Masa për ruajtjen e faunës në tre zona të vendit

mesdimr · 8.7.2008, 12:35

Citim:

Ministria e Mjedisit, Pyjeve dhe Administrimit të Ujrave ka ndërmarrë disa masa për mbrojtjen e faunës në vendin tonë, ndër të cilat veçohen parandalimi i gjuetisë së paligjshme, në përfundim të një studimi të kryer zonat e Divjakës-Karavastas dhe Nartës.

Ndër faktorët kërcënues në Ekosistemet e këtyre tre zonave, specialistët evidentojnë gjuetinë e paligjshme.

Në zonën e Divjakës dhe Karavastas vihet re fenomeni i dëmtimit të popullatave të shpendëve të ujit.

Burime nga Ministria e Mjedisit bëjnë të ditur se studimi i monitorimit të shpendëve ndalet në tre çështje kryesore,përshkrimi i metodologjisë së përdorur në përftimin e të dhënave, rezultatet e monitorimit dhe konkluzionet për gjendjen e popullatave të llojeve të ndryshëm, tendencave të tyre, gjendjes së habitateve, faktorëve të ndryshëm që ndikojnë në gjendjen e popullatave dhe habitateve, si dhe masat e propozuara për ruajtjen e ekosistemeve dhe të popullatave të shpendëve dimërues dhe folezues.

Nga ky studim rezultoi se shumë prej shpendëve kanë braktisur vendet e folezimit.

Peshkimi i paligjshëm mbetet një tjetër faktor kërcënues për botën e faunës. Ai shfaqet kryesisht në trajtën e peshkimit me drita, lëndë helmuese dhe lëndëve plasëse. Këto lloj peshkimesh janë shumë të dëmshme për botën nënujore.

Shkatërrimi i habitateve natyrore, sipas specialistëve, përballet me fenomene të erozionit detar, keqpërdorimit për kullotje dhe ndërtimeve të paligjshme.

Në përgjigje të shkatërrimit të habitateve natyrore, në studim thuhet se duhet të propozohen masa që u kundërvihen atyre në mënyre direkte apo të krijojnë habitate të reja në zona që sot për sot janë larg ndikimeve njerëzore dhe natyrore.

Gjithashtu, duhet të ndalohen ndërtimet e paligjshme në Karavasta dhe të krijohen vende të reja për folëzim në ishujt e brendshëm të lagunës së Karavastasë. Po kështu, duhet të merren masa për rehabilitimin e disa prej ishujve të lagunës së Nartës.

http://www.sot.com.al/index.php?opti...Itemid=0&lang=

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar