhe pavarësisht dështimit për të parandaluar për t'i dhënë fund luftave të vazhdueshme jugosllave - BE-ja ka ecur për mrekulli.

Për pjesën më të madhe të kohës, udhëheqësit e saj kanë qenë të lumtur duke u përqendruar në politikat e brendshme: një treg i vetëm, një monedhë evropiane dhe lëvizjen e lirë të njerëzve.

Mbrojtësit e BE-së, për më tepër, mund të argumentojnë se në partneritetin e saj të menjëhershëm, suksesi i saj ka patur një efekt demonstrues që nuk është për t'u nënvlerësuar. Ashtu si Greqia, Portugalia dhe Spanja donin të kopsisnin të drejtat e tyre demokratike duke u bashkuar me BE në vitin 1980, ashtu edhe vendet s Evropës Lindore dhe Qendrore kërkuan menjëherë të bëheshin anëtare të BE-së sapo shpëtuan nga zgjedha sovjetike.

Duke zgjeruar një zonë të paqes dhe qeverisë liberale në lindje, BE-ja ka bërë shumë për të qetësuar një pjesë të botës, e cila jo shumë kohë më parë ishte vatër konfliktesh vdekjeprurëse.

Megjithatë, përtej partneriteteve të saj, BE-ja rrallë herë e ka demonstruar peshën e saj kolektive. Arsyeja kryesore për këtë, sigurisht, është që shtetet anëtare ende janë të interesuara për të mbrojtur dhe për të ndjekur interesat e tyre kombëtare, në vend që të përfshihen në një organ shumëkombësh.

Ka edhe një rast, mjaft shtete europiane e mendojnë se Evropa do të jetë më mirë nëse vazhdon të synojë ulët. "Shumë pak vende evropiane e shohin rolin e BE-së si një fuqi", thotë Moisi. "Ata e shohin Evropën si një vend - me një treg të përbashkët, një monedhë të përbashkët, por jo një fuqi që duhet të projektohet në botën e jashtme".

Ky argument fillon të prishet kur ke aspirata për të ndihmuar rregullimin e botën. Gjatë dekadës, shumë evropianë kanë dashur ta mendojnë BE-në si një kundërpeshë për Uashingtonin dhe tani Pekinin: një fuqi e madhe, e pasur, por më zemërmirë. Pyetni Catherine Ashton që të përcaktojë idealet e Evropës dhe do të shihni se aspiratat e saj janë larg nga modestet: "Demokracia. Të drejtat e njeriut", thotë ajo. "Dëshira për të parë vende të qëndrueshme, të sigurta, me të cilat i gëzohemi dialogut politik dhe marrëdhënieve ekonomike".

Evropa ka të drejtë të mendojë gjëra të mëdha - si për hir të vet dhe për atë të të tjerëve. Shumë në pjesën tjetër të botës do të mirëpresnin me kënaqësi një zë më të fortë evropian. Kryeqytetet nga Pretoria në Uashington, kërkojnë vazhdimisht më shumë nga aleatët e tyre evropianë. Si ndihmësi i Sekretarit të Shtetit për çështjet e Evropës dhe Euroazisë, Philip H. Gordon tha në Komitetin e Punëve të Jashtme pas ratifikimit të Traktatit të Lisbonës të vitit të kaluar: "Ne shpresojmë se vendet anëtare të BE-së do të investojnë për institucionet pas Traktatit të Lisbonës me autoritet dhe kapacitet për të bërë kontribute konkrete për të shtypur sfidat globale me të cilat po përballemi së bashku".

Në Afrikë, Indi, Amerikë Latine, liderët do të tejkalojnë veten e tyre për t'u angazhuar shumë më ngushtë me një fuqi që nuk është as SHBA-ja dhe as Kina - të dy kombe që e konsiderojnë vetën tepër të fuqishme, tepër të drejta për vlerat e tyre, tepër të afta për të parë ndërveprimet e të tjerëve në vend të interesave të tyre kombëtare.

Por, nëse Evropa do të realizojë ëndrrat e saj dhe në të njëjtën kohë edhe ato të të tjerëve, ajo duhet të ndryshojë mënyrën se si bën biznes. Nëse do të vepronte si një bllok i vetëm i vërtetë do të kishte një ndikim më të madh.

Një nga problemet në takimet ndërkombëtare, thotë Jean-Pierre Lehman, një profesor i ekonomisë politike ndërkombëtare në IMD në Zvicër, është se BE-ja është "paralizuar nga anëtarët e saj". Një zyrtar i lartë aziatik i përshkruan ato - me tërbim të dukshëm - se si liderët evropianë flasin pafund me njëri-tjetrin në takimet ndërkombëtare. "Ata janë shumë snobë", thotë ai, dhe kjo nuk duhet marrë si një kompliment.

Tjetër, evropianët duhet të vlerësojnë se vetëm idealet nuk mjaftojnë për të fituar respekt. Të duhet mund për t'i bindur të tjerët të qëndrojnë në anën tënde. Evropa ka bërë shumë në ndërtimin e politikës globale për ndryshimin e klimës, duke vendosur qëllime për reduktimin e karbonit, duke prezantuar tregjet e para ku mund të tregtohet karboni dhe duke drejtuar rrugën e shfrytëzimit të burimeve të gjelbëra të energjisë.

Udhëheqësit evropianë mbërritën në kryeqytetin danez duke dhënë përshtypjen se të qenut një shembull do të ishte e mjaftueshme për të bindur të tjerët të bënin lëshime. Por konferenca mori një kthesë të ndryshme. Një grup i vendeve në zhvillim kërcënuan se do të largoheshin.

Në konferencën e Kopenhagenit, Obama hyri në një dhomë ku delegatët nga Kina, po takoheshin me ata nga Brazili, India dhe Afrika e Jugut. Ata arritën një marrëveshje dhe pastaj ia paraqitën atë Evropës dhe pjesëmarrësve të tjerë.

"Ishte një takim global i organizuar nga një vend evropian, në BE, në një zonë ku BE-ja kishte diçka për të ofruar", thotë Lehman i IMD-së. "Por ai ishte një poshtërim i madh. Evropa ishte jashtë dhomës". "Mësimi i dhimbshëm i Kopenhagenit ishte se askush nuk të merr seriozisht ... në qoftë se nuk je një aktor serioz", thotë Moisi.

Kontinenti Paqësor

Me një ironi të hidhur, bindja më e lavdishme e Europës moderne, që është se forca e armëve rrallë zgjidh mosmarrëveshjet politike për një kohë të gjatë, është pikërisht ajo që e pengon atë që të jetë një lojtare më e fuqishme. Kombet evropiane kanë dërguar mijëra të rinj dhe të reja për të luftuar kundër Talibanëve, por kujtimet nga shekulli XX tregojnë se opinioni publik europian nuk ka dëshirë të angazhohet në luftën në Afganistan.

Më 20 shkurt, qeveria holandeze e aleancës u rrëzua për shkak të një mosmarrëveshjeje në lidhje me vendimin se kur duhet t'i jepej fund shpërndarjes së vendit. Qeveria gjermane përballet me sfida të mëdha të brendshme në pranimin se forcat e saj në Afganistan janë nisur atje për të luftuar dhe jo për të qenë punëtorë humanitarë me uniformë.

Për Uashingtonin, i cili e di se bota mbetet ende një vend i rrezikshëm, këto qëndrime janë bërë një shqetësim serioz. Më 23 shkurt, në seminarin e konceptimit strategjik të NATO-s, Sekretari amerikan i Shtetit, Robert Gates ka qenë veçanërisht i hapur.

"Demilitarizimi i Evropës - ku grupime të mëdha të klasave politike dhe publikut të përgjithshëm janë kundër forcave ushtarake dhe rreziqeve që vijnë nga to - është kthyer nga një e mirë e madhe e shekullit XX, në një pengesë të vërtetë për arritjen e sigurisë kombëtare dhe paqes së qëndrueshme në shek 21."

Shumica e diplomatëve evropianë do të pajtoheshin me të. Pas fjalimit, një diplomat foli për një "inerci" ndërmjhet evropianëve kur përballen me kërcënime të reja. "Ne duhet t'i përshkruajmë opinionit publik", tha ai, "botën ku jetojmë sot".

Por kjo kërkon udhëheqje politike, gjë që në shumicën e Evropës mungon. Po, Britania e di se ka ende një rol botëror, po ashtu edhe Franca, Presidenti Nicolas Sarkozy i së cilës, ka qenë aktiv në çështjet që nga lufta e Gjeorgjisë në vitin 2008 e deri tek pasojat e një Irani bërthamor. Por shteti më i madh i BE-së mungon në debatet e tilla.

Përgjatë gjysmës së fundit të shekullit XX, Gjermania ka qenë në qendër të eksperimentit evropian. Por, që nga fundi i Luftës së Ftohtë, ajo ka bërë një hap prapa në BE, duke ndjekur rregullisht rrugë të ndryshme, kur Evropa është përpjekur të krijojë një politikë të unifikuar (sidomos gjatë krizës financiare të vitit 2008 dhe 2009), si dhe duke forcuar lidhjet me Rusinë, pavarësisht hidhërimit të Britanisë dhe Francës.

"Në prapaskenë Gjermania është ende mjeshtre kukullash në BE, duke tërhequr dhe lëshuar fijet", thotë Ulrike Guérot, kreu i zyrës së Berlinit në Këshillin Evropian për Marrëdhëniet me Jashtë. "Por nganjëherë Berlini vendos të mos tërheqë asnjë fije, rast në të cilin nuk ndodh asgjë. Gjermania po fillon të bëhet eksperte në shmangien e Evropës në një mënyrë shumë të rafinuar".

Të tjerë vërejnë dështimin e Evropës në gjetjen e një zëri të përbashkët. Kina, për shembull, është bërë shumë e aftë që të manipulojë anëtarët e Bashkimit Evropian individualisht kundër njëri-tjetrit.

"Ka një mungesë të plotë të një debati strategjik në Evropë rreth Kinës", thotë Daniel Korski, anëtar i lartë i politikës në Këshillin Evropian për Marrëdhëniet me Jashtë. Në vend që të trajtohet ky dështim - prioritet i qartë për këtë shekull - Evropa ka shpenzuar muajt e fundit duke vlerësuar mënyrën se si duket në Uashington.

Obama ka vizituar Evropën gjashtë herë që prej marrjes së detyrës dhe ka bërë vetëm një udhëtim në Kinë. Por vendimi i presidentit të SHBA-së për të mënjanuar takimin në Spanjë dhe dështimi i tij për të marrë pjesë në 20-vjetorin e rënies së Murit të Berlinit, e ka bërë Evropën të sillet si një dashnor xheloz. Shtypi francez njoftoi se Sarkozi u detyrua të ngushëllonte një Merkel të mërziur përpara ceremonisë së Murit, duke e përshkruar Obamën si një person, prezenca e të cilit ishte e domosdoshme.

"Nëse bëni një përpjekje vërtetë të madhe, ai do t'ju dërgojë një letër", tha Sarkozi, sipas gazetës "Le Point", "dhe nëse i uleni në gjunjë, atëherë do të keni nderin e shprehjes 'Me sinqeritet' në fund të letrës, të shkruar nga dora e tij".

Siç e parashikojnë ata të ardhmen, udhëheqësit e BE-së nuk mund t'i shmangen dot më pyetjes së vështirë: Është një politikë e përbashkët e jashtme ajo që shtetet anëtare të saj - dhe zonat e brendshme të tyre politike - me të vërtetë duan? Nëse nuk është, atëherë pjesa tjetër e botës mund të rregullojë pritmëritë e saj në përputhje me rrethanat.

Nëse është, atëherë evropianët mund të fillojnë punën e vërtetë të diplomacisë publike, duke folur për virtytet e tyre të sigurta të tolerancës, kompromisit dhe bujarisë, jo në një mënyrë mospërfillëse, por në një mënyrë që të bëhet e qartë se si kontinenti më i errët i shek XX arriti të gjejë rrugën e tij drejt paqes. BE-ja mund të punojë më shumë për të zbutur tensionet në sferën e saj të interesit - duke siguruar që Bosnja të mos të ketë shanse të bjerë më në konflikt, duke punuar ngushtë me Turqinë për të ndihmuar potencialin e saj të madh për inkurajimin e një prosperiteti të ri të Evropës Lindore, duke arritur kështu një partneritet të vërtetë për të gjitha vendet e Afrikës Veriore (një tjetër ide e mirë e Sarkozy për të parë nëse ata mund të tërhiqen brenda zonës evropiane të prosperitetit).

Duke mos bërë asgjë dhe duke iu dorëzuar inercisë, BE-ja do të fitojë disa miq të rinj. "I mërzituri Presidenti Obama ka humbur tashmë durimin me Evropën që ngul këmbë në mungesën e saj totale të koherencës dhe qëllimit", sipas Këshillit Evropian për Marrëdhëniet me Jashtë.

"Në një botë post-amerikane, Shtetet e Bashkuara e dinë se kanë nevojë për partnerë efektivë. Në qoftë se Evropa nuk arrin të piqet, SHBA-ja do të kërkojë partnerë të tjerë të privilegjuar për të bërë biznes me të".

Kjo, duhet të thuhet, dhe është më e lehtë të thuhet se sa të bëhet. Ne nuk duhet të harrojmë: Evropa është e pasur dhe demokratike, vlerat e saj janë më afër me ato të SHBA-se se me këdo vend tjetër. Por, evropianët nuk mund të mbështeten në bindjen se do të jenë të privilegjuarit e amerikanëve përgjithmonë. Bota përtej kufijve të Evropës po ndryshon shpejt.

"Ajo çfarë është më e rëndësishmja tani", thotë Constanze Stelzenmüller, anëtar i lartë i transatlantikut në Fondin gjerman Marshall të Berlinit, "është të dimë se çfarë mund të sjellë Evropa në tryezë". Deri më tani, është sjellë shumë pak. A duan evropianët që kjo të ndryshojë? Nëse po, tani është koha më e volitshme për t'u çuar në këmbë dhe për ta thënë me zë të lartë.

http://www.rilindjademokratike.com/R...s/speciale.htm

9.3.2010, 06:17

Citim:

Islandezët kundër dëmshpërblimit të Britanisë së Madhe dhe Holandës

Islandezët kanë refuzuar me një shumicë të madhe votash në referendum mundësinë e pagesës së dëmshpërblimit për Britaninë e Madhe dhe Holandën, për shkak të falimentimit të Bankës "Icesave".

Mediat njoftojnë se në referendum rreth 93 për qind e qytetarëve kanë votuar kundër ligjit për dëshmshpërblim të miratuar prej parlamentit në vitin 2009. Ligji parashikonte që qeverive të Londrës dhe Hagës deri në vitin 2024 t'u paguhen gradualisht 3,8 miliardë euro. Ato u kanë paguar rreth 300.000 qytetarëve të vet këtë shumë për shkak të humbjeve të kursimeve në Bankën "Icesave".

Banka ka falimentuar për shkak të krizës ekonomike. Islanda është kandidate për anëtarësim në Bashkimin Evropian. Mbetet të shihet, nëse Britania e Madhe dhe Holanda do të bllokojnë planet e Rejkjavikut për anëtarësim.

http://www.botasot.info/?gjuha=0&category=13&id=50505

10.3.2010, 04:40

Citim:

Brukseli përkrahë idenë e Gjermanisë për një Fond Monetar Evropian

Nisma e Gjermanisë për ngritjen e një Fondi Monetar Evropian, ka gjetur mbështetje edhe nga Komisioni i Bashkimit Evropian në Bruksel. Komisari për financat,Olli Rehn tha për gazetën "Financial Times Deutschland",se komisioni është gati për të propozuar një instrument të tillë që të ruajë mbështetjen e vendeve të Eurozonës.

Aktualisht po punohet ngushtë për këtë çështje me Gjermaninë, Francën dhe vende të tjera të BE-së. Si reagim ndaj krizës së rëndë financiare në Greqi, ministri gjerman i Financave Wolfgang Schäuble kishte propozuar formimin e një instituti europian sipas modelit të Fondit Monetar Ndërkombëtar, FMN, që do të kishte të drejta përkatëse për të ndërhyrë.

http://www.botasot.info/?gjuha=0&category=23&id=50683

10.3.2010, 07:11

Citim:

Papandreu kërkon ndihmë financiare nga SHBA

Kryeministri grek Jorgo Papandreou bëri thirrje për reforma financiare globale dhe u kërkoi Shteteve të Bashkuara të vendosin rregulla më të rrepta ndaj fondeve të mëdha të investimeve që sipas Greqisë ndikuan në përkeqësimin e krizës së saj ekonomike. Zoti Papandreu u takua dje me Sekretaren e Shtetit, Hillari Klinton ndërsa sot do të ketë një takim në Shtëpinë e Bardhë me Presidentin Obama.

Kryeministri grek Papandreu po kërkon mbështetje më të madhe nga Shtetet e Bashkuara dhe Bashkimi Europian për masat e ashpra të qeverisë së tij që synojnë të zbutin deficitin e madhe buxhetor të vendit.

Ai u tha gazetarëve se nuk kishte ardhur në Shtetet e Bashkuara për të kërkuar ndihmë financiare.

"Ne thjesht kërkojmë të jemi partnerë të barabartë dhe i kemi marrë këto masa që edhe ne të mund të marrim kredi si të tjerët, pra me përqindje normale interesi,” tha zoti Papandreu.

"As kryeministri Papandreu dhe as Greqia nuk kanë kërkuar ndonjë gjë nga Shtetet e Bashkuara,” u tha zonja Klinton gazetarëve.

Pas takimit me Sekretaren Klinton në Departamentin e Shtetit, zoti Papandreu tha se Greqia po kërkon rrugë brenda Bashkimit Evropian për të përmirësuar shanset e saj për të marrë kredi.

Greqia po zbaton një plan masash emergjence për të pakësuar deficitin buxhetor që kap 12,7% të prodhimit të përgjithshëm kombëtar dhe ka paralajmëruar se nëse europianët nuk japin një zgjidhje, ajo do t’i drejtohet për ndihmë Fondit Mondetar Ndërkombëtar.

Por Ministri i Financave, Jorgo Papakonstantinu, i cili dje ishte në selinë e Fondit Monetar në Uashington, tha se ai thjesht kishte kërkuar këshillë teknike për reformat në fushën e taksave dhe të buxhetit.

"Ne nuk kemi kërkuar ndihmë financiare, dua ta bëj këtë fare të qartë. Nuk e kemi përjashtuar një gjë të tillë në të ardhmen por ne po përpiqemi të gjejmë një zgjidhje europiane të problemit,” tha ministri grek.

Nëse FMN-ja ndërhyn për të ndihmuar, kjo do ta vinte në pozitë të vështirë Bashkimin Europian pasi do të nënkuptonte se BE-ja është e paaftë të zgjidhë problemet e veta.

Vizita e zyrtarëve grekë në Uashington bëhet ndërkohë që Greqia përpiqet të kapërcejë problemet e mëdha ekonomike të cilat u rënduan pas ardhjes së socialistëve të Papandreut në pushtet. Faktet treguan se defiti buxhetor ishte shumë më i madh se sa kishte bërë të ditur qeveria e mëparshme.

Zyrtarët europianë janë të shqetësuar se deficiti buxhetor i Greqisë mund të çojë në rënien e vlerës së euros. Gjatë një diskutimi në Intitutin Brookings të Uashingtonit, kryeministri Papandreu paralajmëroi për pasojat:

"Për Amerikën, një euro e dobët nënkupton diçka tjetër, nënkupton ndodhta një dollar të fortë. Dhe kjo nga ana e saj çon në rritjen e deficitit tregtar amerikan. Nëse nuk ndihmon Bashkimi Europian, i cili është ende partneri më i madh tregtar i Amerikës, atëhere pasojat në Shtetet e Bashkuara do të ishin të dukshme,” tha zoti Papandreu.

Nga ana e tij, ministri i financave Papakonstantinu paralajmëroi se fuqitë kryesore ekonomike të botës ende nuk i kanë venë në zbatim ndryshimet që duhen bërë për të shmangur një tjetër krizë ekonomike.

"Pyetja e vërtetë që duhet t’i bëjmë vetes në të dyja anët e Atlantikut është: a kemi nxjerrë ne mësime nga kriza financiare? Mendoj se përgjigja e ndershme është se megjithë njëfarë vullneti politik për ta bërë këtë, ne në fakt ende nuk i kemi marrë të gjitha masat."

Kjo temë pritet të diskutohet edhe sot gjatë takimit të kryeministrit grek Papandreu me Presidentin Obama në Shtëpinë e Bardhë.

http://www.botasot.info/?gjuha=0&category=23&id=50946

Citim:

Obama i premton ndihmë Greqisë

Kriza ekonomike në Greqi, integrimi evropian i vendeve të rajonit në Ballkanin Perëndimor dhe marrëdhëniet Athinë-Ankara, ishin temat kryesore në takimin e mbrëmshëm të presidentit amerikan Barak Obama me kryeministrin grek Jorgos Papandreu.

Pas takimit, Papandreu deklaroi se është jashtëzakonisht i kënaqur nga biseda me Obamën, të cilin e ka informuar për gjendjen e ekonomisë greke dhe për planet e Qeverisë së tij për zbatimin e "masave të vështira" për kursim, theksoi se me rëndësi të veçantë do të jetë të kthehet "imazhi i vjetër i Greqisë në tregun ndërkombëtar".

Sipas tij, Obama është angazhuar që problemi i Greqisë të jetë në rend dite në Samitin e G-20 që do të mbahet në qershor në Kanada.

Papandreu potencoi edhe se nga Obama ka marrë mbështetje për kritikat në llogari të spekulantëve të bursës, të cilët sipas tij, kanë kontribuar për përkeqësimin e gjendjes financiare në Greqi.

Në takim është bërë fjalë edhe për nismën greke që të gjitha vendet e rajonit të Ballkanit Perëndimor të bëhen anëtare të BE-së deri në vitin 2014.

"Kjo do të kontribuojë për stabilizimin e paqes në rajonin më të gjerë dhe për zgjidhjen e problemeve specifike dypalëshe", potencoi Papandreu.

Obama dhe Papandreu kanë biseduar edhe për raportet mes Athinës dhe Ankarasë, me ç'rast kryeministri grek e ka theksuar gatishmërinë e Greqisë për përmirësimin e marrëdhënieve me Turqinë dhe për zgjidhjen e kontesteve disavjeçare. (INA)

http://www.ina-online.net/Default.as...07c5d0cb8&ln=3

11.3.2010, 05:28

Citim:

Papandreu: BE mund të ndërhyjë për të ndihmuar Greqinë

Kryeministri grek, Xhorxh Papandreu, tha të mërkurën, se nëse spekulatorët vazhdojnë të detyrojnë Greqinë të paguajë rata të larta huamarrjeje, Bashkimi Europian do të përgatitet të ndërhyjë në tregjet financiare.

Papandreu tha për gazetarët "nëse spekulimi kundër Greqisë vazhdon", në Europë po diskutohen ide që BE "të hyjë në sferën e ndërhyrjes".

http://www.gazeta-agon.com/mat.php?idm=12901&l=a

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

26.2.2010, 05:31	#50
mesdimr Anëtarësuar: 8.2006	Bashkimi i Supermarketeve s'kontrollon dot një shtet si Greqia... e aty ne i bie të zgjidhkemi çështjen tonë kombëtare... "të integruar".