Shqipëria, e 27-a në botë për mbrojtjen e mjedisit

VNf

Mund të duket e habitshme, por politikat mjedisore po japin efekt në Shqipëri. Kjo, të paktën, sipas një prej indekseve më të referuara në botë, Indeksit të Performancës Mjedisore (Enviromental Preformance Index), që hartohet në mënyrë periodike nga Universiteti i Kembrixhit dhe ai i Jeillit. Në këtë mënyrë, Shqipëria listohet në vendin e 27-të në botë, duke lënë pas, të gjitha vendet fqinje dhe shumicën e vendeve të Bashkimit Evropian. Shqipëria është renditur në vendin e 27-të me 84 pikë nga 100 të mundshme, duke barazuar me Danimarkën dhe Malajzinë.

http://www.gazeta-standard.com/tekst.php?idt=8280

mesdimr

Pikë së pari treguesi në fjalë nuk tregon se politikat mjedisore po japin efekt, ky është interpretim i gazetarit, treguesi thjesht tregon gjendjen e mjedisit sipas matjeve. Do mund të quhej Treguesi i Rendimentit Mjedisor, pra jep rendimentin e mjedisit, jo të politikave mbrojtëse...

Fakti që gjendja e mjedisit në Shqipëri është "më e mirë se ç'mendohej" në këtë rast do të thotë që ashtu si dhe në shumë vende të lindjes, industria nuk ia ka përdhunuar ende mjedisin Shqipërisë, po jo se ka politika konkrete mbrojtëse nga ana e qeverisë.

Me fjalë të tjera, nëse 75% e shqiptarëve jetojnë në Tiranë, Shkodër, Durrës, Vlorë dhe këto janë nga qytetet më të ndotura botërisht, fakti se pjesa më e madhe e territorit të Shqipërisë Perëndimore është natyrë dhe ka mungesë ndotjeje (meqënëse s'ka kush ta ndotë), nuk do të thotë se paskemi efikasitet politike mbrojtëse! Madje për shqiptarin që jeton në këto qytete, treguesi në fjalë nuk ka asnjë kuptim sepse treguesi na flet për mbarë territorin, jo për territorin ku rron pjesa dërrmuese e banorëve, i cili territor është i tejndotur duke filluar që nga ajri i pathithshëm, uji i papijshëm, zhurma e padëgjueshme dhe idiotizmi i përgjithshëm ideologjik që bën dhe ky pjesë në ndotjen e mjedisit.

Gjithashtu në tregues Shqipëria ndodhet në vendin 25, jo 27, meqënëse merret vendi i parë si referencë kur kemi barazim pikësh.

Treguesi na thotë që marrë si territor në rang shteti, mjedisi në ShP është ende i shëndetshëm dhe kjo padyshim që është gjë e mirë. Prej aty ne na mbetet veç të bombardojmë këto qytetbetonet tona të degjenerume që nuk ndjekin asi lloj estetike arkitektonike që të tregojë se çfarë janë, si janë, ku janë, pse janë e ku po shkojnë. E vetmja gjë që të ngjallin është dëshira me i bombardu, rrafshu dhe me i hap vend gjelbërimit.