Hekurudha shqiptare (në pritje të koncesionit)

15.11.2009, 15:19

Citim:

KE, interesim për ristrukturimin e hekurudhave shqiptare

Ministri i Punëve Publike, Transporteve dhe Telekomunikacioneve, Sokol Olldashi dhe përfaqësuesi i Komisionit Europian, Elio Catania, janë njohur dje nga afër me kushtet e linjave të Hekurudhave Shqiptare (HSH).

Pas udhëtimit me trenin Tiranë-Durrës, ministri Olldashi ka deklaruar se, standardet aktuale të udhëtimit me tren nuk janë optimale. Ai shtoi se, ka përfunduar platforma për reformimin e administratës dhe së shpejti do të nisë rikonstruksioni i linjave hekurudhore.

Zoti Olldashi tha se, prioritet mbetet rikonstruksioni i linjës Durrës-Tiranë, si dhe ai i segmentit Vorë-Bajzë, si linja e vetme ndërkombëtare për transportin e mallrave përmes Malit të Zi. Ai u shpreh, se është gati projekti i rikonstruksionit të linjës Durrës-Rrogozhinë-Elbasan, që do të vazhdojë më tej drejt kufirit maqedonas.

Koordinatori i KE për hekurudhat në Evropën Juglindore, Elio Catania, tha se tashmë ka nisur diskutimi me Bashkimin Evropian dhe organizmat e rëndësishme financiare ndërkombëtare, me synim modernizimin e Hekurudhave Shqiptare, çka përbën një nga kushtet e rëndësishme për anëtarësimin e Shqipërisë në BE.

Zoti Catania shtoi se, investimet në linjat hekurudhore lehtësojnë qarkullimin automobilistik, ulin normat e ndotjes së mjedisit dhe përmirësojnë cilësinë e jetës së qytetarëve shqiptare.

Hekurudhat Shqiptare kanë mbi 440 km linjë hekurudhore, që nga Durrësi shkojnë drejt Tiranës, Shkodrës, Vlorës, Pogradecit dhe Ballshit. Nëpërmjet tyre, transportohen mesatarisht 800 mijë udhëtarë dhe 500 mijë ton mallra në vit.

http://www.rilindjademokratike.com/R...t%20hekurudhor

11.5.2010, 19:57

Citim:

Shqipëria, te vendet me trenat më të ngadaltë

Nisma norvegjeze “E ardhmja në dorën tonë” ka publikuar së fundmi një studim mbi gjendjen e hekurudhave dhe shpejtësinë e trenave në Evropë, ku mes të tjerash përfshin edhe Shqipërinë.

Pozicionimi i vendit tonë është në kategorinë e “të ngadaltëve”, krahasuar me vende të tjera të Evropës Perëndimore. Kështu shpejtësia e trenave në Shqipëri është përcaktuar në vlerën 30 kilometra në orë, duke u renditur e 22-ta, nga 27 vende dhe me këtë rezultat lë pas Turqinë me një shpejtësi 29 kilometra në orë.

Franca është vendi që mban vendin e parë sa i përket shpejtësisë së trenave dhe investimeve të bëra në hekurudha. Shpejtësia e trenave për këtë vend është 227 kilometra në orë.

Norvegjia është një ndër vendet që në fakt nuk ka ndonjë rezultat shumë më të mirë sesa Shqipëria, duke u pozicionuar dy vende më lart me një shpejtësi 53 kilometra në orë.

Vendet që kanë shënuar edhe rezultatet më të mira cilësohen si vendet që kanë investuar më së shumti në hekurudha ndërsa vendet që kanë një shpejtësi që është vetëm disa dhjetëra kilometra në orë cilësohen si vende që kanë bërë vetëm një investim fillestar dhe nuk kanë ndërhyrë më vonë. Pjesë e kësaj kategorie janë Shqipëria, Norvegjia dhe Turqia.

Sipas informacioneve të Ministrisë së Punëve Publike dhe Transportit, rrjeti hekurudhor shqiptar ka një gjatësi të përgjithshme prej 447 km linjë kryesore dhe 230 km linjë sekondare. Ai shtrihet nga veriu me stacion kufitar Bajzë, deri në jug me stacion fundor Vlorë, dhe në lindje me stacion fundor Pogradec, në kufi me Maqedoninë.

http://www.panorama.com.al/index.php?id=41104

17.5.2010, 20:45

Citim:

Olldashi, kallëzon penalisht ish ministrin e transporteve, Spartak Poçi

Ish-ministri socialist i Transportit dhe Telekomunikacionit, Spartak Poçi, është kallëzuar penalisht sot nga ministri aktual, Sokol Olldashi. Ai akuzohet për shpërdorim detyre, në lidhje me kontratën e firmosur me "Xheneral Elektrik", në shtator të 2003-it, për hekurudhën moderne, Tiranë-Rinas-Durrës.

Sipas njoftimit, Poçi akuzohet se ka kryer një krim, që sot kushton 12 milion euro, pasi shteti shqiptar humbi procesin me "Xheneral Elketrik", në Gjykatën Ndërkombëtare të Arbitrazhit në Romë.

Poçi akuzohet gjithashtu se nuk është paraqitur në këtë proces, pasi "sqarimet e tij " janë quajtur të rëndësishme për vendimin, që u dha kundër Shqipërisë.

http://www.ora-news.com/mat1.php?idm=57071

20.5.2010, 19:50

Citim:

Shqipëria dëmshpërblen me 11 mln € General Electrics

Tiranë – Shqipëria do të nxjerrë nga xhepi i saj plot 11 milion euro, për t’ia dhënë kompanisë amerikane General Electrics.

Shuma e parave do të jepet, pasi Gjykata Ndërkombëtare e Arbitrazhit në Romë, ka vendosur dëmshpërblimin për kompaninë në fjalë, për shkak të prishjes së kontratës në mënyrë të njëanshme nga ana e qeverisë shqiptare.

Vendimi është marrë dje nga qeveria dhe do të ekzekutohet nga Ministria e Transporteve, shumë e cila do të përfshihet në buxhetin e vitit 2010.

“Ekzekutimin e vendimit të Gjykatës Ndërkombëtare të Arbitrazhit, në Romë, Itali, për çështjen nr.14403/FM General Electrics, Athena (Iliria Consortium) vs Ministria e Punëve Publike, Transportit dhe Telekomunikacionit, në vlerën 11 000 000 ( njëmbëdhjetë milionë) euro, vlerë për të cilën është rënë dakord sipas marrëveshjes së negocimit me General Electrics, e cila i bashkëlidhet këtij vendimi”, thuhet në vendimi i qeverisë.

Vendimi në fjalë hyn menjëherë në fuqi dhe për të shlyer dëmin ngarkohen Ministria e Financave dhe Ministria e Punëve Publike dhe Transportit. Gjatë kohës së qeverisjes socialiste, u nënshkrua një kontratë me kompaninë General Electrics për ndërtimin e një linje moderne hekurudhore Tiranë-Durrës me trena elektrik, marrëveshje e cila u hodh poshtë nga qeveria e djathtë, me arsyen se vendi ynë nuk mund të përballonte një investim të tillë.

http://www.gazetastart.com/lajme/Aktualitet/15995/

3.7.2010, 07:09

Citim:

Hekurudhat kthehen në funksion

Biznesi i Hekurudhave të Kosovës ka filluar të ngrihet me zhvillimin e sektorit të mineraleve dhe rritjes së qarkullimit të karburanteve. Sipas të dhënave të Bankës Botërore, vagonët e kësaj kompanie kanë bartur mbi 832 tonë mallra, krahasuar me vitin 2006 kur u bartën 545 tonë mallra të ndryshme.

Rezultatet kanë mundur të jenë edhe më të mira, sikurse të ishte realizuar plotësisht kontrata me “Ferronikelin”, i cili kishte planifikuar që të transportojë rreth një milion tonë xehe e metal, apo sikur “Llamksoi” të mos futej në probleme biznesore.

Mirëpo, duke analizuar pikat e hyrjes së mallrave të importuara, atëherë del se ndonëse është rritur shkalla e shfrytëzimit të shërbimeve hekurudhore, megjithatë mbetet larg nga nevojat e biznesit.

Xhevat Ramosaj, kryeshef ekzekutiv i Hekurudhave të Kosovës, ka thënë se me binarë janë të lidhura të gjitha qytete e mëdha të Kosovës, pos Gjilanit dhe Gjakovës. Kjo është një mundësi e mirë që të gjitha transportet të bëhen përmes hekurudhës. “Me moton ‘Transporti nga dera në derë’ mallrat i dërgojmë në të gjitha destinacionet në Kosovë”, ka thënë Ramosaj.

Sipas tij, ende ka mundësi për transport më të madh të mallrave për klientët. Aktualisht përmes hekurudhës transportohen xehe të ndryshme, thëngjilli, karburantet, materialet ndërtimore, drithërat, mallrat e konsumit të gjerë, makineritë e ndryshme, etj. “Sidomos mundësia ideale e transportit të mallrave me kontejnerë, ku nga terminali i kontejnerëve në Miradi e bëjmë dërgimin e mallrave me kamionë kudo në Kosovë”, ka thënë ai.

Mallrat sipas tij, mund të transportohen nga të gjitha vendet e rajonit, Evropës dhe botës. Ai ka thënë se nuk është problem se nga vjen malli, sepse sipas tij, ekzistojnë marrëveshjet ndërmjet hekurudhave për transportin e mallrave.

“Për momentin, për shkak të raporteve ekzistuese me Serbinë i tërë transporti i mallrave për nevojat e klientëve tanë bëhet përmes Maqedonisë”, thotë ai.

Sipas tij, mallrat kryesisht vijnë nga këto vende: Karburantet nga Maqedonia dhe Greqia; drithërat nga Hungaria, xehja nga Indonezia përmes portit të Selanikut, makineritë dhe materialet e ndryshme ndërtimore nga Gjermania dhe vendet tjera evropiane.

Banka Botërore evidencon se 39 për qind të trafikut të mallrave janë minerale të nikelit, pastaj karburante nga Maqedonia – 31 për qind dhe thëngjill- 11 për qind. Për habi, Enti i Statistikave të Kosovës fare nuk ka evidenca për Hekurudhat e Kosovës.

Ibrahim Bucaliu, pronar i kompanisë për qarkullimin me karburante “HIB Petroll” thotë se në pesë vjetët e fundit 90 për qind të mallrave e transporton përmes hekurudhave.

“HIB Petrol” brenda muajit qarkullon 4000-5000 tonë derivate. “Jemi të kënaqur me shërbimet e Hekurudhave të Kosovës”, ka thënë ai.

Edhe Ramiz Kelmendi, pronar i kompanisë “Elkos Group”, ka thënë se hekurudhat i përdorin më së shumti për importin e mallrave nga Azia, Amerika, Austria, Greqia, të cilat vijnë përmes portit të Selanikut dhe të Durrësit.

Sipas tij, hekurudhat nuk shfrytëzohen për transportin e artikujve ushqimorë, sepse, për shkak të ndalesave të shpeshta në kufi ka rrezik që këta artikuj t’i afrohen afatit të skadencës.

“Produktet që kanë afat më të gjatë qëndrimi i importojmë përmes hekurudhave”, ka thënë Kelmendi. Sipas tij, Hekurudhat e Kosovës i kryejnë me sukses dhe me kohë të gjitha procedurat.

http://www.zeri.info/artikulli/2/8/8...n-ne-funksion/

5.7.2010, 21:43

Citim:

Linja hekurudhore Shqipëri – Maqedoni do të fillojë më 2014

Shkup, 5 korrik – Linja hekurudhore që do të lidhte Maqedoninë me Shqipërinë do të nisë së ndërtuari më 2014 dhe parashihet të përfundojë më 2017, njoftojnë zyrtarë në Shkup.

Ndërtimet e reja hekurudhore në Korridorin 8 dhe në Korridorin 10, nënkuptojnë përmirësimin e klimës ekonomike dhe angazhimin për zhvillimin e bizneseve të reja.

Mjetet e nevojshme financiare për hekurudhën janë të klasifikuara, duke filluar me periudhën prej vitit 2009-2016, kur nevojiten 315 milionë euro, të cilat do të sigurohen me kredi nga bankat e huaja.

Nga kjo shumë, 15 milionë euro janë të dedikuara për projektim dhe shpronësim gjatë periudhës 2009-2012 nga buxheti i Ministrisë së Transportit dhe të Lidhjeve. Ndërkaq në përpunim të dokumentacionit tekniko-investues për korridorin 8 me buxhetin për vitin 2010 janë të siguruara 30 milionë denarë.

Sipas Vladimir Panovskit, ndihmësdrejtor i hekurudhave të Maqedonisë, bashkëpunimi ndërkufitar me Shqipërinë planifikohet të ndërtohet duke lidhur pjesën e hekurudhës nga Kërçova, ku bëhet fjalë për një largësi derikufitare prej 70 kilometrash.

Si konkluzë e realizimit të gjithë kësaj pune, pa marrë parasysh mungesën e mjeteve financiare do të vazhdojë të punojë me dokumentacionin tekniko-investues për hekurudhat.

Deri në korrik të 2010 të përpunohet studimi i projektit ideor për pjesën që do të lidhet me Shqipërinë, deri në fund të vitit 2011-2012 të punohen projektet themelore dhe ndërtimore, deri në fund të 2013 të përfundojë ekspropriacioni i tokës, më 2014 fillojnë ndërtimet, kurse në vitin 2017 përfundon ndërtimi i hekurudhës.

“Shihet mundësia që financimi i dokumentacionit tekniko-investues të jetë i mbuluar nga ndonjë institucion financiar ndërkombëtar, të cilat
ministria e Financave vetëm se po i kontakton”, ka thënë Panovski.

Ai mendon se realizimi i projektit varet nga euro-integrimet e Maqedonisë në NATO dhe UE, në përgjithësi ftesa për fillim të bisedimeve.

“Kriza ekonomike ka ndikuar në përpilimet e tilla, sepse neve na kanë dështuar shumë plane dhe e gjithë kjo punë duket shumë dinamike dhe e lidhur për punët, megjithatë procesi po rrjedh vazhdimisht, por mendoj se dinamika është pak më e lidhur me atë materialen kryesisht atë realen”, ka thënë Panovski.

Ai ka shtuar se vetë Qeveria është bartëse e gjithë projektit dhe se për gjitha këto aktivitete ajo është përkrahëse dhe gjatë gjithë procesit ndihmon hekurudhat të bëjnë eksport.

“Ky proces do të ndikojë pozitivisht në ekonominë e vendit dhe se vetë studimet e themelimit të projekteve do të bëjnë edhe analiza postbeneficionare, që do të thotë do të llogaritet edhe ajo se ‘sa do të harxhoni aq do të fitoni’ dhe e tërë kjo patjetër do të japë rezultate të pëlqyeshme ekonomike”, ka thënë Panovski.

http://www.koha.net/index.php?cid=1,5,27172

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Tituj të ngjashëm
Çështja
Shëngjini, autorruga dhe hekurudha - nga Gani Mehmetaj nga VNf në danën "D4"