Përmbledhje

MbV

Vargmali është një log dijendërtimi bashkëfjalues.

Vargmali nuk ka qëndrim botëkuptimor zyrtar, por ka tematikë zyrtare, ndaj dhe mundëson rrethana të caktuara për zhvillimin e bashkëfjalimeve të drejtkuptueshme përjashtimisht në lidhje me arsyen, natyrën, kombin, kulturën dhe artin. Qëndrimet botëkuptimore janë mirëfilli qëndrime të gjallarëve të logut, prej të cilave ndodh që në varësi të zhvillimit të tematikës dhe vlerës së qëndrueshme disa të arrijnë të pasqyrohen me kohë dhe në strukturë.

Ti ndodhesh këtu sepse tërhiqesh nga, apo pjesërisht pajtohesh me çështjet dhe mendimet që trajtohen në Vargmal.

Rrethanat nxisin e zbatojnë përshtatjen e përzgjedhjen e mendimeve drejt kthjelltësimit dhe drejt zëvendësimit të të dhënave më pak të sakta me të tjera të një organizimi më të lartë. Synimi është përftimi i një diturie sa më cilësore ndaj dhe prieret jo vetëm drejt lëvrimit të të dhënave dijendërtuese, por dhe drejt harrjes së zhurmës. Ky barazpeshim mundëson një log që mund të lexohet këndshëm në trajtë lëndburimi sipas brendisë së prekur, gjithnjë në pikëpamje bashkëfjalimesh të mirëfillta apo paraqitjeje artikujsh të gjallarëve.

Rrethanat dhe tërësia strukturore e Vargmalit mbarështohen nga organi i brendshëm jokonvencional i Mbarëvajtjes (MbV).

Çështjet hapen në lidhje me tematikën e nënlogjeve përkatëse. Shkrimet që nuk i përmbahen marrëveshjeve drejtshkrimore e faqosëse të logut, redaktohen nga MbV, pa prekur në vetvete përmbajtjen, stilin, apo të folmen e shkrimit. Shkrimet e pafrytshme dërgohen në karantinë. Shkrimet e paarsyeshme shlyhen, përveç rastesh kur gjykohet ndryshe nga pretarët.

Marrëdhëniet shoqërore, ndonëse të lejueshme deri në një farë shkalle, këshillohen për jetën reale. Rrahja e mendimeve dhe e pikëpamjeve të ndryshme rreth një çështjeje është kryesore për komunikimin dhe ecurinë dijendërtuese. Po aq kryesore janë dhe nderi e maturia për të pranuar mendimin më të mirë.

Pavarësisht ndjesive që mund të përçojë fryma e mësipërme, rrethanat veprojnë krahasimisht lirshëm për sa kohë që nuk cenohet tërësia natyrore e logut.



Sqarime:

Dijendërtimi kuptohet si përmirësim strukturor dhe përmbajtës i të dhënave për një çështje të caktuar dhe si ky ndërlidhet me organizimin e përgjithshëm të diturisë në log duke qartësuar, vlerësuar e saktësuar ndërtesën diturore në funksion të tematikave të përzgjedhura.

Shkrime të pafrytshme quhen shkrimet që nuk sjellin asnjë dijeni të re, a që nuk përkushtojnë asgjë në ndërtim-përpunimin e dijes rreth çështjes së hapur; shkrime të tilla: "Turp, turp, turp!", "Dhe unë jam dakord!", etj.

Shkrime të paarsyeshme quhen shkrimet që nuk përdorin arsyetim të mjaftueshëm gjatë ndërtimit të argumentit; shkrime të tilla: "Besoj se është e vërtetë, pra është e vërtetë!", "E tha filani, pra është e vërtetë", "2 + 2 = 5!", etj.

MbV

Të gjithë gjallarët, pa dallim, i përgjigjen kushteve teknike të logut, të cilat shprehimisht janë:

1. Të shkruajnë shqip me alfabet shqip.
2. Të ruajnë marrëveshjet drejtshkrimore dhe faqosëse të logut.
3. Të përdorin arsye.
4. T'i përmbahen çështjes.
5. Të sjellin burimin e shkrimeve që mbartin nga të tretë.

Gjallarët që nuk mund t'i përgjigjen këtyre kushteve, kanë paaftësi fatale dhe pretohen në gjueti të lirë.

Gjithë sjellja në log përshkohet nga mirëkuptimi i pashprehur i ideve e i frymës që na ka sjellë këtu. Intuita ndihmon. Nuk ka rregulla, veç kushteve teknike. Duke qenë se rrethanat janë organike kjo do thotë thelbësisht dy gjëra:

1. që gjallari ka liri të kryejë çfarëdo i vjen për natyrale,
2. që gjallari do të pretohet ideologjikisht apo teknikisht, ndaj duhet të marrë masat.

Kjo jep fleksibilitet të madh, por dhe një shpatë mbi kaptinë të gjallarëve, duke vënë gjithçka në funksion të evoluimit dhe frymës së Vargmalit. N.q.s. ndokush ka vështirësi frymëmarrjeje në Vargmal, do të thotë se organizmi i tij nuk i përshtatet këtij mjedisi dhe ka ardhur këtu gabimisht.

MbV

Për qëllime drejtimi të çështjeve, gjallarë të caktuar njihen si pretarë. Pretarët zgjidhen aty ku zgjidhen për shkak aftësish dhe përgjegjësie për zhvillim e drejtim tematike në rrugë deri jokonvencionale, për ndërkohë të caktuara, dhe kanë disa përparësi teknike për mbarështimin e këtyre danave. Ata veprojnë në bazë të rrethanave dhe qëndrimi i tyre në përgjegjësi varet nga veprimtaria e tyre.

Pretarët janë të rrjedhshëm, pra, shkarkohen e ringarkohen në përgjegjësi sipas stinëve, ushqimit dhe trojeve, me ose pa paralajmërim, pa ndikuar kjo në psikologjinë e ndokujt, pasi është pjesë e klimës.

MbV

Shlyhet anëtarësia¹ e atij / asaj që:

thd1 - pas anëtarësimi nuk është njoftuar më në log për 3 muaj rresht,
thd2 - nuk është njoftuar për 6 muaj, dhe shkrimet e të cilit / së cilës janë të harrueshme,
thd3 - kërkon t'ia shlyejnë anëtarësinë (por shlyerja, ose jo, dhe e shkrimeve, është në gjykimin e MbV).


__________
1 - Kur shlyhet anëtarësia, shkrimet e anëtarit, nëse lihen nga MbV, mbeten në log nën nofkë jovepruese. Nofka e mëparshme rivihet në qarkullim për anëtarë të rinj dhe nuk lidhet më me shkrimet e vjetra nën të.

MbV

Rikujtoj se prej datës 18.10.2007 e në vijim, Vargmali nuk ruan më asnjë kah IP të asnjë gjallari gjatë qasjeve në log (me përjashtim të regjistrit anonim të bujtësit). Mosruajtja e kaheve IP, bëhet për mbrojtjen e përvetësisë së të gjithë pjesëmarrësve, veprues ose mosveprues.

1. IP-të nuk ruhen gjatë anëtarësimit.
2. IP-të nuk ruhen gjatë botimit.
3. Çdo IP e vjetër e gjithkujt është fshirë përfundimisht nga lëndburimi (database) i Vargmalit.

Për ruajtjen e përvetësisë logu do të ravijojë dhe bëjë të ditur së shpejti një politikë të posaçme.