Një projekt restaurimi për Mozaikun e Tiranës

mesdimr · 14.9.2008, 11:35

Citim:

Një projekt i ri me vlerë prej 4 milionë lekë, do të bëjë të mundur restaurimin e mozaikut të Tiranës, një zbulim unikal që mendohet se i takon shekullit të IV dhe që dëshmon fillesat e qytetit të Tiranës, që në kohët antike. Ka qenë Drejtoria Rajonale e Kulturës Kombëtare (DRKK) në Tiranë, e cila ka hartuar këtë projekt që do të financohet në vitin 2009, në mënyrë që Mozaiku i Tiranës, i ndodhur në pjesën perendimore të kryeqytetit të restaurohet.

Drejtori i DRKK, Tiranë, Vilson Masmalaj u shpreh se, "qëllimi i restaurimit dhe konsolidimit të këtij mozaiku ka rëndësi jo vetëm se bëhet fjalë për teknikën, me të cilën është ndërtuar, por dhe se është një monument, që pasuron më shumë historinë e qytetit të Tiranës". "Në kuadrin e turizmit, ky monument është i vizitueshëm në çdo stinë të vitit", tha ai.

Specialistët thonë se, ky mozaik nuk ka një përcaktim të saktë të datimit të tij , por megjithatë sipas tyre deri tani, mendohet se i përket shek. IV dhe se kemi të bëjmë me një qendër fshatare të shekujve të parë e.s., që në fillim të shek. III u zëvendësua me vila fshatare (rustika).

Salla me mozaikë e pajisur dhe me një absidë ishte ambienti kryesor i vilës ku është gjetur mozaiku, ndërkohë që në shek. V-VI vendin e vilës e zuri një bazilikë paleokristiane.

Mozaiku ka kryesisht motive gjeometrike dhe florealë, shumë prej të cilave gjenden dhe në mozaikë të tjerë, ç'ka tregon dëshmi të lulëzimit të artit të mozaikut, jo vetëm në qëndrat e mëdha qytetare, por dhe në vendbanimet rurale.

Ai u zbulua në vitin 1972, kur gjatë ndërtimit të një pallati me kontribut vullnetar në bllokun "Partizani", të lagjes Nr.9, në perëndim të Tiranës, u vunë re rrënojat e një godine të lashtë, mbi një ambient të shtruar me mozaik. Tani dhe pse ruhet i mbuluar me çati të përhershme, sipërfaqja, duke qënë në kontakt të vazhdueshëm me atmosferën, ka nevojë për një ndërhyrje të menjëherëshme, pasi ka shkëputje të teserave nga bazamenti si dhe çarje të tij.

Tri ndërhyrje restauruese janë kryer në mozaikun e Tiranës, në vitin 1985, 1993-1994 dhe në vitin 2004.

http://www.balkanweb.com/gazetav4/index.php?id=43399

23.1.2010, 18:01

Citim:

Mozaiku i Tiranës çelet për publikun pas restaurimit

Emri: mozaiku-tiranes.jpg
Shikimet: 0
Madhësia: 10,1 KB

I vetmi site arkeologjik i kryeqytetit shqiptar eshte hapur sot per publikun pas nje restaurimi qe ka kerkuar disa muaj. Ministri i kultures Ferdinand Xhaferri dhe perfaqesues te drejtorise rajonale te monumenteve ishin te pranishem ne perurimin e nje prej monumenteve arkeologjike me te rendesishme te Tiranes. Ministri e vleresoi kthimin e ketij siti ne nje vend te vizitueshem dhe atraktiv dhe qe i sherben turizmit kulturor.

Mozaiku i Tiranës është i vetmi monument arkeologjik brenda territorit të qytetit të Tiranës dhe si i tille mbart shume vlera, persa i perket trashegimise se kryeqytetit. Ky mozaik i cili fillimisht u zbulua ne 1972, kishte disa vite qe nuk restaurohej. Me projektin e financuar nga MTKRS beri qe mozaiku te restaurohej duke e rikthyer ne gjendjen pas restaurimit te bere per here te pare ne vitin 1976. Arkeologet mendojne se kemi të bëjmë me një qendër fshatare të shekujve të parë e.s., që në fillim të shek. III u zëvendësua me një vilë fshatare (vila rustika). Salla me mozaik e pajisur dhe me një absidë, ishte ambienti kryesor i saj. Autorët mendojnë që në shek. V-VI, vila u zëvendësua me një bazilikë paleokristiane.

Siti arkeologjik, ose me sakte kompleksi i viles fshatare romake, eshte nje deshmi shume e rendesishme per identitetin historik te vendbanimeve te hereshme ne kryeqytetin tone. Perceptimi ne popullin e kryeqytetit eshte se Tirana, vendbanimet me te hereshme i ka te shekullit 13-14 te eres sone. Ne fakt ky mozaik deshmon per hershmerine e vendbanimeve ne kete qytet. Duke patur parasysh qe ne Tirane dhe vecanerisht prane ketij monumenti ka rrenoja arkeologjike, DRKK Tirane do te paraqese se shpejti nje propozim per shpalljen e zones rreth Mozaikut ne Zone Arkeologjike A.

http://www.alsat.tv/kulture/mozaiku-...staurimit.html

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar