Abuzimi me duhanin në Shqipëri

Mbulim.

Ligji antiduhan është i dështuar ndërsa numri i duhanpirësve po vjen në rritje, madje edhe tek mosha fare të reja. Këtë fakt, tashmë e pranojnë vetë institucionet shtetërore, të cilat të ndodhur përballë këtij fenomeni propozojnë rritjen e çmimit të duhanit si e vetmja rrugë për të ulur numrin e duhapirësve.

Për këtë qëllim u organizua sot nga Ministria e Shëndetësisë në bashkëpunim me OBSH-në një tryezë e rrumbullakët për analizën e kontrollit të duhanpirjes në Shqipëri, veçanërisht në zbatimin e ligjit “Për mbrojtjen e shëndetit nga produktet e duhanit”.

http://www.shekulli.com.al/news/101/...008-09-11.html

Po shtohet me ritme të frikshme numri i përdoruesve të duhanit në vendin tonë. Shqetësuese dhe problematike sipas specialistëve të Institutit të Shëndetit Publik mbetet duhanpirja jo tek të rritur, por te moshat shkollore, duke bërë që kurba e numrit të duhanpirësve në vendin tonë të shënojë dhe pikun e epidemisë së duhanpirjes.

Monitorimi më i fundit i bërë nga ky institut e ka konstatuar përmasa alarmante të ritmeve të konsumit të duhanit te kategori të caktuara të popullatës, veçanërisht tek të rinjtë, duke e krahasuar Shqipërinë me vendet e botës së tretë për sa i takon këtij fenomeni.

http://www.gazetametropol.com/tekst.php?idt=54581

Sipas studimit të kryer nga Organizata Botërore e Shëndetësisë dhe Shoqata Amerikane e Kancerit në Shqipërinë Perëndimore, 39% e popullatës janë duhanpirës të rregullt.

"Me këto shifra vendi ynë renditet ndër vendet me përqindje të lartë të duhanpirjes, e ngjashme me vendet e Evropës Lindore dhe ish-Bashkimit Sovjetik", - tha dje ministrja e Shëndetësisë, Anila Godo, gjatë një konference për shtyp.

"Nga analizat llogarisim se nëse në Shqipëri 40% e kancereve janë të parandalueshme, gjysma e këtyre të fundit kanë si shkak kryesor duhanin. Kemi llogaritur gjithashtu se duhanpirja është përgjegjëse për rreth 20% të barrës së sëmundjeve në vendin tonë", - shtoi Godo.

Lidhur me parandalimin e ekspozimit pasiv, ligji shqiptar për duhanin nxit parandalimin në mjediset e mbyllura publike.

"Megjithëse në shumicën e rasteve lokalet vetë, formalisht, janë përpjekur të respektojnë ligjin, duke vënë paralajmërimet e ndalimit të duhanit apo duke hequr tavllat nga tavolinat (dy elementë për të cilat ligji parashikon sanksione), mbetet shumë përgjegjësi tek individi duhanpirës, për të cilët ligji nuk parashikon sanksione", - theksoi më tej ministrja Godo.

http://www.gazeta-standard.com/tekst.php?idt=19115