Durrës: Vazhdon shkatërrimi i nëntokës ilire

rritës derrash · 27.6.2008, 14:26

Citim:

Bashkia i trajton këto vlera, si pusetat e ujërave të zeza

Për shkak të informalitetit dhe keqmenaxhimit të nëntokës muze, Durrësi, gjatë 17 viteve të fundit, i është nënshtruar një masakre me efekte shkatërruese të parikthyeshme në emër të modernizimit të qytetit.

Pjesa më e madhe e zbulimeve të bëra gjatë dy dekadave të fundit është varrosur në themelet e pallateve. Trashëgimia kulturore në qytetin bregdetar po shkon drejt degradimit, pasi deri tani nuk është bërë asgjë për të frenuar ndërtimet pa leje, që po shkatërrojnë pasurinë kulturore të qytetit bregdetar.

Vetëm pak kohë më parë mes drejtuesve të bashkisë Durrësit dhe drejtuesve të Instituti të Monumenteve të Kulturës, u zhvilluan debate të shumta në lidhje me shkatërrimin që po bëhet për objektet kulturore në këtë qytet. Megjithëse në atë kohë, u pohua se çdo gjë do të rregullohet dhe do të ketë bashkëpunime mes dy institucioneve, sot pamja që të ofron trashëgimia kulturore e këtij qyteti, duket se po shkon drejt shkatërrimit.

Ndërkaq nga verifikimet që janë bërë nga Instituti i Monumenteve të Kulturës dhe nga Drejtoria Rajonale e Monumenteve të qytetit të Durrësit është konstatuar se vazhdojnë punimet në zonat e shpallura si pjesë e trashëgimisë kulturore, punime të cilat kryhen nga subjekte pa leje që veprojnë në këtë qytet. Si pasojë e këtyre punimeve janë dëmtuar shtresa arkeologjike si dhe ndërtesa antike.

Në një njoftim për shtyp nga institucionet mbrojtjes së trashëgimisë kulturore, pohohet se subjektet pa leje po dëmtojnë trashëgiminë kulturore, ndërsa bashkia nuk vepron.

Më tej në njoftim shkruhet se: “Instituti i Monumenteve të Kulturës, dhe Drejtoria Rajonale e Monumenteve Durrës, nga verifikimet në sheshin e ndërtimit që ndodhet në lagjen nr. 6 rruga Maliq Muço zona B, si dhe sipas hartës së zonifikimit arkeologjik ka konstatuar se vazhdojnë punimet për hapjen e gropës me destinacion objekt shumëkatësh banimi. Pasojë e këtyre gërmimeve është dëmtimi i shtresës arkeologjike, dhe i një ndërtese antike me dy ambiente 3x2 metra secila.

Subjekti LIM-EM nuk ka paraqitur asnjë lloj dokumentacioni pranë Drejtorisë Rajonale të Kulturës Kombëtare Durrës, ku të kërkohej leja për fillimin e punimeve arkeologjike.

Edhe pse zona ku pretendohet të ndërtohet (zona B) është zonë me intensitet të lartë arkeologjik, dhe për rrjedhojë ndërhyrjet duhet të kryhen me miratimin dhe pjesëmarrjen e specialistëve, ky aspekt nuk është marrë parasysh nga subjekti kundravajtës. Pa pasur asnjë lloj leje për fillimin e punimeve arkeologjike, dhe në kundërshtim të plotë me nenet 47,48, të ligjit 9048 dt 07.04.2003 i ndryshuar, (Për trashëgiminë kulturore) subjekti privat ka filluar dhe vazhdon punimet”.

Më tej specialistët shpjegojnë se, megjithëse është kërkuar disa herë nga Inspektorati Ndërtimor i qyteti të Durrësit që të ndërhyjë për ndalimin punimeve, nuk është ndërmarrë asnjë masë për ndalimin e tyre.

“Bazuar në ligjin 9048 dt 7.4.2003 i ndryshuar, për trashëgiminë kulturore është kërkuar disa herë që Inspektorati Ndërtimor Durrës të ndërhyjë për ndërprerjen e punimeve ( shkresat nr 214dhe 216 prot.), por nuk ka pasur asnjë reagim nga ky institucion”. Për këtë qëllim dhe për të parandaluar shkatërrimin e mëtejshëm të trashëgimisë kulturore Ministria e Turizmit, Kulturës, Rinisë dhe Sporteve do të ndjekë të gjitha hapësirat që lejon ligji për “Trashëgiminë kulturore” ndaj subjektit në fjalë.

Objektet e trashëgimisë kulturore të qytetit të Durrësit kanë qenë në shumë raste qendër e debateve mes palëve të bashkisë dhe specialistëve të monumenteve të kulturës. Problemi tepër i njohur në Durrës, që qëndron mes subjekteve ndërtuese dhe institucioneve që duhet të mbrojnë nëntokën muze, është i hershëm dhe shpesh ka lënë vend për abuzime dhe afera korruptive.

Durrësi i sotëm mban një trashëgimi kulturore të pasur, që has në shumë objekte të mesjetës apo të antikitetit. Por të vjen keq që e gjithë kjo pasuri deri tani vetëm është shkatërruar, pasi nuk janë marrë masa mbrojtëse ndaj saj.

Problemet që kanë ekzistuar në pasurinë arkeologjike të qytetit bregdetar kanë qenë për shumë kohë vetëm objekt diskutimesh, pa asnjë zgjidhje dhe sot pasuria arkeologjike e Durrësit po shkon drejt zhdukjes.

http://www.sot.com.al/index.php?opti...Itemid=0&lang=

qiellikalter · 27.6.2008, 21:52

deri para se të lexoja artikullin mendoja (shpresoja) se ishin të rralla rastet e ndërtimit mbi pasuri arkeologjike - me sa duket problemi është i një shkalle shumë të gjerë.
Shpëtim është ndërgjegjësimi i popullatës se kush janë shqiptarët, çfarë kulture, historie kemi, rritja e krenarisë për të qenit shqiptar e dëshira për të ruajtur çdo gjë që dëshmon mbi pasuritë tona të vjetra.

27.6.2008, 21:52	#2
qiellikalter gjallar Anëtarësuar: 6.2008	deri para se të lexoja artikullin mendoja (shpresoja) se ishin të rralla rastet e ndërtimit mbi pasuri arkeologjike - me sa duket problemi është i një shkalle shumë të gjerë. Shpëtim është ndërgjegjësimi i popullatës se kush janë shqiptarët, çfarë kulture, historie kemi, rritja e krenarisë për të qenit shqiptar e dëshira për të ruajtur çdo gjë që dëshmon mbi pasuritë tona të vjetra.
	Ndryshuar së fundmi nga vlug : 28.6.2008 në 11:21.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar