KESH-KEK, 48 orë furnizim pa ndërprerje për shkak të riparimeve

VNf

KESH-i i ka ardhur në ndihmë simotrës së saj shqiptaroveriore gjatë 24 orëve të fundit, për shkak se një nga blloqet e termocentraleve të KEK-ut është stakuar dhe i është nënshtruar riparimeve, të cilat pritet të vazhdojnë edhe për 24 orë të tjera. Sipas njoftimeve nga Prishtina, ky stakim ka shkaktuar një kolaps gati të plotë të sistemit energjetik të Shqipërisë së Veriut, në një periudhë tepër të vështirë të tij.

I gjithë vendi po furnizohet tani vetëm me 270 megavat fuqi të bllokut të dytë Kosova B, që mund të mbulojë vetëm një të tretën e kërkesës për konsum. Si rezultat, janë shtuar orët e territ, deri në pesë orë në ditë. Në këtë kuadër, në bazë edhe të kontratave dypalëshe të bashkëpunimit midis KESH dhe KEK, e para ka filluar të transmetojë energji me një fuqi prej 50 megavatësh drejt Shqipërisë së Veriut, për ta ndihmuar atë të përballojë gjendjen e rëndë.

http://www.balkanweb.com/gazetav4/index.php?id=42787