Import virusesh: Bruceloza kap shifrën e 700 të infektuarve

rritës derrash · 7.7.2008, 07:19

Citim:

Rikthehet bruceloza. Dhe jo vetëm nëpër fshatra, por rastet e raportuara tregojnë se sëmundja e kafshëve po prek edhe qytetet.

Sipas statistikave që u referohen të gjithë rasteve të raportuara nga në mbarë vendin deri më tani bëhet fjalë për mbi 700 persona të prekur militenca (bruceloza).

Sipas mjekëve situata bëhet edhe më shqetësuese, për faktin se mes të prekurve, rreth 15 % të tyre e përbëjnë banorët që nuk kanë kontakt direkt me fshatin, por vetem me nënproduktet që i blejnë në treg siç janë djathi apo qumështi. Që do të thotë se janë pikërisht këto nënprodukte burimi i infeksionit.

Shifrat tregojnë se gjeografia e sëmundjes po zgjerohet çdo ditë e më shumë. Ajo transmetohet nga kafshët e infektuara te njerëzit dhe zhdukja e saj kërkon shpenzime të mëdha, edhe për shkak të pasojave që mund të lërë te personi i prekur, pasi mund të dëmtojë rëndë shtyllen kurizore dhe kockat duke shkaktuar edhe invaliditet të përhershëm.

Shifrat

Numri i personave që bëhen bartës të brucelozës rritet çdo muaj me rreth 50 persona të prekur. Mjekët specialistë nuk ngurojnë të thonë se bruceloza është sëmundja infektive më e rrezikshme për momentin në vendin tonë.

Ndërkohë që produktet më të pakontrolluara janë ata që vijnë nga jugu i vendit. Ndërsa kryeqyteti i vendit ka regjistruar 16 persona të prekur nga sëmundja e brucelozës.

Sëmundja është importuar në Shqipëri pas viteve 1990-të, pasi gjatë kohës së totalitarizmit ajo ishte zhdukur plotësisht.

Bruceloza quhet sëmundja e Mesdheut edhe pse Shqipëria është vendi që ka numrin më të madh të të prekurve. Moshat më të prekura janë 18-45 vjeç, por së fundmi janë infektuar edhe moshat shkollore. Arsyeja, sipas mjekëve, është se nxënësit e shkollave rurale pas mësimit punojnë si barinj dhe janë në kontakt të drejtëprëdrejtë me kafshët e sëmura.

Sëmundja trajtohet vetëm në spitale dhe nuk shërohet kurrë plotësisht.

Bruceloza apo siç njihet ndryshe militenca është një sëmundje infektive dhe njihen katër specie patogjene të brucelave nga të cilat 3 të parat janë më kryesore. E para është ajo që jep infeksion te gjedhët, më pas është brucella melitensis që jep infeksion tek dhitë, dhentë dhe brucella suis që jep infeksion te derrat dhe brucella canis që jep infeksion te qentë.

Njerëzit infektohen me rrugë të ndryshme, duke përdorur qumështin e papërpunuar si dhe produktet e tij, si p.sh djathin e freskët të fermentuar në të cilin brucelat qëndrojnë pothuaj 6 muaj, gjalpin, etj. Po mund të infektohet dhe gjatë therjes së kafshëve ose paketimit të mishit, në rrugë aerogjene (ajrit) kur në atmosferë krijohen aerozole mikroorganizma, apo kur në momentet e therjes apo të procedurave të tjera bien pika gjaku në sy duke dhënë mundësi infektimit nëpërmjet konjuktivave.

Bruceloza prek më shpesh barinjtë, veterinerët dhe kasapët, të cilët kanë kontakt më tepër me kafshët, prandaj quhet sëmundje profesionale.

http://www.balkanweb.com/gazetav4/index.php?id=39683

rritës derrash · 7.7.2008, 08:15

Citim:

Bruceloza, zgjerohet harta e përhapjes së sëmundjes

Transmetimi bëhet prej kafshëve të infektuara si dhe konsumit të produkteve e nënprodukteve të tyre.

Sëmundja e brucelozës së shkaktuar prej kafshëve shtëpiake po përhapet gjithnjë e më shumë në vendin tonë. Shkaktari kryesor i saj janë bagëtitë, sidomos të imëtat, ku futen dhentë dhe dhitë. Ndërsa masat e marra për parandalimin e saj mbeten ende në nivele të ulëta.

Specialistët e Institutit të Shëndetit Publik pohojnë se nga monitorimet e kryera ka rezultuar se shumë rrethe të vendit janë të rrezikuara nga përhapja e kësaj sëmundjeje, e cila transmetohet te njerëzit nëpërmjet kafshëve dhe pakujdesisë së treguar në trajtimin e tyre.

Masat që duhen marrë për zhdukjen e brucelozës kërkojnë shpenzime të mëdha, pasi kjo sëmundje dëmton rëndë shtyllën kurrizore dhe kockat, duke shkaktuar invaliditet të përhershëm.

Ndërkohë zonat rurale mbeten më të rrezikuara në këtë rast, pasi banorët e këtyre zonave jetojnë në të njëjta ambient me kafshët si dhe janë në kontakt të vazhdueshëm me to.

Të dhënat për vitin 2007 tregojnë se janë rreth 700 persona te prekur nga sëmundja e brucelozës, e cila nuk shfaqet vetëm në fshatra, por dhe në qytete. Mjekët pohojnë se gjendja bëhet më e vështirë, për faktin se mes të prekurve rreth 15 për qind e përbëjnë banorët që nuk kanë kontakt direkt me fshatin, por vetëm me nënproduktet që i blejnë në treg, siç janë djathi, qumështi e të tjera.

Përhapja

Në një monitorim të bërë nga specialistët e Institutit të Shëndetit Publik pohohet se është zgjeruar së tepërmi harta e shpërndarjes së zonave të prekura prej sëmundjes së brucelozës.

Kategoritë e rrezikuara janë të gjitha moshat, sidomos gratë, të cilat janë në kontakt të vazhdueshëm me kafshët nëpërmjet procesit të mjeljes së qumështit, çka bën që çdo muaj të raportohen në rreth 50 persona të prekur nga bruceloza.

Ndër zonat më problematike kundrejt këtij fenomeni kanë rezultuar të jenë qytetet si Kolonja, Kavaja, Gjirokastra, Korça e shumë të tjera. Kujdesi që tregojnë banorët e këtyre zonave ndaj kafshëve të tyre në momentet që këto rezultojnë të jenë të infektuara është shumë i vogël.

Sipas mjekëve sëmundja e brucelozës është një nga sëmundjet që transmetohet shumë lehtë te njerëzit, por që kërkon shumë kohë për t’u kuruar. Njerëzit infektohen me rrugë të ndryshme, duke përdorur qumështin e papërpunuar si dhe produktet e tij. Gjendja tani mund të rëndohet edhe më shumë si pasojë e temperturave të larta, pasi vapa bën që sëmundja të jetë lehtësisht më e transmetueshme.

Problemet

Problemet shëndetësore që vijnë si pasojë e transmetimit të kësaj sëmundjeje te banorët janë të shumta dhe prekin të gjitha moshat që konsumojnë produktet e kafshëve të infektuara dhe ato që janë në kontakt të vazhdueshme me kafshët.

Sipas mjekëve më shpesh transmetimi i sëmundjes shoqërohet me dëmtimin e rëndë të shtyllës kurrizore, prej të cilës vijnë dhe një sërë shqetësimesh të tjera e që mund të shndërrohen deri në invaliditet të përhershëm.

“Ndërlikimet janë të ndryshme, në varësi të ecurisë së sëmundjes, pasi mund të ndodh që të preken deri mushkëritë, zemra, mëlçia, aparati linfograndular dhe sistemi nervor (neurobruceloza). Ajo që shfaqet fillimisht është një këputje ose mungesa e fuqisë për të kryer aktivitet fizik.

Më pas shfaqen probleme të tjera, të cilat prekin organet e mësipërme”, - pohohet nga mjekët. Bruceloza prek më shpesh barinjtë, veterinerët dhe kasapët, të cilët janë në kontakt të vazhdueshëm me kafshët, ndaj cilësohet ndryshe edhe “sëmundje profesionale”.

Masat për parandalimin e transmetimit të sëmundjes te njerëzit

Për të shmangur pasojat e rënda shëndetësore që mund të lërë te popullata kjo sëmundje, sipas mjekëve infeksionistë duhet bërë shumë kujdes në trajtimin e kafshëve që janë të infektuara nga bruceloza. Kjo duke qenë se burim infeksioni janë kafshët shtëpiake, veçanërisht lopët, dhentë, dhite dhe derrat, që përbëjnë rezervuarin natyral për brucelozën, prej nga infektohet njeriu.

Sipas mjekëve, personat që merren me procesin e mjeljes qumështit duhet të jenë të kujdesshëm gjatë kontaktit me kafshën, pasi sëmundja është lehtësisht e transmetueshme.

Por nuk është kjo e vetmja mënyrë e përhapjes së saj. Edhe pakujdesia e treguar në konsumin e produkteve të mishit apo bulmetrave të ndryshme mund të bëhen shkak i transmetimit të sëmundjes. Po kështu dhe përdorimi i produkteve ushqimore të këtyre kafshëve është njëlloj i rrezikshëm për transmetimin e brucelozës.

Prandaj mjekët këshillojnë që të bëhet zierja mirë e mishit si dhe konsumimi i kontrollueshëm i produkteve të tij, që mund të merren prej kafshëve të infektuara.

Njëkohësisht duhet treguar kujdes dhe me përgatitjen e produkteve të tjera e që në këto zona përdoret në masë, siç është djathi, gjalpi, qumështi etj.

Mjekët rekomandojnë që në këtë rast përgatitja dhe zënia e djathit të bëhet mirë dhe nën kushte të duhura, ndërsa konsumimi të mos bëhet në momentet kur është ende i njomë, pasi në këtë rast janë dhe më të rrezikuar ndaj problemeve të shfaqura prej kësaj sëmundjeje.

Gjithashtu kujdes duhet treguar dhe me vaksinimin e kafshëve, pasi bruceloza mund të kalojë shumë shpejt nga njëra kafshë e infektuar tek tjetra dhe më pas të përhapet te banorët që janë në kontakt me to. Ndërkaq mjekët pohojnë se përhapja në masë të kësaj sëmundje në vendin tonë vjen edhe prej faktit që nxënësit e shkollave rurale pas mësimit punojnë si barinj dhe janë në kontakt të drejtpërdrejtë me kafshët e sëmura.

http://www.gazetametropol.com/tekst.php?idt=52744

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Tituj të ngjashëm
Çështja
Rritet import-eksporti me Gjermaninë nga VNf në danën "Aktualitet"