Korça, qendra e parahistorisë në Shqipëri

mesdimr · 30.7.2008, 15:05

Citim:

Arkeologët dhe studiuesit: Korça, qendra e prehistorisë në Shqipëri

Gërmimet arkeologjike, por dhe studime të specialistëve të fushës në rajonin e pasur të Korçës, kanë arritur në përfundimin se Korça, ka qenë qendra e prehistorisë në Shqipëri.

Duke iu referuar arkeologëve dhe studiuesve që janë marrë gjatë me këtë çështje, deri në këto momente kjo gjë nuk ishte shumë e qartë, për shkak të rezultateve që kanë nxjerrë analizat e ndryshme, por është përcaktuar së fundmi me metoda më bashkëkohore. Sipas këtyre përfundimeve mësohet se Pellgu i fushës së Korçës ruan gjurmë të hershme drusore, të cilat tregojnë qartazi për ekzistencën e popullimeve 6 mijë, apo 8 mijë vjet më parë.

Studiuesi dhe arkeologu Petrika Lera, vetëm pas një ekspedite me dy arkeologë gjermanë, ka bërë të ditura rezultate të rëndësishme studimore lidhur me prehistorinë dhe në mënyrë të veçantë periudhën e neolitit të hershëm.

Në vazhdën e këtyre kërkimeve të prehistorisë në pellgun e Korçës, ai së bashku me arkeologët gjermanë nga Instituti i Kërkimeve Arkeologjike Gjermane, kanë analizuar mbetje të lashta drusore me metodën bashkëkohore të dentro-kronologjisë dhe kanë nxjerrë përfundimet se pellgu i Korçës, ose më saktë fusha e tij, rezulton si qendra më e hershme deri tani e prehistorisë në Shqipëri.

"Pjesëmarrja e dy arkeologëve gjermanë të fushës së dentro-kronologjisë ka një rëndësi të veçantë, sepse me anë të metodës më të fundit që ata aplikojnë për analizat e lëndës drusore, përcaktohet vlera e saktë kohore në kufijtë absolutë të shtresave të ndryshme kulturore të prehistorisë në pellgun e Korçës",- ka theksuar studiuesi Petrika Lera.

Ai shton se me materialet prehistorike të lëndës drusore që janë zbuluar në zonën e Korçës si në Sovjan, Podgorie, Maliq etj., do të hartohet një kolonë e saktë e kronologjisë prehistorike.

Sipas tij, kjo do të jetë e para në Evropë, të cilës do t‘i referohen objektet e tjera arkeologjike që mund të zbulohen më vonë. Në periudhën e prehistorisë, kushtet klimaterike luanin një rol të rëndësishëm në jetën e banorëve të asaj kohe dhe penetrimi me anë të metodës së re të dentro-kronologjisë ka ndihmuar shumë në njohjen e ndërtimeve të banorëve prehistorikë, të moshës së këtyre ndërtimeve dhe jetëgjatësisë së banesave, si dhe llojit të drurëve që shfrytëzonin e përdornin banorët e prehistorisë apo periudhës së Neolitit të hershëm. Porse, nga ana tjetër, ajo që ndihmon specialistët është fakti se zona e Shqipërisë juglindore me qendër Korçën, përmban lëndë të shumta drusore, që nga prehistoria deri në ditët tona dhe kjo do të mundësojë ndërtimin e një kolone dentro-kronologjike nga prehistoria e në vazhdim.

http://www.sot.com.al/index.php?opti...Itemid=0&lang=

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar