“Liburnia”, kërkime nënujore në Orik

rritës derrash · 7.7.2008, 05:58

Citim:

VLORË -Një ekspeditë arkeologjike nënujore italo-shqiptare e drejtuar nga Adrian Anastasi, drejtor i arkeologjisë nënujore Durrës dhe Xhuliani Volpe, rektor i universitetit të Foxhias, po kryen këto ditë rikonjicionin e sitit arkeologjik në Orik.

Kjo ekspeditë, siç pohojnë drejtuesit e saj, është pjesë e projektit “Liburnia”, me një shtrirje kohore 3-vjeçare. Projekti që ka shtrirjen kohore 2007-2100, nisi me punimet e një ekspedite amerikane dhe ka për objekt zbulimet nënujore në bregdetin shqiptar, nxjerrjen në dritë të relikeve të lashtësisë e të kulturës në këtë trevë.

PROJEKTI

Sipas drejtorit Anastasi, projekti “Liburnia” (arkeologjia shqiptare e nënujit), është një projekt kombëtar i cili është përfshirë në marrëveshjet me shtetin italian.

Faza e parë e tij konsiston në përpilimin e hartës së plotë arkeologjike të bregdetit. Ndërsa në faza e dytë, e cila është në përfundim, përfshin kërkimet nënujore në Porto-Palermo, ku ndër zbulimet nënujore më me rëndësi janë disa objekte prej qeramike të shek IV-të. Drejtuesit e ekspeditës pohojnë se përfundoi edhe zonifikimi i plotë i Porto Palermos dhe është ndërtuar një DVD për Himarën.

“Nga 29 korriku deri në mes të gushtit, ekspedita italo-shqiptare do të ndërmarrë kërkime nënujore në disa zona të këtij siti arkeologjik. Do të kërkohet në pjesën nënujore të liqenit të Valltos, ku gjenden disa prej veprave monumentale të qytetit antik, gërmadhat e qytetit antik te Orikut (Pashalimani i sotëm), në Paleokastër, etj”, - pohojnë drejtuesit Volpe dhe Anastasi.

Duke njohur faktin historik se në shek. I p.e.s. Oriku shërbeu si kryeurë e fuqive pushtuese të kohës, arenë luftërash midis Romës, Maqedonisë dhe Ilirisë, si dhe në luftën rivale midis Çezarit e Pompeut që i solli Orikut shumë shkatërrime, pikërisht kërkimet nënujore do të shtrihen në këto zona ku ushtria e Pompeut u zu në befasi.

EKSPEDITA

Arkeologët këto ditë eksploruan portin e brendshëm (portus introitus) në Orik, lokalizuar në lagunën 2.2 km të gjatë dhe 1.2 km të gjere, me formën e një trekëndëshi me bazë nga deti. Ne ekstremin perëndimor bankina përshkohet prej një kanali, i cili e lidhte lagunën me detin.

“Objektet mbi e nënujore që u kanë rezistuar shekujve kanë një vlerë të pazëvendësueshme historike e kulturore. Në brendësi të lagunës nën pasqyrën e ujit, shihen gjurmët e një muri 1.80 m të gjerë, i cili lidhet me dy brigjet e saj. Kemi të bëjmë me një bankine për akostimin e anijeve, e cila, duke u nisur nga gjerësia e lagunës ne këtë vend, arrinte rreth 200 m gjatësi. Zbulimi, njohja e studimi i tyre flasin shumë”, - shprehen arkeologët.

Kërkuesit panë dhe u ndalën në kanalin i cili është bllokuar duke e lënë liqenin të izoluar dhe vetëm me një furnizues uji, ku aktualisht është një dajlan peshku, kanalin kryesor që gjendet në perëndim të kodrës Paleokastër, etj.

Në ditët në vazhdim, ekspedita do të përqendrohet në pikën e ultë të Dajlanit për të eksploruar liqenin, i cili ka një grykë furnizimi dhe një pjesë e tij është me aluvione, ndërsa një pjesë me rërë. Ekspedita do të vazhdojë kërkimet arkeologjike nënujore deri në mes të muajit gusht.

http://www.balkanweb.com/gazetav4/index.php?id=39685

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar