Lezhë: Ekspeditë shqiptaro-gjermane për vendbanimin ilir

rritës derrash · 2.7.2008, 14:30

Citim:

Lezhë, "zbret" ekspedita arkeologjike për studime të vendbanimeve ilire

Një vendbanim ilir në qytetin e Lezhës, do të jetë në qendër të një ekspedite arkeologjike pesë javore, një projekt i përbashkët mes Institutit Arkeologjik në Tiranë dhe atij në Berlin që ka nisur nga viti 2006.

Arkeologu i Institutit të Arkeologjisë në Tiranë, Gëzim Hoxha, njëkohësisht drejtor i këtij projekti pohon se: “përmes kësaj ekspedite që do të nisë në fillim të muajit gusht, synojmë të ndjekim transformimin e qyteti nga periudha helenistike deri në antikitetin e vonë”.

Projekti i gërmimeve arkeologjike në qytetin e Lezhës ka nisur në vitin 2006, dhe rezultatet kanë qenë shpresë dhënëse,ku vitin e kaluar u zbulua një mozaik i shek II para Krishtit, me një mbishkrim. Arkeologët kanë konkluduar se Lezha është një vendbanim ilir.

Fillimisht ishte Akrolisi në majën e Malit të Shelbumit, themeluar si fortifikim në shek. X p.e.r. Prej andej, në shekullin VI-V p.e.s banorët u zhvendosën në kodrën e Kalasë dhe ngritën qytetin e Lisit, të cilin në shek IV p.e.s. e rrethuan, duke ndërtuar një mur mbrojtës (2 km e 600 m) me blloqe të mëdha gurësh të punuar.

http://www.sot.com.al/index.php?opti...Itemid=0&lang=

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar