ShP: Këtë vit, 20 mijë ton drithëra më shumë import se krejt 2007

VNf

Sipas statistikave të Doganave, rezulton se në 2008-ën janë importuar 203.841 ton drithëra. Pra, nga janari e deri në fund të qershorit, sasia është 20 mijë ton më e lartë se importet e 12 muajve të vitit 2007. Sasi, që sigurisht do të shtohet gjatë gjashtë muajve të tjerë të vitit që kanë mbetur. Kjo do të thotë, 10 për qind rritje në importin e këtyre mallrave, vetëm gjysmën e parë të vitit në vazhdim. Në rast se prodhimi vendas do të vazhdojë të përballet me thatësira, fatkeqësi natyrore, apo me çfarëdolloj problemi tjetër, ku nuk mund të përjashtohet sabotimi i qëllimshëm, kjo do të krijonte kushte për një rritje edhe më të madhe të importimit të drithit nga vende të tjera.

Sipas statistikave të ofruara nga ana e Ministrisë së Bujqësisë, në javën e parë të gushtit, një kilogram misër i prodhuar në vend shitej me 43 lekë. Kjo është një shifër 5% më e lartë se çmimi i misrit të importuar.

http://www.balkanweb.com/gazetav4/index.php?id=42756