Ksamil: Zbulohet varr i lashtësisë

VNf

Një varr monumental që mendohet se i përket antikitetit, është zbuluar mbrëmjen e djeshme në qytezën e turistike të Ksamilit, rreth 13 kilometra larg qytetit jugor të Sarandës.

"Varri monumental është zbuluar rastësisht nga një banor i qytezës së Ksamilit, në momentin që ai po hapte themelet e një ndërtese të re", - tha Dhimitër Çondi, drejtor i Muzeumit të Butrintit, njëherazi arkeologu i njohur në jug të vendit.

Specialistët e monumenteve të kulturës, të informuar për këtë rast, kanë izoluar vendin dhe nuk kanë lejuar asnjë makineri të punonte në objektin e lashtë.

Arkeologu Çondi nënvizoi se varri antik mendohet se i përket fundit të periudhës helenistike dhe fillimit të periudhës romake. Gjithsesi shtoi ai "është ende herët të jap një version zyrtar për sa i përket objektit të sapozbuluar. Sot pritet të mbërrijnë disa specialistë të mirëfilltë për të përcaktuar saktë objektin monumental".

http://www.gazeta-standard.com/tekst.php?idt=9080