ShP: Sabotimi i prodhimit të misrit, përfiton Serbia

VNf

A kemi të bëjmë me një sabotim ekonomik në rastin e prodhimit të munguar të misrit në vend, si pasojë e furnizimit të fermerëve shqiptarë me farë jashtë standardit? Kjo është një pyetje, së cilës mund t’i jepet përgjigje vetëm nga organe të specializuara të hetimit dhe akuzës. Por, me dashje apo pa dashje qoftë, nga pengesa e prodhimit vendas të misrit, e fituar del Serbia. Sipas statistikave zyrtare, të cilave iu referohet Qendra Shqiptare për Tregtinë e Jashtme ACIT, në bashkëpunim me USAID-in amerikan, del se furnizues më i madh i Shqipërisë me misër është pikërisht Serbia. Gjatë vitit 2007, gjithnjë sipas shifrave, janë importuar në vendin tonë 11 milionë e 260 mijë e 900 euro misër. Nga kjo sasi, prej Serbisë kanë ardhur 5 milionë e 275 mijë e 900 euro nga ky mall. Pra, 47 për qind e importit të këtij lloj drithi, jetik për popullsinë, ka ardhur nga ky vend.

http://www.balkanweb.com/gazetav4/index.php?id=42762