Prespë e Madhe: Zbulohet vendbanim parahistorik

mesdimr · 29.8.2008, 07:38

Citim:

Është një vendbanim prehistorik i zbuluar në zonën e Prespës së Madhe pranë fshatit Goricë. Zona e marrë në survejim nga një ekip arkeologësh francezë të Universitetit të Parisit në bashkëpunim me arkeologë të prehistorisë, me në krye arkeologun Petrika Lera, “fsheh” në vetvete një vendbanim prehistorik me sipërfaqe prej 8 hektarësh i përmasave të rëndësisë së vendbanimeve më të mëdha, ndoshta në të gjithë Mesdheun.

“Rezultatet e survejimit shumë shpejt do të bëhen të ditura. Ekipi aktualisht është në terren“, shprehet drejtoresha e IA-së, arkeologia Shpresa Gjongecaj, e cila ka qenë e pranishme gjatë survejimit në këtë vendbanim dhe ka prekur me dorë objektet e gjetura.

Kështu janë gjetur objekte të ndryshme të periudhës së neolitit të mesëm dhe të vonë, si: vegla pune, objekte qeramike, të cilët gjatë restaurimit kanë mundur të krijojnë edhe enë të plota. “Sasia e materialeve të gjetur është shumë e bollshme dhe të krijon idenë për një jetë intensive në këtë zonë qysh në periudhën historike të neolitit”, pohon Gjingecaj, ndërsa nuk do të flasë më tepër për këtë zbulim interesant. Gjetjet janë tepër me vlerë edhe për faktin se periudha e neolitit nuk është kaq intensive në gjetje. Ndërkohë që arkeologët duke u nisur nga kjo pasuri kanë bërë prerje për të parë deri ku shkon kjo periudhë, që nis me neolitin e mesëm e shkon deri në periudhën e bronzit.

Interesante në objektet e gjetura është guri i punuar, që dëshmon se në këtë zonë mund të ketë pasur një atelie ose punishte të punimit të gurit. Sipas specialistëve, duket se kemi të bëjmë me një periudhë të hershme ku nuk ka dalë metali dhe çdo gjë ishte e lidhur me gurin.

http://www.gazetametropol.com/tekst.php?idt=53461

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar