Perëndimor: Caktimi i kufirit (detar) me Greqinë

6.10.2008, 20:02

Zëvendës ministri i mjedisit Aleksandër Garuli thotë se Shqipëria ka në plan të shënojë kufirin e ri ujor me Greqinë për herë të parë. Ai tha të dielën (5 tetor) se zyrtarët e të dy vendeve do të nënshkruajnë shpejt një pakt në qytetin grek të Janinës për të shënuar kufijtë detarë, liqenorë e lumorë. Ai do të hyjë në veprim me ratifikimin nga të dy parlamentet e vendeve.

http://www.setimes.com/cocoon/setimes/xhtml/sq/newsbriefs/setimes/newsbr...

24.4.2009, 11:23

Përmes matjeve të kujdesshme shkencore nga specialistë të palës shqiptare dhe greke, ndarja e rrafshnaltës nënujore (continental shelf) mes dy shteteve është bërë në saktësi milimetrash. Pas verifikimit, Shqipëria dhe Greqia kanë rënë dakord për nënshkrimin në dt. 27 prill në Tiranë të marrëveshjes dypalëshe që u miratua dy ditë më parë nga Këshilli i Ministrave.

“Është një marrëveshje shumë e rëndësishme edhe pse për thjeshtësi do ta quaja një marrëveshje standard, e njëjtë në thelb me atë që Shqipëria ka nënshkruar me Italinë në vitin 1992, e që shpreh të njëjtat koncepte të unifikuara, të detyrueshme nga ligji ndërkombëtar në këtë fushë. Nuk dëshiroj të hyj në hollësira apo detaje juridike, por për të kuptuar saktësisht përmbajtjen dhe për të evituar çdo keqkuptim, më lejoni të përmend bazën juridike të marrëveshjes”, - u shpreh kryenegociatori i palës shqiptare, Ferit Hoxha.

Baza juridike në të drejtën ndërkombëtare për përcaktimin e rrafshnaltës nënujore gjendet në Konventën për të Drejtën e Detit (e njohur ndryshe si Konventa e Gjirit Montego, sipas emrit të vendit ku u përfundua në vitin 1982), e cila ka hyrë në fuqi më 16 nëntor 1994. Greqia është palë që prej 21 korrikut 1995, ndërsa Shqipëria që nga data 23 qershor 2003. Duke qenë se të dyja vendet janë palë në këtë traktat ndërkombëtar, sipas nenit 83 të Konventës, ato duhet “të përcaktojë me marrëveshje mbi bazat e ligjit ndërkombëtar kufirin e rrafshnaltës nënujore”.

Kjo është bërë dhe mes dy shteteve në marrëveshjen në fjalë. Gjegjësisht rrafshnalta nënujore e të dy shteteve përfshin shtratin e detit dhe tabanin e zonës nënujore që shtrihet përtej detit të tij territorial, përgjatë zgjatimit natyral të territorit në një distancë prej 200 milje detare nga vijat bazë nga të cilat është matur gjerësia e detit territorial, kur kufiri kontinental nuk shtrihet deri në këtë distancë.

Rrafshnalta nënujore përfshin zgjatjen nënujore te masës se tokës dhe përbëhet nga fundi i detit, uljet dhe ngritjet e tij. Ajo nuk përfshin masën ujore dhe ajrore mbi të. Kryenegociatori i palës shqiptare pohon se në kuptimin gjeologjik kjo rrafshnaltë matet duke filluar nga pika në të cilën toka takon me ujin, ndërsa në kuptimin juridik ajo fillon në pjesën e shtratit të detit ku mbarojnë ujërat territoriale. Në kuptimin gjeologjik, rrafshnalta mbaron në pjerrësinë kontinentale, ndërsa në kuptimin juridik mund të mbarojë në pika të ndryshme, në varësi të kufirit të ujërave territoriale.

Parimi bazë i përdorur është ai bashkëlargësisë, d.m.th. përcaktimi i një vije ndarëse me largësi të njëjtë nga të gjitha pikat e vijës bazë të shteteve bregdetare. Kjo është e shprehur qartë në marrëveshje dhe zbatohet në të Drejtën Detare. Kufiri mes dy vendeve është ndarë në mënyrë të barabartë, pra me një vijë të mesme gjithkund të baraslarguar nga pikat më të dala të kufirit tokësor të të dyja vendeve. Në konceptin e kufirit tokësor bëjnë pjesë edhe ishujt, të cilët janë pjesë e territorit të palës përkatëse.

Ferit Hoxha shpjegon se “pikat ndarëse janë gjithsej 150 pika – koordinata - pjesë e marrëveshjes të cilat të bashkuara në një vijë të pandërprerë përbëjnë vijën ndarëse, pra vijën e mesme e që përcakton hapësirat detare të secilit vend”.

Sipas tij, përcaktimi i sistemit të të dhënave (geodetic datum) ka qenë pjesë e diskutimit dhe gjatë negocimit janë përdorur dy sisteme të njohura gjerësisht.

“Për të shmangur çdo keqkuptim dhe për të thjeshtësuar sa më shumë gjërat në aspektin teknik, në raundin e fundit u vendos të mbahej sistemi i të dhënave i përdorur nga pala jonë, WG84. Në pjesët ku bashkohet deti i më shumë se dy vendeve bregdetare duhet përcaktuar pika treshe (triple point). Meqenëse Greqia ka nënshkruar Marrëveshje të Shelfit me Italinë (24 maj 1977) dhe po ashtu edhe Shqipëria me Italinë (18 dhjetor 1992), në të ardhmen të tria vendet do të përcaktojnë bashkërisht pikën treshe ku takohen pikat fundore të vijës së tre vendeve”, - theksoi z. Ferit Hoxha.

Kurse për sa u përket hamendësimeve në shtyp se pala jonë nuk ka marrë çfarë i takon, Hoxha bën të qartë se “unë nuk e di se ku mbështeten afirmime të tilla totalisht, e përsëris totalisht, pa asnjë bazë reale. Ndarja është “milimetrikisht” e barabartë, e ndershme dhe secila palë ka marrë atë që i takon, as më shumë e as më pak. Matjet janë bërë me metoda shkencore, nga specialistët më të mirë të të dyja palëve dhe ato kanë qenë të verifikuara dhe të certifikuara me kujdesin maksimal. Çdo pretendim tjetër është për më së paku pasaktësi”.

http://www.gazeta-standard.com/tekst.php?idt=17869

allianz · 24.4.2009, 11:40

Ça dmth kjo në gjuhë të përditshme? Që varkat e anijet shqiptare mund të shkojnë deri në ishujt 'grekë' dhe ato greke të vijnë deri në Sazan?

Kandhaon · 24.4.2009, 15:43

Jo, "zgjatimi" nuk ka të bëjë me zgjerim në teritor të njëri tjetrit.

Sipas së drejtës ndërkombëtare kufiri detar shkon nga 6 deri 12 milje, pra kjo përfshin tërë detin, edhe tokën nënujore, edhe ujin edhe ajrin mbi të.

Kurse ky "zgjatimi nënujor" përfshin siç thuhet deri në 200 milje larg bregut të detit, por ky sovranitet shtrihet vetëm mbi tokën nënujore, por nuk shtrihet ky sovranitet as mbi ujin e as mbi ajrin që gjendet mbi atë tokë.

Kjo tokë nënujore, është ndarë, dmth i është caktuar kufiri greko-shqiptar, njësoj sikurse janë të vënë gurët kufitarë në tokë.

28.9.2009, 23:27

Citim:

Kuvendi miraton sot marrëveshjen e ujërave me Greqinë

Kuvendi pritet të miratojë sot në seancën e pasdites projektligjin për marrëveshjen e ndarjes së ujërave territoriale me shtetin grek. Kjo marrëveshje e nënshkruar disa muaj më parë midis dy qeverive u kundërshtua nga opozita, pasi sipas saj, nuk kishte pasur transparencë, ndërsa qeveria deklaroi se marrëveshje zgjidhi një problem shekullor mes dy shteteve, që ishte përcaktimi i saktë të kufirit ujor mes dy vendeve.

Nga ana tjetër, qeveria tha se për ndarjen e ujërave është vepruar në bazë të marrëveshjeve ndërkombëtare që kanë nënshkruar të dyja vendet, në rastin konkret, atë të Montego Bay.

Nga ana tjetër, sot paradite do të mblidhen komisionet parlamentare për të shqyrtuar disa projektligje "Për shfuqizimin e ligjit të vitit 1998 "Për rregullimin e pasojave që kanë rrjedhur nga zbatimi i dekretit nr. 204, datë 5.6.1992 "Për pasurinë e sindikatave", ndërsa Komisioni i Ligjeve do të diskutojë disa ndryshime në ligjin "Për përgjimin e telekomunikacioneve"” etj.

http://standard-al.com/tekst.php?idt=22030

16.10.2009, 11:02

Citim:

Marrëveshja me Greqinë, ankesë në Gjykatën Kushtetuese

Tiranë – Shtatë parti me në krye Partinë Socialiste do të depozitojnë sot pranë Gjykatës Kushtetuese një kërkesë për të shpallur të pa vlefshme marrëveshjen me Greqinë për detit, e nënshkruar disa muaj më parë.

Për këtë arsye, gjatë ditës së djeshme kreu i PS Edi Rama mblodhi në një tryezë, kryetarët e disa partive, ku përveç të majtave në opozitës, edhe parti të djathta, të cilat nuk kanë asnjë deputet në Parlament.

Në këtë takim të ftuar ishin, Kreu i PSD Skënder Gjinushi, Kreu i G99 Erion Veliaj, Kreu i PLD Spartak Ngjela, Kreu i PDK Nard Ndoka dhe ish-drejtuesi i LSI Ndre Legisi.

“U ra dakord që të nënshkruajmë atë hap që ne i ftuam të ndërmerrnim së bashku, për të ankimuar në Gjykatën Kushtetuese këtë marrëveshje krejtësisht të pavend dhe krejtësisht të padenjë, e cila pa asnjë dyshim duhet të zmbrapset për të krijuar kushtet që të ketë një rinegocim, ku ata që e përfaqësojnë vendin tonë, duhet ta përfaqësojnë denjësisht, si të barabartë mes të barabartëve”, tha kryetari socialist Edi Rama pas takimit.

Ankimimi mbështetet në nenin 2 të Kushtetutës, ku thuhet se: “Sovraniteti në Republikën e Shqipërisë i përket popullit. Populli e ushtron sovranitetin nëpërmjet përfaqësuesve të tij ose drejtpërsëdrejti. Për ruajtjen e paqes dhe të interesave kombëtare, Republika e Shqipërisë mund të marrë pjesë në një sistem sigurimi kolektiv, në bazë të një ligji të miratuar me shumicën e të gjithë anëtarëve të Kuvendit”.

Ankesa bazohet edhe në nenin 3 të Kushtetutës, ku thuhet se: “Pavarësia e shtetit dhe tërësia e territorit të tij, dinjiteti i njeriut, të drejtat dhe liritë e tij, drejtësia shoqërore, rendi kushtetues, pluralizmi, identiteti kombëtar dhe trashëgimia kombëtare, bashkëjetesa fetare, si dhe bashkëjetesa dhe mirëkuptimi i shqiptarëve me pakicat janë baza e këtij shteti, i cili ka për detyrë t’i respektojë dhe t’i mbrojë”.

Këto dhe të tjera baza kushtetuese janë ato shtylla ku është mbështetur ankesa e koalicionit të këtyre partive, sipas të cilave me këtë marrëveshje preket tërësia territoriale e vendit.

Marrëveshja për përcaktimin e kufirit detar me Greqinë, u firmos mes dy qeverive në 27 prill të këtij viti.

http://www.gazetastart.com/lajm.php?...alitet&nr=6446

Citim:

Ministria e Mbrojtjes hodhi poshtë dje të gjitha spekulimet lidhur me përcatimin e kufirit detar me fqinjin jugor

Ministri i Mbrojtjes, Arben Imami, ka sqaruar me detaje marrëveshjen e nënshkruar mes Shqipërisë e Greqisë për përcaktimin e kufirit detar mes dy vendeve.

Në një mëngjes pune me drejtuesit e mediave, ministri Imami dhe admirali Gerveni, sqaruan të gjithë procedurën e ndjekur në përcaktimin e kufijve detar midis Shqipërisë dhe Greqisë. Por, kjo nuk ka mjaftuar për liderin e opozitës, i cili mblodhi pasditen e djeshme krerët e partive të opozitës, që nuk përfaqësohen në Kuvend, për të ankimuar marrëveshjen në Gjykatën Kushtetuese, ndonëse marrëveshja nuk ka absolutisht asnjë lloj cënimi të pikave kufitare detare të Shqipërisë, siç trumbetojnë disa media të kryetarit të opozitës.

Ministri i Mbrojtjes, Arben Imami, ftoi opozitën për ta sqaruar marrëveshjen për kufirin ujor Shqipëri-Greqi. Numri një i dikasterit të Mbrojtjes ka ftuar PS-në për të çuar ekspertët e saj pranë Ministrisë së Mbrojtjes, për të zbardhur të vërtetat e koordinatave të reja. Imami ka sqaruar për gazetarët se shtetit fqinj nuk i është dhuruar asnjë sipërfaqe ujore sado e vogël dhe jo t'i jetë dhuruar 254 km2 siç pretendohet nga këto media.

Marrëveshja ndërmjet Republikës së Shqipërisë dhe Republikës së Greqisë për delimitimin e zonave të tyre përkatëse të shelfit kontinental dhe zonave të tjera detare, është bërë në bazë të së drejtës ndërkombëtare.

Sipas Konventës së OKB, asnjë vend nuk mund ta shtrijë hapësirën e tij detare më shumë nga sa i takon. Kjo do të thotë, që edhe një peshkarexhë tashmë e ka të qartë se deri ku e ka kufirin e peshkimit dhe nëse e kalon atë kufi, qoftë të Shqipërisë, të Greqisë apo të Italisë, atëherë ka penalitete.

Vetë konventa parashikon qartë edhe mënyrën se si mund të shfrytëzohen burimet. Admirali Kristaq Gerveni, gjatë shpjegimit për drjetuesit e mediave theksoi se, kjo marrëveshje ka përcaktuar njëherë e mirë kufirin mes dy vendeve, si një detyrim të Konventës së Organizatës së Kombeve të Bashkuara për të Drejtën e Detit, në të cilën të dy vendet janë palë.

Admirali Gerveni tha se, nëpërmjet kësaj marrëveshje është saktësuar vija kufitare e shënjuar në bazë të 150 koordinatave, që janë absolutisht e barazlarguar nga pikat më të dala të kufirit tokësor të secilit vend. Në këtë mënyrë, bien poshtë informacionet e botuara në shtyp, sipas së cilës Shqipëria i kishte falur hapësirë detare shtetit fqinj.

Gerveni tha gjatë shpjegimit të procedurave të matjes së kordinatave, se në procesin e negocimit të kësaj marrëveshjeje të rëndësishme, matjet janë bërë me metodat shkencore më të avancuara dhe nga specialistët më të mirë.

Kjo marrëveshje, tashmë pjesë e rëndësishme e kuadrit ligjor dypalësh, respekton në mënyrë rigoroze, të drejtë dhe të barabartë, sovranitetin dhe integritetin e të dy vendeve.

Të gjitha dispozitat e parashikuara në Marrëveshje, respektojnë legjislacionin shqiptar në fuqi, parashikimet e Konventës së OKB-së për të Drejtën e Detit, si dhe janë konform të drejtës dhe praktikave ndërkombëtare në çështjet e delimitimit.

Admirali Gerveni tha se, nuk janë të sakta botimet në shtyp, sipas të cilës pala shqiptare ka negocuar me palën greke me hartat e vendit fqinj. Gerveni theksoi se, negocimet janë bërë me hartë shqiptare dhe jo me ato të vendeve fqinje. Kurse teksi i marrëveshjes dhe kordinatat janë bërë në gjuhën angleze.

Autoritetet shqiptare kanë përpiluar këtë hartë pas vendosjes së koordinatave në vendet përkatëse. Referuar konventës ndërkombëtare të Montego Bay, e miratuar në vitin 1982 dhe ratifikuar si nga Greqia ashtu edhe nga Shqipëria, është bërë përcaktimi i kufirit. Kristaq Gerveni, thotë se harta tregon qartë se është respektuar parimi i barazlargësisë. Sipas tij, duke iu referuar konventës, është bërë i mundur caktimi i saktë i kufirit mes të dyja vendeve.

Admiral Gërveni shprehet se, për përcaktimin e kufirit janë përdorur teknikat dixhitale më të përparuara. Admirali tha para gazetarëve, se Shqipëria nuk ka pasur asnjëherë kufij detar të njohur ndërkombëtarisht me Greqinë.

"Asnjëherë kufiri detar nuk ka qenë i përcaktuar me Greqinë. Kjo gjithmonë ka qenë në praktikë dhe e zbatuar, që dihej që anijet shqiptare duhet të kalonin, brenda 4 miljeve për shembull, nga Gjiri i Sarandës, dhe nga ana tjetër 4 milje nga Gjiri i Korfuzit. Por kjo e pashkruar, joligjërisht e pranuar", tha ai.

Gjatë sistemit komunist, caktimi i vijës së kufirit në det është bërë me dekrete të veçanta të Presidiumit të Kuvendit Popullor. Deri në vitin 1961, gjerësia e ujërave territoriale të shtetit shqiptar ka qenë 10 milje, me dekretin e shtatorit të këtij viti u rrit në 12 milje, gjë që vazhdoi edhe me dekretin e marsit 1970. Në vitin 1976, kjo gjerësi u rrit në 15 milje.

Por këto kufij njiheshin vetëm nga shteti jonë dhe nuk mund të përdoreshin.

Ndarja e detit

Ndarja e kufirit ujor nis nga fundi i pikës tokësore që ka Shqipëria lidhje me detin. Po të shikohet në hartë, rrethi që shpërndahet, nis nga kepi Sidero. Më pas, kepi Sidero dhe kepi i Karagollit krijojnë një drejtëz sipas konventës ndërkombëtare. E njëjta gjë ka ndodhur edhe në Gjirin e Butrintit, ku janë bashkuar me një drejtëz dy kepet më të larta. E njëjta gjë ka ndodhur me të gjitha gjiret e tjera në hartën shqiptare dhe në atë greke.

Pas përcaktimit të drejtëzave, janë bërë rrathët dhe me qendrat e tyre është bërë kufiri. Njëkohësisht, një tjetër detaj, sipas konventës, është edhe mënyra se si punohet me ishujt. Si nga pala greke ashtu edhe nga pala shqiptare, të gjithë ishujt janë cilësuar si kepe, në kuptimin që ata kanë qenë "fundi i kompasit". Për shembull, duket në hartë ishulli i Stillos.

Po të shikohet me sy të lirë, rrathët nisin nga ky ishull jo nga gjiri poshtë tij. E njëjta situatë përsëritet më në veri, në ishullin grek të Barketës. Më pas, kufiri ecën më tej në Detin Jon. Me mesin e Detit Jon, në një pikë të barazlarguar nga Shqipëria, Italia dhe Greqia, nuk ka një kufi, pasi duhet që të tria vendet të miratojnë një marrëveshje të përbashkët.

Mes të tria vendeve do të përcaktohet pika që lidh në një vend të caktuar dhe ndan njëkohësisht detin shqiptar, atë italian dhe hapësirën ujore greke.

Konventa e Montego Bay

Legjislacioni ndërkombëtar, më konkretisht Konventa e OKB-së e vitit 1982 "Mbi të drejtën e detit", ku shteti shqiptar ka aderuar me Ligjin Nr. 9055, datë 24.4.2003, ka përcaktuar shumë saktë (në nenin 3) gjerësinë e ujërave territoriale:

"Çdo shtet ka të drejtën e vendosjes së një gjerësie mbi ujërat territoriale deri në kufirin që nuk kalon 12 milje detare, të matur nga vija bazë, dhe mënyrën e kufizimit të detit territorial ndërmjet shteteve që janë ballë për ballë ose fqinjë (në nenin 15). Kur brigjet e dy shteteve janë ballë për ballë ose në afërsi me njëri-tjetrin asnjë nga dy shtetet nuk do të ketë të drejtën, përveç kur është bërë një marrëveshje ndërmjet tyre, për të zgjeruar detin territorial përtej vijave të mesme, pikat e së cilës janë të baraz-larguara nga pikat më të afërta të vijave bazë nga të cilat matet gjerësia e detit territorial të dy shteteve".

Hartimi i dispozitave të kësaj Marrëveshje është mbështetur plotësisht mbi parimet e përgjithshme të së drejtës ndërkombëtare, kryesisht në Konventën mbi të Drejtën e Detit të vitit 1982 (UNCLOS), në ligjet shqiptare, si dhe në eksperiencat e vendeve të tjera që kanë nënshkruar marrëveshje të ngjashme.

Sipas nenit 15 të kësaj kur brigjet e dy shteteve janë ballë për ballë ose në afërsi me njëri-tjetrin, asnjë nga dy shtetet nuk do të ketë të drejtën, përveç kur është bërë një marrëveshje ndërmjet tyre, për të zgjeruar detin territorial përtej vijave të mesme, pikat e së cilës janë të barazlarguara nga pikat më të afërta të vijave bazë nga të cilat matet gjerësia e detit territorial të dy shteteve.

Parimi ose metoda e barazdistancës, dm.th përcaktimi i një vije ndarëse me largësi të njëjtë nga të gjitha pikat e vijës bazë të shteteve bregdetare, pranohet nga jurisprudenca si metoda më e përshtatshme. Vija mediane përmban 150 koordinata, duke u bazuar në 3 gjire të mbyllura greke dhe 5 gjire të mbyllura shqiptare.

Kufiri detar, i përcaktuar mbi parimin e barazlargësisë

Shqipëria dhe Greqia me dëshirën për të forcuar lidhjet e fqinjësisë së mirë dhe bashkëpunimit ndërmjet dy vendeve; për të zhvilluar më tej bashkëpunimin ekzistues në bazë të Traktatit të Miqësisë, Bashkëpunimit, Fqinjësisë së Mirë dhe Sigurisë midis Republikës së Greqisë dhe Republikës Shqipërisë, të nënshkruar më 21.03.1996;

dhe të vetëdijshëm për nevojën për të delimituar me saktësi hapësirat detare, mbi të cilat dy vendet ushtrojnë apo do të ushtrojnë sovranitetin, të drejtat sovrane apo juridiksionin e tyre në përputhje me të drejtën ndërkombëtare dhe, duke njohur në veçanti rëndësinë e delimitimit të shelfit kontinental me qëllim zhvillimin e të dyja vendeve si dhe duke patur parasysh dhe zbatuar dispozitat përkatëse të Konventës së Kombeve të Bashkuara për të Drejtën e Detit (1982), palë e së cilës janë të dy vendet dhe duke vendosur që kufijtë detarë do të përcaktohen në bazë të parimit të barazlargësisë që shprehet nga vija e mesme me dëshirën për të mbrojtur me efektshmëri mjedisin detar nga veprimtaritë kërkuese dhe shfrytëzuese që mund të shkaktojnë apo ka të ngjarë të shkaktojnë ndotjen e tij;

kanë rënë dakord që kufiri detar ndërmjet Republikës së Shqipërisë dhe Republikës së Greqisë do të caktohet në përputhje me parimin e barazlargësisë.

Në mënyrë më specifike, vija e delimitimit do të jetë vija e mesme, çdo pikë e së cilës është e barazlarguar nga pikat më të afërta të vijës bazë (si kontinentale ashtu edhe ishullore) nga e cila matet gjerësia e ujërave territoriale detare.

Palët kanë rënë dakord që, aktualisht, delimitimi nuk duhet të shtrihet përtej pikës 150. Në vijim, delimitimi do të shtrihet derisa të prekë pikën treshe të barazlarguar, duke zbatuar metoda të njëjta me ato që janë përdorur për përcaktimin e limiteve ndërmjet pikave 1 dhe 150.

Neni 1

1.Kufiri detar ndërmjet Republikës së Shqipërisë dhe Republikës së Greqisë do të caktohet në përputhje me parimin e barazlargësisë, në mënyrë më specifike, vija e delimitimit do të jetë vija e mesme, çdo pikë e së cilës është e barazlarguar nga pikat më të afërta të vijës bazë (si kontinentale ashtu edhe ishullore) nga e cila matet gjerësia e ujërave territoriale detare.

2.Sistemi gjeodezik është WGS 84.

3.Palët kanë rënë dakod që, aktualisht delimitimi nuk duhet të shtrihet përtej pikës 150. Në vijim, delimitimi do të shtrihet derisa të prekë pikën treshe të barazlarguar, duke zbatuar metoda të njëjta me ato që janë përdorur për përcaktimin e limiteve ndërmjet pikave 1 dhe 150.

Neni 2

Në zbatim të Konventës së Kombeve të Bashkuara për të Drejtën e Detit (1982) Palë e së cilës janë të dy vendet, Republika e Greqisë nga ana e kufirit detar të përcaktuar në Nenin 1 të kësaj Marrëveshjeje që ndodhet pranë Republikës së Shqipërisë, dhe Republika e Shqipërisë në kufirin detar që ndodhet pranë Republikës së Greqisë nuk do të kërkojnë apo ushtrojnë për asnjë qëllim sovranitet, të drejta sovrane ose juridiksion mbi ujin, shtratin e detit ose nëntokën.

Neni 3

Nëse një depozitë e burimeve jo të gjalla natyrore, që përfshin edhe rërë dhe zhavorr, ndahet nga vija e kufirit sipas përcaktimit të Nenit 1 të kësaj Marrëveshjeje dhe në rast se ajo pjesë e depozitës, e cila ndodhet nga njëra anë e vijës së kufirit është plotësisht ose pjesërisht e shfrytëzueshme nëpërmjet impianteve të vendosura në anën tjetër të vijës, palët marrin përsipër, pas konsultimeve paraprake me mbajtësit e lejeve të shfrytëzimit, nëse ka të tillë, që të arrijnë në një marrëveshje mbi mënyrën e shfrytëzimit të depozitës, për të siguruar një shfrytëzim që sjell përfitim maksimal dhe që çdo palë të ruajë të drejtat e saj të plota mbi këto burime. Në veçanti, kjo procedurë do të zbatohet në rast se mënyra e përdorur për shfrytëzimin e asaj pjese të depozitës, e cila ndodhet nga njëra anë e vijës së kufirit, ndikon në kushtet e shfrytëzimit të pjesës tjetër të depozitës.

Nëse burimet jo të gjalla natyrore të një depozite që shtrihet në të dyja anët e vijës së kufirit në fjalë janë shfrytëzuar, palët marrin përsipër që pas konsultimeve paraprake me mbajtësit e lejeve të shfrytëzimit, nëse ka të tillë, të arrijnë një marrëveshje në lidhje me kompensimin e duhur. Lejet e shfrytëzimit që janë dhënë para lidhjes së kësaj Marrëveshjeje do të jenë të vlefshme vetëm brenda kufijve të zonës detare përkatëse, siç përcaktohet nga kufiri në Nenin 1 të kësaj Marrëveshjeje, nga ana e palës që ka dhënë lejet.

Neni 4

Palët do të marrin të gjitha masat e mundshme për të siguruar që kërkimet në shelfin kontinental dhe shfrytëzimi i burimeve natyrore të saj të mos ketë efekte negative mbi ekuilibrin ekologjik apo të ndërhyjnë në mënyrë të pajustifikuar në përdorimet e tjera legjitime të detit.

Neni 5

Asnjë prej dispozitave të kësaj Marrëveshjeje nuk do të prekë të drejtat dhe liritë e lundrimit, të parashikuara në Konventën e Kombeve të Bashkuara për të Drejtën e Detit (1982).

Neni 6

Palët marrin përsipër të zgjidhin, nëpërmjet rrugëve diplomatike, çdo mosmarrëveshje që mund të lindë në lidhje me interpretimin apo zbatimin e kësaj Marrëveshjeje. Nëse një mosmarrëveshje e tillë nuk zgjidhet brenda katër muajve nga dita në të cilën një nga palët bën të ditur synimin e saj për të filluar procedurën e parashikuar në paragrafin e mësipërm, ajo do t'i dërgohet, me kërkesën e secilës prej palëve, Gjykatës Ndërkombëtare të Drejtësisë ose ndonjë organi tjetër ndërkombëtar të zgjedhur me pëlqimin e ndërsjellë të palëve.

Neni 7

Kjo Marrëveshje do t'i nënshtrohet procesit të ratifikimit. Instrumentet e ratifikimit do të shkëmbehen në Athinë. Kjo Marrëveshje hyn në fuqi ditën e shkëmbimit të instrumenteve të ratifikimit.

Admirali Kristaq Gerveni hodhi poshtë të gjitha spekullimet mediatike, duke nënvizuar se ato janë të pabaza dhe të pavërteta. Ai theksoi se, përcaktimi i kufirit detar është bërë në përputhje me Konventën e OKB-së dhe ligjet e vendit.

Eshtë respektuar Gjiri i Sarandës

Neni 10
Gjiret

Ky nen lidhet vetëm me gjiret, brigjet e të cilit i përkasin vetëm një shteti të vetëm.

Për qëllimet e kesaj Konvente, një gji është një shkallëzim i identifikuar mirë, penetrimi i të cilit është në proporcion të tillë me gjërësinë e grykës së tij sa të përmbajë brënda ujëra të kufizuara nga toka dhe të përbëjë më shumë se një kurbë të butë në bregdet. Një shkallëzim nuk do të merret në konsideratë si gji, përveç se kur sipërfaqja e tij është më e madhe, ose aq e madhe, sa gjysma e rrethit, diametri i të cilit është një vijë e drejtë e hequr gjatazi grykës së këtij shkallëzimi.

Gjiri i zmadhuar i paraqitur në media nuk ekziston zyrtarisht. Ai s'është as gji i mbyllur as historik. Hapësira midis vijës së verdhë (kufiri imagjinar) dhe vijës së kuqe (kufiri real) është 15km2

Nga ana gjeografike

Në Udhëzuesin e Lundrimit për Detet Adriatik dhe Jon, botim i vitit 1992, në faqen 66 thuhet shprehimisht: "Gjiri i Sarandës formohet midis Kepit Denta në jug dhe Kepit Paladha në veriperëndim". Sipërfaqja e Gjirit të Sarandës është = 4.4 km2, sipërfaqja e gjysëmrrethit është = 4.8 km2, kjo midis kepeve meë të dala të Gjirit të Sarandeës. Nuk është i pranueshëm përcaktimi i Gjirit të Sarandës nga Kepi i Qefalit deri te Kepi i Demës (pranë Ksamilit).

Kjo pjesë bregdeti përbëhet nga një tërësi gjiresh më të vegjël (Gjiri i Sarandës, Gjiri i Limionit, Gjiri i Kasolles dhe Gjiri i Baxhos). Eshtë bregdet shumë i hapur dhe nuk i plotëson kushtet e një gjiri sipas Nenit 10 të Konventës.

Në asnjë botim detar (në libër apo hartë) nuk është hasur përcaktimi i Gjirit të Sarandës i kufizuar nga Kepi Qefalit dhe Kepit Dema. Edhe në hartat e prodhuara nga Instituti Gjeografik i Ushtrisë, nuk e gjejmë këtë përcaktim. Pra, si pasojë edhe trekëndeshi i krijuar prej 15 km2 midis vijës ndarëse reale dhe vijës së pretenduar është pa baza juridike dhe profesionale.

Nga ana historike

Përcaktimin e një gjiri si "gji historik" janë:

Gjatë ushtrimit të sovranitetit pranohet nga shtetet e tjera si gji historik

Duhet të ketë evidencë për përjashtimin e anijeve të huaja dhe kontrollin e së drejtës së lundrimit në këtë gji.

Nga ana tjetër, nuk ka asnjë ligj, asnjë vendim të Kuvendit, asnjë akt ligjor (VKM) të Këshillit të Ministrave apo qoftë edhe një vendim të Bashkisë së Qytetit të Sarandës që të përcaktojë një status të tillë.

Nuk ka argumente historike apo arkeologjike siç mund të ishin: - zhvillimi i betejave detare, një qytet antik i fundosur, pasuri nënujore etj.

Porti i Sarandës është deklaruar port i hapur i Republikës së Shqipërisë.

Shënim: Ky përcaktim bëhet për ato gjire ku distanca që bashkon dy brigjet më të dala i kalon 24 milje detare.

Ishulli Barketa i cili në fakt është një shkëmb

Nga ana juridike

Neni 6
Shkëmbinjtë

Në rastet e ishujve të vendosur në cekina ose të ishujve që kanë bregdet të thepisur, vija bazë për matjen e gjerësisë së ujërave territoriale merret vija e zbaticës në drejtim të detit e shkëmbit, siç tregohet nga simbolet përkatëse në hartat e njohura zyrtarisht nga shteti bregdetar.

Neni 121
Regjimi i ishujve

1. Një ishull është i një forme natyrale toke i rrethuar me ujë dhe i cili është mbi nivelin e ujit në kohën e zbaticës më të madhe.

2. Me përjashtim siç parashikohet në paragrafin 3, deti territorial, zona e zgjatur, zona ekonomike ekskluzive dhe shelfi kontinental i një ishulli përcaktohen në përputhje me parashikimet e kësaj konvente të zbatueshëm si dhe për pjesën tjetër të territorit.

3. Shkëmbinjtë, të cilët nuk mund të përballojnë banime njerëzore ose jetë ekonomike në pronat e tyre nuk do të kenë zona ekonomike ekskluzive ose shelf kontinental.

Greqia nuk është shtet arqipelag

Neni 46

Për qëllimet e kësaj Konvente:

(a) "Shtete arqipelage" nënkupton një shtet të përbërë i gjithi nga një ose shumë arqipelage dhe mund të përfshijë ishuj të tjerë;

(b) "arqipelag" nënkupton një grup ishujsh, duke përfshirë një pjesë ishujve, që ndërlidhin ujërat dhe karakteristikat natyrale, të cilat janë aq afër të lidhura sa ishuj të tillë, ujërat dhe karakteristikat e tjera natyrale formojnë një entitet gjeografik, politik dhe ekonomik, ose të cilat historikisht janë konsideruar si të tilla.

Neni 47

Vijat bazë të arqipelagut

Një shtet arqipelag mund të heqë vijat bazë të drejta të arqipelagut që bashkojnë pikat e ishujve më anësor dhe të cekinave të thata të arqipelagut, me kusht që brenda vijave bazë të tilla të përfshihen ishujt kryesorë dhe një zonë në të cilën raporti i zonës së ujërave mbi raportin e tokës, duke përfshirë dhe ishujt e vegjël është 1 me 1 dhe 9 me 1.

Regjimi i ishujve

1. Një ishull është i një forme natyrale toke i rrethuar me ujë dhe i cili është mbi nivelin e ujit në kohën e zbaticës më të madhe.

2. Me përjashtim siç parashikohet në paragrafin 3, deti territorial, zona e zgjatur, zona ekonomike ekskluzive dhe shelfi kontinental i një ishulli përcaktohen në përputhje me parashikimet e kësaj konvente të zbatueshëm si dhe për pjesën tjetër të territorit.

3. Shkëmbinjtë, të cilët nuk mund të përballojnë banime njerëzore ose jetë ekonomike në pronat e tyre nuk do të kenë zona ekonomike ekskluzive ose shelf kontinental.

Nga ana gjeografike

Eshtë vërtetuar se Ishulli i Othonit është ishull i banuar

Shqipëria dhe Greqia si dy vende fqinj bregdetare nuk kanë përcaktuar më parë kufijtë detarë ndërmjet tyre. Protokolli i Firences i 26 Korrikut 1926 përcakton vetëm kufirin tokësor. Negocimi dhe nëshkrimi i marrëveshjes me Greqinë është baza e vetme juridike që mundëson përcaktimin e vijës ndarëse apo me termin e përgjithshëm përcaktimin e kufirit detar ndërmjet dy vendeve.

Dekreti nr.3321, date 1.9.1961 "Mbi ujërat territoriale dhe ujërat e brendshme të Republikës Popullore të Shqipërisë" përcakton se kufiri i jashtëm i ujërave territoriale të Republikës Popullore të Shqipërisë në ngushticat e Korfuzit shtrihet gjer në vijën që përshkon mesin e ngushticave".

Dekreti nr.4650, datë 9.3.1970 "Mbi kufirin e Republikës Popullore të Shqipërisë" përcakton se: "Ujërat territoriale të Republikës Popullore të Shqipërisë shtrihen gjatë gjithë bregdetit të saj, në një gjerësi prej 12 miljesh detare (22.224 m), duke filluar nga vija e drejtë që shkon nga derdhja në det e lumit të Bunës, nëpër Kepin e Muzhit (Rodomit), të Pallës së Durrësit, të Lagit (kalasë së Turrës), të Semanit, bregut të ishullit të Sazanit dhe gjer në mes të ngushticës së kanalit të Korfuzit.

Llogaritja e sipërfaqes ujore 354.4 km2 që pretendohet se Shqipëria ka humbur argumentohet me:

trekëndeshin imagjinar që krijohet nga spostimi i koordinatave 150 - 125,

trekëndeshi që krijohet përballë Gjirit të Sarandës (që apriori konsiderohet si gji i mbyllur)

Neglizhimi i Ishullit të banuar të Othonit

Neglizhimi i Ishullit (shkëmbit) Barketa

Greqia nuk është trajtuar si shtet arqipelag

http://www.rilindjademokratike.com/R...r/politika.htm

allianz · 16.10.2009, 11:05

Citim:

Për këtë arsye, gjatë ditës së djeshme kreu i PS Edi Rama mblodhi në një tryezë, kryetarët e disa partive, ku përveç të majtave në opozitës, edhe parti të djathta, të cilat nuk kanë asnjë deputet në Parlament.

Në këtë takim të ftuar ishin, Kreu i PSD Skënder Gjinushi, Kreu i G99 Erion Veliaj, Kreu i PLD Spartak Ngjela, Kreu i PDK Nard Ndoka dhe ish-drejtuesi i LSI Ndre Legisi.

puntori · 16.10.2009, 18:19

Un mendoj se qeveria duhet t'pajis' flotën me anije t'reja dhe apartura moderne dhe të bëjë vetë matjet në terren, sa për zërat qi qarkullojn' un nuk shqetësohem shum', gjithsesi mendoj se qeveria Shqiptare nuk duhet të bëjë marrveshje t këtilla me shtetin grek për sa kohë Greqia ka lënë ''zvarrë'' shumë çeshtje që kan t'bëjn me çamt dhe at' të ligjit të luftës, edhe ne duhet t'i lemë zvarr' çeshtje të tilla që prekin interasat e greqisë...Shqipria nuk ësht përfshir' në projektet e gazsjellsëve, pra ne nuk humbim gjë duke lënë vakume ligjore... le ti zvarrisim gjojnat siç bën irjm ja me Kosovën.

Aleksandër · 16.10.2009, 22:23

Ja kam frikën kësaj pune. Nqs do duhej ratifikimi në kuvend, kreu i PS-së nuk do merrte pjesë për të votuar kundër (po na hiqet si nacionalist i madh këto ditë) sepse bëri ca takime disi miqësore me Papandreun përpara zgjedhjeve, ku përfshiheshin edhe disa thirrje dhe ndoshta edhe premtime. Kështu që çjerrja e njërit sektor të kuq të politikës shqiptare është sa për sy e faqe. Gjithsesi nuk mendoj se janë rastësi të gjitha këto shumtira që po na ndodhin si komb në një periudhë kohore relativisht të shkurtër siç ishte 6 pikëshi i Ban Ki Leshit, Enciklopedia Maqesllavoqene dhe zërat për faljen e ujërave territoriale jevgjitëve semitë anadollak grek. Pasojat e kolerës komuniste duken qartë tek opinioni publik shqiptar i cili është karakterizuar gjithë këtë kohë iluzioni (dmth demokracie) nga një gjumë letargjik.

ZANOR · 17.10.2009, 02:48

Unë jam shum i paqartë të them të drejtën, ekspertë që e mbrojnë paktin (e pa ratifikuar) nga njëra anë, po ekspertë që e kundërshtojnë nga ana tjetër. S'dimë kujt t'i zëmë besë. Por vetëm një gjë them, nëse edhe 1 metër katror det shqiptar shitet e falet te greku ky është turpi dhe tradhtia më e madhe që mund të ndodhë.

mesdimr · 17.10.2009, 09:42

Po "ekspertët" që po e kundërshtojnë kush janë? Edisudi?

17.10.2009, 09:56

Citim:

E vërteta e ndarjes së kufirit detar Shqipëri-Greqi
Ferit Hoxha

Jam i lumtur që jam sot përpara jush për të zhvilluar një bashkëbisedim të hapur në lidhje me Marrëveshjen që Shqipëria dhe Greqia kanë negociuar dhe nënshkruar në lidhje me përcaktimin e Shelfit kontinental dhe hapësirave të tjera detare që u përkasin në përputhje me të drejtën ndërkombëtare. Më lejoni të falënderoj Presidentin Çili për këtë mundësi.

Në cilësi të mëparshme unë kam pasur nderin të kem një rol parësor në këto bisedime dhe meqenëse ndodhem për një udhëtim pune në Tiranë më dukej mëse e udhës të zhvillonim këtë bisedë me një nga universitetet e njohura në Shqipëri, ku, ndër të tjera studiohet Ligji ndërkombëtar edhe e Drejta e Detit.

Prej disa javësh po zhvillohet një lloj debati - në fakt më shumë janë pretendime individuale - në lidhje me gjoja pasaktësitë e matjeve të bëra për përcaktimin e vijës mediane mes Shqipërisë dhe Greqisë dhe si rrjedhojë qenka falur, dhënë apo lëshuar, një hapësirë detare në mënyrë të padrejtë etj.

Në vetvete debati publik për çështje të rëndësishme është një gjë e mirë, pozitive, është pjesë e demokracisë dhe e pjesëmarrjes së publikut në vendimmarrje. Po në këtë optikë e kam parë edhe debatin e hapur nga një ish-kolonel i ushtrisë shqiptare. Sa më i madh të jetë interesimi i publikut për vendimet që merren, aq më të mira kanë shanse të jenë ato.

Duke theksuar një gjë të tillë, më duhet të vë në dukje se fatkeqësisht, konkluzionet e kolonelit nuk kanë të bëjnë me fakte, por janë vetëm dëshira dhe i gjithë argumentimi i tij mbështetet mbi atë që ai do të kishte dashur të ishte por që, në konkluzionet tona, nuk është e mundur. Është pikërisht kjo që do të mundohem të shpjegoj sa më hollësisht, duke analizuar marrëveshjen nga pikëpamja e fushës së veprimit të Ministrisë së Jashtme. Për aspekte teknike, metodologjinë e matjeve dhe rezultatet e tyre do të flasë, me ilustrime konkrete, Kundëradmirali Gerveni.

II. Sfondi historik:

Shqipëria dhe Greqia, si dy vende fqinje bregdetare nuk kanë përcaktuar asnjëherë më parë kufijtë detare ndërmjet tyre. Protokolli i Firences i 26 korrikut 1926, përcakton vetëm kufirin tokësor.

Në vitin 1993, një vit pas negocimit të marrëveshjes për përcaktimin e shelfit Kontinental me Italinë, më saktë më 9 prill 1993, gjatë takimit të komisionit miks shqiptaro-grek, nga Zv/ministri i atëhershëm shqiptar i jashtëm, i është propozuar palës greke të bëhej një marrëveshje për ujërat e përbashkëta dhe shelfin Kontinental. Pala greke nuk dukej të ishte e përgatitur të bënte të njëjtën gjë. Ky problem është ngritur nga po Zv/ministri edhe në qershor 1993, gjatë nënshkrimit të marrëveshjes mes dy MPJ-ve, por pala greke nuk ka kthyer asnjëherë përgjigje dhe nuk tregoi asnjëherë ndonjë interes.

Edhe ish Kryeministri Meksi, në maj 1993, e ka ngritur si problem, por përsëri qëndrimi i palës tjetër nuk ka ndryshuar. Nuk ka prova që kjo çështje të jetë diskutuar më pas. Kjo situatë ka vazhduar deri në vitin 2006.

Kërkesa e palës greke për t'u angazhuar në këtë ushtrim erdhi pas publikimit në një të përditshme shqiptare të një harte që përcaktonte vendin se ku po kërkohej naftë në det, nga një kompani e huaj e licencuar nga qeveria shqiptare, Medoil. Me pretendimin se po kërkohej të shfrytëzohej në një territor, i cili, sipas përllogaritjeve greke, gjendet në një hapësirë detare që koinçidon me atë që do të ishte vija mediane, nëse do të ishte ndarë hapësira detare, pala greke kërkoi, që në bazë të Konventës së Kombeve të Bashkuara mbi Detin, UNCLOS, në të cilën të dy vendet janë palë, të angazhoheshim në negocimin e shelfit kontinental dhe hapësirave përkatëse ujore.

Duke mos parë ndonjë kundërshtim për t'u angazhuar në një ushtrim që pala jonë e ka kërkuar vite më parë, është krijuar, me urdhër të Kryeministrit, grupi ndërinstitucional i punës me përfaqësues të Ministrisë së Punëve të Jashtme, Ministrisë së Mbrojtjes, Ministrisë së Drejtësisë, Institutit të Hidrografisë Ushtarake, Ministrisë së Brendshme, Ministrisë së Ekonomisë, Tregtisë dhe Energjetikës, etj. Kësisoj, bisedimet mund të konsiderohen se janë zhvilluar në harkun kohor 2006 *2009.

Gjatë kësaj kohe janë bërë përgatitjet e nevojshme për bisedime, janë zhvilluar disa raunde bisedimesh në Tiranë dhe Athinë, ka pasur një shkëmbim të përhershëm informacioni mes të dy palëve, është diskutuar në takime të drejtpërdrejta apo në distancë për të harmonizuar gjuhën e tekstit të marrëveshjes, ashtu dhe për të bërë matjet e nevojshme, për t'i shkëmbyer, krahasuar, verifikuar, rishkëmbyer, riparë, rikrahasuar e kështu me radhë, deri në përcaktimin e koordinatave të sakta e që do të sanksiononin arritjen e marrëveshjes.

III. Parimet mbi të cilat janë zhvilluar bisedimet:

Janë mbi 150 shtete nga 192 që ka OKB-ja, që e kanë nënshkruar apo ratifikuar Konventën. Shqipëria është bërë palë në vitin 2003. Përcaktimi i Shelfit Kontinental mes vendeve është një ushtrim që është bërë rëndom nga shumë vende në rastin kur, për arsye të ndryshme, u është dashur të përcaktojnë kufijtë detarë.

Në bazë të qëndrimit tonë, ashtu si edhe në marrëveshjen me Italinë, ka qëndruar shprehja e vullnetit politik për zgjidhjen e çështjeve të përbashkëta përfshirë edhe atyre delikate e të ndjeshme si ndarja e kufijve, me anë të marrëveshjeve, duke u bazuar në respektin për të drejtën ndërkombëtare dhe në interes të forcimit të marrëdhënieve të fqinjësisë së mirë.

Të dy shtetet janë palë në Konventën e Montego-Bay për të Drejtën e Detit, e cila njihet dhe si "Kushtetuta e Deteve" - UNCLOS - dispozitat e së cilës kanë qenë udhërrëfyese të këtyre bisedimeve. Palët vinin në takim nga eksperienca të mëparshme të ngjashme, marrëveshja për ndarjen e shelfit Kontinental me Italinë e përfunduar nga pala greke në vitin 1977, ndërsa nga ana jonë po me Italinë në vitin 1992.

Përcaktimi i kufirit detar me Greqinë është me rëndësi dhe interes të dukshëm për Shqipërinë, pasi është i lidhur natyrshëm me sovranitetin shtetëror, por ka rëndësi edhe për sa u përket fushave të lundrimit, të peshkimit, të çështjeve mjedisore, shfrytëzimit të nëntokës apo kërkimeve shkencore, shfrytëzimi i të cilave kërkojnë përcaktime të sakta juridike dhe gjeografike.

Procesi i bisedimit nuk ka qenë as i lehtë e as diçka rutinë! Ekipi shqiptar ka funksionuar i mbledhur në permanencë, ka organizuar me dhjetëra e dhjetëra takime pune, ka pasur momente të vështira, ka pasur diskutime të shumta, shpesh herë debate me orë të tëra me palën greke, shkëmbime informacioni sipas nevojës për të qartësuar pozicionet dhe qëndrimet, por gjithnjë të bazuara mbi një dialog të pandërprerë me dëshirën e mirë për të arritur një marrëveshje të mirë, të ndershme në bazë të një ndarjeje të barabartë në përputhje me kuadrin ligjor ndërkombëtar.

Nuk ka asnjë dyshim se marrëveshja përfaqëson një moment me rëndësi në marrëdhëniet mes dy vendeve. Është folur për takime të fshehta, për mungesë transparence, për mungesë hartash etj. Aktiviteti diplomatik, në mënyrë të veçantë procesi i negocimit, ka specifikasitetin e tij dhe përmbajtja e aksioneve të tilla është natyrshëm gjithnjë e rezervuara. Kushdo që ngatërron natyrën e aktivitetit diplomatik me fshehtësinë ka thjesht një kuptim të cekët për marrëdhëniet ndërkombëtare dhe mënyrën e zhvi1limit të tyre.

Nuk ka absolutisht asnjë lloj mungese transparence, pasi gjithçka është herë publike në momentin e duhur. Teksti i marrëveshjes, para se të nënshkruhej u është dërguar për miratim disa ministrive, përveç miratimit që i është bërë më pas në qeveri.

IV. Legjislacioni i brendshëm shqiptar:

Legjislacioni shqiptar, në evoluimin e tij në vite, nuk ka pasur asnjëherë një përcaktim të qartë për sa i përket kufirit detar me Greqinë. Kundëradmirali do ti shpjegojë në detaje edhe duke cituar pjesët përkatëse në një prezantim grafik, por ajo që është e rëndësishme të theksohet ka të bëjë me faktin se ka pasur një kufi të deklaruar nga pala jonë, por asnjëherë të negociuar apo të ndarë, asnjëherë të përcaktuar me koordinata të sakta gjeografike.

Ujërat territoriale shqiptare, në deklarimet e shtetit shqiptar kanë qenë në fillim 6 milje, pastaj 12, më pas 15 janë kthyer përsëri në 12 milje. Duke u bërë palë në UNCLOS ky diskutim është i mbyllur, sepse konventa e përcakton qartë që ato janë deri në 12 milje detare.

E theksoj këtë për të qartësuar faktin se deklarimi i bërë në media se "vija ndarëse e përcaktuar në Marrëveshjen me Greqinë ka ndryshime nga vija e vjetër e përcaktuar më parë nuk është e vërtetë, për arsyen e thjeshtë se përtej përkufizimit të vagullt "midis bregdetit shqiptar dhe ishujve të Republikës greke deri përmes Kanalit të Korfuzit" nuk ekzistojnë as koordinata të sakta gjeografike mbi të cilën të ekzistonte një vijë ndarëse e kufirit ujor.

Në Arkivin Shtetëror shqiptar nuk ka asnjë përcaktim juridik dhe as gjeografik se ku ndodhet kjo vijë ndarëse përveç hartave ilustrative të hartuara nga institucionet, por pa ndonjë efekt juridik apo shkencor. E vetmja vijë ndarëse me Greqinë është ajo që përcaktohet nga Marrëveshja e nënshkruar këtë vit.

Negocimi dhe nënshkrimi i marrëveshjes me Greqinë, është baza e vetme juridike që mundëson përcaktimin e vijës ndarëse, apo me termin e përgjithshëm, përcaktimin e kufirit detar ndërmjet dy vendeve.

V. Diskutimi mbi Gjirin e Sarandës

Pas pak, konkretisht dhe me ilustrimet përkatëse zoti Gerveni do të shpjegojë se në fakt, në realitet, në përfundim të negociimeve, Gjiri i Sarandës, për specifikën gjeografike që ka, edhe pse nuk e plotëson kushtin e përcaktuar nga Konventa e Detit është në fakt gji i mbyllur, pra llogaritja e koordinatave nuk fillon nga qyteti por nga të dy kepet që përcaktojnë Gjirin e Sarandës.

Kjo është një pikë themelore për të qartësuar dhe për të kuptuar se sa emocionale dhe të pabaza janë pretendimet për këtë pikë. Kësisoj, i gjithë debati për këtë pikë është i kotë, shterpë dhe pa asnjë efekt në realitet.

Hartat që do të shikoni pak më pas do t'ua ilustrojnë këtë që po them. Përpara se t'ia lë vendin Kundëradmiralit për atë që është edhe pjesa më thelbësore, pra matjet në terren, dëshiroj të theksoj sa disa momente që më duken të rëndësishme:

-Nëse gjithkush ka të drejtë të shprehë mendimin e vet, të bëjë analiza, studime, të bëjë ndalje apo të vendosë kufij sipas dëshirës, duhet bërë e qartë se në thelb pretendimet e tanishme mbështeten në dëshira, në atë se si do të donim ndoshta të ishte, por siç në fakt nuk ka mundësi të jetë.

-Negocimi është një ushtrim shumë kompleks dhe do të ishte vetëm një përsëritje nëse do të thoja se në të përfshihen shumë elementë e që vendimmarrësit i gjykojnë me vend për arritjen e qëllimit. Qëllimi ynë ishte dhe është arritja e një marrëveshjeje të ndershme, që përcakton përfundimisht hapësirat përkatëse, që i jep Shqipërisë atë pjesë të sovranitetit që i takon, që forcon më tej kuadrin e bashkëpunimit dypalësh dhe jo një proces negocimi që cenon klimën e marrëdhënieve, do të hapte probleme të reja të panevojshme e pabazë, me një vend kufitar si Greqia dhe që do të kishte implikime në çështje të tjera parësore në politikën e jashtme të Shqipërisë dhe që janë ndër prioritetet absolute të vendit.

Kufiri detar sipas "Marrëveshjes ndërmjet Republikës së Shqipërisë dhe Republikës së Greqisë për delimitimin e zonave të tyre përkatëse të shelfit Kontinental dhe zonave të tjera detare që u përkasin në bazë të së drejtës ndërkombëtare", është bërë duke u bazuar tërësisht në metodat bashkëkohore të përcaktimit të kufirit detar dhe mbi parimet që respektojnë legjislacionin shqiptar në fuqi dhe plotësisht në konformitet me parashikimet e Konventës së OKB-së për të Drejtën e Detit.

Negocimi ka qenë një ushtrim i përgjegjshëm, absolutisht serioz dhe profesional, nuk është konsideruar asnjëherë si një gjë që duhej bërë, por si një akt i rëndësishëm në konsolidimin e marrëdhënieve me Greqinë, bazuar në traktatin e miqësisë dhe bashkëpunimit dhe ku pala jonë ka shprehur dhe mbrojtur interesat e veta brenda kuadrit të përcaktuar dhe filozofisë që udhëheq politikën e jashtme të shtetit shqiptar. Si e tillë kjo marrëveshje është një moment shumë i rëndësishëm në marrëdhëniet mes dy vendeve dhe u lejon të dy vendeve të ushtrojnë sovranitetin e tyre në pjesët respektive.

Në Marrëveshje është parashikuar se shteti bregdetar ushtron mbi detin territorial dhe shelfin Kontinental të drejta sovrane me qëllim shfrytëzimin dhe eksplorimin e burimeve të tij natyrore. Marrëveshja rregullon edhe regjimin që do të zbatohet ndaj depozitave të burimeve natyrore (biologjike) dhe jo-natyrore (minerale) të cilat janë shfrytëzuar si dhe instalimeve për shfrytëzimin e tyre, të cilat janë pozicionuar në vijën ndarëse.

Duke përfunduar, dëshiroj të theksoj se të gjitha dispozitat e parashikuara në Marrëveshje respektojnë legjislacionin shqiptar në fuqi, janë në përputhje me të drejtë dhe praktikave ndërkombëtare në çështjet e delimitimit.

Duke marrë parasysh ndjeshmërinë që kanë çështje të tilla, kudo e për më tepër në Ballkan, emocionet që i ka karakterizuar gjithnjë marrëdhëniet mes Shqipërisë dhe Greqisë, përfshirë momente delikate në të shkuarën dhe pasionin që zgjojnë ato në publikun e gjerë, duke pasur parasysh çështje të rëndësishme që ne ende kemi për të zgjidhur me Greqinë, duke pasur parasysh të sotmen në NATO, të nesërmen në BE, por të përhershmen si fqinjë, duke mirëkuptuar një ndjenjë që mund të zgjohet nga një shikim i thjeshtë jo profesional i hartave, duhet të theksoj se me përfundimin e marrëveshjes për të cilën po flasim ne kemi hedhur një hap të kujdesshëm, por të rëndësishëm në ndërtimin e marrëdhënieve që forcohen, zhvillohen dhe që shkëputen gjithnjë e në mënyrë të pakthyeshme me të kaluarën problematike të marrëdhënieve me Greqinë.

Më lejoni të them qartë dhe pa ekuivok: Pala shqiptare nuk ka falur asnjë milimetër nga sa i takon sipas gjeografisë dhe zbatimit të së drejtës ndërkombëtare ku është palë, nuk ka lënë asnjë centimetër dhe nuk ka dhuruar asnjë metër nga hapësira e saj detare. Ne nuk hymë në bisedime për të fituar më shumë se sa na takon, por vetëm për të ndarë dhe për ta bërë detin një pikëtakimi dhe jo më një brez ndarës.

http://www.rilindjademokratike.com/R...r/opinione.htm

vlug · 17.10.2009, 11:27

Citim:

Thënë nga mesdimr

Po "ekspertët" që po e kundërshtojnë kush janë? Edisudi?

Me gjithë "çështjet" që ka trajtu deri tani Grupi Edisud, çuditem si nuk osht kthy në Institut Kërkimesh Shkencore.
Prof. As. Dr. Manxhaspageti Bonino

ZANOR · 17.10.2009, 13:37

Citim:

Thënë nga mesdimr

Po "ekspertët" që po e kundërshtojnë kush janë? Edisudi?

Ata që mbrojnë tezën se po shitet det janë ca ish ushtarakë të lartë. Është e vërtetë që Edisudi dhe mediat e Ramës po e propagandojnë me të madhe faljen e detit, por gjithsesi, siç e thashë jam shumë i paqartë. Dëgjon njërën palë - ta mbush mendjen, dëgjon palën tjetër ta mbush edhe ajo mendjen, kshuqë ne populli i thjesht ngelemi në mes.

S'dimë as çar qëndrimi të majm. Më ftuan ca shokë (patriota) për protestë të enjten kundër marrëveshjes po hoqa dorë kur mora vesh që protestën do e udhëhiqte Erion Veliaj (nën petkun e ca OJQ-ve nga pas). K'ta e dhjesin vetë, se politizojnë gjithçka.

27.11.2009, 15:15

Citim:

Kushtetuesja merr në gjykim kufijtë me Greqinë

Më 8 dhjetor, ora 10. 00, Gjykata Kushtetuese do të nisë shqyrtimin në seancën plenare të “Marrëveshjes së nënshkruar mes Shqipërisë e Greqisë për kufijtë detarë”.

Me këtë vendim pezullohet dhe procedura e ratifikimit të marrëveshjes nga Kuvendi deri në shpalljen e një vendimi nga kjo gjykatë.

Gjykata Kushtetuese mori dje në shqyrtim paraprak kërkesën me objekt: Shqyrtimin si të papajtueshëm me Kushtetutën e Republikës së Shqipërisë të Marrëveshjes së nënshkruar ndërmjet Republikës së Shqipërisë dhe Republikës së Greqisë, “Për delimitimin e zonave të tyre përkatëse të shelfit kontinental dhe zonave të tjera detare që u përkasin në bazë të së drejtës ndërkombëtare”.

Kërkesa ishte paraqitur në këtë gjykatë jo vetëm nga Partia Socialiste e Shqipërisë, por edhe nga Partia Social- Demokrate, Partia Demokracia Sociale, Partia Demokristiane, Partia “Ligj dhe Drejtësi” si dhe partia G99, por “Mbledhja e Gjyqtarëve të Gjykatës Kushtetuese çmon se bazuar në nenin 31 të ligjit nr 8577, dt. 10.02. 2000, “për organizimin dhe funksionimin e Gjykatës Kushtetuese të Republikës së Shqipërisë, eksziston shkaku dhe baza ligjore për shqyrtimin gjyqësor të kërkesës vetëm sa i takon subjektit kërkues Partia Socialiste e Shqipërisë”,- thuhet në njoftimin për shtyp të shpërndarë nga kjo Gjykatë.

Në përfundim të shqyrtimit me shumicë votash, mbledhja e gjyqtarëve vendosi “Kalimin e çështjes për shqyrtim në seancë plenare me subjekt kërkues PSSH dhe rrëzimin e kërkesës për subjektet e tjera. Pezullimin e procedurave të ratifikimit të marrëveshjes nga Kuvendi deri në shpalljen e vendimit përfundimtar.”

http://www.gazeta-agon.com/mat.php?idm=11094&l=a

27.1.2010, 01:34

Citim:

Pakti i ujërave me Greqinë, Kushtetuesja diskuton për rinegocim

Në Gjykatën Kushtetuese është diskutuar marrëveshja detare e Shqipërisë me Greqinë. Burime brenda kësaj gjykate bëjnë të ditur për "Ora News" se nuk është dalë me një vendim, por është kërkuar që të rinegociohet.

http://www.ora-news.com/mat1.php?idm=45179

Citim:

Kushtetuesja anulon marrëveshjen për caktimin e kufijve detarë me Greqinë

Gjykata Kushtetuese anulon marrëveshjen për caktimin e kufijve detar mes Shqipërisë dhe Greqisë. Vendimi është marrë pas ankimimit rreth 3 muaj më parë të kësaj marrëveshje nga Partia Socialiste. Në nëntor të vitit 2009 Gjykata Kushtetuese shqyrtoi për rreth 7 orë lidhur me këtë marrëveshje.

Pas një shqyrtimi të gjatë të bërë edhe dje mësohet se rreth orë 19:00 është marrë vendimi për anulimin e kësaj marrëveshje si antikushtetuese. Duket se arsyeja kryesore e anulimit të kësaj marrëveshje të është mungesa e aktit të plotfuqishmërisë nga ana e grupit negociator. Pra negociatorët e kësaj marrëveshje kanë diskutuar për të këtë çështje pa marrë aktin e plotfuqishmërisë nga Presidenti i Republikës, Bamir Topi.

Sot pritet zbardhja e plotë e vendimit.

http://www.ballkan.com/index.php?pag...ws&newsID=3789

27.1.2010, 15:26

Citim:

NJOFTIM

Gjykata Kushtetuese e Republikës së Shqipërisë njofton se në mbledhjen e saj të dt.26.01.2010, në bazë të nenit 131/ b) të Kushtetutës, vendosi njëzëri të deklarojë si të papajtueshme me Kushtetutën projekt-marrëveshjen e nënshkruar ndërmjet Republikës së Shqipërisë dhe Republikës së Greqisë “Për delimitimin e zonave përkatëse të shelfit kontinental dhe zonave të tjera detare që u përkasin në bazë të së drejtës ndërkombëtare”.

Gjykata Kushtetuese thekson se në projekt-marrëveshjen në fjalë konstatohen shkelje procedurale dhe substanciale që bien në kundërshtim me Kushtetutën dhe Konventën e Tretë Ndërkombëtare të OKB-së për të Drejtën e Detit të vitit 1982.

Vendimi i arsyetuar i kësaj Gjykate do të vihet në dispozicion në një kohë tjetër të përshtatshme.

http://www.gjk.gov.al/

27.1.2010, 22:01

Citim:

Kufiri, Athina: Të shqetësuar nga vendimi

Athina zyrtare ka reaguar pasditen e sotme ndaj vendimit të Gjykatës Kushtetuese të Shqipërisë, që anulon marrëveshjen kufitare me Greqinë, duke deklaruar se është shumë e shqetësuar.

Numri dy i diplomacisë greke, Dimitris Drucas ka deklaruar se do te kërkoje sqarime nga qeveria shqiptare për këtë vendim, njoftojnë mediat në Tiranë

“Ky është një zhvillim që nuk na bën të lidhur. Jemi të shqetësuar për këtë situatë dhe në pritje të sqarimeve të këtij vendimi. Ne nuk mund të komentojmë vendimet e gjykatave, por presim nga pala shqiptare që të vendosë një zgjidhje të çështjes”, ka pohuar Drucas.

Ai ka shtuar më tej se do të takohem që sot në Londër me homologun shqiptar Ilir Meta për daljen nga kjo situatë. (INA)

http://www.ina-online.net/Default.as...0b7d78ad7&ln=3

mesdimr · 28.1.2010, 14:04

Citim:

Duket se arsyeja kryesore e anulimit të kësaj marrëveshje të është mungesa e aktit të plotfuqishmërisë nga ana e grupit negociator. Pra negociatorët e kësaj marrëveshje kanë diskutuar për të këtë çështje pa marrë aktin e plotfuqishmërisë nga Presidenti i Republikës, Bamir Topi.

Si e komentoni zhvillimin? Se në mos qoftë kaq trashanik "gabimi", logjika e do që të jetë i paramenduar (përderisa s'ka as lidhje me "shkeljen" e ngritur nga PS-ja dhe reagimi ndaj vendimit ka qenë pa asnjë lloj habie).

30.1.2010, 16:11

Citim:

Berisha: Do të zbatohet vendimi i Gjykatës Kushtetuese

Vendimi i Gjykatës Kushtetuese për marrëveshjen detare me Greqinë nuk mund të diskutohet, por do të zbatohet, ka deklaruar kryeministri i Shqipërisë, Sali Berisha.

Ai ka thënë se “do të autorizohet menjëherë grupi për të nisur punën, pasi Shqipëria dhe Greqia do të kenë marrëveshjen e tyre për kufijtë detarë”.

Mediat në Tiranë citojnë Berishën të ketë thënë se “do të provohet për së dyti vërtetësia e kësaj që Gjykata ka vendosur”.

http://www.botasot.info/?gjuha=0&category=6&id=45386

6.10.2008, 20:02	#1
Anëtarësuar: 5.2008	Perëndimor: Caktimi i kufirit (detar) me Greqinë Zëvendës ministri i mjedisit Aleksandër Garuli thotë se Shqipëria ka në plan të shënojë kufirin e ri ujor me Greqinë për herë të parë. Ai tha të dielën (5 tetor) se zyrtarët e të dy vendeve do të nënshkruajnë shpejt një pakt në qytetin grek të Janinës për të shënuar kufijtë detarë, liqenorë e lumorë. Ai do të hyjë në veprim me ratifikimin nga të dy parlamentet e vendeve. http://www.setimes.com/cocoon/setimes/xhtml/sq/newsbriefs/setimes/newsbr...

24.4.2009, 11:23	#2
Anëtarësuar: 5.2008	Rreth marrëveshjes për kufirin (detar) me Greqinë Përmes matjeve të kujdesshme shkencore nga specialistë të palës shqiptare dhe greke, ndarja e rrafshnaltës nënujore (continental shelf) mes dy shteteve është bërë në saktësi milimetrash. Pas verifikimit, Shqipëria dhe Greqia kanë rënë dakord për nënshkrimin në dt. 27 prill në Tiranë të marrëveshjes dypalëshe që u miratua dy ditë më parë nga Këshilli i Ministrave. “Është një marrëveshje shumë e rëndësishme edhe pse për thjeshtësi do ta quaja një marrëveshje standard, e njëjtë në thelb me atë që Shqipëria ka nënshkruar me Italinë në vitin 1992, e që shpreh të njëjtat koncepte të unifikuara, të detyrueshme nga ligji ndërkombëtar në këtë fushë. Nuk dëshiroj të hyj në hollësira apo detaje juridike, por për të kuptuar saktësisht përmbajtjen dhe për të evituar çdo keqkuptim, më lejoni të përmend bazën juridike të marrëveshjes”, - u shpreh kryenegociatori i palës shqiptare, Ferit Hoxha. Baza juridike në të drejtën ndërkombëtare për përcaktimin e rrafshnaltës nënujore gjendet në Konventën për të Drejtën e Detit (e njohur ndryshe si Konventa e Gjirit Montego, sipas emrit të vendit ku u përfundua në vitin 1982), e cila ka hyrë në fuqi më 16 nëntor 1994. Greqia është palë që prej 21 korrikut 1995, ndërsa Shqipëria që nga data 23 qershor 2003. Duke qenë se të dyja vendet janë palë në këtë traktat ndërkombëtar, sipas nenit 83 të Konventës, ato duhet “të përcaktojë me marrëveshje mbi bazat e ligjit ndërkombëtar kufirin e rrafshnaltës nënujore”. Kjo është bërë dhe mes dy shteteve në marrëveshjen në fjalë. Gjegjësisht rrafshnalta nënujore e të dy shteteve përfshin shtratin e detit dhe tabanin e zonës nënujore që shtrihet përtej detit të tij territorial, përgjatë zgjatimit natyral të territorit në një distancë prej 200 milje detare nga vijat bazë nga të cilat është matur gjerësia e detit territorial, kur kufiri kontinental nuk shtrihet deri në këtë distancë. Rrafshnalta nënujore përfshin zgjatjen nënujore te masës se tokës dhe përbëhet nga fundi i detit, uljet dhe ngritjet e tij. Ajo nuk përfshin masën ujore dhe ajrore mbi të. Kryenegociatori i palës shqiptare pohon se në kuptimin gjeologjik kjo rrafshnaltë matet duke filluar nga pika në të cilën toka takon me ujin, ndërsa në kuptimin juridik ajo fillon në pjesën e shtratit të detit ku mbarojnë ujërat territoriale. Në kuptimin gjeologjik, rrafshnalta mbaron në pjerrësinë kontinentale, ndërsa në kuptimin juridik mund të mbarojë në pika të ndryshme, në varësi të kufirit të ujërave territoriale. Parimi bazë i përdorur është ai bashkëlargësisë, d.m.th. përcaktimi i një vije ndarëse me largësi të njëjtë nga të gjitha pikat e vijës bazë të shteteve bregdetare. Kjo është e shprehur qartë në marrëveshje dhe zbatohet në të Drejtën Detare. Kufiri mes dy vendeve është ndarë në mënyrë të barabartë, pra me një vijë të mesme gjithkund të baraslarguar nga pikat më të dala të kufirit tokësor të të dyja vendeve. Në konceptin e kufirit tokësor bëjnë pjesë edhe ishujt, të cilët janë pjesë e territorit të palës përkatëse. Ferit Hoxha shpjegon se “pikat ndarëse janë gjithsej 150 pika – koordinata - pjesë e marrëveshjes të cilat të bashkuara në një vijë të pandërprerë përbëjnë vijën ndarëse, pra vijën e mesme e që përcakton hapësirat detare të secilit vend”. Sipas tij, përcaktimi i sistemit të të dhënave (geodetic datum) ka qenë pjesë e diskutimit dhe gjatë negocimit janë përdorur dy sisteme të njohura gjerësisht. “Për të shmangur çdo keqkuptim dhe për të thjeshtësuar sa më shumë gjërat në aspektin teknik, në raundin e fundit u vendos të mbahej sistemi i të dhënave i përdorur nga pala jonë, WG84. Në pjesët ku bashkohet deti i më shumë se dy vendeve bregdetare duhet përcaktuar pika treshe (triple point). Meqenëse Greqia ka nënshkruar Marrëveshje të Shelfit me Italinë (24 maj 1977) dhe po ashtu edhe Shqipëria me Italinë (18 dhjetor 1992), në të ardhmen të tria vendet do të përcaktojnë bashkërisht pikën treshe ku takohen pikat fundore të vijës së tre vendeve”, - theksoi z. Ferit Hoxha. Kurse për sa u përket hamendësimeve në shtyp se pala jonë nuk ka marrë çfarë i takon, Hoxha bën të qartë se “unë nuk e di se ku mbështeten afirmime të tilla totalisht, e përsëris totalisht, pa asnjë bazë reale. Ndarja është “milimetrikisht” e barabartë, e ndershme dhe secila palë ka marrë atë që i takon, as më shumë e as më pak. Matjet janë bërë me metoda shkencore, nga specialistët më të mirë të të dyja palëve dhe ato kanë qenë të verifikuara dhe të certifikuara me kujdesin maksimal. Çdo pretendim tjetër është për më së paku pasaktësi”. http://www.gazeta-standard.com/tekst.php?idt=17869

16.10.2009, 22:23	#9
Aleksandër Schutzstaffel Anëtarësuar: 5.2009	Ja kam frikën kësaj pune. Nqs do duhej ratifikimi në kuvend, kreu i PS-së nuk do merrte pjesë për të votuar kundër (po na hiqet si nacionalist i madh këto ditë) sepse bëri ca takime disi miqësore me Papandreun përpara zgjedhjeve, ku përfshiheshin edhe disa thirrje dhe ndoshta edhe premtime. Kështu që çjerrja e njërit sektor të kuq të politikës shqiptare është sa për sy e faqe. Gjithsesi nuk mendoj se janë rastësi të gjitha këto shumtira që po na ndodhin si komb në një periudhë kohore relativisht të shkurtër siç ishte 6 pikëshi i Ban Ki Leshit, Enciklopedia Maqesllavoqene dhe zërat për faljen e ujërave territoriale jevgjitëve semitë anadollak grek. Pasojat e kolerës komuniste duken qartë tek opinioni publik shqiptar i cili është karakterizuar gjithë këtë kohë iluzioni (dmth demokracie) nga një gjumë letargjik.
	Ndryshuar së fundmi nga Aleksandër : 17.10.2009 në 01:03.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

24.4.2009, 11:40	#3
allianz	Ça dmth kjo në gjuhë të përditshme? Që varkat e anijet shqiptare mund të shkojnë deri në ishujt 'grekë' dhe ato greke të vijnë deri në Sazan?

24.4.2009, 15:43	#4
Kandhaon Bisha Anëtarësuar: 8.2006 Vendndodhja: Në breshta, mes bredhave,	Jo, "zgjatimi" nuk ka të bëjë me zgjerim në teritor të njëri tjetrit. Sipas së drejtës ndërkombëtare kufiri detar shkon nga 6 deri 12 milje, pra kjo përfshin tërë detin, edhe tokën nënujore, edhe ujin edhe ajrin mbi të. Kurse ky "zgjatimi nënujor" përfshin siç thuhet deri në 200 milje larg bregut të detit, por ky sovranitet shtrihet vetëm mbi tokën nënujore, por nuk shtrihet ky sovranitet as mbi ujin e as mbi ajrin që gjendet mbi atë tokë. Kjo tokë nënujore, është ndarë, dmth i është caktuar kufiri greko-shqiptar, njësoj sikurse janë të vënë gurët kufitarë në tokë.

16.10.2009, 18:19	#8
puntori gjallar Anëtarësuar: 4.2009	Un mendoj se qeveria duhet t'pajis' flotën me anije t'reja dhe apartura moderne dhe të bëjë vetë matjet në terren, sa për zërat qi qarkullojn' un nuk shqetësohem shum', gjithsesi mendoj se qeveria Shqiptare nuk duhet të bëjë marrveshje t këtilla me shtetin grek për sa kohë Greqia ka lënë ''zvarrë'' shumë çeshtje që kan t'bëjn me çamt dhe at' të ligjit të luftës, edhe ne duhet t'i lemë zvarr' çeshtje të tilla që prekin interasat e greqisë...Shqipria nuk ësht përfshir' në projektet e gazsjellsëve, pra ne nuk humbim gjë duke lënë vakume ligjore... le ti zvarrisim gjojnat siç bën irjm ja me Kosovën.

17.10.2009, 02:48	#10
ZANOR me zá Anëtarësuar: 3.2008	Unë jam shum i paqartë të them të drejtën, ekspertë që e mbrojnë paktin (e pa ratifikuar) nga njëra anë, po ekspertë që e kundërshtojnë nga ana tjetër. S'dimë kujt t'i zëmë besë. Por vetëm një gjë them, nëse edhe 1 metër katror det shqiptar shitet e falet te greku ky është turpi dhe tradhtia më e madhe që mund të ndodhë.

17.10.2009, 09:42	#11
mesdimr Anëtarësuar: 8.2006	Po "ekspertët" që po e kundërshtojnë kush janë? Edisudi?

Perëndimor: Caktimi i kufirit (detar) me Greqinë

Perëndimor: Caktimi i kufirit (detar) me Greqinë

Rreth marrëveshjes për kufirin (detar) me Greqinë